Post: #1 Title: جمعية .. (تغطية) الفضايح .. و (المطقعين) Author: tmbis Date: 05-09-2010, 10:16 AM Parent: #0
تم تكوين الجمعية بناء على تداعيات الوضع الراهـن .. بي صورة أوضح: تم تكوينها أمس بالليل بعد نهاية المباراة .. وهي جمعية طوعية افتراضية تجمع ما بين السايبر والواقع .. مفتوحة للجنسين شانها شأن كل الجمعيات التي تعمل في مجال العمل الإنساني الطوعي .. الكشافة .. الهلال الأحمـــر .. إلخ .
Post: #2 Title: Re: جمعية .. (تغطية) الفضايح .. و (المطقعين) Author: محمد عبد الماجد الصايم Date: 05-09-2010, 10:19 AM Parent: #1
الراعي الرسمي أوع يكون مصنع الطوب بتاع الجماعة!
Post: #3 Title: Re: جمعية .. (تغطية) الفضايح .. و (المطقعين) Author: humida Date: 05-09-2010, 10:22 AM Parent: #2
انا بقترح انه اول نشاط للجمعية دي .. يكون تكريم حكم الراية ..
.. ..
Post: #9 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 10:52 AM Parent: #3
Quote: انا بقترح انه اول نشاط للجمعية دي .. يكون تكريم حكم الراية ..
اقتراحك سيتم النظر فيه يا حميدة فكما تعلم أن الجمعية وليدة وستقوم بدراسة كل الاقتراحات بنفس القدر الذي تقوم فيه بدراسة طلبات العضوية .. عليه سيتم تكريم رجل الخط جنبا إلى جنب مع تكريم (أنيـش) واحد من الجمهور .. حيث تم رصد زول (نياش) جدا وهو من قام (بنيش) رجل الخط .. واللاعب كاسروكا .. وكان أحد أعضاء الجمعية قد افاد بعد لقاء سريع مع المشجع قد أفاد بأنه ابتداء مسالة النيش دي من سن مبكرة وكان يتدرب (بحصب) الحمام وهو طاير وينحدر من اسرة فنية وهو صاحب اللحن الشهير لقصيدة .. بيض الحمائم (حصبهن) إني افلق (فلقهن)، الجدير بالذكر أن المشجع المذكور .. (اشولنجي).
Post: #4 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 10:24 AM Parent: #2
Quote: الراعي الرسمي أوع يكون مصنع الطوب بتاع الجماعة!
.. أيوة مصنع الطوب .. وربما الفنان الذي يغني .. حـم .. حم تعال يا حمام .. شتت ليك سكر وبي تحت تحت كدا ... الخطوط الجوية التونسية ..
Post: #5 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 10:33 AM Parent: #4
في ظل نشاطات الجمعية المختلفة: تقوم الجمعية بفعاليات مختلفة مسرح متنقل .. زيارات ميدانية .. شراء بطاطين سقط .. وحبوب منومه
كما وستقوم الجمعية بشراء بوكيهات ورد وكمية زهور .. ويتم تغليفها من اعضاء الجمعية ومن ثم الذهاب بها إلى المطار لوداع بعثة فريق الترجي التونسي .. كما وستحمل الجمعية أيضا خطابات اعتذار للبعثة .. ونماذج من (حجار) مغلفة .. وعـدد تلاتة حمامات في قفص جداد كبير الحجم .. حتى تقوم الحمامات بالحركة داخل القفص بي شكل مريح .. فكما نعلم أن الحمام فوقو روح .. وإذا تم حبسه في قفص .. احتمال يموت .
Post: #7 Title: Re: جمعية .. (تغطية) الفضايح .. و (المطقعين) Author: زول ساكت Date: 05-09-2010, 10:37 AM Parent: #4
ممكن نشارك بالجداد دا لو اكلو ما ممنوع يعني
Post: #11 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 10:58 AM Parent: #7
Quote: ممكن نشارك بالجداد دا لو اكلو ما ممنوع يعني
يا عبس .. بنلقى عندكم حمام محشي ؟؟ بس على شرط ما يكون رقاااص .. حمام عادي لكن محشي ..
