Post: #1
Title: طبيــــخ الرجـــــال ........
Author: عفاف الصادق بابكر
Date: 05-08-2010, 08:57 AM
Parent: #0
و أنا فى المطبخ يوم الجمعة .. وطبعا يوم الطبيخ العالمي ..
يعني اليوم الوحيد البكون عائمه وسط الخضار وال وال ...
(( يقطع الدوام وسنينه )) ..
|
Post: #2
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 09:02 AM
Parent: #1
على فكرة انا عندي ايقان كامل بانه الرجال مبدعين في الطيبخ ...
الطبيخ الاكل .. مش الطبخات التانية 
يعني مزاجهم لما يكون رائق ببدعو في المطبخ .. اي والله ..
طبعا بعيدا علن حلت (القطر قام) .. لانه من غير مجهود طبعا ..
|
Post: #3
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 09:04 AM
Parent: #2
يلا ..
تعالوا ضوقونا طبيخكم .. واشرحو لينا طريقتكم ..
برجع ليكم واوريكم سبب الخاطره دي شنو ...؟
|
Post: #4
Title: Re: طبيــــخ الرجـــــال ........
Author: tmbis
Date: 05-08-2010, 09:08 AM
Parent: #3
يعني يا عفاف بتقصدي إنو الرجال يدينم طاعمه ..؟
|
Post: #5
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 09:17 AM
Parent: #4
تصدق يا تمبس انت من الناس الكنته حا اهبشهم لو ما دخلته هنا ..
| Quote: يعني يا عفاف بتقصدي إنو الرجال يدينم طاعمه ..؟ |
ما كلهم يا تمبس ..
لكن لو الواحد ما اتغاتد ممكن يبدع ..
اها انت بتجيد شنو من الطيبخ ..
غايتو يا داليا اليوم داك اعملي ساتر ..
وكتري من الفلاجيل والاسبازمين ..
|
Post: #7
Title: Re: طبيــــخ الرجـــــال ........
Author: نادر النور آدم
Date: 05-08-2010, 09:23 AM
تحياتي أستاذتنا عفاف الصادق
أنا من الناس المبدعين جداً في المطبخ
يعني أعمل ليك بيض مقلي .. أو بيض بالطماطم .. تاريخي بكل المقاييس
وبعرف كمان أعمل شاي .. سادة وبي اللبن .. خطير شديد
أها قصرت ؟؟
|
Post: #8
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 09:29 AM
Parent: #7
ايوه قصرته . انا اقول ليك طبيخ تقول لي شاي وشنو كده ما عارف ..
غايتو وقعتك معاي سوده .. السبب شنو الما يخليك تطبخ وتساعد ..
والله لو جربته الطبيخ والمساعده فى المطبخ ده اجمل شيء .. كدي جرب ..
|
Post: #6
Title: Re: طبيــــخ الرجـــــال ........
Author: عماد الشبلي
Date: 05-08-2010, 09:22 AM
Parent: #4
| Quote: على فكرة انا عندي ايقان كامل بانه الرجال مبدعين في الطيبخ ... |
عفاف سلام
انا اعتقد انو دي محاولة فاشلة منك ,,لجرجرة الرجال ,,
اتكلي علي الله ..
|
Post: #9
Title: Re: طبيــــخ الرجـــــال ........
Author: نادر النور آدم
Date: 05-08-2010, 09:32 AM
Parent: #6
| Quote: والله لو جربته الطبيخ والمساعده فى المطبخ ده اجمل شيء |
هع هع هع
الآن أحيل سعادتكم إلى مداخلة الأستاذ/ عماد الشبلي
|
Post: #10
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 09:34 AM
Parent: #6
Quote: انا اعتقد انو دي محاولة فاشلة منك ,,لجرجرة الرجال ,,
اتكلي علي الله .. |
الشبلي ... كيفنك ..
ليييه كده ياخ ..الاحباط ده ..
انا كان ما اتكلته على الله كان فتحته بوست ذي ده ...
كدي زح الكاميرا بتاعتك دي بعيد ..
وتعال ورينا الوجه الاخر ..
ابداعك شنو فى المطبخ ..؟
غايتو انا احساسى بقول لي الشبلي ده ما ساهل ..
|
Post: #11
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 09:50 AM
Parent: #10
Quote: هع هع هع
الآن أحيل سعادتكم إلى مداخلة الأستاذ/ عماد الشبلي |
منو القال ليك الشبلي ما مبدع ..
بعدين مش احسن يكون عندك على الاقل فكره لانه الدنيا ما معروفه ..
طبعا يا نادر انا فتحت البوست ده عشان استفيد من شيء معين تصدق ..
كدي خلي هع هع بتاعتك دي ورينا الحاصل .. بعدين ياخ انت
تعال نسألك يا اخوي الطبيخ والمساعدة في المطبخ عيب ..؟؟
|
Post: #13
Title: Re: طبيــــخ الرجـــــال ........
Author: عماد الشبلي
Date: 05-08-2010, 10:07 AM
Parent: #11
| Quote: غايتو انا احساسى بقول لي الشبلي ده ما ساهل .. |
فعلا انا ما ساهل ...
مرة كبيت السكر في في ملاح ام نعيمية ,,
الجماعة شربو عصير ,, وبالمصاصة !!!
|
Post: #15
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 10:12 AM
Parent: #13
Quote: فعلا انا ما ساهل ...
مرة كبيت السكر في في ملاح ام نعيمية ,,
الجماعة شربو عصير ,, وبالمصاصة !!! |
الشبلي ما تعمل رايح ..
لكل جواد كبوه .. السكر في النعيمية عرفناهو ..
لكن أكيد بعده اتعلمته وبتعرف تعمل حاجة نجيضه ..
قول .. قول عادي ..
تعرف انا ابوي مره عمل لينا سلطة بتاعت قرع كوسه ..
والله حتى الان بشتهيها .. وبحب يساعد أمي رحمة الله عليها ...
وما يفوتك كان شغال تلاته دوامات .. الله يطول عمره ..
|
Post: #12
Title: Re: طبيــــخ الرجـــــال ........
Author: ALGARADABI
Date: 05-08-2010, 10:05 AM
Parent: #10
مكركر
ودي ما حا أعدلا
|
Post: #14
Title: Re: طبيــــخ الرجـــــال ........
Author: ALGARADABI
Date: 05-08-2010, 10:08 AM
Parent: #10
بي شغلي الطويل في مجال الرقابة الغذئية نفسي يوم الاقي شيف (حرمة)
كلهم ريايل
تقولي لي القطر قام؟؟
180 فندق (4 & 5 ) نجوم في دبي كلها الشيفات رجال
تفتكري ليه يا عفاف؟
|
Post: #16
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 10:15 AM
Parent: #14
|
Post: #19
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 10:31 AM
Parent: #16
Quote: بي شغلي الطويل في مجال الرقابة الغذئية نفسي يوم الاقي شيف (حرمة)
كلهم ريايل
تقولي لي القطر قام؟؟
180 فندق (4 & 5 ) نجوم في دبي كلها الشيفات رجال
تفتكري ليه يا عفاف؟ |
القرضابي .. مرحب بالطله البهية ..
تعرف يا غرضابي الطبيخ بقى عنده كليات ومعاهد ..
كدي خليني من الفنادق .. نحن في مطبخ البيت ..
طبعا أكيد في جزء كبير منهم بعترض على الطبيخ ..
اها انت وضعك كيف داخل المطبخ ...؟
|
Post: #20
Title: Re: طبيــــخ الرجـــــال ........
Author: ALGARADABI
Date: 05-08-2010, 10:38 AM
Parent: #19
| Quote: اها انت وضعك كيف داخل المطبخ ...؟ |
ناقد فني
وبس
|
Post: #21
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 10:41 AM
Parent: #20
معقوله !!!
بس الكلام ده ما صاح منك .. كدي جرب
|
Post: #17
Title: Re: طبيــــخ الرجـــــال ........
Author: Amira Elsheikh
Date: 05-08-2010, 10:19 AM
Parent: #14
Quote: بي شغلي الطويل في مجال الرقابة الغذئية نفسي يوم الاقي شيف (حرمة)
كلهم ريايل
تقولي لي القطر قام؟؟
180 فندق (4 & 5 ) نجوم في دبي كلها الشيفات رجال
تفتكري ليه يا عفاف؟ |
الكلام دا صاح100& ياقرضابى وعفاف,,,,
بس دا لانو بتتعاملو معاهو كمهنة وفيهو عائد مادى
يعنى نهاية الشهر فى كاااااش,,,
وطبيخ الفنادق اى حااااجة متوفرة وراقدة هبطرررش يعنى ماشطارة منكم
واكل الفنادق دا زاتو لغاويس* ساكت
عفاف وقرضابى ازيكم يااخ
__________________________
لاتوجد ترجمة,,,,
|
Post: #18
Title: Re: طبيــــخ الرجـــــال ........
