عليك الله يالهكر المرة دى خلى اللعبة المسيخة دى ..... ولا عندى مروة للملاواه ......الدنيا براها هدت حيلنا ..... وازيكم انتو؟؟
والجاتك في باسوريدك سامحتك ! الهكر أظنو عاوز يقول ليك داومي واظبي علي الكتابة والمساهمة بإنتظام زي زمان وما بي تجيك عوجة تب .. ولكن لو قعدتي تختي الباسويرد في الرف ياهو الناشلها ومغطس حجرها عقابا ليك ! .......
Post: #4 Title: Re: هكذا أراد الهكر Author: Tumadir Date: 05-10-2010, 00:28 AM Parent: #2
كمال عباس سلام
اها المواظبة دى بحاولها ...ثقالتو دى بخليها؟؟
مشكور يا كمال عباس ...
وشايفة مساخات "هناى داك" معاك ...
عشان خاطر عين اكرم ألف عين ...صاح ؟؟؟
ولا يهمك واثقين منك
Post: #5 Title: Re: هكذا أراد الهكر Author: كمال الجزولي Date: 05-10-2010, 00:29 AM Parent: #2
سلام تماضر قلنا نواسيك ونقيف معك ضد الهكر الله لا عادوا لك تحياتي
Post: #6 Title: Re: هكذا أراد الهكر Author: Tumadir Date: 05-10-2010, 00:33 AM Parent: #5
كمال الجزولى ...
ما نقيف معاك فى شينة
وانا كل ما اشوفك افتكرك كمال الجزولى داك ....
أقول معقول "كمال الجزولى داك" عندو وكت قدر ده ...؟؟؟
ههههه
المهم المواقع دى فيها "ضرب من الفياقة" نكون صريحين مع بعض ....ههههه شكرا ليك
Post: #3 Title: Re: هكذا أراد الهكر Author: Adil Hamza Date: 05-10-2010, 00:26 AM Parent: #1
سلام يا تماضر افتقدناك كتير تحياتى لسارية و سيرين و الصغار البقو كبار
Post: #7 Title: Re: هكذا أراد الهكر Author: حبيب نورة Date: 05-10-2010, 00:35 AM Parent: #3
نورتي الدنيا يا طماطم
والله ليك وحشة
انا عترت في العنوان وانا في طريقي لتقفيل الكمبيوتر حمدت الله علي العترة البتصلح الحزن دي
حلاوة العودة غنيناها في موال
Post: #8 Title: Re: هكذا أراد الهكر Author: خالد العبيد Date: 05-10-2010, 00:36 AM Parent: #3
سلام يا تماضر افتقدناك كثيرا ومرحب بي طلتك واتمنى ان يرحمك هذا المرعب تحياتي للاسرة وبفتش لي تلفون مريم محمد الطيب ولك احترامي
Post: #9 Title: Re: هكذا أراد الهكر Author: Tumadir Date: 05-10-2010, 00:37 AM Parent: #3
عادل حمزة
ماشاء الله العيال كبرت ...وحلاتو الولد
يا حليلكم والله وسلم على الام وقوليها
Happy Mother day
ما شفت يسرى الليلة دلعتنى كيف وعملت لى نيو لوك ...ومشيت السينما والله يوم تاريخى ...محمد عمل شاى الصباح "ده :انه اخترع الآ بوط" وطبعا ديلك بعاد ..بس التلفونات كانت حلوة ....
تحياتى لكم جميعا .....
Post: #10 Title: Re: هكذا أراد الهكر Author: خالد العبيد Date: 05-10-2010, 00:59 AM Parent: #9
البت العسل دي انتي حبوبتا ليها اسمها ميار ايوب بشير ابوعاقلة شفتي كيف
Post: #11 Title: Re: هكذا أراد الهكر Author: Afraa Sanad Date: 05-10-2010, 02:34 AM Parent: #10
تاني يا تماضر شوفي ليك زول غيري يحنس ليك بكري النعمنك المره الفاتت كتر خيرك ما قلتيها لي
Post: #12 Title: Re: هكذا أراد الهكر Author: عبدالكريم الامين احمد Date: 05-10-2010, 03:25 AM Parent: #11
Quote: كل يوم اطلب باس ويرد جديدة يجى اب ايدا خفيفة يلفحها ويمرق
والله اتلوم تببب الزولن ابو يدن خفيفة ده..
وحبابك يا تماضر والهكر
Post: #13 Title: Re: هكذا أراد الهكر Author: Tragie Mustafa Date: 05-10-2010, 03:38 AM Parent: #12
حسه عليك الله جنس الحصل في ايام الانتخابات ده ما بركه البقيتي غائبه؟؟؟ وشوفي الجاي في الاستفتاء ده حده وين؟؟!!
