آخر الانباء من جوبا .. سلفاكير يتزوج من ابنة حاكم الاستوائية .. هل هو الزواج الثاني ؟؟

اكمل الفريق سلفاكير ميارديت رئيس حكومة الجنوب والنائب الاول للرئيس مراسم زواجه من ابنة حاكم الاستوائية كلمن واني امس الاول ..

ونتساءل هل هو الزواج الاول لسلفا أم ان عدوى التدبيل قد انتقلت جنوبا ؟؟

ألف ألف مبروكـ لحبيبنا سلفاكير
إن شاء الله بيت مال وعيال ياخ!ّ






يا عمكـ .. ما دايرين صور!

يا حبيب ده الزواج رقم ثلاثه!!

وسلفاتنا طلع فحلا بشكل يا زول العروس دي بتكون قدر ابنته؟؟!!


غايتو جنس حاله؟؟!!

Quote: ألف ألف مبروكـ لحبيبنا سلفاكير إن شاء الله بيت مال وعيال ياخ!ّ يا عمكـ .. ما دايرين صور!

والله لو شاف لي اخته في اطار تدعيم الوحدة وجعلها خيارا جاذبا










يكون ما قصر خالص تهانينا والتعددية سمحة

ما بيعرس مالو!!!!

مليان قروش وفحل (على قول تراجى) ..

البيمنعو شنو !!!!



معتصم ازيك ..


الشاذلى

يا الشاذلي
وقالك الانقاذ ادته بيت جديد بالرياض مجاور لعلي عثمان

Quote: ما بيعرس مالو!!!! مليان قروش وفحل (على قول تراجى) .. البيمنعو شنو !!!! معتصم ازيك .. الشاذلى

اها اظنه مع العفش الجديد قال كله آخير يتجدد!!

بالله

شوف الحسانيه في شنو وسلفاكير في شنو؟؟؟

آخير فعايل الحسانيه(هههههههه)!

قال انفصال قال!!

ما قلت لكم زول يحقق الانفصال ذاته مافي؟؟؟

اها جنس الناس البتعرس ومبسوطه دي باقي لكم دي ناسه جاده
وحاسه انه البلد مقدمه على تغيرات مصيريه؟؟!!


الله يرحمك يا د.جونق قرنق مائة مرة آخرى
كان تجيء تشوف المحن الفكيتها فينا دي؟؟!!

Quote: اها اظنه مع العفش الجديد قال كله آخير يتجدد!! بالله شوف الحسانيه في شنو وسلفاكير في شنو؟؟؟ آخير فعايل الحسانيه(هههههههه)! قال انفصال قال!! ما قلت لكم زول يحقق الانفصال ذاته مافي؟؟؟ اها جنس الناس البتعرص ومبسوطه دي باقي لكم دي ناسه جاده وحاسه انه البلد مقدمه على تغيرات مصيريه؟؟!! الله يرحمك يا د.جونق قرنق مائة مرة آخرى كان تجيء تشوف المحن الفكيتها فينا دي؟؟!!

غير معقول
سلفاكير مسيحي
ولا أظن أنه يتبع مذهبا يبيح التعدد
--------------
تحياتي يا معتصم
محتاج ليك ضروري

(شهريار) زمانه سلفاكير لن يحقق اي انفصال و الناس دي لو ...شوفوا لهم زعيم غيره!

Quote: غير معقول سلفاكير مسيحي ولا أظن أنه يتبع مذهبا يبيح التعدد

يا محمد اي سليمان
قلنا لك دي الثالثه ولاننا نعرف الاولى مقيمه باستراليا
و الثانيه معه بجوبا تغالطنا؟؟؟

نعلم انه مسيحي وفي المسيحين قلنا من قبل هو الكاثوليكي الوحيد بين الزعماء
والكاثولوكيه تنمع التعدد نهائي...لكن ديل كلهم نوع الدين يقيف برا من بيتي ونسواني!

يا تراجي ..

القروش دي ظاهرة ومعروفة لكن ...

