Post: #1
Title: بركة .. الاتعشيتو ونمتو مبسوطين ..
Author: tmbis
Date: 05-10-2010, 07:08 AM
|
Post: #2
Title: Re: بركة .. الاتعشيتو ونمتو مبسوطين ..
Author: ندى عثمان حسن
Date: 05-10-2010, 07:21 AM
Parent: #1
وجدااد كمان
|
Post: #3
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 07:28 AM
Parent: #2
بركة الاستغفرتي وما طقعتي زي أول أمس 
|
Post: #4
Title: Re: بركة .. الاتعشيتو ونمتو مبسوطين ..
Author: حمزاوي
Date: 05-10-2010, 07:32 AM
Parent: #3
انا مش قلت ليك يا عوض الليلة
حتى ندى غنت معانا
|
Post: #5
Title: Re: بركة .. الاتعشيتو ونمتو مبسوطين ..
Author: Emad Mohamed
Date: 05-10-2010, 07:38 AM
Parent: #4
دة كان العشاء الاخير.
the last supper
|
Post: #7
Title: Re: بركة .. الاتعشيتو ونمتو مبسوطين ..
Author: نور الدين عثمان
Date: 05-10-2010, 07:46 AM
Parent: #5
والله ياتمبس كان بيكون عشاء وفرح كمان اذا كنا ذى الجزائرين والفريقين مرو ولا ذى المصرين
وانت شايف اهلى + اسماعيلى . بس انا اعتقد وبى فهمى البسيط للجوانب الفنية فى الكورة انو مشكلتنا
ماهى بالتدريب ولا بالامكانات ولكنها مشكلة اللاعب السودانى واحساسو بانو اقل من غيرو ودى بالذات لو ماتغيرت فلا نحلم بالبطولا ت وخلونا فى حكاية اب سنينة البضحك على اب سنين او العكس .
|
Post: #12
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 08:03 AM
Parent: #7
Quote: والله ياتمبس كان بيكون عشاء وفرح كمان اذا كنا ذى الجزائرين والفريقين مرو ولا ذى المصرين
وانت شايف اهلى + اسماعيلى . بس انا اعتقد وبى فهمى البسيط للجوانب الفنية فى الكورة انو مشكلتنا
ماهى بالتدريب ولا بالامكانات ولكنها مشكلة اللاعب السودانى واحساسو بانو اقل من غيرو ودى بالذات لو ماتغيرت فلا نحلم بالبطولا ت وخلونا فى حكاية اب سنينة البضحك على اب سنين او العكس . |
يا نورالدين .. ما الموسم دا زاتو نحن كنا اربعة .. الهلال وجرا معاهو المريخ كمرافق .. وبي هناك الأمل عطبرة والخرطوم .. لكن الفرح عندنا ليهو سقف محدد .. وهنا بختلف معاك لانو الامكانيات بتلعب دور كبير .. اقلاها عاين حوالينك هل عندك اي لاعب سوداني محترف ..؟ بيلعب في اي دولة اوروبية أو حتى في دوري قوي كدوري الخليج مثلا ..؟
اللاعب السوداني يا نورالدين مشو هو الحاسي بي نفسو إنو اقل من غيرو .. هو فعلا أقل بي كتير جدا .. من كل النواحي يعني عاين عندك المريخ أول أمس .. متقدم بي هدف في بلدو .. في آخر دقيقة من الشوط الأول .. لمو فوقو بي شوية استفزاز طلع بره جو المباراة وتموها شلاليت والجمهور بي هناك بيطقع .. الهلال أمس محرز هدف والشوط الأول منتهي عليهو والاسماعيلي في حالة شرود .. تلاتة هجمات فقط جات منها اهداف بي طريقة غبية جدا .. ولسة اللاعب عندنا عايز يستجيب للاستفزاز وعايز يضارب.
دي أول خطوة لو عرف اللاعب السوداني كيف يكون عندو ثقافة جوه الميدان .. وثقافة التعامل مع الخصم .. الباقي كلو هين .. بيتباصر.
|
Post: #9
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 07:52 AM
Parent: #5
Quote: دة كان العشاء الاخير.
the last supper |
.. العبرة ما في العشوة يا عماد .. العبرة في النومـة .. قالو في ناس يومين ما نامو رابطين راسم وبعد قون سادومبا مسكو الشارع .. ما فكت منم إلا بعد الاسماعيلي درررن ..
الله دا كريم .. الهلال غالب بيفرح .. مغلوب برضو بيفرح .
