Post: #1
Title: غـربــة الـسـودان
Author: مُحَمَّدٍ عِوَضٌ احْمَدُ
Date: 05-11-2010, 08:16 PM
1
لم يعد السودان كما هو,,ولم يعد السودانى كذلك..
الأيام تمر هنا ببطء ثقيل..وكل شخص لديه من الهموم..ما يكفى..ولم يعد من يستمع لأخر
اللمات الزمان فى الضل..مع الصحاب راحت فى حق الله..غربة..تحكيها ال24 ساعة التى يشعر الشخص
بأنها ليست كافية لليوم. الواحد...
|
Post: #2
Title: Re: غـربــة الـسـودان
Author: مُحَمَّدٍ عِوَضٌ احْمَدُ
Date: 05-11-2010, 08:22 PM
Parent: #1
2
كل شئ يفتقد المذاق الزمان..البرنجى..الفول..الروب.ذاتو
.الصباح نفسه فقد طعمه..وعندما تصحو ..وتسير..على طريقك القديم نفسه
تقراء كل اللافتات فى دهشة كأنك تراها لأول مرة..
تشعر بالغربة وانت فى وسط السوق العربى..
الخرطوم تبدو كعاصمة اخرى...وعندما تمر بجانبك
عربة الشرطة تتحسس بطاقتك الشخصية..بصورة تلقائية
كن على استعداد لـ تبرز هويتك ايضا
!
|
Post: #3
Title: غـربــة الـسـودان-3
Author: مُحَمَّدٍ عِوَضٌ احْمَدُ
Date: 05-11-2010, 08:34 PM
Parent: #2
النهر..والنهار..والمقيل..والجبنة..كلو ما ياهو..وما راكب عدلو
سهراتنا التى كانت تمتد الى أن يقول ذلك الأمام..
اللهم انى بلغت فأشهد..ويجعلنا نشعر بخشية كبيرة من آخرتا
احساسنا ببعضنا..بالعيد..بـ المولد...دهشتنا بكل هو جديد..
تـــــــــلاشى كل شئ..!
عجبا ان نبحث عن الملاذ هنا فيك يا وطن
|
Post: #4
Title: Re: غـربــة الـسـودان-3
Author: مُحَمَّدٍ عِوَضٌ احْمَدُ
Date: 05-12-2010, 02:43 PM
Parent: #3
4
زمان كان الصحن واحد والتربيزة واحدة وجق الألمونيا تحتا..ولازم تنتبه وانتا بتاكل عشان ما تكشح الموية..ابوك جنبك..يمد ويغازل الجماعة تحت تحت..ويمدو لكل زول لحمتو جنبو..يقوم اصغر زول يجيب الزيادة من طبق الكسرة..نلحس الصحن ..نغسل أيدينا كلنا جواهو..
نجد الان كل شئ..ارتحنا من ملى الأباريق..ومن قسمة اللحمة الظالمة. .ولكن نفتقد تلك اللمة فى الحوش العصرية وتلك الصينية الوحيدة ..
شئ ما سرق منا ابتسامتنا وحنين والدينا..واخواننا..!!..
|
|