Post: #1
Title: نسابتى كده .. نسابتك كيف ؟؟
Author: صلاح أبودية
Date: 05-10-2010, 11:14 AM
إستأذنت بعض أصدقائى بعد إنتهاء المبارأة .. وقلت لهم إنى ذاهب إلى المنزل فقد تأخر الوقت !!
عاجلنى أحدهم : بختك نسابتك في الدمازين !!
وما دخل النسابه في كرة القدم والعودة إلى المنزل في وقت متأخر !
ياخ إنت ما عارف حاجة ساى عليك الله أقعد ... أحكى ليهو يا بشير عن نسابتك شوية !!
أمرنا لله آدى قعدة .. قول يا بشير !!
بشير متحسراً : ياه .. والله أنا خليت البيت عديل كده بسبب القشارة ديل .. ياخ أنا عندى نصيبة لا حول ولا حول .. عارف يا أبوصلاح آخر مغارز نصيبتى شنو ؟؟ مشيت أحاسب بتاع البقالة قال لى حسابك جغلمية وخمسين ... بعد أن تمكنت من الوقوف بعد وصول العد إلى الرقم سبعة وكدت أقصى بالضربة القاضية تحاملت على آلامى وسألته بكل أريحية وأنا أتجنب نظرات الإخوة الذين يشترون نقداً والذين أخذوا ينظرون ألى نظرات تعجب وإستغراب مثل تلك النظرات التى ننظر بها إلى الخواجات حينما نجدهم في المواصلات !!
مالكم في شنو .. نهرتهم بأعلى صوت تمكنت من إخراجه من فوهة خشمى !!
وعدت إلى صاحب البقالة ودوداًً حنوناً : قلت لى كم ؟ ليه ..؟
والله الحاجة الكبيرة جات يوم الخميس براها شالت حاجات بى زغلمية وخمسين ورسلت تانى يوم الجمعة شالت حاجات بى زغلمتين وكان في حساب قديم برضو حق الحاجة الكبيرة .. زغلمية وخمسين زايد زغلمتين زايد الحساب القديم كلو يبقى جغلماية وخمسين !!
الحاجة الكبيرة ؟؟ أمى .. يا عباس ؟؟
لا لا يا بشير .. الله يرحمها ويغفر ليها ..!!
الحاجة الكبيرة ياخ .. الحمراء السمينة القصيرة القاعدة معاكم دى !!
حمرا سمينة قصيــ ... لا حول ولا قوة إلا بالله ... حاجة فاطنة ؟؟
والله ما بعرف إسمها لكن قالت لى أنا أم بشير !!
وأنت يا عباس الدفنتها معاى قبل أربعة سنة ديك كانت كيبل ؟؟
ما عارف أمى ميتة يا عباس ؟؟
أعمل شنو يا بشير جات معاها المدام وقالت لى بشير قال ليك ما تقصر مع الحاجة !!
أها يا أبوصلاح ديل نسابتى !!
إنت نسابتك كيف ؟؟
والله أنا الحمد لله نسابتى كده (وأشرت بيدى مثلما يفعل الشباب 100%)!! وقبل أن أسحب مفتاح سيارتى بيدى الأخرى من منتصف الطربيزة قلبت لهم تلك العلامة راسأ على عقب فضحكوا جميعاً وأنصرفت منهم !
قبل أن أدلف إلى شارع منزلنا حدثنى قلبى بالمرور على البقالة لشراء بعض الحاجيات لا أدرى لماذا تسارعت دقات قلبى وأنا أسأل ود حمدين عن حسابى بطرفهم .. الله ينعلك يا بشير خليت الشيطان لعب في عبنا !!
يا عمك ..
يا عمك !!
آى يا ود حمدين ما سمعتك كويس قلت لى كم ؟؟
كم .. كم ؟؟
لا .. مستحيل .. كم ؟
صلاح .. صلاح .. أصحى .. أصحى !!
قول بسم الله مالك شابكنا كم ..كم .. هو ده شنو الكم ده ؟؟
بسم الله الرحمن الرحيم اللهم أجعله خير !