معقولة السودان دا كلو هلالاب ..؟
هلالاب راسم عديل .. وهلالاب زعلانين ..؟
|
Post: #51
Title: Re: بركة .. الاتعشيتو ونمتو مبسوطين ..
Author: محمد كابيلا
Date: 05-10-2010, 01:27 PM
Parent: #9
Quote: معقولة السودان دا كلو هلالاب ..؟
هلالاب راسم عديل .. وهلالاب زعلانين ..؟ |
الإتعشو ديل منو ؟
الهلالاب ولا السودان !!
يا تمبس بلاش هضربة معاكـــ !! كاااااك
|
Post: #6
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 07:45 AM
Parent: #4
Quote: انا مش قلت ليك يا عوض الليلة
حتى ندى غنت معانا |
.. لكن برضو قالو طقعوها بعد الكورة .. اقصد طقعوها بعد الحفلة ..
|
Post: #8
Title: Re: بركة .. الاتعشيتو ونمتو مبسوطين ..
Author: حمزاوي
Date: 05-10-2010, 07:51 AM
Parent: #6
| Quote: لكن برضو قالو طقعوها بعد الكورة .. |
ياريت
يكون طقع السرور
والله املأ الخياشيم فل
|
Post: #13
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 08:05 AM
Parent: #8
Quote: ياريت
يكون طقع السرور
والله املأ الخياشيم فل |
.. أمبارح الهلال فاتح للاسماعيلي .. زي ما الخرطوم تلاتة كانت فاتحه للهلال .. شفت المفارقات العجيبة دي ..؟ 
|
Post: #10
Title: Re: بركة .. الاتعشيتو ونمتو مبسوطين ..
Author: Faisal Elrasheed
Date: 05-10-2010, 07:54 AM
Parent: #6
استمتعنا بكوارع لم اتذوق مثلها منذ ثلاثين عاما ...
بوستك بس يا تمبس بوستك راسو عديييييل ..لغايه هسع اصابعيني ملصقات ..
ككككككككككككككك
ــــــــــــــــــــــ
*البوستك مادة صمغيه تستعمل عند النجارين واحيانا لتثبيت الموكيت (:
|
Post: #11
Title: Re: بركة .. الاتعشيتو ونمتو مبسوطين ..
Author: Amira Elsheikh
Date: 05-10-2010, 08:00 AM
Parent: #10
وعشاك اهو...
الشطة دى حمرااا وزى النار ماتكتر منها..
|
Post: #14
Title: Re: بركة .. الاتعشيتو ونمتو مبسوطين ..
Author: محمد عبد الماجد الصايم
Date: 05-10-2010, 08:13 AM
Parent: #11
خبرة في الشطة طبعا إنتو يا بت الشيخ!
|
Post: #17
Title: Re: بركة .. الاتعشيتو ونمتو مبسوطين ..
Author: داليا الكباشى
Date: 05-10-2010, 08:32 AM
Parent: #14
السـلام عليكم ورحمـه الله وبركـاته يا زميل البورض !
|
Post: #20
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 08:51 AM
Parent: #17
| Quote: السـلام عليكم ورحمـه الله وبركـاته يا زميل البورض ! |
.. وعليكم السلام شكلك دا ما غريب علي .. الأخت تونسية .؟
|
Post: #19
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 08:43 AM
Parent: #11
| Quote: الشطة دى حمرااا وزى النار ماتكتر منها.. |
.. ماف بيض ولا حمام محشي ؟؟ 
ياخ كاااك حقتك الأمس دي .. كلفتني جهاز جوال تاني .. رصيتم جمب بعض ... الشاشة بعد الشاشة .. عشان بس اقرا نهاية الكاك دي ..
الغريبة .. إنو الواحد لما يجي يرسل ليكم يكتب الرسالة .. تلف وترجع ليهو وتتعلق ..
الناس مفترض تكون روحة رياضية .. يوم كورته مع الترجي مفترض تخلي الجوالات مفتوحة ..
|
Post: #15
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 08:15 AM
Parent: #10
| Quote: استمتعنا بكوارع لم اتذوق مثلها منذ ثلاثين عاما ... |
الحمد لله .. تنفعكم .. ما كمان ما ممكن يومين وراء بعض ما تتعشا .. حتى دي بتعمل سوء تغذية عديل كدا .. ..
|
Post: #16
Title: Re: بركة .. الاتعشيتو ونمتو مبسوطين ..
