Post: #1 Title: عضو الجهاز الفني للهلال يتسبب بهدف في مرمى المعز محجوب ... فيديـو !! Author: Elhadi Date: 05-11-2010, 06:22 AM
وجدت هذا الفيديو في أحد المواقع ..
وهو يوضح حالة الفوضى والعبط الذي يضرب في أوساط مسئولي أندية "القمة" في السودان .. أحد أعضاء الطاقم الفني للهلال يعدو تجاه مرمى الهلال ليطلب من حارس الهلال "المعز محجوب" بالسقوط أرضاً وإدعاء الإصابة اثناء استمرار اللعب قريباً من المناطق الدفاعية للهلال في مباراته ضد الاسماعيلي المصري .. مما تسبب في ولوج الهدف الثاني للإسماعيلي في مرمى الهلال ..
والمعز كمان ما صدق راح منبرش طوالي الانبراشة الياها ديك وتاني غلبو ليك يقوم يحصل الكورة
الفيديو :
حاجة جد جد مضحكة
Post: #2 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: ود الباوقة Date: 05-11-2010, 06:31 AM Parent: #1
المعز غلطان
طالما وقع مفروض يواصل في الوقعان
ليه قام تاني
Post: #3 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: سامى عبد الوهاب مكى Date: 05-11-2010, 06:38 AM Parent: #2
والله الهلال دا أظرف حاجة في البلد دي!
بيضحكني يااااخ!
Post: #4 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: Elhadi Date: 05-11-2010, 06:46 AM Parent: #2
المعز قام لانو أساساً هو مستهبل
والحكم لم يأمر بإيقاف اللعب فلم يكن أمامه خيار سوى النهوض لمحاولة التعامل مع اللعبة
الحاجة المستغرب ليها انو المعز برغم كل خبرة هذه السنين الطويلة لم يستطع تقدير خطورة اللعبة على مرمى فريقه
وانصاع لعضو الجهاز الفني للهلال بلا أدنى تفكير ..
قايل نفسو لاعب في الدوري المحلي وقدام الحكام القاعدين يقبقبوهم ويخوفوهم هو وهيثم مصطفى
لاعبين زي ديل لو قعدوا يلعبوا مية سنة برضهم ما رايحين يتعلموا حاجة
Post: #5 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: Elhadi Date: 05-11-2010, 07:13 AM Parent: #4
Quote: والله الهلال دا أظرف حاجة في البلد دي!
بيضحكني يااااخ!
والله يا سامي اللقطة دي أنا لي أسي بضحك عليها ..
الحاجة دي موش كان ممكن يكون متفقين عليها من البداية ؟؟
موش مفروض كمان المعز حارس عندو خبرة وبعرف متين يموت اللعب ومتين يسقط ويدعي الإصابة لامتصاص اندفاع وحماس الفريق المنافس
كان في داعي لي جنس البشاتن والبهدلة دي ؟؟
وبعدين الظريف الجرى للمعز ده قايل الحكم ما شايفو ولا شنو ؟؟
ولا عارف الحكم شايفو ومتوقع من الحكم إنو يعمل رايح !!
غايتو محن والله
ولو في مجلس إدارة صاح وفي مسئولين صاح الزول ده تاني ما يعتب بي جمب نادي الهلال ..
معقولة زول واحد بي تصرف أرعن وطايش وبليد يطير فريق بي حالو ؟؟
وهو بيني وبينك الهلال كان طاير طاير .. لكن كمان ياخي ما بي جنس الكوميديا دي
Post: #6 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: قلقو Date: 05-11-2010, 10:03 AM Parent: #5
الأخ الهادى والله لا المعز ولا 99% من لاعبى الهلال الحاليين ولا الأداريين من هم فى قامة فريق الهلال, ولكنه الزمن الردئ الذى جعل من المعز واشباهه يلعبون فى فريق الهلال ويتلاعبون بتاريخ الهلال وهم لم يكونوا حتى يحلمون من ان يمروا من امام ابواب النادى .ونفس الحديث ينطبق على حالة فريق المريخ واشباه اللاعبين به و(عليه).
