يا جماعة ..... هاكم فيلم خج انجليزي

خج لي خج يفرق

وحيث اننا مبهورين بعقدة الخواجة

منتظرين لينا فيلم خج انجليزي


وطبعا

دي مسؤولية بورداب لندن وما جاورها


يجيبوا لينا فيلم كارب

عن كيف تخج الشجرة
كي ترمي الثمرة
ثمرة يني
تفوز وتغني


اها ما يجو يقولوا لينا

خج مافي

غايتوا اذا خج مافي

يخجنا الخج حلة

اها من هسه

كلكم معزومين خجة انجليز

مافي زول يجي يقول لي

اخطاء فنية

ومفوضية


نحن مع انجلترا لحدي خج العالم

مشاهد الفيلم

مشهد أول


أبطال الخج لابسين تي شيرتات بلون ابيض


وبجروا جري شديد في مكان عد الاصوات



مشهد تاني

المفوضية قصرت يقصر الملح

حيث لم يدلي عدد كبير من الانجليز باصواتهم لسبببين

الاول : لم تكن بظافات الاقتراع كافية نسبة للاقبال الكبير غير المتوقع للناخبين

الثاني : طول الصفوف وانتهاء الوقت المحدد قبل تمكن الكثيرين من الادلاء باصواتهم رغم انهم كانوا في صف التصويت


غايتو المفوضية بالغت

كان مفروض تطبع ورق زيادة وتمد الزمن يوم يومين


لانه كده حيصل المشهد التالت للفيلم

وهو قيام بعض المرشحين بالتقدم للقضاء الانجليزي للطعن في نتيجة الانتخابات