دعوة للبورداب لتكريم الاخ محمد E سليمان

فهو الوحيد الذي يجعل دخولنا المنبر هذه الايام ممكنا
عن نفسي اعطيه وسام ( النجاضة )
اشهد انك الوحيد هذه الايام القادر علي امتاعنا

اثنى

أرفض

ود الصائم .. قوم لف
طلعت قرموط ساي وإصطادتك ناعورة بالصدفة
أثني حبا في فيما بين السطور والغتاتة

شنو يا اساسي يا اخي؟؟؟
قالوا لك بلديتنا ده ما عنده ناس يدافعوا ليه قلت تقوم عليه؟؟


الدكتور المحترم محمد سليمان مشكتله الوحديه انه جادي دائم.
حتى هظاره جادي ومخلص جدا ولا يحب ان يكتب اي كلام غير متأكد منه
التحيه له.

أساسي يا أمير الظلام ، سلام
الكلام ده كتبتو أول أمس :

Quote: يا محمد عثماننا ، هذا الحبشي من أكتر الناس علما و سعة في الإطلاع ، صاحب معرفه حقيقيه وأدب لا تخطئه العين ، لا يستنكف أن يعتذر إن اخطا ، و لو خيرت بمقابلة بني أدم واحد في هذا المنبر لاخترت الحبشي بلا تردد ، للرجل مكانه عظيمه في قلبي !! all that been said : الحبشي ملك ملوك الكركبه الاسفيريه و مبتدع علم كماين السايبر ، غااااالاط و ممكن يجيب ليك كلام قلتو من الأرشيف قبل ما تشترك هنا ذاتو !

و ده كتبتو أمس دي

Quote: دكتور محمد الحسن سليمان الشهير بالحبشي واحد ممن تضرب لهم أكباد الابل و وتثنى لعلمهم الركب ، شاء من شاء و أبي من أبي !! الزول ده بس محتاج انك تفهمو ، لا أكتر لا أقل !!!

القصه باختصار شديد : الحبشي من أعمق الناس هنا و أكترهم بتاع كركبه !!!
عشان كده أنا مع ود الصايم : الزول ده ما يكرمو !! لانو ممكن يجي يزرزركم واحد واحد عن سبب التكريم و مالاته و يعمل ليك مقاربات يطلع ليك إنو كيكي أولي بالتكريم !!!

أثني بشدة

Quote: لا يستنكف أن يعتذر إن اخطأ

و أنا على ذلك من الشاهدين..

والله الزول ده إعتذر لي لمن خجلني !

Re: إلاّ رسول الله!!!

Quote: حتى هظاره جادي ومخلص جدا ولا يحب ان يكتب اي كلام غير متأكد منه

أصابت تراجي.. والثانية سمة العلماء

و أكتفي بهذا القدر قبل أن:

Quote: يجي يزرزركم واحد واحد عن سبب التكريم و مالاته و يعمل ليك مقاربات يطلع ليك إنو كيكي أولي بالتكريم !!!

التحية للأخ محمد الحسن سليمان

علمو ما بناباهو ،، لكن البيعمل فيهو ده ،، الانتو قاعدين تقولو عليها زرزة وما شابه ذلك ،، ده اسمو همز وغمز ولمز
وده البيخليهو يومو كلو يقعد يعتذر ،، ماممكن الزول معظم كلامو يكون غامض وما مفهوم ولما تسألو يرد ليك بي
سؤال ،، معقولة ياخي نحنا ناقصين

هو نعم ماهر في فن اللولوة واللف والدوران ،، بيحاول بي علمو الفي راسو يجرجرك لي اخطاء ما تكون انت حاسبها
وبعد داك يمسك ليك فيها

علمو الفي راسو ده مخليهو يتعالى شوية ،، ولما انت تحس بي كده يرقد ليك واطة ويعمل ليك ابوجهل

وبرضو تكريمو ما بناباهو ،، طيب قولو لينا نديهو شنو

مُدقق لدرجة تدعو للإعجاب ...

