Post: #9 Title: Re: مرحبا بكم على طيران الكونفدرالية ............ Author: وليد عبد اللطيف Date: 05-08-2010, 08:55 PM Parent: #6
يا اميرة
Quote: ليس في الامكان افضل من الذي كان
من اقوال الحكيم وليد الشفت
Post: #12 Title: Re: مرحبا بكم على طيران الكونفدرالية ............ Author: عبدالكريم الامين احمد Date: 05-08-2010, 08:59 PM Parent: #9
هاردلك يا مريخاب.. والمريخ الليلة وجد اجواء وجماهير ولكن لم يكن من بين صفوفه اللاعبين الكارزيمين الذين يستطيعون حسم مثل هذه المباريات والسيطرة علي مجرياتها من قولة تييييييييت... وبعدين حارسكم ده بالله دربو كويس..!! ده يلمو فيهو ناس سادومبا وامبيلي مطرف حيعوقكم عويقة شديدة خلاااص..
بالجد قعدت بدري ولقيت نفسي اوتماتيكي منحاز للمريخ.. ولكن من الشوط الاول قنعت من خير فيه
حتى كمان السنة دي حا يكون فيها دوري اربعة زي الابطال
ياوليد ....سلااام شان الخبرة دى نحن اوكلنا ليك العمليات الجوية بعد الاقلاع من مطار الاسماعيلية...
عليك ما تتوصى ..
Post: #11 Title: Re: مرحبا بكم على طيران الكونفدرالية ............ Author: محمد البشرى الخضر Date: 05-08-2010, 08:58 PM Parent: #6
بالنظر لكمية الأخطاء الفي السبعة كلمات ديل حتى بعد التعديل
Quote: شان كدا لو قريت مداخلاتى قبل المبارة المسالة بالنسبة محسومة ولاول امر ما ازعل لخسارة المريخ.. (عدل بواسطة Amira Elsheikh on 08-05-2010, 08:52 م)
Post: #13 Title: Re: مرحبا بكم على طيران الكونفدرالية ............ Author: صديق عبد الجبار Date: 05-08-2010, 09:00 PM Parent: #6
أميرة الشيخ وجميع المسافرين على رحلة الكونفدرالية ليق إيروييس ...!!
يحيكم كابتن أبوفواز (وطبعاً سواق طيارة بالجد يعني وكدة) ... ونتمنى لكم رحلة موفقة وسعيدة ...
وطبعاً أول حاجة حتقولها ليكم المضيفة أو المضيف ... نأسف على هذا العطل والتأخير (الخارج عن إرادتنتا) .. وكالعادة طبعاً !!! وإياكي أعني فاسمعي يا جارة ....!!!
أنا طبعاً هلالابي (بالمعاش) .. آخر هلال تابعته كان هلال ناس وليد طاشين وصبحي وطارق أحمد آدم ... هلال (لاراش) .... أفتكر 88 أو حاجة زي كدا ....
على أي حال أنا عجبني البوست .. والشكر للأستاذة أميرة .. أخرجتنا شوية من الهموم المهنية و السياسية ...
فهذا بريك ما بطال ... وخفيف على القلب .......
تعيشي يا أميرة ..!!
عمك أبوفواز
Post: #21 Title: Re: مرحبا بكم على طيران الكونفدرالية ............ Author: جعفر محي الدين Date: 05-08-2010, 09:21 PM Parent: #13
السلام عليكم هاردلك لكل القبيلة الحمراء وأرجو أن يسعفنا الحظ غدا في تخفيف المصاب
عروض الكونفدرالية للطيران اشتري تذكرة وأحصل على الأخرى مجانا
Quote: أنا طبعاً هلالابي (بالمعاش) .. آخر هلال تابعته كان هلال ناس وليد طاشين وصبحي وطارق أحمد آدم ... هلال (لاراش) .... أفتكر 88 أو حاجة زي كدا ....
