دموع التماسيح

الإنتهازي عصام دهب يزرف دموع التماسيح ومعلنا إنضمامه لحزب المجرمين في السودان (المؤتمر الوطني) بجدة.

سلام دينق واخبارك ؟؟
قلت ادخل اسلم قبل الكترااااابة ما تقوم

صراحة انا بعجبنى الزول البنجض شغلتو ...
لينا اكثر من سنة بنقنع فى عصام دهب انو هو مؤتمر وطنى مااتحادى..
بعد اكتشف القصة دى هاك يابكا

Quote: أنا مش "أشتغلت" في الجيش الامريكي وبس أنا ضابط بدرس في كليات الجيش الامريكي المختلفة وكل أصدقائي يعلمون ذلك وأنا فخور بذلك جدا. ولقد سافرت الى عدة دول خليجية ومن ضمنها العراق طبعا, ولو أنت كنت ما أدسيت لمن أنا جيت الخرطوم كنت عرفت ذلك وكل الذين تعرفوا علي من قرب يعلمون ذلك جيدا بما فيهم الكيزان. ألعب غيرها. دينق.

الإنْتهازي جورج بوك
يستبيح أرض العراق و يعيث فيها فساداً لأجل حِفْنة دولارات

الإنْتهازي جورج بوك
يقف غاية في الأدب و التهْذيب بين يدي مولاه قرنق
وهو يُنْكِر إنْتماءه الصريح لحركة الشعببِيّة

ولد دا

شوف ختّة الإيد بالله

Quote: سلام دينق واخبارك ؟؟ قلت ادخل اسلم قبل الكترااااابة ما تقوم

العوض سلامات.

أنا أخباري عال العال.

أنتو أخباركم شنوا بعد الانتخابات المزورة دي؟

كترابة شنو ا يا زول!

كمان غلمان الاسلام السياسي ديل بيقدروا على شغلنا ده؟

شوف هسع زي التعيس الغلام ده . من كتابتوا واضح جدا أن بوستنا ده وبوستات تانية بتأتي بمثمارها.

Quote: شوف هسع زي التعيس الغلام ده . من كتابتوا واضح جدا أن بوستنا ده وبوستات تانية بتأتي بمثمارها.

ثِمار شِنو يا كدروك يا بليد
المسألة و ما فيها إنو أنا عندي مزاج معاك
و بس
و عايز أوريك إنو السخف البتعمل فيهو دة ممكن عادي ينقلب عليك

قال جورج بوك البليد

Quote: زي التعيس الغلام ده

فتأمّل

دينق سلام

قلت لي الدموع لي من شنو؟؟؟

من فرحة الانضمام للمؤتمر الوطني

وبلا بكاء على مغادرة الاتحادي؟؟؟



غايتو يا عاصم دهب بالغته...محبه قدر دي؟؟!!

بركه باللقاء بالاحبه مبروك عليك.

Quote: صراحة انا بعجبنى الزول البنجض شغلتو ... لينا اكثر من سنة بنقنع فى عصام دهب انو هو مؤتمر وطنى مااتحادى.. بعد اكتشف القصة دى هاك يابكا

الأخ محمد عبد الرحمن.

عصام ضهب ده شغلوا الظاهر مخستك، الرجل جاي وداخل الانقاذ بعض فوات الاوان؟
الكيزان خموا وقسموا ثروات البلاد من زمان ولم يبقى سوى بعض الفتافت.
فهل عصم ده بقى زول فتة ساكت ولا بحصل الشدر الكبار؟

الأخ العـزيز جـورج
آلا تدرى أن مـن الحـب مـا قـتل!

يا جماعة إمكن الزول دا ( عرقان ) ساي ؛
جدة اليومين دي مسخنة شوية و الرطوبة عالية جدا ..

ننتظر و نشوف رايو شنو !!!

و حسب علمي الراجل دا جعلي ؛
و الجماعة ديل دموعهم ما ساهلة للدرجة دي !!!


تخريمة :

و انت يا دينق ؛ خلي الشماتة ..

Quote: الإنتهازي عصام دهب يزرف دموع التماسيح ومعلنا إنضمامه لحزب المجرمين في السودان (المؤتمر الوطني) بجدة.

