زَغْزُوغ

ولد جيرانّا الصغيِّر
عُمرو حوالي سبْع سنوات ..
لطيف ..
حبُّوب ..
تحِبُّو مِن أوّل ما تشوفو
مُشاغِب ...
لا يبدو عليه الذّكاء ..

عادي تكون نايم في سريرك جوة الأوضة تفتِّح تلقاهو قاعِد جمّبك و بعاين ليك و يِتبسّم
و اليوم داك أحسن نصيحة ليك ما تطلع مِنْ البيت حسب وصية ناس الأبراج
فيه شيءٌ مِنْ كُج ما عادي
أيّام الإنْتِخابات لاقاني و أنا طالِع من البيت و العربية فيها صورة كبيرة للبشير من الخلف ، فقام قال لي :
- وين ياااااااااااا مُؤْتمر وطني ..
وزغزوغ الذي أعْرف لازم يعمل راسو بي راسك .. عِندك حِزب عندو حزِب .. عندك عربية عندو همر .. إنت ضابط شرطة هو ضابط جيش ..إنت ترزي هو عندو محل قُماش .. لازم يداقرك
فقُمْت عاينت ليهو و تمنّيت إنو ينْسِب روحو لواحدة من أحْزاب تجمُّع جوبا .. و قد كان .. و جاب خبرُم كعادتِه
مِرِّيخابي و دة محلُّو الطبيعي طبعاً
أمِس لاقاني و أنا طالِع قال لي:
- هوي هوي هوي
إتلفتّ عليهو :
- مالك يا زغزوغ؟
فردّ علي قائلاً:
- أنا بِقيت هِلال

و يبدو إنُّو دة بعد ما موضوع الحمام طرْشق
فتحوقلت و تعوّذت و عِرفْت إنُّو الموضوع بايظ

يعني يا علاء المؤتمر الوطني فاز بسبب زغزوغ ؟
طيب الخج كان لازمته ايه؟

زغازيغ البلد زادت يا دكتور

Quote: فتحوقلت و تعوّذت و عِرفْت إنُّو الموضوع بايظ

بختك يا نحل عندك زغزوغ واحد .. ياخ أنا عندي اتنين .. زغزوغين اجارك الله في البورد دا .. من شدة ما انا تعبته ، بقيت شغال ليهم زغزوغ عكسي ..
يعني البقول لي ابيض .. بقول ليهو اسود طوالي
المطمني إنهم زغازيغ كيبورد وسايبر والحمد لله ..

تامبا
طبْعاً المِنْبر دة يُسجِّل أعلى نِسْبة لتواجُد الزّغازيغ
فيهو زغازيغ على كُل المُسْتويات و الأصْعِدة
إمْتلأت بِهم الحقول زي الشّرا في القنْدول

لكن شايفك عِنْدك زغزوغ بقى يتْعشى بدري و ينوم

السـلام عليكم ورحمه الله يا زميل البورض..
ما رديت علينا في بوستيك , قلنا نشوفك في الحله الجمبها

Quote: السـلام عليكم ورحمه الله يا زميل البورض.. ما رديت علينا في بوستيك , قلنا نشوفك في الحله الجمبها

لو سمحتي يا دكتورة
البوست دة خاص بالزغازيغ فقط
ودة موضوعو
فأرجو إنُّو ما تحرفي لينا شكل الحِوار

قبل فترة بشير سيد الدُكّان الجمبنا ناداني و زغزوغ معاهو
فلم أتفاءل
قال لي يا علاء ياخ زغزوغ دة قال لو جابو ليهو فنيلة و شورت الهلال حيخلِّي المريخ.
بشير قايلني بفرح و أقول ليهو خلاص أنا بجيبُم ليهو
قُلت ليهو علييييييييييييييك الله يا بشير الله يرضى عليك ما تطلِّع ليهو الوهْمة دي في راسو
خليهو في مواسيرو دي ياخ
و عاينت لي زغْزوغ قُلت ليهو شوف يا زغزوغ أوووووووووووعك يغُشُّوك
أمسِك في أحمرك و أصفرك ديل قوي
و خلي عِنْدك ولاء ياخي
و أنا ليك علي أجيب ليك فنلة العجب ذااااااااااتا لو دايرة
بس لا تترُك الأحْمر الوهّاج

زغزغة ورقاد واطه!

شايفك أعْلنت رُقادك عدييييييييييييل

عملوها فينا الزّغازيغ يا حمّودي

حجة وزوغة يا زغزوغ

ود الباوقة شايفك تشكو من الزغازيغ

Quote: لو سمحتي يا دكتورة البوست دة خاص بالزغازيغ فقط ودة موضوعو فأرجو إنُّو ما تحرفي لينا شكل الحِوار

حوروفوت ..!!
حرفتا ليك الحوار اهـا ..!!
حا تعمـل لي شنـو يعني .؟؟
عـالم غريبه خـلاس !

ياخ إنتِ يا دكتورة جرفتيهو عدييييييييييييل كِدة
مُش حرفتيهو
أها وينو
زوّغتيهو فزاغ مِنْ موضوع الزّغازيغ
زمْزغة شديدة خلاس