لا لمنح الحضري الجنسية السودانية !!

لا لمنح الحضري الجنسية السودانية !!


05-13-2010, 02:49 PM


  » http://sudaneseonline.com/cgi-bin/sdb/2bb.cgi?seq=msg&board=290&msg=1273758577&rn=12

Post: #1
Title: لا لمنح الحضري الجنسية السودانية !!
Author: السيد المسلمي
Date: 05-13-2010, 02:49 PM
Parent: #0

علمت الصدى أن عصام الحضري حارس مرمى الاسماعيلي اجتمع بجمال الوالي رئيس المريخ في القاهرة مؤخراً وتم الاتفاق على تفاصيل انتقاله الى القلعة الحمراء في فترة التسجيلات المقبلة وسيحصل الحضري على الجنسية السودانية.
ــــــ
لا لتجنيس هذا العنصري البائس ..
Post: #2
Title: Re: لا لمنح الحضري الجنسية السودانية !!
Author: السيد المسلمي
Date: 05-13-2010, 03:01 PM
Parent: #1


ما صدر من الحضري من عبارات عنصرية لا تؤهله لنيل الجنسية السودانية ..
هذا .. إذا لم يري جمال الوالي غير ذلك !!!
Post: #3
Title: Re: لا لمنح الحضري الجنسية السودانية !!
Author: فايزودالقاضي
Date: 05-13-2010, 03:05 PM
Parent: #2

المسلمي ..سلام ...

قال شنو ياصديقي ؟!!
Post: #4
Title: Re: لا لمنح الحضري الجنسية السودانية !!
Author: السيد المسلمي
Date: 05-13-2010, 03:13 PM
Parent: #3

حبيبنا ود القاضي ..
ماقاله الحضري سابقاً مؤسف حقاً ..
وكان ذلك في مباراة الهلال والأهلي في دوري المجموعات 2007
وما عشان جمال الوالي عايز يسجلو .. نحن نفرش ليهو الطريق بالزهور والورود ..
أفتكر دي طيبتنا البتضحك فينا المصريين .!



ـــــ





ـــ
شايفك في بوست علاء الدين ..
Post: #5
Title: Re: لا لمنح الحضري الجنسية السودانية !!
Author: مزمل خيرى
Date: 05-13-2010, 03:17 PM
Parent: #4

Quote: لا لتجنيس هذا العنصري البائس ..

تحياتى يا ابا المسلمى ..
Post: #7
Title: Re: لا لمنح الحضري الجنسية السودانية !!
Author: بلدى يا حبوب
Date: 05-13-2010, 03:28 PM
Parent: #5

هى الجنسية السودانية اصبحت مهمةللدرجة ده
تحياتى
Post: #12
Title: Re: لا لمنح الحضري الجنسية السودانية !!
Author: السيد المسلمي
Date: 05-13-2010, 04:19 PM
Parent: #7

Quote: هى الجنسية السودانية اصبحت مهمةللدرجة ده
مها كانت أهميتها .. فإن هذا الحضري لا يستحقها !!

الف تحية ياحبوب ..
Post: #8
Title: Re: لا لمنح الحضري الجنسية السودانية !!
Author: السيد المسلمي
Date: 05-13-2010, 03:35 PM
Parent: #5

بالله يامزمل مش حاجة تقرف ..!
Post: #6
Title: Re: لا لمنح الحضري الجنسية السودانية !!
Author: فايزودالقاضي
Date: 05-13-2010, 03:25 PM
Parent: #4

برضو يامسلمي ماوريتني قال شنو كعنصرية ؟!!


Quote: شايفك في بوست علاء الدين ...


حبيبنا علاء الدين طنش كلامي ومشى رد على دينق المادخل البوست من اساسه .. ياها سياسات الكيزان وكت يتزنقو

انا المزعلني في الموضوع اهلنا زمان في الشرق كانوا بعانوا من استخراج الجنسية لمجرد التداخلات بينهم وبين ارتريا واثيوبيا- الله يطراهم بالخير - وهسي الجنسية ياخدها كل من هب ودب ...وقبل كده قلت لاخونا حجر الجنسية دي لو ادوهو لدواب اجنبية - خلى بني آدمين- مابتألم ليها ...
Post: #9
Title: Re: لا لمنح الحضري الجنسية السودانية !!
Author: السيد المسلمي
Date: 05-13-2010, 03:57 PM
Parent: #6

Quote: برضو يامسلمي مارويتني قال شنو كعنصرية ؟!!
ود القاضي يعني حــ يكون قال ليهو ياباشا !!!؟
الحكمة ياعمك في طيبتنا الزايدة .. ومجاملتنا اللامحدودة !!
وغير بعيد عن الزاكرة فضيحة تجنيس اليمني علي النونو .

Quote: انا المزعلني في الموضوع اهلنا زمان في الشرق كانوا بعانوا من استخراج الجنسية لمجرد التداخلات بينهم وبين ارتريا واثيوبيا
ولحدي الأن بعانو .. تصدق !!

Quote: قبل كده قلت لاخونا حجر الجنسية دي لو ادوهو لدواب اجنبية - خلى بني آدمين- مابتألم ليها ...
دا كلام بتكون قلتو في لحظة زعل ..عشان كدا ماممكن أبني عليهو موقفك ...
ما أحب توضيحه .. أنا ضد تجنيس عصام الحضري بصفة خاصة ..