د. جون قرنق ينصح دينق: يا ولدي التقرير ده فبركته شينة خلاص وما بتشبه أخلاق السودانيين.
يا ولدي سيب الكلام الفارغ السالب المابودي ولا بجيب وأبعد من النبذ والشتايم... ده حق النسوان الماعندهن والي.
يا ولدي أقول ليك نصيحة أحفظها وأتذكرها قبل ما يهرف لسانك ويرجف بالشتايم وفاحش القول، اسمع مني يا ولدي: أنت لست
بمعصوم ولا من الملائكة حتى لو غيرت جنسيتك وغرك بياض اليانكي ف(السودان الشايفه ده ما حق د. جون قرنق ولا حق الرئيس
عمر البشير، وزي ما أنت عندك حزب له إيجابيات وسلبيات، فالمؤتمر الوطني ليه إيجابيات وسلبيات، وأنت رغم جنسيتك المزدوجة
دي فالحركة الشعبية ما كانت أول حزب ولا أخر حزب تعتنقه.
وأنا د. جون قرنق أتعاملت وسأتعامل وسأعمل مع المؤتمر الوطني لتحقيق وحدة السودان، إن حي واللا ميت، وستبقى الأهداف والمبادئ الأخلاقية التي
ألتزمت بها والأستاذ علي عثمان محمد طه نائب الرئيس عمر البشير وسطرنا ووقعنا على هديها إتفاق "نيفاشا" لوقف نزيف الدم السوداني وتحقيق
السلام الدائم، فلا تختلق العداوات يا ولدي... كن ولد صالح وأبعد عن الشر وغنيلو، وما تسمع كلام الطايشين والطايشات في النت ورقبتك تكبر
وتطول، وتقول ما فيك يا دنيا غير دينق، ولا تعيير الناس بمواقفهم وأختيارتهم الحزبية فكلنا عورات وللناس ألسن.)
د. جون قرنق

تحياتي
أخوك في الوطن - حمد

Quote: قلت لي الدموع لي من شنو؟؟؟ من فرحة الانضمام للمؤتمر الوطني وبلا بكاء على مغادرة الاتحادي؟؟؟

الغالية تراجي.

دي دموع تماسيح ممزوجة بأنتهازية عجيبة. بعدين شوفي كلب الامن وغلام الجبهة جا ناطي كيف ؟

طبعا زي بوستاتنا دي بتهري فشفاشو هري.

التعيس لا يعلم بأنني فخور كل الفخر بصوري مع الزعيم الراحل جون قرنق. وزي الصور دي ح أحتفظ بيها لأولاد أولادي.

Quote: البكاؤون الكاتب Administrator الجمعة, 07 مايو 2010 13:00 (أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ).قال الله جل في علاه واصفاً عباده المؤمنين إذا سمعوا آياته وبيناته: (إِذَا تُتْلَى عَلَيْهِمْ آيَاتُ الرَّحْمَن خَرُّوا سُجَّداً وَبُكِيّاً).وقال عنهم: (وَيَخِرُّونَ لِلأَذْقَانِ يَبْكُونَ وَيَزِيدُهُمْ خُشُوعاً).وقال صلى الله عليه وسلم: (لا يلج النار رجل بكى من خشية الله حتى يعود اللبن في الضرع، ولا يجتمع غبار في سبيل الله ودخان جهنم ).أما نحن فنبكي ولكن السؤال على ماذا نبكي؟؟!!..هناك من يبكي على أحداث في مسلسلات وشاشات وقنوات..وآخر على الحبيب وآخر يبكي على خسارة في المباريات.فشتان والله بين دموعهم ودموعنا..علام بكاء أم أيمن؟ بكت أم أيمن رضي الله عنها لما جاءها أبو بكر وعمر رضي الله عنهما يزورانها بعد وفاة النبي صلى الله عليه وسلم ، فقالا لها: يا أم ما يبكيك؟.. يا أم أيمن ما يبكيك أما تعلمين أن ما عند الله خير لرسوله!!..قالت: بلى أعلم أنَّ ما عند الله خير لرسوله، ولكن أبكي انقطاع الوحي من السماء.. بكت همَّا وحزناً وخوفاً على الأمة بعد نبيها..فمنهم من بلَّ الأرض بدموعه..ومنهم من إذا ذُكرت النار خرَّ على وجهه مغشياً عليه..بل منهم من إذا سمع الأذان ارتعدت فرائصه..ومنهم من إذا توضأ للصلاة احمَّر وجهه، وسالت دموعه.. اسمع وافتح القلب قبل أن تفتح الآذان..

نقلاً عن الإنتباهة

Quote: بعدين شوفي كلب الامن وغلام الجبهة جا ناطي كيف ؟

خنزير الجيش المريكي الجربان
الكدروك جورج بوك الذي ظنّ نفسه جورج دبليو بوش
و ما علِم أنّه جورج دبليو سي
راجع ليك بي روقة يا تافِه

Quote: الأخ العـزيز جـورج آلا تدرى أن مـن الحـب مـا قـتل!

أستاذنا عبد الله مولانا.

ده حب ده ولا وصولية وإنتهازية؟

رسالتك وصلت ح أتصل عليك اليوم بالليل.

خلاص الركبة إتصلحت و قمت علي المدافرة و المداقرة ؟

غايتو حالة سعبة خلاس !!










___________________________
تحت تحت كدة مشتاقين والله

فوووووق . من أجل الدموع التي تزرف.

دموع شنو يا عمكـ
تعال شوف صحبكـ العبّار عامل شنو!
إنتو الويكـ إند عندكم بقى الاتنين
ولا دي البواقي؟

و مِن أجل الغلام الخاتي يدو فوق خدو

Quote: يا جماعة إمكن الزول دا ( عرقان ) ساي ؛ جدة اليومين دي مسخنة شوية و الرطوبة عالية جدا .. ننتظر و نشوف رايو شنو !!! و حسب علمي الراجل دا جعلي ؛ و الجماعة ديل دموعهم ما ساهلة للدرجة دي !!! تخريمة : و انت يا دينق ؛ خلي الشماتة ..

