الاخ خالد كودي عماد عبد الله والاخوة التشكيليين عن الالوان والتلوين حدثونا

منذ وقت طويل في هذا المنبر فتح بوستا عن الالوان جاء فيه حديث كثيرومفيد ومعلومات جديدة وان كانت تلك الفترة التي فتح فيها البوست فترة عبث انتهي البوست نهاية غير موفقة وللاسف لم استطع ايجاد البوست مرة اخري , بالامس كنت احادث صديق لي عن الالوان ومدلولاتها وابعادها ( النصيحة لله ) لقيت روحي قاعد ساكت وصحبي انا احسن منه وبما اننا في منبر عامر بجهابزة التشكيليين السودانين اتمني ان يكون هذا البوست للحديث عن الالوان , قد يستغرب الكثيرون عن هذا الموضوع يراه البعض انه موضوع غريب ولكن ان وافقني الاخوة اعلاه علي المشاركة في هذا البوست اضمن لكم الدهشة والاستفادة فهو علم واسع غير ما يظهر للعامة.

أب












__________
البوست دا ليهو تلاتة ساعات
فيهو أربعة وعشرين مشاهدة ومداخلة واحدة مافيش

الاصفـر لون الغيره ..

الاحمـر لون المشاعر ..

الاخضر لون الخير والنماء ..

الابيض لون النقاء ..

الازرق لون الهدوء والسلام ..

البنفسجي لون الرفاهيه ..

الاسود لون الغموض والاناقه ..

دي احساسي انا تجاه الالوان .. ما عارفه صاح ولا ماصاح ..

شكرا اساسي . .

أخونا أساسى ،

سلامات، وشايفك من فترة تتقدم بخطى ثابته نحو الاستناره وكده...

أتمنى أن لاتكون هذه عمايل بوابير عابره.

شكرا للبوست ولادخالى فى زمرة الملونين و الملون الخطير عماد عبد الله!

أول أيامى فى كلية الفنون تسكعت وصديق روحى إسماعيل عبد الحفيظ فى إستوديو التلوين...

دفعة ناس عماد عبد الله من الدفعات المتميزه والمؤثره!!

و ضمت ملونين رائعين، و حقيقة لايمكن نسيانهم، وياريت عماد يدحثنا عنهم...

حاألحق بعض أعمال الفنان عبد العزيز إسحق (بورد) لاحقا...

ومن لوحات عماد عبد الله أيام شبابو ولازلت أزكرها ... لوحة لعدد من عربات قطر بضاعه... وبعضها مصدى!

وطبعا الملونين الجداد فى ذاك الوقت زى حلاتناتلجمهم الدهشه لأنهم... يصوتوا ويصوتوا، يخلطوا فى

الالوان، ولكن كلها تصبح كلون التراب!!! فكيف يفرز الملون مابين لون "التراب" ولون الصدى، وكيف يوهم الملون بضربات فرشاته العين بأن فى السطح ملامس عمل الماء و الهواء بالحديد ماهو كيميائى ليكون ذلك الصدى فى عربات قطر البضاعه؟؟

الاجابه بالتأكيد عن عماد عبد الله... فقد كان التعبير السائد حينها:

"والله الزول ده شواف خلاس" ....

وياأساسى ياشاب الحديث عن الالوان زى الحديث عن الرائحة (الريحه) ماعندو حته يمسكو منها!!!

اليومين دى اللناس بتتكلم عن ألوان الصور التى ارسلها التلسكوب العظيم hubble

هنا موقعه:

http://hubblesite.org/gallery/

وهنا عينه:





صوره جميله لكنها كبيرة وماعايزين نفتل ليك البوست:

http://www.sudaneseonline.com/uploadpic10/April/hubble2.jpg





وبعد داك شوف ليك زول يحدثك عن الغازات والضو.... وكان مالقيت جيب ليك زول يقول ليك:

آييه آييه.... شايف أدرة ربنا!!!

وبنجيك صادين...

Quote: سلامات، وشايفك من فترة تتقدم بخطى ثابته نحو الاستناره وكده

الزول دا الأيام دي مركب مكنة ديمقراطي و لبرالي و كمات ماشي على الألوان


الله يستر

اساسي
كلما تتعمق اكثر في ادراك الالوان والعطور والاضواء والزهور
ومن ثم النصوص والافكار والاشعار والآيات ،،الخ، ستناى روحك بعيدا عما
تدافع عنه انت سياسيا !!!
تفتكر الفنانين ديل بهاجمو اي حاجة في الدنيا الخربانه دي من فراغ؟


صديقنا اساسي انت زول رجعي وظلامي ومدافع عن الشر في البورد
وزول رقيق حساس وديمقراطي في حياتك البنعرفا
فاتمنى البوست دا يخرجك من هذا التناقض ويهديك الي سواء الانسانية زاتا ياخ