بالمعاش دى ما بتعفيك وجودك ضمن طاقم الطايرة زى ما قلنا كخبير
فعلا دا 88 لاراش الحكم المغربى وزمن كمال شداد اها الوقت داك برضو انا بديت اشجع فيهو المريح او بالاحرى وعيت فيهو بتشجيعى للمريخ زمن حامد بريمة,, كمال عبدالغنى..عادل عطا ...عاطف القوز ,,, عبدالسلام حميدة جمال ابوعنجة ,,ابراهومة,,عيسى صباح الخير ودحدوح ...
Post: #26 Title: Re: مرحبا بكم على طيران الكونفدرالية ............ Author: صديق عبد الجبار Date: 05-08-2010, 09:39 PM Parent: #23
Quote: فعلا دا 88 لاراش الحكم المغربى وزمن كمال شداد اها الوقت داك برضو انا بديت اشجع فيهو المريح او بالاحرى وعيت فيهو بتشجيعى للمريخ زمن حامد بريمة,, كمال عبدالغنى..عادل عطا ...عاطف القوز ,,, عبدالسلام حميدة جمال ابوعنجة ,,ابراهومة,,عيسى صباح الخير ودحدوح ...
يااااااااااااااااااااااااااااااااااااااااه .. يا حليل زمن الزمن كان زين ... والشعر مغطي الإضنين .....!!!
دول كانوا عمالقة يا أميرة .... هلال مريخ كانت .. كأس عالم لوحدها .....
لكن برضك عشان ما نظلم الشباب في الهلال والمريخ .. والله أنا في رأيي الشخصي الآن الكورة أحسن شوية لأنها بدأت تتبع الأسلوب الجماعي .... وهو أسلوب العصر ... وزمان الكورة كانت بتاعت نجوم وبس ... فالآن المستوى أكيد أقوى ..... على الرغم من الإخفاقات الكثيرة ... لكن الإخفاق في السودان سندروم عام وليس في الكورة فقط .... !!!!
أنا بصفتي خبير أجنبي .. أقوليك .. الإسماعلية مشهورة بالأمطار والضباب والشبورة ... وملاحي الهلال تم تدريبهم في جهاز السيميوليتر (المحاكاة ) على هذه الظروف .. ولكن الوف من أن يثور بركان في المنطقة وأولادنا ما متعودين على مشاكل الرماد البركاني .... وربنا يستر ... وإلا ... فالرماد كال حماد .........!!!
Post: #47 Title: Re: مرحبا بكم على طيران الكونفدرالية ............ Author: مرتضى احمد عبد القادر Date: 05-09-2010, 02:08 AM Parent: #45
طيران الكونفدراليه دا تمشو ليهو بي حمامتكم الحمراء النزلتوها الميدان إحتمال تفيدكم
ــــــــ معقوله ياخ نحنا دافنين حمار عديل للأبطال لينا 10 سنه ودر الأربعه ما عديناهو جايبين ليكم حمامه والله ناس طيبين خلاص
Post: #48 Title: Re: مرحبا بكم على طيران الكونفدرالية ............ Author: قاسم المهداوى Date: 05-09-2010, 02:18 AM Parent: #47
مرمر سلامات يا زولا طلعت رشاشة ليه كدا
هامش الدوحة ابتنا عديل
قاسم المهداوى
Post: #61 Title: Re: مرحبا بكم على طيران الكونفدرالية ............ Author: Amira Elsheikh Date: 05-09-2010, 07:53 AM Parent: #48
Quote: مرمر سلامات يا زولا طلعت رشاشة ليه كدا
سلامو ياقاسم..
انت الليه طلعت مع ناس الصفر??
