Post: #1
Title: خبر فضيحه يا عبدو!!
Author: abdalla elshaikh
Date: 05-13-2010, 10:37 PM
أصْدرت جامعة الجزيرة أمس، قراراً بفصل أستاذ بكلية الطب تسبب في تسريب أوراق امتحانات الأسبوع الماضي لبعض الطلاب.وقررت الجامعة بحسب بروفيسور الأمين عبد اللّه الخليفة مدير الجامعة إعادة الامتحانات مع المراقبة اللصيقة.
|
Post: #2
Title: Re: خبر فضيحه يا عبدو!!
Author: abdalla elshaikh
Date: 05-13-2010, 10:40 PM
Parent: #1
دا شنو دا ياعبدو??
|
Post: #3
Title: Re: خبر فضيحه يا عبدو!!
Author: abdalla elshaikh
Date: 05-13-2010, 10:44 PM
Parent: #2
إنتخابات مخجوجه يا عبدو وبرضو قطعناها في حشانا! ولكن!
|
Post: #4
Title: Re: خبر فضيحه يا عبدو!!
Author: abdalla elshaikh
Date: 05-13-2010, 10:47 PM
Parent: #3
سوق مواسير يا عبدو طلعنا منو أباطنا والنجم ولكن!!
|
Post: #5
Title: Re: خبر فضيحه يا عبدو!!
Author: abdalla elshaikh
Date: 05-13-2010, 10:50 PM
Parent: #4
قادة معارضه كلهم خبازيق وخوازيق ياعبدو! ولكن!
|
Post: #6
Title: Re: خبر فضيحه يا عبدو!!
Author: abdalla elshaikh
Date: 05-13-2010, 11:03 PM
Parent: #5
ولكن أن تأتينا ألكارثه في حقل ألتربية والتعليم فهذا تكسير عضام يا عبدو.. فقبل شهرين يا عبدو نهب أحد مدراء الـمدارس أموال تسجيل تلاميذ مرحلة ألأساس وقنجر بها لجهة غير معلومه يا عبدو!! فيا عبدو سوق ألـمواسير بيتعوض ! والإنتخابات الـمخجوجه بتتصلح! وقادة الـمعارضه ألخبازيق حانشوف غيرهم! ولكن لو ربنا تلـميذ خطأ سينشأ علي الخطأ وحينها يا عبدو لن نستطيع تـمزيقه والرمي في سلة الـمهملاتفأصحي يا عبدو
|
Post: #7
Title: Re: خبر فضيحه يا عبدو!!
Author: كمال سالم
Date: 05-14-2010, 00:26 AM
Parent: #6
ياود الشيخ دى نومة أهل الكهف
ما ظنيتو بصحى منها !
يمكن يصحى الكلب !
|
Post: #8
Title: Re: خبر فضيحه يا عبدو!!
Author: abdalla elshaikh
Date: 05-14-2010, 09:32 PM
Parent: #7
ألأخ كمال
إنت عارف عبدو دا بيذكرني بقصة{راجل من كوستي} إذ جلس هذا ألراجل أمام عمنا خليفة وبدأ يحكي له قصته مع الحرامي قائلا:-( تعرف يا عم خليفه أم بارح بالليل تلب علينا حرامي .. ألـمره دايره تكورك صميت ليها خشمها! وقوم يا الحرامي أفتح ألدواليب وستف البيت كلو! وأنا بعاين ليهو وبقول ليهو في سري تـموت بـمغصتك يا الحرامي لأني ما شغال بيك! فقام الحرامي إتحمق من معاينتي ليهو فقام قلبني أنا والـمره من السرير وشال الدهب كلو وأنا بس بعاين ليهو! وآخرتا دنقر في ألواطاه وشال شبشبي وجزمة ألـمره!! فإندهش عمنا خليفة قائلا:- { أهـه وعملت شنو??}
فرد رجل ناس كوستي قائلا:- { خشمي عندي! عليك ألله يا عم خليفه مش كتلتو بالـمغصه!!}
فإصحي يا عبدو
|
Post: #9
Title: Re: خبر فضيحه يا عبدو!!
Author: abdalla elshaikh
Date: 05-14-2010, 10:17 PM
Parent: #8
فيا عبدو ألتربية والتعليم ما لعب سياسة ولا هتافات علي شاكلة{ ألسد ألسد!! ألرد بالسد } فالتربية والتعليم مشروعها ألإنسان والذي هو أكثر شيئ جدلا !! فالإنسان لو باظ ما واطاتك أصبحت يا عبدو!!
فإ صحي يا عبدو
|
Post: #10
Title: Re: خبر فضيحه يا عبدو!!
Author: dardiri satti
Date: 05-15-2010, 07:00 AM
Parent: #9
عزيزي ،
الفساد هو الفساد وإن اختلفت أشكاله،
في ظروف الدكتاتورية والحكم الشمولي،
لن تجد غير الفساد.
تحياتي
|
Post: #11
Title: Re: خبر فضيحه يا عبدو!!
Author: Al-Shaygi
Date: 05-15-2010, 10:18 AM
Parent: #10
Quote:
عنده 4 كرعين وبيضبحوه في العيد وبيقول بااااااااااااااع،،، ده شنو؟؟؟
إعادة امتحان بإحدى كليات الطب بعد تسريبه
"صحيفة الصحافة "
الخرطوم/ مدني: سامي عبدالرحمن:
كشفت مصادر علمية متطابقة عن تسرب جزئي في الامتحان التحريري للممارسة السريرية «الطب الباطني» لطلاب الدفعتين 27 و 28 باحدي كليات الطب بجامعة ولائية ، ما اضطر ادارة الكلية الى الغاء الامتحان واعادته.
وابلغ احد اساتذة الكلية، فضل عدم ذكر اسمه، «الصحافة» ،انه عندما تم اكتشاف تسريب الامتحان تم على الفور اتخاذ قرار بالغاء الامتحان، منوها الى انهم سمعوا العديد من الطلاب يتحدثون عن الامتحان قبل الجلوس اليه، مشيرا ان اجابات الطلاب كانت نموذجية ومتطابقة، واضاف ان الاساتذة قاموا بابلاغ عميد الكلية الذي بدوره اصدر بيانا باعادة الامتحان الثلاثاء الماضي.
وفي السياق ، قال مسؤول رفيع بادارة الكلية، فضل حجب اسمه لـ «الصحافة» ، انه حال ثبوت تورط احد اساتذة الكلية او الموظفين في تسريب الامتحان «سيتم بتره تماما من الكلية»، ورأى ان سمعة كليته طبقت الآفاق ونالت اعترافا دوليا، مشددا علي ان امتحانات الطب تتعلق بأرواح الناس.
|
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #12
Title: Re: خبر فضيحه يا عبدو!!
Author: humida
Date: 05-15-2010, 11:20 AM
Parent: #11
| Quote: مع المراقبة اللصيقة. |
كيف يعني .. حيلعبوا معاهم مان تو مان .. 
|
|