ــــــــــ
قلت لي علاء الدين كبر منك اللفة
Post: #10
Title: Re: لا لمنح الحضري الجنسية السودانية !!
Author: فايزودالقاضي
Date: 05-13-2010, 04:01 PM
Parent: #9

Quote: قلت لي علاء الدين كبر منك اللفة


الزول ده حسب كلامه بقى كوز قريب .. لكن علىّ العرس الزول ده فاتهم مساااااااااااافة ..كوز لامن بقى جك كبير
Post: #14
Title: Re: لا لمنح الحضري الجنسية السودانية !!
Author: السيد المسلمي
Date: 05-13-2010, 04:31 PM
Parent: #10

Quote: الزول ده حسب كلامه بقى كوز قريب .. لكن علىّ العرس الزول ده فاتهم مساااااااااااافة ..كوز لامن بقى جك كبير
هو فعلاً كوز كبير جداً جداً .. ووضح ذلك من خلال تطنيشك وتهميشك يافردة ..
كااااااااااااااااااااااااااااااااااااااااااااااااااااااكــــــ
Post: #11
Title: Re: لا لمنح الحضري الجنسية السودانية !!
Author: وليد عبد اللطيف
Date: 05-13-2010, 04:08 PM
Parent: #6

ود المسلمي
كيفك ياطيب
ناس الحضري ديل عندهم فرع في السودان
ومنهم الاستاذ المحامي ياسر الحضري
ياخي الجنسية بتاعتنا الله يعلم الحضري الحارس ياخدها
يازول الناس ديل وطنيتهم بتخليهم ياخدو وقفة في الجنسيةالامريكية

.
.
ياخي انا ضد تجنيس لاعبي كرة القدم ويجب ان تصرف
الاموال التي تدفع لهم في تطوير كرة القدم ورعاية الاشبال
Post: #13
Title: Re: لا لمنح الحضري الجنسية السودانية !!
Author: السيد المسلمي
Date: 05-13-2010, 04:28 PM
Parent: #11

Quote: ياخي الجنسية بتاعتنا الله يعلم الحضري الحارس ياخدها
يازول الناس ديل وطنيتهم بتخليهم ياخدو وقفة في الجنسيةالامريكية
وليد .. قلت لي هو مابرضي بيها !!
الله يطمنك دنيا وآخرة ..
كل خوفي من محاولة إقناعه بزيادة المبلغ المالي.
Post: #15
Title: Re: لا لمنح الحضري الجنسية السودانية !!
Author: JOK BIONG
Date: 05-13-2010, 04:37 PM
Parent: #13

الجنسية السودانية اصلا ما عندها قيمةان شاء الله تاخدها اي شيطان.

هسي عليكم الله لو قوات سودانية دخلت حلايب وقتلت مواطن مصري واحد بس تصوروا
حكومة المصرية ستفعل ايه في كل السودان؟!!!
تحيات
جوك
Post: #16
Title: Re: لا لمنح الحضري الجنسية السودانية !!
Author: علاء الدين يوسف علي محمد
Date: 05-13-2010, 05:42 PM
Parent: #15


والله صحي كلامك يا بيونغ يانغ
أسي إنتو كتلو ليكم قرنق ذاااااااااااااااتو
عملتو شِنو؟

مَنْ قَتَلَ قرنق ؟ و لِماذا ؟

و أهو الجنوب مُحْتل تماماً من الأحباش و الكينيين و اليوغنديين
و إنتو تكسِّروا في القزاز البجيبوهو ليكم في روسين بعضكم بعد ما يطلع في راسكم
Post: #17
Title: Re: لا لمنح الحضري الجنسية السودانية !!
Author: الصادق صديق سلمان
Date: 05-13-2010, 06:41 PM
Parent: #16

لآ ومليون مليار لا لتجنيس الحضري
نحن لاقين شنو
مصر لا تهتم إلا لمصلحتها ومصلحة مواطنيها
نحن البهتم بينا منو

الصادق
Post: #18
Title: Re: لا لمنح الحضري الجنسية السودانية !!
Author: أمين محمد سليمان
Date: 05-13-2010, 07:30 PM
Parent: #17

سلام يا سيدنا
ياخي فايز ده سالك مرتين (الحضري ده قال شنو عنصري ضدنا ) و إنت ما جاوبتو !!
أنا عارفك مستوسخ فايز ده من زمان ، لكن كمان الزول ده عميق و بسال اسئله عميقه بستفيدو منها ناس تانيين - من ضمنهم مفكرين و أدباء و صحفيين ناشطين في حقوق الانسان - في تكوين راي حول الموضوع .
فياخي الرد رجاء !










-------
Post: #19
Title: Re: لا لمنح الحضري الجنسية السودانية !!
Author: Hani Arabi Mohamed
Date: 05-13-2010, 07:59 PM
Parent: #18

للأسف ....


اقتنعت بأننا في مرحلة لا يفيد فيها الكلام


ولا يستمع فيها أي من المتنفذين إلى أي كلام عن مصلحة الوطن وثوابت الوطنية


تأكدت بما لا يدع مجالاً من الشك أن السودان ماضٍ إلى درك سحيق ..... وسيرقص على جثة السودان عدد كبير من المنتفعين وغير المنتبهين

ولن نستبين جميعنا النصح إلا ضحى الغد ..... حين يأكل النمل ما تبقى من العصا التي تستند عليها جثة السودان ....

ستتقاسم الدول القريبة والبعيدة أراضينا السودانية ..... ويتشرد شعبنا في كل مكان ....... وسيكون مصير المحظوظين من أفراد شعبنا .... أن يدفنوا تحت تراب السودان
Post: #20
Title: Re: لا لمنح الحضري الجنسية السودانية !!
Author: الوليد محمد الامين
Date: 05-13-2010, 10:13 PM
Parent: #19

فعلا للأسف ....


Quote: للأسف ....


