كيف خرج الهلال بامر التحكيم الافريقي (بالصور والفيديو)

رغم اقتناعي التام بالفارق الكبير بين مستوي الكره السودانيه وكرة شمال افريقيا عموما وبين مهارات وخبرة لاعبي الاسماعيلي علي لاعبي الهلال ..لكن في هذه المباراة تحديدا ظُلم لاعبي الهلال وانتزع الحكم الموريشي عرقهم لصالح فريق الاسماعيلي او لفريق الدولة التي تستحوذ علي كل شيء في افريقيا...

نبدأ بانفراد امبيلي بمرمي الاسماعيلي وحرمان الهلال من هدف الامان بحجة التسلل وكان ذلك في الدقيقه 17 من الشوط الثاني والهلال متقدم بهدف





اللقطه في الدقيقه 16:40

http://www.justin.tv/abasia55/b/263456427#r=UhlUjz0~&s=li

اللقطه الاكثر غرابه ..والاكثر توضيحا لتحيذ التحكيم الموريشي






سقوط المعز طالبا العلاج ..وتنبيه من لاعبي ومدرب الهلال للحكم ..ولكن لا حياة لمن تنادي ..حتي جاء هدف الامان للاسماعيلي ...هذه الحاله لم اري مثلها في ملاعب كرة القدم فحارث المرمي اللاعب الوحيد الذي توقف له المباراة لتلقي العلاج داخل الملعب حتي لو كان سقوطه من باب تضييع الوقت علما بان الكره الا كانت رمية تماس للاسماعيلي

http://www.justin.tv/abasia55/b/263455845#r=UhlUjz0~&s=li

قبل هدف الاسماعيلي الاول ...مخالفه واضحه مع سادومبا تغاضي عنها الحكم ( رغم توقف لاعب الاسماعيلي باعتبار المخالفه) واحتسب مثلها بعد ثواني لصالح الاسماعيلي لينتج الهدف الاول



http://www.justin.tv/abasia55/b/263455572#r=UhlUjz0~&s=li

هدف الاسماعيلي الاول ..تسلل اللاعب حمص عند الضربه واضح وضوح الشمس




الدقيقه 18

http://www.justin.tv/abasia55/b/263455572#r=UhlUjz0~&s=li

هنالك بعض اللقطات الاضافيه ..مثل انفراد سادومبا والذي احتسبه الحكم تسلل واثبتت الكاميرا انه ليس متسلل ..وفاولات علي ديمبا لاوجود لها ..ساحضرها بعد مراجعه المباراة ..


_______


الفيدويو ماخوذ من الاخ عباسيه من موقع كوره سودانيه ويمكن مشاهد التسجيل الكامل للمبارة من هناك http://www.justin.tv/abasia55/b/263455211

معاويه اخوي
انا هلالابي والقصه لا حكم ولا يحزنون اتغلبنا كوره عديييييل
تحياتي

معاوية اخوى الحكاية كان عملناها حكم ولومناه برضو ماتنسى انو نفس الحكم لم يحتسب ضربة جزاء واضحة
للاسماعيلى يامعاوية الهلال انخفض عطاءه فى الشوط الثانى وكان المعز واصل فى وقعتو كان الامر مختلف
المهم الهلال مهزوم والاسماعيلى يستحق الصعود لدور المجموعات بجدارة ما تبقى علينا حكاية الجماعة

Quote: رغم اقتناعي التام بالفارق الكبير بين مستوي الكره السودانيه وكرة شمال افريقيا عموما وبين مهارات وخبرة لاعبي الاسماعيلي علي لاعبي الهلال ..لكن في هذه المباراة تحديدا ظُلم لاعبي الهلال وانتزع الحكم الموريشي عرقهم لصالح فريق الاسماعيلي او لفريق الدولة التي تستحوذ علي كل شيء في افريقيا...