Author: ALGARADABI
Date: 05-08-2010, 10:26 AM
Parent: #17
أميرة
سلام
| Quote: واكل الفنادق دا زاتو لغاويس |
صاح...
لكن بالنسبة لي وليك
وفي الحقيقة لا أنا ولا انتي مستهدفين بالأكل ده
وكل لغووسة وليها كيال
مع تمنياتي للترجي بنزهة سعيدة في سوق المواسير
|
Post: #22
Title: Re: طبيــــخ الرجـــــال ........
Author: عماد الشبلي
Date: 05-08-2010, 10:44 AM
Parent: #18
| Quote: لكل جواد كبوه .. السكر في النعيمية عرفناهو .. |
عفاف
اقول ليك كبيت .. كبيت السكر في النعيمية ,,
تقولي لي ( كبوة ) دي كبة شنو ..!!
|
Post: #23
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 10:47 AM
Parent: #18
Quote: بس دا لانو بتتعاملو معاهو كمهنة وفيهو عائد مادى
يعنى نهاية الشهر فى كاااااش,,,
|
مرمر يا حبيبة .. كيف حالك ..
تعرفى انا هنا قاصده انه في رجال طبيخهم احلى من غيرهم ..
بس بقصد بالطبيخ بتاعنا والمطبخ بتاعنا ..
انا يوم الجمعه لما دخلته المطبخ صراحة جاءتني الخاطره دي ..
اخبارك شنو انتي .. من غير الترجي ..
|
Post: #26
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 10:54 AM
Parent: #23
Quote: اقول ليك كبيت .. كبيت السكر في النعيمية ,,
تقولي لي ( كبوة ) دي كبة شنو ..!! |
يا شبلي ياخ ما تطلع من الموضوع ..
اكتر حاجة بتجيد عملها شنو؟ انا ما مقتنعه ..
|
Post: #30
Title: Re: طبيــــخ الرجـــــال ........
Author: السيد المسلمي
Date: 05-08-2010, 11:06 AM
Parent: #23
| Quote: طبيــــخ الرجـــــال |
بالله عليك إنت هسي متوقعة يجي زول يصنقر ويقد يقص ليك ..
البصل بحمرو كيف واللحمة بسلقوها متين !!
بتبالغي والله ..
ــــ
بوست شركــــــ 
|
Post: #24
Title: Re: طبيــــخ الرجـــــال ........
Author: بدر الدين الأمير
Date: 05-08-2010, 10:53 AM
Parent: #18
عفاف
صاحبى الفنان محمد السنى
بورق الخضرة وبفرمها كمان
وبقشر البصل وبدق التوم
هل يصنف طباخ
|
Post: #28
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 10:58 AM
Parent: #24
Quote: عفاف
صاحبى الفنان محمد السنى
بورق الخضرة وبفرمها كمان
وبقشر البصل وبدق التوم
هل يصنف طباخ |
لا .. لا يصنف طباخ .. بل يصنف مساعد ..
برضو بعتبرها مشاركة ملموسه وحلوه منه ..
هو نصف الشغله وللنصف الاخر باقي الشغله ..
وكده تتم الطبخه وبالهناء ..
لكن تعال انت يا بدر موقفك كيف في الامم المطبخيه ..
بصراحة طيب ..؟
|
Post: #25
Title: Re: طبيــــخ الرجـــــال ........
Author: انور التكينة
Date: 05-08-2010, 10:54 AM
Parent: #18
عفاف ازيك ..
يا زولة يا ذوق ..
استجابة لمطلبك الظريف فأفيدك ان طبيخ الراجل العزابى و الست الشغالة واحد .. كلو دقة سريعة ..
احلى حلة تمكنت من اجادتها تكون كالاتى :
1/ كيلو لحم و تقطيعه .
2/ بصل يتم تقطيعه كشرائح رقيقة و رصه على ارضية الحلة الممسوحة بقليل من الزيت .
3/ طماطم و تقطيعها شرائح مستديرة و رصها ايضا .
4/ وضع اللحم ( بعد تبهيره ) فوق شرائح الطماطم .
5/ تغطية الحلة جيدا ووضعها على نار هادئة حتى تستوى و اضافة الملح قبل الاستواء .
كدى جربيها .. ساهلة و سريعة و مسبكة ..
تعديل لتصحيح املائى
|
Post: #27
Title: Re: طبيــــخ الرجـــــال ........
Author: khaleel
Date: 05-08-2010, 10:58 AM
Parent: #25
الست عفاف سلامات
افضل طباخي العالم من الرجال
وافضل مصمي الازياء من الرجال فقط المراة تغولت عليهم
صحن فول
تجيب الفول
وتجيب ثوم وشمار وزيت وجبنة وما تكسر الفول
والله ابوك ما تديهو معاك
|
Post: #39
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 08:40 AM
Parent: #27
خليل .. يا خليل
Quote: افضل طباخي العالم من الرجال
وافضل مصمي الازياء من الرجال فقط المراة تغولت عليهم
|
حلوه المراة تغولت عليهم دي ..
عشان كده .. قلنا لمل يكونوا عايزين يبدعو ببدعو
Quote: صحن فول
تجيب الفول
وتجيب ثوم وشمار وزيت وجبنة وما تكسر الفول
والله ابوك ما تديهو معاك |
ما قصرته تب .. ده القدرته عليهو !!
|
Post: #29
Title: Re: طبيــــخ الرجـــــال ........
Author: عفاف الصادق بابكر
Date: 05-08-2010, 11:05 AM
Parent: #25
Quote: استجابة لمطلبك الظريف فأفيدك ان طبيخ الراجل العزابى و الست الشغالة واحد .. كلو دقة سريعة ..
احلى حلة تمكنت من اجادتها تكون كالاتى :
1/ كيلو لحم و تقطيعه .
2/ بصل يتم تقطيعه كشرائح رقيقة و رصه على ارضية الحلة الممسومة بقليل من الزيت .
3/ طماطم و تقطيعها شرائح مستديرة و رصها ايضا .
4/ وضع اللحم ( بعد تبهيره ) فوق شرائح الطماطم .
5/ تغطية الحلة جيدا ووضعها على نار هادئة حتى تستوى و اضافة الملح قبل الاستواء .
كدى جربيها .. ساهلة و سريعة و مسبكة .. |
التكينه يا زول يا فنان ..
حلوه طبيخ العزابي والشغاله واحد .. والله عجبتني هههههه
تعرف ببالغ لو قلت ليك شميت رئحة حلتك ..
دي اسمها لحمة مرقده وعلى فكره بحبها جدا ..
وتخصص طارق على فكره وهاريني بيها هري ..
((الليله كان سمعني ما بعملها تاني ))
التكينة طلعته شامل كل الفن .. تمام..
|
Post: #31
Title: Re: طبيــــخ الرجـــــال ........
Author: سلمى الشيخ سلامة
Date: 05-08-2010, 11:24 AM
Parent: #29
عفاف يا جميلة الروح
عارفة احسن ناس بعرفو يطبخو الرجال
لكن الغتاتة عندهم
ما بسخو الا مع بعضهم
لكن لو فى البيت اكبر طناش يدوك ليهو
ومش السودانيين براهم
كل الرجال زى ماقال لى صحبى الامريكى راندى
قال انه الرجال صنف واحد مافى فرق
وعن نفسه قال انا ماقاعد اساعد زوجتى لانها مفروض تعمل حاجات البيت لانه دى شغلتها
شفتى المغصة ؟
لكين فيهم واحدين زى العسل "طبعا بعرف ناس من الصنف دا ونادرين للاسف "
|
Post: #40
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 08:46 AM
Parent: #31
سلومه يا عسل ..
Quote: عارفة احسن ناس بعرفو يطبخو الرجال
لكن الغتاتة عندهم
|
ودي الحاجة الخلتني افتح الموضوع ده زاتووو ..
والله يا سلمى نصفى الاخر زي ما بقولوا ببدع لكن غتيت غتاته اسكتي بس ..
| Quote: لكين فيهم واحدين زى العسل "طبعا بعرف ناس من الصنف دا ونادرين للاسف " |
والله تعرفى لما نكون مع اصحابنا والواحد يقول ليك رائك شنو في الاكله دي عملتها انا ...
طوالي انا اقلب عيوني الاتنين واحوص عديييل كده واقول في سري يا حليلك يا عفاف ..
تسلمي يا سلوم ..
|
Post: #32
Title: Re: طبيــــخ الرجـــــال ........
Author: tmbis
Date: 05-08-2010, 11:25 AM
Parent: #25
| Quote: اها انت بتجيد شنو من الطيبخ .. |
..
كلام القرضابي دا نبهني لي حاجة كويسة يا عفاف ، لي فترة عايز اتكلم عنها .. بالصدفة لقيت زولة كاتبه عنها على ما اعتقد في جريدة الأهرام السودانية .. قبل كم يوم ..
هي مسالة دراسة الفندقة بالنسبة لي الرجال ..
الكلام هو ما بيتعلق بي مسالة الطبيخ .. بيتعلق بي مسالة (الويترات) أو المباشرين البقومو بي خدمة الزبون .. سبق وحصلت لي حالة متعود عليها لما يكون الويتر سوداني .. في مكان فخم جدا في الخرطوم في اجازتي قبل كم شهر ..
لاحظت انو مستوى الخدمة في المكان دا ما بيليق بي اسمو ولا بي حجمو الضخم جدا .. الويتر السوداني جا وقف عشان ياخد الطلبات .. ياخ دا ما فضل ليهو غير انو يدقنا .. متبرم .. زعلان .. صاري وشو .. واقف وقفه عجيبة جدا .. زي الكأنو مجبور على المسالة دي .. وفعلا علقت علي سلوكياتو مقارنة بي الجنسيات الأخرى .. فرق شاسع ..
بينما (الشيفات) بداخل المطبخ بيقومو بي عمل جميل جدا ويكاد يكون كل الشيفات السودانيين بيبدعوا ابداع ما بعدوا ابداع في مجال الطبيخ بي كل انواعو ...
..
| Quote: اها انت بتجيد شنو من الطيبخ .. |
.. بي صراحة أنا بجيد حاجات كتيرة جدا ..  .. اطباق سودانية شعبية .. وحاجات عالمية وشرقية .. واطباق حقتي انا دا براي
لكن عندي مشكلة بطبخ لما يكون عندي مزاج .. ولما ما يكون عندي مزاج ما بقدر اتعامل مع اي حاجة ... يعني عادي جدا ممكن ما اكل اسبوع واقعد شهر ما اطبخ .. لكن ممكن كمان دفعة واحده اطبخ ما يكفي مية نفر ..
الكلام دا سر طبعا .. انا متأكد إنو في (عيـن) بتكون متابعة ما اكتب هنا دا ..
لكن احب اطمن الجهات المعنية .. إنو حدي الشاي الأخــدر وغسيل العدة وهي لينه .. كان نشفت والله معلقة ما اغسله ..
طبعا الكلام دا حسب برتكول محمد بشرى الخدر .. والاتفاقية الأخيرة الموقعة بيناتنا في احدى البوستات المجاورة ..
ياخ اساسي بيغسل العدة ..
معتصم دفع الله بيغسل العدة ..
محمد البشرى بيغسل العدة ..
محمد الصايم بيغسل العدة وبيكويها عديل كدا ..
الناس دي كلها بتغسل العدة .. بقت علي أنا ..؟
|
Post: #33
Title: Re: طبيــــخ الرجـــــال ........
Author: خالد درق
Date: 05-08-2010, 11:59 AM
Parent: #32
الاخت / عفاف ....... سلام
والله اخوك فنان فى حلة القطر قام ...
مودتى ....
|
Post: #34
Title: Re: طبيــــخ الرجـــــال ........
Author: هواري نمر
Date: 05-08-2010, 12:38 PM
Parent: #33
الاخت الكريمة \عفاف
تحياتي واحترامي
متابع بوستيك من الاول..وبعاين بي الشباك
اها يا ستي..
احنا كويسين في الطبيخويعني طباخين,عزابة و بنطبخ برانا..
هههههه
وقدامنا الويك اند,ح نوريك عملنا شنو؟؟
تحياتي واحترامي.........
|
Post: #35
Title: Re: طبيــــخ الرجـــــال ........
Author: محمد سنى دفع الله
Date: 05-08-2010, 01:29 PM
Parent: #34
شوفتي الطباخ الصيني
عندو اجمل برنامج
اشهر طباخين في العالم
رجال
|
Post: #36
Title: Re: طبيــــخ الرجـــــال ........
Author: عماد الشبلي
Date: 05-08-2010, 03:48 PM
Parent: #35
Quote: يا شبلي ياخ ما تطلع من الموضوع ..
اكتر حاجة بتجيد عملها شنو؟ انا ما مقتنعه .. |
بحمض الصور بالخل ,,
وقطع السلطة فيها ,,
تطلع الصورة ملونة ..!!
خلاص ارتحتي ؟؟
|
Post: #37
Title: Re: طبيــــخ الرجـــــال ........
Author: احلام وهبي
Date: 05-08-2010, 07:54 PM
Parent: #36
عفاف ياغالية
اليوم البدخل فيهو السني المطبخ انا بقنع عديل من المطبخ لانو بيكون عباره عن
دمار ومخلفات حرب وحياتك غير السلطة وصليح الفول والبيض مابيقدر يعمل اي حاجه
ـــــــــــــــــــــــــــــــــــــــــــــــــــــــــــــــــ
صاحبى الفنان محمد السنى
بورق الخضرة وبفرمها كمان
وبقشر البصل وبدق التوم
هل يصنف طباخ
اول حاجه يا بدر ما اسمها خضره اسمها ملوخية يا عرريب
وبعدين السني ما بورق الخضرة . بس بيعمل ملاح النعيمية اها رايك شنو
|
Post: #38
Title: Re: طبيــــخ الرجـــــال ........
Author: بدر الدين الأمير
Date: 05-08-2010, 08:53 PM
Parent: #37
Quote: اول حاجه يا بدر ما اسمها خضره اسمها ملوخية يا عرريب
|
الرطانية الملقوفة (ملوخية دي بلغة المصريين) نحن في
الجزيرة موطن الخضروات اسمها الخضره
Quote:
وبعدين السني ما بورق الخضرة . بس بيعمل ملاح النعيمية اها رايك شنو |
ياملقوفة انا بتكلم عن السنى صاحبى لمن كان ساكن معانا عزابى مش بعد ما اتنيل
على عينوا وتزوج من حلفاوية وكمان ملقوفة
|
Post: #41
Title: Re: طبيــــخ الرجـــــال ........
Author: مازن فيصل هلال
Date: 05-09-2010, 08:50 AM
Parent: #38
/Quote: تغطية الحلة جيدا ووضعها على نار هادئة حتى تستوى و اضافة الملح قبل الاستواء .
كدى جربيها .. ساهلة و سريعة و مسبكة .. |
كدي يا أنور جرب اسلق اللحمة دي قبل ما تدخلها النار- يعني بعد السلق شوحها في البصلة و كدة و استخدم الشوربة للطبيخ
طريقة تونسية-بس ما بتركب التونسية-جربوها
|
Post: #43
Title: Re: طبيــــخ الرجـــــال ........
Author: osman righeem
Date: 05-09-2010, 09:00 AM
Parent: #41
| Quote: يعني يا عفاف بتقصدي إنو الرجال يدينم طاعمه ..؟ |
بالطريقة دي يا تمبس حتكون استثنائي و تمشي بوست العبار.....
اختنا عفاف
سلام وتحية
انا كنت ماخد عن نفسي فكرة حسب افادات الربع
انه انا طباخ ماهر ( والاكل نفس) علي رأيهم
لكن بعد الزواج تحطمت صورة الطباخ الماهر لدي
أو في رواية اخري بهت الذي افتكر
|
Post: #52
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:49 AM
Parent: #43
عثمان ود رغيم .. كيفنك يا الزعيم
Quote: لكن بعد الزواج تحطمت صورة الطباخ الماهر لدي
|
قادر الله قادر الله .. عاد بعد بت شامي مافي كلام ...
اها بتساعدها فى المطبخ ولا لا ..
و اكتر شيء بتحب تعملوه جيب لينا وصفه هنا بالله ..
|
Post: #51
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:46 AM
Parent: #41
مازن .. كيف حالك انت .
| Quote: طريقة تونسية-بس ما بتركب التونسية-جربوها |
يا مازن دي طريقة التكينة وانت اضفتها عليها ...
اها انت بتجيد شنو .. ؟ وبتساعد فى المطبخ ولا لا ..
|
Post: #49
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:37 AM
Parent: #38
بدر الدين .. سلام ..
Quote: الجزيرة موطن الخضروات اسمها الخضره
|
ود الامير ما تتزاوق مننا ..
عرفنا طبيخ البورد ... اها طبيخ البيت كيف ...؟؟
السني الفيهو عرفناها بعد الخضره (الملوخية) ..
انت وضعك كيف مطبخياً ....
|
Post: #48
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:34 AM
Parent: #37
احلام يا صاحبة ..
