جريمة سوق المواسير البشعة التي جرت وتم تدويرها تحت اشراف وحماية والي شمال دارفور كبر ونقاط بوليسه وبنوك ولايته ثم لاحقا التبشير بهذا السوق الحرامي بواسطة راس الدولة الماسورية عمر البشير عندما قال في احدي هضرباته ايام الانتخابات بالدمازين تاني اغتراب مافي والداير يغترب يمشي سوق الرحمة في الفاشر...؟؟
05-07-2010, 11:46 AM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
عدة شواهد حية الان توكد بان جريمة المواسير التي تحدث بها الغاشي والداني في طريقها الي اللفلفة والغتغتة الانقاذية والشواهد يمكن ان نجملها في الاتي 1- السوابق الانقاذية في مضمار التعايش مع الفساد وحمايته (عبدالرحيم ابو ريالة نموذجا) 2- ربيب الشمولية وزير ما يسمي بالعدل في السودان عبد الباسط سبدرات يحاول ان يفرغ هذا الملف من كل مدلولاته الغير اقتصادية كالمدلول السياسي وتحويل الي قضية مال ثلثو ولا كتلتو 3-الاعلام الانقاذي الذي يحاول ارسال اشارات موغلة في اللالتفاف وتحميل الضحايا وزر هذه الجريمة كونهم اغبياء وقولهم بان القانون لايحمي الاغبياء 4- اطلالة كبر كنمرود وقولته الشهيرة الوشحة بعنجيهة عندما قال ما في زول بقدر بشيلني حتي ولو راس الدولة الرجل مالي يدو ولديه كل الكمونية التي تجعل منه حملا وديع
05-07-2010, 12:05 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
سنة ونيف وشوف المواسير واسواق ماسورية اخري مدورة احدهم في القضارف يسمي سوف الحفتلي.. يمارس فيه الضباع الكيزانية امتصاص عرق الغلابة... تحت سمع وبصر 1- الحماية الدينية الخطال الفتووي للانقاذ الي كان يصنع الغطاء الديني للكيزان في حله وترحاله غاب بل تواري في تواطي وااضح مع هذا الامر ولقد قيل بان احد ائمة المساجد في الفاشر قد افتي بحلالية ذلك السوق واعطاه صك غفران ماسوري 2- الاعلام الانقاذي الذي يحشر انفه في كل الاشياء الدارفورية من تلفزيون موجه وصحف صفراء رعديدة مارست النيام نيام والتواطي من مواسير كبر
05-07-2010, 12:10 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
هذه الجريمة وبكل تداعياتها المعروفة عكست غياب اشياء عديدة فيما يسمي دولة 1- غياب المراقبة الاقتصادية 2-غياب الرقابة العدلية 3- تهتك الرقابة الدينية 4-غياب الرقابة البنكية وبنك السودان بصورة مباشرة يجد نفسه في خانة المقصرين تقصير مفاجي ومباشر فكيف لاموال بهذه الكميات يتم تدويرها في بقعة من بقاع البلد دون علمه او رقابته لها 4- غياب الرقابة الصحفية 5- غياب ايضا الرقابة من الاجسام المعارضة كالاحزاب واجسام المجتمع المدني التي تعني بقضايا المجتمع
05-07-2010, 12:19 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
في الذاكرة السودانية القريبة وفي عهود جعفر نميري تواطت الانظمة الحكومية بكليتاتها في قضية تهجير الفلاشا الي اسرائيل ولم تتفتح الاضواء جيدا وبشفافية علي هذه الجريمة الا بعد ذهاب نميري.. فهكذا هو الحال في الانظمة الشمولية حيث يتم غمت الاشياء وغتغتها ثم تسجيل التهمة ضد 1-المندسين 2- العملاء 3- المعارضين ولكن في حال الماسوري كبر فلت العيار ولو تقوي الية الشمولية علي الحفاظ علي هذه الجريمة تحت دائرة الغتغتة كونها جريمة هبشت اهل بلدان عزيزة في السودان في ماكلهم وملبسهم ومسكنهم.. وعالم اليوم ليس هو عالم جعفر نيمري زلاغم اشتراكه مع الوعي الانقاذي في الديكتاتورية الا ان السودان ودارفور هنالك اعين عالمية ومحلية واقليمية تراقب.. لذا سيراقب الجميع هذا الامر ومن نفسي مهتم جدا بمصير المدعو كبر ونريد ان نري دراما الشمولية في تحفيز ابنائها الذين ينكلون ويضربون اهلهم في عيشتهم