Author: فايزودالقاضي
Date: 05-10-2010, 08:30 AM
Parent: #15
اها الجماعة مباراة الهلال والاسماعيلي متين ؟!!!
|
Post: #18
Title: Re: بركة .. الاتعشيتو ونمتو مبسوطين ..
Author: وليد محمد المبارك
Date: 05-10-2010, 08:35 AM
Parent: #16
| Quote: اها الجماعة مباراة الهلال والاسماعيلي متين ؟!!! |
لالالالالا
ما تقول كده ياخ
الناس ديل بخسروك
|
Post: #22
Title: Re: بركة .. الاتعشيتو ونمتو مبسوطين ..
Author: البدري عبد الله
Date: 05-10-2010, 08:59 AM
Parent: #18
السلام عليكم ورحمة الله وبركاته
تعرف يا تمبس الموضوع من ما ظهر فيه الاخ / م.ع وقال هو هاتف منو ما عارف ..ومنو من مجلس الادارة وراهو الاوضاع والاستعدادات شكلها كيف ..وانو التشكيلة الانتحارية بتتكون من منو ومنو ...انا طوالي دقيت قنع من الموضوع وجهزت كل مصدات ومضادات الهزائم الموجوده في الدنيا واستعوضت الله في الابطال ..والحمد لله على ما كان وما سيكون ..
|
Post: #27
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 09:21 AM
Parent: #22
| Quote: انا طوالي دقيت قنع من الموضوع وجهزت كل مصدات ومضادات الهزائم الموجوده في الدنيا واستعوضت الله في الابطال |
.. والله يا البدري إنت غلطان ..
هو اصلو إنت البصبرك شنو لحدت ما يتصلو بالإدارة .. ويدوك التشكيلة .. ياخ خليك متفاءل زيي كدا .. انا من ما اللقى (الميم عين) حايم إن شاء الله في بوستات تهنئة أو مباركة .. ببيع الكورة واجهز الطـوب بتاعي
|
Post: #24
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 09:02 AM
Parent: #18
.. نحن ما بنخسرو لكن .. (بنطقعو) .. حسع أنا قاعد لي في مكنة بتاعت طوب عديل كدا
|
Post: #21
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 08:55 AM
Parent: #16
| Quote: اها الجماعة مباراة الهلال والاسماعيلي متين ؟!!! |
.. ووين إنت كنت نايم واللا شنـو ؟؟ مش اتلعبت امبارح بالليل ..؟ شكلك نايم ليك يومين .. اوعه تكون مفلوق بس ..؟
بلاي كان عندك خبر عن كورة الترجي والمريخ متين شوف لي طريقة اصلو عندي طوب عايز اجربو ..
|
Post: #23
Title: Re: بركة .. الاتعشيتو ونمتو مبسوطين ..
Author: داليا الكباشى
Date: 05-10-2010, 08:59 AM
Parent: #21
| Quote: وعليكم السلام شكلك دا ما غريب علي .. الأخت تونسية .؟ |
لالا الاخـت حمصــــيه وآآآآخ يا بطـــني
|
Post: #25
Title: Re: بركة .. الاتعشيتو ونمتو مبسوطين ..
Author: وليد محمد المبارك
Date: 05-10-2010, 09:08 AM
Parent: #23
| Quote: لالا الاخـت حمصــــيه وآآآآخ يا بطـــني |
كااااااااااااااااااااااااااااااااااااااااااااااااااااااك
وحياة الله بالطريقة بطقعوك .. اصد بطلقوك
|
Post: #26
Title: Re: بركة .. الاتعشيتو ونمتو مبسوطين ..
Author: محي الدين الريس
Date: 05-10-2010, 09:17 AM
Parent: #25
يا تمبوسة
أطفال الحجارة كرهونا النت زاتو .. من أمس قدر ما يلقوا ليهم بوست متشعبطين فيه .. راسهم لافي من أول أمس
|
Post: #35
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 10:27 AM
Parent: #26
Quote: يا تمبوسة
أطفال الحجارة كرهونا النت زاتو .. من أمس قدر ما يلقوا ليهم بوست متشعبطين فيه .. راسهم لافي من أول أمس |
. يا ريس اديهم صراحم ياخ ..
وخليهم يمتعو نفسم .. حسع البوست دا زاتو انا كتبتو وخليتو فاضي .. عايز اكبر كمية من التعبير عن الشعور ..