معتصم نقطها مالك غلبك تتم شنو؟؟؟

Quote: يا تراجي .. القروش دي ظاهرة ومعروفة لكن ...

قصدك الفحوله؟؟؟

دي غايتو الزوجات هم بس البيفتوا فيها ما نحن!

كان نقصت بيتموها فياجرا ما تخاف!

يعني هسي في شهر العسل ؟

**
احسن ليهو يعرس من هسي
لانو الاستفتاء دا عواقبو ما معروفة

Quote: يعني هسي في شهر العسل ؟ ** احسن ليهو يعرس من هسي لانو الاستفتاء دا عواقبو ما معروفة

الناس انتهوا من قصة الانتخابات وبقوا يدبلوا اتنين اتنين وانت خليك مع ماسورتك ..

Quote: غير معقول سلفاكير مسيحي ولا أظن أنه يتبع مذهبا يبيح التعدد -------------- تحياتي يا معتصم محتاج ليك ضروري

سلامات يا عمك ...

مرحب والله ولو دايرني اجيك بيغادي بجيك ...


[email protected]
0

تحياتنا استاذة اكرام

Quote: يا الشاذلي وقالك الانقاذ ادته بيت جديد بالرياض مجاور لعلي عثمان

والله عزّا روحو .. جاور وناسب ..

Quote: قال انفصال قال!! ما قلت لكم زول يحقق الانفصال ذاته مافي؟؟؟

مالك يازولة عليهم!!!!

فاصلاهم مالك .. نائب رئيس وساكن جنب نائب رئيس ..

انتى قايلة الدنيا دى فيها شنو ...

Quote: اها جنس الناس البتعرص ومبسوطه دي باقي لكم دي ناسه جاده وحاسه انه البلد مقدمه على تغيرات مصيريه؟؟!!

ماتعزبى روحك امى ..
خلى الناس تعرس وتعمّر (وش كيف كيف)

الناس عادى ماخدين اتنين وتلاتة ..

برااكى الشايفة قصة التدبيل دى ماياها ..

اما الرجال كان لقو القرش .. والزمن (حلوة الزمن دى ) ..دربهم طواااالى على النسوان ..عرس جد


مودتى.

الشاذلى

Quote: اما الرجال كان لقو القرش .. والزمن (حلوة الزمن دى ) ..دربهم طواااالى على النسوان ..عرس جد

حقيقة والله

العزيزة تراجي الم يكن من الاجدى ان يتجه شمالا ويعزز الوحدة
من خلال توثيق الروابط الاجتماعية بين ابناء الوطن،،،لو كان تزوج من
الشمال لاصبح الزعيم الوحدوي الذي يورخ له التاريخ ويدخله من اوسع
ابوابه،، التعدد في الجنوب ليس له علاقة بالعامل الديني فهناك مثنى
وثلاث ورباع وخماس وسداس وووو الخ ، الامر ليس له علاقة بالدين بقدر
ارتباطه بالقيم الاجتماعية للمجتمعات المحلية،، لماذا نعيب عليه التعدد
طالما شريكه الاكبر في القصر قد سبقه الى ذلك.

اخي سليمان عبد الرسول سلام

Quote: العزيزة تراجي الم يكن من الاجدى ان يتجه شمالا ويعزز الوحدة من خلال توثيق الروابط الاجتماعية بين ابناء الوطن،،،لو كان تزوج من الشمال لاصبح الزعيم الوحدوي الذي يورخ له التاريخ ويدخله من اوسع ابوابه،، التعدد في الجنوب ليس له علاقة بالعامل الديني فهناك مثنى وثلاث ورباع وخماس وسداس وووو الخ ، الامر ليس له علاقة بالدين بقدر ارتباطه بالقيم الاجتماعية للمجتمعات المحلية،، لماذا نعيب عليه التعدد طالما شريكه الاكبر في القصر قد سبقه الى ذلك.

