كيف تتوقعون سيناريو الانتخابات... إذا ما كان قرنق موجود

لا نقول إلا ما يُرضي الله... فقد أراد أن يموت قرنق تلك الميتة الغريبة وفي توقيت يظل يحيّرني وكأنني أشاهد فيديو لمُخرج يهوى الإثارة....

سؤال تبادر إلى ذهني بعد ان رأيت هذا الفيديو...


أسمعوا كلام قرنق للنهاية بالله، شوفوا العقل الكان حيكون معانا في الايام دي.. لولا إرادة الله

http://www.youtube.com/watch?v=O1g_MSuTXYk



الله يرحمه




*بالله ما تقلبوا لينا البوست انه ما مسلم ما تترحموا عليه...

مريم الاخري

اعتقد كانت ستذهب الاصوات التي نالها ياسر عرمان للبشير

وسيصوت الجنوبين للوحدة

الاخ خليل

Quote: عتقد كانت ستذهب الاصوات التي نالها ياسر عرمان للبشير

ياخ حرام عليك.... اصلا ياسر عرمان ما كان حيكون في الصورة زاتو.... وقرنق كان اكتسح الشمال والجنوب.... ويفوز فوز أوباموي (رغم اني زعلااااااااااااانه من اوباما الايام دي)


عليك الله اقرا الكلام ده ... من الفيديو أعلاه.... والله محمود يفهمه...

John Garang

Quote: نحن في الحركة الشعبية بنقول الدين علاقة بين الإنسان وربه، بين الخالق والمخلوق.. ناس بيقولوا ده إسلام، وناس تانين بيقولوا ده مسيحية، وهي نفسها العلاقة دي، بين الزول وربه.. أما الدولة، خلقناها نحن، موش ربنا الخلق الدولة.. دي الفلسفة بتاعتي وبتاعة الحركة (يضحك).. الخلق الدولة موش ربنا، الخلق الدولة إنسان.. زي ما الإنسان خلق العربية، الدولة برضها خلقه... See Moreا إنسان، فإذا في زول بيفتكر إنه العربية ممكن تؤمن، لأني خلقتها، نفس الشيء مع الدولة.. فالدين ده علاقة بين الشخص وربه، والدولة ما ممكن يكون عندها دين.. أنا ما شفت يوم واحد دولة مشت يوم الجمعة المسجد تصلي، إنتم شفتوا دولة زي دي؟ ولا يوم الأحد، بالنسبة للمسيحيين، مافي دولة بتمشي الكنيسة يوم الأحد.. مافي دولة بتمشي الحج لمكة، ده إنسان البمشي.. وإذا متنا بعدين ومشينا لربنا، مافي دولة حا تمشي جهنم أو دولة حا تمشي الجنة، بس انت الإنسان البتقيف أمام ربنا وبتُحاسب على أعمالك