تنميط الشخصية السودانية

الشعوب العربية الصديقة
تصنع لنا صورة مفترضة فى المخيلة
تحشرنا داخلها
ثم تبدا فى وضع الانطباعات والتعلقات والنكات
يعنى
السودانى كسلان
السودانى مسكين
السودانى بسيط

من الامثلة

كثيرا ما يقابل باستنكار قولى اننى لا اشك فريق الوحدة الاماراتى
كيف يا ريال السودانيين كلهم يحبون الوحدة

اها يازول انا ما بحب الوحدة رايك شنو


جارى المواطن الاماراتى
يصادفنى دائما وانا اعمل امام المنزل
مرات فى القراش ومرات فى الزراعة
فاجئنى
شايفك نشيط يازول والله انت مش سودانى


فى اليمن
مستحيل انك تقنع يمنى انك ما شغال مدرس

فى الشارقة
تركب مع بتاع التاكسى السودانى
وتقول ليهو البطينة
طوالى
ينبرى ليك
وايوة انا معلوم بطينة
كلش سودانى بطينة يسكن عمارة السفينة
وصلو ما تقدر تقنعو انك ما ساكن فى سفينة الجن دى

عاد يا محمد سيد
افه التنميط طالت السودانيين براهن
ما تراى السودانيين زاااااااتن ينمطوا في بعض
عندي علي فكرة بوست قدييييييييييييييم عن التنميط وقع في عينك ؟

العزيزة امانى
الله كيف
نحنا ذاتنا فى التنميط الداخلى ما هيينين
بس الواحد لوراجع النكات التى تتناول المجموعات العرقية

فى ليبيا
عندهم اعتقاد فرحانيين بيهو
وهو انو السودانى لازم يكون راكب كريسيدا
مربوطة بنكتة اصلو ما بتضحك
لكن بالنسبة ليهم قمة الكوميديا
النكتة بتقول
سودانى راكب كريسيدا هلكانة
قالو ليهو بيعا
قال ابيعا كيف دى النميرى ذاتو ما ركبا
عليكم الله هسا الكوميديا وين