Post: #49 Title: Re: مرحبا بكم على طيران الكونفدرالية ............ Author: ahmed khidir Date: 05-09-2010, 02:20 AM Parent: #47
اميرة الشيخ كفارة ورضيته ليكم لكن الحجارة ما عندكم
Post: #50 Title: Re: مرحبا بكم على طيران الكونفدرالية ............ Author: Abdlaziz Eisa Date: 05-09-2010, 04:56 AM Parent: #49
العزيزة بت الشيخ
سلامات
عارفة يا سيدتي انا داخل هنا بوش عابس بعد وعدي ليك في بوست الأسماء بالرد في ليلة الترجي!! رغم الهزيمة التقيلة في تونس كنت شايل شئ كبير من الأمل ان الزعيم سيعيد لنا تاريخ الأمجاد مثل ما عمل في مثل هذه الظروف من قبل وقهر العمالقة.. لكن هي الكرة.. ماذا سنعمل.. يا أميرة هذه غيمة عابرة في سماء المريخ الزعيم.. في الكونفدراية أو غيرها.. اسمنا مع الكبار موجود.. وبرضو اسمى بالعربي زي ما كتبتيهو المرة ديك..
تحياتي لك
Post: #51 Title: Re: مرحبا بكم على طيران الكونفدرالية ............ Author: Al Sunda Date: 05-09-2010, 05:53 AM Parent: #50
Quote: والله انا متفائلة للهلال .. ساى كدا بس
شكرا بنت الشيخ هذه آمارات الانتصار بإذن الله
Post: #52 Title: Re: مرحبا بكم على طيران الكونفدرالية ............ Author: أيمن الطيب Date: 05-09-2010, 06:07 AM Parent: #51
سلام يا أميرة الشيخ,, هارد لك والله,,
مع كل حلاقة الناس حا تقعد تهضرب قدر دا!!!
مفروض تكونو إتعودتو وكدا,,,
Post: #53 Title: Re: مرحبا بكم على طيران الكونفدرالية ............ Author: tmbis Date: 05-09-2010, 06:38 AM Parent: #52
يا بت الشيخ o انتو مُصرين تنزلونا لمستواكم ! o كان جيناكم بنتعبكم ! "نكورك ليكم ما تجونا نجيكم تكوركو" o وكمان كان جاءكم الاهلي المصري راح تكون ميته وخراب ديار!
.......................................... مسجلة غياب مالك فى بوستات اطفال المايقومة؟
ماعلينا يا سيدى ومافقدتك شينة .. عندى كتير من الظروف الخاصة جدا وبسسببها ماقدرت اتواصل الفترة الفاتت خاصة والمسالة دايرة سك وجرى واجتماعات وتحصيل ومتابعة نهاية كل شهر وانا مشغولة جدا فبالتالى وجودى فى البوستات ببقى شو ماعندو معنى وانا اصلا ماعاملة حاجة ...لكن اوعدك المايقوما بالنسبة قضية لايمكن اتخلى عنها وعنهم ....مسالة وقت وترتيب وبرجع... شكرا جزيلا لسؤالك ...
Post: #68 Title: Re: مرحبا بكم على طيران الكونفدرالية ............ Author: Amira Elsheikh Date: 05-09-2010, 08:49 AM Parent: #57
Quote: بالله كم كانت تذكرة الدخول؟
مجان ياإيمو ومعاها عشاءومواصلات بعد نهاية المهرجان
Post: #74 Title: Re: مرحبا بكم على طيران الكونفدرالية ............ Author: omer osman Date: 05-09-2010, 12:54 PM Parent: #68
Quote: مرحبا بكم على طيران الكونفدرالية كابتن اساسى وكابتن عمر عثمان وكابتن هارون دياب
ياجماعة هوي ........ طيارتكم دي مافيها برشوت ؟ أنا ما عاوز معاكم
Post: #75 Title: Re: مرحبا بكم على طيران الكونفدرالية ............ Author: محمد عبد الماجد الصايم Date: 05-09-2010, 01:01 PM Parent: #74
Quote: كل البيت ضحكوا بأعلى ما عندهم من قدرة على الضحك, لملمت ماتبقى من كرامة وشلت لى جدادة وطوبة وبقيت مارقة.