فلنتفق على كل ما جاء في الإقتباس أعلاه ولكن هل لاعبي الهلال تعوذهم الخبرة في المحافل الأفريقية يا أخي لو حسبت أعمار اللعيبة - بلاش أعمارهم - عدد المباريات التي خاضوها على المستوي الإقليمي (وهو حدودنا كما تعلم) سواء في المنتخب القومي أو مع فريق الهلال تجد أن أقل لاعب من الذين مثلوا الهلال يمتلك خبرات جيدة ، لكين الموضوع ليس موضوع خبرة فقط الموضوع بحاجة إلى موهبة ومقدرة والأخيرة دي تتأثر وتقل بتقدم السن ، دا كوم دوت كوم أها الكوم التاني مسألة المحترفين ، في واحد إسمو أمبيلي دا بشيل الكورة ويجري بيها ويدقش لاعب الخصم وبالتالي هو صاحب سبق في أن تكون الكورة معاك وترتكب مخالفة ، أها محترف زي دا عاوزين بيهو شنو ، واحد خبيث قال لي دي طريقة إسمها الفراش الحائر.
في وقعة المعز محجوب لابد من الإعتراف بأن المعز لم يعد قادراً على أن يحمي عرين الهلال أو السودان حتى لو كان الحارس رقم واحد فهو يرتكب أخطاء أكثر من عبيطه ففي شوط اللعب الأول لو كان الحكم حاسماً وحازماً بما فيه الكافية لأشهر له البطاقة الحمراء لسوء سلوكة وضربه للآعب الإسماعيلي بالكرة بعد إستلامه لها. الزول دا بصراحة غلبتو عديل يعني حكاية يقع ويقوم بعد الكورة ما تدخل دي شوية فكرة غبية وإنت شوف ما قبل سقوطه الحصل شنو يعني ضربو دبيب من ورا المرمي ولا جاء واحد من جمهور المريخ فك فيهو طوبه أصابته في الأنكل غايتو لو تخلو القون فاضي أخير ليكم من المعز.
بعدين وين الهدافين ما في زول ساكت في السودان بقي يعرف يجيب قون وحتى أولئك الذين تتأمل فيهم خيراً طفشوهم بمقاعد الإحتياط وربما الشطب حتى ، وشوف مسيرة الهلال خلال المنافسة جاب كم قون وقارن بكورة الأهلي المصري أمس الكان مطالب بأن يحرز 3 أهداف نظيفة حتى يتأهل وقد كان ونحن دايرين مننا قون واحد وتتساوي الكفتين ورغم إحرازنا للهدف غلبنا نحافظ عليهو وليبيا فتحت ، ما بتحس إنه في دافع أو حافز للاعبين أداء باهت وصحيح الجود من الموجود.
في شأن التحكيم الحكم ليس جيداً ما فيه الكفاية لكين كمان برضو تغاضي عن الكثير من الأخطاء للفريق المنافس يعني ما مرتشي بقدر ما هو غير موفق في إدارته للمباراة في بعض جزئياتها وحكاية ضربة الجزاء والتسلل وخروج الكرة إلى رمية التماس كلها حالات تقديرية يصيب ويخيب فيها أعظم وأكبر الحكام على مستوى العالم ، وما يعوذ اللاعب السوداني هو الثقافة والفهم للقانون الذي يطبق في كرة القدم فالمعروف أن اللاعب المثقف يلعب على صافرة الحكم أخطأ الحكم أو أصاب لا فرق ، أها في كرة كده تجاوزت خط التماس في الشوط الأول وإستمر لاعب الإسماعيلي في اللعب فوقف ثلاثة من لاعبي الهلال رافعين إيديهم بدلاً من الدخول على اللاعب حامل الكرة.
مشكلة مشاكلنا في كثير من أمورنا ومن بينها كرة القدم عدم الموضوعية في النقد والتحليل والتشجيع والتمنى حتى.
==
حتى لو حصل الهلال كأس البطولة أوالمريخ فهذا لا يعني قوتهما بقدر ما يعني صراحة ضعف المنافسة وبخروجهما قطعت جهيزة قول كل خطيب.

مع احترامى الكبير لكل كا كتبت وانا هلالابي علىالسكين
اقول الهلال هزم الهلال
نعم هزمنا انفسنا بانفسنا بانبطاحية واستهتار وعدم تحمل المسئولية

الفريق فى حالة توهان وخاصة في الشوط الاول
لا ادارة ولا مدرب ولا حتى لاعبين مسئولين تتوقع شنو!!!!!!!!