Post: #14 Title: Re: هكذا أراد الهكر Author: المسافر Date: 05-10-2010, 04:34 AM Parent: #13
Quote:
وازيكم انتو؟؟
ما زي زمان
بس لو جيتي فايتة.. بتشوفي كيف صبح المكان...
ردمية من تحتها حفر الترى زي يوم المطر سرساف يقودك للبحر في أطرافه وحلاً دفان
بس لو سألتي وحتى لو فات الأوان
نعود ونشرح ليك الأمر.. والأمر ومافيه من بعد أمر فترت أصابعنا عن الجمر ودموعنا بانت للعيـان
هدية لأم العرائس
Post: #15 Title: Re: هكذا أراد الهكر Author: Mohamed E. Seliaman Date: 05-10-2010, 05:46 AM Parent: #14
الأخت الكريمة تماضر السلام عليكم ورحمة الله مرحبا بعودتك كتبت ((ويجعلنى من المنسيين ))) عندك إثبات للكلام دا ؟
Post: #16 Title: Re: هكذا أراد الهكر Author: جعفر محي الدين Date: 05-10-2010, 05:57 AM Parent: #15
الفاضلة تماضر حمد لله على السلامة ويظهر إنه الهكر لاقي طاقة مفتوحة
Post: #17 Title: Re: هكذا أراد الهكر Author: Hisham Ibrahim Date: 05-10-2010, 06:23 AM Parent: #16
شكيتو لي الله داك القابلك وباسويردك دا
قصدو يمنعنا من حروفك وطلتك يا قريبتي
لمن لاقت عيونا الموقع دا كنا بنشوف حروفك ونتجارى ليها جري !
تاني ما تغيبي يا تماضر سمح ؟؟
هشام
Post: #18 Title: Re: هكذا أراد الهكر Author: humida Date: 05-10-2010, 06:32 AM Parent: #17
ما اظن دا الهكـر يا تماضر .. زمان كنتي بتجي تختي نقطة في صدر المنبر يتداعى لها سائر العضوية بالردود .. كدي راجعي مسيرتك في المنبر و شوفي النكسة حصلت وين ..
Quote: لمن لاقت عيونا الموقع دا كنا بنشوف حروفك ونتجارى ليها جري !
طيب ما تكلم حميدة ده ...
هههههه
قلت لى قريبتك؟؟ من أنت يا ...
حلم الصبا من أنت يا أمل الشباب
Quote: مَن أنت يا حُلم الصبا مَن أنت يا أمل الشباب مَن أنت يا مَن رحتٌ أنشده و لكن لا أُجابْ ؟ أرنو لصورتك الحبيبة بين أطياف الضبابْ في الأرضِ في الانهارِ في الشفقِ المنّور في السحابْ .
و أحسُها في خاطري نوراً تدفق في إنسيابْ بالسحر بالآمال بالأنغامِ بالعطر المذابْ بالوردِ بالأزهارِ بالكأسِ المتوج بالحبابْ . و أكاد أسمع في دمي صوتاً تضمخ من شذاك حتى متى أبقى على الدرب الطويل ولا أراك ؟ من أنت يا نفح المنى من أنت يا نور الصباح ؟ حتى متي أدعوك لهفان الجناح ! أبدا أسير مخيراً بين الروابي و البطاحْ و يكاد يحرقني الظمأ و تكاد تسحقني الرياحْ .
من وحي أوهامي خلقتك رغم آلام الحياهْ يا صورة الحلم الذي قد شع في قلبي سناهْ يا ومضة الأمل الذي قد عشتُ عمري في ضياهْ شفتاك من ورق الورود و آهِ من تلك الشفاهْ خداك من شفقِ المغيبِ و آهِ من خديكَ آهْ و عيناك يكمن فيهما ليلٌ تسربل من دُجاهْ و أكاد أسمعه يناديني , أجل هذا نداه و أظل أهتف من دمي و الوجد يخفق هل أراه
والله ما قلتى الا الصاح ...والله أيام الانتخابات ديك من برة ساى قرب يجينى هارد اتاك ..لو كنت جوه ..كان الكمبيوتر مرق منه دخان ...