اقتنعت بأننا في مرحلة لا يفيد فيها الكلام


ولا يستمع فيها أي من المتنفذين إلى أي كلام عن مصلحة الوطن وثوابت الوطنية


تأكدت بما لا يدع مجالاً من الشك أن السودان ماضٍ إلى درك سحيق ..... وسيرقص على جثة السودان عدد كبير من المنتفعين وغير المنتبهين

ولن نستبين جميعنا النصح إلا ضحى الغد ..... حين يأكل النمل ما تبقى من العصا التي تستند عليها جثة السودان ....

ستتقاسم الدول القريبة والبعيدة أراضينا السودانية ..... ويتشرد شعبنا في كل مكان ....... وسيكون مصير المحظوظين من أفراد شعبنا .... أن يدفنوا تحت تراب السودان
Post: #21
Title: Re: لا لمنح الحضري الجنسية السودانية !!
Author: فايزودالقاضي
Date: 05-13-2010, 10:41 PM
Parent: #20

كبير مستوسخي ناس برا ...سلامات ..

Quote: سلام يا سيدنا
ياخي فايز ده سالك مرتين (الحضري ده قال شنو عنصري ضدنا ) و إنت ما جاوبتو !!
أنا عارفك مستوسخ فايز ده من زمان ، لكن كمان الزول ده عميق و بسال اسئله عميقه بستفيدو منها ناس تانيين - من ضمنهم مفكرين و أدباء و صحفيين ناشطين في حقوق الانسان - في تكوين راي حول الموضوع .
فياخي الرد رجاء !


العربي عامل رايح وحسيت انو اتحرج لانه ماعارف الحضري قال شنو .. شاف الناس قالت الحضرى قال كلام عنصري وقام ماسك فيها ..ورسل لي رسالة خاصة قال لي فيها يااخوى ماتحرجني انا براى ماعارف الحضري قال شنو ..فقمت رخيت الموضوع ...

الزول بتاع كاكات ساي على قول المستوسخ صديق الشاعر ....

*اليومين ديل لافين نشتري شيلة الطريفى ...خلصنا من اى شي بس باقي لينا الاحذية تعبتنا لفينا جدة كلها مالاقين مقاس 45 نسائي ..
Post: #22
Title: Re: لا لمنح الحضري الجنسية السودانية !!
Author: اساسي
Date: 05-13-2010, 10:55 PM
Parent: #21

Quote: باقي لينا الاحذية تعبتنا لفينا جدة كلها مالاقين مقاس 45 نسائي ..


دي الا تشوفوا باكمبا كان بشتري كداراته من وين وتشتروا ليها كدارة وكبك للغيار

ـــــ
اللحظة البياخد فيها الحضري الجنسية السودانية
حاشجع ريال مدريد تاني واخلي برشلونة
Post: #23
Title: Re: لا لمنح الحضري الجنسية السودانية !!
Author: فايزودالقاضي
Date: 05-13-2010, 11:10 PM
Parent: #22

Quote: دي الا تشوفوا باكمبا كان بشتري كداراته من وين وتشتروا ليها كدارة وكبك للغيار


تصدق يااساسي الطريفي ده بداها من الخرج ثم الدمام وجا الرياض وبعد داك الطائف واخيراً جدة وبرضو مالاقي مقاس 45 نسائي ...لقينا زول يفصلنا لينا الحذاء بس ارضية جاهزة مقاس 45 ماعنده ...احتمال نباصرها بإرضية رجالية ...

الزول ده بقى هامي لشلاليت المستقبل ..والنوم طاير ليهو ..

Quote: اللحظة البياخد فيها الحضري الجنسية السودانية
حاشجع ريال مدريد تاني واخلي برشلونة


وان اغير المهنة وانقل على الجريسي ..
Post: #31
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 08:39 AM
Parent: #22

Quote: اللحظة البياخد فيها الحضري الجنسية السودانية
حاشجع ريال مدريد تاني واخلي برشلونة
ليه كدا ياعمك ..
حقو تخلي برشلونة وتشجع الغزالة الشادي ..




ـــــ
لا لتجنيس هذا اللاعب .
Post: #30
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 08:31 AM
Parent: #21

Quote: العربي عامل رايح وحسيت انو اتحرج لانه ماعارف الحضري قال شنو .. شاف الناس قالت الحضرى قال كلام عنصري وقام ماسك فيها ..ورسل لي رسالة خاصة قال لي فيها يااخوى ماتحرجني انا براى ماعارف الحضري قال شنو ..فقمت رخيت الموضوع ...

الزول بتاع كاكات ساي على قول المستوسخ صديق الشاعر

أبيت أعيد ليك الكلام العنصري الصدر من المذكور .. خشية مني علي مسامع القاري والمتابع ..
ولكن لو عايزو فهو موجود في أرشيف الصحف .
ورسلت ليك الرسالة عشان أتكافا شرك وأذكرك ياصديقي إنو نحنا دافنينو سواء ! فمافي داعي للدراما البتعمل فيها دي ..

قلت لي بتاع كاكات ساهي

سامحك الله ..
سوف يكون ردي عليك بيان بالعمل ..
الرد ماتراه .. لا ماتسمعه ياهذا .
ــــــــــــــــــــــــــــــــــــــــــــــــــــــــــــــــ
Quote: اليومين ديل لافين نشتري شيلة الطريفى ...خلصنا من اى شي بس باقي لينا الاحذية تعبتنا لفينا جدة كلها مالاقين مقاس 45 نسائي ..

لاحولا ........................
كامل التضامن مع الأخ حيدر .. وربنا يسعدو ( قادر علي كل شي ) .

