Post: #1
Title: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-13-2010, 08:05 PM
Parent: #0
لا وصف لتلك اللحظات
حين تلتقيك امك بدموع الاشواق
وابوك يتأملك ثم يكفكف دموعه بطرف العمامة
ترتيبى الرابع بين اخواتى واخونى
فوزيه هى الكبرى
وبعدها دكتور حافظ
ثم صلاح
لكن لا في القبلى اوالبعدى من ابناء وبنات
من ارهقهم في تربيته غيرى
ليس في الطفولة المتمرده ومعها نزق الشباب فحسب بل حتى اونا في
الاربعينات من العمر ..
امى في السبعين وابى قد تجاوز الثمانين
اليوم التقيهم بعد 12 سنة من الغياب
وهذا لم يفعله بهم احد من الابناء اوالاحفاد
والاحفاد منهم من تزوج
لكن لا احد غاب عن عيونهم اكثر من عامين
وكم تشابكت دموعي اليوم
دموع فرحتى بلقياهم
دموع اعتذارى عن الغياب الطويل منهم
دموع ان اراهم وقد بلغو الكبر
يا لفرحتى و كم هي حسرتى
ويا دموع ما مضى لن يعود
|
Post: #2
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-13-2010, 08:20 PM
Parent: #1
رغم ذلك كم كنت محظوظ
فلقد حظيت بان اعيش منفردا مع امي وابى في الدوحة
حين كان والدى مغتربا في دولة قطر وقبل ان تلحقه والدتى
تم ارسالى الى الدوحة لان كل سبل الردع التى ما رسها عمى
الراحل بلول وقبله والدى لم تجدى نفعا بل صرت اشكل خطرا
لانى افعل ما اريد ولا يهمنى نوع وشكل العقاب
في تلك الفترة كنت قريب من امي شديد بل واصبحنا اصحاب
ووجدتنى هدى ورضي وكنت زاهيا بانى منفردا بها دون سائر الاخوة
وسوف اتى لاحقا لتلك الذكريات
|
Post: #3
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: rosemen osman
Date: 05-13-2010, 08:27 PM
Parent: #2
حمد لله على سلامتهم يا بدر ربنا يديهم الصحة العافية وما يحرمكم منهم
_________________
12 سنة..معقولة بس ؟؟؟
|
Post: #4
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Elawad
Date: 05-13-2010, 08:32 PM
Parent: #3
| Quote: حمد لله على سلامتهم يا بدر ربنا يديهم الصحة العافية وما يحرمكم منهم. |
|
Post: #6
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Osman Musa
Date: 05-13-2010, 08:39 PM
Parent: #3
بدر
سلامات
..
انا غايتو بحرش محمد سنى
عشان يزرزروك .
والليل كلو الزرزرة بتكون فى
جلبقة وصرف الدنانير .
راحت وين ؟
وكيف ؟
وليش ؟
وفى شنو ؟
غايتو شيل شيلتك .
وألف حمد لله على السلامة
|
Post: #5
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: احمد الامين احمد
Date: 05-13-2010, 08:36 PM
Parent: #2
مرحبا بالوالدين الكريمين فى الدوحه.....سمة التمرد فى الصبا ومطلع الشباب التى قذفت بك من أربجى الى الدوحه بعد فشل العقاب لازالت تلازمك عبر التمرد على السائد كما يتجلى فى الكثير من موضوعات بوستاتك التى تصل احيانا كثيرا حد الاستفزاز للسائد وعبرها كان طريقى شخصيا الى هذا المنبر لكن تلك قصة أخرى او كماقال محيميد فى مفتتح موسم الهجرة الى الشمال.
تربطنى علاقه عمل مؤقت مع بدر الدين لاعلاقة لها بالشهاد ة ادناه واشهد أن والديك الكريمين قد زرعا فى تكوينك قيما جميلة لاتشترى بمليارات الدولارات بل ترضعها عبر ثدى الام ومراقبة الوالد هذه القيم هى الكرم الحاتمى والاحتفال بالضيف مهما كثر العدد عبر الباب المفتوح والثريد المبذول وحسن الاستقبال لدرجة مسك الباب حتى يدلف او يخرج الجميع تحية طيبة لك ولوالديك والشكر الجزيل على حسن الوفادة لمست ماذكرت وأنا ضيف لمده يومين بدار بدر الدين أول هذا الصيف
|
Post: #7
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: أسامة البلال
Date: 05-13-2010, 08:46 PM
Parent: #5
يا بدر ياجافي رغم إنو شكلك بقول أنك زول حنين
المهم الحمد لله علي السلامة والذي جمعك بهما وربنا يعطيهما طول العمر والصحه والعافية
وخليك هدي وأسمع كلامم..سودان سودان ..عرس عرس
|
Post: #9
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: حاتم الفاضل
Date: 05-13-2010, 08:56 PM
Parent: #7
حمدا لله على السلامة
ومرحباً بهم وربنا يديهم الصحة والعافية
..........
معقولة بس نسمع الكلام على صفحات سودانيزأونلاين؟؟؟
|
Post: #48
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: هجو الأقرع
Date: 05-14-2010, 11:20 AM
Parent: #9
الاخ الكريم بدر الدين ، الف حمد لله على سلامة الوالد و الوالده ، امد الله فى عمرها بالخير و البركه ، غايتو بختك والله يا بدر .
طبرزه
ليست المرة الاولى التى تبكى فيها يا بدر تذكر فى احد الاعياد وانت شاب يا بدر و صعب عليك فراقهما............................ البقيه تمو انت .
|
Post: #8
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عبدالله ابوشوارب
Date: 05-13-2010, 08:50 PM
Parent: #2
الاخ العزيز بدرالدين
تحية بامتداد ما بيننا من مسافة وعمق ما بيننا من احترام
وعرض امالكم في ان تلتقي الوالد والوالدة وهما يرفلان في ثياب الصحة والعافية .
لعمري لحظات وصول الوالد او الوالدة اليك وانت في الغربة
من اكثر اللحظات لصقا بالذاكرة
لكم حاولت ان اجمع الوالد اطال الله عمره مع الوالدة رحمها الله في بيتي ،
عندما كنت بالامارات ولكن ذهبت كل محاولاتي ادراج الرياح
لكن لا زلت اذكر لحظات وصول كل منهما للمطارعندما ياتون الينا
همسة :
لا تنسي ان توثق كل لحظات تواجدهم معكم
واصل نحن في انتظار ذكريات الطفولة وايام الصبا
مع الوالدة والوالدة ومع الاهل والاصدقاء في شوارع اربجي الحنينة.
حمد الله علي السلامة مقدما واسعد الله ايامكم مع وافر تحياتي للوالد والوالدة.
عبدالله الرشيد ابوشوارب
|
Post: #10
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: معتصم مصطفي الجبلابي
Date: 05-13-2010, 09:08 PM
Parent: #8
حمدلله علي السلامة وربنا يخليهم ليكم ويمد في ايامهم
|
Post: #11
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-13-2010, 09:37 PM
Parent: #10
| Quote: 12 سنة..معقولة بس ؟؟؟ |
روزمين بابت بلدى
لا ادرى هل انا رضيت الغياب ام هو الذى اصطفانى
|
Post: #12
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-13-2010, 09:39 PM
Parent: #11
العزيز ولياب
وهل من شباك للاياب
|
Post: #13
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: خالد المحرب
Date: 05-13-2010, 09:50 PM
Parent: #12
الاخ بدر يا اخى رقم البعد فى ناس بكونو متواصلين مع الوالدين اكتر من الناس القريبين
انا اهنيك بهذا التواصل الممتد انا صاحب تجربه فعليك بى اجنتدكك تحياتى
|
Post: #15
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عماد الدين عبدالله
Date: 05-13-2010, 10:12 PM
Parent: #13
Quote: وكم تشابكت دموعي اليوم
دموع فرحتى بلقياهم
دموع اعتذارى عن الغياب الطويل منهم
دموع ان اراهم وقد بلغو الكبر
يا لفرحتى و كم هي حسرتى
ويا دموع ما مضى لن يعود |
اخي بدر الدين
الف الف الف حمد لله على السلامة
لقد احسست الفرحة بداخلك وانا اراك تجلس
بجانب والدك العزيز في الصالون
يا لفرحة اللقيا بعد غياب السنين
يا لها من لحظات لا تكفي الدموع فيها
عن التعبير عما بالدواخل
والما بيعرف بدرالدين ضاع من عمرو الكثير
لقد عشنا بعض فترات الصبا في اربجي الحبيبة
ويا لها من ايام
الف الف الف مرحب بوالدينا فهما والداي ايضا
بحكم الجيرة في اربجي وان شاء الله تكون ايامهم
في الدوحة كلها سعادة وهناء
تحياتي واحترامي
|
Post: #14
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-13-2010, 09:56 PM
Parent: #12
Quote: انا غايتو بحرش محمد سنى
|
عثمان
ياخى ما تكون محرض على العصيان
السنى صاحبى وفي صفي لكن المشكلة
في الملقوفة صاحبتى الرطانية احلام
وهبى الكانت في استقبالهم وبكت مع
اختى الصغيرة تهانى وكانت تعبر عن غيابى
الطويل منهم وعنهم ....
