Post: #1
Title: لاعب واحد فقط يصنع الفرق في الهلال .. وثلاثة منهم الخوف
Author: وليد محمد المبارك
Date: 05-09-2010, 11:52 AM
Parent: #0
ان ارتفع هيثم مصطفى لمستوى الحدث سينتصر الهلال .. فهذه مباراة الفرص القليلة والباصات القاتلة، ولا يجيدها الا البرنس في الهلال
اما الثلاثة الذين منهم الخوف
منير الانتر ان لعب
والطرفين اليمين والشمال ايا كان من لعب فيهما
ارشح مهند الطار لخطف هدف الهلال لو احرز الهلال هدفا
|
Post: #2
Title: Re: لاعب واحد فقط يصنع الفرق في الهلال .. وثلاثة منهم الخوف
Author: وليد محمد المبارك
Date: 05-09-2010, 11:55 AM
Parent: #1
غايتو كان غلبتو بنفرح معاكم
وكان اتغلبتو بنفح فيكم
الاتنين مكجنين عندنا انتو والمصرين ، عشاان كده اي واحد بتغلب فيكم بنفرح فيه
|
Post: #3
Title: Re: لاعب واحد فقط يصنع الفرق في الهلال .. وثلاثة منهم الخوف
Author: omer osman
Date: 05-09-2010, 11:59 AM
Parent: #2
| Quote: ان ارتفع هيثم مصطفى لمستوى الحدث سينتصر الهلال |
ياوليد هيثم رمانة فريق الهلال لكن الجندي المجهول ومنقذ الهلال هو سيف مساوي
|
Post: #6
Title: Re: لاعب واحد فقط يصنع الفرق في الهلال .. وثلاثة منهم الخوف
Author: وليد محمد المبارك
Date: 05-09-2010, 12:05 PM
Parent: #3
صحيح يا عمر عثمان
وقد كتبت عن مساوي هنا قبلا
لكن هذه المباراة خاصة ورجلها من سيصنع الفرق
هيثم حا يكون رائح المباراة كلها
لكن يبقى العشم في احدى تمريراته المتقنه لحسم المباراة
مساوي
وعلاء الدين
و عمر
ادوارهم ستكون كبيره
ومجهوداتهم ستفوق اجهد الذي سيبزله هثيم
لكن صدقني لا احد غير هيثم مؤهل لصنع الفارق في هذه المباراة
هي مباراة الهدف الواحد
والتمريرة المتقنة
|
Post: #4
Title: Re: لاعب واحد فقط يصنع الفرق في الهلال .. وثلاثة منهم الخوف
Author: وليد محمد المبارك
Date: 05-09-2010, 12:01 PM
Parent: #2
فرص الهلال
1- منهزم
2- متعادل في المباراة
3- فائز فوزا يعادل نتيجة المباراة السابقة 1:0
4- فائز فوزا يأهله مباشرة اثني صفر او اكثر
منهزم 40%
متعادل في المباراة 30%
فائز فوزا يعادل نتيجة المباراة السابقة 1:0 , 20%
ئز فوزا يأهله مباشرة اثني صفر او اكثر 10%
|
Post: #5
Title: Re: لاعب واحد فقط يصنع الفرق في الهلال .. وثلاثة منهم الخوف
Author: الصادق صديق سلمان
Date: 05-09-2010, 12:05 PM
Parent: #4
يا وليد
لو أراد الهلال الفوز بأكثر من هدف فعليه أن يحرز الهدف الأول من بدري
ليه؟؟ عشان الدروايش بفتحوا الملعب من وراء ويتخلوا عن طريقتهم الدفاعية
بعداك بنفتح فيهم فتح الجن لأنو هم ما عندهم هداف قناص وسريع
نحن عندنا سادومبا سريع هوا بس
إنشاء الله ننتصر
الصادق
|
Post: #8
Title: Re: لاعب واحد فقط يصنع الفرق في الهلال .. وثلاثة منهم الخوف
Author: وليد محمد المبارك
Date: 05-09-2010, 12:11 PM
Parent: #5
مرحب الصادق
مافي اهداف كتيرة في المباراة دي من قبل الهلال
احتمال يجيب قون
قونين وارده لكنها صعبة
عشان كده اي استعجال من الهلال حا يضره ما حا ينفعه خصوصا مع دفاعه المكشوف
الهلال يتريس ويلعب كورة بارد نصف اساعة الاولى كلها
ويضغط بلكياته في اخر ربع ساعة في الشوط الاول بغية تحقيق هدف واحد في الشوط الاول
لو علمل كده الهلال بكون نجح
لكن لو فتح اللعب من لالاول بترش
|
Post: #7
Title: Re: لاعب واحد فقط يصنع الفرق في الهلال .. وثلاثة منهم الخوف
Author: Maawya Hussein
Date: 05-09-2010, 12:06 PM
Parent: #4
بالعكس يا وليد ..خليفه حا يكون مفاجأة كامبوس للدروايش وحا يكون مفتاح النصر للهلال ان شاء الله ..خليفه لاعب مشاكس وفرفار وهداف من الدرجه الاولي
________
يومين كدا حلمان الهلال غالب تلاته :)
|
Post: #9
Title: Re: لاعب واحد فقط يصنع الفرق في الهلال .. وثلاثة منهم الخوف
Author: وليد محمد المبارك
Date: 05-09-2010, 12:22 PM
Parent: #7
معاوية يا حبوب اختلف معاك
تماما
واحتمال كبير خليفة يكون احدى ثغرات الهلال اليوم
|
Post: #10
Title: Re: لاعب واحد فقط يصنع الفرق في الهلال .. وثلاثة منهم الخوف
Author: tmbis
Date: 05-09-2010, 12:36 PM
دا شنو يا بتاع الحمامة الحمرا ..  كورة الليلة دي .. معالمة اصلا ما واضحة ..