Post: #16 Title: Re: جمعية .. (تغطية) الفضايح .. و (المطقعين) Author: زول ساكت Date: 05-09-2010, 11:11 AM Parent: #11
Quote: يا عبس .. بنلقى عندكم حمام محشي ؟؟ بس على شرط ما يكون رقاااص .. حمام عادي لكن محشي ..
حمام محشي طوب ممكن ياتمبس ياخ معركة امبارح دي حيرة العالمين في تسميتها بعد ماسموها معركة ذات الجداد جات الحمامه قاموا سموها ذات الدواجن جات البيضة سموها ذات البروتين جا الطوب حيرم ليك
Post: #21 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 11:48 AM Parent: #16
Quote: حمام محشي طوب ممكن ياتمبس ياخ معركة امبارح دي حيرة العالمين في تسميتها بعد ماسموها معركة ذات الجداد جات الحمامه قاموا سموها ذات الدواجن جات البيضة سموها ذات البروتين جا الطوب حيرم ليك
خلاص يا عبس .. نحن نفك الالتباس دا ونطرح اجندة واضحة للجمعية .. يستحدثوا مساحات خارج الاستاد اشبه بالمحميات الطبيعية .. بي صورة أوضح: يعملوا حظيرة دواجــن .. يكون فيها جداد بلدي .. وفيومي .. وهاي سكس .. وبوفان .. ولوهمان يعملوا حظيرة تانية فيها حمام .. رقاص . وزاجـل .. وروماني .. بالاضافة لي كماين طوب .. تطرح طوب مجاني بأحجام مختلفة: طوب حجم للتمارين .. طوب حجم للمباريات الودية .. طوب حجم .. للدوري الممتاز .. وطوب حجم للمنافسات الافريقية .. ويعملو مصنع .. تونــا .. للبروتين .. ومصنع بتاع فنايل .. بتتملص بسرعة ..
Post: #6 Title: Re: جمعية .. (تغطية) الفضايح .. و (المطقعين) Author: السيد أحمد إبراهيم Date: 05-09-2010, 10:35 AM Parent: #1
Quote: وهي جمعية طوعية افتراضية تجمع ما بين السايبر والواقع .. مفتوحة للجنسين شانها شأن كل الجمعيات التي تعمل في مجال العمل الإنساني الطوعي .. الكشافة .. الهلال الأحمـــر .. إلخ
وهدفها الإنساني الأول مساعدة جمال الوالي في التخلص من ( وارغو ) بأقل الأضرار والله لا يضيع أجر من أحسن عملاً
Post: #8 Title: Re: جمعية .. (تغطية) الفضايح .. و (المطقعين) Author: omer osman Date: 05-09-2010, 10:44 AM Parent: #6
Quote: كما وستقوم الجمعية بشراء بوكيهات ورد وكمية زهور ..
ذكرتني قصة حصلت بالجد :
واحد صاحبنا عندوا قريبو عيان راقد في المستشفي وعندهم قريبم جاي جديد لنج من اوربا مشي زار الزول العيان وشال ليهو بوكيه ورد !!
