Post: #7 Title: Re: سرقات محطات البنزين في السعودية.... Author: GAAFER ALI Date: 05-09-2010, 05:38 PM Parent: #6
اخي سيف شاهدت المقطع. في البداية لما ذكر النهب في محطات البنزين تخيلت امر مختلف تماما. لأنو عندنا هنا في بلدان الخواجات صاحب الطلمبة هو في خطر من الزباين. هناك ما يسمي ال Drive Off وهو عندما يعبي -الزبون وطيعا الزبون بفعل ذلك بنفسه لانو لا وجود للعمالة الرخصيصة لتقوم بذلك - وينطلق تاركا صاحب الطلمبة ليقوم بالاتصال بالشرطة والشركة لتدوين الحادث وطبعاالتأمين يدفع مجموع السرقات نهاية السنة. وطبعا هذه اخف الاضرار لان الخطورة عندما يقوم الزبون بالتعبئة ثم يتجه الي داخل الطلمبة حيث يوجد العامل ويشهر سلاحه في وجه العامل المسكين مطالبا بكل ماهو موجود في حوزته من مبالغ في الخزنة ثم يلتفت الي داخل المكان جامعا ما يقع عليه نظره من المطايب المعروضة للبيع من سجاير وشكولاته واذا كان في مشروبات كحولية كمان دي حلاتها وبعد داك يعود الي سيارته وينطلق ليترك فقط صورته الملثمة علي شريط الفديو وفي النهاية قد تعتمد شركة التأمين علي الفديو للتعويض والشرطة للتدوين وصاحب الطلمبة لتبرئة ذمة العامل لكي لا يقع هو في الاتهام! وطبعا هناك العشرات من السودنيين والسودنيات العاملين في الطلمبات وقعوا ضحايا لهذا ولدي صديقة سودانية راحت ضحية لمثل هذه السرقات مما اضطراها لتلقي العلاج النفسي من اثر الصدمة. وهناك من فقد روحة من السودانيين وخلافهم بسبب ذلك. والله لو بقت علي الهندي الماخد ليه مية دي تكون خفيفة.
Post: #8 Title: Re: سرقات محطات البنزين في السعودية.... Author: محمد عبد الماجد الصايم Date: 05-09-2010, 08:04 PM Parent: #7
الكلام دا ما بنطبق على جميع المحطات يا عمكـ! أو على جميع العمّال في المحطات دي! بعدين إنت قايل الناس هنا كلها بتمش المحطات بـ 500 ريال؟ هسي إنت بتمش تعبي وتدي بتاع المحطة 200 دولار؟
Post: #9 Title: Re: سرقات محطات البنزين في السعودية.... Author: سيف الدولة كامل Date: 05-09-2010, 10:35 PM Parent: #8
200 دولار يا ود الصايم تشيلة في الطلمبة بالليل بتتلحس.
الشغل كريديت ساااكت والحافظ الله.
Post: #10 Title: Re: سرقات محطات البنزين في السعودية.... Author: محمد عبد الماجد الصايم Date: 05-10-2010, 06:00 AM Parent: #9
أها يا سيف يا عمّنا السرقة البتكلم عنها عمكـ سيف دي بتعتمد على أنكـ تمش المحطة وتدي العامل 500 ريال!
معقولة ياخ! الـ 500 ريال دي بتمثل للبعض 50 % من الراتب!
Post: #11 Title: Re: سرقات محطات البنزين في السعودية.... Author: سيف اليزل برعي البدوي Date: 05-15-2010, 12:52 PM Parent: #10
ود الصايم
ما ضروري يا عمك
يعني ممكن يسرقك حتي لو اعطيته 100 ريال
الزول ده اداه ال500 كشرك كبير
مغزي الحكاية انو السعوديين ما بهتمو يعدوا فلوسهم
او ممكن يكونوا تعبانين في الحساب شوية
واعتقد انه فيديو هادف
ينبه لوضع لافتة تذكرهم
لك مودتي
سيف
Post: #12 Title: Re: سرقات محطات البنزين في السعودية.... Author: GAAFER ALI Date: 05-15-2010, 03:26 PM Parent: #11