الشي الطبيعي يا ريس إنو زي ما شايف يحصل الحاصل دا .. السنة الفاتت لما الهلال اتغلب من مازيمبي خمسة .. الناس ديل من شدة انهم ما شعوريين خالص .. لحدت ما مشو المطار .. وشالو معاهم بوكيهات الورد واشرطة الفيديو واتصورو .. وعملو ليهم جمعية ورابطة محبين .. ومعجبين .. لانو عارفين لو كان مازيمبي اترشة والهلال دا جاب كاس .. والله تاني إلا الكريم .. وفي مباراة الرد لما الهلال قام دور ليك في مازيمبي .. في واحدين عديل كدا جو كتبو بوستات اعلان فروض الولاء والطاعة قبال نهاية المباراة .. خوفه ساااي كدا عشان بعدين يقولو الحنك البيش بتاع والله عشان السودان والوطن والجندي المجهول وكدا .. يللا الكورة انتهت قعدو يطقعو زي طقيع أول أمس دا ..
دا الوضع الطبيعي يا ريس .. والمحصلة النهائية انهم بيفرحو في الحالتين الهلال غالب ومغلوب .. لكن بس الما بقدرو عليهو .. إنو يعلمونا كيف نطقع بي التكنيك العالي بتاعم دا ..
|
Post: #31
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 10:12 AM
Parent: #25
| Quote: كااااااااااااااااااااااااااااااااااااااااااااااااااااااك |
.. | Quote: وحياة الله بالطريقة بطقعوك .. اصد بطلقوك |
.. تعرف نوعيتك دي .. بتكون يوم الكورة بتقول عندي مامورية اها كان الأمور مشت باسطة بتجي البيت ضحكتك لي آخـر ضرس والعشا بكون حمام.. وكان فيها حفلة بتاعت طقيع .. بيعمل زغبير يومين تلاتة .. حسب المامورية حقتو .. يا كمان قطع المامورية .. وجا داخل البيت بي مكنة طوب وحمامة حية .. بدلا من الباسطة والفول .. .. أحشى ما اخشاه إنو أول امس كنت في مامورية
|
Post: #33
Title: Re: بركة .. الاتعشيتو ونمتو مبسوطين ..
Author: وليد محمد المبارك
Date: 05-10-2010, 10:16 AM
Parent: #31
يا معلم اخوك مفتح
اول حاجة سالتها لي حرمنا قبل العرس
انت هلالابية ولا مرخابية .. لو كانت قالت لي هلالابية
كانت تكون بايره لحدي هسع
|
Post: #40
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 10:57 AM
Parent: #33
Quote: يا معلم اخوك مفتح
اول حاجة سالتها لي حرمنا قبل العرس
انت هلالابية ولا مرخابية |
لالالالالا دي ما تفتيحة .. دي خرخره وعدم تقبل الآخر وعدم تحمل مسؤولية .. حسع حركتك دي (معيار) الشفافية فوقه شنو .؟
عارف حركتك دي بتفرخ ليك (مطقعاتيه) خطيرين جدا ..
اهــا
قول طلعت مريخابية حسب مواصفاتك .. وجاك زغزوغ زي زغزوغ
علاء الدين يوسف داك .. اها .. ح تقفل بيهوالباب ... واللا تدفعو ؟
ملحوظة:
تعرف دا السبب الجابك الطيش زاتو في الانتخابات .. زي اسئلتك الوهمية دي .. والحجر* على الرأي الآخر ..
ملحوظة تانية:
أرجو ألا تقرا الحجـر الفوقانية دي .. في غير مكانها السليم .. يعني بي صورة أوضح:
ما تفتكرني قاصد ليك حجــر أو صخرة .. اللي جمع التكسير السالم فيها طوبــة ..
|
Post: #44
Title: Re: بركة .. الاتعشيتو ونمتو مبسوطين ..
Author: وليد محمد المبارك
Date: 05-10-2010, 11:20 AM
Parent: #40
| Quote: تعرف دا السبب الجابك الطيش زاتو في الانتخابات .. زي اسئلتك الوهمية دي .. والحجر* على الرأي الآخر .. |
هسع عليك الله جنس خج امباره ده ما اخير منو الحجر والدكتاتورية
يعني لو ولدي كان هلالابي .. كان الليلة بكون عنده نفسيات
اخير احجر عليه بدل ما يطلع مهترش زي زغزوغ داك من معترش كتر غُلب الهلال
|
Post: #47
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 12:08 PM
Parent: #44
Quote: هسع عليك الله جنس خج امباره ده ما اخير منو الحجر والدكتاتورية
يعني لو ولدي كان هلالابي .. كان الليلة بكون عنده نفسيات |
.. ااي كدا كويس ياكل نارو .. على الاقل بيتحمل المسؤولية من ما هو صغير .. طالما هو زغزوغ .. واختار خياراتو براهو .. لكن ما ممكن كمان تقوم تامرخـو وما عايزو يطقع الناس الماشة في الشارع ..