|
Post: #16
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-13-2010, 10:34 PM
Parent: #14
Quote: فشل العقاب لازالت تلازمك عبر التمرد على السائد كما يتجلى فى الكثير من موضوعات بوستاتك التى تصل احيانا كثيرا حد الاستفزاز للسائد وعبرها كان طريقى شخصيا الى هذا المنبر لكن تلك قصة أخرى او كماقال محيميد فى مفتتح موسم الهجرة الى الشمال.
|
اخى احمد الأمين
كم اوجعنني وابكانى حتى هذه اللحظة بكاء
أمي .............
وهي تحضننى وتتحسسنى كأنى طفلها الذى تود ان
ترضعه وتهدهه وتقص له القصص لينام
تنهدات:بعد امي وعناقنا وبكانا ودعواتها الماممكن
حصرها عدت الى والدى وهو حزب امة جناح وعى صلاح
عبد الرحمن على طه يا احمد تعال وسجل مع ابى عندو
تفاصيل جديرة بالتسجيل
|
Post: #17
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-13-2010, 10:43 PM
Parent: #16
| Quote: وخليك هدي وأسمع كلامم..سودان سودان ..عرس عرس |
ود البلال
شكلك مكشوف ليك مضمون الزرزرة
دا .. طرفي منك
|
Post: #18
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-13-2010, 10:48 PM
Parent: #17
Quote: ..........
معقولة بس نسمع الكلام على صفحات سودانيزأونلاين؟؟؟ |
سعادة المستشار حاتم الفاضل
انت الوحيد الكنت عارف خوفي من هذه الليلة
|
Post: #19
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Hamid Sharif Abdelrasoul
Date: 05-14-2010, 00:21 AM
Parent: #18
حمد لله على سلامتهم يا بدر ربنا يديهم الصحة العافية وما يحرمكم منهم
|
Post: #20
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: احلام وهبي
Date: 05-14-2010, 01:16 AM
Parent: #19
صديقي بدر
الف حمدالله علي سلامة الوالد والوالدة
وربنا يديهم الصحة والعافية
ومنورين الدوحه
اها يلا يا بدر ارجي الراجيك من الزرزرة
|
Post: #21
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Deng
Date: 05-14-2010, 02:28 AM
Parent: #20
حمد الله على سلامة الوالدين يا بدر.
بس أبعد منهم الظلامي معتز القريش وقول ليهو الجماعة ديل جايين إجازة من الظلاميين بتاعين السودان.
|
Post: #22
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: معتز القريش
Date: 05-14-2010, 05:24 AM
Parent: #21
الحمد لله على السلامة
|
Post: #23
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 07:31 AM
Parent: #22
Quote: واصل نحن في انتظار ذكريات الطفولة وايام الصبا
مع الوالدة والوالدة ومع الاهل والاصدقاء في شوارع اربجي الحنينة.
حمد الله علي السلامة مقدما واسعد الله ايامكم مع وافر تحياتي للوالد والوالدة.
|
عبدالله الرشيد ابوشوارب
لو انت ود ابوشوارب مدير مدرسة اربجي الغربية في ذلك الزمان
يبقى ليك في اربجي ذاكرة مكان وذكريات احباب ووالدك له اثر تربوى
تتحدث عنه الاجيال
احكى ليك واحدة من من ايام نزق الشباب
كنا في الدوحة انا وبن عمى سمير على الامير
نذهب بالصباح كي نشرب الجبنة مع امي وامي
وناسة جدا وكما تعلم عند معظمنا التدخين امام
الام شىء عادي وفي نفس الوقت الرعب بكل الرعب
ان يعرف والدك بامر تدخينك المهم في يوم انا
وسمير شربنا الجبنة مع الوالدة وغادرنا كالعادة
قبل حضور ابى لكن نسينا علبة السجار في اليوم التالى
حضرنا وجالسين معها في الونسة فتحت الدولاب واخرجب علبة
السجار وقالت امس نسيتو هنا وابوك لمن جا سالنى دا حق منو
قلت ليهو حق بدرالدين وسمير قمت انا وهجت يامي كيف تقولى
لابوى دا سجارى وكلام كتير وبعد ماسكت قالت عاد ياولدى عشان
اضارى عليك بدورنى اقول لابوك اني بقيت اسجر
ومن يومها تركنا برنامج القهو الصباحى مع امى
ولاكثر من شهر كنا نتجنب لقاء الوالد رغم ان امى
قالت لى ابوك من زمان عارف انك بتسجر
تخيل العبط بدخن ويراك الجميع و منهم
والدتك وفي نفس الوقت مصدق ان والدك
ماعارف ولا ينبغى له ان يعرف
|
Post: #24
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 07:34 AM
Parent: #23
| Quote: حمدلله علي السلامة وربنا يخليهم ليكم ويمد في ايامهم |
معتصم
ياخي ربنا يمد في ايامك ويمتعك بالصحة والعافية
|
Post: #25
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 07:46 AM
Parent: #24
Quote: الاخ بدر يا اخى رقم البعد فى ناس بكونو متواصلين مع الوالدين اكتر من الناس القريبين
انا اهنيك بهذا التواصل الممتد انا صاحب تجربه فعليك بى اجنتدكك تحياتى |
صديقى العزيز ود المحرب
بالامس كان معى صديق عمرى عبدالمنعم الفكى
وكان متجنب ان يشهد منظر اللقاء الاول مع
امى وابى ولمن جانى بالمساء حكيت له تفاصيل
اللحظات وبرضو كنت ببكى فسخر مني وقال بكاك
امام امك وابوك معروف سببو لكن بكاك الان امامى
دا بكا زول خايف من الزرزرة ... ضحكت انا وقلت له
تصدق امتع لحظة حين ذهب والدى للصلاة وجريت بسرعة
على السيارة واشعلت سجارة وانا اترقب عودة والدى
وكانى عدت لايام النزق الاولى
|
Post: #26
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 07:54 AM
Parent: #25
Quote: الف الف الف مرحب بوالدينا فهما والداي ايضا
|
دكتور عماد
ياصديق الطفولة
كنت سعيد وانا اسمع ابى يحكى لك عن والدك والمناسبات الاجتماعية
الاخيرة في اربجي وحين كان يرمقنى بنظاراته كانى به يقول لى دا
صاحبك عماد عقل واصبح اكثر من رزين متى تعقل انت
|
Post: #27
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 08:04 AM
Parent: #26
| Quote: حمد لله على سلامتهم يا بدر ربنا يديهم الصحة العافية وما يحرمكم منهم |
العزيز وغالى
Hamid Sharif Abdelrasoul
يديك انت الصحة والعافية وينولك في مرادك
|
Post: #28
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 08:10 AM
Parent: #27
| Quote: اها يلا يا بدر ارجي الراجيك من الزرزرة |
الملقوفة صديقتى العزيزة
لقياك انت والسنى لامى وابى في المطار كان عندى بالدنيا
ربنا يدوم المحبة والصفاء بيننا
|
Post: #29
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 08:17 AM
Parent: #28
| Quote: بس أبعد منهم الظلامي معتز القريش وقول ليهو الجماعة ديل جايين إجازة من الظلاميين بتاعين السودان. |
صديقى دينق
ديل ناس حزب امة وامى والدها حارب مع المهدى
يعنى الظلامى لو جا حايم بفطسو
|
Post: #30
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 08:22 AM
Parent: #29
| Quote: الحمد لله على السلامة |
ابو امنية
حاجة الحرم وصلت وانت عارف علاقتها بلبيد بدرالدين
تعل وجيب ليها بتها مستننك على الغداء
|
Post: #31
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: محمد سنى دفع الله
Date: 05-14-2010, 08:32 AM
Parent: #29
يفطسوا
انت يا بدر الدين لسه قايل الدنيا مهدية
البهبش صاحبي معتز منو ؟ الحاج ربنا يطول في عمرو ويديهو العافيةوالصحة ،،
سمعنا تحت تحت ابوك سأل وقال صاحب بدرالدين البعرس طوالي وينو ؟
اخوانك كلهم بي صوت واحد ردو
: في !