... أوعه تكوني طقعتي ناس البيت يا ندى .. ؟
Post: #85 Title: Re: مرحبا بكم على طيران الكونفدرالية ............ Author: ندى عثمان حسن Date: 05-09-2010, 07:09 PM Parent: #77
Quote: أوعه تكوني طقعتي ناس البيت يا ندى .. ؟
ياتمبس , تعال شيل الطوبة , وخلى الجدادة
الهلال مغلوب 2-1
Post: #78 Title: Re: مرحبا بكم على طيران الكونفدرالية ............ Author: عبد الرازق سعيد Date: 05-09-2010, 01:22 PM Parent: #74
Quote: مرحبا بكم على طيران الكونفدرالية
أميرة ما هو الوزن المسموح به لتذكرة طيران الكونفدرالية وما هو سعر الكيلو للوزن الزائد فالكل يتوقع لأفراد بعثة الهلال أن يعودوا لأرض الوطن طبعاً بعض الخروج من المولد محملين بكميات من الحمص والسمسمية والإحتياط واجب
Quote: ما هو الوزن المسموح به لتذكرة طيران الكونفدرالية وما هو سعر الكيلو للوزن الزائد فالكل يتوقع لأفراد بعثة الهلال أن يعودوا لأرض الوطن طبعاً بعض الخروج من المولد محملين بكميات من الحمص والسمسمية والإحتياط واجب
عبدالرازق سعيد...
الناس ديل متعودين على الوزن الزايد ..خمسات وستات وكدا المرة دى الموقف مابحتمل والرحلة دى فيها الصفوة بالتالى اى وزن زايد حيتسبب فى مشكلة او كارثة جوية ...
عليه ننوه انو الخطوط حقتنا ما مسئولين عن اى حمولة زايدة كفاية والفينا مكفينا...
Post: #86 Title: Re: مرحبا بكم على طيران الكونفدرالية ............ Author: مرتضى احمد عبد القادر Date: 05-09-2010, 07:23 PM Parent: #82
كامبوس ركب الهلال طيران الكونفدراليه بغبا منو الهلال لاعب 3 5 2 في امانة الله إتسلط علينا وغير طريقة اللعب في الشوط التاني
ــــــــ جيناكم ياااا يا حبايبنا
Post: #87 Title: Re: مرحبا بكم على طيران الكونفدرالية ............ Author: ندى عثمان حسن Date: 05-09-2010, 07:36 PM Parent: #86
Quote: كامبوس ركب الهلال طيران الكونفدراليه بغبا منو الهلال لاعب 3 5 2 في امانة الله إتسلط علينا وغير طريقة اللعب في الشوط التاني
يازول بطل حركات واسكت وماتفقهنا ساكت كامبوس عمل وعلاء الدين كان مفترض والحكم خجانا
امر الله نفذ وشيلو الصبر شفت اختك امبارح كانت صنديدة كيف ؟؟
نحن كن متاكدين من جيتكم ..
معتصم دفع الله صديقنا الذى بالرياض بطل كاكات وانضبط واسم هلالابى بشتغل لينا كمسارى فى طيارتنا دى تانى مافى بعد فيلم اسماعيلية رايح جاى دا شوفكم ليكم جحر
Post: #89 Title: Re: مرحبا بكم على طيران الكونفدرالية ............ Author: محمد البشرى الخضر Date: 05-09-2010, 07:55 PM Parent: #88
Post: #107 Title: Re: مرحبا بكم على طيران الكونفدرالية ............ Author: البدري عبد الله Date: 05-10-2010, 01:54 PM Parent: #103
Quote: أميرة , أديهو فرصة ياخ
اميرة يت الشيخ يا ندى اليومين ديل جنها قايم عليها ..عشان كدة الداخل بوستاتة مفقود والخارج منها مولود .. زمان جنها كان مقابل تراجي بدون اي سبب ..اليومين ديل مقابلة اختنا (من غير ذكر اسماء) العملت البوتيك الجديد في السودان وقالت انو الزولة ديك سارقة الفكرة منها وكمان سارقة تصميمات موضة جديدة لي فستان اسمو (موسى الزومة ) ..اها قدر ما الناس يحاولوا يقنعوا فيها انو القصة دي ارزاق وانو المحلات بالكوم وممكن تعمل واحد جديد وبي افكار جديدة الموضوع دا اصلو ما داخل راسه كلو كلو ..المهم ربنا يخفف عليها وعلى عباده اجمعين ان شاء الله ...