بلدانا دى بلد؟؟ ولا أداءنا السياسى ده أداء ...زى ما قال احدهم "شغاليت ساكت ماشين" فى شأن العوين لكن مع عدم اتفاقى مع القائل الا من الامانة ان نورد المقولة كلها للقارىء المحترم: قال
المهم يا تراجى رقم تلفونى ما مهكور .....وروحى الشايلانى وماشة بى ما مهكورة ...اسمع منك؟؟؟ بالاكتر
Post: #26 Title: Re: هكذا أراد الهكر Author: Tumadir Date: 05-10-2010, 11:53 AM Parent: #11
لا انتى قايلة شنو يا عفراء
دى كانت ألفح واحدة من لفحاتو
أولا فى زول كلمنى قال لى فى بوست مكتوب عن روحة باسويردك ...الكاتبو منو ؟؟؟ والله ما عارف "وحنف وشو" ...بفتش فى البوست مالقيتو ضربت لى بكرى أدانى باسويرد دخلت عزيت ...زول ورديت فى بوست انتى فيه ..الكلام ده اخد منى 4 دقايق
بعدها لقيت نفسى "ضيفة" لما جيتى لمتينى داك انا كنت "فى العالم الآخر"
اها أدونى واحده تانية وكانت واجعانى بت سهام المجمر ...الله يرحمها دخلت وقلبى بقطر دم ....عزيتها لمن مرقت ...لقيت نفسى ضيفة
تانى جريت ...يعنى فرصة اشكرك فيها زاتو ما كانت فى ....حسة ما فاتت حاجة شكرا حبيبتى ان شا الله ما يضيع ليك باسويرد .ولا كرسى جابر ولا أى حاجة نفيسة بت محجوب زى ديل
...كلمتك؟؟ قلت ليك الونسة ديك مع انها ما مدبرة كانت حلوة؟؟ بركه الشفتكم انتى ونجوى وصلاح الزين ...تحياتى لك ولبتك الحلوة
وتانى ما تشبهينى .....لانى حاتعقد وافتكر انى حلوة ههههه
Post: #25 Title: Re: هكذا أراد الهكر Author: Tumadir Date: 05-10-2010, 11:46 AM Parent: #10
تلفون مريم محمد الطيب ؟؟ لاقينى بالمسينجر ,اديك ليهو "بعد اذنها طبعا" .وكما قال الشاعر ...نحن قوم لانعطى ارقام القوم التانيين لقوم الا بأذنهم ....ولمن جو القومن الاولانيين ..لقوا ارقامهم كلها موزعه .
Post: #19 Title: Re: هكذا أراد الهكر Author: ابوعسل السيد احمد Date: 05-10-2010, 06:39 AM Parent: #1
حبابك حبابك يا تماضر..
كويس إنو قدرنانشوف طلتك هنافي البكان دا من جديد.. تهانينا بمناسبة عيد الأم و احتفال يسرى و محمد بك على هذا النحو ( المن غير صرِف ) الجميل..
تقبلي تحيات العروسة برضو و محبتي
Post: #20 Title: Re: هكذا أراد الهكر Author: Adil Osman Date: 05-10-2010, 09:19 AM Parent: #1
فليعد للمنبر مجده
Post: #21 Title: Re: هكذا أراد الهكر Author: فتحي الصديق Date: 05-10-2010, 10:56 AM Parent: #20
Quote: تعبت منه وتعبت معاى بكرى أبو بكر
كل يوم اطلب باس ويرد جديدة يجى اب ايدا خفيفة يلفحها ويمرق
الملعون دا بيكون خت ملف تجسس في جهازك والله أعلم. أهلا بعودتك يا تماضر . دا حضرتيهو يا تماضر وللا كنتي غائبة :
أقامت جمعية الصحفيين السودانيين بالرياض يوم الخميس 9/7/2009م ندوة ثقافية كبرى بعنوان (الطيب صالح. تجربة روائية رائدة) بمركز الملك عبد العزيز التاريخي وسط الرياض. بدأت الندوة في الساعة التاسعة مساء، وكان من المفترض أن يكون ضيف الندوة والمتحدث الأول فيها الروائي السعودي عبده خال، ولكنه فاجأ الجميع بالاعتذار لظرف طارئ. بدأت فعاليات الندوة بتقديم الشاعر محمد مدني الذي عكس حضورًا وحيوية من خلال تعليقاته العميقة على مجريات الندوة متحدثا بداية عن ملابسات غياب عبده خال في اللحظات الأخيرة دون أن يفسر أسباب غيابه في ذلك الوقت الحرج. ثم قدم الشاعر محمد مدني الأستاذ محمود بكر ليتلو آيات من الذكر الحكيم مفتتحًا الندوة. بعد ذلك ألقى رئيس جمعية الصحافيين السودانيين بالسعودية الأستاذ حسين حسن حسين كلمة الجمعية وشكر فيها المملكة العربية السعودية قيادة وشعبًا على ما يتيحون من مساحة واسعة للسودانيين لممارسة أنشطتهم الاجتماعية والثقافية والرياضية، كأنهم لم يغادروا السودان، كما شكر للقائمين على مركز الملك عبد العزيز التاريخي لاحتضانهم الفعاليات الثقافية لجمعية الصحفيين السودانيين، بكرم حاتمي لا يعرف الحدود، ثم شكر للسفير