Post: #6 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-02-2010, 06:18 PM Parent: #5
الدعوة عبر الرسالة القصيرة جاء فيها(يحتفل ابناء الجالية) والصحيح ( يحتفل ابناء المؤتمر الوطني)!
Post: #7 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-02-2010, 06:20 PM Parent: #6
التسابق في تنظيم الاحتفال بين(المستشار) و(المهندس) كان على طريقة (الاتحاد الاشنراكي) ولذا كان الفشل ولم يتحقق الحشد المطلوب!
Post: #8 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-02-2010, 06:21 PM Parent: #7
(المهندس) يحب الاضواء ولذا يشكو من (تجاهله) اعلاميا ويهدد بقطع الارزاق والتي هي بيد الله سبحانه وتعالى.
Post: #9 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-02-2010, 06:23 PM Parent: #8
ديباجة اللجنة المنظمة على صدر( كل من هب ودب) وعددهم كان كثيرا في المسرح!
Post: #10 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-02-2010, 06:50 PM
الخبر مقتبس (بتصرف) من موقع المؤتمر الوطني :
Quote: مُعْتَزْ القُريْش ـ الدوحة: بنادي الغرافة بالدّوحة إجْتمع المِئات من مُحبِّي و موالي و مًنْسوبي المُؤْتمر الوطني و الرّئيس البشير مساء الجُّمْعة الموافق 30 أبريل 2010 إحْتِفالاً و احْتِفاءاً بانْنتِصار البشير و حِزْبه في الإنْتِخابات العامة بالسُّودان. و تخلّل الحفل فقْرات غِنائيّة وطنِيّة و نظمٌ شِعريٍ فريد تمجيداً للحدث و كانت تتعالى الهُتافات تهْليلاً و تكْبيراً فرْحةً بما تمّ مِنْ إنْجاز ساهموا فيه كثيراً كناخِبين و مُصوِّتين و كان البشير قد أشاد في لقاءه الجامع أمس بمعرِض الخُرْطوم الدولي بوقفة أبناء الخارِح القوِيّة التي نصرته و شدّت مِن أزْرِه بنِسبة تصويت فاقت الـ 80%. و ردّد الحاضِرون بنادي الغرافة (سير سير يا بشر نِحْنا جِنودك للتّعمْير) و قد شرّف الحفل سعادة السفير إبْراهيم عبْد الله فقيري سفير السُّودان بِدوْلة قطر و أعْضاء السّفارة و رئيس و أعْضاء الجّالِية السُّودانِيّة بِقطر و قادة و أعْضاء الرّوابِط السُّوادِنِيّة المُقيمين بِقطر.
1- مطلوب تحديد العدد بدقة. 2- ما هي الروابط التي حضرت .
_____________ كاتب الخبر (موظف) تم اعتماده بوظيفة إعلامي في الانتخابات ودي (مخالفة في حد ذاتها)!
Post: #11 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-03-2010, 08:41 AM Parent: #10
تابعونا
Post: #12 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-03-2010, 09:07 AM Parent: #11
الصور من ود القريش :(الحقوق محفوظة)
الكراسي فاااااضية!
برنامج 0(جنة الاطفال) ... ياربي ديل صوتوا مع الاربعة آلاف .
وده كل الحضور.
Post: #13 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-03-2010, 10:02 AM Parent: #12
Quote: كاتب الخبر (موظف) تم اعتماده بوظيفة إعلامي في الانتخابات ودي (مخالفة في حد ذاتها)!
ياااااي يا ماما خوفتني يا فيصل كدا حرااااام قطع الأعناق ولا قطع الأرزاق يا فيصلو
بالمناسبة قضية صاحبك خضر عطا المنان وصلت وين
عالم غريبة ما بتعرف تفرق بين معنى اعلامي وصحفي لا وقالوا هم صحفيين .. الله يرحم أيام الصحافة
قوموا لفو بلا هم معاكم
Post: #14 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-03-2010, 10:31 AM Parent: #10
Quote: الخبر مقتبس (بتصرف) من موقع المؤتمر الوطني :
والبخليك تتصرف شنو في كلام ما حقك وبعدما اتصرفت ليه ما قلت اتصرفت في شنو ؟ أوعك تقول لي ختيت خط تحت الكلمة الاتصرفت فيها لأنك عشان تدلس ختيت الخط في محلين محل اتصرفت فيه ومحل ما اتصرفت فيه عشان تلخبط الناس
Post: #15 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-03-2010, 10:51 AM Parent: #14
Quote: كاتب الخبر (موظف) تم اعتماده بوظيفة إعلامي في الانتخابات ودي (مخالفة في حد ذاتها)!
ود القريش ن تحياتي،الفهم مطلوب واعادة القراءة ضرورة!
............. سبق ان قال الزميل كمال سالم : إذا كنت اعلامي فماذا يكون فيصل الزبير،يكون(حلاق)!
Post: #16 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-03-2010, 11:39 AM Parent: #15
كدي يا فيصل بدل تجيب ليك صورتين تلاتة تعال هـــنــــا واتفرج كويس وخليك متابع معانا لسة الجاي برفع الضغط والسكري معا
Post: #17 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-03-2010, 03:11 PM Parent: #16
Quote: قالوا ان اكثر من 4 آلاف صوتوا له بينما حضر الاحتفال اقل من "الف" وفي رواية ةاخرى 500 شخص الغالبية لتاء التأنيث والشحانية!
مع انو كلامك غلط لكن نقول انو صاح هل يلزم كل من صوّت للبشير أن يحضر الاحتفال ياخ مش ممكن يكون عندو ظروف ما قدر يجي يمكن ولدو في المستشفى ولا فجأة كدا مرتو الحامل بطنا وجعتا ويمكن عربيتو ما فيها بترول أو بطاريتا حلفت بي دينا وأيمانا ما تدور ويمكن ما سمع أصلا بموضوع الاحتفال دا أو سمع متأخر وكان مرتبط بي حاجة تانية
Post: #18 Title: Re: فشل احتفال المؤتمر الوطني ( فرع الدوحة) بفوز البشير Author: خالد عبد الله محمود Date: 05-03-2010, 05:46 PM Parent: #17
Quote: هل يلزم كل من صوّت للبشير أن يحضر الاحتفال
الملائكة ديل يحضروا كيف يعني ؟؟ خليكم واقعيين شوية يا فيصل !!
Post: #19 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-03-2010, 06:39 PM Parent: #18
ود القريش ،للتكرار لزوم ، الحديث عن (مخالفة انتخابية) باعتمادك كاعلامي وليس (مخالفة لوظيفتك)، وليس في الامر"قطع ارزاق" كما تصورت! ارجو الفهم لانه حسب علمنا منحت بطاقة إعلامي وكمان مكتب خلال انتخبات الرئاسة .
Post: #20 Title: Re: فشل احتفال المؤتمر الوطني ( فرع الدوحة) بفوز البشير Author: محمد أبوالعزائم أبوالريش Date: 05-03-2010, 08:15 PM Parent: #19
الأخ فيصل ... تحياتي ..
كلامك حقيقة غريب ..
بقول كدة لأنو المعلومة الجاتني (أثناء الإحتفال) إنو الطرق المؤدية لنادي الغرافة أصبح السير فيها شبه مستحيل، ومن يصل هناك يظن أن الدوحة عن بكرة أبيها في هذه البقعة.
والله ياخ المسألة بقى فيها الكذب أكتر من الصدق.
أرقد عافية
Post: #21 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-04-2010, 10:09 AM Parent: #20
منتظرين باقي الأسباب وشرح الأسباب الفوق
Post: #22 Title: Re: فشل احتفال المؤتمر الوطني ( فرع الدوحة) بفوز البشير Author: كمال سالم Date: 05-04-2010, 01:00 PM Parent: #21
Quote: منتظرين باقي الأسباب وشرح الأسباب الفوق
يافيصل ود القريش ده عايز يشتت الكوره سيبك منو وواصل فى موضوع البوست .
وأرجو يافيصل أن تستوضح لنا عن من هى الجهه التى قامت برعاية الإحتفال السفاره أم الجاليه ؟ لأننا نريد أيضا أن نحتفل بفوز سلفاكير برئاسة حكومة الجنوب ونحتاج لنفس الدعم المادى واللوجستى سواء من السفاره أو الجاليه . برضو سلفاكير ده مـش شريك أساسى ونائب أول لرئيس الجمهوريه ؟ أرجو الإفاده سريعا حتى نتمكن من التجهيز للإحتفال خلال الأسبوع القادم ,, مع تحياتى ,,
Post: #23 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 06:44 AM Parent: #22
Post: #24 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 06:56 AM Parent: #23
Post: #25 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 07:16 AM Parent: #24
Post: #26 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 07:50 AM Parent: #25
Quote: يافيصل ود القريش ده عايز يشتت الكوره سيبك منو وواصل فى موضوع البوست .