|
Post: #28
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 09:23 AM
Parent: #23
| Quote: لالا الاخـت حمصــــيه وآآآآخ يا بطـــني |
.. والله الواحد لو ما خاتيك لي قدام حسع دي كان (فلقك) زي كاسروكـا في الجهة الشمالية من راسك ..
|
Post: #29
Title: Re: بركة .. الاتعشيتو ونمتو مبسوطين ..
Author: محي الدين الريس
Date: 05-10-2010, 09:31 AM
Parent: #28
[لالا الاخـت حمصــــيه وآآآآخ يا بطـــني
.. والله الواحد لو ما خاتيك لي قدام حسع دي كان (فلقك) زي كاسروكـا في الجهة الشمالية من راسك .. ]
إنت يا تمبس حرمكم المصون من ناس الحلة التانية أو الحاصل شنو ما فاهم ... المهم أعمل حساب رأسك
|
Post: #45
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 11:39 AM
Parent: #29
| Quote: يا تمبس حرمكم المصون من ناس الحلة التانية أو الحاصل شنو ما فاهم ... المهم أعمل حساب رأسك |
.. من ناس الحلة التانية بس يا ريس ..؟؟
ياخ البيت كلوووو .. وجارم البي الشمال .. الشي الفرحني زيادة إنهم معلقين ليهم علم مريخ في السطوح فوووق ..
دا في حد زاتو بيديك مساحة فرح ما عادية .. نحن في بيتنا كلنا هلالاب عندنا واحد بس أخونا الكبير .. مريخابي .. لما نرشهم .. بيمشي يبيت مع اصحابو أو مع عمنا يا في الحلة ساااي .. بكون بفتش عليهو الليل كلو .. بيجي داخل الصباح عامل فيها ما عارف اي حاجة ورايح .. وأنا طبعا ما بقدر اخلي ليهو حقي ..
لما يرشونا .. انا من امدرمان قاعد امشي ناس عمنا في الجريف بالليل داك امدرمان زاته بتبقى لي خرم إبره .. وبقعد اسبوعين بشرك فيهم سمك لحدت ما الموضوع دا يموت
اهــا
دي فرصة مناسبة لما تلقى ليك نسابة بيت كامل من الأم والأبو لي أصغر واحد مريخابي .. وبيبكو لما يتغلبو ويحردو الأكل .. والله ديل يريحوك راحـة ..
يعني تكون غالب .. تسوق المدام لي نسابتك تدور البيت كلووو والجيران وتكون مرشوش تمارس طقوسك بي حقارة شديدة .. وتقول ليها .. والله تلفونك دا يرررن .. يا اشوفك قربتي لي خشم الباب بجدعك بي فوق الحيطة .. ومن هنا ولي قدام ما بغسل اي عدة ..
ادناه رسائل متبادلة ليها يومين ما بين موقعة الحمام والحمص بيني وبين ام المدام وابوها واخوها
انا بعمل رسالة وبختار تلاتة اشخاص الغريبة ما جاني رد في نفس اليوم ... جاني رد أمس بعد نهاية الكورة من تلاتة جهات .. مش كان يكتفو بالرد من جهة واحدة بس ..؟
رسالتي:
اقترح - تحجزو العودة للخرطوم بالتونسية قالو مواعيدة كويسة بس شيلو معاكم حجار الظروف ما معروفة
جاني الرد بعد اربعة وعشرين ساعة:
اسماعيلية رايح جاي .. تعالو بي قطر الصعيد زوادتكم حمصية ..
|
Post: #30
Title: Re: بركة .. الاتعشيتو ونمتو مبسوطين ..
Author: يحى الشريف
Date: 05-10-2010, 09:37 AM
Parent: #28
عليك الله يا تمبس منو الفي اللعيبة الامبارح ديل بستحق يلعب في الهلال ( اذا استثنينا سادومبا,على الاقل قلبو حار) الباقين ديل
لاكورة لا فهم ولا حتى حرارة قلب ساي !!!!