الروشته:
اقرأ سودان فور اول تلات مرات يوميا
لاتشاهد تلفزيونات السودان
ذاكر ديوان خليل فرح
اتصل بي



هههههههههههههههههه تسلم يا ظلاسي

يا سلام يا كودي كما هو متوقع من فنان حديث المحترفين , فعلا لفتت نظري هذه الصور الملتقطة بواسطة هابل العملاق وقت ان سوق لها موقع قوقل كانت غاية في الابداع الالهي الغير محدود فسبحان الله الذي لا تحد قدرته حدود , تفاجات لما علمت ان بعض الصور لاندماج او انشقاق مجرات عملاقة لا نسوي نحن امامها شيئا وهذا حديث يطول هنا عن قدرة الخالق , كما وان تشبيهك لحديث الالوان بالعطر هو اشارة ذكية اعجبتني , انا اتوقع منك اعمار هذا البوست وان يكن بتجربتك الشخصية والالوان وتعاملك بحرفية معها واقربها الي نفسك واكثرها استخداما لديك ومدلولات ذلك احب ان اسمع منك

الاخت داليا

شكرا لمشاركتنا انطباعاتك الشخصية ووقع الالوان في نفسك , واعتقد ان هذا هو الشائع من استخدام مدلولات الالوان , وان كنت اعتقد ان لكل اثنية او حضارة او ثقافة مدلولاتها الخاصة بالالوان .

لا يفوت عليك يا رواية انه البوستات الموجه ومعنونة باسماء شخوص لا تتحرك الا بعد دخول الاشخاص المعنين لها وقول كلمتهم بالاضافة الي انه تمت كتابة هذا البوست يوم الخميس العصر و الخليج كله ويك اند , شكرا لرفع البوست وسنتولي امره باذن الله

حاجتبن يااساسى،

أولا:

إتسلى بالموقع ده... وأنا غير مسؤول عن الجحور الذى قد يدخلك إليها... فإنته وشطارتك و وساعك طبعا!

http://www.3datelier.com/psychedelics.htm

والحاجه التانية .. جد طبعا!

مدرستى التى تخرجت منها وأدرس فيها الان هى نفس مدرست السيد ألبرت مانسويل!!!

http://en.wikipedia.org/wiki/Albert_Munsell

وعليه .. كان قلتى ليك الأحمر أخضر .. تدفع الجزية وانت صاغر...

مع التحية لنصر الدين هجام .. المعروف بكوستاوى...

.. معليش، الزنقه حاصله... و نجيك بعد الامتحانات،

مع التحية.. والأمنيات ب.. و ربنا يهديك ويدخلك "محاريب" الاستناره .. آآآمين يارب!

سلامات يا اساسي و شكرا علي البوست
أنا اجهل خلق الله في الالوان و كمان ما عندي زوق
ولو كان عمي الألوان بيصيب النساء كان أكيد ح يكون عندي
لكن النصيحة لله لما اشوف لوحة سمحة بتعجبني.
عاوزه بس اقول اني امس كنت بسمع في موضوع عن ناس عندهم اعصاب راكبة غلط
و نتيجه الغلط ده فهم بيشوفوا الموسيقي بالألوان. يعني تكون بتسمع مقطوعة لبتهوفن و تكون شايف ألوان حسب النوته الموسيقية
سبحان الله
قلت ارفع ليك البوست و احكي ليك بالمرة عن الموضوع ده
---------------------------------
حالة شوف الموسيقي و سماع الألوان اسمها Synaesthesia

اخوي اساسي
التحية والمحبة والاحترام
لنقف على ارض ملونة وزاهية بالمعرفة لابد من سبر غور المصطلح شوفت الكلام الكبير ده
اولا تعريف الألوان من موسوعة ويكيبيديا ..
اللون (بالإنكليزية: Colo(u)r): هو ما نراه عندما تقوم الملونات بتعديل الضوء فيزيائيا بحيث تراه العين البشرية (تسمى عملية الاستجابة) ويترجم في الدماغ (تسمى عملية الإدراك التي يدرسها علم النفس)[1]. واللون هو أثر فيزيولوجي ينتج في شبكية العين، حيث يمكن للخلايا المخروطية القيام بتحليل ثلاثي اللون للمشاهد، سواء كان اللون ناتجاً عن المادة الصباغية الملونة أو عن الضوء الملون. إن ارتباط اللون مع الأشياء في لغتنا، يظهر في عبارات مثل "هذا الشيء أحمر اللون"، هو ارتباط مضلل لأنه لا يمكن إنكار أن اللون هو إحساس غير موجود إلا في الدماغ، أو الجهاز العصبي للكائنات الحية.[2]

"إن أشعة الضوء بالمعنى الدقيق للكلمة ليست ملونة. لا يوجد في الأشعة سوى طاقة محددة وقدرة على تحريض الشعور بهذا اللون أو ذاك" (إسحاق نيوتن 1730)[1]
إن الإدراك اللوني يتأثر بمفهوم تاريخي طويل المدى وفق طبيعة وثقافة المشاهد، وأيضا مفهوم قصير المدى وهو الألوان المجاورة. (اقرأ أيضا علم النفس اللوني).