Quote: اليوم البدخل فيهو السني المطبخ انا بقنع عديل من المطبخ لانو بيكون عباره عن
دمار ومخلفات حرب وحياتك غير السلطة وصليح الفول والبيض مابيقدر يعمل اي حاجه
|
حلوه منه يدخل المطبخ ويعمل حاجة ..
لكن يا السني يا اخوي ما تمشي لي قدام شويه ..
والله قصة الفول دي قصه ... ههههههه
--------------------------------------
تعرفي يا احلام يوم طارق عمل لي رز مفلفل .. حاجة ما تخلص رهيييب ..
اها ... مره من المرات قلت ليهو يا طارق تعال اعمل الرز وانا بعمل حاجة تانيه ..
ما يفوتك انا الرز ما بظبط معاي نهائي .. اها قعدته الخم ليك فيهو ..
تعرفي قال لي شنو ...؟ لو قائلك ما بتعرفي تعملي رز ما كنت غيرته رائي نهائي ..
بي قلبي قلته كر علي .. حلة رز كان بشتنة عدلي ههههه ...
|
Post: #47
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:25 AM
Parent: #36
الشبلي .. سلام
ما ارتحته وما تخمنا بالصور ساي ..
ما تتزاوق مننا .. بتطبخ شنو في الاكل ...؟
كدي اجدعنا بي صور اكلات حلوة (سودانية سمح)
|
Post: #46
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:22 AM
Parent: #35
السنى اخونا الفنان ..
Quote: شوفتي الطباخ الصيني
عندو اجمل برنامج
اشهر طباخين في العالم
رجال |
تعرف البرامج الزي دي بحبها حب ..
وتانى يوم هاك يا تجارب .. والجماعه قاعدين منتظرين (فيران التجارب )
لكن برضو بتطلع حلوه .. (شكر نفسه ابليس ) هههه
اها انت بتعمل شنو ؟؟ ما عارفه لكن يتخيل لي ممكن ترمي قراصه إبداع ..
اين انتى يا احلام ...؟
|
Post: #45
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:18 AM
Parent: #34
هواري .. كيفنك
Quote: متابع بوستيك من الاول..وبعاين بي الشباك
اها يا ستي..
احنا كويسين في الطبيخويعني طباخين,عزابة و بنطبخ برانا..
هههههه
وقدامنا الويك اند,ح نوريك عملنا شنو؟؟
|
تعال بالباب مالك بتعاين من الشباك .. هههههه
اوكي ..كويسين في الطبيخ وانتو عزابه .. اها بعد العزاب يزول .. حا تطبخوا ولا لا ...
في الويك اند عملتو شنو ..؟ وانت شاطر فى شنو ..؟ والله شكلك يا هواري طابزه طبزه هههههه
|
Post: #44
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:01 AM
Parent: #33
خالد يا درق .. سلام
Quote: والله اخوك فنان فى حلة القطر قام ...
|
قلنا باستثناء حلة القطر قام ..
بتبدع في شنو ..؟ وبتشارك في الطبخ ولا لا ..
|
Post: #42
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 08:57 AM
Parent: #32
تمبس ... كيفنك ..
| Quote: مسالة دراسة الفندقة بالنسبة لي الرجال .. |
دراسة راقيه جدا جدا وليها فعلا ناسه لانه ما اي مجال ممكن يقتحموا اي انسان ..
ممكن تكون فن من الفنون زي ما ناس النحت ببدعو والديكور والهندسه ..
كمان دراسة الفندقة بالنسبة للرجال دراسة فن وابداع ..
بس انا ما عارفه ناسنا متعقدين منها ليييه !!!
Quote: وفعلا علقت علي سلوكياتو مقارنة بي الجنسيات الأخرى .. فرق شاسع ..
|
زي الفرق بين مضيفات سودانير ومضيفات خطوط الطيران الاخرى ..
Quote: .. بي صراحة أنا بجيد حاجات كتيرة جدا .. .. اطباق سودانية شعبية .. وحاجات عالمية وشرقية .. واطباق حقتي انا دا براي
|
بختك يا صحبتي ..
Quote: الكلام دا سر طبعا .. انا متأكد إنو في (عيـن) بتكون متابعة ما اكتب هنا دا ..
|
اصحى يا بريش هههههه
| Quote: لكن احب اطمن الجهات المعنية .. إنو حدي الشاي الأخــدر وغسيل العدة وهي لينه .. كان نشفت والله معلقة ما اغسله |
في حتة الشاي الاخضر ده لقيتك في حالة تطبيق للارشادات .. (وش اخضر )
Quote: ياخ اساسي بيغسل العدة ..
معتصم دفع الله بيغسل العدة ..
محمد البشرى بيغسل العدة ..
محمد الصايم بيغسل العدة وبيكويها عديل كدا ..
الناس دي كلها بتغسل العدة .. بقت علي أنا ..؟ |
يا أخواني ما فيها حاجة .. الحياة مشاركة .. هههههههه
لكن ود الصايم في حتة كوي العده يستحق وسام ..
|
Post: #50
Title: Re: طبيــــخ الرجـــــال ........
Author: هويدا حسونة
Date: 05-09-2010, 09:43 AM
Parent: #42
صباحك خير أختي عفاف
ومتابعة معاك
| Quote: افضل طباخي العالم من الرجال |
انا غايتو كنت مع الكلام دا
بس
بس
بس ملاح عماد الشبلي
خلاني أفكر وانا احاول اتذوق طعم طبيخ الرجال (وش ماعارفة عامل كيف كيف)
|
Post: #53
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 09:52 AM
Parent: #50
هويدا .. كيفك يا حبيبة ..
انا غايتو كنت مع الكلام دا
بس
بس
بس ملاح عماد الشبلي
خلاني أفكر وانا احاول اتذوق طعم طبيخ الرجال (وش ماعارفة عامل كيف كيف)
الرسول فيك تعالى ورينا طبيخ الشبلي كيف ..
وشك عرفته عامل كيف ههههههههه
|
Post: #55
Title: Re: طبيــــخ الرجـــــال ........
Author: هويدا حسونة
Date: 05-09-2010, 09:59 AM
Parent: #53
| Quote: مرة كبيت السكر في في ملاح ام نعيمية ,, |
ياهو دا يا عفاف طبيخ عماد الشبلي
|
Post: #57
Title: Re: طبيــــخ الرجـــــال ........
Author: طارق جبريل
Date: 05-09-2010, 10:08 AM
Parent: #53
انا غايتو بعرف اتنخج بس
قريبتي كيفنك
|
Post: #74
Title: Re: طبيــــخ الرجـــــال ........
Author: عفاف الصادق بابكر
Date: 05-10-2010, 09:36 AM
Parent: #57
Quote: انا غايتو بعرف اتنخج بس
قريبتي كيفنك |
يا طارق يا قريبي ..
نخجي الليل عرفناهو .. تعال ورينا نخجي المطبخ ..
اوعك تعمل نائم .. ههههه
|
Post: #54
Title: Re: طبيــــخ الرجـــــال ........
Author: عماد الشبلي
Date: 05-09-2010, 09:57 AM
Parent: #50
عفاف صباح الخير ,,
الليله جيتك بالمستويه ونجيضه ..
مش بيقولو ( اقرب طريق لقلب الرجل معدته ..!! )
يعني لو كل الرجال سمعو كلامك وقلبو طباخين .
تاني ياتو طريق البوصلكم لقلوبم وكمان جيوبم ؟؟؟!!!
|
Post: #56
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 10:07 AM
Parent: #54
الشبلي ..
Quote: مش بيقولو ( اقرب طريق لقلب الرجل معدته ..!! )
يعني لو كل الرجال سمعو كلامك وقلبو طباخين .
تاني ياتو طريق البوصلكم لقلوبم وكمان جيوبم ؟؟؟!!! |
يا حليلك يا الشبلي يا اخوي انت لسه ماسك في دي ..
يا اخوي اصحى اصحى اصحى الكلام ده ما لغوهو من زمااااان ..
|
Post: #58
Title: Re: طبيــــخ الرجـــــال ........
Author: عماد الشبلي
Date: 05-09-2010, 10:09 AM
Parent: #54
Quote: Quote: مرة كبيت السكر في في ملاح ام نعيمية ,,
ياهو دا يا عفاف طبيخ عماد الشبلي |
هويدا سلام
عفاف عارفة طبيخ الرجال كويس..
بس هي عاوزة تدخل الرجال المطبخ من بابو وهي تزوغ من شباكو !!
|
Post: #59
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 10:20 AM
Parent: #58
Quote: عفاف عارفة طبيخ الرجال كويس..