يا كمال سالم انتو ما محتاجين لزول يشتتكم انتو مشتتين خلقة والمثل بقول (الضرب على الميت حرام)
Post: #27 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 08:01 AM Parent: #22
كتب كمال سالم:
Quote: وأرجو يافيصل أن تستوضح لنا عن من هى الجهه التى قامت برعاية الإحتفال السفاره أم الجاليه ؟ لأننا نريد أيضا أن نحتفل بفوز سلفاكير برئاسة حكومة الجنوب ونحتاج لنفس الدعم المادى واللوجستى سواء من السفاره أو الجاليه . برضو سلفاكير ده مـش شريك أساسى ونائب أول لرئيس الجمهوريه ؟ أرجو الإفاده سريعا حتى نتمكن من التجهيز للإحتفال خلال الأسبوع القادم ,, مع تحياتى ,,
يا كمال سالم عضوية المؤتمر الوطني ما محتاجة لدعم السفارة ولا الجالية
البدفعوا ياهم ديل أمثال هيثم حامد الفكي ابن عمي رجل الأعمال ونائب أمين المال في الجالية
والـــقــــيـــادي في المؤتمر الوطني
Post: #28 Title: Re: فشل احتفال المؤتمر الوطني ( فرع الدوحة) بفوز البشير Author: المسافر Date: 05-05-2010, 08:22 AM Parent: #27
Post: #29 Title: Re: فشل احتفال المؤتمر الوطني ( فرع الدوحة) بفوز البشير Author: كمال سالم Date: 05-05-2010, 08:39 AM Parent: #28
Quote: يا كمال سالم عضوية المؤتمر الوطني ما محتاجة لدعم السفارة ولا الجالية
البدفعوا ياهم ديل أمثال هيثم حامد الفكي ابن عمي رجل الأعمال ونائب أمين المال في الجالية
والـــقــــيـــادي في المؤتمر الوطني
يعنى ناس المؤتمر الوطنى هم الخاطبوا نادى الغرافه بورقهم المروس وعملوا الحجوزات والترتيبات ؟؟ أول مره أعرف إنو فى كيان فى الدوحه إسمو المؤتمر الوطنى يستطيع أن يخاطب الجهات الرسميه بدولة قطر!! .
Post: #30 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 09:30 AM Parent: #29
Quote: يعنى ناس المؤتمر الوطنى هم الخاطبوا نادى الغرافه بورقهم المروس وعملوا الحجوزات والترتيبات ؟؟ أول مره أعرف إنو فى كيان فى الدوحه إسمو المؤتمر الوطنى يستطيع أن يخاطب الجهات الرسميه بدولة قطر!! .
انت بتألف من راسك يا كيمو ؟؟
انت سألت عن التمويل ونحنا جاوبنا اللولوة ليك شنو ، خلي صاحبك دا يعترف بنجاح الحفل ولو مغالطنا وما مصدقنا أسأل اليوتيوب الفوق بيتنا
Post: #31 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-05-2010, 09:35 AM Parent: #30
ومن الاسباب:
مهندس واعلامي ..!
Post: #32 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-05-2010, 09:36 AM Parent: #31
وفي رواية اخرى: غرافيك ديزاينر وموظف!
Post: #33 Title: Re: فشل احتفال المؤتمر الوطني ( فرع الدوحة) بفوز البشير Author: كمال سالم Date: 05-05-2010, 09:53 AM Parent: #32
Quote: انت بتألف من راسك يا كيمو ؟؟
أبدا والله يامعتز ,, بـس أنا سؤالى كان ذو شقين شق عن الدعم المالى وشق عن الدعم اللوجستى ,, وإنت جاوبت عن الشق الأول ولم تجاوب على الشق الأهم وهو اللوجستى . الدعم المالى ده ممكن ( سيدة الأعمال ناديه ) تدعم ما مشكله ,, بـس عايزين نعرف الدعم التانى لاننا زى ماقلت فوق محتاجين لمثل هذا الدعم من أجل الإحتفال بفوز سلفاكير برضو !
مـش قلت ليك بهناك إنت أطرش فى الزفه !!
Post: #34 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 10:07 AM Parent: #33
Quote: بـس عايزين نعرف الدعم التانى لاننا زى ماقلت فوق محتاجين لمثل هذا الدعم من أجل الإحتفال بفوز سلفاكير برضو !
حاولوا مرة كدا اعتمدوا على أنفسكم يعني بالعربي كدا خلي بالك في ورقتك بلاش بصبصة واتكالية أمشي شوف الطريقة شنو الممكن تحتفل بيها بسلفاكير
Quote: مـش قلت ليك بهناك إنت أطرش فى الزفه !!
أطرش في زفة البشير أخير مليون مرة من قيادي في قطيع المعارضة
Post: #35 Title: Re: فشل احتفال المؤتمر الوطني ( فرع الدوحة) بفوز البشير Author: المسافر Date: 05-05-2010, 11:08 AM Parent: #34
ATRASH GOOD GOOD GOOD GYADI NO NO NO
Post: #36 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 02:02 PM Parent: #35
يا فيصل يا أخي بحاول ألقى لي جملة مفيدة من مداخلاتك ... ممكن تساعدني ؟
ولو ممكن برضو تجيب لينا المادة الفي قانون الانتخابات البتقول (لا يجوز للموظف أن يكون اعلامي)
Post: #37 Title: Re: فشل احتفال المؤتمر الوطني ( فرع الدوحة) بفوز البشير Author: مريم بنت الحسين Date: 05-05-2010, 02:36 PM Parent: #36
يا جماعة... العرب ديل ما برضوا... صورة البشير دي اكبر من صورة حمد وولده!!! ده كلام ده ياخوانا!
Post: #38 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-05-2010, 04:32 PM Parent: #37
Quote: ولو ممكن برضو تجيب لينا المادة الفي قانون الانتخابات البتقول
قول واحد :
- انت موظف في كهرماء. - المهنة موظف - في جوازك المهنة ليست اعلامي. - في السجل يتم كتابة الرقم الشخصي والوظيفة وعنوان العمل وبالتأكيد الوظيفة ليست اعلامي، وعنوان عملك ليس الجزيرة.
Post: #39 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-05-2010, 04:35 PM Parent: #38
ثانيا وهذا هو الاهم : ماهي وظيفتك الرسمية التي هي مصدر دخلك وما هو مكتوب في جوازك؟
..... انا لااستطيع ان اقول انني محامي او مستشار قانوني - علما بان القانون درسناه في مادة الشريعات الاعلامية - وتخصصي صحافة واعلام ودراسات دبلوماسية.فكيف تدعي انك اعلامي .
Post: #40 Title: Re: فشل احتفال المؤتمر الوطني ( فرع الدوحة) بفوز البشير Author: Faisal Al Zubeir Date: 05-05-2010, 04:37 PM Parent: #39
حسب قانون الانتخابات ،يتم اعتماد المراقبين بموجب طلب يقدمه الشخص المعني لضابط الانتخابات ، وحسب علمي لم تقدم مثل هذا الطلب. الاهم سالت ضابط الانتخابات واعترف بان وجود بصفة اعلامي ليس قانونيا ولكن لسبب شخصي!
Post: #41 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-05-2010, 10:52 PM Parent: #40
يا فيصل حيرتني ياخ أسألك من حاجة تجاوب على حاجة
Quote: قول واحد :
- انت موظف في كهرماء. - المهنة موظف - في جوازك المهنة ليست اعلامي. - في السجل يتم كتابة الرقم الشخصي والوظيفة وعنوان العمل وبالتأكيد الوظيفة ليست اعلامي، وعنوان عملك ليس الجزيرة.
دي معطيات معلومة مع بعض الاجتهاد منك
Quote: ثانيا وهذا هو الاهم : ماهي وظيفتك الرسمية التي هي مصدر دخلك وما هو مكتوب في جوازك؟
دا تكرار لما ورد أعلاه يعني زيادة كلام بس لأنك أجبت على السؤال دا براك في ردك السابق صحيح ؟
Quote: انا لااستطيع ان اقول انني محامي او مستشار قانوني - علما بان القانون درسناه في مادة الشريعات الاعلامية - وتخصصي صحافة واعلام ودراسات دبلوماسية.فكيف تدعي انك اعلامي .
