مـعـقـولـة ...؟؟ الـسـودان بـلـد المـليـون ميـل مـربع ما فيهـو ( كورنجـبـّة ..!!!)

اتحاد الكرة السودانى ..طلب من نظيره المصرى ان يعامل اللاّعبون

قى البلدين اثناء الدورى المحلّى كلاعبين محلّيين ..مافى مشكلة
كان ذلك بعد ان طلب ناديا الهلال والمريخ بانضمام حسنى عبدو ربه وعصام الحضرى
حيث وافق الاخير باللعب لنادى المريخ الموسم القادم وبعد منحه الجنسيّة السودانيّة

السودان الذى انجب .. ماجد وجقدول ودريسة وجكسا والتقر وسبت دودو وزغبير وعمر الطير وبشارة وعلى قاقرين والدحيش وبطة وماماو والجقر والتعايشة وابراهومة وماذدا وكندوزة ....الخ

اليس بقادر الاتحاد على البحث والوصول الى انحاء السودان وايجاد من بلعب
بدلا من الغلب والغلب والغلب ..فأن لم يكن بالامكان .....؟؟!!!

جهّزوا الاشبال وارعوهم ...

القصة بقت موضة يا عمكـ .. وفيها شوية فشخرة كمان!
ما شفت لي دوري في العالم فيهو كمية تجنيس زي العندنا!
عشان كـدا شداد كان رأيو كويس في قصة التجنيس دي!

Quote: ما فيهـو ( كورنجـبـّة ..!!!)

فيهو يا أنور لكن بس مقصة إفقعوا مرارتك

هي لكين بالعدد يا عمك ، لو كان كده كانت الهند شالت كأس العالم وختتو كمان. تعرف ما في مواهب والموهبة ما في ليها مكان عشان تبرز وتشبع فيه موهبتها ، زمان كان في ملاعب وفسحات وميادين كل ميدان يا عملوهو جامع يا وزعوهو أراضي وحتى ميادين المولد مثلاً في بحري الميدان يكون في فترة من فترات السنة مولد يفرتقوا ناس الحولية وتفضل دكاكين الحلاوة عطاله مقنعه يقعدوا ليك لغاية المولد الجاي نوم وركلسه وبالليل يجوا ناس السوق والبكاسي نظام فندق مجاني ينوموا في الهواء الطلق وما في فرق بينهم وبين ناس المزاد أو الديوم مثلاً فإذا قٌدر لسكان تلك الأحياء إمتلاك مكيفات لتكييف الهواء تقيف الطاقة المحركة بينهم وبين يا نسمه ، أها لمن يجي رمضان تتحول لي دلاله وغبار وعلاله. الأمر الذي أصبحت معه ألعاب البلاي ستيشن رائجه في البلاد لأنها لا تحتاج لمساحة وتشبع رغبة الموهبة خاصة وأنه يقلد ميسي وأم سيسي.
بالله لو في مواهب كان العجب وهيثم وجيلهم هم التوب تن في كورتنا.
أما في شأن المحترفين فكما قال حسن المصري هناك محترف بألف دورلا وآخر بمائة ألف دولار والمحترفين بتاعننا ديل الواحد بجيك خلاص داخل الزووون يعني Approaching الثلاينيات من عمره المديد بإذن الله الأمر الذي يجعله مشروع محترف معتزل بحكم عامل السن كمان لو زي ما قالوا صغير في السن ولاعب خطير وكان في طريقه إلى برشلونه أو إياكس أمستردام زي ستيفن وورغو أها برضو بجي يجليها ثابته ويصاب بالنحس حتى لو إفترضنا جدلاً أنه حافظها فهو بالعين المجرده العاديه بتاعت ميادن عقرب وليق الخرطوم لاعب سليقه وفي رواية أخرى مويه.

الاستاذ انور

سلاميييييييييي

مانا ناس كورة قلنا نسلم عليك بس

الغالى وحبيبنا شيخ الطيّب

سلام ليك وشوق كتير

طيّب يا شيخ الطيّب .. زمان مكتبكم ..ما كان قريب من دار الرياضة

يعنى ما كنت بتسمع ( قون القطر يا حكم )
ياحليل ناس ود السكّة وكباكا

شكرا يا الحبيب

اخونا الـمـلا

تحايا وسلام ..واحترام

شكرا لك اخى ..وكل ماذكرته هو عين الحقيقة

وزمان كان قد اصدر السيد النميرى ( رحمه الله ) قرارا

يمنع التعدّى على الساحات والظاهر كل القرارات القديمة فعلا تصبح قديمة

وردّك مليان وشكرا تانى

خالص الود

اخونا سيف ..سلام معظّم

شكرا ليك ... بس المرارة دى تنفقع كم مرّة

هى مرارة واحدة ولا قصدك يحصل ليها ( انشطار ) وكل واحدة تنفقع براها ؟؟

لك شكرى الكثير على التعليق

اخوى محمد ..

كيف حالك وسلامات ..

اتمنى ليك الصحة والعافية ..واشكر مرورك ..يا طيّب

بس بالله عليك الجماعة ديل لو اعادوا لينا موضوع الاشبال ..كان

ارتحنا ولا ..؟؟؟

اشكرك تانى وخالص مودّتى