السوداني الأستاذ عبدالحافظ إبراهيم محمد حضوره، في إطار دعمه لأنشطة لأبناء الجالية السودانية، مؤكدًا حرص الجمعية على توثيق العلاقات مع زملاء المهنة في المملكة، ومع المهتمين بالشأن الثقافي، مما يعد دعمًا للعلاقات الدبلوماسية والتاريخية المتميزة بين البلدين الشقيقين. وأوضح حسين حسن أن الجمعية حافلة بمجموعة متميزة من الأدباء والمبدعين في محالات الفكر والثقافة، ما يجعلها قادرة على تناول مختلف القضايا بعمق وبرؤى متقدمة، ووجه شكرًا خاصًا للكاتب والأديب المصري الأستاذ عبد الله السمطي الذي تحدث في الندوة بديلا عن الروائي عبده خال، ما يوضح العلاقات المتميزة للجمعية مع المثقفين العرب والسعوديين، وأكد أن الطيب صالح يمثل سفيرًا فوق العادة للسودان، لذا يستحق التناول، موضحًا أن ندوة الجمعية الأول تحدث فيها الأديب الراحل عن ثقافة السلام. واختتم رئيس الجمعية حديثه بتقديم الشكر إلى الجهات المعنية بالعمل الإعلامي والثقافي في المملكة، وعلى رأسها وزارة الثقافة والإعلام، وهيئة الصحفيين السعوديين. قدم الأستاذ محمد مدني الأديب والناقد المصري الأستاذ عبد السمطي، الذي تحدث عن تجربة الروائي الطيب صالح بوصفها تجربة فريدة وعميقة عبر رواياته التي جسدت عوالمها السردية من خلال كتابة إبداعية نوعية أهلت الطيب صالح لتبوء مكانه المرموق في سجل الرواية العربية، وتحدث عن الأثر الذي تركته رواية موسم الهجرة إلى الشمال بوصفها رواية تأسيسية لكتابة مغايرة في دفتر السرد العربي، على الرغم من تيماتها التي تقاطعت مع تجارب روائية أخرى مثل رواية (قنديل أم هاشم) ليحيى حقي، و(عصفور من الشرق) لتوفيق الحكيم و(الحي اللاتيني) لسهيل إدريس. وتطرق عبدالله السمطي في حديث عام إلى مجمل أعمال الطيب صالح ودورها في تصوير الحياة السودانية وسماتها على نحو جعلها حياة تقابل بيئات العوالم الأخرى للرواية العربية، مثل عوالم نجيب محفوظ في رواياته التي صورت نبض الحارة المصرية، وروايات عبد الرحمن منيف التي صورت الحياة في السعودية والخليج، وروايات حنا مينا التي صورت الحياة في الشام، ثم تحدث عن ضرورة تكريم الطيب صالح، وأهمية الروائيين السودانيين الشباب الذين جاءوا بعد الطيب صالح مثل طارق الطيب وخالد عويس ومحمد جميل أحمد وقامت الدكتورة شيراز عبد لحي (ابنة الشاعر السوداني الكبير د. محمد عبدالحي صاحب ديوان العودة إلى سنار) بتقديم نص ميلودرامي من إعداد المسرحية السودانية تماضر شيخ الدين بعنوان «استنطاق حسنة بت محمود»، وهي إحدى شخصيات رواية «موسم الهجرة إلى الشمال». وكان أداء الدكتورة شيراز معبرًا بعمق عن رؤية أنثوية شفافة حيال الطغيان الذكوري الذي يسعى لموضعة المرأة في ظل الرجل وهيمنته، فكانت شخصية حسنة بت محمود رمزًا موازيًا لتمرد مصطفى سعيد حين انتقمت لأنوثتها بقتل ود الريس في الرواية، وكانت تعبيرات الدكتورة شيراز في تقمص واستنطاق النص مثيرة لإعجاب الحضور الذي صفق طويلا بعد ختامها. وتحدث الشاعر والناقد والروائي السوداني محمد جميل أحمد- أمين الشئون الثقافية بجمعية الصحفيين السودانيين- عن تجربة الطيب صالح في موسم الهجرة إلى الشمال بوصفها تجربة جسدت معالجات خارقة لكثير من علاقات السرد الذاتية والموضوعية، إذ استطاع الطيب صالح من خلال المخيلة أن يلحم الحنين المنشطر في الواقع، وذلك عندما قام بتحويل الحياة الأسطورية لمصطفى سعيد إلى مجرد عيش هادئ في قرية عند منحنى النيل، في سياق تأويلي حاول الطيب صالح من خلاله أن يخلق توازنًا عميقًا بين حياته في المتربول اللندني، ورغباته الدفينة والصادقة في العيش كإنسان بسيط في قرية بمنحنى النيل، ولم يكن لهذا التناقض العميق بين الرغبتين سوى أن يتم استقطابه في مخيلة خلاقة أنتجت هذه الرواية العظيمة التي ملأت الدنيا وشغلت الناس. كما تحدث محمد جميل عن فكرة الجد والابن في روايات الطيب صالح بوصفها دلالة