عبد اللطيف خليل.


جدة مسخنة ولا مسخنة الغربة الحارة؟

الغربة اللي بتجرس الناس وبترميهم في حزب الكيزان.

بعدين الدموع دي لو غالية قدر ده كان بتنزل للكيزان المجرمين ولا دي دموع دعوني أعيش وأسرق معكم؟

القصة ما شماتة ولكن القصة بقت تجيب لها دموع كمان. بكرة يمكن واحد يجي يقلع عريان برضوا ويقول أنو أنضم للمؤتمر الوطني.

الإنتهازي عصام دهب.


خليتني أفكر الليل كلوا، الببكيك شنوا؟

حكومة وما أتشكلة، ووظائف بالكوم خصوصا وأنحنا دربنا مرق.

الحاجة الوحيدة اللي أتوصلت لها، يال الكيزان ديل ماسكين عليك شئ

أو الاحتمال الاكبر تكون بتبكي على سوق المواسير الفاتك ده يا جاك.

ابك يا وطني الحبيب
فقرا علينا اتربعو
ديل لابيخافو من الحساب لابيختشو
لا بيشبعو

فووووق

سلطان دينق

والله انت ظلمت التماسيح ظلم الحسن والحسين
ياخى ده ببكى وفرحان لدرجة البكاء عشان
حيسقط في قاع مستنقع من القاذورات يسعده ويشرفه جدا
ان يكون واحدا من كائناته بعد ان عاف هذا المستنقع كثير من
((المعفنين)) وما عادوا يحتملون عفونته.... فالتماسيح لا تاكل الا طرائدها
من ذوات اللحم الطازج ولا ترضى بغير الطازج...اما صاحبنا فقد صام وصام وصام
واخيرا فطر على بصلة معفنة!!

دمعة من أجل...

والله البنضم لي المؤتمر في الزمن ده

لا يظفر إلا بسوء الخاتمة!!!!!

كما يقول الشاعر محمد عبد الحي:

سكر الجميع وقامروا
رحل جميع الصحاب
وكسبنا وحدنا سوء السمعة!!!

وحده الذي سينضم الآن سيكسب سوء السمعة!!!!


وهل الانضمام إلى المؤتمر الوطني شيء يشرف بعد ما رأينا وسمعنا!!!!

سعادة العميد ود الريح.

سعدين بمروروك على البوست.

Quote: خلاص الركبة إتصلحت و قمت علي المدافرة و المداقرة ؟ غايتو حالة سعبة خلاس !! ___________________________ تحت تحت كدة مشتاقين والله

أختنا هبة الماحي.

هل سمعتي قبل كده بالهتاف البقول " أنا ركبي حديد والاهلي حديد" ؟
الهتاف ده أسئلي منو ناس سفيان في القاهرة.
نحن مشتاقين بالاكتر، ولكن من ديك وعيييك. تحياتي للجميع.

دمعة دمعة

Quote: ثِمار شِنو يا كدروك يا بليد

علا ، لا .. لمثل هذه العبارات،لا تفقد المنطق وتتجاوز ادب الحوار .

رايك شنو في أدب الحوار دة يا فيصل
عليك الله ظبِّط لي ميزانك دة كويس

شكرا لرفع البوست

و نحن عندنا شنو غير الرّفِع

عفواً

http://www.sudaneseonline.com/cgi-bin/sdb/2bb.cgi?board=290

Quote: دموع شنو يا عمكـ تعال شوف صحبكـ العبّار عامل شنو! إنتو الويكـ إند عندكم بقى الاتنين ولا دي البواقي؟

ود الصايم.

البوست بتاع العبار بريمة ده ما شغل عبابير.
ده شغل زول راكب فيل عديل كده.
كفارة يا عمك.

جورج دبليو سي
كدروك الجيش الأمريكي
سيب اللولوة و جاوِب مِن سُكات
من قتل سيِّدك قرنق؟
من قتل الرجل الذي كنت تقِف معه في الصورة؟
و لماذا خنته و خنت ذكراه و لم تسأل حتى عنه و عن من قتله؟

و جاي مقضيها لي هيثم مصطفى شاكل بوليس
و مكياج قناة الشروق ما بعرف شنو
و البشير في ناس أبو يسلِّموا عليهو

بالله شوف الخيابة و المياعة دي؟
لكن سأظل أطاردك بهذا السؤال ما حييت
مَنْ قَتَلَ قرنق ؟ و لِماذا ؟ يا جورج دبليو سي؟

Quote: ابك يا وطني الحبيب فقرا علينا اتربعو ديل لابيخافو من الحساب لابيختشو لا بيشبعو

الأخ خالد العبيد.


من الطبيعي أن يبكي الناس من أجل الغلابة والمستضعفين، ولكن ليس من الطبيعي أن يزرف الانسان دمعة من أجل حزب أو جماعة أو حكومة ظالمة ومجرمة ورئيسها مطارد ومطلوب دوليا. هل أختلفت المعايير وتغيرت أخلاق الناس في السودان؟ شئ مؤسف جدا.

.