|
ناس هندسة جامعة الخرطوم : احلى ناس
|
وصلنى ايميل فيه القصائد عن تشجيع نس هندسة فى الكوره ايوه....ذى اليوم الحار. بس اليوم الحار كان فيه اغانى الدينصورات ناس خليل. دى اغانى اجيال بعد خليل بكتير ________________ خليل...ما تزعل...انت الخير و البركة
|
|
|
|
|
|
|
|
Re: ناس هندسة جامعة الخرطوم : احلى ناس (Re: عبدالكريم الامين احمد)
|
بوووووووووووووووو امسك يا بكرى .. حالة تسلل وااااااااضحة !!
ــــــــــــــــ لومو لى منبركم داك .. مالو مافيه موية ؟ الكهربا بتقطع؟ الضلمة الجماعة بقوا ما بدخلوا ..؟؟ عندكم دار حداااادى مدادى حقوا تستغلوها فى افكار جاذبة لوووووول .. ازيك يا اسمارت ح تقيفى انتى فى القون وتصدى شربات الجزاء سمح ؟؟ ياخ الحارس ذنبو شنو ؟؟
| |
|
|
|
|
|
|
Re: ناس هندسة جامعة الخرطوم : احلى ناس (Re: عاطف عمر)
|
سمارتي
طبعا نحن ننحاز لزمننا واغنيات هندسة الجميلة
التشجيع الحالي اصبح هابطا شانه شان الغناء السوداني في تلك الايام
علي شاكلة اضربني بمسدسك
نحن كنا نقول
ونحن رغم سيمستر
صلاة النبي فوقنا
الجكس فينا مكسر
مش فرق كبير بيننا وبينهم
| |
|
|
|
|
|
|
Re: ناس هندسة جامعة الخرطوم : احلى ناس (Re: smart_ana2001)
|
مازن عادل عبدالغني .... اى زول عارف قصة واسيفا دى ? تسلم
رغيم عثمان رغيم الحسن .... شكرا جزيلا
سلامات يا كيكى....وينك? التحية للبشمهندس خليل و للبشمهندس عمر الحبر. عارف.. الناس الكانو بيكبوا الاغانى دى هم اللى كانوا بيخلوا طعم كرة هندسة مختلف جدا. ما لينا بس...لكل الجامعة. يا اخى ايام هندسة بالجد اجمل ايام.
شنو يا دينا يا اختى ??? قلنا ما نحرمم من الجمال ده....ذى ما كنا " ما حارمنكم زمن الجامعة".اقرى....اقرى..و استمتعى...اصلوا (احنا رغم سمستر...الجكس فينا مكسر....صلاة النبى فوقنا)
عاطف عمر ...تسلم يا بشمهندس
خليل..مالك عاوز تجيب لروحك المشاكل ? هندسة ما بلع منها حاجه هابطة. انت بس الزعلت عشان قلنا ديناصور. يا اخى انا بهظر ...بس. انا البتفاصح دى اتخرجت لى 9 سنوات بالتمام و الكمال.
| |
|
|
|
|
|
|
Re: ناس هندسة جامعة الخرطوم : احلى ناس (Re: smart_ana2001)
|
باسيفا ... 5 سنوات من أجمل أيام حياتي قضيتها (مدرباً) لمنتخب كلية الهندسة 95 19- 1999م كوكبة جميلة ضمت (أسامة - مجدي النسر - معتز - مرضي سر الختم - ود العشى - عمار العبد - خالد العبد - سيف - خالد الزعيم - شريف الفاتح -وليد سنيوري )وغيرهم من الاعبين الأفذاذ ... وعلى رأس التشجيع فنان عقد الجلاد المبدع (الخير) ... أول كلية شاركات بدوري (الصالات) المغلقة وصلنا من خلالها لنهائي البطولة أمام منتخب البيبسي كولا بقيادة العجب والزين . . يا لها من ذكريات جميلة . . وحلاة الهندسة بالليل ...
| |
|
|
|
|
|
|
Re: ناس هندسة جامعة الخرطوم : احلى ناس (Re: معتز زيزي)
|
سلامات معتز
Quote: أول كلية شاركات بدوري (الصالات) المغلقة وصلنا من خلالها لنهائي البطولة أمام منتخب البيبسي كولا بقيادة العجب والزين |
انا و صحبتى يوم قررنا نمشى الكورة فى الصالة....و فعلا مشينا. و شكلنا كنا اول بنات يجوا الكورة. و اتغلبت هندسة فى اليوم داك. جاء احمد عجوز بعد الكورة و قال لينا :تانى ما تجو...انتو بالذات.
كانت و الله اجمل ايام.
| |
|
|
|
|
|
|
Re: ناس هندسة جامعة الخرطوم : احلى ناس (Re: رغيم عثمان رغيم الحسن)
|
[B]طبعا جيل التمانينا ت بيتذكر هتافات: الشفيع وراق ... ولا الآداب و سوكابا وصل.... جرجير وبصل و حاجات حلوة زي دي بس عندي اعتراض على حلاة ناس الهندسة دي لأنو بالطريقة دي حا تدخلوا معانا ناس ابو الريش(مش بتاع البورد) وناس عبد الحميد الشايقي و الفاتح االحيوان و الفاتح السمين والله ديل الحلاوة بالشرق و هم بالغرب.
| |
|
|
|
|
|
|
Re: ناس هندسة جامعة الخرطوم : احلى ناس (Re: khaleel)
|
سلامات يا ابراهيم...ح احاول اخلى بكرى يحول البوست بهناك و خد راحتك....انقل ذى ما عاوز
شكرا رغيم...و حقيقى ما كنت عارفه ان ارسطو هو المهندس عبد الله جعفر اشكره نيابتا عنا كلنا
MOHAMMED ELSHEIKH شكرا الحلاوة حلاوة الاخلاق....
تسلم يا حاتم...يا ضب
خليل....اعمل حسابك...البرالامة ديل كلهم بقوا ناس مهمين فى دال و قريتر نايل و هجليج و سوداتيل...لما ترجع السودان ما بيشغلوكJust kidding
| |
|
|
|
|
|
|
Re: ناس هندسة جامعة الخرطوم : احلى ناس (Re: smart_ana2001)
|
صلاة النبي فوقو اسكول جنوب السنتر صلاة النبي فوقو كلية أوضة وبنبر صلاة النبي فوقو الدومة قالو رئيسا صلاة النبي فوقو عضت أضاني كديسة صلاة النبي فوقو ... الطب ضواحي السنتر صلاة النبي فوقو كلية أوضة وعنبر صلاة النبي فوقو وجراحة قالو حضارة صلاة النبي فوقو تحلف تقول دي جزارة صلاة النبي فوقو اكنوم((اقتصاد))شمال السنتر صلاة النبي فوقو كافتيريا بس ما أكتر صلاة النبي فوقو برلوما ديمة مدبرس صلاة النبي فوقو لأنو ديمة مركلس صلاة النبي فوقو شمبات بهايم السنتر صلاة النبي فوقو لا عندو هم لا سمستر صلاة النبي فوقو كل همو بس في الدنيا صلاة النبي فوقو علاح حمير البندر صلاة النبي فوقو وانحنا غرب السنتر صلاة النبي فوقنا كلية ماليا السنتر صلاة النبي فوقنا وانحنا رغم سمستر صلاة النبي فوقنا الجكس فينا مكسسسسر صلاة النبي فوقنا وفريقنا لمن يلعب صلاة النبي فوقنا تحلف تقول مانشستر صلاة النبي فوقنا وفريقنا في الميدان صلاة النبي فوقنا تحلف تقول ميلااااااان
آداب بلد العطالة آداب بلد العطالة شتات يا فردة أشوت فيهم خسارة شتات يا فردة ونمشي الأقتصاد شتات يا فردة هناك نقعد قعاد شتات يا فردة هناك نقعد قعاااد شتات يا فردة ونخلط ناس سعاد شتات يا فردة لمن كنت سغير لمن كنت سغير بلعب بي التراب ماما قالت لي أوعا تخش آداب ديل لا بدوهم عربي ولا حساب وجيبم ديما فااااضي صندق دعم الطلاب آداب آداب آداب اداب داب
| |
|
|
|
|
|
|
Re: ناس هندسة جامعة الخرطوم : احلى ناس (Re: smart_ana2001)
|
الترس الترس الترس يالضببة أدونا ورق يالضببة نمشي شارع المين يالضببة مرة تانية أقين يالضببة اتنين اتنين يالضببة وهناك خالطين يالضببة نمشي الأندرلاب يالضببة نفقد الأحباب يالضببة
المقدرة عندو سماعة أنا ما بقدر ريحتو بلاعة أنا ما بقدر عندو سكينا انا ما بقدر طويلة سنينا انا ما بقدر قطعا شرحا انا ما بقدر غسلا ملحا أنا مابقدر شالا في كيسو أنا ما بقدر باعا بالكيلو انا ما بقدر دكترة دكترة دكترة اصلو عفنو كده انا ما بقدر أصلو وسخو كده انا ما بقدر .... عندو بسطونا أنا ما بقدر سودا في لونا أنا ما بقدر يجلد الشفع أنا ما بقدر قرايتو ما بتنفع أنا ما بقدر داكي لكاشرو انا ما بقدر ماشي قمايرو انا ما بقدر بوخو واصلنا انا ما بقدر كمل السنة انا مابقدر حاجة نفيسة انا ما بقدر ادينا مريسة انا ما بقدر تربية تربية تربية أصلو عفنو كدة انا ما بقدر أصلو وسخو كدة أنا ما بقدر ...... عندو مسطرة انا ما بقدر أمورو ميسرة أنا ما بقدر وجاهتو مأثرة أنا ما بقدر جكسويتو مكسرة أنا مابقدر مدينتو عممممرا أنا ما بقدر خطوطو جرجرا أنا ما بقدر وسمحة المقدرة أنا ما بقدر وكعععععبة الدككككترة
نحن الكبار نحن الكبار قاعدين كنب أي امتحان بنقول صعب مافي امتحان ماشلنا صب سنة أولا سنة اولا عدينها نوم وعل اللكاااشر ما بنحوم ومرقنا الله من العلوم ووصلنا تانية بعد تعب ... سنة تانية ما خشينا لاب ولا فتحنا ولا كتاب كل المواد شتناها قاب وف دكاترة ما شافونا تب ... سنة تالتة لازمين البركس نايمين وناكل في العدس قافلين على البش والترس قصونا ليك زي العجب .... سنة رابعة مدتنا انتهت طلباتنا وصلت للسنت ولما القراية احسنت قصونا بالحظ الكعب .... ووصلنا خامسة بعد سنين ومربتين ومكسترين وحلفنا ما متخرجين لو مافي زول مسك الدرب
| |
|
|
|
|
|
|
Re: ناس هندسة جامعة الخرطوم : احلى ناس (Re: smart_ana2001)
|
البرلوما دي البرلومة قاعدة في بنشيها وبكريماتا سايطة جايطة وشيها وفي المنكير غمست ايديها داسة شناتا اوعى تدقس فيها النار يا الله سبب النار يا الله ودي البرلوما لابسة بالطو شدة ادينا البالطو نغسل بيو العدة النار يا الله سبب النار يا الله دي البرلوما في اليوم بتخلط مية وفي النتيجة لقو ليها صب كمية اربعين في اتنين قال بتعمل مية لقوها بليدة نزلوها تقنية
حبيبى وين بلاقي حبيبى وين فى جامعة الخرطوم بلاقى انا ما بنوم بلاقى بعد النجوم بلاقى خريج علوم حبيبى الحرفو نون بلاقى خاتى الظنون بلاقى برلوم قانون حبيبى الحرفو صاد بلاقى سبب السهاد بلاقى فى تانية اقتصاد حبيبى سبب العذاب بلاقى بليد فى الحساب بلاقى فاينال اداب حبيبى ملك القلب بلاقى غيرو ما بحب بلاقى فى خامسة طب حبيبى تحت الشجرة بلاقى بعالج البقرة بلاقى فى البيطرة حبيبى الليلة المسا بلاقى دة الما قسا بلاقى فى الهندسة حبيبى
حبيبى وين فى جامعة الخرطوم بلاقى
| |
|
|
|
|
|
|
|