بس هي عاوزة تدخل الرجال المطبخ من بابو وهي تزوغ من شباكو !! |
هاهاهاها لا والله يا الشبلي انا مقتنعه جدا جدا بطبيخ الرجال ..
بس الغتاته بتاعتهم هي البستغرب فيها ..
يعني فيها شنو لو الراجل اعترف انه طباخ ماهر ..
ولو ساعد في البيت وعمل طبيخ لزيذ هل بنقص ذلك من قدره ؟؟
|
Post: #60
Title: Re: طبيــــخ الرجـــــال ........
Author: عماد الشبلي
Date: 05-09-2010, 10:48 AM
Parent: #59
| Quote: يا اخوي اصحى اصحى اصحى الكلام ده ما لغوهو من زمااااان .. |
دي منو الغاهو ..
وبعدين يلغوهو ونحنا نايمين وماعارفين ,,
علي فكرة يا عفاف بكرة وكان ربنا هون جاين دبي لحضور منتدي الاعلام العربي ,,
وحا اشوف السودانين هناك واناقش معاهم موضوعك دا ويمكن اعمل استطلاع كمان ..
|
Post: #64
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 12:30 PM
Parent: #60
Quote: علي فكرة يا عفاف بكرة وكان ربنا هون جاين دبي لحضور منتدي الاعلام العربي ,,
|
لازم نتلاقى كفاية المرة الفاتت فى الشارقة حصلت خيانات ...
مع انه شقتنا مرمى حجر من القهوة الشعبية ...
|
Post: #61
Title: Re: طبيــــخ الرجـــــال ........
Author: احلام وهبي
Date: 05-09-2010, 11:06 AM
Parent: #59
عفاف ياغالية
والله السني احسن من يعمل مكرونة
بيعمل كم نوع منها وكمان باسميها
في واحدة لما يعملا بيقول لي دي مكرونة امدرمان
واحدة مكرونة السني وشوفتي يا عفاف كمان بيعمل كريم كرميل رهييييب بس بيبهدل لي المطبخ
بدر صديقي انت لية ماعاوز توري عفاف انت بتعرف تطبخ شنو !!!!
وانت برضو زي صحبك السني بتبهدل المطبخ
|
Post: #62
Title: Re: طبيــــخ الرجـــــال ........
Author: خالد درق
Date: 05-09-2010, 11:18 AM
Parent: #61
Quote: قلنا باستثناء حلة القطر قام ..
بتبدع في شنو ..؟ وبتشارك في الطبخ ولا لا .. |
اخت / عفاف ... كفنك
ببدع فى ملح البطاطس والمشرك فى المطبخ بتجى بالمزاج وكده
تحياتى ...
|
Post: #63
Title: Re: طبيــــخ الرجـــــال ........
Author: الفاتح شلبي
Date: 05-09-2010, 11:48 AM
Parent: #62
عفاف الصادق إزيك
بالتأكيد معظمنا عاش فترة العذوبية وطبخ فيها لكن المشكلة فى الغتاتة مع بعلولاتنا ... يعني أنا أذكر انني حتى قبل يوم واحد من الزواج كنت اجيد الطباخة إجادة تامة ولكن وصانا من سبقونا بألا نكشف هذهـ الإمكانيات المدفونة حتى لا تعتمد زوجاتنا علينا فى الطباخة طوال حياتها ... اها عملنا نايمين وبقينا نأكل مما تطبخ البعلولة ... لكن الغتاتة لم تستمر فترة طويلة حيث داهمني الجوع يوماً فى غيابها فقبضت علي متلبساً عند رجوعها وانا أطبخ فما كان مني أن اعترف جزئياً برضو بشوية غتاتة
لكن الوارد ان أي طبخة من إيد الرجال حتكون طاعمة بالنسبة لبعلولتها ليس لأن الرجال يجيدون الطباخة بل لأن البعلولات يبدعن فى اكل الاكلات التى لم تبذلن فيها مجهوداً ... وللتاكد من ذلك انظروا الى بعلولاتكم وهن يأكلن الكبسة وارد المطاعم او حتى فول بدون ملح وارد المطاعم
اها يا عفاف عشان تعملي رفرش لذاكرتنا مفروض تنزلي لينا طريقة طبخة لبعض الاكلات
|
Post: #65
Title: Re: طبيــــخ الرجـــــال ........
Author: الشاذلى خيرى عبد الله
Date: 05-09-2010, 12:43 PM
Parent: #63
سلامات يا عفاف ..
صدقينى تعانى زوجتى للغاية .. للغاية ..
من تحشرى فى المطبخ !!!!
بطبخ أية شىء .. طبيخ جد ..
وحاة الله كتير من الناس بيجو ياكلو طبيخى ويشكرو مرتى
الوكسة انو ولدى بقى فاهم غلط ..
لو جاع الا بابا ..
بابا بس ..
انا كان اتمنعت من - حبيبى - المطبيخ.. حيكون بسبب البوست ده ..
بس ادعى ربنا انها ماتشوفو ..
الله يدينى العافية ياخ
مودتى.
|
Post: #71
Title: Re: طبيــــخ الرجـــــال ........
Author: عفاف الصادق بابكر
Date: 05-10-2010, 08:44 AM
Parent: #65
الشاذلي .. كيفك ..
Quote: صدقينى تعانى زوجتى للغاية .. للغاية ..
من تحشرى فى المطبخ !!!!
|
ما عرفت تستغل الحته دي ..
كدي خليني الاقيها .. هههه
Quote: بطبخ أية شىء .. طبيخ جد ..
وحاة الله كتير من الناس بيجو ياكلو طبيخى ويشكرو مرتى
|
يا سلااااام عليك انت ياخ ..
Quote: الوكسة انو ولدى بقى فاهم غلط ..
لو جاع الا بابا ..
بابا بس ..
|
شفته الالفه دي كيف ..
Quote: انا كان اتمنعت من - حبيبى - المطبيخ.. حيكون بسبب البوست ده ..
بس ادعى ربنا انها ماتشوفو ..
|
انشاء الله تشوفو وتشيد بيك وتشكرك على وقفتك ياخ ..
Quote: الله يدينى العافية ياخ
|
ويطول عمرك كمان .. ويحفظك ويحفظ ست بيتك ..
تحياتي
|
Post: #68
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 01:17 PM
Parent: #63
Quote: بالتأكيد معظمنا عاش فترة العذوبية وطبخ فيها لكن المشكلة فى الغتاتة مع بعلولاتنا ... يعني أنا أذكر انني حتى قبل يوم واحد من الزواج كنت اجيد الطباخة إجادة تامة ولكن وصانا من سبقونا بألا نكشف هذهـ الإمكانيات المدفونة حتى لا تعتمد زوجاتنا علينا فى الطباخة طوال حياتها ... اها عملنا نايمين وبقينا نأكل مما تطبخ البعلولة ... لكن الغتاتة لم تستمر فترة طويلة حيث داهمني الجوع يوماً فى غيابها فقبضت علي متلبساً عند رجوعها وانا أطبخ فما كان مني أن اعترف جزئياً برضو بشوية غتاتة
|
الفاتح .. انت كيف حالك ..
لكن لييه الغتاته .. تعرف انا متاكدة جدا انه اي راجل عاش عزابي بطبخ تمام ..
لكن الشيء المحيرني انه بعد الزواج ليييه ما يطبخ .. بالعكس المفروض يستعرض امكانياته ..
لانه الظروف ما معروفة ... بتحصل حاجات مرات خارج الإرادة والموقف بكون صعب ..
يعني لازم الواحد يعرف ويساعد ... وما عيب لانه كونه تعرف تخدم حتى نفسك فى ظرف اضطرارى ..
دي براها بالدنيا ... عشان كده خلى الغتاته وابدع وساعد ولاحظ الفرق .. هههههه
Quote: وللتاكد من ذلك انظروا الى بعلولاتكم وهن يأكلن الكبسة وارد المطاعم او حتى فول بدون ملح وارد المطاعم
|
تعرف يا الفاتح انا جنى وجن اكل المطاعم واللغاويس على قول امي رحمة الله عليها ...
يعني اولادى يكون عندهم مزاج فى الاكل العجيب ده .. وانا مجهزة حالى وفارزه عيشتي ..
|
Post: #67
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 01:03 PM
Parent: #62
خالد درق .. سلام
Quote: ببدع فى ملح البطاطس والمشرك فى المطبخ بتجى بالمزاج وكده
|
لكن معقول ملح بطاطس ..
المشكلة في مزاجكم ده ...
|
Post: #66
Title: Re: طبيــــخ الرجـــــال ........
