(حيدر الزين) ورهطه المطارد لصديق هذا هو لينك(أسد أسد) و (أحد أحد)!

للأسف (أبو هاشم) قد باعكم وقبض الثمن عن طريق السمسار ا...مصري ( توجد فضيحة)!!
اطالبتموني باللينك
وانا قلت لكم انه صادق وقد سمعتها باذني
لم اراى بها كفرا ولكن فقط احضرته لكم
حتى لا تطلعوا الرجل كذابا.

اها رجاء تضعزا اللينك بتاع صديق هنا
عشان القاريء العزيز يفهم حاجه
وما نسطح بيه.

انا نعسته خلاص.كفاكم.

شنو يا حيدر الزين بقيتوا رايحين عن البوست

تراجي ..
ممكن تخلي الموضوع دا للصباح ( بتوقيت السودان ) ؟
عشان الواحد يستمتع برواااقة كده !!

فوق

غايتو يا تراجى احترنا فيك.

اها نادرة زمانه هذا اثبتى كذبه من حيث اردتى
ان تعطيه مصداقية لا يحتملها.
كدى ارجعى للفيديو وشوفى البهتف منو؟
لاحظى البياخد المايكرفون يقود الهتاف أحد احد يتخطى امام
حاتم ويتناول المايك . ويتراجع حاتم خلف السيد من الجهة اليمين.

اقولك حاجة الدلق ما بترفع قدر مما ترفعيهو بيقع تانى.

يا ود محجوب
سلام

انا حقانيه وبس.

Quote: غايتو يا تراجى احترنا فيك. اها نادرة زمانه هذا اثبتى كذبه من حيث اردتى ان تعطيه مصداقية لا يحتملها. كدى ارجعى للفيديو وشوفى البهتف منو؟ لاحظى البياخد المايكرفون يقود الهتاف أحد احد يتخطى امام حاتم ويتناول المايك . ويتراجع حاتم خلف السيد من الجهة اليمين. اقولك حاجة الدلق ما بترفع قدر مما ترفعيهو بيقع تانى.

يا حبيب انا قلت اولا هذا هو الشريط الاتغالط فيه الراجل
واتقال ليه فيه كذاب.



وشخصيا قدمت شهادتي واضحه في البوست الاول وقلت انا سمعتها
فعلا ولكني لم ارى بعينين بان الهاتف هو حاتم السر
وقلت ايضا من يعرف (تونه) الصوي قد يفتي ولن لا اقول هو.


هذا من ناحيه.

من ناحيه آخرى انا ثبت بانس لم ارى اي تكفير في الامر.

ومن ناحيه ثالثه
صديق هذا نفسه شتمني هنا من قبل.

يبقى انا بقرف الكيمان جيدا يا ود محجوب.



مطاردة ناس حيدر الزين له غير موضعيه
وفيها حركات فتونه لا تليق بهم ايضا.

هو له طبظاته ودي ما بنكرها
ولكن هنا لم يكذب.

قد يكون اخطأ في الشخص
ولكنه لم يخطأ في الهتاف.
وقد يكون اخطأ في تفسير المعنى واستنكاره
ولكن يرد عليه بتوضيح بمعنى الهتاف وليس بالشتم فقط.

وهذا كل ما هنالك.

معاويه
مرحبا بحضورك

Quote: تراجي .. ممكن تخلي الموضوع دا للصباح ( بتوقيت السودان ) ؟ عشان الواحد يستمتع برواااقة كده !!

وهو ماشي وين ما قاعد تعال اتجدع في الطريفي!

الاخت تراجى هل فعلا انت حقانية لا انت حاجة تانية خالص لان هذا البوست غير موفق حيث بكتابتك هذه

أنكشفت حقيقتك حيث اتضح انك غواصة لذا ممكن بدون خجل كتابة بوست تحت عنوان تراجى الغواصة تدين

أى هجوم علىضباع المنبر . فهنيئا لك الثوب الجديد يا تراجى ما كل الناس بصمدوا المشوار طويل

يحتاج لمخزون من الماضى . أما بخصوص البوست بتاع الميرغنى و حتومة موجود فى المنبر العام

من ضمن بوستات هشام هبانى و انا ليس لدى وقت اضيعو فى تفتيش هتافات الميرغنى الغواصة

استاهل انا يا صديق الاثبته انك ما كذاب!!

Quote: الاخت تراجى هل فعلا انت حقانية لا انت حاجة تانية خالص لان هذا البوست غير موفق حيث بكتابتك هذه أنكشفت حقيقتك حيث اتضح انك غواصة لذا ممكن بدون خجل كتابة بوست تحت عنوان تراجى الغواصة تدين أى هجوم علىضباع المنبر . فهنيئا لك الثوب الجديد يا تراجى ما كل الناس بصمدوا المشوار طويل يحتاج لمخزون من الماضى . أما بخصوص البوست بتاع الميرغنى و حتومة موجود فى المنبر العام من ضمن بوستات هشام هبانى و انا ليس لدى وقت اضيعو فى تفتيش هتافات الميرغنى الغواصة

في مثل عربي معروف يا صديق بقول

عدو عاقل خير من صديق جاهل!!

وهذا المثل ينطبق عليك الآن ربنا يعينك على نفسك.