ما بجيني
: بالحيل يجيك لي عندك
قلت لي يا ولدي البلوله اسمو منو دحين ما اسمو عزو .
البلوله : لا اسمو معتز لكن نسوانو الأربعة بقولوا ليهو عزو وتاس ولدك بدرالدين بقولوا ليهو الظلامي
ظلاممي اخوك الماشاف صباح النسوان الأربعة
ودنقر ورفع راسه واصلح من عمامته
وبدأت الزرزرة!!!
|
Post: #32
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 08:55 AM
Parent: #31
Quote: سمعنا تحت تحت ابوك سأل وقال صاحب بدرالدين البعرس طوالي وينو ؟
اخوانك كلهم بي صوت واحد ردو
: في !
ما بجيني |
حتى انت يالسنى
|
Post: #33
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: محمد سنى دفع الله
Date: 05-14-2010, 09:03 AM
Parent: #32
انا معاك يا صاحبي بدرو
ربنا يديهم الصحة والعافية ويعيشوا الفرحة
كاملة في دوحة الخير
عليك الله يا بدرو اديهو لفة في منطقة الابراج
عشان يعرف البلد دي خلاها وين
ووصلت وين،، ماس ابوي ديل كانو لمن يكونوا في السوق ويعاينو في الأفق
بشوفوا للجميلية
بلد صي وخلا
اقول ليك اشغلوا ما تديهو فرصة
للزرزرة
وابعد الملقوفة من طريقهم
حدها اخواتك
بس
انا معاك
|
Post: #34
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: شكرى سليمان ماطوس
Date: 05-14-2010, 09:07 AM
Parent: #32
حمداً لله على سلامة الوصول
و ربنا يجمع شمل كل البعيدين
هنيئاً لكم بهمــا
و ربنا يديهم طول العمر
و يمتعهم بالصحة و العافية ...
الدوحة إزدانت بهما نوراً و عبقاً و بركة
ش
|
Post: #35
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 09:17 AM
Parent: #34
Quote: اقول ليك اشغلوا ما تديهو فرصة
للزرزرة
وابعد الملقوفة من طريقهم
حدها اخواتك
بس
انا معاك |
السنى
عافي منك ياخى ريحتنى
والملقوفة يجب ان تسافر اليوم قبل بكرة
دى الزول الوحيد الانا خيف منو ومابضمنو
السنى ياخى اديها اجازة شهر المهم اخدمني
في هذا الطلب انا مش صاحبك وطوالى واقف معاك
|
Post: #37
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 09:22 AM
Parent: #35
Quote: حمداً لله على سلامة الوصول
و ربنا يجمع شمل كل البعيدين
هنيئاً لكم بهمــا
و ربنا يديهم طول العمر
و يمتعهم بالصحة و العافية ...
|
شكرى يا هندسة المد الانسانى شكرى لك
ولصادق امنياتك ودعواتك
|
Post: #38
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: هاشم أحمد خلف الله
Date: 05-14-2010, 09:26 AM
Parent: #34
الأخ العزيز بدر الدين الأمير الف حمداً لله على سلامة الوالدة والوالد
وربنا ما يبعدهم عنك ولا يبعدك انت عنهم
بدرالدين معذرة بس استوقفتني هذه العبارة
Quote:
روزمين بابت بلدى
لا ادرى هل انا رضيت الغياب ام هو الذى اصطفانى
|
يا سلام لم تطلع الجملة بهذه الأناقه التلقائية .
|
Post: #36
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: محمد خليل ساني
Date: 05-14-2010, 09:21 AM
Parent: #1
جمعة مباركة
حمدالله على سلامة الحجاج يا بدور القلعة
ياخ إنت فى نعمة كبيرة والحمدلله
أبوك وأمك معاك فى دوحة الخير ده أجمل خبر
ربنا يبارك فى عمرهما ويسعدك بهما كمان وكمان
وإنشاء الله توقع زيارة قريب من الأسره
|
Post: #39
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 09:29 AM
Parent: #36
Quote: جمعة مباركة
حمدالله على سلامة الحجاج يا بدور القلعة
ياخ إنت فى نعمة كبيرة والحمدلله
أبوك وأمك معاك فى دوحة الخير ده أجمل خبر
ربنا يبارك فى عمرهما ويسعدك بهما كمان وكمان
وإنشاء الله توقع زيارة قريب من الأسره |
محمد ياخليل المودة والانسانية
تقديرى لك وللمدام بس ياخى ساعدنى
ولم عيلك قريبتك الملقوفة احلام وهبى
وانا والسنى مستعدين لكل شروطك
|
Post: #40
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: محمد خليل ساني
Date: 05-14-2010, 09:32 AM
Parent: #39
Quote: محمد ياخليل المودة والانسانية
تقديرى لك وللمدام بس ياخى ساعدنى
ولم عيلك قريبتك الملقوفة احلام وهبى
وانا والسنى مستعدين لكل شروطك |
قريبتي دي ديتها سااااااهله
صحن ملوحة بقراصة من صاج فخار كااااارب
وشرط اساسي السني ما يكون موجود
بعدها بنشوف الدواء كان كيف
ووقتها قول لى النتيجة
وأكييييييد النتيجة فى مصلحتك ومصلحة السني
عظيم التحايا للوالد والوالدة
|
Post: #41
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: haroon diyab
Date: 05-14-2010, 09:37 AM
Parent: #40
الف حمد الله علي السلامة يامدير
ومتجمعين دائما علي الخير
وربنا لايفرق بينكم تاني ابدا
نجيهم المغرب بالدرب عديييييييييييل
تحياتي
|
Post: #42
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 10:01 AM
Parent: #41
Quote: وربنا ما يبعدهم عنك ولا يبعدك انت عنهم
[/QUOTE
هاشم
ولله صدقت بل ولخصتنى
|
Post: #43
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 10:06 AM
Parent: #42
Quote: نجيهم المغرب بالدرب عديييييييييييل
|
هارون دياب
ام امنية تجى وهي صاحبة واجب وعلى العين والراس
اما انت والحاقدة الملقوفة احلام وهبى لا والف لا
عارفكم دايرين تشوفو فينى يوم وتساعدو على زرزرتى
|
Post: #44
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: احلام وهبي
Date: 05-14-2010, 10:35 AM
Parent: #43
بدر ياصديقي
امك و بوك خلاس بقوا اصحابي من لحظة وصولم الدوحة ( يعني بقينا فرد)
وانت بالعربي كده صلح علاقاتك معاي احسن ليك يا بدر
|
Post: #45
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عزام حسن فرح
Date: 05-14-2010, 10:57 AM
Parent: #44
(12) سنة ... (12) سنة ... والله لو الله سهل وجيت المدينة (الدوحة) بزور السَيِد والدكم وبحاوِل أقْنِعو هو والسَيِدة والدتكُم يِنزِلو في بيتي ... ايه الفرق يعني إنت ما شفتهُم (12) سنة وأنا ما شفتهُم خالِص؟ وكمان في ظني إنو وضعي أفضل منك ، على الأقل عِندي عُذُر إني ما بعرِفُم!
حمدلله على السلامة ... أُخُد إجازة مفتوحة يا بدرالدين وقنِب مع الناس دي صباح ومساء ، بلا شرِكة معاك بلا ترجمة
|
Post: #46
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: نجلاء قرافي
Date: 05-14-2010, 11:13 AM
Parent: #45
اخي بدر
اي موضوع فيهو سيرة ام واب بجي خاشه تووش
اولاً
حمدلله علي سلام والدينك وربنا ينيلك رضاهم والتمتع بدفء قربهم.