Author: عفاف الصادق بابكر
Date: 05-09-2010, 12:58 PM
Parent: #61
احلام .. يا حبيبة
Quote: والله السني احسن من يعمل مكرونة
بيعمل كم نوع منها وكمان باسميها
في واحدة لما يعملا بيقول لي دي مكرونة امدرمان
واحدة مكرونة السني وشوفتي يا عفاف كمان بيعمل كريم كرميل رهييييب بس بيبهدل لي المطبخ |
لو ببدع في المكرونة بالبشملي خلاس ما خلى حاجة ..
وبعدها كريم كرميل ... ياخ السنى ده ما فنان شامل ..
اتوقعونا فى الدوحة قريب ومعانا بطاح مكرونه ..
Quote: بدر صديقي انت لية ماعاوز توري عفاف انت بتعرف تطبخ شنو !!!!
وانت برضو زي صحبك السني بتبهدل المطبخ |
ياختى صديقك لااوى وجهه .. وزايق من المطبخ ..
اسمعي خلي السنى يعمل ليهو دروس خصوصية فى المطبخ ..
بعد داك إلا تعملي إبادة للمطبخ .. لانه بكون انتهى هههههههههههه
|
Post: #69
Title: Re: طبيــــخ الرجـــــال ........
Author: محمد سنى دفع الله
Date: 05-09-2010, 01:40 PM
Parent: #66
عفاف تحياتي القلبية
وعليها كراميلا من المودة
عارفة انا اشطر واحد بعمل اكلة من البواقي
ومافي حاجة بتزهجني الا تقولي ليا مافي حاجة في البيت ـ المطبخ ـ
بقوم بفتش البواقي وبعمل اي حاجة وااهم شئ بعد اعملها ـ بسميها
زي ما قالت ليك سمحونه بخب اسمي الأكلات
مهما كانت الأكلة بسيطة ودي اتعلمتها من الفنان عبد الحكيم الطاهر
مرة عملنا سلطة دقاقة وقطعنا فيها بصورة ناعمة بيض وطعمية وسميناها
÷÷ سيربادووقا**
عارفة يا عفاف
انا بحضر لي برنامج عن المطبخ السوداني كلو المأخرني انو عايز اقدمو بي صورة جديدة
ومنتظرين جيتك عشان تاكلي من مطبخنا الذ اكلاات واحلى تحلية
مودتي
ـــــــــ
عندي نفس في الأكل ما حصل لكن زي ما قالت سمحونه بخرمج المطبخ
طبعا انت ما عارفة سمحونه بتطبخ كيف ؟؟
دي بتقطع البصل مثلا بتغسل الحتة كلها وتنظف السكينة وتغيرها مع كل تقطبع
وما بتحب اي حد يكون معها
وحريفة اي اكل بدخل الفرن
مودتي
|
Post: #70
Title: Re: طبيــــخ الرجـــــال ........
Author: طارق جبريل
Date: 05-09-2010, 01:49 PM
Parent: #69
قلنا نجي نسأل من حلتكم دي وصلت وين
لا يبقى حرقت
|
Post: #73
Title: Re: طبيــــخ الرجـــــال ........
Author: عفاف الصادق بابكر
Date: 05-10-2010, 09:29 AM
Parent: #70
قيبي .. ياخ ازيك ..
Quote: قلنا نجي نسأل من حلتكم دي وصلت وين
لا يبقى حرقت |
تعرف يا طارق والله احساسي بقول انت شديد شده في المطبخ ..
تعال كلمنا شويه عن امكانياتك المطبخية ..
ووصف لينا الكوارع بالكسكسي .. او شوربة الحريره ..
يلا .. في انتظارك .. عامله لينا كلها دموع ليل ههههههه
|
Post: #72
Title: Re: طبيــــخ الرجـــــال ........
Author: عفاف الصادق بابكر
Date: 05-10-2010, 09:00 AM
Parent: #69
السني .. يا صاحب
Quote: عارفة انا اشطر واحد بعمل اكلة من البواقي
ومافي حاجة بتزهجني الا تقولي ليا مافي حاجة في البيت ـ المطبخ ـ
بقوم بفتش البواقي وبعمل اي حاجة وااهم شئ بعد اعملها ـ بسميها
زي ما قالت ليك سمحونه بخب اسمي الأكلات
مهما كانت الأكلة بسيطة ودي اتعلمتها من الفنان عبد الحكيم الطاهر
مرة عملنا سلطة دقاقة وقطعنا فيها بصورة ناعمة بيض وطعمية |
قالوا المعاناة بتولد الابداع .. وزاد الابداع ابداع ..
تعرف الذ شيء انك تكون جعان واول شيء يلاقيك تنسفه ..
بتحس بانه ده احلى اكل .. قاتل الله الجوع ..
اما اللخبطه دي .. انا ما معاك فيها انت وقريبى عبدالحكيم .. لانه بتودي التوج هههههه
Quote: انا بحضر لي برنامج عن المطبخ السوداني كلو المأخرني انو عايز اقدمو بي صورة جديدة
ومنتظرين جيتك عشان تاكلي من مطبخنا الذ اكلاات واحلى تحلية
|
يا سلااااااام خبر جميل يلا اوع تكسل من فكرة البرنامج وصدقني حا يكون إبداع ..
إنشاء الله .. ربنا يجمعنا على الخير وتكون بينا لقمه هنئية ..
Quote: دي بتقطع البصل مثلا بتغسل الحتة كلها وتنظف السكينة وتغيرها مع كل تقطبع
وما بتحب اي حد يكون معها
وحريفة اي اكل بدخل الفرن
|
يا صحبتي اشتهيت أكلك ..
ربنا يحفظكم انشاءالله ..
احتراماتى ..
|
Post: #75
Title: Re: طبيــــخ الرجـــــال ........
Author: Hassan Senada
Date: 05-10-2010, 11:03 AM
Parent: #72
الاخت عفاف بعرف اسوى قراصة بالملوحة فضلى معانا عشاء كاربة انتى وجميع البورداب
|
Post: #76
Title: Re: طبيــــخ الرجـــــال ........
Author: عفاف الصادق بابكر
Date: 05-10-2010, 12:03 PM
Parent: #75
حسن ود سنادة .. كيفنك يا اخوي ..
| Quote: الاخت عفاف بعرف اسوى قراصة بالملوحة فضلى معانا عشاء كاربة انتى وجميع البورداب |
هي الملوحه دي مش بتكون جاهزة ؟؟؟
والله كتير منك .. لكن القراصة انواع وفنون ..
شكرا على العشاء يا حسن يا اخوي ..
لكن صدقنى الملوحة دي عدتها ما بغسلها .. ههههههه
|
Post: #77
Title: Re: طبيــــخ الرجـــــال ........
Author: إسماعيل حميم
Date: 05-10-2010, 09:33 PM
Parent: #76
الأخت عفاف الصادق
سلامات
| Quote: يعني فيها شنو لو الراجل اعترف انه طباخ ماهر .. |
والله فيها الكثير جداً . . وأراه إجاب
| Quote: ولو ساعد في البيت وعمل طبيخ لذيذ هل بنقص ذلك من قدره ؟؟ |
أعتقد أنه مفروض يزيد . . ولكن يعتمد على روح الشريك
والله أخوك فنان عدييييييييل لاعِن (ديكور السلطات والتحلية)
كل الود
إسماعيل حميم
.
|
Post: #78
Title: Re: طبيــــخ الرجـــــال ........
Author: عفاف الصادق بابكر
Date: 05-11-2010, 07:15 AM
Parent: #77
Quote: أعتقد أنه مفروض يزيد . . ولكن يعتمد على روح الشريك
والله أخوك فنان عدييييييييل لاعِن (ديكور السلطات والتحلية)
|
يا سلام عليك يا اسماعيل يا حميم ..
ده الكلام الصاح .. وروح الشريك هي المشجع الاساسي فى الموضوع ..
طبعا الاستفتاحيات دي هي المهمة .. وبعدها النفس بتكون تمام ..
تسلم يا حميم ..
|
Post: #79
Title: Re: طبيــــخ الرجـــــال ........
Author: ALGARADABI
Date: 05-11-2010, 08:16 PM
Parent: #78
Quote: والله أخوك فنان عدييييييييل لاعِن (ديكور السلطات والتحلية)
كل الود
إسماعيل حميم
|
أشتغل أبوي
المفاريك دي مااااابتتقدر
عالم تخاف ما تختشيش
|
Post: #80
Title: Re: طبيــــخ الرجـــــال ........
Author: عفاف الصادق بابكر
Date: 05-12-2010, 10:14 AM
Parent: #79
Quote: أشتغل أبوي
المفاريك دي مااااابتتقدر
عالم تخاف ما تختشيش |
غايتو يا قرضابي أصلي ما بسألك ..
ما تخلى أسماعيل فى السلطات الجميلة دي ..