رمزية بين الماضي والمستقبل، وتعبيرًا عن رفض للحاضر الردئ الذي يمثله الأب. كما تحدث جميل عن دور هذه الرواية في التأسيس لأفكار مدرسة ما بعد الاستعمار التي دشنتها كتابات (هومي بابا)، والمفكر الفلسطيني الراحل إدوارد سعيد الذي قام بتحليل شخصية مصطفى سعيد في كتابه الشهير «الاستشراق»، وذلك ضمن عدد من الروايات التي تعرضت لأثر التدمير الروحي الذي طال سكان المستعمرات في آسيا وإفريقيا، مثل رواية الأشياء تتداعى لـلنيجيري شينو أشيبا. كما تناول محمد جميل الدلالة الرمزية السياسية في تاريخ ميلاد ووفاة مصطفى سعيد (1898 ـ 1956م) الذي طابق بداية الاستعمار البريطاني للسودان ونهاية هذا الاستعمار في العام 1956م. وركز الكاتب الصحافي السوداني مصطفى يوسف في المغزى السياسي لروايات الطيب صالح، مشيرًا إلى أن له مشروعًا فكريًا في خلفية هذه الروايات يحتمل الدلالة السياسة المباشرة بقوة، وهو يدعو إلى فكرة التعايش المشترك لمجتمع السوداني بأطيافه العرقية المتعددة. وذكر مصطفى يوسف أن رواية (منسي) ، هي السخرية الأخيرة للطيب صالح بوصفها كتابة تسخر من التهريج السياسي في البلاد العربية، كما تحدث عن استباقية الطيب صالح في تناول موضوع العولمة قبل أكثر من 40 عامًا، ودعوته إلى تهيئة الظروف لتعايش الحضارات، وأوضح أن الشخصيات الروائية للطيب صالح تستحق تناولا أعمق. بعد ذلك جاءت فترة التعقيب من الحضور، وكان أول المعقبين المثقف السوداني الأستاذ ميرغني الشايب الذي انزعج من فكرة التفسير السياسي المباشر للأستاذ مصطفى يوسف أثناء حديثه السابق. ودعا إلى الفرز بين الجماليات التي تتضمن مستويات عديدة للقراءة والتأويل في روايات الطيب صالح، وبين التأويلات السياسية القريبة. كما تحدث عن حرية القارئ في الاستمتاع الخاص بالقراءة والتأويل لتلك الروايات. ثم تحدثت الأستاذة حليمة عبد الرحمن أمينة أمانة المرأة بجمعية الصحفيين السودانيين وتطرقت أيضًا إلى تلك اللغة السياسية المباشرة في حديث الأستاذ مصطفى يوسف، وتحدثت عن ضرورة التفسير الإنساني لدلالات ومعاني نص الطيب صالح، لأن الدلالة الكونية والإنسانية لأي نص هي سبب خلوده وقابليته للتأويل المتعدد، كما تحدثت الأستاذة حليمة عبد الرحمن عن ضرورة تكريم الطيب صالح تكريمًا يليق بقدر ما قدمه للسودان من إبداع. وأوضح الأستاذ عبد القادر الجمري أن شخصية الزين هي الأقرب إلى الشخصية السودانية، بينما تميز مصطفى سعيد بالعنف، الذي يتناقض مع طبيعة الإنسان السوداني. وقال الأستاذ الأسد الحسن الخليفة : إن الطيب صالح يمثل نقلة في السرد العربي، وإنه يستحق أن يكرم بإقامة مركز ثقافي، واقترح أن يسمى طريق شريان الشمال بطريق «موسم الهجرة إلى الشمال». ودعت الأستاذة منال عبدالله إلى تكريم الأستاذ الطيب صالح بما يليق، وبحجم ما قدمه للسودان، مذكرة بأن الأجيال الصاعدة في حاجة إلى نماذج للاقتداء والتمثل. وقدم المتحدثون تعليقات مقتضبة على المداخلات، ليختم الندوة الشاعر محمد مدني شاكرًا للضيوف على الحضور والمشاركة واعدًا بالمزيد من الفعاليات القادمة لنشاط جمعية الصحفيين السودانيين في دورتها الجديدة. وقد تم على هامش الندوة توزيع عدد مجلة «الجوبة» الأخير المشتمل على ملف خاص عن الأستاذ الطيب صالح أعده الأستاذ محمد جميل، كم بيع بعض مؤلفات الطيب صالح، وقد أقبل عليها الحضور، مما جعل الجمعية تعد بإقامة معرض للكتاب ضمن أنشطتها الثقافية. ورحبت الجمعية بلجنتها التنفيذية وأعضائها الحضور كثيرًا بالكاتب الصحفي الأستاذ عبدالله علقم الذي جاء خصيصًا من الدمام لحضور الندوة، وأدى إعجابه بالندوة وبالنشاط الثقافي المتميز للجمعية. وقد قام الزميل الأستاذ معاوية التوم مدير مكتب قناة الشروق بالرياض بتغطية الندوة، وأجرى لقاءات مع رئيس الجمعية، وأمين الشؤون الثقافية، وأمين شؤون المرأة والصحفي السعودية الأستاذ محمد القعطبي.
