Post: #1 Title: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-08-2010, 09:10 PM
كدي خلونا من ده كلو انتو قصة الحمامة الحمراء الجات ركت في نص الميدان ده بخور ولا نظام كجور ولا الحاصل شنو ؟
Post: #2 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-08-2010, 09:11 PM Parent: #1
غايتو أنا آمنت بي أطفال الحجارة ديل
قربتو تقنعونا بضرورة ترحيلكم لغزة
Post: #3 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-08-2010, 09:15 PM Parent: #2
كورة ما عندكم الله يغيظكم ما خليتو ليكم جدادة حايمة
ـــــــــ ثم وين ناس جمعية الرفق بالحيوان ديل صحي والله البلد دي مافيها شفافية اطلاقاً
Post: #4 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-08-2010, 09:19 PM Parent: #3
بعدين انتو خجل الله والرسول ده ما بتخجلو ياناس
ده شنو البتعملو فيهو ده
كورة ولا عازمنكم إنتفاضة اقصي شنو اي زول خاشي الميدان شايل ليهو مكنة طوب وجدادتين ؟
Post: #5 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-08-2010, 09:26 PM Parent: #4
ماشين ننوم هلكتونا والله
Post: #6 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: haroon diyab Date: 05-08-2010, 09:30 PM Parent: #5
Quote: ماشين ننوم هلكتونا والله
بخت البتقدر تنوم
نحنا لينا الله وعيشة السوق
Post: #7 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-08-2010, 09:37 PM Parent: #6
والله ياهرون بعدما ماشي انوم خلاص لمحت مداخلتك دي وجيت اعزيك بشكل خاص يازول ده علي قول عمنا محجوب :
من حال بلد زاتها حزازاتها وحراباتها
مافي شئ اصلاً ماشي صاح في البلد دي ياهرون والله انا حزين للغاية للجماهير الناس دي بتخش الاستاد والشمس لسع حية بجوا راجعين والواحد فيهم هلكان وصوتو مبحوح . وشايل معاه وعلي العليهو أحزان إضافية أبداً هم ما محتاجين ليها ويجوا نفس اللعيبة ونفس الادارة ونفس الكاربون والمزمل ابو القاسم يجوا يعتذروا ويدقوا الطار من جديد
دوامة ياهرون دوامة ليس الا ياصديقي عظم الله اجر الغلابة
Post: #8 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: طارق جبريل Date: 05-08-2010, 09:41 PM Parent: #7
عاد باكر لا تفلعوا الناس بٍِ((الحمص))
شقي الحال كيفنك
Post: #9 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-08-2010, 09:45 PM Parent: #8
(يوم بكرة جميل واي ووسيع)
يوم باكر ده يوم تاريخي ياصديقي اصك ماتشيل لينا هم
نحنا من الاسماعيلية وللابطال عدل
كعب الكونفدرالية
Post: #10 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: haroon diyab Date: 05-08-2010, 09:50 PM Parent: #9
خضرنا
النجيضة ياها دي
Quote: والمزمل ابو القاسم يجوا يعتذروا ويدقوا الطار من جديد
Post: #11 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: مرتضى احمد عبد القادر Date: 05-09-2010, 00:49 AM Parent: #10
خضر سلام الحمامة الحمراء لمن نزلت الميدان قالو الجمهور الصفوة سابقا أطفال الحجارة نااااو كانو بيغنو غنية الظار (دقوولك يا بشير شن قوولك يا بشير) وعلى المساطب الشعبيه أطلق الجاولي والعدني
ــــــــــــ أها يا عمك بكره أنا لحدي 2 صفر معاك اكتر من كدا كرة القدم في الوضع الراهن الذي تعيشه البلاد قمة الإنصرافية أو كما قال حيدر الزين
Post: #12 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: intehazy Date: 05-09-2010, 01:04 AM Parent: #11
Post: #13 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: Elmuiz Haggaz Date: 05-09-2010, 01:26 AM Parent: #12
خضر إزيك...
ياخى زول كتاب زيك كدا ماله ومال الكورة السودانية?...
ياخى أنا دا الماكتاب ولامثقف ولا فاهم ولا يحزنون بطلت أحضر الكورة
السودانية دى من مباراة الهلال والترجى فى تونس الغلبونا فيها خمسة
بعدما جبنا القون الأول! فما ممكن نقعد نفتش بوستاتك بالفتاشة نجى نلقاك
شابكنا مريخ وأبو جريشة وأبو الدقيق!!!
أكتب لينا حاجة مفيدة ولا تهدر الباندويدث..(الباندويدث دا منو?)
Post: #14 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: مرتضى احمد عبد القادر Date: 05-09-2010, 01:35 AM Parent: #13
Post: #15 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: Abdlaziz Eisa Date: 05-09-2010, 03:44 AM Parent: #14
العزيز خضر
سلامات
ما حدث ليلة البارحة شئ مؤلم لنا.. ونحن نقدر دوما روحكم الشماتية على الزعيم سيد البلد الذي لن تصلوا إلى قامته يوما ما.. لكن سنذكركم اليوم بلقاء الدروايش بعد أن فضحتونا في العرضة شمال..