مزيد من التكرار ونظام شوفونية أنا لا علاقة لي بما درست وليس كل من درس فهم
Quote: حسب قانون الانتخابات ،يتم اعتماد المراقبين بموجب طلب يقدمه الشخص المعني لضابط الانتخابات
دا اجتهاد من عندك أرجو ذكر المادة ورقمها ثم ثانيا من قال لك أنني مراقب ؟ أنا قلت اعلامي الجاب مراقب هنا شنو؟
Quote: وحسب علمي لم تقدم مثل هذا الطلب.
اجتهاد آخر من بنات أفكارك
Quote: الاهم سالت ضابط الانتخابات واعترف بان وجود بصفة اعلامي ليس قانونيا ولكن لسبب شخصي!
سألتو بصفتك شنو ؟ هل أنت مراقب أو مندوب مرشح ولا شنو بالضبط كدا ولا كان كلام ونسة ساي مع الضابط
بعدين السبب الشخصي دا شنو ؟ أنا لا حصل شفتو ولا بعرفو قبل الانتخابات دي
تكرار للسؤال : ما هي المادة التي تمنعني من نقل أخبار الانتخابات ؟
وسؤال تاني بالجنبة كدا بس عشان أنا استفيد بس
ماهو الفرق بين الاعلامي والصحفي ؟ وماهو التعريف اللغوي والاصطلاحي لكلمة اعلامي ؟ وهل الاعلام وعاء يشمل الصحافة أم الصحافة هي الوعاء الذي يشمل الاعلام ؟
Post: #42 Title: Re: فشل احتفال المؤتمر الوطني ( فرع الدوحة) بفوز البشير Author: عبد الملك يوسف الملك Date: 05-05-2010, 11:15 PM Parent: #41
ولم يتبق الا ان نتحدث عن فشل حفل يمكن الناس الصوتوا لايحبون الاحتفالات يعني هل كل مكاسب المعارضة النضالية يافيصل الزبير ان حفل المؤتمر الوطني لم ينجح طيب دع الذين تسببوا في فشل هذا الحفل ان يعبروا عن نجاحهم في افشال الحفل بحفل اخر ليكون حفل المعارضة اكبر من حفل المؤتمر حتى يصلح الحفل ما افسدت الانتخابات
كل بدعة اعلامية ضلالة
Post: #43 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-06-2010, 00:13 AM Parent: #42
ولم يتبق الا ان نتحدث عن فشل حفل يمكن الناس الصوتوا لايحبون الاحتفالات يعني هل كل مكاسب المعارضة النضالية يافيصل الزبير ان حفل المؤتمر الوطني لم ينجح طيب دع الذين تسببوا في فشل هذا الحفل ان يعبروا عن نجاحهم في افشال الحفل بحفل اخر ليكون حفل المعارضة اكبر من حفل المؤتمر حتى يصلح الحفل ما افسدت الانتخابات
كل بدعة اعلامية ضلالة
لن أضيف على قولك قول أخي عبد الملك
إلا أن أقول (مين يفهم)
Post: #44 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-06-2010, 01:00 AM Parent: #43
Post: #45 Title: Re: فشل احتفال المؤتمر الوطني ( فرع الدوحة) بفوز البشير Author: معتز القريش Date: 05-23-2010, 10:27 AM Parent: #44
الأخ الصحفي فيصل الزبير
وينك يا راجل منتظرين الاجابة على أسئلتنا
Quote: سألتو بصفتك شنو ؟ هل أنت مراقب أو مندوب مرشح ولا شنو بالضبط كدا ولا كان كلام ونسة ساي مع الضابط
بعدين السبب الشخصي دا شنو ؟ أنا لا حصل شفتو ولا بعرفو قبل الانتخابات دي
تكرار للسؤال : ما هي المادة التي تمنعني من نقل أخبار الانتخابات ؟
وسؤال تاني بالجنبة كدا بس عشان أنا استفيد بس
ماهو الفرق بين الاعلامي والصحفي ؟ وماهو التعريف اللغوي والاصطلاحي لكلمة اعلامي ؟ وهل الاعلام وعاء يشمل الصحافة أم الصحافة هي الوعاء الذي يشمل الاعلام ؟