الكم ده يا لذيذة حساب أمك عند ود حمدين !!
والله لو طلع زى في الحلم لأطلقنك ولأشردن أطفالك وأطفال شمال أفريقا كلهم !!
قال زبعة الف وجغلمية قال !!
أصلو أنحن فاتحين مطعم ؟؟
بكتلوا الليلة ود حمدين بكتلوا عديل كده !!
|
Post: #2
Title: Re: نسابتى كده .. نسابتك كيف ؟؟
Author: صلاح أبودية
Date: 05-10-2010, 12:38 PM
Parent: #1
زايغين مالك ؟
إنتو نسابتكم بورداب ؟
|
Post: #3
Title: Re: نسابتى كده .. نسابتك كيف ؟؟
Author: ابو جهينة
Date: 05-10-2010, 01:02 PM
Parent: #2
كيفك يا جنابو ؟
ليك وحشة
هناك مقولة ( لا أدري صحتها ) بأن الزوج تكمن فيه بعض من خصال نسابته ، و خصوصا والد زوجته.
و لكن بصراحة أم الزوجة ( شختك بختك ) .. إنت و نيتك
و أعتقد أن من سوء الطالع أن يرزقك الله بزوجة صالحة و لكن أمها من نوع ( عقرب الخلا )
النوع ال بيدخلك ديون دة أهون الأنواع ، و لكن هناك أنواع أجارك الله
أنا غايتو يعتبر نفسي محظوظ للغاية ، ( نسابة و لا أحلى ممكن ترفع علامة 100% )
غايتو خلي سيد الدكان يجدول ليك الديون
دمتم
|
Post: #4
Title: Re: نسابتى كده .. نسابتك كيف ؟؟
Author: صلاح أبودية
Date: 05-10-2010, 02:07 PM
Parent: #3
ابوجهينة !
كيف حالك وأحوالك !
| Quote: أنا غايتو يعتبر نفسي محظوظ للغاية ، ( نسابة و لا أحلى ممكن ترفع علامة 100% ) |
أبوجهينة !
عينك فى عينى !!
|
Post: #5
Title: Re: نسابتى كده .. نسابتك كيف ؟؟
Author: صلاح أبودية
Date: 05-10-2010, 06:15 PM
Parent: #4
173 مشاهدة ومداخلة واحدة بس !
إنتو مناسبين الـ CIA ؟؟
ما قلتوا نوبه !!
|
Post: #6
Title: Re: نسابتى كده .. نسابتك كيف ؟؟
Author: haroon diyab
Date: 05-10-2010, 06:22 PM
Parent: #5
ابو ديه ياعمك
مشتاقين وكده
انا ياخوي مرتااااااااااااح
ماعندي نسايب.....
عمي وخالتي
يعني زيتنا في بيتنا
بعدين ياعمكـ
الواحد بيقابلهم كل سنتين
شهر....يعني مافي فرصة للمكاجرة
ليكم الله وعيشة السوق وسيد الدكان
جاييك قريب
|
Post: #7
Title: Re: نسابتى كده .. نسابتك كيف ؟؟
Author: صلاح أبودية
Date: 05-10-2010, 07:04 PM
Parent: #6
هارون أخوى !
كيف حالك وأحوالك ..
وكفارة للمريخ وربنا يخلف علينا جميعا فى الكونفيدرالية !!
Quote: ماعندي نسايب.....
عمي وخالتي
يعني زيتنا في بيتنا |
والله بختك أحلى نسابة !!
|
Post: #8
Title: Re: نسابتى كده .. نسابتك كيف ؟؟
Author: ابراهيم قناوي
Date: 05-10-2010, 07:13 PM
Parent: #7
تحياتي يا سعادتك
غايتو أنا نسابتي
زي الورد
وعيني في عينك
(و إبهام لي فوق 100%)
|
Post: #9
Title: Re: نسابتى كده .. نسابتك كيف ؟؟
Author: صلاح أبودية
Date: 05-10-2010, 08:13 PM
Parent: #8
ود قناوى
تحياتى وأشواقى ..
وكيف صحة الوالدة .. إن شاء الله تكون بلغت الصحة !!