ثانياً
كيف ارتضيت ان تبعد 12 عام عن حضن الوطن معقوله ده عقوق كبير
تحياتي
|
Post: #49
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بشير أحمد
Date: 05-14-2010, 11:33 AM
Parent: #46
الاخ/بدر الدين
تحياتي ؛؛؛
حمد لله علي سلامة الوالد والوالدة ؛
12 سنة يامفتري ما شفتهم ؟ ده قلب شنو ياخي ...
ما تقول لي ظروف العمل
انت عارف سنة واحدة شايفنها كتيرة في الغربة الزفت دي ؛
غايتو ...
انا لو منهم بصقعك في راسك الكبير ده ؛
ولو عملها نيابةً عنهم معتز القريش بيكون ما قصر تب والله .
المرة دي نشوفك في الخرطوم ؛وتقطع البحر اللحمر عوم .
شوفة الاهل في السودان حاجة جميلة والله .
________
وتحياتي تاني للوالد والوالدة .
|
Post: #47
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عبدالكريم الامين احمد
Date: 05-14-2010, 11:19 AM
Parent: #43
هلا يا كهل يا اربجي
وحمد الله علي سلامة الوالدين..
ومن بكرة دي شايل لي راس سكر وكم رطل بتاعة بن كده وقليلا من الهبهان وماشي للخالة اشرب معاها الجبنة واتونس
وبعد حق الله وبق الله اسلمها ملفك كلوووو صرة في خيط في البلد دي والبلدان المجاورة..
وانا عارف الخالات ديل عاوزات صراحة وشفافية وانت عارفني ما بقصر وبردمك ملفات لمن اتكيف في حناني ده
من تداعياتها حيث الزرزرة والكاني ماني ...
وبعد هذه الجلسةمع الخالة ح اتحول الي مجلس الوالد واقدم ليهو المقترح الذهبي بتاعي
وضرورة انهم ما يرجعو من البلد دي الا وانت معاهم...ولو احتاجو لمساعدة مع قوة راسك دي
فان فكي قوبي جاهز موية ونور علي تكسير راسك القوووووووووي ده
وترجع اربجي خلاص تشوف ليك جرف مطرف تتلما عليهو كدنكات وكديب تقيل...كان الله يتوب عليك يا مسخوت لوووووووول
------------------------------
قمة السعادة يا بدر ان يكون معاك ابوك وامك في البلد دي..
وانتم السابقون ونحن اللاحقون قريبا باذن الله..
|
Post: #50
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: doma
Date: 05-14-2010, 01:23 PM
Parent: #47
حمدا لله علي سلامه وصولهما
اتمني لكم اوقات طيبه معهما
|
Post: #51
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عمر سعد
Date: 05-14-2010, 02:13 PM
Parent: #50
اولا الف حمد لله على السلامه
وربنا يقدرنا نزورهم ونقوم بالواجب .....
وخليك ..معاهم اكبر وقت ممكن .....................
اى خدمات فى (المجال ) نحن جاهزين مويه ونور ....
والله يديهم الصحه.... وطوله العمر ..واياك...
|
Post: #52
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: SHIBKA
Date: 05-14-2010, 06:01 PM
Parent: #51
حمد الله على سلامة الوالد والوالدة يابدر الدين
|
Post: #53
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: الفاتح ميرغني
Date: 05-14-2010, 06:11 PM
Parent: #52
صديقي البدر
الف حمدالله على سلامتم مع امنياتي لهم بطيب الإقامة، ولك بدفئا يعوض سنين الغربة والإرتحال القلق!
محبتي
|
Post: #54
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Osman Musa
Date: 05-14-2010, 06:20 PM
Parent: #52
عاين يا السنى .
عليك الله شعلل الزرزرة .
وكمان خليها أونلاين .
يا أخى تفطيس تفطيس .
|
Post: #55
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 11:50 PM
Parent: #54
| Quote: حمدلله على السلامة ... أُخُد إجازة مفتوحة يا بدرالدين وقنِب مع الناس دي صباح ومساء ، بلا شرِكة معاك بلا ترجمة |
انا ياحليلى حتى الرطانة من احلام وهبى الى عزام فرح اتلمو على
وبزرزرو فينى بل وبدونى توجيهات
|
Post: #56
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-14-2010, 11:57 PM
Parent: #55
Quote: ثانياً
كيف ارتضيت ان تبعد 12 عام عن حضن الوطن معقوله ده عقوق كبير |
حتى انتى يانجلاء جاية تزرزرى
على العموم الزرزرك فى امر والديك
بقدرك وكم اقدر مرورك وكلماتك
|
Post: #57
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-15-2010, 00:05 AM
Parent: #56
Quote: طبرزه
ليست المرة الاولى التى تبكى فيها يا بدر تذكر فى احد الاعياد وانت شاب يا بدر و صعب عليك فراقهما............................ البقيه تمو انت . |
العم هجو الاقرع
بما انك دفعة عمى الراحل على الامير
اكيد كنت بتعرف والدى وبتعرف الكثير
عن طفولتى بس حاجاتى انا نديدى محمد
هجو انت مابتعرفها بس حانحكي عنك بعد
خرفك القرب
|
Post: #58
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-15-2010, 00:12 AM
Parent: #57
Quote: انت عارف سنة واحدة شايفنها كتيرة في الغربة الزفت دي ؛
العزيز بشير احمد
انت لو مشيت النسة الاولى حا تمشى الباقيات
بعداك فتشت على البحاسبك وكيف مضت تلك السنين
|
Post: #59
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-15-2010, 00:17 AM
Parent: #58
Quote: هلا يا كهل يا اربجي
وحمد الله علي سلامة الوالدين..
ومن بكرة دي شايل لي راس سكر وكم رطل بتاعة بن كده وقليلا من الهبهان وماشي للخالة اشرب معاها الجبنة واتونس
وبعد حق الله وبق الله اسلمها ملفك كلوووو صرة في خيط في البلد دي والبلدان المجاورة..
وانا عارف الخالات ديل عاوزات صراحة وشفافية وانت عارفني ما بقصر وبردمك ملفات لمن اتكيف في حناني ده
من تداعياتها حيث الزرزرة والكاني ماني ...
وبعد هذه الجلسةمع الخالة ح اتحول الي مجلس الوالد واقدم ليهو المقترح الذهبي بتاعي
|
كيكى
الماك لعين
ياخى انا داير اوقع معاك اتفاقية سلام
برعاية ضحية واشراف محمد عبدالرحمن
وبضمانات المهندس خليل
|
Post: #60
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-15-2010, 00:20 AM
Parent: #59
Quote: حمدا لله علي سلامه وصولهما
اتمني لكم اوقات طيبه معهما |
زينب الفحل
سوف اهاتفك في احضرة امى التى حدثتك عنها كثيرا
|
Post: #61
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-15-2010, 00:24 AM
Parent: #60
Quote: وخليك ..معاهم اكبر وقت ممكن .....................
اى خدمات فى (المجال ) نحن جاهزين مويه ونور ....
والله يديهم الصحه.... وطوله العمر ..واياك... [/QUOTE
عمر سعد
دوما اصيل في مدك الانسانى
تقديرى لك
|
Post: #62
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-15-2010, 00:27 AM
Parent: #61
| Quote: حمد الله على سلامة الوالد والوالدة يابدر الدين |
شبكة
كتر خيرك كتير
بس البحلنى انا شنو من زرزرة امى وابى
يالها من شبكة
|
Post: #63
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-15-2010, 00:30 AM
Parent: #62
Quote:
صديقي البدر
الف حمدالله على سلامتم مع امنياتي لهم بطيب الإقامة، ولك بدفئا يعوض سنين الغربة والإرتحال القلق!
محبتي |
الفاتح ياصديقى
نحن نمشى للخلف وهم يمضون للامام
|
Post: #64
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بهاء بكري
Date: 05-15-2010, 00:45 AM
Parent: #63
نفذوا وابحثوا عن التبريرات المناسبة
حمدلله علي سلامة الوصول ونتمني لبت المك وزوجها طيب الاقامة
|
Post: #65
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عزام حسن فرح
Date: 05-15-2010, 05:32 AM
Parent: #64
Quote: انا ياحليلى حتى الرطانة من احلام وهبى الى عزام فرح اتلمو على
وبزرزرو فينى بل وبدونى توجيهات |
إتْ يِزَرْزِرك الزرزر البشير ... قول آمين
|
Post: #66
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: محمد طه الحبر
Date: 05-15-2010, 06:30 AM
Parent: #65
بركه الشفت والديك بصحه
وأتمني لهم إقامه طيبه
وجايك يا الأمير راجع
|
Post: #67
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عبدالرحيم أبراهيم العبيد
Date: 05-15-2010, 06:54 AM
Parent: #66
حمد لله على سلامتهم يا بدر
ربنا يديهم الصحة العافية
وما يحرمكم منهم
|
Post: #68
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: طارق ميرغني
Date: 05-15-2010, 07:11 AM
Parent: #67
الف الف حمد الله علي السلامه اخي بدر الدين
اتمني لهم طيب الاقامة مع اناس يحترمون البشر
بلغهم تحيه خاصه مني واسالهم بالله عن اهلينا هناك
متاكد من معرفتهم التامه بهم
خلينا نحن خربانين ساكت
|
Post: #69
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عفاف الصادق بابكر
Date: 05-15-2010, 08:58 AM
Parent: #68
بدر الدين .. يسعد صباحك وانت بصحبة من يقودك الى الجنة ..
Quote: وكم تشابكت دموعي اليوم
دموع فرحتى بلقياهم
دموع اعتذارى عن الغياب الطويل منهم
دموع ان اراهم وقد بلغو الكبر
يا لفرحتى و كم هي حسرتى
ويا دموع ما مضى لن يعود |
يا الله .... يا بدر الدين ..
والله دي لحظات ما حا تضيع من مخيلتك طول ما انت عايش ..
استفيد يا بدر الدين من كل ثانية وهم معاك وعوضهم فرق السنين الانت بعيد فيها منهم ..
صدقني ربنا اكرمك ورسلهم ليك في عمر زي ده .. وفرصة وجاتك لحدي عندك اوع تضيعها ..
أسأل الله ان يطول في عمرهم ويسعدو معاك بكل لحظة جميله ..
تحيات وسلام كتيييير للوالد والوالدة ..
وعليك الله تسلم لي على الحنينه الوالده الحرم في رأسها ...
ولما تكون قريب منها رن علي ..
تحياتي لكل من معك ..
|
Post: #70
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: MOHAMMED ELSHEIKH
Date: 05-15-2010, 09:54 AM
Parent: #69
أولا بقول حمد الله على سلامة الوالدين وربنا يديهم طولة العمر
ثانيا : ياخي و الله الواحد ما عارف يزعل و لا يعضي شلاليفو ولا يسوي شنو؟
يا خي ربنا أكرمك بوجود والدين حبيبين على مسافة 3000كلم و ثلاث ساعات بالطيارة تجي تقول 12 سنة؟
و الله العظيم لا يوجد أي عذر يخليك تتخبى وراءه
انا شخصيا توفيت والدتي قبل عام واحد
وانا عايش من 10 سنوات خارج السودان ولكن لم استطع الغياب سنة واحدة من رؤيتها والأستمتاع بالأنس معها بل وصل الأمر في السنين الأخيرة أن أزورها كل ست أشهر فقط.
ما تقول لي الظروف المادية: انا متأكد انو ظروفك ما ها اسجم من ظروفي .
ما تقول لي الأنقاذ : دي شماعة لن تقنع أحد لأنو صاحبك دينق ذاتوووو قاعد يمشي السودان.
رسل لي تلفونك خليني اتكلم مع الحجاج ديل يجروك معاهم و لو مفلس انا بدي تعليمات لي ناس الدوحة لعمل اللازم و لو ما عملوهو نحن لها(ههههه)
ياخي دي كلام ما كويس
|
Post: #71
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: ismeil abbas
Date: 05-15-2010, 10:04 AM
Parent: #69
يا أخى الف حمدآ لله على سلامتهم والحمدالله إنك قابلتهم بخير وربنا يديك رضاهم يارب..
بس خليك تحت رجليهم....والواعى مابوصوا..عوض أيام البعاد.
تقديرى..
|
Post: #72
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عبد اللطيف السيدح
Date: 05-15-2010, 10:13 AM
Parent: #71
حمدًاً لله علي سلامة وصولهما
|
Post: #73
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عبدالكريم الامين احمد
Date: 05-15-2010, 10:15 AM
Parent: #71
Quote: كيكى
الماك لعين
ياخى انا داير اوقع معاك اتفاقية سلام
برعاية ضحية واشراف محمد عبدالرحمن
وبضمانات المهندس خليل |
يازول الثلاثة ديل كلهم ناسي تببببب فعشان كده انا املكهم شروطي السرية والعلنية
وبسس خليهم يجو البوست..
وحتي ذلك الوقت مطلوب منك توقف اطلاق النار فورا.. وقرض علي كيكي الما لعين دي وصلحها لي زيادة بالله..
وكسر لي تلج تلجين لحدي من الوساطة دي تبين لوووووووول
|
Post: #74
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: khaleel
Date: 05-15-2010, 11:11 AM
Parent: #73
يا سلام يا بدر
اللقيا عاد ما اجملا
والله من يوم الرحيل لا شوفتك السمحة اتلقت
لا شوقي قال للدمعة لا
والليلة بشوفة الجميل حياتي تبقي مكحلة
حتما ناتي ولو حبوا لنلقي التحية عليهما
وساحكي لهم عن كل التنهدات
|
Post: #75
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: مشاعر بدوي
Date: 05-15-2010, 12:29 PM
Parent: #74
اخونا العزيز بدرالدين .....
اخبرنى محمود بوصول الحجاج ، فلك ولهم تحياتى
والحمد لله على سلامة وصولهم
وانشاء الله دائما مجتمعين فى السمح
وربنا يحفظهم ليك ويحفظك لهم
اتوقع تلفون منى لان 12 سنه تستحق الاتصال
|
Post: #76
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Masoud
Date: 05-15-2010, 06:21 PM
Parent: #75
الحمد لله على سلامة الوالدين.
إشارة رضاء من ود أب زيد.
ما زالت فيك بعض البركة يا بدر الدين.
تحياتي لكل الأسرة
|
Post: #77
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: doma
Date: 05-16-2010, 05:41 AM
Parent: #76
Quote: زينب الفحل
سوف اهاتفك في احضرة امى التى حدثتك عنها كثيرا |
مرحبا بمهاتفتك في حضورها
اتمني سماع صوت حاجه الحرم
بلغها عني اجمل التحايا
|
Post: #78
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: الصادق خليفة
Date: 05-16-2010, 06:07 AM
Parent: #77
ربنا يمد في ايامهم في طاعته\
ألف حمد الله على سلامتهم
Quote: صديقى دينق
ديل ناس حزب امة وامى والدها حارب مع المهدى
يعنى الظلامى لو جا حايم بفطسو |
قرض علي كده
النار تلد ---- وش ضاحك
|
Post: #79
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: محي الدين الريس
Date: 05-16-2010, 06:16 AM
Parent: #78
أبو لبيد
حمد الله على السلامة .. وإن شاء الله نشوفك معاهم في أربجي ..بتكون في البيت الساعة كم أو أرسل لي تلفونهم على الخاص
|
Post: #80
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Faisal Al Zubeir
Date: 05-16-2010, 06:57 AM
Parent: #79
(وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيراً ) [الإسراء: 23 ، 24]
......