ـــــــــــــ
التعيل لإضافة حرف .
Post: #29
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 08:12 AM
Parent: #20

دكتور الوليد محمد الأمين ..
وجودك هنا أسعدنا ايما سعادة .
شكرا للمرور والمتابعة .
Post: #28
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 08:07 AM
Parent: #19

هاني عربي محمد ..
شكرا علي المرور .
Post: #27
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 08:02 AM
Parent: #18

الخال أمين ..
Quote: ياخي فايز ده سالك مرتين (الحضري ده قال شنو عنصري ضدنا ) و إنت ما جاوبتو !!
أنا عارفك مستوسخ فايز ده من زمان ،
الكلام القالو الحضري موثق في الصحف ياخال .. وأنا ماعايز أكتبو هنا لأنو معايير البورد اليومين ديل فيها شغل شديد ..
يعني ممكن العبارات دي يمعيروها بكلام مكتوب هنا يطلعو ناس كتيرين مابستحقو الجنسية السودانية .. حسب معاير البوست دا
ولاني فاهم جدا مقصد ود القاضي كويس .. جاوبت ليهو بما يليق .. لووووووول !
فايز دا ياخال لايستحق الإستوساخ إنما يستحق .. التجاهل .. التجاهل .. التجاهل ..
ودا حسب معايير أخوان /ت كتيرين هنا
Post: #26
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 07:49 AM
Parent: #17

Quote: لآ ومليون مليار لا لتجنيس الحضري
نحن لاقين شنو
مصر لا تهتم إلا لمصلحتها ومصلحة مواطنيها
نحن البهتم بينا منو





ـــــــ
تحياتي يا الصادق .
Post: #25
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 07:44 AM
Parent: #16

بالله يا كمندان علاء يدك معانا ..
Post: #24
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 07:41 AM
Parent: #15

Quote: الجنسية السودانية اصلا ما عندها قيمةان شاء الله تاخدها اي شيطان.
ياجوك .. أي شيطان غير المذكور أعلاه .
Post: #32
Title: Re: لا لمنح الحضري الجنسية السودانية !!
Author: Magdi Ahmed Elsheikh
Date: 05-14-2010, 04:02 PM
Parent: #24
Post: #33
Title: Re: لا لمنح الحضري الجنسية السودانية !!
Author: أمين محمد سليمان
Date: 05-14-2010, 04:20 PM
Parent: #32

سلام يا سيدنا
Quote: الكلام القالو الحضري موثق في الصحف ياخال .. وأنا ماعايز أكتبو هنا لأنو معايير البورد اليومين ديل فيها شغل شديد ..
يعني ممكن العبارات دي يمعيروها بكلام مكتوب هنا يطلعو ناس كتيرين مابستحقو الجنسية السودانية .. حسب معاير البوست دا
ياخي الله يرضي عليك جيب لينا كلام الراجل ده ، عشان نقدر نحكم لو يستاهل يدو جنسيتنا دي ولا لا ؟!!
أنا - و متاكد بيكون في ناس كتر زيي - ما سمعو بكلام الحضري ده ، و إنت بناء عليهو معترض علي إنو ياخد جنسيتنا ، يبقي لازم تجيب كلامو ، بعدين ياخي ناقل الكفر ليس بكافر !!
و عليك الله يا سيدنا ما تخلي مشاكلك الشخصيه و كراهيتك لود القاضي تمنعك من إتخاذ الموقف السليم و الاتيان بقول الحضري كاملا غير منقوص !!!
Post: #34
Title: Re: لا لمنح الحضري الجنسية السودانية !!
Author: بدر الدين اسحاق احمد
Date: 05-14-2010, 04:54 PM
Parent: #33

كدى يا ابو السيد خليك معاى بشويش ..

_ اذا تفوه الحضرى باى لمة عنصريةضــد العجب مثلا ( انا كمريخابى ) بيكون عندى رأى قاطع

فى انو الحضرى لازم ما يدوهو جنسيــة او يلعب فى المريخ زاتو ( معايير مريخابيــة )..

_ وبما انو الحضرى نبــذ هيثم مصطفى الهلالابــى بلغة عنصرية طوالى بنديــن من طرف اللسان


وبرضو ( معايير مريخابية ) ولا يمنع ذلك من اعطائــه الجنسية ( الامريكية دى ) ..

_ لو هيثم مصطفى كان لابــس شعار الفريق القومــى والحضرى نبذو يا دوبــك الحضرى احســن

يشوف ليهو بلد انيــه يحترف فيها ما لازم المريخ ولا السودان ( معايير سودانية ) ..










ترمــة:

هيثم مصطفى ده ما نبــذ عجب امو ده فى يوم من الايام ليــه ما شالو منو الجنسية السودانية

( معايير لولوة )
Post: #35
Title: Re: لا لمنح الحضري الجنسية السودانية !!
Author: أمين محمد سليمان
Date: 05-14-2010, 04:59 PM
Parent: #34

بدر يا حبيبنا سلام
الحضري نبذ هيثم قال ليه شنو ؟











-----------
ذبحتونا !
Post: #36
Title: Re: لا لمنح الحضري الجنسية السودانية !!
Author: Magdi Ahmed Elsheikh
Date: 05-14-2010, 05:19 PM
Parent: #35

يحلنا الحلا بلة ياخال ....!!














ماتقولي بلة دة منو...؟؟؟
Post: #37
Title: Re: لا لمنح الحضري الجنسية السودانية !!
Author: أمين محمد سليمان
Date: 05-14-2010, 05:30 PM
Parent: #36

يا مجدنا
بله ذاتو ما بحلنا كان ما قالو لينا الحضري قال شنو ؟!!
Post: #38
Title: Re: لا لمنح الحضري الجنسية السودانية !!
Author: نصرالدين صلاح
Date: 05-14-2010, 05:41 PM
Parent: #37

والله ياخال الزول ده ما يدوه الجنسيه ساكت كده

Quote:
يا مجدنا
بله ذاتو ما بحلنا كان ما قالو لينا الحضري قال شنو ؟!!