Post: #7 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: عمران حسن صالح Date: 05-11-2010, 10:08 AM Parent: #6
Post: #8 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: مُحَمَّدٍ عِوَضٌ احْمَدُ Date: 05-11-2010, 10:21 AM Parent: #7
اتوقعت يجيبو اللقطة فى الاستوديو التحليلى فى الشروق..لكن التعايشة..والرشيد المهدية عملو نيام..ووعضو الجهاز الفنى دا ذاتو ما عارفنهو منو.. لانو فى الهلال صوصا المدرب ومدير الكرة..وهو كل حاجة.. الهلال يا حليلو..ياخ حال المعز..كـ حال البلد تقع وتقوم..وبعد مرات..على قول السيد راقدة وتلولح فى ضنبا وبصراحة اليوم داك كان عجيب.. اى مباراة تحضرها للهلال فى الفترة توقع اصابتك بال..؟..فى نهايتها بلا فى خلقتم..وربنا لا يسامحهم
Post: #9 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: Hassan Senada Date: 05-11-2010, 11:06 AM Parent: #8
الاثنين رشاشات عشان كدة ماجابو اللقطة حتى المزيع حاتم التاج
Post: #11 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: Elhadi Date: 05-11-2010, 06:28 PM Parent: #7
Quote: يا هادي أدونا حق التعب ياخي
أبو محمد ما قصرتا .. لكن لي مشيت حذفتا الفيديو ؟؟
ما مفروض الحاجة الحصلت دي من الظواهر أو الحاجات الما كويسة والناس ما تداري عليها بفهم انو والله ده الهلال وده المريخ
على كل أنا تميت ليك جميلك ورفعتا الفيديو تاني في اليوتيوب
Post: #10 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: Elhadi Date: 05-11-2010, 05:33 PM Parent: #6
قلقو تحياتي .. بتفق معاك يا قلقو .. المريخ كمان لا يخلو من الفوضى واللبط على صعيد الإدارة ودونك ما جرى في حادثة وفاة لاعب المريخ الراحل إيداهور والتدافع في أرض الملعب وفي عربة الإسعاف .. ودونك ما يفعله مقاول البناء المشجع "ياسر الشريف" بفرقة المريخ وما تكتبه الصحافة عن مزاحمته للاعبين وجهازهم الفني وربما حتى تدخلاته في الشأن الفني للفريق ومنو يلعب ومنو ما يلعب .. المريخ زاتو مليان بالفوضى .. على صعيد اللاعبين يكفي فقط تذكر استهتار الحارس أكرم الهادي .. عشان تعرف انو الحال من بعضه
Post: #12 Title: Re: عضو الجهاز الفني للهلال يتسبب بهدف في مرمى المعز محجوب ... فيديـو !! Author: عمران حسن صالح Date: 05-11-2010, 06:37 PM Parent: #10
Quote: على كل أنا تميت ليك جميلك ورفعتا الفيديو تاني في اليوتيوب
الهادي إزيكـ طبعاً المسألة كانت من جانبي بي فهم تعديل الأِشياء وبلاش فضائح وشيل حال باعتباري أحب الهلال لقيت المسألة في منابر أخرى أخدت منحى الشماتة ( وبعضاً من قلة الأدب ) وطبعاً بوستيكـ ده قمة في الأدب ومحاولة ( جلد الذات ) لتحسين صورة الوضع العام لهلاريخ وطبعاً كنت عارف إنو أصلاً ( إتكبشر ) ويمكن يتم رفعو تاني بس على الأقل ما أكون أنا الساهمت في الشي ده وده منطق ريحني ولا تثريب عليكـ أنت في شي فالفضاء يتسع عموماً لا يكون في صدركـ شي والله يصلح حال الكورة والشغالين فيها ولكـ شكري واحترامي