العيان قال لي صاحبي قريبنا (الـ ... ) ده قايلني انا الجندي المجهول والا شنو ؟؟؟
Post: #10 Title: Re: جمعية .. (تغطية) الفضايح .. و (المطقعين) Author: محمد عبد الماجد الصايم Date: 05-09-2010, 10:56 AM Parent: #8
Quote: العيان قال لي صاحبي قريبنا (الـ ... ) ده قايلني انا الجندي المجهول والا شنو ؟؟؟
Post: #12 Title: Re: جمعية .. (تغطية) الفضايح .. و (المطقعين) Author: Osama Siddig Date: 05-09-2010, 11:02 AM Parent: #10
يا تمبس اوعى تكون قاصد (مطقعين) بمعناها الســعودى؟
Post: #26 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 12:20 PM Parent: #12
Quote: يا تمبس اوعى تكون قاصد (مطقعين) بمعناها الســعودى؟
لا يا اسامـة .. الجمعية دي سودانية صرفه ... اي حاجة فيها سودانية .. حسع عليك الله يا اسامة .. (النيش) والطقيع بتاع أمس دا بتلقاهو في اي منطقة جغرافية في العالم دا ..؟ ياخ قالو .. شالو (تعلمجية) من الجماعة بتاعين امس ديل ودوهم الصين بعد الكورة مباشرة .. لانو في أولمبياد هناك تقام حاليا .. الجماعة قالو ما ماشين إلا يشيلو (طوبم) معاهم .. وحمامـة حمرا
Post: #25 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 12:02 PM Parent: #8
Quote: العيان قال لي صاحبي قريبنا (الـ ... ) ده قايلني انا الجندي المجهول والا شنو ؟؟؟
.. قريبكم دا (معيارو) شنـو .. عندو معايير للكتابة واللا سااي كدا (بينقط) ؟ .. ملحوظة: ح نعمل اتاشمنت لي كروكي يوضح موقع الجمعية .. تمشي هناك حسب الكروكي .. تستلم ليك بطانية سوق معاك أربعة أنفار يغطوك كويس .. حالتك دي ما عاجباني شكلك امبارح نايم بدون عشا .. يا تكون اتعشيت (بيض)
Post: #13 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 11:05 AM Parent: #6
Quote: وهدفها الإنساني الأول مساعدة جمال الوالي في التخلص من ( وارغو ) بأقل الأضرار والله لا يضيع أجر من أحسن عملاً
فعلا يا ابو السيد هي من ضمن اهداف الجمعية الانسانية .. حيث اقترح أحد الاعضاء إرسال بطاقة شكر وعرفان لي مخدر أبو القاسم .. وعدد اتنين (اسطوانة) غاز .. ولبسة بتاعت (غواصين) كاملة بي زعانفـه .. ووعد مندوب الجمعية بتسليم الماشر إليه اعلاه .. وتصوير مخدر أبو القاسم حال استلامه مع التشديد بتصويره ببدلة (الغوص) كاملة في المكتب .
Post: #14 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 11:08 AM Parent: #13
إنتو البورد دا ما فوقو مريخــاب واللا شنــو ..؟
Post: #15 Title: Re: جمعية .. (تغطية) الفضايح .. و (المطقعين) Author: عبد اللطيف السيدح Date: 05-09-2010, 11:10 AM Parent: #13
Quote: مطقعين) بمعناها الســعودى؟
الطقاع بلغة بدوان نجد تعني البوبار والكضب والكلام الكبار والهرج في الفاضي يعني ماعندك أحد
زول كيسو فاضي وتشوفو تقول القبة فيها فكي. والله اعلم
Post: #17 Title: Re: جمعية .. (تغطية) الفضايح .. و (المطقعين) Author: محمد عبد الماجد الصايم Date: 05-09-2010, 11:20 AM Parent: #15
Quote: الطقاع بلغة بدوان نجد تعني البوبار والكضب والكلام الكبار والهرج في الفاضي يعني ماعندك أحد زول كيسو فاضي وتشوفو تقول القبة فيها فكي. والله اعلم
دا غايتو زي تفسير أبو رزقة القوقلي لكلمة (كــور)!
Post: #18 Title: Re: جمعية .. (تغطية) الفضايح .. و (المطقعين) Author: حمزاوي Date: 05-09-2010, 11:35 AM Parent: #17
Post: #19 Title: Re: جمعية .. (تغطية) الفضايح .. و (المطقعين) Author: عبد اللطيف بكري أحمد Date: 05-09-2010, 11:43 AM Parent: #18
Quote: حـم .. حم تعال يا حمام .. شتت ليك سكر
والله عندكم جنس محن ،، ودا بغني وين الكابتن دا :مطعم البرج ؟؟
==
Post: #20 Title: Re: جمعية .. (تغطية) الفضايح .. و (المطقعين) Author: Maawya Hussein Date: 05-09-2010, 11:47 AM Parent: #19
_________
يعني لو ما النفطي دا كان خشت قون ولا الفهم شنو
Post: #31 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 01:03 PM Parent: #20
Quote: يعني لو ما النفطي دا كان خشت قون ولا الفهم شنو
.. دي يا معاوية حدها .. تلف وترجع .. لكن شلاقة من النفطي ساااي .. كان خلاها كان اخدت لفته ومرقت .. يجيك ذو اليد يقوليك ناس الهلال عندهم ديك ابيض .. وعصام دهـب يقوليك عمر بخيت لابس ليهو حجاب بتاع (أركبي)
Post: #30 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 01:00 PM Parent: #19
Quote: ودا بغني وين الكابتن دا :مطعم البرج ؟؟
دا بيغني في الرد كاسيل يا عبد اللطيف
Post: #29 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 12:57 PM Parent: #18
يا خالوووو ..