الزول ده ما عندوا معيار بالحبه

لاعبين الاسماعيلي الاهلي قبل اسبوعين عمل درامات

يتبكي و قال انا بحب الاهلي و رجعوني و هو لاعب الاسماعيلي


ما هو المعيار !!!!
Post: #39
Title: Re: لا لمنح الحضري الجنسية السودانية !!
Author: أمين محمد سليمان
Date: 05-14-2010, 05:51 PM
Parent: #38

نصر يا حبيبنا ، سلام
إنت معترض علي الحضري في عضمتو باعتبارو زول ما عندو مبادئ و لا ولاء ، و ده كلام جميل !
لكن سيدنا معترض علي قصة التجنيس دي إستنادا علي عنصريتو من كلام قالو لينا كسودانيين أو لهيثم مصطفي زي ما بدر قال ، قلنا دايرين كلام الحضري عشان نحكم !!!











---------
دي أخر فرصه ليك يا سيدنا تجيب كلام الحضري و إلا حا اضطر أحول البوست ده لبوست إيحائي خادش للشعب السوداني الشقيق !!!
Post: #40
Title: Re: لا لمنح الحضري الجنسية السودانية !!
Author: بدر الدين اسحاق احمد
Date: 05-14-2010, 06:34 PM
Parent: #39

ات يا عمك ما شايف كويــس انا قلت هيثم نبذ العجب

قال ليهو زى ما الحضرى قال لهيثم ...


Quote: الحضري نبذ هيثم قال ليه شنو ؟



اولاد حلــة وفى الحلال الشعبية زى ما قال وليد الشفــت ..
Post: #41
Title: Re: لا لمنح الحضري الجنسية السودانية !!
Author: أمين محمد سليمان
Date: 05-14-2010, 06:47 PM
Parent: #40

يا بدر الأنا عارفو إنو هيثم نبذ العجب بالفاظ بذيئه لكن ما عنصريه !!
Post: #42
Title: Re: لا لمنح الحضري الجنسية السودانية !!
Author: Balla Musa
Date: 05-14-2010, 07:03 PM
Parent: #41

ياأنت يا أمين وود القاضى

المسلمى دا طالب واحد فيكم يوقع لمنع الحضرى الجنسية؟

المسلمى دا بوستيهو دا للناس اللبقين ونحنا فهمنا الحضرى قال شنو!!
Post: #43
Title: Re: لا لمنح الحضري الجنسية السودانية !!
Author: Hisham Amin
Date: 05-14-2010, 07:09 PM
Parent: #42

لا لمنح الحضري الجنسية السودانية


لا لمنح الحضري الجنسية السودانية
Post: #52
Title: Re: لا لمنح الحضري الجنسية السودانية !!
Author: السيد المسلمي
Date: 05-15-2010, 09:41 AM
Parent: #43

الأخ هشام أمين ..
وينك ياوحش .. أوع تكون رجعتا تاني ؟

لا لمنح الحضري الجنسية السودانية



ـــ
تحياتي ياحبيب .
Post: #49
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 09:20 PM
Parent: #42

Quote: ياأنت يا أمين وود القاضى

المسلمى دا طالب واحد فيكم يوقع لمنع الحضرى الجنسية؟

المسلمى دا بوستيهو دا للناس اللبقين ونحنا فهمنا الحضرى قال شنو!!
دكتور بلة .. سلامات
ود القاضي دا زول أخوي مافي كلام .. وزي ماقلت ليهو نحن دافنينو سواء ..
بس المشكلة كلها في أمين خال حمور دا !!
وزي ماإنت عارف بحب أولاد بمبة قدر كيف ..
عشان كدا .. ما حــ يقنع و لو جبت ليهو هيثم مصطفي في مكتبو
الخال دا يا بلة وفي ومخلص الي ابعد مما تتصور ...
بس مافي داعي يعلن تحيزه علي الملأ .. ويحرج نفسو أمام القراء والمتابعين !
بهكذا منطق !!
Post: #48
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 09:07 PM
Parent: #38

Quote: قبل اسبوعين عمل درامات

يتبكي و قال انا بحب الاهلي و رجعوني و هو لاعب الاسماعيلي
إنت عارف يانصر الدين ممكن عادي الزول دا بعد ما يدوهو الجنسية .. يقطعها لي جمال الوالي في وشو ويمشي يرجع الأهلي تاني !!
وممكن تتوقع منو أي حاجة زفتا ( من الزفت ) تاني !!!!
Post: #47
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 08:56 PM
Parent: #34

Quote: _ وبما انو الحضرى نبــذ هيثم مصطفى الهلالابــى بلغة عنصرية طوالى بنديــن من طرف اللسان
العبرة يابدر الدين أخوي ليست في ماهية النادي الذي ينتمي له هيثم مصطفي . .
ولا نحن عايزين نقوم سلوك الحضري أو نأدبو ونعلمو كيف يحترم السودانيين !! أبداً .. كل مانريده ألا يمنح مثل هذا العنصري البائس الجنسية السودانية ! ..
وأنا تابعت اللاعب دا في المباراة بتاعت الإسماعيلي بإستاد الهلال .. فكان في قمة التكبر !