المريخ لعب قبل كدا مع الدراويش في الاسماعيلية وقدر الزول بتاعكم البرازيلي داك يجيب قون من كورة ثابتة .. يعني هدف واحد ..
بينما الهلال اتهزم بي هدف واحد في امدرمان ..
وقبل كدا الهلال مع الفريق النايجيري اتغلب تلاتة صفر نضيفات .. وجا في أمدرمان اخد تلاتة زي السم .. وشلناها بالركلات ..
إنتو اخدتو تلاتة في تونس .. وامس طلعتو درون .. وكان ممكن تاخدو تلاتة تاني ..
يللا .. مسالة إنو يرتفع مستوى هيثم بي قدرة قادر .. أو خليفة يكون الحصان الرابح .. أو سادومبا يقلب الطربيزة .. دي افتراضات بعيدة .. هيثم ممسوك من المباراة الفاتت .. وهيثم لاعب لا يجيد فك الحصار حوالينو .. هيثم لو ما قدر يكسر الحاجز بتاع الحصار المفروض عليهو .. سادومبا ح يكون لافي حوالين نفسو في الخط الأمامي لانعدام التمويل .. الهلال فرصتو يجيب هدف في الربع ساعة الأولى .. ويتم الباقي غلاط ..
ما جا قون في الربع ساعة الأولى .. غايتو الجماعة ديل إلا نجيب لينا خبراء منكم في طيارة خاصة (يطقعوهم) لينا
أنا ربما اتفق معاك في إنو الكورة دي ما فيها اقوان كتيرة .. هدف أو هدفين ... نتيجة تعادل واحد واحد هي كفة الترجيح .. بالرغم من عدم وضوح الرؤية ..
لكن ننغلب ليكم عشان تجو بكرة الصباح تطقعونا.. دي تشموها قدحــة ...
اسمع .. إنت امبارح طقعت مع الناس ديل .. ؟ 
|
Post: #11
Title: Re: لاعب واحد فقط يصنع الفرق في الهلال .. وثلاثة منهم الخوف
Author: محمد عبدالرحمن
Date: 05-09-2010, 12:59 PM
Parent: #10
ياوليد كان عندك عمار كان سويتو فى الانتخابات...ماتفكها فينا...
الهلال غالب باذن الله ...ومفاتيح النصر الهلالى سامى وسادومبا ومهند ...
بعدين انت خليفه دا متين كان ثغرة ..ولا مكجنو ساكت ...ياخ
على فكرة انا لما شفتو فى معسكر الدوحة هنا كجنتو من طريقة
الجرى بتاعتو ..لكن بعد داك اقنعنى وبقى واحد من اللاعبين البحس
بالامان فى وجودهم ...
عا
|
Post: #12
Title: Re: لاعب واحد فقط يصنع الفرق في الهلال .. وثلاثة منهم الخوف
Author: nazar hussien
Date: 05-09-2010, 01:19 PM
Parent: #11
Quote:
ياوليد هيثم رمانة فريق الهلال لكن الجندي المجهول ومنقذ الهلال هو سيف مساوي |
يا سيناتور...وجنابو...انتو أمس كان قبضتو البيضة وفكيتو الدجاجة..
كان صنعتو الفارق...