Post: #22 Title: Re: جمعية .. (تغطية) الفضايح .. و (المطقعين) Author: السيد أحمد إبراهيم Date: 05-09-2010, 11:50 AM Parent: #17
تقديراً لحال جمهور ( الصفوة ) وبدل ما يشحتف روحه في إنتظار ( نفس ) زي صاحبنا ده
( كفاية عليهم إنتظار أقوان وراغو )
يجب إستبدال الشيشة القديمة بشيشة جديدة
Post: #23 Title: Re: جمعية .. (تغطية) الفضايح .. و (المطقعين) Author: haroon diyab Date: 05-09-2010, 11:55 AM
والله حقتنا اقلعت بحجارته
الخوف من الاقلاع ( بالحمص )
بالمناسبة.....
ملك التخدير اخباره شنو.....؟
Post: #33 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 01:13 PM Parent: #23
Quote: والله حقتنا اقلعت بحجارته الخوف من الاقلاع ( بالحمص ) بالمناسبة..... ملك التخدير اخباره شنو.....؟
شنو يا هارون مداخلتك دي حزينة كدا وخالية من أي كاااااك ..؟ محمد كمال دا (خم الكوته كلها) ..؟
Post: #41 Title: Re: جمعية .. (تغطية) الفضايح .. و (المطقعين) Author: haroon diyab Date: 05-09-2010, 09:16 PM Parent: #33
Quote: شنو يا هارون مداخلتك دي حزينة كدا وخالية من أي كاااااك ..؟
ولا يهمك ياعمك
تلاتة كاكاااااااااااااااااااااات
Post: #47 Title: Re: جمعية .. (تغطية) الفضايح .. و (المطقعين) Author: tmbis Date: 05-10-2010, 08:12 AM Parent: #41
Quote: ولا يهمك ياعمك تلاتة كاكاااااااااااااااااااااات
.. جايي تكاكي بعد تلاتة ايام .. يا هارون ..؟ في الحالة دي الجمعية ح تعمل ليك فرع بتاع حالات خاصة .. احتمال الطيارة التونسية دي الضغط بتاعه كان شديد .. وهبطت بيك في حتة مليانه حجار ..
Post: #24 Title: Re: جمعية .. (تغطية) الفضايح .. و (المطقعين) Author: الصادق صديق سلمان Date: 05-09-2010, 11:58 AM
تمبس
Quote: تقوم الجمعية بفعاليات مختلفة مسرح متنقل .. زيارات ميدانية .. شراء بطاطين سقط .. وحبوب منومه
الحبوب المنومة من اكيد من مصنع مزمل ابوالقاسم لأنو السنة كلها قاعد ينوم في الجماعة بي نفطنكو وواقوزكو غايتو النفطي دا لو كان معانا كان زمان شرب موية زريعة بتاعت عيش من اقرب دكان تحت مقبرة الأبطال.
يا تمبس ياخي والله عيب عليك الليلة كنت عاوز لي وشوش ضاحكة لكن لأنك ما علمتني فما قادر اعبر بطريقتي الدايره انا.
الصادق
Post: #27 Title: Re: جمعية .. (تغطية) الفضايح .. و (المطقعين) Author: hassan bashir Date: 05-09-2010, 12:34 PM Parent: #24
دار فلاع
Post: #35 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 01:35 PM Parent: #27
Quote: دار فلاع
.. دي أطعم سربعة تمر علي في الموسم الكروي دا .. يا حسن بشير
Post: #34 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 01:17 PM Parent: #24
Quote: الحبوب المنومة من اكيد من مصنع مزمل ابوالقاسم لأنو السنة كلها قاعد ينوم في الجماعة بي نفطنكو وواقوزكو غايتو النفطي دا لو كان معانا كان زمان شرب موية زريعة بتاعت عيش من اقرب دكان تحت مقبرة الأبطال.