محمد سليمان انسان جدير بالاحترام

محمد E سليمان
نابغة في مجاله ..
البسمة لاتفارقه ..
سريع البديهة ..
يحب الله بقوة ثم رسول الله (صلى الله عليه وسلم) ولايقبل فيهم ابدا ..
رفع اسم السودان عاليا في مؤسسة مرموقة خارج البلاد ولهو أخوة اخرون دكاترة نوابغ التحية لهم ولعلمهم ..

الأخ الكريم أساسي
السلام عليكم ورحمة الله
أولا شكرا لمتابعتك وربنا يجعلنا عند حسن ظنك
عيب عليك خجلتني تكريم شنو عليك الله ؟
شفت اختيارك لاسمي في قائمة كتابك
أقوم أصدق يعني وللا إيه ؟
-------
يا تراجي الله يهديك حكاية دكتور دي جبتيها من وين إنت وشربكت فيها تبارك ؟
موضوع الدكتوراه دا أنا وضحت أكتر من مرة .
والمتشبع بما لم يعط كلابس ثوبي زور
طيب كدا ورطة من الجهتين.
لو سكت على على منحكم لي لقبا لا أستحقه وعملت نايم
بكون متشبع ومتظاهر بأني دكتور ودا لبس ثوب زور !
وكمان لو حاولت أقنعكم بعدم حملي لهذه الدرجة ولم تقتنعوا وواصلت إصراري على إنكارها
سوف تحسبون أن الأمر تواضعا مني وأنا لا أعرف عن نفسي التواضع .
كدا برضو أكون متشبع بتواضع ليس لي .

ههههههههههههههه
أستغفر الله العظيم
البوست دا بقى زي الإيميل الإسبام !!
تجيك رسالة تشكرك شكر نامن تتكيف وتعجبك نفسك وتقرب تصدق
إنو الكلام السمح دا كلو فيك !
أنا ما عارف الرسائل دي بتجيكم وللا لا .
قلت شنو يا تراجي ؟
(( مشكتله الوحديه انه جادي دائ))) ههه
من أكبر مشاكلي يا تراجي إني قدرت أكون جاد .
-------------------------------------------------------
يا حبيبنا وائل عندك كتاب حقك معنا في البيت

زول لذيذ وجميل


اتشرفت بمعرفتو...


ــــــ
بس فيهو حبة فلكبة لو خالها يكون امنقا زول

الأخ احمد صديق
السلام عليكم ورحمة الله
يا زول إنت أحسن زول في البوست دا
كلامك على العين والرأس !
أولا العلم الذي تتحدث عنه غير موجود.
ثانيا: حديثك عن ((قعادي )) ((كل)) يوم في الاعتذار غير دقيق زي كلام تراجي عن جديتي الدائمة .
ثالثا: التعالي الذي نحدثت عنه موجود لكنه ليس بسبب العلم كما بينا في النقطة الأولى.
رابعا : قولك إن معظم كلامي غامض وغير مفهوم دي بقدر أغالطك فيها لأن قياسها عندك إنت ما عندي أنا .
خامسا: لا أذكر أني قد دخلت معك في حوار وسأتني فرددت عليك بسؤال !!!!!!!!!!!!!!!!!!!!!!!!!!!!!!!
سادسا: لا أذكر أني تعاليت عليك ولم أحسست أت بذلك رقدت لك واطة أو عملت ليك فيها أبا جهل .
هذه نقاط ست ذكرتها لك غيرة على الضبط والتدقيق ،خلاف ذلك فإن ما أهديته إلي من عيوبي فصحيح لك الشكر
ذلك وأرجو الله أن يخلصني منها .

الأخوان عمر عشاري وخالد العبيد
السلام عليكم ورحمة الل
تحياتي وشكري لكلامكما الطيب عني
لا أخفي عليكما سروري به على ما فيه من سرف ومبالغة
------------------------------------------------------------------
الأخ محمد عثمان السلام عليكم ورحمة الله
كلامك عني يفرحني لكنه غير صحيح
وأنت معذور إذ تقيسني على بعض إخوتي .
آخر مرة قابلتك في جيتكس دبي
وكانت آخر مرة قبلها في نادي الأساتذة جامعة الخرطوم .