Post: #22 Title: Re: هكذا أراد الهكر Author: Tumadir Date: 05-10-2010, 11:25 AM Parent: #21
فتحى الصديق...
النبدا بيك ونبد بالاستنطاق وشيراز عبد الحى ...
دايما كنت بتهم النقاد السودانيين بميلهم للاسماء الرجالية ...واهمالهم لأداء المرأة فى "الادب" كتابة او تمثيل أو شعر ...مسرح رواية قصة .
وحسة الموضوع ده اثبت لى انه ما كل النقاد بيعملو كده "ما يكون عشان شيراز ابوها محمد عبد الحى" لكن انا اشكر كثيرا لك هذا المقال واشكر للقائمين على العمل ذلك النجاح ...
لكن الشكر يجب ا، "يمشى" أولا للجندرية وزوجها الجندرى عثمان تراث هنا
Post: #23 Title: Re: هكذا أراد الهكر Author: Tumadir Date: 05-10-2010, 11:30 AM Parent: #22
نسيت أن اقول ليك تحياتى لشيراز
ولو فى امكانية اشوف العمل يكون جميل ...
وانا أهديه أيضا للمثلة تحية زروق ...
فهى فى توق لاداء...عمل سودانى .... أكتبه لامراة
تحياتى لكل الممثلات السودانيات ..فى هذا الصبح الجديد
Post: #24 Title: Re: هكذا أراد الهكر Author: Tumadir Date: 05-10-2010, 11:39 AM Parent: #23
Quote: حمدت الله علي العترة البتصلح الحزن دي
حبيب نورة ينصر دينك ياخى ....
دايما آرتكيولت ...واليكونت
شوف التعبير ده متجذر فى الماضى ومنشر فى الحاضر كيفن؟؟ مثل التقول مرجانة ..مارقة من البحر وقاعدة فى مركبة فضائية ماشة لى نجمة فى عالم بكرة بسرعة مليون سنه ضوئية ...وجايبة معاها تاريخ قاع البحر قبل مليون سنه ضوئية
انا مصرة احتفل بتعبيرك عشان حملة نقودها ....انا وانت والنابهين
"معا ضد الاسفاف"
ياخ "البورطى ده" مرات يقرب يكون بيت بكا يوم الاربعين ....لبلبلبلبلبلبلبلبلبلبلا ....والكتابة اتنست
حبيب نورة ؟؟ قصرت معاك؟؟؟ هههه
Post: #27 Title: Re: هكذا أراد الهكر Author: خالد العبيد Date: 05-10-2010, 11:59 AM Parent: #24
نحن قوم لانعطى ارقام القوم التانيين لقوم الا بأذنهم شكرا تماضر مريم رسلتو في الماسنجر احترامي لك ولمريم
Post: #28 Title: Re: هكذا أراد الهكر Author: محمد عبد الماجد الصايم Date: 05-10-2010, 12:01 PM Parent: #27
حمد الله على السلامة ومن الناس اللي كنت بتمنى اني اتواصل معاهم من زمن كنت قارئة لكن من جيت انتي في غياب
حمد الله على السلامة
والفكاك من الهكر انشا الله يفك لينا مريم عبد الله من الهكر
Post: #46 Title: Re: هكذا أراد الهكر Author: عاطف عمر Date: 05-10-2010, 07:44 PM Parent: #45
إذا تماضر أرادت العودة يوماً فلابد أن يستجيب الهكر
هسع عليك الله كان ما شلاقة مني ساى زى تماضر دي يرحبوا بيها في بيتا كيف ؟؟ فمنذ أن عرفنا سودانيزأولاين عرفنا تماضر بى ( صورة بروفايلا ) الـ فد واحدة دي اربطها دوماً بصورة صديقتي رجاء العباسي ببسمتا الما خمجانة ديك
Post: #50 Title: Re: هكذا أراد الهكر Author: طلال عفيفي Date: 05-11-2010, 00:04 AM Parent: #47
ما عارف أقول شنو؟ يعني يا تماضر مشتاقين، وعن ذات نفسي، مشتاق كتير الشوق، ليكي ولكلامك الطيبان الذكي الظريف الصائب .. ولعنة الله والدنيا والعالمين جميعاً على البشيلك مننا.
خليكي موجودة، لأنو دي علامة صحة، ولأنو روحك إيجابية وبتضفي على روحنا مزاج معتدل وقيافة.
أوكي؟
Post: #51 Title: Re: هكذا أراد الهكر Author: خالد العبيد Date: 05-11-2010, 01:30 AM Parent: #50
من ام ميار وبتقول ليك ميار بتشبه امها!