مفاريك شنو يا قرضابي ياخ انت قديم خلااااس ..
خلاطات خلاطات ياقرضابي يا اخوي .. والله يستر ..
|
Post: #81
Title: Re: طبيــــخ الرجـــــال ........
Author: عماد الشبلي
Date: 05-12-2010, 03:24 PM
Parent: #80
عفاف سلام من دبي
ومن فندق اتلانتس ..
|
Post: #82
Title: Re: طبيــــخ الرجـــــال ........
Author: عماد الشبلي
Date: 05-12-2010, 03:42 PM
Parent: #81
دا شكلو كدي .. امال الطبيخ الفيهو كيف !!!!!!!
|
Post: #83
Title: Re: طبيــــخ الرجـــــال ........
Author: إسماعيل حميم
Date: 05-12-2010, 10:31 PM
Parent: #82
Quote: أشتغل أبوي
المفاريك دي مااااابتتقدر
عالم تخاف ما تختشيش |
والله ياااا أبو مفاركتن حديد
يعينك الله
إسماعيل حميم
.
|
Post: #84
Title: Re: طبيــــخ الرجـــــال ........
Author: عليش
Date: 05-13-2010, 03:19 AM
Parent: #83
ماما عفاف
المطبخ ماعندنا فيهو مشكله
لحدي المكرونا بالبشمل بنقدر عليها
لكن العواسه والصاج ديل نختلف ول مانختلف مااابنقدر عليهم
المهم
انتي كويسه؟
|
Post: #85
Title: Re: طبيــــخ الرجـــــال ........
Author: Al Sunda
Date: 05-13-2010, 05:51 AM
Parent: #84
اعتبر الطباخة هوايتي الاولى
وشبه محترف من زمن العزوبية
أهم نقطة في حتة طبيخ الرجال مدى جاهزية الملعب
اي المطبخ والمعينات المتوفرة في المطبخ ( طبعا مش عينة مفاريك القرضابي)
وكلما توفرت هذه المعينات كلما كانت النتائج ..........
مع الاقرار بملاحظة السيده/احلام (السنى ) في Quote: عفاف ياغالية
اليوم البدخل فيهو السني المطبخ انا بقنع عديل من المطبخ لانو بيكون عباره عن
دمار ومخلفات حرب |
لكن وبصراحة ومهما كان مستوى الطبيخ
دائما في حتة ناقصة
دي البقول عليها "النفس "
نفس الستات في الطبيخ
|
Post: #86
Title: Re: طبيــــخ الرجـــــال ........
Author: كمال سالم
Date: 05-13-2010, 09:10 AM
Parent: #85
إنتو تطبخوا ونحن نأكل بس .
عفاف إزيك ,, ما تزوغى من الخاطره الخلتك تفتحى البوست
ده ,, نحن منتظرين .
|
Post: #91
Title: Re: طبيــــخ الرجـــــال ........
Author: عفاف الصادق بابكر
Date: 05-13-2010, 01:01 PM
Parent: #86
كمال سالم . اخو الاخوات ..
Quote: إنتو تطبخوا ونحن نأكل بس .
|
ما عندنا مانع لكن حسوا شويه .. صدقنى طعمه مع المشاركه غير ..
Quote: عفاف إزيك ,, ما تزوغى من الخاطره الخلتك تفتحى البوست
ده ,, نحن منتظرين . |
زييي زين الحمدلله ... غايتو عالم مفتحه بشكل .. حاضرين .. للخاطره ..
|
Post: #90
Title: Re: طبيــــخ الرجـــــال ........
Author: عفاف الصادق بابكر
Date: 05-13-2010, 12:46 PM
Parent: #84
عليش .. كيفنك
Quote: المطبخ ماعندنا فيهو مشكله
لحدي المكرونا بالبشمل بنقدر عليها
|
قادر الله .. ده الكلام ولا بلاش ..
Quote: لكن العواسه والصاج ديل نختلف ول مانختلف مااابنقدر عليهم
المهم
|
يا زول صاج شنو ..؟ حدك الطبيخ عواسه ما معانا ..
لكن ما بعفيك من القراصه ..
عليش انا كويسه والحمدلله .. يسأل منك الخير ..
|
Post: #88
Title: Re: طبيــــخ الرجـــــال ........
Author: عفاف الصادق بابكر
Date: 05-13-2010, 12:29 PM
Parent: #82
حذف للتكرار
|
Post: #89
Title: Re: طبيــــخ الرجـــــال ........
Author: عفاف الصادق بابكر
Date: 05-13-2010, 12:29 PM
Parent: #82
Quote:
|
| Quote: دا شكلو كدي .. امال الطبيخ الفيهو كيف !!!!!!! |
على فكرة يا الشبلي الفندق ده على قول اهلنا فركة كراع من مكتبي ..
اكيد اكيد حا نتقابل ..
|
Post: #87
Title: Re: طبيــــخ الرجـــــال ........
Author: عفاف الصادق بابكر
Date: 05-13-2010, 12:25 PM
Parent: #81
Quote: عفاف سلام من دبي
ومن فندق اتلانتس .. |
الشبلي ..
اتلانتس حته واحده .. كدي حاول ادخل المطبخ ...
انت اللفيهم يا عمده ...
|
Post: #92
Title: Re: طبيــــخ الرجـــــال ........
Author: الطيب شيقوق
Date: 05-13-2010, 01:17 PM
Parent: #87
عفاف بت الصادق
جيت بس عندي سعال واحد ومقبل -
ملاح اللوبا والروب وام تكشو والبربور داخلة المنافسة ولا عندك معايير؟
|
Post: #93
Title: Re: طبيــــخ الرجـــــال ........
Author: عفاف الصادق بابكر
Date: 05-13-2010, 01:55 PM
Parent: #92
الطيب ود شيقوق .. كيفنك
Quote: جيت بس عندي سعال واحد ومقبل -
ملاح اللوبا والروب وام تكشو والبربور داخلة المنافسة ولا عندك معايير؟ |
كدي .. كدي قول تاني !!
الليله وووووب حدي معاك ملاح الروب إلا باقي المقررات دي ما ادونا ليها ..
يعني لازم تحرجونا يعني ..
يلا تعال ورينا حرفنتك فى المطبخ ...
|
Post: #94
Title: Re: طبيــــخ الرجـــــال ........
Author: عماد الشبلي
Date: 05-13-2010, 02:02 PM
Parent: #87
شوفي عواسة ناس اتلانتس .. والقرقريبة العجيبة ..
|
Post: #95
Title: Re: طبيــــخ الرجـــــال ........
Author: عماد الشبلي
Date: 05-13-2010, 02:24 PM
Parent: #94
| Quote: ملاح اللوبا والروب وام تكشو والبربور داخلة المنافسة ولا عندك معايير؟ |
ود شيقوق
دي اكلة ولا قلوتية ..
|
Post: #96
Title: Re: طبيــــخ الرجـــــال ........
Author: المر
Date: 05-13-2010, 02:27 PM
Parent: #94
طبيخ الرجال بعتمد علي المزاج دائما
|
Post: #97
Title: Re: طبيــــخ الرجـــــال ........
Author: الطيب شيقوق
Date: 05-13-2010, 03:08 PM
Parent: #96
| Quote: يلا تعال ورينا حرفنتك فى المطبخ ... |
كنت جاييك مقبل بس كرهتني نزعتك الاقصائية الاقصيت بيها (القطر قام)
ما برجع الا تعتذري وتوافقي على ادراجها في قائمة الحكي لانو القطر قام ذاتو خشم بيوت بظرفائها وبطقوسها وبسوالفها وبترتيبات مطبخها وعييييييييييييك -
|
Post: #98
Title: Re: طبيــــخ الرجـــــال ........
Author: ismeil abbas
Date: 05-13-2010, 04:33 PM
Parent: #97
ألأخت عفاف السلام عليكم..
بوست بصراحة جميل..
أنا عن المطبخ أدونى عين..مره سلقت بيض لحدى ألأن ألأكلو ماعرفوهو شنو؟؟حمدو فى بطنو..
من ديك عملت حلة القطر قام....لحدى هسى قطر الحلة ده ماقام..
ده عيب من عيوبى..لكن وحاتك بدخل المطبخ ده بمزاج بس يكونوا ناس البيت معاى..بعمل ليك سلطة خضره صلاح بسميها السلطة الكامله..
أصلى بحب السلطه الخضرة شديد...ما بجيب ليك شىء من الخضروات مافيها..
مره كانت معاى شذى وناس البيت جايين من السفر قلت ليها تعالى نعمل ليهم حلة دجاج..
وحاتك ماطلع دجاج شذى تضحك فينى وقالت لى يابابا القمامة قريبه يا اهلنا...