معاوية حسين ازيك ..
التحكيم اصبح هو الشماعه التي تعلق عليها الاخطاء ...
وانتو يا هلالاب اكثر من استفاد من التحكيم في افريقيا والعالم
يكفي انكم اول ناس عينوا ليهم حكام متعددي الجنسيات ...
هنا حكام شداد ياما ادوكم ضربات جزاء .. دا كاريكا قرب يبقي هداف الممتاز مرة ..
نرجع لي لقطاتك دي ..
لاحظ في اللقطة الاولي اللاعب لسة ما شات الكورة وزولك التاني واقف هنا ...
يعني لحظة فك اللاعب دا للكورة انت ما وريتنا اللاعب المحسوب عليه التسلل كان وين
التسلل لا تعرفه من الصور لانه مرتبط بزمن
لازم فيديو عشان نتأكد ... مادتك كانت فيديو ليه ما جبت الفيديو ...؟؟؟ خايف السيرفر يتملي ؟؟
التانية استدعاء رجال الاسعاف من حق الحكم فقط ما داير كلام كتير في الحتة دي
الصورة الثابته لا تحدد المخالفة برضو الصورة التالتة
الرابعه لاعب الهلال اقرب لمرماه من محمد حمص الا اذا كنت انا ( محوص )
واخيرا
شوفوا شماعه غير دينحن امام الترجي ذهابا وايابا اتظلمنا من التحكيم
وقبلها امام زيسكو
ثم تعرض الامل لنفس القسوة امام شباب بلوزداد
ويا ما ناس الفاضل ابو شنب هزموا فرق الممتاز قدامكم

وعليكم السلام يا ابراهيم

Quote: لاحظ في اللقطة الاولي اللاعب لسة ما شات الكورة وزولك التاني واقف هنا ... يعني لحظة فك اللاعب دا للكورة انت ما وريتنا اللاعب المحسوب عليه التسلل كان وين التسلل لا تعرفه من الصور لانه مرتبط بزمن

الكورة طلعت من سيف مساوي وامبيلي غير متسلل والحكم اقرب للحالة من رجل الخط ...حتي لاعبي الاسماعيلي والحضري ما رفعوا يديهم او وقفوا علي اساس انها تسلل

والفيديو قاعد فوق ممكن تتاكد براك ..

يا اخوي اللقطات الجبتها ما فيها شئ
والمعز وقع وقام براهه مافي حد لمسو
والحكم كان تمام التمام
يمكن يكون ظلم الاسماعيلية في ضربة جزاء العملها مساوي
الهلال دفاعه متهلهل وطبظها كامبوس زيادة باخراج ديمبا
ولياقة لاعبي الهلال تعبانة وبالذات في الشوط الثاني

Quote: الفريق فى حالة توهان وخاصة في الشوط الاول

وعليكم السلام
_
؟؟

فريق متقدم بهدف وممتلك الميدان كيف يكون في حالو توهان ...دي ما قدرت افهما !

سلام يا الملا

Quote: فلنتفق على كل ما جاء في الإقتباس أعلاه ولكن هل لاعبي الهلال تعوذهم الخبرة في المحافل الأفريقية يا أخي لو حسبت أعمار اللعيبة - بلاش أعمارهم - عدد المباريات التي خاضوها على المستوي الإقليمي (وهو حدودنا كما تعلم) سواء في المنتخب القومي أو مع فريق الهلال تجد أن أقل لاعب من الذين مثلوا الهلال يمتلك خبرات جيدة ، لكين الموضوع ليس موضوع خبرة فقط الموضوع بحاجة إلى موهبة ومقدرة والأخيرة دي تتأثر وتقل بتقدم السن ، دا كوم دوت كوم أها الكوم التاني مسألة المحترفين ، في واحد إسمو أمبيلي دا بشيل الكورة ويجري بيها ويدقش لاعب الخصم وبالتالي هو صاحب سبق في أن تكون الكورة معاك وترتكب مخالفة ، أها محترف زي دا عاوزين بيهو شنو ، واحد خبيث قال لي دي طريقة إسمها الفراش الحائر.