تحياتي
Post: #16 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: محمد عبد الماجد الصايم Date: 05-09-2010, 05:03 AM Parent: #15
يا معلم .. عندهم إعلان بتاع مصنع طوب في الملعب .. شفتو؟
Post: #17 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: حمزاوي Date: 05-09-2010, 05:54 AM Parent: #16
الليلة في الاسماعيلية اشوف جبلا واضوق عسلا
أشوف فيك يوم يا كاربوني كيوم ابوراقي وكدن تكار
Post: #18 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: محمد المبارك ابراهيم Date: 05-09-2010, 08:32 AM Parent: #17
صديقى ود حسين لجمهور المريخ تاريخه مع (عنف الملاعب) منذ إحراق ملعب الهلال فى مباراتهم مع أهلى الخرطوم فى الدورى المحلى مروراً ب (كأس الطوب) و تبنيهم لمبدأ العنف الذى يحقق الانتصارات ، و ما يجب الانتباه له هنا ليست الاحداث بل مسبباتها ، فهل كان الجمهور السودانى بمثل هذا السؤ (الصفوى) أم أن عوامل الشحن الزائد من عناصر إعتلت مقاعد القيادة الإدارية و الصحفية و الجماهيرية و التى لا تؤمن بأن الرياضة هكذا حالها تستمتع بحلاوة النصر الذى يزيل مرارة الهزيمة ، أو أنها لا تعى بأن الرياضة ألعابها ليست نصر أو موت ، أو انهم لا يعيرون شعار اللعب النظيف أهميته فى نسق فلسفة الرياضة . يا صديقى ليس الجمهور إلأ ضحايا هيئوا لإنتاج هذه التراجيديا (الغير) رياضية ، هذا ليس هجوماً على جمهور المريخ الذى هو جزءاً عزيز من هذا الشعب العظيم ، هذا الشعب الذى له إضاءاته فى نفس هذه الجبهة ، لقد خسرنا كثيراً من البطولات و المباريات الهامة على أرضنا ولم نشهد زخم الزبالة الملقاة على الملعب و مثل هذا التعدى المخجل ، و الم يتم إختيار جمهور الهلال من قبل الكاف كجمهور مثالى للموسم الافريقى الماضى ، هذا لا يعنى بأن جمهور الهلال ليست له كبواته و لكنها تحولات يجب تشجيعها و دعمها ليكن هذا طرقنا و طريقتنا . إذاً يا صديقى هى دعوة لمناقشة الظاهرة بعيداً عن عصب العيون بقطع القماش الملونة ، هذا واجبٌ علينا للعودة للميادين من أجل المتعة و الابتهاج ، نفرح بنصرنا ، ونصحح مسارنا بعد الهزيمة ، بموضوعية . >>>>>>>>>>>>>>>>>>>>>>>>>>>>>>>>>>>
العزيز خضر
سلامات
ما حدث ليلة البارحة شئ مؤلم لنا.. ونحن نقدر دوما روحكم الشماتية على الزعيم سيد البلد الذي لن تصلوا إلى قامته يوما ما.. لكن سنذكركم اليوم بلقاء الدروايش بعد أن فضحتونا في العرضة شمال.. >>>>>>>>>>>>>>>>>>>>>>>>>>>>>>>>>>>>>> السيد / عبد العزيز أنا أناقش أعلاه مثل هذه المفاهيم الغريبه ، قد تكون مقبولة لو أنها لم تأتى مقلوبة ، فهل الفضيحة فى تقبل الهزيمة ؟ أم أنها فى التعدى على الملعب بالحجارة ؟ ، يا سيدى ليس بالمبرر بأنها تأتى فى سياق المكايدة ، فإن مثل هذا التبرير ما يرسخ المفاهيم الخاطيئة فى الفكر الاجتماعى ، و الرياضة جزء من نشاط المجتمع و الذى يضيف أو يخصم من رقيه و تقدمه ، و الدعوة للحوار لك مثلما هى لخضر و كل المهتمين بقضية تصفية المظاهر السيئة و (السالبة) فى ممارساتنا الرياضية . <<<<<<<<<<<<<<<<<<<<<<<<<<<<<<<<<<<<<< و حتماً ساعود إن كنت أحمل ثقل هزيمة بالاسماعلية أو نشوة نصر .
Post: #19 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: Amira Elsheikh Date: 05-09-2010, 09:41 AM Parent: #18
خضر ازيك
Post: #20 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: ملكة سبأ Date: 05-09-2010, 10:25 AM Parent: #19
Quote: انتو قصة الحمامة الحمراء الجات ركت في نص الميدان ده بخور ولا نظام كجور
لوووول ثم لووول مولولة
خلو موضوع الكدايس وقبلو على حمايم السلام رفرفي رفرفي
Post: #21 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-09-2010, 11:05 AM Parent: #20
يا ملكة ازيك مشتاقين بالتبادي
يازول انا ماعندي اي علاقة بموضوع الكدايس نحنا مع الحمائم بس
وقيل مع فراخ الوالي
مودتي
Post: #22 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: Medhat Osman Date: 05-09-2010, 11:52 AM Parent: #21
Post: #24 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-09-2010, 01:53 PM Parent: #12
انتهازي ازيك ياخ شكراً للمؤازرة والله سلمت
Post: #23 Title: Re: اليشوف فصاحتكم ما يشوف حجارتكم : الي أطفال الحجارة فرع (الرد كاسل) Author: خضر حسين خليل Date: 05-09-2010, 01:46 PM Parent: #11
يا مورتا انت مالك متشائم كده ياخ عارف الهلال ده حيحسم الاسماعيلي في الشوط الأول يعني ممكن تقول في الربع ساعة الأولي