فاعتقال الدجاجة...بدون امر قبض...هو الهيج الجمهور علي ناس كاسروكا..
|
Post: #13
Title: Re: لاعب واحد فقط يصنع الفرق في الهلال .. وثلاثة منهم الخوف
Author: مرتضى احمد عبد القادر
Date: 05-09-2010, 01:33 PM
Parent: #12
التعديل نسبة للدقسه
|
Post: #14
Title: Re: لاعب واحد فقط يصنع الفرق في الهلال .. وثلاثة منهم الخوف
Author: Mohamad Shamseldin
Date: 05-09-2010, 01:40 PM
Parent: #13
وليد
و برضو...
شوف عمر بخيت... هو سيدا
كفارة ليكم و تاني ما تشترو جريده مزمل....
و برضو
"نحن أسيادا ... أخلاق و رياضة"
|
Post: #15
Title: Re: لاعب واحد فقط يصنع الفرق في الهلال .. وثلاثة منهم الخوف
Author: معتصم مصطفي الجبلابي
Date: 05-09-2010, 01:46 PM
Parent: #14
| Quote: الاتنين مكجنين عندنا انتو والمصرين ، عشاان كده اي واحد بتغلب فيكم بنفرح فيه |
حنفرحكم فيهم عشان يلاقوكم في بطولة جبر الخاطر بس اوعاكم من الحجار والحمام الزاجل ..
|
Post: #16
Title: Re: لاعب واحد فقط يصنع الفرق في الهلال .. وثلاثة منهم الخوف
Author: مرتضى احمد عبد القادر
Date: 05-09-2010, 01:55 PM
Parent: #12
سلام يا شفت
اخوك هيلالابي حردان معقوله ياخ الهلال ما فيهو لعيبه ممكن نسميهم لعيبه غير ديمبا مساوي لمن يلعب في النص والمعلم جدا عمر بخيت وعلاء الدين فيرا إذا لم تلف الارض من تحته وهيثم لمن الكورة تكون بارده وسادومبا كعداء وناسف للياقة دفاع الخصوم شفته عليك الله حالتنا صعبه كيف ياخ خليفه الذي عباره عن شارع ولا يعرف مهام الخانه البيلعب فيها وبسك الكورة سااي بقى نجم في الهلال وكلو كوم والمحترفين البجيبوهم للطرف الشمال كوم أمولادي وكابوندي واخيرا مامادو معقوله محترف جاي من نيجريا بي قروش وعقد يكون إحتياطي لخليفه ويومو الخليفه يغيب يقعد إحتياطي لأحمد الفاضل كويس الفاضل ليهو شنو تاني عشان يتشطب!! وأمبيلي جا زي الطلقه الجماهير شبكوهو الغربال ويقعد يبدل يكوركو التقول جايبنو يبدل ما يجيب اقوان اها لليله تاني ما قامت ليهو قايمه
الهلال محتاج يطير الليله ويطير من الكونفدراليه وما يشيل ولا كاس محلي السنه دي عشان يسجل أقل شي 7 لعيبه جد جد طقم باكات مدافع وحارس ومهاجمين وصانع العاب زياده على القلتهم ليك فوق والنعيم رونالدينهو وإعتزال هيثم مصطفى والحفاظ على سامي ومهند وكاريكا والتاج الدعيع كلعيبه إحتياطين يرجى منهم في المباريات المحليه
ـــ
الله يسترنا الليله مع إنو الهلال سرو باتع مرات بعينة خليفه ديل ممكن يغلب عادي
|
Post: #17
Title: Re: لاعب واحد فقط يصنع الفرق في الهلال .. وثلاثة منهم الخوف
Author: عطية المحسي
Date: 05-09-2010, 02:18 PM
Parent: #16
| Quote: ان ارتفع هيثم مصطفى لمستوى الحدث سينتصر الهلال |
وليد تحاياي..
بنهاية مباراة الذهاب في العرضة التي تجاور سوق العيش وتحتويه..أكدعماد سليمان المدير الفني للدراويش انه قرأ الهلال جيدا وانه تعرف على مفاتيح اللعب في الفرقه الزرقاء وحدد سادومبا كأخطر اللاعبين بالهلال ..
لم يغفل سليمان دور هيثم الهلال ..ولكنه اكد انه لاعب من السهل محاصرته وانه سيلعب معه تحديدا بطريقة المان تو مان وهو مايعني انه سيغلق مناطق اللعب في الهلال خاصة اذا استمر الخلاف في اشراك مهند ..
ومهند غائب ياوليد لخلافات ادارية حسب حديث كامبوس في المباراة السابقه قبل ان يشركه في اللحظات الاخيره..