Quote: الاخت تراجى هل فعلا انت حقانية لا انت حاجة تانية خالص لان هذا البوست غير موفق حيث بكتابتك هذه أنكشفت حقيقتك حيث اتضح انك غواصة لذا ممكن بدون خجل كتابة بوست تحت عنوان تراجى الغواصة تدين أى هجوم علىضباع المنبر . فهنيئا لك الثوب الجديد يا تراجى ما كل الناس بصمدوا المشوار طويل يحتاج لمخزون من الماضى . أما بخصوص البوست بتاع الميرغنى و حتومة موجود فى المنبر العام من ضمن بوستات هشام هبانى و انا ليس لدى وقت اضيعو فى تفتيش هتافات الميرغنى الغواصة

أتفق معك يا صديق تمام الإتفاق.

تراجى دى اتعلمت الغوص منذ صغرها
فى شعاب البحر الأحمر.
اها انت كيف بتغوص فى بحر ابيض.؟؟

Quote: استاهل انا يا صديق الاثبته انك ما كذاب!!

استاذة تراجي الجاتك في بوستك سامحتك




-------------------------------------------
بقية المرور الكرام ارجوا إثبات هذه السابقة المنبرية اول بوست بتفتح يدافع عن زول
يجي المعني بالبوست يبلع صاحب البوست الكلام الكتبو إنصاف لي .............
والله يا صديق مافي زول سبقك ليها ... لا حصلت ولا حتحصل
ده الابداع أنتو قايلين الابداع دهش نو ما جنس ده



كل ما ادبرس في يومي المشحون ده بجي هنا وبديها ضحكه
الله يبارك فيك يا صديق ويفرحك بقدر ما بتفرحنا بابداعك

دا تكتيك يا عبدالناصر...
السياسة ما فيها اصدقاء الي الابد واعداء الي الابد...
الناس في العالم الأول والشعوب المتقدمة قد عرفوا
هذا السر...

Quote: دا تكتيك يا عبدالناصر... السياسة ما فيها اصدقاء الي الابد واعداء الي الابد... الناس في العالم الأول والشعوب المتقدمة قد عرفوا هذا السر...

والله يا نزار مافي أي نوع من التكتيك هنا
في هبل فات حدو وأنقلب ضدو
____________________________________

عبارة في البال :
وقد ينال الجاهل من نفسه باكثر مما ينال العاقل من خصمه


*صديق برى من أى تهم تتعلق انو كان فاهم عمل شنو بالضبط في البوست ده
واتحدي على كدة

متعة والله ..

Quote: استاهل انا يا صديق الاثبته انك ما كذاب!!

نعم تستاهلي يا تراجي

لانك فرقت بين خلافاتك الشخصية وانحيازك للمبادي بغض النظر عن راي الشخص البتدعمي فيك

انتي شفتي شي غلط وحاولتي تصححي

اذا فانتي تستاهلي صفقة وثناء فالثبات على المبادي لا يقوى عليه الا الشجعان وانتي شجاعة

طب الدم اللي علي البنطلون جا منيييييييييييييييييييييييين؟

تحفة والله تحفه..

الطريفي دا مشى وين ؟؟؟؟

إسمو في عنوان البوست (رئيس الرهط) و معه أتباعه

و برضو زائغ يا الطريفي ؟؟؟؟

ود العمده كثر خيرك....

انت اللي فيهم بس.....

Quote: نعم تستاهلي يا تراجي لانك فرقت بين خلافاتك الشخصية وانحيازك للمبادي بغض النظر عن راي الشخص البتدعمي فيك انتي شفتي شي غلط وحاولتي تصححي اذا فانتي تستاهلي صفقة وثناء فالثبات على المبادي لا يقوى عليه الا الشجعان وانتي شجاعة

وشجاعى مناصرة امال صديق مكلفه.....كما يبدو جليلا!(هههههه)!

شكرا يا غالي....نعيش و نبلع كمان وكمان طالما قاعدين هنا(ههههه)!

Quote: شنو يا حيدر الزين بقيتوا رايحين عن البوست

معليش يا تراجي والله كنت بعيد من النت يوميـن رغم انه شمارو وضحكاتو وصلتني امس بالتلفون ..


هسع بجيك ليهو بصورة جادة جداً لانه محمل بحمول لا تليق بيك ..

بس في الأول خليني افك ضحكة وارجع ليك..





ـــــــ
ما تبعدي ..

مووبااالغه !!!
أنا بقترح الناس تشوف سكه لاستنساخ الزول ده ، غير كده ما عندنا وش نقابل بيه الأجيال الجايه !!!!

أولاً يا ام حازم - بعد التحية والسلام
الناخدها من عنوانك دا العنونتي بيهو الموضوع :

Quote: (حيدر الزين) ورهطه المطارد لصديق هذا هو لينك(أسد أسد) و (أحد أحد)!

اسمحي لي اقول ليك العنوان قمة في الإساءة والإستخفاف برأي ومواقف زملاء المنبر..
وتصوير الأمر كانه راعي وقطيع ورهط وخلافه اذا اتفق اثنان في رأي تجاه قضية معينة
بغض النظر عن إختلافهم في غيرها لكن غتفاقهم على ما يعجبك - إنت تحديداً- فهم رهط
وهي نظرة للأسف نسخة بالكربون من فهم السيد حسين ملاسي حينما يغلبه الوضع فيصور الآخرين بهذه الصفات
لا لشئ إلا من اجل وضع اسفين بين اي اتنين متفقين في الرأي ..
يا تراجي هذا المعاق ذهنياً - اعني صديق مهدي علي - اتفق على بؤسه وبؤس كتابته وعدم فكره اغلب الوان طيف المنبر سواء سياسي او فكري او اجتماعي او خلافه ..
فهل اصبح الجمع عندك كلهم رهط - اتحاديين على اخوان مسلمين على كيزان على شيوعية على ضحكنجية على لعبنجية على حركة شعبية ووووو - ماعدا بعض الأفراد ممن ينتمون لحزب الامة -
فهل تجمع كل هؤلاء على صعيد رهطٍ واحد للنيل من فضيلتو صديق مهدي علي ؟؟!

إذن ما اسعدك يا ايها السودان إن كان مثلك كصديق يوحد شتاتك ويجمع ابنائك في رهطِ رأية واحدة ..!

يا تراجي استخدام لغة ملاسي وإيحاءات رهط وتبع وجماعة فلان دي ما بتاكل عيش لأنها غير لائقة
وما بتشبهك..


دا من حيث العنوان في عضمو .. وبرجع لموضوع كضب صديق ولفحك إنتي للكلام كيف ..

Quote: اطالبتموني باللينك وانا قلت لكم انه صادق وقد سمعتها باذني لم اراى بها كفرا ولكن فقط احضرته لكم حتى لا تطلعوا الرجل كذابا.

طيب يا تراجي عشان يكون الكلام ماشي واحدة واحدة قلتي سمعتي الكلام القالوا صديق
بأضانك وهو صادق فيما قال بس نحن عاوزين نطلعو كضاااب ..
اوكي صديق قال التالي:

Quote: فيديو و الميرغنى يخطب و الى جواره حاتم يهتف و الصح ولد .

في بوست عنوانه : هذا كفر يا حاتم السر عندما تهتف و تقول للميرغنى و هو بشر أحد أحد

وانا شخصياً قبلها لم أري الفيديو ولا شاهدتو.. بكل اريحية طلبتو عشان ندين الفعل يدينا الرابط
او لينك الفيديو .. فلم يجب.. - لاني عارفو كضاب ولفاح طالبتو مرة تانية

الآن طالما تكرمت ياتراجي بإيراد الفيديو الطالبتك بيهو أيضاً اسمحي لي اقول ليك سمعك ما ياهو
أو امسحي الشاشة فكلام صديق بيقول انه حاتم هو من يهتف بجوار الميرغني بما إنه من يهتف
شخص آخر استلم المايكرفون من حاتم السر وبقي حاتم السر بجوار الميرغني.. دي الكضبة الاولي

إنتي يا تراجي جيتي قلتي برضو هناك :

Quote: يا جماعه هي الراجل ما كذاب انا سمعتها بنفسي في فيديو منشور هنا. لكن لم ارى فيها تكفير!

اها انا بقول ليك الراجل كضاااااب كضااااب اشر
فعنوان البوست بيتكلم عن حاتم السر وليس عن الهتاف ويقول هو كفر..
يبقي هو الكضب كيفنو ؟؟!
ويبقي التكفير كيفنو عشان انتي تفتي فيهو ؟!

هسع بسألك الكان بيهتف حاتم السر والا غيرو ؟؟

من ردك علي ود محجوب إقتبس التالي :

Quote: وشخصيا قدمت شهادتي واضحه في البوست الاول وقلت انا سمعتها فعلا ولكني لم ارى بعينين بان الهاتف هو حاتم السر وقلت ايضا من يعرف (تونه) الصوي قد يفتي ولن لا اقول هو

طيب يا تراجي طالما إنت ما شاهدتي بأم عيونك ولا عارفة تون الصوت عشان تفتي
مش اقلاها تلتزمي بأنك ما تفتي في صدق او كذب صديق مهدي علي..
صديق كلامو واااضح حاتم السر كافر لانه بيهتف احد احد
الفيديو لا يثبت ذلك ولا الصوت - يبقي صدقو وينو هنا؟!

Quote: مطاردة ناس حيدر الزين له غير موضعيه وفيها حركات فتونه لا تليق بهم ايضا.

فتونة عديييل يا تراجي .. ههههههههه
يآخ صديق دا مالو بيتفتونو عليهو صغير والا جاهل والا عضير ؟!
بالجد حننتيني عليهو وقلبي رقّ لمن دموعي قربن يجرن شو ..
واوعدك إني تاني ما بتفتون عليهو الولد المهيض الجناح الرقيق الهش دا..

صديق من هنا ورايح انت تحت حماية تراجي دي وحمايتي وأي زول يتكلم معاك كلمة ما تعجبك
قول ليهو بكلم ليك القدرك واديني جرس .. عشان اجي ادقو ليك..
- يا تراجي صديق اكبر مني عمراً وبالتاكيد خبرة وتجربة
وزول قارئ وخريج جامعي يبقي نتفتون عليهو بياتو فهم يعني ؟!

Quote: هو له طبظاته ودي ما بنكرها ولكن هنا لم يكذب.

لا كضاب لانه البيهتف ما حاتم السر..
وصديق ماعاوز توضيح ولا بيفهم توضيح ولو جيتي توضحي ليهو بيشتمك
واهو بيان بالعمل ما نالك من البوست دا بسببه ..

حيدر الزين وحياتك ما اتوقعت ده يكون ردك.

بجيك بركه الصباح لو الله هون .

سلامات يا تراجي .. وتصبحي على الف خير ..

ـــــ
اتمني انه في الرد ما يكون هناك ما خرج عن اللياقة والادب
حبيت اغطي النقاط كلها في بوستك دا

ويبقي الإحترام والتقدير

حيدر الزين
سلام

وشايفاك ما عاجبك البوست

انت لو حقاني اولا تعتذر ولكن للاسف طلعت مكابر.

وانا على فكره ما تنشغل حتى بالرد علي لاني ارى ان البوست استنفذ غرضه.

اولا:
هذه مداخلتي في البوست الاصلي
كان ممكن ترجع لها بدل العربي الكثير الصرفته هنا ده

وهذا ما كتبته انا من قبل وهو واضح مصل الشمس الا لمن بعينيه رمد!

Quote: يا جماعه هي الراجل ما كذاب انا سمعتها بنفسي في فيديو منشور هنا. لكن لم ارى فيها تكفير! يا صديق عيب يا حبيب..... انتو كلكم طائفين اختلافكم ما مفروض يصل للدرجه دي. والتصوير لم يوضح انه حاتم السر ام لا صحيح كان واقف جواره وقدمه وربما التون الصوتي نفسه يثبت انه حاتم السر ولكني لم اراهوا رؤية العين يهتف بها. وبعدين احد حقت اسم الجلاله ديك معرفه بالالف و اللام ما نكره كده ولا شنو؟؟؟ Quote: الاحد وليس Quote: أحد كده بس زي ما سمعناها.

طيب يا حيدر انا نفسي مفرضو تعتذر لي
لاني وضحته...انه اولا الزول البقول فيها حسب التصوير غير واضح.

وقلت بصريح العباره لم ارى حاتم السر يقولها.

يبقى الجزء بتاع حاتم السر ده انا ثبته بانه لا يوجد دليل بانه قائلها
وان رجعت وقلت لكن لو بعضهم يعرف (التون الصوتي) لحاتم السر دي حاجه ثانيه.

يبقى كلامي واضح انه ما تسجيل مباشر.



انا صديق وطرطشته ودروشته ما سائله فيها
ولكن حيرتني انت الزول الكنا خاتين فيك رجاء وبقيت مباري الفارغه؟؟؟
مالك ومال صديق وما مالك ومال ظعيط ومعيط؟؟؟واسيب الكيزان الهم الصلا اصل المشكله؟؟




نرجع لرهطك العامل فيها زعلان عليهم
لا يا حيبيب يا هم رهطك....ومبارينك في الفارغه
وسيعد انت باوهامه وهبالتهم البعلموها كلهم في البوستات.

وعندكم شلة واضحه وزي ما قلت فيها من كل الوان الطيف
وهذا لا يحمل لهم دعما بل ادانة لانه للاسف الجمعتك الفارغه
وعاملين فتوات البورد.





و الكلام انتهى ومفروض تعتذر لي انا دي الكمان عايز تشب لي في حلقي وتديني دروس عصر.

حسه ثبت انه في فيديو...ولو عايزيني ارجع اجيب اقتباسك البتسالني حوله
انه جيبوا الرابط اولا بجيبه لك.

اها جبنا الرابط

تبقى كمان عايز تغالطنا القالته حاتم ولا ما قاله
دي ما قضيتي انا شخصيا وثبت من الاول انه لا يوجد ما يثبت
انه قاله حاتم...مع انه ممكن يكون قاله برضو
طالما اثبت الاتحادين انه هتاف معروف لديهم.

شوية وبرجع ليك يا تراجي في كلامك الكتير الصرفتيهو دا ليس لسبب
إلا لانك زعلانة من صديق مهدي ..


سلام

طيب ،،،

كتبتي يا تراجي :

Quote: وشايفاك ما عاجبك البوست انت لو حقاني اولا تعتذر ولكن للاسف طلعت مكابر. وانا على فكره ما تنشغل حتى بالرد علي لاني ارى ان البوست استنفذ غرضه.

أكيــد يا تراجي ما عاجبني البوست ووريتك السبب إني معترض عليهو من عنوانه نفسه
وبدل تقولي غلطة منك شايفك مصرة عليها بل وبتأسسي لكلامك دا
والأغرب إنك بتطالبيني بإعتذار !!

دا بجيك ليهو في الجزء التاني من المداخلة او من ردي .. لاني مش ما حارد زي ما طلبتي مني
بل بالعكس حا ارد واسهب عل امل إنك انتي التقتنعي وتعتذري ..

قلتي أولاً :

Quote: وشايفاك ما عاجبك البوست انت لو حقاني اولا تعتذر ولكن للاسف طلعت مكابر. وانا على فكره ما تنشغل حتى بالرد علي لاني ارى ان البوست استنفذ غرضه.

يا تراجي مداخلتك رجعت ليها وجبت ليك إقتباسات منها هنا دا لو قريتيها
بل وحتي رفعت البوست فوق عشان يتضح ليك الخلاف في شنو ..
ابسط ليك النضم في نقاط واحد اتنين تلاتة ..

1- دام ظله الشريف صديق مهدي فتح بوست اتهم فيهو حاتم السر بإنه بيهتف للميرغني احد احد وبذلك قام بتكفيره
2- إعتراضي قام على إنه حاتم السر لم يهتف بالهتاف دا بل المسك المايكرفون زول غيرو
3- إنتي اثبتتي واقعة الهتاف ولم تؤكدي هل هو حاتم السر او غيره كما إنك اعترضتي على مبدا التكفيــر

لغاية هنا متفقين ؟؟!

4- جيتي فتحتي بوست وقلتي يا حيدر ورهطه هاكم دا الفيــديو وصديق مهدي ما كضاب ..
يبقي هنا معني الكلام الماكضب فيهو صديق شنو ؟!
الخبر الجابو صديق مهدي انه حاتم بيهتف ودا عنوان بوسته ومداخلتينو فيهو والقال فيهن انه حاتم كفر وهتف
وتجي إنت تقولي دا ما كفر أولاً وغنك ما متاكدة من إنه البيهتف حاتم السر ام لا .. ثم تستدركي بإنه
صديق مهدي صادق وغيــر كاذب !!!
يبقي انتي بتنفي بإصرار خبريتو حول التكفير
ثم تشككي في خبرو حول أن حاتم السر هو من قام بالهتاف وتقولي غير واضح من مقطع الفيديو
ثم يا تراجي تصفي صديق مرة اخري بالصدق وإني ( ورهطي ) بنطاردو يبقي كلامك بيستقيم بياتو معني او آلية للفهم

يا تراجي الله عرفوهو بالعقل وليك هدف آخر من البوست كما يتضح لي ودا الحاجيك ليهو بعدين ..

وكلامي الفوق دا كلللو بتؤكدو للمرة التانية جزئيتك دي :

Quote: طيب يا حيدر انا نفسي مفرضو تعتذر لي لاني وضحته...انه اولا الزول البقول فيها حسب التصوير غير واضح. وقلت بصريح العباره لم ارى حاتم السر يقولها. يبقى الجزء بتاع حاتم السر ده انا ثبته بانه لا يوجد دليل بانه قائلها وان رجعت وقلت لكن لو بعضهم يعرف (التون الصوتي) لحاتم السر دي حاجه ثانيه. يبقى كلامي واضح انه ما تسجيل مباشر.

يبقي عدم كذب صديق وصدقو استند على شنو ؟!
هل استند على انه بيأخد حاتم بالشبهة الإنتي نفيتيها وطالبتي بالتاكد والا كيف؟!

ما شاعرة انه هنا في تناقض !!!!

Quote: نعم تستاهلي يا تراجي لانك فرقت بين خلافاتك الشخصية وانحيازك للمبادي بغض النظر عن راي الشخص البتدعمي فيك انتي شفتي شي غلط وحاولتي تصححي اذا فانتي تستاهلي صفقة وثناء فالثبات على المبادي لا يقوى عليه الا الشجعان وانتي شجاعة

في دي بتفق معاك يا ود العمدة تماماً لانه تراجي اثبتت انه خلافها الشخصي مع احد ما لا يعني ان تغض
الطرف عن الحق والحقيقة وبذكر انه صديق شتمها قبل كدة وهسع عاد ليها الكلام انها غواصة - وباقي الإتهامات المجانية البيوزع فيها كل يوم مجان دي..

تراجي موقفها - من حيث المبدأ والروح في عضمها الكايسة للحق وإحقاقه صاااح -
لكن الاستندت عليها في تقيم الحق دا ما صاح لانه في النهاية صديق كضاب
زي ما قلنا من الاول وبيلفح النضم ساي

موقف تراجي من حيث المبدأ زي ما قلت مقدر لكن اجمل ما عبرت بيهو هي هو
عدو عاقل خير من صديق جاهل ..

ـــــ
وصديق دي وقعت في المثل بمعناها وعلمها موضوع البوست ..

تحياتي يا ود العمدة

أها يا تراجي عشان ما تقولي شئ والله وتشيليني ذنب صديق مهدي ساي

بذلت ليهو النصيحة هنا وانا جادي وخلص فيها

لكن شايفو برضو مصر على قرعنتو وهبالتو ..

نصيحة خالصة للاخ عضو المنبر .. المحترم صديق مهدي علي

نرجع للجزء التاني من مداخلتك واللهو كما واضح سبب البوست :

Quote: انا صديق وطرطشته ودروشته ما سائله فيها ولكن حيرتني انت الزول الكنا خاتين فيك رجاء وبقيت مباري الفارغه؟؟؟ مالك ومال صديق وما مالك ومال ظعيط ومعيط؟؟؟واسيب الكيزان الهم الصلا اصل المشكله؟؟