الواحد من امس التقول ماتو ليهو اهلو كلهم
انشا الله ربنا ينتقم منهم
افففففففففففففففففففففففف
|
Post: #32
Title: Re: بركة .. الاتعشيتو ونمتو مبسوطين ..
Author: داليا الكباشى
Date: 05-10-2010, 10:16 AM
Parent: #30
| Quote: .. والله الواحد لو ما خاتيك لي قدام حسع دي كان (فلقك) زي كاسروكـا في الجهة الشمالية من راسك .. |
يا زميل البورض .. ما (تفغـد) اعصـابك ..
ولو سمحتـا (آخـرك) خليهوو معـاك ..
وبالمناسبه ..
ممكن (تفلـق) عادي جدا .. بس تستحمـل (النتايج) المترتبه
على (الفلـقه) ..
يعني عـادي جدا أخت ليك الملح في الرز ..
والباكينج باودر في (الشـاي الاخضـر) ..
|
Post: #34
Title: Re: بركة .. الاتعشيتو ونمتو مبسوطين ..
Author: ود الباوقة
Date: 05-10-2010, 10:26 AM
Parent: #32
بالله يا داليا وتامبا
استمروا في المجادعات دي
الكورة طايرة ان شاء الله
|
Post: #38
Title: Re: بركة .. الاتعشيتو ونمتو مبسوطين ..
Author: زول ساكت
Date: 05-10-2010, 10:52 AM
Parent: #34
مدووووووووره مدوووووووووره
بت اللذينا
انت ياتمبس سال كدي
الجماعة ديل سقوهم بنج بين الشوطين ؟
|
Post: #36
Title: Re: بركة .. الاتعشيتو ونمتو مبسوطين ..
Author: وليد محمد المبارك
Date: 05-10-2010, 10:34 AM
Parent: #32
ختي ليه الهلالابي الحاقد ده
وبعدين هو زاتو ما حا يفرزهم ليك
خشموا بكون ملح ملح والمزاقات متشابهة عنده
كلها مُرة
هاهاهاهاهاهاهاهاككككككككككككككككككككككككككككككككككككككككككككككككككككككككككككاااااااااااااااااك
|
Post: #37
Title: Re: بركة .. الاتعشيتو ونمتو مبسوطين ..
Author: داليا الكباشى
Date: 05-10-2010, 10:48 AM
Parent: #36
| Quote: اول حاجة سالتها لي حرمنا قبل العرس |
طبعـا زميل البورض دا ما عنو اي عـذر..
عـااااااارف اي حاجه قبل (المراسم) ..
ياخ نحن بيتنا بنوصفو للناس بي (علم المريخ) القاعد فوووق ..!!
لكن زميل البورض دا مره ختاها لينا كلنا في البيت ..
المريخ كان مغلوب من الهلال ..
جا زميل البورض بيتنا وجاب معاهو (علم الهلال) بحجم ملايه سرير الدبل ..
وفرشو في الكرسي البيقعد فيهو ابوي لمن يقرا الجرايد ..
زميل البورض وانا مرقنا ..
ابوي ضرب لينا في السكه ..
قال لي : اديني زميل البورض دا ..
صاحبكم مسك السماعه : الـو , ياااااا دكتور الاخبار شنو ..؟؟
ابوي قال ليهو : تعال اسسسي راجع وشيل (القرف) الختيتو لي دا ولا رجع البت دي ..!!
انا بقيت اضحك لمن الناس في الشارع بيعاينو لـي..
من اليوم داك ..
عرفتا ليك انو مافي زول عرف لي ابوي دا.. الا زميل البورض دا ..
|
Post: #39
Title: Re: بركة .. الاتعشيتو ونمتو مبسوطين ..
Author: فايزودالقاضي
Date: 05-10-2010, 10:53 AM
Parent: #37
بالله يادكتورة ركزي لينا في الراس ....
ندعمك بكل مانملك من حجارة ....
|
Post: #41
Title: Re: بركة .. الاتعشيتو ونمتو مبسوطين ..
Author: داليا الكباشى
Date: 05-10-2010, 10:59 AM
Parent: #39
Quote: بالله يادكتورة ركزي لينا في الراس ....
ندعمك بكل مانملك من حجارة .... |
Quote: ختي ليه الهلالابي الحاقد ده
وبعدين هو زاتو ما حا يفرزهم ليك
خشموا بكون ملح ملح والمزاقات متشابهة عنده
كلها مُرة
هاهاهاهاهاهاهاهاككككككككككككككككككككككككككككككككككككككككككككككككككككككككككككاااااااااااااااااك |
هــووي دا شنـو دا..؟؟
عالـم تجب المشاكل وخربان البيوت بشكـل..