.. يا الصادق .. ياخ الزول دا اول حاجة اسمو .. مخدر أبوالقاسم .. ما منوم أبوالقاسم .. هو ما بينوم .. بيخدر .. الواحد يدخل الكورة مخـدر شديد .. وما يحس بالاقوان ولا بالغلب .. وفجأة يفك البنج .. يقعد الواحد يلغلغ .. ويطقع .. كل الطقيع دا سببو مخدر أبوالقاسم .. وجرعات مخدر أبوالقاسم ..
Quote: يا تمبس ياخي والله عيب عليك الليلة كنت عاوز لي وشوش ضاحكة لكن لأنك ما علمتني فما قادر اعبر بطريقتي الدايره انا.
يازول ما عندك مشكلة .. خليني اطقع الصفوة ديل شوية .. وحقك علي تضحك لي آخر ضرس .. بس اليوم دا مشيهو لي ..
Post: #32 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 01:05 PM
Quote: ( كفاية عليهم إنتظار أقوان وراغو ) يجب إستبدال الشيشة القديمة بشيشة جديدة
. يا ابو السيد .. آخر أخبار الاستبدالات بتقول .. سوف يتم استبدال وارغووو .. بي ماسورة من سوق المواسير .. بس البقنع ليهم مخدر أبوالقاسم منو ..؟
Post: #28 Title: Re: جمعية .. (تغطية) الفضايح .. و (المطقعين) Author: tmbis Date: 05-09-2010, 12:39 PM Parent: #15
Quote: الطقاع بلغة بدوان نجد تعني البوبار والكضب والكلام الكبار والهرج في الفاضي يعني ماعندك أحد زول كيسو فاضي وتشوفو تقول القبة فيها فكي. والله اعلم
.. والله يا السيدح جزاك الله خير .. كدي ادخل لينا في الحمامة شمال وادينا تفسير
Post: #36 Title: Re: جمعية .. (تغطية) الفضايح .. و (المطقعين) Author: Faisal Elrasheed Date: 05-09-2010, 01:44 PM Parent: #28
Post: #46 Title: Re: جمعية .. (تغطية) الفضايح .. و (المطقعين) Author: tmbis Date: 05-10-2010, 07:49 AM Parent: #36
يعني حسع الكاس بتاع الامارات الأخير دا .. ما بيتحسب .. يا فيصل .. واللا ادونا نفسح الكاس ونرجع ليهم ..؟ اه انكربو عاد .. نفس الرشة بتاعت دوري المجموعات ح تترشوها في الكونفدرالية ..
Post: #37 Title: Re: جمعية .. (تغطية) الفضايح .. و (المطقعين) Author: عمران حسن صالح Date: 05-09-2010, 01:46 PM Parent: #28
ده بوست خالي من الوطنية لا يدعو إلى التعاضد والتماسكـ والتزام جادة الجدية (قصاد) الهجمات الخارجية وانا باعتباري هلالي وطني أرجو من الأخوة الكرام التكرم بعدم الصيد في المياه العكرة ومحاولة رفع روح الشباب المعنوية لإعتبارات الزمالة الإسفيرية
____________________ الكلام ده حدو الساعة حداشر بالليل يعني أقصد سيتم التأكيد عليه في حال ( اللي بالي بالكـ ) وإلا فـ ( هسسسسسسسسسسسسسسسسس 2 ) اليوم إسفيرياً مرفوع إلى عنان الإسفير
Post: #38 Title: Re: جمعية .. (تغطية) الفضايح .. و (المطقعين) Author: هاشم نوريت Date: 05-09-2010, 01:56 PM Parent: #37
Post: #42 Title: Re: جمعية .. (تغطية) الفضايح .. و (المطقعين) Author: أبو عبيدة البصاص Date: 05-09-2010, 09:21 PM Parent: #40
.. ..قلنا نجي نرد التحيه
Post: #43 Title: Re: جمعية .. (تغطية) الفضايح .. و (المطقعين) Author: ABUHUSSEIN Date: 05-09-2010, 09:22 PM Parent: #40
يا ربي الزول دا حا إجي الصباح داخل بوستو دا و لا حا إكتفي بالمتاوقة زيو و زي كل الذين ليست لديهم عضوية في المنبر
غايتو الشفقة كعبة خلاص
أقول ليك حاجة إعتبر الموضوع عادي و إداخل دون التعرض للنتيجة
يعني أعمل فيها مجنون لحدي ما تعدي الحتة دي
Post: #44 Title: Re: جمعية .. (تغطية) الفضايح .. و (المطقعين) Author: haroon diyab Date: 05-09-2010, 09:37 PM Parent: #43
ياباوحسين ياخوي
اها دي البعديها شنو.....؟
Post: #45 Title: Re: جمعية .. (تغطية) الفضايح .. و (المطقعين) Author: ABUHUSSEIN Date: 05-09-2010, 09:46 PM Parent: #44
.