Quote: غايتو أنا نسابتي
زي الورد
|
ياخ إنت زاتك زول ما هين !
يا بخت نسابتك بيك !
|
Post: #10
Title: Re: نسابتى كده .. نسابتك كيف ؟؟
Author: ابراهيم قناوي
Date: 05-10-2010, 08:24 PM
Parent: #9
شوق كتير والله يا سعادتك
وجايين شهر 7 كان الله هون
والوالدة الحمد لله على أحسن ما يكون
والمفصل سالك تمام والحركة مية مية
وكايسين تسجلوها لينا في المريخ بس (وجوه مدردقة)
وبالله عليك الله يا سعادتك ما تكبر
لينا راسنا كدة هسة الواحد يقوم يدبل!!!
|
Post: #11
Title: Re: نسابتى كده .. نسابتك كيف ؟؟
Author: طارق جبريل
Date: 05-10-2010, 08:48 PM
Parent: #10
ود خالتي النضم دة ما جاب ليك الهوا
|
Post: #12
Title: Re: نسابتى كده .. نسابتك كيف ؟؟
Author: ابراهيم قناوي
Date: 05-10-2010, 10:33 PM
Parent: #11
| Quote: ود خالتي النضم دة ما جاب ليك الهوا |
الدكتور الرائع
طارق جبريل
ود الامتداد (حلة نسابتي)
دحين يا أخوي إت بتخاف من الهوا؟؟
هيييييع
___________________
ما قلت لينا يا دكتور
نسابتك كيف؟؟؟
|
Post: #14
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 08:05 AM
Parent: #11
طارق
كيف حالك !| Quote: ود خالتي النضم دة ما جاب ليك الهوا |
هو الزول بعد ما يعرس ما خلاص قعد فى السهلة ..
والهواء يضربوا بالشمال واليمين !!
|
Post: #13
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 07:44 AM
Parent: #10
Quote: وبالله عليك الله يا سعادتك ما تكبر
لينا راسنا كدة هسة الواحد يقوم يدبل!!! |
ود قناوى !
نوع كلامك ده بجيب حرب أهلية!!
مش قلت نسابتك من أهلك ؟
|
Post: #15
Title: Re: نسابتى كده .. نسابتك كيف ؟؟
Author: الامين موسى البشاري
Date: 05-11-2010, 08:07 AM
Parent: #13
الأخ صــــلاح أبو دية
ســــلامي وتحياتي...
الكــــلام في القشارة ديل كـــلام بجيب الهـــوا يــاااااااخ...
| Quote: متحسراً : ياه .. والله أنا خليت البيت عديل كده بسبب القشارة ديل |
يااااخ انت كويس شــديد(احمد ربك).... في ناس كدا تركوا ليهم البيت وبنتهم يشبعوا بيها ..
وبفكروا في ترك القارة التي يعيشون فيها كمـــان
ياااااااااخ ديل شغالين 
غايتو مبدئيا كدا خت لي 100 (علامة 100% ) بس لي تحت طبعاً
وما تنسى تصلحها معاك
...
...
__________
العفش داخل البوست على مسؤولية صاحبه (كاتبه)
|
Post: #16
Title: Re: نسابتى كده .. نسابتك كيف ؟؟
Author: ابراهيم قناوي
Date: 05-11-2010, 08:19 AM
Parent: #15
Quote: ود قناوى !
نوع كلامك ده بجيب حرب أهلية!!
مش قلت نسابتك من أهلك ؟ |
يا سعادتك و الله
إنت السبب
تشكروا الواحد لمن يصدق نفسو
و بعدين تقولوا لينا حرب و ما حرب
أها محل رهيفة التنقدة
هييييييييييييييييييييييييع
|
Post: #19
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 09:13 AM
Parent: #16
Quote: يا سعادتك و الله
إنت السبب |
أها يا ودقناوى !!
سويتنى أنا السبب بعد ده أنا أطلب من بكرى سحب هذا البوست !!
|
Post: #17
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 08:39 AM
Parent: #15
الأمين موسى
لك التحية والإحترامQuote: يااااخ انت كويس شــديد(احمد ربك).... في ناس كدا تركوا ليهم البيت وبنتهم يشبعوا بيها ..