مافي مقارنة بين خبرة الحضري والمعز ولا حمص وهيثم مصطفي و ابو جريشه واحمد عادل ..قارن اي لاعب من الاسماعيلي حا تلقي خبرتو الكرويه اكتر بي كتير من لاعبي الهلال ..

Quote: في وقعة المعز محجوب لابد من الإعتراف بأن المعز لم يعد قادراً على أن يحمي عرين الهلال أو السودان حتى لو كان الحارس رقم واحد فهو يرتكب أخطاء أكثر من عبيطه ففي شوط اللعب الأول لو كان الحكم حاسماً وحازماً بما فيه الكافية لأشهر له البطاقة الحمراء لسوء سلوكة وضربه للآعب الإسماعيلي بالكرة بعد إستلامه لها. الزول دا بصراحة غلبتو عديل يعني حكاية يقع ويقوم بعد الكورة ما تدخل دي شوية فكرة غبية وإنت شوف ما قبل سقوطه الحصل شنو يعني ضربو دبيب من ورا المرمي ولا جاء واحد من جمهور المريخ فك فيهو طوبه أصابته في الأنكل غايتو لو تخلو القون فاضي أخير ليكم من المعز.

بعيد عن استهتار المعز الا انو القانون مع المعز والحككم الدولي شمس المعارف بخيت علق علي الحاله وقال مفروض علي الحكم ايقاف المباراة (اصلا كانت واقفه) لعلاج المعز ..لكن اعطاء الاذن بمواصلة اللعب وحارث مرمي احد الفريقين علي الارض او اي لاعب اخر لم اراها الي في مباراة الاسماعيلي امس ... بالنسبه لسوء السلوك فالحضري ايضا دفع امبيلي بدون كره في حاله التسلل الغير صحيحه ..

Quote: في شأن التحكيم الحكم ليس جيداً ما فيه الكفاية لكين كمان برضو تغاضي عن الكثير من الأخطاء للفريق المنافس يعني ما مرتشي بقدر ما هو غير موفق في إدارته للمباراة في بعض جزئياتها وحكاية ضربة الجزاء والتسلل وخروج الكرة إلى رمية التماس كلها حالات تقديرية يصيب ويخيب فيها أعظم وأكبر الحكام على مستوى العالم ،

راجع شريط المباراة بحياديه ..حا تعرف انو الحكم استغل الروح الانهزاميه والاحباط عند اللاعب السوداني عندما يواجه بالظلم ..الحكم امتعن اخراج لاعبي الهلال من جو المباراة بعد سيطرتهم الكامله عليها ودي حركات مصريه العامل كلو عارفو انو المصرييين ممكن يرسمو اي سيناريو للحكم بي طريقه فيها الذكاء والخبث الشديد

وهادى كمــان جخـــه ..

سلام للجميع ..

ابدا بي محمد طه وهاشم نوريت ...ما بتفق معاكم اننا اتغلبنا كوره ..الهلال اتغلب تحكيم ..فريق الهلال امتلك المباراة حتي الدقيقه 17 من الشوط التاني وكان الاقرب الي الفوز وكان الاكثر وصولا لمرمي الحضري واضاعه الفرص ..بالضبط بين الدقيقه 16 و17 قلب الحكم الطاوله لصالح الاسماعيلي ..حرم الهلال من هدف بحجه التسلل وهو اقرب للحاله من رجل الخط ..تغاضي عن مخالفه للهلال مع سادومبا واحتسب مثلها للاسماعيلي واحتسب هدف تعادلي من تسلل باعتراف الحكم الدولي جمال الغندور

Quote: يا اخوي اللقطات الجبتها ما فيها شئ والمعز وقع وقام براهه مافي حد لمسو والحكم كان تمام التمام يمكن يكون ظلم الاسماعيلية في ضربة جزاء العملها مساوي الهلال دفاعه متهلهل وطبظها كامبوس زيادة باخراج ديمبا ولياقة لاعبي الهلال تعبانة وبالذات في الشوط الثاني

يكون الحكم المصري جمال الغندور والحكم الدولي شمس المعارف بخيت متحيزين للهلال !!