علم اللون يسمى أحيانا لونيات ويتضمن المقدرة على الإدراك الحسي للون بالعين البشرية، وأصل الألوان في المواد، ونظرية الألوان في الفن وأيضا فيزياء اللون ..

[[
يخيل لي ناقص الأخضر
شوف الصور البنزلها ممكن عماد وخالد يكلمونا عنها سنة
ارجو ان يكون هناك صبر !!!!

كل اللوان معاكم يلا انداحو
متابعين
مودتي

صاحب البوست و ضيوفه الكرام
موضوع جميل حقا و شائق ..
و حسب المدعوين يبدو أن القصد هو التركيز على الجوانب الفنية و التطبيقية للألوان لذا سأكتفي ببعض المعلومات العلمية ذات الطابع الطريف فقط ..
و إن شئتم حدثتكم عن فسيولوجيا اللون بشكل أكثر تفصيلا ..

بشبكية العين هناك نوعين من الخلايا أحدها لإدراك اللون و الآخر للرؤية في الظلام (الإضاءة الخافته التي لا تستبين معها الألوان) .. النوع الأول يسمى بالخلايا المخروطية Cones و يوجد منها حوالي 6-7 مليون خلية و تنقسم لثلاثة أنواع ندرك بكل منها أحد الألوان الأساسية (من هنا جاءت أساسية الألوان الثلاثة) و تتوزع الخلايا المخروطية بالنسب الآتية الأحمر 64% الأخضر 32% والأزرق 2% .. أما النوع الثاني فيسمى العصويات Rods و يبلغ عددها 120 مليون خلية و هي أكثر حساسية من المخروطيات ..



هذه المقدمة لازمة للطرفة و هي أن الطيور تمتلك أربعة أنواع من الخلايا المخروطية المدركة لللون مما يعني أنها ترى ألوانا أكثر بكثير مما نراه نحن (ندرك حوالي 10 مليون درجة لونية مختلفة) و للحمام خمس خلايا مخروطية!! و إن لم تكن هذه إهانة كافية لغرورنا اللوني فاعلموا أن للزواحف أيضا أربع مخروطات و أحد أنواع الفراش يمتلك 6 مخروطات (ترى ماهي الألوان المذهلة التي تراها مما لا نحلم بإدراكها أبدا) .. و لكن المحير بحق هو هذا المخلوق العجيب و يدعى mantis shrimp



لهذا الكائن 12 مخروطا تعمل على شكل أزواج !! (فلتتملككم كل الغيرة ياأهل الفن!!)


و أخيرا هذه السحلية ذات الألوان الزاهية تمتلك قدرة رؤية الألوان بوضوح في الإضاءة الخافته !!!



و لكم كل الود

الاخوان

كودي
شكرا لمشاركتنا رؤاك وانطباعاتك وان اعطيتنا مفاتيح لابواب عظام , حديث الالوان يبدا ولا ينتهي

سمارت

معلومة مهمة اضفتيها للبوست واول مرة اسمع بها , وان كنت سمعت بعمي الالوان من قبل شكرا لمدك البوست

مامون

Quote: صديقنا اساسي انت زول رجعي وظلامي ومدافع عن الشر في البورد وزول رقيق حساس وديمقراطي في حياتك البنعرفا فاتمنى البوست دا يخرجك من هذا التناقض ويهديك الي سواء الانسانية زاتا ياخ

اضحكتني يا مامون , قلت لي رجعي مستنير و ومن قبل الكوز في المبادي والشيوعي في الاجتماعيات , ياخي دا اسمه التصالح مع الحاجات والذات يا فنان
وانت سيد العارفين , اليوم داك ضربت ليك تلفون قالوا في صلاة الجمعة , في شيوعي وتشكيلي بيمشي الجامع من حداشر هاهاها

ود السني
حقيقة نقلت البوست نقلة نوعية واتحفتنا بالفيد ومن الصعب التعقيب علي ما جئت به سوي التعلم والاستزادة

محمد قرشي

يا سلام يا فانان معلومات مهمة وجرعة تثقيفية معتبرة شكرا يا جميل

الرمة عماد عبد الله كان جا البوست ممكن نطلع منه بي حاجة مفيدة لولا انه حسم امر الكلك السادة ؟

أساسي
تحياتي لك ولضيوفك الكرام
عجبتني جد عبارة التصالح مع الحاجات والذات
(مع الأخذ في الإعتبار شهادتك عن يوم التصويط في الإنتخابات )..
وبوستك الحالي ..
وبوستك السابق اللي جاب لينا كلام أخونا الفنان طيفور السمح داك..
دا كله ياأساسي يخلينا نقول ليك ليك حق تقلق من اللبرالية ..
بس واصل القلق ماكتلو زول