يتجه شمالا وين يا حبيب مالوا ومال المشكل؟؟
هو عبدالله دينق المعاكم كم سنه ومسلم زيكم ازوجتمهوا؟؟!!
عشان سلفاكير يفكر في بناتكم؟؟
مالوا ومالكم؟؟؟


بعدين يا حبيب نعيب عليه التعدد لانه وضع نفسه في مكان منحط ومتخلف مثل البشير
ولانه يفترض هو وليس البشير حامل لواء السودان الجديد؟؟؟

السودان الجديد يحمل رسالة انصاف للنساء وليس غبن مزيد من الاضطهاد.

السودان الجديد يعن نمط علاقات بين النساء و الرجال يسودها الاحترام
وليس الدونيه و القهر للنساء.


بعدين سلفاكير يفترض زولي يعني انا في مسعكره

والبشير عدو بالنسبة لي فانا افرح له كلما زاد انحطاطا وتفرغ لنزواته.

ولكن سلفاكير زولي ومعاي يفترض في خندقي و ما كنت عايزه اسمع عنه اخبار مثل هذه.


وقع لك الفرق بين الاثنين عندي؟؟!!

Quote: ولكن سلفاكير زولي ومعاي يفترض في خندقي و ما كنت عايزه اسمع عنه اخبار مثل هذه. وقع لك الفرق بين الاثنين عندي؟؟!!

العزيزة تراجي وقع لي الفرق عندك ولكن عندي لا فرق بينهما طالما كليهما يقوم بنفس الفعل
السودان الجديد الذي ناضل من اجله القائد الملهم قرنق انتهى برحيله.

سلفا لا يحمل فكر عبقري يجعل من حلم السودان الجديد واقع،،لقد اصابه غرور السلطة واصاب
الجماهير التي استقبلت حامل مشروع السودان الجديد في مقتل.
لقد اهتم بتثبيت سلطاته وبناء دولته الجديدة وتخلى عن السودان الجديد وابتعد عن البسطاء
الذين ضحوا من اجل الحرية والوحدة والمواطنة.

سلفا تخلى عن الخنادق واصبح من اصحاب القصور الرئاسية ويفعل ما يفعله شركاؤه في القصور

انصاف النساء يكون بتمكين المراءة من المشاركة الفعلية في مراكز اتخاذ القرارات التي تخص
المجتمع،،،نحن مع حقوق المراة ليس منة منا وانما حق من حقوقها،، لابد ان يكون للمراة دور
ريادي وفاعل في قيادة المجتمع والنهوض به.
كلنا لا نريد ان نسمع من سلفا اخبار لا تسر الحال ولا تريح البال ولكن بكل اسف سوف تسمعي عنه اخبار اكثر من الذي سمعتيه.

العزيزة تراجي مشوار نيل الحقوق طويل يحتاج الى نضال وتضحيات جسام،،خمسة سنوات مضت على اتفاقية
نيفاشا ولم تقدم للشعب شيء لا في الجنوب ولا في الشمال لان النظاميين اللذين يحكمان شطري الوطن
لا يومنان بحق الشعب في العيش الكريم ولا بالحريات فكليهما انظمة شمولية دكتاتورية،،فالمراة في
الجنوب مظلومة كحال نظيرتها في الشمال.

حديثي عن الزواج من الشمال فهو بقصد تعزيز الوحدة وازالة الحواجز الاجتماعية،، انا عشت في الجنوب واعرفه جيد وتربطني علاقات وثيقة مع الجنوبين ولدي المام ومعرفة بعادات وثقافات هذا الشعب بل ثقافات المجتمع السوداني الذي ابحث في تراثه العريق.

هناك فرق بين الزواج الاجتماعي والزواج السياسي فما اقصده هنا هو الزواج السياسي الذي يحمل دلالات
ومعاني،،عبدالله دينق واحد من الذين ساهموا في تمكين هذا النظام الذي يتضطهد النساء والرجال
على حد سواء ليس من العدل في شيء ان يكافأ على ما اغترفه من ظلم في حق الشعب السوداني بتزويجه
من شمالية او جنوبية لاننا لا نفرق بين المواطنين على اللون او الجنس او العرق او الثقافة كلهم
متساويين في الحقوق والواجبات.