05-07-2010, 12:28 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
المواسير الهوامير الاثنين الذين قيل بانهم اصحاب هذا السوق.. 1-مارسا عمل ماسوري داخل اروقة مكاتب الدولة السودانية وهي مكاتب الشرطة في الفاشر التي شهدت الصفوف المبكرة لهذه الاشياء الماسورية 2-تم تقديمهم من الوالي الرعديد كبر كمرشحين في لقاء جماهيري كبير وعريض وتم وصفهم بانهم من ابناء الموتمر الوطني الاوفياء.. 3-حماية بوليسية وكان يتم جلد كل من يصف هذا السوق باسم المواسير 4- الدعاية الانتخابية للوالي كبر في ذلك المكان كانت مستندة علي ضرورة استمرار سوق المواسير ووعد الوالي الرعديدة بذلك علي رووس الاشهاد 5- تم ابتزاز واضح وصريح للناخب صوتك مقابل ماسورتك بصورة مباشرة وموثقة 6- البشير في خطاب رسمي وشعبي بشر بهذا السوق ودعا اليه
05-07-2010, 12:25 PM
سلمى الشيخ سلامة
سلمى الشيخ سلامة
تاريخ التسجيل: 12-14-2003
مجموع المشاركات: 10754
تعرف يا كيكى الحاصل فى السودان دا عجيب جدا يعنى دولة قالو فيها انتخابات مافى ولا وزير شالوه من محلته من الانتخابات ولغاية الان حتى الريس حقهم زاتو ما ادى اقسم لغاية الان بل انه كان بمارس فى صلاحياته ايام الانتخابات وكل الوزراء من خلفه جات على سوق المواسير ؟
غلبنى كتر على على حد قول الفنانة البنوتية
وبالمناسبة الحاصل دا مش فوضى لانه فى الفوضى نظام دا حاجة تانية لسه ما اتوجد ليها اسم
05-07-2010, 12:33 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: وبالمناسبة الحاصل دا مش فوضى لانه فى الفوضى نظام دا حاجة تانية لسه ما اتوجد ليها اسم
هلا يا سلمي.. وفعلا الحاصل ده فوووووتو فوضي زااتو (علي قولة ناس عربي جوبا).. واللخبطة دورت في السودان في كل فجة وكركور.. وممكن نسميها لخبتة لانو اللخبتة ضاربة الاشياء من كل فجة.. انتخاتبات ملخبتة...اقتصاد ملخبت... دين ملخبت والوالي حرامي.. والحرامي برره قادل في الاعلاميات...والقصة جايطة جوطة شديدة خلاااص... ___________________________________ انا منتظر اداء القسم بتاع المواسير التي تم خج الصناديق لكي تتحكم في البد دي عشان نشوف كبر ده بالتحديد حيودي القسم بياتو وووووووووش
طبعا عمر القشير ده خليني منو عارفو عينو قوية وسنو ملوية
05-07-2010, 01:27 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
** السمى كيكى.. ** جُمعتك مُباركه.. ** هذا ماوصلنى عن تربيزة القُمار الكانت مدوره فى سوق المواسير (وطلعنا نحنا المواسير) :-
** كيفية التعامل فى سوق المواسير:-
## لو عندك عربيه كورولا .. سعرها السوقى :- 20 مليون .. يشتروها منك بـ 40 مليون ويدوك 10 مليون كاش و30 مليون بشيك مؤجل لمدة 45 يوم.. ** يبيعو ليك عربيتك ذاتا بـ 10 مليون كاش ,, وشيكك ابو 30 مليون فى يدك .. ** الناس الاوائل الحصلو الكيته دى ضربو التربيزه وأخدو كل العشرات تتو وكبوا الزوغه وكسرو بنكهم وإتخارجو ,, الناس الجات بعد كده سفت التُراب وحقهم ماقدرو يطلعو بيهو من تربيزة القمار دى .. ** وعلى ذلك مُمكن تقيس كافة المعاملات فى مجال البيوت والسيارات والبضائع.. ** والله السوق دا لوترى عديل فاتنا وفات الامريكان واليهود كان إغتربوا فى الفاشر..