الوجيه: ود الامير، تحياتي،
مرحبا بهما ، ودوام الفرحة بوجودهما معك،فرحة لا تعادلها فرحة في الدنيا، ورضا الوالدين هي بركة الابناء .
|
Post: #81
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 03:54 PM
Parent: #80
الاصفياء لكم تقديرى
وراجع ليكم فردا فردا
|
Post: #82
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:06 PM
Parent: #81
| Quote: وانت بالعربي كده صلح علاقاتك معاي احسن ليك يا بدر |
احلام صاحبتى الملقوفة
حتى لو صلحت علاقتى من وين اضمن لقافتك
|
Post: #83
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:06 PM
Parent: #81
| Quote: وانت بالعربي كده صلح علاقاتك معاي احسن ليك يا بدر |
احلام صاحبتى الملقوفة
حتى لو صلحت علاقتى من وين اضمن لقافتك
|
Post: #84
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:12 PM
Parent: #83
Quote: نفذوا وابحثوا عن التبريرات المناسبة
|
بها بكرى
بطل فتن من غير كدا محمد عبدالرحمن طالع لينا في راسنا
|
Post: #85
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:17 PM
Parent: #84
Quote: بركه الشفت والديك بصحه
وأتمني لهم إقامه طيبه
|
ود الحبر
اهلا بيك وتقديرى لصادق دعواتك
|
Post: #86
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:21 PM
Parent: #85
Quote: حمد لله على سلامتهم يا بدر
ربنا يديهم الصحة العافية
وما يحرمكم منهم |
عبدالرحيم العبيد
ياخى الرحمة والمودة تغشاك وين ما تقبل
|
Post: #88
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:25 PM
Parent: #86
Quote: الف الف حمد الله علي السلامه اخي بدر الدين
اتمني لهم طيب الاقامة مع اناس يحترمون البشر
بلغهم تحيه خاصه مني واسالهم بالله عن اهلينا هناك
متاكد من معرفتهم التامه بهم
خلينا نحن خربانين ساكت |
طارق الفنون
شكرا صديقى وحا اهاتفك في حضرة الوالد
عشان يوقع ليك حكاية اهلك البهناك وهو رجل نسابة
|
Post: #87
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: نجوان
Date: 05-16-2010, 09:24 PM
Parent: #85
حمدالله على سلامة الوالدة والوالد يا بدر الدين..
يديهم الصحة والعافية ويمتعّك برفقتهم..
|
Post: #89
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: معاذ الفحل
Date: 05-16-2010, 09:25 PM
Parent: #83
حمدا لله على سلامة الوصول
وحمدا لله الذى طمأنك عليهم وطمنهم عليك
ما اسعدك بهم وما اسعدهم بك
معاذ الفحل
من بورداب الدوحة جديد لنج
|
Post: #90
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:28 PM
Parent: #89
Quote: صدقني ربنا اكرمك ورسلهم ليك في عمر زي ده .. وفرصة وجاتك لحدي عندك اوع تضيعها ..
|
عفاف
ياصادقة المد الانسانى صدقتى
|
Post: #91
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Tragie Mustafa
Date: 05-16-2010, 09:29 PM
Parent: #89
يا بختك يا بدر الدين
سلم عليهم وتمتع برفقتهم.
|
Post: #92
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:40 PM
Parent: #91
العزيز
MOHAMMED ELSHEIKH
Quote: أولا بقول حمد الله على سلامة الوالدين وربنا يديهم طولة العمر
ثانيا : ياخي و الله الواحد ما عارف يزعل و لا يعضي شلاليفو ولا يسوي شنو؟
يا خي ربنا أكرمك بوجود والدين حبيبين على مسافة 3000كلم و ثلاث ساعات بالطيارة تجي تقول 12 سنة؟
و الله العظيم لا يوجد أي عذر يخليك تتخبى وراءه
انا شخصيا توفيت والدتي قبل عام واحد
وانا عايش من 10 سنوات خارج السودان ولكن لم استطع الغياب سنة واحدة من رؤيتها والأستمتاع بالأنس معها بل وصل الأمر في السنين الأخيرة أن أزورها كل ست أشهر فقط.
ما تقول لي الظروف المادية: انا متأكد انو ظروفك ما ها اسجم من ظروفي .
ما تقول لي الأنقاذ : دي شماعة لن تقنع أحد لأنو صاحبك دينق ذاتوووو قاعد يمشي السودان.
رسل لي تلفونك خليني اتكلم مع الحجاج ديل يجروك معاهم و لو مفلس انا بدي تعليمات لي ناس الدوحة لعمل اللازم و لو ما عملوهو نحن لها(ههههه)
ياخي دي كلام ما كويس |
القيتك شديد ولضيض في الزرزرة
ياخى كل الامر ان امى فاتت خلتنى هنا وانا من الزمن داك
مستنى عودتها وجاي انت تعملها لى كسور وبواقى معارضة وفلس
هى مشت تستنانى هناك وانا كنت مستنيها هنا يعنى اختلاف مواقيت
تم تعديله بعد 12 سنة ههههههههههه
|
Post: #93
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:49 PM
Parent: #92
العزيز
ismeil abbas
Quote: بس خليك تحت رجليهم....والواعى مابوصوا..عوض أيام البعاد.
|
كم هو مرير بكاء مامضى ولن يعود ولن يعوض
|
Post: #94
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 09:55 PM
Parent: #93
| Quote: حمدًاً لله علي سلامة وصولهما |
عبداللطيف السيدح
تسلم على كريم مرورك
|
Post: #95
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عماد الشبلي
Date: 05-16-2010, 10:04 PM
Parent: #94
الان طلع البدر ..
مرحبا ام بدر ..
مرحبا ابو بدر ..
وانشاء الله بدري من عمرهم ..
|
Post: #96
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 10:19 PM
Parent: #94
Quote: يازول الثلاثة ديل كلهم ناسي تببببب فعشان كده انا املكهم شروطي السرية والعلنية
وبسس خليهم يجو البوست..
|
الباش مهندس كريمو
آه ثم آه لو تعرف كم ارهقنى السطر اعلاه
المهم ياهندسة انا غيرت راى في الفريق التفاوضى معك
اولا ضحية وبعد ما شفت ونسته مع الوالد ايقنت انه يضمر لى
الكثير من العدوانية اما محمد عبدالرحمن دا طلع مقلب كبير
في ولد بحرض خالتوا على ولدها اما خليل قيل انك تمسك عليه
بعض الملفات او كما روى لي ود رملية بالامس ....
فياخى ادينى سكة غير اللاعب وماتنسى ان امك اوابوك في طريهم
للدوحة اكرر امك اوبوك جاين الدوحة وكما تدين تدان .......
المهم رئيس فريق التفاوض الجديد بتاعى هو الاخ احمد الامين
يعاونه ايمن تابر واحتمال دخول محمد السنى بس ايمن قال لى اوعك
تراهن على الرجال البخافوا من زوجاتهم ومحمد السنى سيد الخوافين
وان ماكتبه هنا هو بتوجيهات من الملقوفة احلام وهبى
|
Post: #98
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 10:27 PM
Parent: #96
| Quote: وساحكي لهم عن كل التنهدات |
خليل
الفيك اتعرفت وكتر خير الناقد الحصيف ود رملية
ولو لا انه في صف امى وابى لادخلته فريقي التفاوضى
مع (لعين مقروش الطارى)
|
Post: #97
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: ايمن التاج
Date: 05-16-2010, 10:24 PM
Parent: #91
العزيز والصديق بدر الدين
الف الف حمد لله على سلامة الوالد والوالده .. ولم شملك بعد طول سنين اعلم صعوبته عليك وعليهم
ما امتع لحظات اللقاء وما امرها من لحظات تلك التي نعيشهابعيدا عن كل من نحب
الغربه والحنين
دفاتر الشوق وارصدة الذكريات التي لا تنفد
عبي ما تستطيع من دفء اللقاء ودوما خذ المزيد ما استطعت .. هذا عمق الحياه البعيد الذي تحتشد به اللحظات ..
متعهم الله بالصحه وادام عليكم نعمة لمتكم مع بعض
ومتعهم بيك
وحفظكم جميعا
سعادتي لك بلا حدود
التحايا للوالد والوالده وللاسره عموم
ـــــــــــــــ
ودالسر!
|
Post: #99
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 10:31 PM
Parent: #97
Quote: اخبرنى محمود بوصول الحجاج ، فلك ولهم تحياتى
والحمد لله على سلامة وصولهم
وانشاء الله دائما مجتمعين فى السمح
وربنا يحفظهم ليك ويحفظك لهم
|
مشاعر
شكرا لصدق مشاعرك واسعدنى اتصالك
|
Post: #100
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 10:39 PM
Parent: #99
Quote: الحمد لله على سلامة الوالدين.
إشارة رضاء من ود أب زيد.
ما زالت فيك بعض البركة يا بدر الدين.