اكيد ما حاتسألي في دروشتو يا تراجي خاصة وغنه رغم محاولتك إبعاده عن المتفتونيين لكنه لم يقبل مساعدتك
في إنك عاوزة تطلعيهو صادق كسر رقبة .. لكن طبعاً شايف بهمك انا وغني زول فارغ ومباري المقدودة..
وحكمك دا بينقاس بشنو لو سألتك ؟!
أيوة جاوبتيني بينقاس بإني ما اسيب الكيزان اللي هم أصل المشكلة..
وانا بقول ليك الكيزان يا ستي ما هم اصل المشكلة براهم مشكلتنا مدورة من سنة 1955م يعني ليها 55 سنة
وتشمل السياسين السابقين والحاليين والطلعو في كفر السسياسة حديثاً سواء هنا او هناك ..
ومشكلتنا في جنس نوع تقييمك دا وعاوزة كل الناس تنظر من منظار واحد وتتفاعل مع الاحداث باعصاب واحدة
مشكلتنا في إننا من خمسة وخمسين سنة طالعين في راسنا ناس عاوزننا ننفذ ما يروهو هم وفقط دون
حساب ادني خيار لنا آخر وإننا ممكن نحل قضايانا بطرقنا الخاصة وبعد الخمسة وخمسين سنة
لسع بيجينا جيل جديد من السياسين وبيطرحو خيارهم لكن ما بينتظروا راينا عاوزين برضو يكونوا
زي السابقين وخيارهم هو الوحيد الصحيح..
لا يا تراجي عفواً انا بعرف متين إتكلم في السياسة ومتين اتكلم في الكورة ومتين اغني ومتين اتونس
ومتين انوم ومتين أصحي بدون ما يكون لي الفة في البورد يقول لي أقعد الآن مربع يديك ووقت يدق الجرس
يقول لي اطلع فسحة شم هواء وارجع ..
أنا لاحظت لطريقتك دي مش معاي بس لكن مع بعض الاعضاء الهنا التانيين بتطلقي عليهم صفة إنصرافية
وغنهم بيخدمو خط غير الخط الوطني ووووو كانما الخط الوطني دا بيعبر عنه ناس محددين وما سواهم مُجرد رهط
حايم في المنبر وراء الفارغة بس زي ما قلتي..
او كأنك بتعتبري المنبر دا هو قبة البرلمان ومجلس الكونجرس حا يصنع لينا السياسة السودانية..

دا مفهوم للأسف لا يتماشي مع روح ما كنتي تدعو ليهو من قيم السودان الجديد ..


ولسع برجع ليك عشان اسهب في النقطة التالتة .. إستحمليني

و الله لكن يا صديق مهدي حظك

بالله الزول دا بستاهل الكلام دا كلو ؟؟؟

لكن عرفنا حيدر الزين رهطه ديل منو ؟؟؟

Quote: و الله لكن يا صديق مهدي حظك بالله الزول دا بستاهل الكلام دا كلو ؟؟؟

أبو حسين يا شلة او يارهط - حسب ما يحلو ليك -

النقة مافي صديق مهدي .. النقة في تناقضات تراجي الحايمة بيها في البوست دا
ووقت جاء زعلها صديق ما لقت الا حيدر الزين الحيطة القصيرة تفش فيهو غبينتها ..


ابقي طيب ونتقابل في بوست رهطوي آخر .. هسع ماشي انوم

في النقطة التالتة الأنا كنت متوقع إنك حكمية وما تزيدي الطين بلة يا تراجي قلتي :

Quote: نرجع لرهطك العامل فيها زعلان عليهم لا يا حيبيب يا هم رهطك....ومبارينك في الفارغه وسيعد انت باوهامه وهبالتهم البعلموها كلهم في البوستات. وعندكم شلة واضحه وزي ما قلت فيها من كل الوان الطيف وهذا لا يحمل لهم دعما بل ادانة لانه للاسف الجمعتك الفارغه وعاملين فتوات البورد.

وهنا رفعتي الكورة السماء قدر ما باصرت ادليها ليك ما قدرت ..

أولاً أقري كلامي دا على ضوء مداخلتي السابقة في إنك عاوزة تنصبي نفسك ألفة السياسة بالبورد
ثانياً لو جيت قلت ليك اكتبي اسامي شلتي القلتي الواضحة دي هنا ما أظن تواتيك الشجاعة وتكتبيها
أو حاولي بالله أخذليني ووريني شلتي الواضحة المعالم !!
ثالثاً يا تراجي بطلي إنك تقري كل شئ من واقع من يتعامل معاك هنا وكل زول جاري وراك محل ما لفحتي توبك سبقك ينقز..

الحمد لله اغلب اعضاء المنبر بعتبرهم أصدقاء وبعضهم في مقام استاذ بالنسبة لي وبعضهم لمتنا وبتلمنا دروب
الزيرو ون دا .. وعمري ما غلطت في شئ وفيهم زول جاء برر لي هنا لكن باخد في راسي وابلع زي الترتيب منهم
زي ما مفترض هسع انتي تبلعي بوستك دا ..
واقرب اصدقائي هنا لو غلط بتلقيني اول من واجهه بغلطه واتكلم معاهو ..
يبقي الشلة دي هي كيف؟! ومحددها عندك شنو إنه ناس بيلمهم بوست يتونسوا ويتباسطو فيهو يبقوا خلاص عندك شلة ومجتمعين على الصاح والغلط ؟!
لا يا تراجي البعرفهم بيجتمعو على الصاح ويتناصحو على الغلط ولم ما فهمو الغلط أقلاها ما بيعنو بعضهم عليهو...
وبعديــن امثال صديقكك الطيرة دا الجاية تدافعو عنه ما محتاج فتوة عشان يكلبعو هو براهو بيكلبع نفسو وكل يوم والتاني
حجرو غاطس زيادة ورامي نفسو في زبالة الاخلاق زي ما سبقوا بمراحل صاحبك التاني هشام هباني الما سلمت مرة ولا راجل من بذاءته وسفاهته وسفالتو ..