## غايتو قُــمــار زى دا :- فى لاس فيجاس ,, وبادن بادن ماسمعنا بيهو..
** وعاش الوالى وعاش توجهنا اللاحضارى ,, وكل مأسوره والمواسير بخير.. ## ياناس السودان هذا ماسمعناه بالله نورونا وصححو المعلومه لو كان هنالك خطأ.. (وكل تربيزه جديده للمقامره وأنتم بخير) (ابو محمد فؤاد)
05-07-2010, 01:43 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: لو عندك عربيه كورولا .. سعرها السوقى :- 20 مليون .. يشتروها منك بـ 40 مليون ويدوك 10 مليون كاش و30 مليون بشيك مؤجل لمدة 45 يوم.. ** يبيعو ليك عربيتك ذاتا بـ 10 مليون كاش ,, وشيكك ابو 30 مليون فى يدك .. ** الناس الاوائل الحصلو الكيته دى ضربو التربيزه وأخدو كل العشرات تتو وكبوا الزوغه وكسرو بنكهم وإتخارجو ,, الناس الجات بعد كده سفت التُراب وحقهم ماقدرو يطلعو بيهو من تربيزة القمار دى .. ** وعلى ذلك مُمكن تقيس كافة المعاملات فى مجال البيوت والسيارات والبضائع.. ** والله السوق دا لوترى عديل فاتنا وفات الامريكان واليهود كان إغتربوا فى الفاشر..
## غايتو قُــمــار زى دا :- فى لاس فيجاس ,, وبادن بادن ماسمعنا بيهو..
هلا يا سمي وتحياتي واشواقي الحارة يا صديقي .. ونعم ما اوردته يا عبدالكريم هي الدراما التي جرت في جخانين سوق المواسير اياه.. دراما وخرنت يعلم الله الفرنجة في صالات لاس فيجاس حيث القمار الاصلي فعلا حيقعدوا يتحيروا فيهو ويرطنو انجليزي مخلوع زي عشرة سنة ونص... دي قمة الاستهبال والتردي وانهيار الانظمة الاقتصادية والدينية والعدلية والرقابات بكل انواعها.. والمحير هو لسع الوالي الحرامي المدعو كبر ده لسع لئيم وبلاوووي ويهدد ويكضب.. له الله هذا الوطن يا ابومحمد وله الله انسانة في كل فججه التي تعبت من هذه الدولة الفاشلة التي مارست التاصيل للفساد وصار سمة من سماتها
وتحياتي وكل الود والتقدير يا ابومحمد
05-07-2010, 01:57 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
دارفور وانسانها وفيافيها وحتي بيوتاتها وحواكيرها وزرعها وضرعها هي اكثر بقعة في السودان تضررا ضررا اكبر وطاغي سمع به كل العالم.. حرب بشعة بها قتل وتشريد وحرق قري واغتصاب وتجويع.. اهلها الكرام يجوبون دول الجوار بحثا عن ملجي وبطانية وفي جولة من جولات تعذيب انسانها طل سوق المواسير المشيد بافكار تنظيم الموتمر الوطني الذي رضع وزور وخج وفاز من البان مال السحت المحلوب من شطر هذا الانسان الغلبان... تري ماذا تبقي للثورة ومكوناتها والغضبة الكبري التي تذهب بمثل كبر وحاشيته وكهنته الكبار الي الجحيم تري ما تبقي..؟؟ وماهي الكارثة الجديدة التي ستحل بذلك الانسان المغلوب علي امره في دارفور..؟؟
05-07-2010, 03:41 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: انا منتظر اداء القسم بتاع المواسير التي تم خج الصناديق لكي تتحكم في البد دي عشان نشوف كبر ده بالتحديد حيودي القسم بياتو وووووووووش
ماعارف لماذا تذكرت فيلم عادل امام (الكدكة والجردل) عندمت فاز الانتخابات بصحبة محبوبته فوزا مستحقا وهزمو مافبا تلك المدنية ولكن وفي تول جلسة للبرلمان التفتا للخلف لتطل كل اعضاء تلك المافية كنواب في ابهي زي زي الما حصلت حاجة... وفغدا في دولة نفش ونفخ الفاسدين والحرامية سيطل كبر لابسا جلابية بيضاء مكوية ومركوب فاشري مصقول وعباية كيزاينة نضيفة وسيودي القسم. زلايزال السؤال الساذج مني قائما بياتو وش سيودي مثل هذا الكبر القسم كوالي..؟؟
05-07-2010, 04:22 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
هتاف قيل بانه يتردد الان في دارفور... شجراة ازانا ياخليل افزعانا... ويمكن ايضا ان نسمع هتافات بلكنة اهل دارفور المميزة.. مواسير ازانا يا اوكامبو افزعانا
05-09-2010, 01:41 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة