Post: #1 Title: انت يالابيض ضميرك Author: هاجر التهامي ياسين Date: 05-12-2010, 08:33 AM
مافي اجمل من ان تكون زول نظيف, جواك سكون وبياض اخاذ جواك وطن لكل الناس الغلابة والجاي في الطريق في نص الليل قاصد درب ضاع منه في ظلمة الحياة. اصلوا انت بئر غريق لكل تعبان لمى يحكي وعارف انك ما بتخيب ظنه ابدا انت نادر في زمن صعيب بس وجودك ما مستحيل, ربك الخلاك قادر يوجد زيك كتير انت اصلا زول صعب على وصفه, انت زي البلد مليون ميل حدوده وانت حدودك الجنة انت كوكب او مجرة ضامة كل الخير مافيها مكان للسواد كل الكواكب مشعة لامعه تدي ضوء ما بتدي ظل. دا انت جواي وصفك , جواي ساكن, جواي متحكر ومتملك كل الاماكن .
Post: #2 Title: Re: انت يالابيض ضميرك Author: هاجر التهامي ياسين Date: 05-12-2010, 08:54 AM Parent: #1
عيونك فيها برتاح كل مسافر وانا لي شاطئ واول محطة واخر ولما تضحك ياحنين ضحكك بيفرح مكسور الخاطر اصلوا انت مزروع محبة ومخلوط بتيراب الاصالة لاهو مغشوش لاهو نافد
Post: #3 Title: Re: انت يالابيض ضميرك Author: Tragie Mustafa Date: 05-12-2010, 09:00 AM Parent: #2
هجوره كيفينك ومشتاقين يختي
ده منو الدشدشك ده؟؟؟ غايتو يا بكري افتح لينا نقطه من اجل بلاغات الدشدشه و الكسير لحقتي اختك ولا شنو يختي؟؟؟(ههههههه) اعلمي حسابك....
Post: #5 Title: Re: انت يالابيض ضميرك Author: هاجر التهامي ياسين Date: 05-12-2010, 09:25 AM Parent: #3
دشدشة ماركة مسجلة واورجينال كمان ما من ماركة صنع في الصين
اهلين اختنا تراجي
والله شوقنا بحر وعلى قول واحد صاحبنا كدا شوق لو مرا على جبال فرتكتها ولو مرا البحار غطست حجرها ولو مرا على فلسطين بس لحد هنا وغلبه يعمل فيها حاجة
ماشفتي بقيت طيبة كيف
مع ودي
هاجر المدشدشة
Post: #4 Title: Re: انت يالابيض ضميرك Author: هاجر التهامي ياسين Date: 05-12-2010, 09:01 AM Parent: #2
والله لو احكي عنك ما اقدر اوفي وصفك اصلوا الكلام ما بنصفك
Post: #6 Title: Re: انت يالابيض ضميرك Author: وليد الطيب قسم السيد Date: 05-12-2010, 09:26 AM Parent: #4
بكيت وياليـــت البكـــاء يذود عني بؤسي..... وفيت وقد كان وفائي كل وجداني وحسي...... فجودي ياعيني ..بالدمع على من ملأ بالحب نفسي
الله يكون فى عونك يا هاجر التى لن تهجر
Post: #7 Title: Re: انت يالابيض ضميرك Author: هاجر التهامي ياسين Date: 05-12-2010, 09:38 AM Parent: #6
شكرا وليد على المرور وعلى الكلمات الجميلة
وبرضوا شكرا على الدعوات
مع ودي
هاجر
Post: #8 Title: Re: انت يالابيض ضميرك Author: هاجر التهامي ياسين Date: 05-12-2010, 09:48 AM Parent: #7
عايزة اغرق في بحارك واتوه في وديانك وثمار اشجارك يبقى زادي . انت اجمل دنيا زرتها وماقدر يوصفها مدادي
Quote: عايزة اغرق في بحارك واتوه في وديانك وثمار اشجارك يبقى زادي . انت اجمل دنيا زرتها وماقدر يوصفها مدادي
والله لكن بختو!
_________________________ الخوف يجيك واحد/ه ناطي هسة يطلّع ليك كلامك ما فيهو ( معايير) ! أصلها قصة المعايير دي موضة في المنبر الأيامات دي .
Post: #10 Title: Re: انت يالابيض ضميرك Author: هاجر التهامي ياسين Date: 05-13-2010, 09:29 AM Parent: #9
صباحك بالخير ياحسن
انا لا قلت شاعرة ولا قلت دا شعر
دا كلام سااااااااااي
وبس
مع ودي
هاجر
Post: #11 Title: Re: انت يالابيض ضميرك Author: هاجر التهامي ياسين Date: 05-13-2010, 09:37 AM Parent: #10
هل الحب احساس موجود داخلنا وجزء من انسانيتنا ام حدث يحدث بوجود مواصفات ومقايس؟ ام هو ظهور حبيب ثم غدره لنا ثم يموت معه الحب فينا ونصبح بعده بدون؟ لا يمكن ان نكون بشر من غير حب هو متأصل فينا منذ المولد وحتى الممات , هو العطاء والكلمة الطيبة والدمعة النازلة لحظة حنين تغلب على الكلام ويتوه مننا ويبقى التعبير عنه باحساسنا الاصلوا مخلوق معانا.
Post: #12 Title: Re: انت يالابيض ضميرك Author: هاجر التهامي ياسين Date: 05-13-2010, 09:48 AM Parent: #11
بين وجودك وبين غيابك شعور زي الموت والحياة احاسيس كتيرة غريبة فيها الحزينة والمفرحة اكيد عرفت غيابك يعني الحطام والانهزام وحاجات كتيرة مبكية ولما تحضر يامناي تضحك الازهار ويشدو الكروان في ضفاف النيل لما يحضن وجه الشمس المشرقة .