هارون حاول خلي كتابتك بالأحمر في بقية البوست
علشان الزول دا لا قهوة لا أم فتفت تفكها ليهو بكرة
Post: #49 Title: Re: جمعية .. (تغطية) الفضايح .. و (المطقعين) Author: tmbis Date: 05-10-2010, 09:26 AM Parent: #38
Quote: ياتمبس انت راجل ماعندك وطنية ياخى املء جيبوك حجارة واضامن مع الوطنيين اااااااااااووووووووووو منو البطقع دا
اوووو نوريت (الخجاج) ياخ .. والله إنت زول وطني خالص .. النصيحة انا غايتو بمرقه .. امبارح لو كنت في الاسماعيلية .. كان طقعته برضو .. عليك الله بتاعين الصفوة احسن مني في شنو ..؟
Post: #48 Title: Re: جمعية .. (تغطية) الفضايح .. و (المطقعين) Author: tmbis Date: 05-10-2010, 08:59 AM Parent: #37
Quote: ده بوست خالي من الوطنية لا يدعو إلى التعاضد والتماسكـ والتزام جادة الجدية (قصاد) الهجمات الخارجية وانا باعتباري هلالي وطني أرجو من الأخوة الكرام التكرم بعدم الصيد في المياه العكرة ومحاولة رفع روح الشباب المعنوية لإعتبارات الزمالة الإسفيرية
والله يا عمران الشفافية والوطنية في حالات زي دي ما بتنفع .. لانو ليها مردودة العكسي .. وبي نفس القدر .. الخفه ما بتنفع .. الواحد ينتظر صفارة الحكم الأخيرة وبعداك تقوم تدخل في برنامج الاسعافات الأولية .. البوست دا حق اسعافات اولية يا عمران .. كان في خساير كتيرة ودي قمة الوطنية انك تضمد الجراح .. وتلملم باقي الحجار .. وتدخل الحمام قفصو .. برضو بي شفافية عالية جدا
Post: #50 Title: Re: جمعية .. (تغطية) الفضايح .. و (المطقعين) Author: ABUHUSSEIN Date: 05-10-2010, 01:17 PM Parent: #48
عملت فيها رايح ؟؟؟؟؟؟؟؟؟؟؟
Post: #51 Title: Re: جمعية .. (تغطية) الفضايح .. و (المطقعين) Author: tmbis Date: 05-10-2010, 01:53 PM Parent: #50
Quote: عملت فيها رايح ؟؟؟؟؟؟؟؟؟؟؟
.. أنا أخوك يا نفيسة .. . الله دا بتمشي ليهو وبيسألك شفتني بلعت لي بوست ..؟ ما ياكم من أمس بتزازو بي بره كان ما الله اكرمكم بي الاسماعيلي دا والله كان الليلة البورد دا إلا تفتحوهو بي توقيت استيف .. وكوستاوي .. والحرامي الما عندو شبط .. اديها صنة وما تطقع بالحجار .. أنا قاعد الجري دا ما حقي