وبفكروا في ترك القارة التي يعيشون فيها كمـــان |
ياخ بتهم ذنبها شنو ؟؟
والله دى مرحلة خطيرة !
|
Post: #18
Title: Re: نسابتى كده .. نسابتك كيف ؟؟
Author: سارة كرودى
Date: 05-11-2010, 09:08 AM
Parent: #17
Quote: هو الزول بعد ما يعرس ما خلاص قعد فى السهلة ..
والهواء يضربوا بالشمال واليمين !! |
غايتو زمن ماضحكته زى ماضحكته الليلى ...
وهو هواء نصاااااح 
|
Post: #20
Title: Re: نسابتى كده .. نسابتك كيف ؟؟
Author: عزام حسن فرح
Date: 05-11-2010, 09:50 AM
Parent: #18
غايتو ... خلينا البلد مِن 1998م ... البلد كيفِنْها يا صلاح يا خوي ... لِسه في كُل زاوية بيت دُكان؟
|
Post: #22
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 10:19 AM
Parent: #20
عزام يا دفعة
كيف حالك ياخ والله ليك وحشة كبيرة
وحمدا لله على السلامة !
قلت لى البلد كيف ؟
والله كبرت اللفة لمن راسى لفه ؟
خايف من بدرالدين ؟
|
Post: #21
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 10:04 AM
Parent: #18
سارة
كيف حالك !
Quote: غايتو زمن ماضحكته زى ماضحكته الليلى ...
وهو هواء نصاااااح |
أضحكى عليكى الله شن فيها الدنيا؟
بس ما تنسى تستغفرى !!!
|
Post: #23
Title: Re: نسابتى كده .. نسابتك كيف ؟؟
Author: عبد اللطيف السيدح
Date: 05-11-2010, 10:31 AM
Parent: #21
| Quote: نسابتى كده .. نسابتك كيف ؟؟ |
ابو دية كيفك
عشان البوست ما يصاب بالزمزغة
حقوا تجندرو شوية
يعني وجه ذات السؤال للبوردابيات المكوكيات بالنسابة برضو
|
Post: #25
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 11:03 AM
Parent: #23
عبداللطيف !
أول حاجة مبروك للإتى !
تانى حاجة ..Quote: عشان البوست ما يصاب بالزمزغة
حقوا تجندرو شوية
يعني وجه ذات السؤال للبوردابيات المكوكيات بالنسابة برضو |
كدى النخلص من البورداب أول حاجة ..
بعدين نقبل على البوردابيات !!
بعدين هن القال ليهن ما تخشوا منو؟؟
|
Post: #24
Title: Re: نسابتى كده .. نسابتك كيف ؟؟
Author: ابراهيم قناوي
Date: 05-11-2010, 10:58 AM
Parent: #18
Quote: غايتو زمن ماضحكته زى ماضحكته الليلى ...
وهو هواء نصاااااح |
أيوة أضحكي يا سارة
تقتلوا القتيل و تضحكوا فيهو
لكن برضو بنقول ليكم
كل قتيل بينهن شهيد
(وجوه ضااااااااحكة)
|
Post: #26
Title: Re: نسابتى كده .. نسابتك كيف ؟؟
Author: عبد اللطيف بكري أحمد
Date: 05-11-2010, 02:57 PM
Parent: #24
شايفك متجدع !!!
لقيت البوليس مدروخ ومردخ،،
عالم تتخير ازمنة البوسات بشكل!!!