ثم ما تناقضي نفسك ناس افكارها ومشاربها السياسية والفكرية مختلفة تماماص وكل واحد في غتجاه لكن كلهم
إتفقوا على خطا محدد في البورد دا بيقوم شخص او اتنين يبقي اتلموا على الفارغة ومقدودة كيف؟!
الفارغة المتهم دي هل هي اقتناعهم انه في شئ خطا لازم يعالج يبقي فارغة ..
وإنتي الخطا دا عشان إنتي الوحيدة الفاهمة وعارفة عاوزة تبرري ليهو وتدافعي عنه وتطلعيهو كسر رقبة صاح ؟!

تراجي ختي الكورة واطة ،،،


وبرضو لو رجعت ليك استحمليني

ونجي للنقطة الاخيــرة العاوزة تمسحي فيها كل كلامك الفوق دا بجرة كيبورد وتحددي إنه الكلام انتهي
وخلاص يا ولد يا حيدر اعتذر لي وفرتق :

Quote: و الكلام انتهى ومفروض تعتذر لي انا دي الكمان عايز تشب لي في حلقي وتديني دروس عصر.

قلتي يا تراجي :

Quote: حسه ثبت انه في فيديو...ولو عايزيني ارجع اجيب اقتباسك البتسالني حوله انه جيبوا الرابط اولا بجيبه لك. اها جبنا الرابط

نحن من الأول مشكلتنا الرابط في حد ذاتو والا الرابط البيثبت إنه صديق مهدي صادق في كلامو ؟!
إعتقد إنه مشكلتي معاهو في الرابط البيثبت صدق صديق مهدي في كلامو
وقلتها ليهو بالواضح جيب مصدر او رابط بيثبت صدقك او إنت كضااااب كضااااب كضااااب
وجيتي انتي تداخلتي قلت ليك يا تراجي جيبي لينا الفيديو او لنك
عشان نشوف كلام صديق مهدي وبالحرف الواحد قلت .. انا مقتنع انه صديق كضاااب ولاافح النضمي
وإنتي الله يديك العافيــة جبتي الرابط واثبت صدق كلامي وانه صديق كضاب ولفاّح
أها اليعتذر منو ؟!

Quote: تبقى كمان عايز تغالطنا القالته حاتم ولا ما قاله دي ما قضيتي انا شخصيا وثبت من الاول انه لا يوجد ما يثبت انه قاله حاتم...مع انه ممكن يكون قاله برضو طالما اثبت الاتحادين انه هتاف معروف لديهم.

طالما ما إنها قضيتك .. وإنتي ما عارفة لا يحزنون المدخلك في النص شنو عشان تفتي وتطلعيني فتوة
وزول فارغة ومقدودة ومباري شلة ما عندها اي هم بالسبب الأساسي لكارثة ومشكلة السودان ؟!
وطالما إنك ما عارفة انه حاتم هتف والا ماهتف البيخليك تقولي صديق مهدي صااااادق وما كذاب شنو في حين هو بيقول
حاتم كافر لانه بيقول للميرغني احد احد ؟!
شوفتي بتدخلي نفسك في حتات ضيقة كيف براك ..
لو كمان قاعدة تدي دروس عن الوطنية ووجوب اعتذاري ليك ...
إعتذر ليك في شنو في إساءتك لي ولزملاء المنبر ووصفنا بالفتوتات واننا شلة بنطارد زول من محل لي محل
زي الأكنو هو عاجز او عضير وانتي جاية محزمة وسطك بتدافعي وتوزعي في الإساءات شمال ويمين ..

دا بوستك الكتبتيهو تردي ما تردي .. تعتبري الكلام انتهي تعتبريهو يادوب بدأ ..
المهم تعرفي موطئ قدمك قبال تدوسي على طرف زول تاني ..
والاهم من دا كلو تعرفيانتي بتقولي في شنو وتدافعي عن منو وليه
واهم المهم غنك ما تتناقضي في طرحك وحديثك ويكون عندك وحدة موضوع وفكرة ..


إنتهي الدرس يا قولك ،،،،

تراجي دى زاغت يا عمك ..
انت بتناقش في الهوا سااى !

Quote: انت بتناقش في الهوا سااى !

شنو يا سعادة السيناتور رمز الماسورة

انا هسع منتظرك تتجدع شوية تجي تحبطني كدة وتقول انت بتتكلم في الهواء

غايتو الفيك اتعرفت والحمدلله الحموك تخش المركز الإنتخابي

حكم(جمع تكسير)

Quote: مطاردة ناس حيدر الزين له غير موضعيه وفيها حركات فتونه لا تليق بهم ايضا.

هسسع ممكن احلم ببوست زي دا منك بيلوم صديــق مهدي عشان بيطاردني بمواضيع معنونة باسمي في المنبر العام

الزول دا - حسب ما وصلني فح تلاتة بوستات باسمي يوم الجمعة وبكري حذفها قبل ما أشوفها-

هل اتوقع منك يا تراجي انك تلوميهو ؟!


ـــــ

ودا فوووق .. عشان الما بيشتري يتفرج


ــــــ
ترجعي بالاسلامة يا ستي وربنا يجعلها دورة مباركة ومحضورة

ربنا يهدئ النفوس ..


ــــــ
ولو خجلانة قولي لي وأنا بحذف واحسم القصة


تحياتي

حيدر سلامات

اولا انا لا اتابع مطاردات لانه مافي زمن لها....
وهذا البوست ليس لنصرة احد غير الحق.