أنـا ماشه من هنـا , وبعدين الهلال دا سيد البلد أصــلا ..!!
---------------
علاء انا بهزر معاك ما تشاكلني سمـح ..؟؟
|
Post: #42
Title: Re: بركة .. الاتعشيتو ونمتو مبسوطين ..
Author: وليد محمد المبارك
Date: 05-10-2010, 11:01 AM
Parent: #37
| Quote: ابوي قال ليهو : تعال اسسسي راجع وشيل (القرف) الختيتو لي دا ولا رجع البت دي |
حيييييييييييييي انا
وشابكنا ببفلقك وبعوقك
بت الكلب الشعيرية
|
Post: #43
Title: Re: بركة .. الاتعشيتو ونمتو مبسوطين ..
Author: زياد جعفر عبدالله
Date: 05-10-2010, 11:09 AM
Parent: #37
تمبس يا فردة
وأنا من زمان حاسي انو بيناتنا شيء مشترك جداً..
طبعاً اخوك في بلداً طير عجمي...عشان كدا اوف بوينت...لكين شكلو الصهاينة عاملين ليهم منظر و كدا.
...
بالله هو وليد المبارك صهيوني؟
خسارة والله
|
Post: #46
Title: Re: بركة .. الاتعشيتو ونمتو مبسوطين ..
Author: الصادق صديق سلمان
Date: 05-10-2010, 11:44 AM
Parent: #43
تمبس
عاوز اقعد ابكي لمدة شهر وبعدين تفك مني الزعلة دي وبعدين ممكن ارجع طبيعي
ياخي الحصل امس دا شيء غير ممكن.
بوستك دا حلو وكلامي الدير اقولو دا مامكانو
لكن لو فتحت ليك بوست يناقش المشكلة بكون احسن
الصادق
|
Post: #56
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 02:29 PM
Parent: #32
Quote: يا زميل البورض .. ما (تفغـد) اعصـابك ..
ولو سمحتـا (آخـرك) خليهوو معـاك .. |
يازميلة البورد .. أخرى مكنكش فوقو شديد .. إنت خايفه من الطوب ..؟ طيب ناس الترجي المساكين ديل كانو لابسين طواقي حديد ..؟ .. Quote: وبالمناسبه ..
ممكن (تفلـق) عادي جدا .. بس تستحمـل (النتايج) المترتبه
على (الفلـقه) .. |
.. إذا كان مسالة العين بالعين والسن بالسن والكمدة بالرمدة ممكن احلق ليك صلعة وتشوفي جماعتكم عاملين في الراس شنو .. ؟ اقل فلقة خمسة غرز .. يعني متعودين مما كنا صغار على التفلق والطقيع بعد نهاية اي كورة .. من هم صغار بيطقعو .. والواحد مالي جيبو حجار ..
شفتي ليك مكان فلقة بتقوم فلقه أخرى ..؟ Quote: يعني عـادي جدا أخت ليك الملح في الرز ..
والباكينج باودر في (الشـاي الاخضـر) .. |
.. تختي حاجاتاك دي لي زول ما عندو حديدة .. طعمية من الدكان + طحنية وجبنة .. وعيش حاجاتك الكوجنتيها دي تاكليها براك ..
|
Post: #48
Title: Re: بركة .. الاتعشيتو ونمتو مبسوطين ..
Author: tmbis
Date: 05-10-2010, 12:39 PM
Parent: #30
Quote: الواحد من امس التقول ماتو ليهو اهلو كلهم
انشا الله ربنا ينتقم منهم
افففففففففففففففففففففففف |
لا يا يحيى كدا ما كويس علشان صحتك ..
بي صراحة الناس ديل الشوط الأول كانو لاعبين كورة كويسة بعكس الهلال بتاع الموسم دا والانا اساسا عارفو تعبان .. نفس الايقاع بتاع الشوط الأول لو استمر .. في الشوط التاني الهلال كان كسب اللقاء ..