ـــــ
أشواق كتيرة جداً يابدر ..
Post: #44
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 08:36 PM
Parent: #33

طيب ياخال ..
ومع إني متأكد منك زول عميق جداً ومابتفوت عليك حاجة .. !!
وبرضو متأكد من ميولك للإخوة المصريين ودفاعك المستميت عنهم .. بل تعداه الي إهدائهم الورود والياسمين !
وبالرغم من دا كلو .. برضو مافي مشكلة أوضح ليك ..
Quote: جماهير الأهلي، حطمت زجاج نوافذ الحافلة التي تقل لاعبي الهلال من الملعب.
وكابتن الهلال، والمنتخب السوداني، هيثم مصطفى، تعرض لمضايقات من قبل حارس مرمى الأهلي، عصام الحضري،عقب نهاية المباراة الأولى، التي انتهت بثنائية نظيفة في مرمى الهلال، بلغت حدّ الإساءة، بل والإساءة العنصرية !!

وبعض جماهير الأهلي على المدرجات، كانت تهتف، ليس ضد الهلال وحده، وإنما ضد السودانيين، بعبارات عنصرية، على شاكلة: "عصمانة يا عصمانة".

ودا .. من هنا http://www.alarabiya.net/writers/writer.php?content_id=38229
فــــ ياخال لا تدع حبك للمصريين يشوش لك الحقائق ..
حضريكم هذا لا يستحق أن ينال الجنسية .

ـــ
تحية .. معطرة بالياسمين .
Post: #45
Title: Re: لا لمنح الحضري الجنسية السودانية !!
Author: السيد المسلمي
Date: 05-14-2010, 08:39 PM
Parent: #32

الحبيب .. دكتور مجدي أحمد الشيخ ..
أخبارك والعيال .. عساكم بالف خير .






ـــــ
أفتح التلفون ياخ .
Post: #46
Title: Re: لا لمنح الحضري الجنسية السودانية !!
Author: عبد العظيم احمد
Date: 05-14-2010, 08:52 PM
Parent: #45

قال احدهم

نحن نفتخر عندما نعطى جنسيتنا للاخرين ( لانهم حتما سوف يحملون الغالى النفيس)
ونحزن اشد الحزن عندما نتنازل نحن عن جنسيتنا...
Post: #50
Title: Re: لا لمنح الحضري الجنسية السودانية !!
Author: حاتم تاج السر المبارك
Date: 05-14-2010, 09:46 PM
Parent: #46

لا لتجنيس لاعبي الكرة بصفة عامة و اهدار المال و اجدر دفع الاموال لتطوير الناشئن لان هؤلا المجنسون لايمثلون السودان في الفرق القومية
Post: #51
Title: Re: لا لمنح الحضري الجنسية السودانية !!
Author: أمين محمد سليمان
Date: 05-14-2010, 10:15 PM
Parent: #46

سيدنا الشهير بالسيد المسلمي ، سلام يغشاك و يبراك محل ما تقبل
تقول يا سيدي :
Quote: طيب ياخال ..
ومع إني متأكد منك زول عميق جداً ومابتفوت عليك حاجة .. !!
وبرضو متأكد من ميولك للإخوة المصريين ودفاعك المستميت عنهم .. بل تعداه الي إهدائهم الورود والياسمين !
وبالرغم من دا كلو .. برضو مافي مشكلة أوضح ليك ..

Quote: جماهير الأهلي، حطمت زجاج نوافذ الحافلة التي تقل لاعبي الهلال من الملعب.
وكابتن الهلال، والمنتخب السوداني، هيثم مصطفى، تعرض لمضايقات من قبل حارس مرمى الأهلي، عصام الحضري،عقب نهاية المباراة الأولى، التي انتهت بثنائية نظيفة في مرمى الهلال، بلغت حدّ الإساءة، بل والإساءة العنصرية !!

وبعض جماهير الأهلي على المدرجات، كانت تهتف، ليس ضد الهلال وحده، وإنما ضد السودانيين، بعبارات عنصرية، على شاكلة: "عصمانة يا عصمانة".


ودا .. من هنا http://www.alarabiya.net/writers/writer.php?content_id=38229
فــــ ياخال لا تدع حبك للمصريين يشوش لك الحقائق ..
حضريكم هذا لا يستحق أن ينال الجنسية .

ـــ
تحية .. معطرة بالياسمين .
أما عن العماقه فأسال الله أن أكون أعمق مما تظن ، و أما عن ميولي للاخوة المصريين فليس علي حساب كرامتنا .
و أما كوتك الجايبوه ففيه ما قالت الجماهير المصريه و ليس ما قال الحضري !
أعلم يا سيدنا - أصلحك الله - باني لست أدري أيهما بغضي له أشد : الحضري أم المريخ !!!! لكني ما جئتك سائلا إلا امتثالا لقوله تعالي (ولا يجرمنكم شنآن قوم على ألا تعدلوا )
عليه يبقي سؤالنا قائما : (ما هو قول الحضري العنصري الذي استندت عليه لمنعه من الجنسيه السودانيه ؟ ) !!!!
Post: #53
Title: Re: لا لمنح الحضري الجنسية السودانية !!
Author: السيد المسلمي
Date: 05-15-2010, 09:59 AM
Parent: #51

عبد العظيم أحمد ..
فعلاً أصبحت الجنسية السودانية تمنح لكل من هب ودب .




ـــــ
شكرا علي المرور .
Post: #54
Title: Re: لا لمنح الحضري الجنسية السودانية !!
Author: السيد المسلمي
Date: 05-15-2010, 10:09 AM
Parent: #53

Quote: لا لتجنيس لاعبي الكرة بصفة عامة و اهدار المال و اجدر دفع الاموال لتطوير الناشئن لان هؤلا المجنسون لايمثلون السودان في الفرق القومية






ــــ
مشكور ياحاتم .
Post: #55
Title: Re: لا لمنح الحضري الجنسية السودانية !!
Author: حافظ كنجال
Date: 05-15-2010, 10:29 AM
Parent: #54

الموضوع من ناحية ايجابية...
اتفاقية الحقوق الاربعة بين السودان ومصر...
طبعا دي مستمتعين بيها المصرين بس..
تحق للحضرى ان يلعب في المريخ كمواطن ..مابيحتاج للجنسية...