الاسماعيلي يمتلك اطراف متوسط ميدان على مستوى عالي يتمثل في احمد سمير والشحات وحمص وربما اشرك الجمل في بداية مباراة اليوم ,,لذا يجب على الهلال ان ينتبه لخطوطه الخلفيه ويمنع تسجيل اي هدف يكون بمثابة قاصمة الظهر ورصاصة الرحمة ويعمل بعدها على الانتقال رويدا رويدا لأن الفارق هدف وحيد يعدل النتيجة بعدها لكل حدث حديث..
كوليبالي والسعيد مهاجمان من الطراز القوي جدا ومهاريان نخشى على الهلال منهما في ظل ( ترنح ) علاء يوسف واتكالية ديمبا ..وإن كانت عودة خليفه تخفف نوعا ما وتشكل اضافة جديدة..
عموما ..ابي الهل يدخل لقاء اليوم بعد ان خف عنه الضغط الاكبر بخروج المريخ..
لذا كنا نتمنى ان يتاهل المريخ ليتبعه الهلال..لأن نويدي العرضة ليس الا تابع للقلعه الحمراء..
موفقين ياشباب الهلال..
ــــــــــــ
المحـــسي
|
Post: #18
Title: Re: لاعب واحد فقط يصنع الفرق في الهلال .. وثلاثة منهم الخوف
Author: abas
Date: 05-09-2010, 03:19 PM
Parent: #17
يا عطيه المحسي
طاااااااااااااااااار
طااااااااااااااااااار قالوا طار
نويدي الحمام والدلاقين طاااااااااااار
|
Post: #19
Title: Re: لاعب واحد فقط يصنع الفرق في الهلال .. وثلاثة منهم الخوف
Author: عطية المحسي
Date: 05-09-2010, 04:03 PM
Parent: #18
Quote: يا عطيه المحسي
طاااااااااااااااااار
|
الطار قرش ونص الليلة يامداحين..
مدد يادراويش ..مدد مدد
|
Post: #20
Title: Re: لاعب واحد فقط يصنع الفرق في الهلال .. وثلاثة منهم الخوف
Author: طارق الكوتش
Date: 05-09-2010, 04:43 PM
Parent: #19
وليد وضيوفه الكرام سلامات
مصيبتنا فى كامبوس
خلل فى الاطراف + عدم تجانس فى عمق الدفاع + خروج غلط من المعز وعدم تقدير وبيرجع لعدم التفاهم بين الحارس و خط الدفاع
>>>>>>>>>>> وده وغيره من 5 مازمبى لليوم و سيد كامبوس يتفرج
بمناسبة سيف مساوى لو لعب قدر امكانياته الذهنيه الرياضيه لا بأس به
تحياتى
|
Post: #21
Title: Re: لاعب واحد فقط يصنع الفرق في الهلال .. وثلاثة منهم الخوف
Author: معتصم دفع الله
Date: 05-09-2010, 04:46 PM
Parent: #19
وليد يا سيناتور ..
تحايا كتااار ..
أنا غايتو بختلف مع أي زول يقول مساوي لاعب مؤثر ..
ياخي مساوي دا لا يجيد غير الضربات الرأسية ودي يحلك لما يلقاها ..
مساوي المباراة كلها تلقاهو لابد وباصاتو كلها غلط ..
يزداد تشاؤمي حين يكون هذا المساويك في التشكيلة ..
ويشترك أحمد عادل في نفس مزايا مساوي بس مرات بكون مفيد مرات وليست كل مره ..
مهند لاعب لا غنى عنه فهو اللاعب الوحيد الذي يغير مجرى المباراة لصالح فريقه ..
بالرغم من أخطأ التمرير الكثيرة ولكن حين يكون في مزاجه فهو لاعب خطير خطير ..
إن شاء الله الليلة يكون في مزاجه فهو أمل الهلال في الفوز ..
|
Post: #23
Title: Re: لاعب واحد فقط يصنع الفرق في الهلال .. وثلاثة منهم الخوف
Author: حسام يوسف
Date: 05-10-2010, 01:06 AM
Parent: #22
| Quote: لكن ننغلب ليكم عشان تجو بكرة الصباح تطقعونا.. دي تشموها قدحــة ... |
|
Post: #24
Title: Re: لاعب واحد فقط يصنع الفرق في الهلال .. وثلاثة منهم الخوف
Author: وليد محمد المبارك
Date: 05-10-2010, 08:26 AM
Parent: #23
كلمناااااااااااااااااااااكم
هيثم ارتفع للمستوى شوط الهلال طلع غالب فيه
الباكات قلنا حا يجهجهو الهلال وقد حصل
محل منير الانتر خت سامي بدلو
وكاااااااااااااااااااااااااااااااااااااااااااااااااك
|
|