غايتو بحب أشارك بخلق جو أسرى داخل المطبخ وحركة فيها نوع من التعاون..لكن فكرة نهى نهى نهى..
نفس المرأة فى الطبيخ مميز وهذا فى نظرى..أحب اكل من النسوان وما بحب طبيخ الرجال..
وعندى مرأة الله يمتعة بالصحة والعافية خاربه طبعنا..أولادى ما بياكلوا من غير يدها..
|
Post: #99
Title: Re: طبيــــخ الرجـــــال ........
Author: المكاشفي الخضر الطاهر
Date: 05-13-2010, 04:53 PM
Parent: #98
اختى الكريمة عفاف
السلام عليكم
عليك الله لو تكرمتي نريد افضل طريقة لعمل شعيرية
وهل هناك طريقتين ؟؟؟
مقدار الموية كم ؟
والتحميرة والزيت ؟
وكيف نعرف الاستواء ؟؟
انا حا امش اعمل الطريقة دي بنفسي لانو الشعيرية دي انتي عارفة وجبة مفضلة لي خالص .................
|
Post: #100
Title: Re: طبيــــخ الرجـــــال ........
Author: Abuelgassim Gor
Date: 05-13-2010, 05:07 PM
Parent: #99
غايتو انا زى اخوى السنى
هو اسمو بشتون وانا اسمى
طبوز ...ممنوع من الاقتراب
من المطبخ..وطبعا سارح والنظر
تحت ..تحت بقى مسارقةه.
|
Post: #103
Title: Re: طبيــــخ الرجـــــال ........
Author: عماد الشبلي
Date: 05-16-2010, 04:52 PM
Parent: #100
عفاف
رجعنا الدوحة ونحن نحمل زكريات طاعمة ولذيذة من مطبخ اتلانتس ,,
|
Post: #107
Title: Re: طبيــــخ الرجـــــال ........
Author: عفاف الصادق بابكر
Date: 05-17-2010, 07:24 AM
Parent: #100
Abuelgassim Gor سلام يغشاك ..
Quote: غايتو انا زى اخوى السنى
هو اسمو بشتون وانا اسمى
طبوز ...ممنوع من الاقتراب
من المطبخ..وطبعا سارح والنظر
تحت ..تحت بقى مسارقةه. |
خلاس يا بشتون راضين بالبشتنه بس انت بتعمل شنو في المطبخ ..
تعرف الخرمجه والبشتنه ما مشكله لكن المشاركة والطبيخ اللذيذ ده المهم ..
يلا شنو مع الخرمجه والبشتنه بتعملوا ..؟
|
Post: #106
Title: Re: طبيــــخ الرجـــــال ........
Author: عفاف الصادق بابكر
Date: 05-17-2010, 07:20 AM
Parent: #99
المكاشفي .. كيفنك يا اخوي ..
Quote: عليك الله لو تكرمتي نريد افضل طريقة لعمل شعيرية
وهل هناك طريقتين ؟؟؟
مقدار الموية كم ؟
والتحميرة والزيت ؟
وكيف نعرف الاستواء ؟؟
|
يا المكاشفي يا اخوي الشعيريه انواع .. وطريقة العمل انواع ..
شعيرية مسلوقه شعيرية محمرة شعيرية باللبن شعيرية مطبوخه ..
وفي كل الانواع بشرح ليك طريقتها انشاء الله ..
1- شعيرية مسلوقه : لو كيس واحد 4 كبايات مويه كبيرة ..
تضيف شوية ملح حسب رغبتك + 6 ملاعق زيت او ثمن او زبده ..
تخلي الموية تغلى وتضيف كيس الشعيرية وتخلي النار هادئة ..
2- محمر : ثمن او زيت او زبده في الحلة بعد تسخن تضيف شويه من الشعيرية ..
نصف الكيس .. تغلبها في الزيت لغاية ما لونه يبقى ذهبي ...
وتضيف باقى الكمية الفاضله فيى الحله وتقلبها شوية .. بعدها تضيف مويه سخنه ..
كمية المويه السخنه تغطي الشعيرية .. وتخفض النار .. وبعد تخلص تضيف السكر حسب رغبتك ..
شعيرية باللبن: تخد المويه في النار وبعد تسخن تضيف شوية زيت او زبده او ثمن وشويه ملح وتسلق الشعيريه ..تغلي الحليب وتصبه في الشعيرية وبعد ما يفور شويع مع الشعيرية تنزله من النار وتضيف السكر ..
بالهناء ...
|
Post: #105
Title: Re: طبيــــخ الرجـــــال ........
Author: عفاف الصادق بابكر
Date: 05-17-2010, 07:09 AM
Parent: #98
أسماعيل .. يسعد صباحك ..
Quote: أنا عن المطبخ أدونى عين..مره سلقت بيض لحدى ألأن ألأكلو ماعرفوهو شنو؟؟حمدو فى بطنو..
من ديك عملت حلة القطر قام....لحدى هسى قطر الحلة ده ماقام..
|
دي يا اسماعيل ابسط الحلول لسد الثغره .. معقوله بيض سلقه ما يتعرف هههههههه ..
عاد القطر قام دي تعبت معاكم تعب شديد ...
Quote: ده عيب من عيوبى..لكن وحاتك بدخل المطبخ ده بمزاج بس يكونوا ناس البيت معاى..بعمل ليك سلطة خضره صلاح بسميها السلطة الكامله..
أصلى بحب السلطه الخضرة شديد...ما بجيب ليك شىء من الخضروات مافيها..
|
يا سلاااام ياخ اولا فى حضرت ناس البيت دي عجبتني شديد ..
وتانيا السلطله الخضره دي ما سيدة المائده ياخ ..
Quote: مره كانت معاى شذى وناس البيت جايين من السفر قلت ليها تعالى نعمل ليهم حلة دجاج..
وحاتك ماطلع دجاج شذى تضحك فينى وقالت لى يابابا القمامة قريبه يا اهلنا...
|
أسكت ساي موضوع القمامة وتسفير الحله ده حصل كتييير ..
Quote: غايتو بحب أشارك بخلق جو أسرى داخل المطبخ وحركة فيها نوع من التعاون..لكن فكرة نهى نهى نهى..
نفس المرأة فى الطبيخ مميز وهذا فى نظرى..أحب اكل من النسوان وما بحب طبيخ الرجال..
وعندى مرأة الله يمتعة بالصحة والعافية خاربه طبعنا..أولادى ما بياكلوا من غير يدها.. |
ربنا يخليك ليهم يارب وتنعم بصحبتهم دنيا واخري ...
متعك الله بالصحة والعافية .... وربنا يحفظكم ..
|
Post: #102
Title: Re: طبيــــخ الرجـــــال ........
Author: عفاف الصادق بابكر
Date: 05-16-2010, 08:13 AM
Parent: #97
| Quote: ما برجع الا تعتذري وتوافقي على ادراجها في قائمة الحكي لانو القطر قام ذاتو خشم بيوت بظرفائها وبطقوسها وبسوالفها وبترتيبات مطبخها وعييييييييييييك - |
اعتذار مشفوع بالاعتذار .. ونكرر الاعتذار ..
يلا .. القطر قام .. مع المعلم ود شيقوق ..
يلا وقت القطر قام خشم بيوت .. نسمي الحله المترو قام رائك شنو ؟
لانه شكلها حله كاااااااربة .. يلا ابداعاتك ..
|
Post: #101
Title: Re: طبيــــخ الرجـــــال ........
Author: عفاف الصادق بابكر
Date: 05-15-2010, 09:26 AM
Parent: #94
| Quote: شوفي عواسة ناس اتلانتس .. والقرقريبة العجيبة .. |
قادر الله يا الشبلي عواسة السرور وقرقريبة السرور ..
عليك الله شفته الناس دي كيف .. شيء عجيب ..
|
Post: #108
Title: Re: طبيــــخ الرجـــــال ........
Author: ماجدة عوض خوجلى
Date: 05-18-2010, 01:00 PM
Parent: #104
عفة قلت ارجع ليك بوستك الجميل ده
|
Post: #109
Title: Re: طبيــــخ الرجـــــال ........
Author: عفاف الصادق بابكر
Date: 05-18-2010, 01:02 PM
Parent: #108
| Quote: عفة قلت ارجع ليك بوستك الجميل ده |
انتي الاجمل يا مجودة يا عسل ..
فرحانة بالطلة البهية ..
|
Post: #110
Title: Re: طبيــــخ الرجـــــال ........
Author: عماد الشبلي
Date: 05-18-2010, 02:45 PM
Parent: #109
| Quote: Quote: عفة قلت ارجع ليك بوستك الجميل ده |
وانا برضو قلت كدي ...
|
|