دائما الجنسية تمنح للاعبين صغار السن عشان يستفاد منهم مستقبلا في الفريق
القومي..زي ماحصل مع اولادنا ناس ماجد محمد ومجدي صديق وغيرهم في قطر...
هسه هم عماد المنتخب القطري...

الحضري افضل حارس في افريقيا ودي مافيها شك...
خليهو باقي عمرو يجي يشلته معانا ..هو جمال الوالى دافع حاجة من جيبوا ماكنجالات الشعب...
Post: #56
Title: Re: لا لمنح الحضري الجنسية السودانية !!
Author: السيد المسلمي
Date: 05-15-2010, 01:27 PM
Parent: #55

Quote: تفاقية الحقوق الاربعة بين السودان ومصر...
طبعا دي مستمتعين بيها المصرين بس..
تحق للحضرى ان يلعب في المريخ كمواطن ..مابيحتاج للجنسية...
أعتقد إنو شداد رفض لجمال الوالي تسجيل الحضري كمواطن بناء علي الحريات الأربعة !
لذا لجأ الي حيلة منحه الجنسية السودانية ..

ــــ
تحياتي ياحافظ ياكنجال .
Post: #57
Title: Re: لا لمنح الحضري الجنسية السودانية !!
Author: فايزودالقاضي
Date: 05-15-2010, 02:06 PM
Parent: #56

ومازال العربي السيد يلف ويدور دون ان يأتي بما قاله الحضري للشعب السوداني من عبارات عنصرية ... العربي يعمل لاجندة خفية هلالية ويتبنى حملة غير اخلاقية لمنع الحضري من اللعب للمريخ ونحن كصفوة نبيهة ذكية تفهمها وهي طائرة لاتنطلي علينا مثل هذه الالاعيب العاطفية ..وسنضرب بيد من حديد كل من تسول له نفسه المساس بمصالح فريق المريخ العظيم ...


نعم لتجنيس الحضري حتى تثبت ادانته ..ونعم لسحب الجنسية من السيد المسلمى عشان البلد مامستفيده منو ..
Post: #58
Title: Re: لا لمنح الحضري الجنسية السودانية !!
Author: السيد المسلمي
Date: 05-15-2010, 02:28 PM
Parent: #57

Quote: نعم لتجنيس الحضري حتى تثبت ادانته ..ونعم لسحب الجنسية من السيد المسلمى عشان البلد مامستفيده منو ..
أوووووو حبيبنا ود القاضي ..
ياخي سامحني .. أنا قبل دخول أمين نوتة هنا كنت أظنك ( وهنا كل الطن إثم ) أكثر ضرراً علي فكرة البوست ..
لحدي ماجانا نوتة بي هنا .. فأكتشفت إنك أرق من مشي علي رجلين ... تصدق !!

بالله عليك ماتنقطع .
Post: #59
Title: Re: لا لمنح الحضري الجنسية السودانية !!
Author: السيد المسلمي
Date: 05-15-2010, 03:46 PM
Parent: #58

Quote: ومازال العربي السيد يلف ويدور دون ان يأتي بما قاله الحضري للشعب السوداني من عبارات عنصرية .
يعني أنا أدفع تمن عدم متابعتكم للأحداث ..
ولازم وكسر رقبة أجيب الكلام القالو الحضري مسجل أو مكوت عشان تقتنعوا وتوقعوا معانا !!
إنا لله ......





ـــــ
تحياتي يالذيذ يارايق .
Post: #60
Title: Re: لا لمنح الحضري الجنسية السودانية !!
Author: فايزودالقاضي
Date: 05-15-2010, 03:55 PM
Parent: #59

حبيبنا ..المسلمي .. مشتاقين والله ...

اها عملت لينا شنو في موضوع كلام الحضري ....لقيتو ولا تبلع مع الاعتذار للهارب امين !!!
Post: #61
Title: Re: لا لمنح الحضري الجنسية السودانية !!
Author: الامين موسى البشاري
Date: 05-15-2010, 04:11 PM
Parent: #60


السيد المسلمي أزيك ياااااخ
يا إخـــوانا انتوا متين ح تبطلوا حســــادة يا هلالاب
عموما هذا ما قاله الحضري ... الحضري قال كل خير يا زول
وبالعدم كدا جاوب لينا ســـؤال حبيبنا فايز ود القاضي دا


عصام الحضري : سأنال الجنسية السودانية وسألعب للمريخ
قال عصام الحضري حارس مرمى النادي الإسماعيلي أنه سينتقل إلى نادي المريخ السوداني في يونيو المقبل بعد الاجتماع الذي جمعه أول أمس برئيس نادي المريخ السيد جمال الوالي.

وقال الحضري في تصريحات لجريدة سوبر : " أنا عند وعدي لجمال الوالي، فقد وعدته باللعب لصفوف نادي المريخ في الموسم القادم، وعلى الرغم من وصول عدد من العروض الأخرى منها عروض أوربية، إلا أنني عند كلمتي له ".

وأضاف الحضري : " بإذن الله سأكون بعد أقل من شهر مرتدياً القميص الأحمر، والذي أتشرف كثيراً بالانضمام إليه بعد الكلمات الطيبة التي قالها لي السيد جمال الوالي والتي جعلتني أوافق بلا تردد على اللعب لنادي المريخ ".

وعن مدة العقد قال الحضري " هذه الأمور ما زالت غير محسومة ولم نتحدث فيها الآن، ولكن ما أؤكده أنني ذاهب إلى المريخ في يونيو ".