تحياتي لكل الأسرة |
مسعود
سالونى عنك وقايلنك في الدوحة ماعارفين نك تأمركت
والباقي تقوله مرثية حميد لمصطفانا
|
Post: #101
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 10:43 PM
Quote: قرض علي كده
النار تلد ---- وش ضاحك |
الصادق خليفة
لقد حشرناك في زمرة المزرزرين
|
Post: #102
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 10:47 PM
Quote: أبو لبيد
حمد الله على السلامة .. وإن شاء الله نشوفك معاهم في أربجي ..بتكون في البيت الساعة كم أو أرسل لي تلفونهم على الخاص |
ابن اختى ود الريس
حا ارسل لك رقم حبوتك الحرم على الخاص
|
Post: #103
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 10:53 PM
| Quote: مرحبا بهما ، ودوام الفرحة بوجودهما معك،فرحة لا تعادلها فرحة في الدنيا، ورضا الوالدين هي بركة الابناء . |
صديقي الصحفي فيصل الزبير
يقينى انك تدعو وتتمنى وتقول
من قبك ... ربنا يحفظك قلب وقول
|
Post: #105
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 10:59 PM
Quote: حمدالله على سلامة الوالدة والوالد يا بدر الدين..
يديهم الصحة والعافية ويمتعّك برفقتهم.. |
الصديقة العزيزة نجوان
كتير تقديرى لنجواك
|
Post: #106
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 11:07 PM
Quote: حمدا لله على سلامة الوصول
وحمدا لله الذى طمأنك عليهم وطمنهم عليك
ما اسعدك بهم وما اسعدهم بك
معاذ الفحل
من بورداب الدوحة جديد لنج |
معاذ الفحل
كل المراحب بكونك هنا وترحيب خاص لترحيبك
|
Post: #107
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 11:14 PM
Quote: يا بختك يا بدر الدين
سلم عليهم وتمتع برفقتهم. |
تراجى
اليومين الفاتو ديل بكين جنس بكا يحنن حتى قلب (نافع)
|
Post: #108
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 11:21 PM
| Quote: وانشاء الله بدري من عمرهم .. |
عماد
عندى جنس صور داير انزلها بس خايف من (المزرزراتية)
بس لو انت في صفي حاانزلها
|
Post: #109
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-16-2010, 11:28 PM
Quote: العزيز والصديق بدر الدين
الف الف حمد لله على سلامة الوالد والوالده .. ولم شملك بعد طول سنين اعلم صعوبته عليك وعليهم
ما امتع لحظات اللقاء وما امرها من لحظات تلك التي نعيشهابعيدا عن كل من نحب
الغربه والحنين
دفاتر الشوق وارصدة الذكريات التي لا تنفد
عبي ما تستطيع من دفء اللقاء ودوما خذ المزيد ما استطعت .. هذا عمق الحياه البعيد الذي تحتشد به اللحظات ..
متعهم الله بالصحه وادام عليكم نعمة لمتكم مع بعض
ومتعهم بيك
وحفظكم جميعا
سعادتي لك بلا حدود
التحايا للوالد والوالده وللاسره عموم
ـــــــــــــــ
ودالسر! |
ايمن ياتابر
سرورى بتبر معرفتك وانسانيتك وانى لحفي بصداقتك
|
Post: #132
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عبدالغني كرم الله
Date: 05-23-2010, 07:42 AM
ألف حمدا على لقائكم الميمون بقلب الأم وصدر الأحب الحنون..
فالابن طفل، في عيون الام دوما..
سلامي ومحبتي لهم..
|
Post: #104
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: نيازي مصطفى
Date: 05-16-2010, 10:53 PM
Parent: #1
الف حمدا لله على سلامة وصولهم وان شاء الله جايبهم عمرة عشان تشرفوناهنا ..
ياخي 12 سنة كتيرة والله..ياخي نحن قاسين شديد صحيح قلب جنايا على حجر :)
ربنا يحفظهم ويمتعهم بالصحة والعافية و كل الامهات والاباء وان يخفف من مصابهم
برؤية ابناءهم واحفادهم وهم ينجحون في حياتهم.
|
Post: #110
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: معاوية الزبير
Date: 05-17-2010, 03:12 AM
Parent: #104
صباح الخير يا أمير
ألف حمدا لله على سلامة وصول الوالدين وبركه بي شوفتكُن لي بعض.
في الدنيا دي كلها، في شويييية لحظات لها طعم خاص.. منها لقاء الغايبين فما بالك بالوالدين.
إتمتع حتى الثمالة.
|
Post: #111
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بكري عباس علي
Date: 05-17-2010, 06:09 AM
Parent: #110
بدر الدين
حمد لله علي السلامة
ونتمني لوالديك اقامة طيبة
|
Post: #112
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: أيمن الطيب
Date: 05-17-2010, 07:14 AM
Parent: #111
سلام يا بدر,,,
حمدا لله على سلامة وصول الحجاج,,
الوالدين نعمة يتحتم علينا التمتع بها ما إستطعنا إلى ذلك سبيلا..
تحسهم كالأطفال يرضون بالقليل ويفرحهم أن يروا بسمة رضا على وجوه
الأبناء,,,
تحياتى لك و للوالدين متعهما الله بالصحة والعافية
تنهدات,,,,
الأيام ديل الهافانا بره بره,,
البيت محروس وسيدو يكوس,,
ودّ اللذين,,
..
|
Post: #113
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: سيف بخيت موسي
Date: 05-17-2010, 07:22 AM
Parent: #111
حمد ألف على سلامتهم
وإنشاء دائما متلمين في الخير
نسأل الله ان يحفظهم ويعافيهم ويعفوا عنهم
سلامي الخالص للأمير بدر الدين
ولوالديك تحية الصحة والعافية
-----------------------
التوقيع
سيف/سكرتير حزب المزرزرين
|
Post: #114
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-17-2010, 06:23 PM
Parent: #113
Quote: ربنا يحفظهم ويمتعهم بالصحة والعافية و كل الامهات والاباء وان يخفف من مصابهم
برؤية ابناءهم واحفادهم وهم ينجحون في حياتهم. |
نيازى
تقديرى لك
وربنا يسمع منك
|
Post: #115
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-17-2010, 06:27 PM
Parent: #114
Quote: في الدنيا دي كلها، في شويييية لحظات لها طعم خاص.. منها لقاء الغايبين فما بالك بالوالدين.
|
عزيزنا معاوية الزبير
وكما قال عمر الحاج موسى
سعادة الام بمجيء ابنها الغايب
تضمه وتشمه وتقبله ولا تشبع
|
Post: #116
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-17-2010, 06:29 PM
Parent: #115
Quote: حمد لله علي السلامة
ونتمني لوالديك اقامة طيبة |
بكرى عباس
شكرا ليك ولدعواتك
|
Post: #117
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-17-2010, 06:36 PM
Parent: #116
Quote: الأيام ديل الهافانا بره بره,,
البيت محروس وسيدو يكوس,,
ودّ اللذين,,
|
ايمن الطيب
بلاش بهتان معاك هافانا شنو
دا مسواك وكمان امي جايت لى معها محاية وبخرات
اتبخرت بالبخارات وشربت المحاية عشان مايجو المغرضين
الزيك وزي عزام فرح ويقولوا ليها ولدك بشرب حاجات تانية
|
Post: #118
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-17-2010, 06:39 PM
Parent: #117
| Quote: سيف/سكرتير حزب المزرزرين |
سيف
ياخسارة حتى انت طلعت من زمرة كيكى اللعين
اشوف فيكم يوم
|
Post: #119
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عبدالكريم الامين احمد
Date: 05-17-2010, 07:07 PM
Parent: #118
يا سسلام ياخي يا ايمن الطيب علي الاغنية دي
وحقو عشانها الواحد يعتق بدرالدين ده من الملفات السرية والعلنية ويطلق سراحه
ولكن ..؟؟
|
Post: #120
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Mutwali Malik
Date: 05-18-2010, 03:19 AM
Parent: #119
يابدر يا امير
انت سعيد بيهم وهم سعيدين بيك ونحن سعيدين لسعادتكم.
تحياتي لهم من علي البعد ولو كنا هناك كنا حانكون معاك.
|
Post: #121
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: عفاف الصادق بابكر
Date: 05-18-2010, 08:37 AM
Parent: #120
ليتها الاعمار تهدى والسنين
مثل ماتهدى الهدايا بالتمام
كان يمه كل ماتتقدمين
بالعمر كان اهديك عام
حفظ الله والديك ...
|
Post: #122
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Alsa7afa_30
Date: 05-18-2010, 02:31 PM
Parent: #121
بدرنا الأمير
ألف حمد لله على سلامة الوالدين ..