سلامة بسبوس!!!
|
Post: #28
Title: Re: نسابتى كده .. نسابتك كيف ؟؟
Author: هويدا حسونة
Date: 05-11-2010, 04:21 PM
Parent: #26
مساء الخير
تسلم أستاذ صلاح على البوست الممتع
ومتابعييييين لغاية ما يجي دورنا
واصلوا وما تخافوا مافي نسابة بورداب ههههههه
|
Post: #31
Title: Re: نسابتى كده .. نسابتك كيف ؟؟
Author: صلاح أبودية
Date: 05-12-2010, 08:27 AM
Parent: #28
البرلومة النشيطة
هويدا حسونة
لك التحية وألف مرحب بيك فى حوش بكرى !
| Quote: ومتابعييييين لغاية ما يجي دورنا |
شايفك مشيتى هبشت الجماعة يى هناك !
|
Post: #29
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 05:37 PM
Parent: #26
يا لطفى
كيف الحال والأحوال
| Quote: لقيت البوليس مدروخ ومردخ،، |
والله تصدق البوست ده ..
برعاية البوليس !!
الله يسلمك !!
وكتر الله خيرك
|
Post: #27
Title: Re: نسابتى كده .. نسابتك كيف ؟؟
Author: بدر الدين اسحاق احمد
Date: 05-11-2010, 04:05 PM
Parent: #24
انت يا دفعة صحــى قالو كمال شداد مترشح لدورة جديدة
احســن تفوزو لانــو 100 & زى نسيبتــى ...
Quote: قلت لى البلد كيف ؟
والله كبرت اللفة لمن راسى لفه ؟
خايف من بدرالدين ؟ |
بوســت يخلــع
|
Post: #30
Title: Re: نسابتى كده .. نسابتك كيف ؟؟
Author: صلاح أبودية
Date: 05-11-2010, 05:39 PM
Parent: #27
لناس جنابو طارق ومن لف لفهم ..
الذين طالبوا بالمشاركة بالإيميل ..
[email protected]
|
Post: #32
Title: Re: نسابتى كده .. نسابتك كيف ؟؟
Author: صلاح أبودية
Date: 05-12-2010, 09:48 AM
Parent: #27
بدر الدين يا دفعة
كيف حالك ؟Quote: انت يا دفعة صحــى قالو كمال شداد مترشح لدورة جديدة
احســن تفوزو لانــو 100 & زى نسيبتــى ... |
كمال شداد زى نسيبتك ؟؟
كان كدى الكونفدرالية محمداك !!
|
Post: #33
Title: Re: نسابتى كده .. نسابتك كيف ؟؟
Author: الشاذلى خيرى عبد الله
Date: 05-12-2010, 10:02 AM
Parent: #32
صلاح أزيك ياخ ..
نسابتى انا !!!!
اريتهم نسابة السرور ...
ــــــــــــــــــــــــــ
واحد نسابتو بتاوقو المنبر مرة مرة 
|
Post: #34
Title: Re: نسابتى كده .. نسابتك كيف ؟؟
Author: صلاح أبودية
Date: 05-12-2010, 11:12 AM
Parent: #33
الشاذلى ..
كيف حالك ومرحب بيك !
Quote: نسابتى انا !!!!
اريتهم نسابة السرور ... |
والله بختك !
| Quote: واحد نسابتو بتاوقو المنبر مرة مرة |
كويس نسابتك بتاقوا المنبر ..
فى ناس نسابتهم بتاوقوا فى حتات تانية !!
|
Post: #35
Title: Re: نسابتى كده .. نسابتك كيف ؟؟
Author: طارق جبريل
Date: 05-12-2010, 11:18 AM
Parent: #34
Quote: الدكتور الرائع
طارق جبريل
ود الامتداد (حلة نسابتي)
دحين يا أخوي إت بتخاف من الهوا؟؟
هيييييع
___________________
ما قلت لينا يا دكتور
نسابتك كيف؟؟؟ |
عاد انت ما دام نسابتك في الامتداد معناها كدة
والله يا ود قناوي انا غايتو لاني خايف من هوا ولا الجنبو
انا مفكوك في السهلة ساااااااااااكت
|
Post: #36
Title: Re: نسابتى كده .. نسابتك كيف ؟؟
Author: صلاح أبودية
Date: 05-13-2010, 09:38 AM
Parent: #35
Quote: والله يا ود قناوي انا غايتو لاني خايف من هوا ولا الجنبو
انا مفكوك في السهلة ساااااااااااكت |
كدى يا ود خالتى عزز لينا كلامك ده بى حليفى !!
|
|