Quote: ما بيعرس مالو!!!! مليان قروش وفحل (على قول تراجى) .. البيمنعو شنو !!!! معتصم ازيك .. الشاذلى

شكرا شاذلي

Quote: والله لو شاف لي اخته في اطار تدعيم الوحدة وجعلها خيارا جاذبا

done يا عمك

Quote: يا حبيب ده الزواج رقم ثلاثه!!

ورقم اتنين منو ؟؟

Quote: ألف ألف مبروكـ لحبيبنا سلفاكير إن شاء الله بيت مال وعيال ياخ!ّ

الله يبارك فيك يا عمك وعقبالك انشاء الله

معلوم ان تعدد الزوجات منشر فى الجنوب اكثر منه فى اى مكان آخر فى السودان

و فى ذلك يتساوى معتنقى المسحية و الاسلام و اصحاب الديانات التقليدية

كثير من اهلنا فى الجنوب لهم اكثر من زوجة .......

(((سلامات يا عمك ...

مرحب والله ولو دايرني اجيك بيغادي بجيك ...))))
شكرا يا معتصم على الأريحية واالمروءة ولاستعداد للخدمة
ما بتقصر .
فعلا محتج ليك تجي لأمين محمد سليمان دا .
الزول دا شابكني دكتور دكتور
وقايل عايز إثبات إنو أنا ما دكتور
دحين أنا موكلك حصريا للمهمة دي .

سلام
الآن أيقنت أن الجنوب لن ينفصل ابد ابد

هو اصلاً الزول بتزوج ارضاءاً للدين ام لنفسه؟
اعتقد انو الناس مفروض تكون صادقة مع روحها اولاً...
اثرياء النفط السوداني ديل لن يغلبهم التبرير وكل النجارين جاهزين ، ولا يهم الي فئة او
طائفة ينتمي الثري الانقاذي سواء اكان حركة شعبية او مؤتمر وطني ...
فقط في الختام أنا بعتبر ده شان خاص ولا علاقة له بالشأن العام .....
فمن الغير مفيد التدخل في الشؤن الشخصية للشخصيات العامة اسوة بالممثلين والفنانين.
مع تحياتي يامعتصم

الاخ معتصم
والاخوة المتداخلين
سلامي وتحياتي لكم جميعاً..
قرأت الخبر ووقفت عنده برهة من الزمن.. ونظرت في قيادات المؤتمر الوطني وقصة الزواج الثاني والثالث والرابع.. والزواج السري (النهاري) وقصص وحكايات غريبة..!!.
وزواج سلفاكير اعتقد انه قمة الشفافية إذا ما قورن بالطرف الثاني..!!.

Quote: سلام الآن أيقنت أن الجنوب لن ينفصل ابد ابد

اتفق معك يا شوقي سليمان
لانه قيادتهم الاثنين شبيهانا واتلاقينا!

قال سودان جديد قال!!

اخي الطيب رحمه قريمان

سلامات

Quote: معلوم ان تعدد الزوجات منتشر فى الجنوب اكثر منه فى اى مكان آخر فى السودان و فى ذلك يتساوى معتنقى المسحية و الاسلام و اصحاب الديانات التقليدية كثير من اهلنا فى الجنوب لهم اكثر من زوجة .......

اعلم هذا ولكن هل تعتقد هو سباب كافي لاستمراره من قبل القيادات؟؟؟

بعدين هؤلاء بيسو قيادات اي جنوب هؤلاء يفترض قيادات الحركه الشعبيه

تنظيم تقدمي ويدعو للسودان الجديد...فهل يعقل ان يكون فيه كل شيء جديد

الا انماط الزواج؟؟!!فهي قديمه؟؟!!

الاخت الفاضلة تراجى

لك التحية و التقدير

Quote: اعلم هذا ولكن هل تعتقد هو سباب كافي لاستمراره من قبل القيادات؟؟؟ بعدين هؤلاء بيسو قيادات اي جنوب هؤلاء يفترض قيادات الحركه الشعبيه تنظيم تقدمي ويدعو للسودان الجديد...فهل يعقل ان يكون فيه كل شيء جديد الا انماط الزواج؟؟!!فهي قديمه؟؟!!