Post: #52 Title: Re: هكذا أراد الهكر Author: Tragie Mustafa Date: 05-11-2010, 02:04 AM Parent: #51
يا حميده كضبا كاضب والدليل بس تماضر اسمها ظهر حبانها وحبان حروفها كلهم ظهروا
Quote: ما اظن دا الهكـر يا تماضر .. زمان كنتي بتجي تختي نقطة في صدر المنبر يتداعى لها سائر العضوية بالردود .. كدي راجعي مسيرتك في المنبر و شوفي النكسة حصلت وين ..
.. ..
بعدين يا اخوي منو القال لك هي ذاتها بتكتب لسائر العضويه؟؟؟ منبرنا ده فوق ال 80% كيزان ومؤتمر وطني حاليا تماضر يعني قايلها بتزعل لو فتحوا لبوستاتها حتى ده ذاته شرف ليها آخير لها من طمام البطن.
وانت مساخة الرباطاب بتاعتك دي كفها عن تماضر هي تغيب وتجيء وانت وصحبك زي موية الترمس!
Post: #53 Title: Re: هكذا أراد الهكر Author: تبارك شيخ الدين جبريل Date: 05-11-2010, 02:17 AM Parent: #52
Quote: وشايفة مساخات "هناى داك" معاك ...
... المهم ....
Post: #54 Title: Re: هكذا أراد الهكر Author: عفاف الصادق بابكر Date: 05-11-2010, 06:03 AM Parent: #53
Quote: علاوى دخل الجامعة يختى ......
ماشاء الله ... ولد عمي الحنين.. ربنا يحفظه ..
Post: #56 Title: Re: هكذا أراد الهكر Author: humida Date: 05-11-2010, 06:44 AM Parent: #52
تراجـي .. كدي في الاول نثبت حقيقة .. اي حوار بيني و بين تماضـر .. ( او اي زول ذي تماضـر ) بيكون في Level اعلي من انك تتحشــري فيهو .. في حكمة بتقول .. القصـار قصـار و الطوال طوال .. تمام كدا يا حبة ..
.. ..
كنت داير اعقب علي بقية ردك .. لكن صاحبة البوست نفسها ما ردت علي مداخلتي .. يا اما انها قررت تتجاهل المداخلة .. او انها بتفكر في رد .. و في الحالتين دا حقها .. حقه ما تحرجيها و تردي بالنيابة عنها .. مع الاحتفاظ بالمقامات كما قلنا اعلاه ..
Post: #57 Title: Re: هكذا أراد الهكر Author: أبو عبيدة البصاص Date: 05-11-2010, 07:20 AM Parent: #56
Quote: عليك الله يالهكر المرة دى خلى اللعبة المسيخة دى .....
تماضر قبل الهكر اختفت كما الاخرين فسود الفبح صفحات المنبر اتمنى ان تعود تماضر والاخرين حتى يعود لنا عصير الافكار النديه التي عندما نحاججها نستفيد وننتشي وعندما نقرأها نسكر حتى الثماله
تماضر تخيلي مازال مكانك هو مكان
طبتي
البصاص
Post: #58 Title: Re: هكذا أراد الهكر Author: عبدالأله زمراوي Date: 05-11-2010, 08:04 AM Parent: #57
مرحبابالفنانة تماضر. حقا إفتقدناك ولعنا الهاكر سرا وجهرا. برجي يقول بأننا سنلتقي قريبا في يوم السودان على مشارف شلالات نياجارا الساحرة!
يااااااااااااااااااااااه يا تماضر هاكذا انتي دوما تأتي بكل ما جميل وعتيق حتى لبن الفورست اختفى من حوانيت الحلة وجاها ماكان يسمى لبن الاغاثة معبأ في شوالات
حسة امتحانات الاولاد جات ...مالقيت دقيقة من الريبورتات والهوم ويرك
الغلطة ما غلطة الهكر
الغلطة غلطة الكمبيوتر زاتو
ليه قاعد براهو وسط الوحوش الاليكترونية دى ؟؟
المهم كنا بنقول فى شنو ؟؟
الملك مشتاقين
ابو عسل مبروك ...وكنت قايلة روحى أهم من كده شوية ..ما اسمع بى عرسك فى الكمبيوتر ...لكن معليش ..المهم تكون سعيد وفرحان
حميدة ..زيل عنك الاوهام ...انا ما انتكست أصلو
غبت نعم ...لكن ميرتك وانتكستى دى بالله انساها ...وانا ما وقعت عقد مع زول عشان أكون موجودة طوالى يعنى كده ...لما أقدر بجى
طارق ابو عبيدة انت أكتر زول عرفت لى ...ههههه ما كنت ضامننى ...وفعلا ما قدرت أركز للآخر ...