انتو غالطوا صديق انه فديوي مثل هذا لا يوجد وانا اتداخلته موضحه اني لمحته يوما ما
طالبتموني ابللينك جبته لكم لانه وقع بعيوني صدفه برضو؟؟؟؟


اها نبقى في غلاط قدر ده؟؟؟؟

Quote: هسسع ممكن احلم ببوست زي دا منك بيلوم صديــق مهدي عشان بيطاردني بمواضيع معنونة باسمي في المنبر العام الزول دا - حسب ما وصلني فح تلاتة بوستات باسمي يوم الجمعة وبكري حذفها قبل ما أشوفها- هل اتوقع منك يا تراجي انك تلوميهو ؟!

هل لمتك انا على مطاردتك ليه؟؟
ما انت مستمر وآخرين مستمرين...ليس بحق صديق فقط وانا عضويه كثيره
في ناس متفرغه لبعصها البعض.....اها انا حددت لك هدف البوست
انه بشأن شهادتي فقط وهذا كل ما هنالك.

Quote: للأسف (أبو هاشم) قد باعكم وقبض الثمن عن طريق السمسار ا...مصري ( توجد فضيحة)!! اطالبتموني باللينك وانا قلت لكم انه صادق وقد سمعتها باذني لم اراى بها كفرا ولكن فقط احضرته لكم حتى لا تطلعوا الرجل كذابا

السيدة تراجى
وبالرغم من تحملنا لمهاتراتك واحترامنا لك الذى لا يليق بك ا وهى وان ازدادت شرفا عضوية المنبر العام استغرب الى افعالك الخرقاء لكننا نحمد الله كثيرا على نعمة العقل وسعة الصدر فينا ونحمده ان هدانا الى عدم النزول بمقامنا الى هذا الدرك الاسفل وانما هى طبيعة التربيه وحياء الرجال وهو نفس الحياء الذى نزع من هذة المراه مما جعلها تبادر بالقول والاعن واظهار وجهها القبيح للملا نكاية فينا وتستشهد بمن كاتب البوست الذى لا نتشرف بذكر اسمه المنكود الذى يكتب ما لم يعرف معناه /السيد قبض شنو
تلك الاشاعات القذرة التى تروجون لها كانكم مرتزقه ليس الا
فال###### ينبح والجمل ماشى
ولكن وان كنا على قدر الحلم فى التعامل مع انثى العنكبوت الاسود هذى فنحن الى الغضب اقرب وانما منعنا من التصرف معها على شاكلة تصرفها شعورنا انها اجهل ان نرد عليها ولا تظن اننا لسنا بقادرين

الاستاذ ازهري سلميان

شكلك اتحادي ختمي متعصب لذا يصعب مناقشة امثالك....


اولا هذا البوست ليس دفاعا عن صديق
وكلامي واضح..وليس تبرير لمعظم كتاباته الخرقاء.....
كيف ترغب بحسابي عن كلام لم اكتبه؟؟؟؟

Quote: السيدة تراجى وبالرغم من تحملنا لمهاتراتك واحترامنا لك الذى لا يليق بك ا وهى وان ازدادت شرفا عضوية المنبر العام استغرب الى افعالك الخرقاء لكننا نحمد الله كثيرا على نعمة العقل وسعة الصدر فينا ونحمده ان هدانا الى عدم النزول بمقامنا الى هذا الدرك الاسفل وانما هى طبيعة التربيه وحياء الرجال وهو نفس الحياء الذى نزع من هذة المراه مما جعلها تبادر بالقول والاعن واظهار وجهها القبيح للملا نكاية فينا وتستشهد بمن كاتب البوست الذى لا نتشرف بذكر اسمه المنكود الذى يكتب ما لم يعرف معناه /السيد قبض شنو تلك الاشاعات القذرة التى تروجون لها كانكم مرتزقه ليس الا فال###### ينبح والجمل ماشى ولكن وان كنا على قدر الحلم فى التعامل مع انثى العنكبوت الاسود هذى فنحن الى الغضب اقرب وانما منعنا من التصرف معها على شاكلة تصرفها شعورنا انها اجهل ان نرد عليها ولا تظن اننا لسنا بقادرين

شتيمتك الفارغه تدل عليك ولكن لا تهزني
اعرف مواقفي واعرف حدودي مع من يحترم نفسه.
فكف عن شتم الآخرين وانت لا تفقه معنى البوست ولست مجبره بالشرح للاغبياء.

تراجي وحيدر

عليكم الله كان الزول بقى كوز ،عليهو لوم؟
أقلاهو لا أكون في خندق واحد معاهو

استاهل انا يا صديق الاثبته انك ما كذاب!!

لحدت العبارة الفوق دى تم البلع بنجاح
الا ان بعض المشاركات اللاحقه انقذت الموقف

تراجى ياخ معليش عودتك تزامنت مع البلعه دى
خيرا فى غيرا يازوله
الاحداث المسخنه كتيره اليومين ديل
شوفى ليك حاجه تكسبك شئ من التأييد وبعض من التضامن

جنك قام تاااني يا تراجي شايفو ورفعتي بوست ( الرهط)


يانزار حسين قلت ليك شنو؟؟

الزولة دي ما بتفرز نهائي وكلهم عندها جلابة .0..

اليقابل الاخت تراجي مصطفي يسلم لي عليها شديييد ..