ربنا يديهم الصحة و طول العمر ..
|
Post: #123
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-19-2010, 07:11 PM
Parent: #122
Quote: تحياتي لهم من علي البعد ولو كنا هناك كنا حانكون معاك.
|
متولى يامالك
ياحليل ايمنا وليالينا في الدوحة
سمعت من الاخ انور ان الممسوخ مسوكر
جاي الدوحة ياخى نسق معاهو وتعال
|
Post: #124
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-19-2010, 07:16 PM
Parent: #123
Quote: كان يمه كل ماتتقدمين
بالعمر كان اهديك عام
|
عفاف
لو ان جلجميش في رحلته تلك إكتشف إكسير الخلود لخص به الامهات
|
Post: #125
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-19-2010, 07:16 PM
Parent: #123
Quote: كان يمه كل ماتتقدمين
بالعمر كان اهديك عام
|
عفاف
لو ان جلجميش في رحلته تلك إكتشف إكسير الخلود لخص به الامهات
|
Post: #126
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-19-2010, 07:20 PM
Parent: #125
Quote: ألف حمد لله على سلامة الوالدين ..
ربنا يديهم الصحة و طول العمر .. |
صحافة ياعزيز
تسلم ويسلموا والديك
|
Post: #127
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-19-2010, 07:20 PM
Parent: #125
Quote: ألف حمد لله على سلامة الوالدين ..
ربنا يديهم الصحة و طول العمر .. |
صحافة ياعزيز
تسلم ويسلموا والديك
|
Post: #128
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: ندى عثمان حسن
Date: 05-20-2010, 06:48 AM
Parent: #127
يابدر
حمدلله على سلامة الحبايب , واستمتع بوجودهم معاك وأستغل كل ثانية معاهم.
زرزرتهم ذاتا عندها طعم.
|
Post: #129
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-20-2010, 10:56 PM
Parent: #128
| Quote: زرزرتهم ذاتا عندها طعم. |
ياندى
بل عندها دموع لاقبل لى بها
|
Post: #130
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-22-2010, 07:47 PM
Parent: #129
الاصفياء المروا من هنا
انا في متاهة و داير رايكم
زارنى اليوم صديق لبنانى وهو شخص من القليلين
المقربين مني وقد كان يعلم بوصل امى وابى الى
الدحة وهو يهم بالمغادرة سلمني ظرف وقال تلك
هديتى لامك وبيك لقد حجزت لهم سويت لمدة يومين
في فندق (....) عليك المراجعة لتحديد التاريخ
(على فكرة هو مدير ذلك الفندق)
ختيت يداي على رأسى وعدت به للداخل قلت ياصاحبى
اولا امي وابى ليس في مقدورهم التعامل مع هذا المكان
وهو بالنسبة لى جنة وبالنسبه لهم قد يكون سجن وقسوة
عليهم قال مافي مشكلة انا خبرتهم في الفندق ان يكون
البخدموهم بيحكو عربي يازلما خليهم يستمتعو ببعض بعيد
عن زحمة الابناء والاحفاد قلت امي اوبى لوشافو هذا المكان
حا يعتبرونى ولد فاسق بل وربما يفقدو اي امل فينى قال:
ما دخلنى تذكر شو عملت انت يوم ماتت امي المهم انا دفعت
حق السويت وما فينى استرجعة شوف شو بدك تعمل .....
|
Post: #131
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: moaz elsir
Date: 05-23-2010, 07:07 AM
Parent: #130
حمد الله على سلامتهم وبركة بالشوفة مع تمنياتي بقضاء اوقات جميلة وسعيدة بصحبتهم
*-* وصية:
العمرة فاتحة الايام دي يمكنهم اداء العمرة!
اخوك معاذ السر
|
Post: #133
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Mohammed Ibrahim Othman
Date: 05-23-2010, 08:21 AM
Parent: #130
يابدرالدين الامير ربنا يخليهم ليك ويحفظهم من كل سوء يارب ..
ويجمعو دائما في الخير أخوي ..
|
Post: #134
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: Yousif A Abusinina
Date: 05-23-2010, 08:44 AM
Parent: #133
بسم الله الرحمن الرحيم
اولا يا بدرالدين حمد لله على سلامة الوالدين وربنا ايديهم الصحة والعافية
وتحية خاصة جدا ليهم وسلام كثير ماليه حدود
وانت يا ابو لسان طويل شكلك ما حسبت كويس لليوم دة
اللهم لاشماتة مكانك لا يحسد علية واول شى بوصى
السنى وحلام كان ما خلصتووو حقكم الفات والحاضر والجاى مافى منكم جاتكم فرصة من ذهب وخاصة احلام استثمرى صاح
والله العربى كان طلع من دى ما يخليك جنة تنومى عليها يا احلام لسانوووو سليط استغلى فترة ضعفة وكيلى كويس
المهم الجماعة ما قصروا وانت تستاهل الردم وياود بلدى
الحمد لله كنا متابعين بشماتة والان دخلنا المعلب بعد مابكرى رجع لينا الباسورد المفقود
وانشاء الله حنكون جمعية مناصرة احلام على بدرالدين قريبا واتولى راستها
والحمد لله الدنيا سداية ورضايه يا ود الامير
عجبنى ليك هههههههههههههههه
مودة خاصة وتحية وبعد دة ماشاء الله حبايبك كثيرين بحسد عليهم
|
Post: #135
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-23-2010, 08:17 PM
Parent: #134
Quote: وصية:
العمرة فاتحة الايام دي يمكنهم اداء العمرة!
|
معاذ السر
تقديرى لمرورك الكريم ووصتك الغالية
على فكرة اخرة مرة التقيت فيها امى وابى
كان في العمرة وهم سنويا بجو العمرة
كما ان شقيقى الاكبر دكتور حافظ يعمل
بالسعودية استشارى بمستشفى عسير
|
Post: #136
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-23-2010, 08:22 PM
Parent: #135
Quote: يابدرالدين الامير ربنا يخليهم ليك ويحفظهم من كل سوء يارب ..
ويجمعو دائما في الخير أخوي .. |
ود ابراهيم
ياخى ربنا يديك رضا الوالدين دنيا واخرة
|
Post: #137
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-23-2010, 08:30 PM
Parent: #136
Quote: الحمد لله كنا متابعين بشماتة والان دخلنا المعلب بعد مابكرى رجع لينا الباسورد المفقود
وانشاء الله حنكون جمعية مناصرة احلام على بدرالدين قريبا واتولى راستها
|
ود ابوسنينة
قول يامين بكرى يقلع من الباصوريد اليوم قبل بكرة وكما بكرى الهكر
هو انا القاها منك ولا من الملقوفة ولا من اصحابى البجو بالدرب ويحرضو
بس خلينى انحل من الزرزرة وبوريكم المكشن بلا بصلة
|
Post: #138
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-25-2010, 07:04 PM
Parent: #137
Quote: ألف حمدا على لقائكم الميمون بقلب الأم وصدر الأحب الحنون..
فالابن طفل، في عيون الام دوما..
سلامي ومحبتي لهم.. |
عبدالغنى ياحنون
من الذى يمسح من الصدر الحسرة والاسف الطويل
من الذى يزرع فيك اخضرار الامل والعودة للبدء
من جديد وكان السنين لم تمضى
غير الام وكل ما خيبت لها ظن
تتجدد ظنونها الخيرة تكبر آمالها فيك
|
Post: #139
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-28-2010, 10:27 PM
Parent: #138
زينب الفحل (دوما) وسمية الحسن طلحة
غلطان وندمان انا الخليتكن تتكلمن مع
امى والايام دول
|
Post: #140
Title: Re: أمي وأبى في الدوحة بعد 25 سنة من مغادرتها صور وذكريات وزرزرة راجيانى
Author: بدر الدين الأمير
Date: 05-28-2010, 10:27 PM
Parent: #138
زينب الفحل (دوما) وسمية الحسن طلحة
غلطان وندمان انا الخليتكن تتكلمن مع
امى والايام دول
|
|
|
|
|