وأخيرا قال الحضري " لقد عرض على السيد جمال والي أن أنال الجنسية السودانية لأن قوانين الاتحاد السوداني لكرة القدم لا تسمح لي بالانتقال للمريخ إلا إذا حصلت على الجنسية السودانية، وهو ما رحبت به كثيراً وأتشرف به، والآن لم يعد هناك عائق للانتقال إلى المريخ ".

يذكر أن عصام الحضري كان قد انتقل في بداية الموسم إلى النادي الإسماعيلي المصري، ولكنه أعرب في نهاية الموسم عن رغبته في ترك الفريق، وأعلن أن لديه عدة عروض من ليرس البلجيكي الذي يملكه رجل الأعمال المصري ماجد سامي، والمريخ السوداني وعروض أخرى لم يكشف عنها اللاعب.
___
المصدر
http://www.eparena.com/new/ar/33168/id/5486
Post: #62
Title: Re: لا لمنح الحضري الجنسية السودانية !!
Author: محمد المسلمي
Date: 05-16-2010, 07:38 AM
Parent: #61

Quote: لأن قوانين الاتحاد السوداني لكرة القدم لا تسمح لي بالانتقال للمريخ إلا إذا حصلت على الجنسية السودانية، وهو ما رحبت

مصر والسودان حتي واحدة
Post: #64
Title: Re: لا لمنح الحضري الجنسية السودانية !!
Author: السيد المسلمي
Date: 05-16-2010, 07:59 AM
Parent: #62

Quote: مصر والسودان حتي واحدة

ياحاج .. حمدلله علي السلامة
وبعدين نحن من زمان بنقول حتة واحدة ..
وهم بقولو مليون حتة !!

ــــ
تحية معبقة بالياسمين ( مش بتاع نوتة )
Post: #63
Title: Re: لا لمنح الحضري الجنسية السودانية !!
Author: السيد المسلمي
Date: 05-16-2010, 07:52 AM
Parent: #61

الأخ الأمين موسي .. مرحبا بك
Quote: عصام الحضري : سأنال الجنسية السودانية وسألعب للمريخ
وماذا تتوقعون من هذا الإنتهازي .. ؟
وهل يملك إلا أن يوقع مقابل حِزم الدولارات المقدمة له من السيد جمال الوالي !! ؟


Quote: وأخيرا قال الحضري " لقد عرض على السيد جمال والي أن أنال الجنسية السودانية لأن قوانين الاتحاد السوداني لكرة القدم لا تسمح لي بالانتقال للمريخ إلا إذا حصلت على الجنسية السودانية، وهو ما رحبت به كثيراً وأتشرف به، والآن لم يعد هناك عائق للانتقال إلى المريخ ".
Post: #65
Title: Re: لا لمنح الحضري الجنسية السودانية !!
Author: Hisham Ibrahim
Date: 05-16-2010, 08:52 AM
Parent: #63

Quote: لا لمنح الحضري الجنسية السودانية !!



مش كدا


بل لا لعــبوره الاجــواء السودانية حتى !!



مريخابي قديم !!



هشام
Post: #66
Title: Re: لا لمنح الحضري الجنسية السودانية !!
Author: محمد عبد الماجد الصايم
Date: 05-16-2010, 09:32 AM
Parent: #65

أبو السيد .. كلام سليم يا عمكـ!
والله لو جاي يلعب للهلال برضو .. كلام سليم!




_
حضري شنو وقزاز فاضي شنو!
Post: #68
Title: Re: لا لمنح الحضري الجنسية السودانية !!
Author: السيد المسلمي
Date: 05-16-2010, 09:55 AM
Parent: #66

حمدلله علي السلامة ياعمك ..
Quote: حضري شنو وقزاز فاضي شنو!
هو إحنا ناقصين !؟
Post: #67
Title: Re: لا لمنح الحضري الجنسية السودانية !!
Author: السيد المسلمي
Date: 05-16-2010, 09:53 AM
Parent: #65

Quote: e: لا لمنح الحضري الجنسية السودانية !!




مش كدا

بل لا لعــبوره الاجــواء السودانية حتى !!



مريخابي قديم !!




أيوا دا الكلام النجيض ..
شكرا ياهشام .
Post: #69
Title: Re: لا لمنح الحضري الجنسية السودانية !!
Author: طلحة عبدالله
Date: 05-16-2010, 10:17 AM
Parent: #67

غايتو يا امين بقيت محترف عكلتة :
Quote: الحضري نبذ هيثم قال ليه شنو ؟
قال ليهو يا خراشي ..
يعني يا شين .
.........................
وحتي لو ما قال ليهو أية حاجة فالزول دا ما يستاهل
يتسجل في المريخ ناهيك عن أنو يديهو كمان جنسية .
Post: #72
Title: Re: لا لمنح الحضري الجنسية السودانية !!
Author: السيد المسلمي
Date: 05-16-2010, 12:13 PM
Parent: #69

Quote: وحتي لو ما قال ليهو أية حاجة فالزول دا ما يستاهل
يتسجل في المريخ ناهيك عن أنو يديهو كمان جنسية .
دي الناس العميقة .. وديل أهل الكورة .
مش زي أمين خال حمور .. راكبا عارية ساهي ! !!



ـــــ
تحياتي .. ياطلحة .
Post: #70
Title: Re: لا لمنح الحضري الجنسية السودانية !!
Author: فايزودالقاضي
Date: 05-16-2010, 10:35 AM
Parent: #67

Quote: مصر والسودان حتي واحدة


الحضري والمريخ حتة واحدة ...
Post: #71
Title: Re: لا لمنح الحضري الجنسية السودانية !!
Author: Hassan Senada
Date: 05-16-2010, 10:50 AM
Parent: #70

مرحبا بلحضرى فى القلعة الحمراء