يا دكتور إمام ما استشهدت به من اعتذار لهو من فضل ما تعلمناه منك
لك تحياتي وتقديري وودي.
---------------------------------------------
يا أمين خال حمور
هههههههههههههههههههههه قربت أصدق كلامك دا
قربت شنو صدقتو عديل كدا وقمت راجعت الجنك ميل بتاعي
لقيت الرسالة دي :
Dear M. SELIAMAN,

It is my pleasure to inform you that you are being considered for inclusion in the upcoming 2011 Edition of Who's Who in the World, which is scheduled for publication in November 2010.

From the publisher of Who's Who in America since 1899, Who's Who in the World is relied upon by business leaders, journalists, academics, and other professionals for its accuracy and currency of information. Distributed globally, it is found in the collections of many of the world's leading libraries and corporations.

As the Marquis Who's Who editors begin assembling the 2011 Edition of this historic publication, the original Who's Who in the World continues to be recognized internationally as the premier biographical data source of notable living individuals from every significant field of endeavor.

To be considered for inclusion as a biographee in this prestigious publication, you need only provide the requested information by completing the Biographical Data Form by February 15, 2010.
الأمريكان ديل
ههههههههههههههههههههههه
أول مرة أفهم القول العربي إن الأحمق يغره الثناء بما ليس فيه

Quote: رابعا : قولك إن معظم كلامي غامض وغير مفهوم دي بقدر أغالطك فيها لأن قياسها عندك إنت ما عندي أنا .

بالله اثبت ليهو - ولي - يا محمد الحسن

انا شخصيا بشعر بيك زول ساخر للطيش وبتسخر من اي شئ لدرجة ابو دلامة نفسو ....

يىخ المتعة في متابعة السخرية بين سطور حرفك


تقول لي ما مفضل

ــــــــــ
احييك يا اساسي رغم إنك ما اساسي وانا هسع بجدة ولولا الظروف وشيل الحال كنت سعيت لمقابلتك بس بعد صورتك الشينة في الفيس بوك ديلك ما عاوز اقابلك لا يحزنون :)

يا أخانا حيدر
أمري معك يشعرني بالنفاق في قلبي
إخلاف مواعيد ونقض مواثيق
رجاء يا حيدر حدد وقتا ومكانا واضحا لنتشرف بلقائك
---
شكرا يا أساسي وغفر الله لك
لن أجعل نفسي حبيس هذا الخيط
الشكر لكل من مر من هنا
والشكر مقدما لكل من أرجو ألا يمر ليخط في حقي ما أشتهيه من الثناء غير المستحق
دكتور عبد الله مداخلتك دي قبل التعديل دا

يا محمد الحسن ساغيب - بإذن الله- هذا الاسبوع وثلاثة ايام قادمات عن الشرقة في مامورية عمل بجدة

الخميس القادم سأكون بالدمام بالتاكييد

أرجو اننا نتقابل خميس او جمعة - لا فرق - هاتفي لديك
ويشرفني إن لم تسعفك الظروف التي اعلمها للخروج ان آتيك بالمنزل في أي وقت بمعيةحمد فتح الرحمن وعوض هارون للمعرفة

هم أصدقاء وقبلها راعيين لبورداب الشرقية


ـــــــــــ
تقبل مودتي ورغبتنا في جعلك عصو اصيل بيننا نستفيد منه ..!

للذين لا يعرفون الأخ محمد

فهو مثال للسوداني الصادق المخلص الوفي

عالم

متواضع

مثقف

يحترم الناس كبيرهم و صغيرهم

عارف بإمور دينة

وفوق هذا وذاك رب اسره ممتار

يكتب في المواضيع الجاده

اوآآآآآآآآآآآآآآآآآآآآآآآآآآآآآآآآآفق علي تكريمة

Quote: أرجو اننا نتقابل خميس او جمعة - لا فرق - هاتفي لديك

يا حبشي .. ركّز على الخميس قبل صلاة العشا

ازيك

يا السماني

ما هو المعيار ؟