عبد الاله زمراوى حاولت اتصل بيك بخصوص العرض المذكور لكن عرفت انك مافى ...طريق السلامة
Post: #66 Title: Re: هكذا أراد الهكر Author: ابوعسل السيد احمد Date: 05-19-2010, 06:50 AM Parent: #65
كونك أهم من كدا بكتير جدا دي ما ياخدك فيها شك أبدا يا تماضر.. يعلم الله من ما سمعت بالعروس للمرة الأولى لحد العقد كلها فرد خمسة أيام..يعني لحدي هسع أنا مذهول يا تمضور.. بس البيوت دي زي ما قالوا أهلنا بتتبني في السما.. و من عندي كدا بتنزل -البيوت- للواطة قميص عامر.. و عامر دا صحبي قاعد في سياتل و برضو زعلان إني ما خابرته.. إنتو ذاتكم لو ما زعلتوا مني و لومتوني ما بتبقوا الناس العزاز و لزاز..
المهم.. لما تجي العروس لبلاد العم العجوز المتسلط سام حنسوي عرس من جديد و إنت حتكوني أخت العريس و عامر حيكون أبوه اللابس جلابية سكروتة طالما القميص نزل من السما..
تحياتي للحلفا الأربعة و محبتي ليك إنتي دي..
Post: #67 Title: Re: هكذا أراد الهكر Author: humida Date: 05-19-2010, 06:58 AM Parent: #66
Quote: حميدة ..زيل عنك الاوهام ...انا ما انتكست أصلو
ما عارف ليه ما ختمتي عبارتك دي بـ( مع تمنايتنا لك بالشفاء العاجل ) .. غايتو .. كلها آراء .. و حسبنا الله و نعم الوكيل ..
.. ..
Post: #68 Title: Re: هكذا أراد الهكر Author: معاذ حسن Date: 05-19-2010, 07:41 AM Parent: #67
الله يجازيهو الهكر حرمنا من جمال روحك الظاهر للعيان ....إلا من اختار طوعا أن تعمى بصيرته........ لكن الأهم....عودتك الواعدة بكل ما هو جميل.....ولنا أن نمنى النفس بالكثير ...واللا كيف؟؟ ..... يجدر بي ان اشكر أولا الأستاذ فتحى الصديق على اللفتة اللطيفة بإيراد النص الخبري لندوة الصحفيين فى الرياض والتى سطع فيها نصك فى سماء القاعة حتى أنك اصبحت وجودا فعليا بيننا..... فهو فعلا نص قوي...ومؤثر....تاسفت لإضطرارى إلى قراءته بتعبيرات صوتية وإحساس عميق دون القدرة إلى إدخال الجانب الحركى ولغة الجسد بقوة....لظرف المكان.....يعنى زى ما تقولى قراءة فى شكل مدخل درامى مقتضب..........هو نص يحتاج إلى عمل إضائي متفرد....وطقس معزول عن محيط الواقع ليحلق بالحضور عبر مدارات الحلم ....لينضح ما به من حوار خاص مع النفس ........ حسيت فعلا فى الأمسية ديك بفخر بالغ كونى إمرأه اتلو نصا مميزا لإمرأه مميزة....وعن إمرأه مختلفه....!!...... التحية لك يا مبدعة وفى شخصك آلاف التحايا لكل النساء المبدعات فى السودان............. والإنحناءة واجبة لقامة الأديب الطيب صالح...طيب الله ثراه!!......
....ويا حسنه بت محمود أنجدينا...........
Post: #71 Title: Re: هكذا أراد الهكر Author: Bushra Elfadil Date: 05-20-2010, 10:37 AM Parent: #70
التحية لك يا تماضر . التحية لفنونك وابداعاتك.وسؤال عن الصحة والأحوال والعيال. كتبت شيراز بنت محمد عبدالحي وهي نطاسية تقيم بالرياض تقول:
ومما يحزن المرء حقاً أن سودانيات وسودانيين لهم قدرات تظهر في تناغم مع غيرها، في مجالات الدراما فرقت بهم السبل العالمية الحديثة فغدا كل منهم ومنهن في قارة .عندما زرت الرياض في نهاية العام الماضي قابلت الدكتورة شيراز فرايت فيها قدرات مسرحية كامنةوحدثني ىخرون كما حدثتني هي باقتضاب عن مشاركات مسرحية أيام الدراسة. قلت بيني وبين نفسي ليتها قابلت تماضر ومريم محمد الطيب وعشة مبارك والأخريات والآخرون . المبدعون في مجال الدراما يفرق بينهم الزمن والمسافات ويتضررون من ذلك باكثر من الكتاب والموسيقيين والتشكيليين .الفنون الأخرى يمكن نقلها لكن المسرح أبا الفنون لا يمكن نقله. أمنياتي بأن تتمكني يوماً ما من لمة مع امثال شيراز في ورشة بالسودان تجمع بين أجيال واجيال كما يفعل الموسيقي الموصلي حالياً بالسودان.
