نصيحه لجمال الوالي : أقلبو قفص جداد كبير (صور)

زمان قالو في واحد زهج الاستاذ عبدالقادر تلودي لحدي ما فكر انو يقلب المدرسة زريبه عيش.."
.........
أسمعها مني أقلبو قفص جداد كبير
جداد بياض... جداد لاحم ... أهو انتاج للبلد
الشغلانه ما جايبة تمنها...
قلع الكراسي و فرتق المقصوره ...
حتي الحمامات ذاتها فرتقها...
علي الاقل لمن المرة الجاية يجينا الممثل أحمد بدير ما يلقي حمامات يضحك عليها
بيع الجماعة ديل واحد..واحد... كلهم دق فيهم الجرس
و كان في واحد ما جاب حاجة ....عندنا ليك حل إذا كان عندو جضوم.....
ممكن يشتغل نفُاخ جداد..
و كان سألتني نفاخ جداد دي شنو.. أقول ليك...
زمان مشيت سوق الشعبية..
لقيت مره فارشا ليها "جني جداد" مقاسات كبار و صغار ...
قمت سألت واحد مسنوح كان معاي انو "جني الجداد الصغار أماتو سواسيو و لا شنو؟
قال لا ده بيض هوا...
سألتو بيض الهوا ده شنو ؟
قال لي إنو الجداد ممكن يبيض بدون ديوك .. و انو البيضة دي بالهوا بس....
حمدت الله انو ليوم الليلة ماشفت لي دحش هوا... و لا عتود هوا...
و لا زول هوا كمان
نرجع لموضوعنا الناس أبان جضوم مُكان.. ممكن يشتغلو فب القفض الكبير ده "أخصائيئ تلقيح" مثلا.
انفخ عشان الجداده تجيب البيض
بعدين تعرش الاستاد ده بحصير....
و تجيب مروحتين كبار قدر الليلة و بكره
تختهن نص الميدان و شوالات
و بعدين المويه تجي من فوق للشوالات و للنجيله طوالي... نظام تبريد حديث.
...
علي العموم مشاكل الاستثمار ده شنو...
مرض سمير... وده حلو قل لن يصيبنا الا ما كتب الله لنا
مشاكل العلف... ظبط أمورك مع الجماعة

شريتنا ياخى
وين صور المزرعة دى؟

يا أبوحميد.. الجداد و البيض جاي...
أهو تم التقاط صوره لعينه جداد بلدي ....
لا ندري ما نوع الجداد الاصلح...
علي العموم كلو بيقول كاك...