يللا جات المرحلة بتاعت السرحان .. ورجع الهلال لي فترة الهلال الزمان الكان بياخد خمسة وستة وسبعة .. أول حاجة القون الأول كان واضح جدا لي درجة إني قاعد احضر في الكورة براي قعدته اكورك قبل الكورة تتشات .. لما المصور جاب اللاعب براهو آخر واحد وكأنو بينبه للحاجة دي .. يللا هنا معز محجوب دا قاعد يعمل شنـو ؟؟
القون التاني جا واحد جاري من خلف القون وقال لي معز اقع .. معز وقع .. وقعد يعمل في حاجات عجيبة .. وبعداك قام لقى الكورة قدامو ومسك رجلو واداها نطة مخجلة كدا .. القون التالت ما حضرتو ولا في الاعادة ولا في تحليل ما بعد المباراة ..
يللا الهدفين ديل بصرف النظر عن اي اخفاقات للعيبة في الخطوط الامامية .. المسؤولية كاملة بيتحمله المعز محجوب وهو اكبر ثغرة في فريق الهلال .. واكتر لاعب ممكن يشكل خطورة على كل الفريق .. وعلى كل المشجعين .. مرة عايز يضرب ليهو راس لاعب بالكورة ومرة عايز يرفع رجلينو في راس الحكم ..
المعز آخر لاعب هو مسؤول عن توجيه اي لاعب قدامو سواء كان في الضربات الثابتة أو المتحركة .. دقس في ضربة ركنية في الشوط الأول .. بي إنو مخلي القوائم الاتنين فاضيات .. الكورة طلعت بي كرامة البليلة .. دقس بي إنو مخلي ليهو لاعب ساقط في نص الدفاع لي كورة هو عارف انها ممكن تتلعب عكسية صغيرة .. وأخيرا الحركة العجيبة العمله ووقع بيها بي طريقة مستفزة خالص ..
لو في اي مسؤولية يا يحيى يتحمله المعز محجوب بالكامل .. زي ما بحمل اخفاق المريخ أول أمس لي حمد كمال الكان مهزوز وخايف طيلة زمن المباراة وادى المهاجم هدية بعدما مسك الكورة وفكاها ..
على العموم مستوى الهلال واضح يا يحيى مستوى متأرجح من كورة لي آخرى .. وشرود .. وتشكيلة متغيرة من كورة لي كورة .. وخطة تتغير مية مرة لي اتجاه سلبي في مباراة واحده ..
|
Post: #49
Title: Re: بركة .. الاتعشيتو ونمتو مبسوطين ..
Author: Faisal Elrasheed
Date: 05-10-2010, 12:53 PM
Parent: #48
| Quote: بعكس الهلال بتاع الموسم دا والانا اساسا عارفو تعبان |
تعجبني الصراحه ..
لكنه اعتراف اريد به فك الجرسه وفرماله اريد بها المخارجه من السيك ..
|
Post: #50
Title: Re: بركة .. الاتعشيتو ونمتو مبسوطين ..
Author: وليد محمد المبارك
Date: 05-10-2010, 01:10 PM
Parent: #49
يا فيصل الرشيد
في صلاة بتنفع يوم القيامة ؟
|
Post: #52
Title: Re: بركة .. الاتعشيتو ونمتو مبسوطين ..
Author: Faisal Elrasheed
Date: 05-10-2010, 01:38 PM
Parent: #50
Quote: يا فيصل الرشيد
في صلاة بتنفع يوم القيامة ؟ |
|
Post: #53
Title: Re: بركة .. الاتعشيتو ونمتو مبسوطين ..
Author: أمين يحيى
Date: 05-10-2010, 01:55 PM
Parent: #50
[QUOTE]اول حاجة سالتها لي حرمنا قبل العرس
انت هلالابية ولا مرخابية .. لو كانت قالت لي هلالابية
كانت تكون بايره لحدي هسع |
يا زول في هلالابيات ببورن !!!؟ قول كلام غير دة
إنت ما سمعت بال جاء يخطب البت ، أبوها سألو إنت هلالابي ولا مريخابي ؟ عمك لاوز يقول هلالابي يطلع أبوها مريخابي والعكس صحيح والخطوبة تطرشق ... قرر يقول النصيحة قال ليه والله يا عم انا مريخابي ، أبوها بارك ليه طوالي ...
بعد سنتين من العرس قاعد يفكر مع نفسه ويقول حاجة غريبة والله ، أبو النسب دة هلالابي ما عارف فرح ليه وبارك لي لما قلت ليه أنا مريخابي !!! مشى سألو عن الحكمة من سؤاله ....
قال ليه والله يا ولدي إتأكدت انو بتّي ما بتجيها عوجة تب معاك ... ال صبرك على الوصيف دة ح يصبرك على بتّي ومصايبها .
__________________
قال يبورن قال
|