تعلمين أنى كنت فى السودان خلال الفترة الماضية ...

فى الحقيقة وقفت على كثير من الاوضاع فى داخل السودان

فهناك كثير من الممارسات اليومية التى لا تمت بصلة من قريب او بعيد "لفهم و مبادئ السودان الجديد"

فهى فى حقيقة الامر خصما عليه ...

هل لى ان افصل لك ذلك فى موقع آخر... ؟

اشكرك يا تراجى .............

الزواج ساهل يا معتصم ..
بس نتائجه (إنشاءالله وليد واحد) يورثوا الحكم .. بيقدر ياربي ..
ولا زي أخووووهو الشمالي ..

اخي الطيب رحمه
شكرا على مرورك

وهذا فعلا انا مدركه له تماما

Quote: تعلمين أنى كنت فى السودان خلال الفترة الماضية ... فى الحقيقة وقفت على كثير من الاوضاع فى داخل السودان فهناك كثير من الممارسات اليومية التى لا تمت بصلة من قريب او بعيد "لفهم و مبادئ السودان الجديد" فهى فى حقيقة الامر خصما عليه ... هل لى ان افصل لك ذلك فى موقع آخر... ؟ اشكرك يا تراجى .............

مماراسات وطبظات يشيب لها الولدان.

وكان اتكلمنا اتقلمنا.


سلفاكير وباقان اموم كانوا افضلهم على فكره

فلم نمسع بغزواتهم النسائيه وهم منضبطين نسبيا مقارنه

بباقي الجماعه الباهلين الفيلم!




السؤال اي نوع من الثوار هؤلاء؟؟؟

هل سمعوا بجيفارا
كان ساكي النساء؟؟؟
ولا سمعوا بجمال عبد الناصر؟؟؟
ولا بوليم دينق؟؟؟؟
ولا بمعلمهم د.جون قرنق؟؟؟

العلمانيه لا تعني التحلل باي حال من الاحوال

وبالذات لما يكون عدوك المتربص بيك يمين متخلف مستعد لاستغلال كل الاسلحه ضدك
يفترض الا تمنحه فرصه مثل هذه.



الله في اخي الطيب

ومشروع السودان الجديد يحمل اداوت تقيمه لنفسه
وتصحيح مساره باذن الله.

Quote: كتب: قمر دلمان أكّد مكتب رئيس الحركة الشعبية لتحرير السودان الفريق أول سلفاكير ميارديت أنّه سيحرك إجراءات قضائية ضد صحيفة (الانتباهة) بسبب خبر نشرته اعتبره المكتب إساءة بالغة للرئيس الحركة الشعبية. وقال مدير مكتب رئيس الحركة الشعبية جوزيف كليتو في تصريح لـ ( أجراس الحرية) أنّ ما أوردته صحيفة (الانتباهة) بخصوص زواج سلفاكير كذب وافتراء وإشانة سمعة، وأبدى أسفه لعدم مساءلة الجهات المختصة للصحيفة، وقال كليتو إنّ سلفاكير غاضب بسبب صمت الحكومة المركزية وعدم محاسبتها ومساءلتها مؤسسات ظلت تروّج الشائعات والأكاذيب ضده، وأكّد أنّ الصحيفة التي نشرت الخبر تريد أن تفسد فرحة الجنوبيين بفوز سلفاكير الكاسح، وزاد" أي حديث عن الوحدة في ظل السماح للمؤسسات تسيء وبشكل دائم لشخص رئيس حكومة الجنوب المنتخب أمر يدعو لاستغراب، واعتبر كليتو أن الخبر إشاعة لصرف الأنظار عن حديث الناس عن تزوير الانتخابات، ومحاصرة المؤتمر الوطني وما يخطط لعمله في الجنوب خلال الفترة المقبلة، إضافة إلى إغضاب جماهير الحركة بنسج قصص غير صحيحة تصور رئيسهم وكأنه شخص غير مهتم بقضاياهم في وقت تمر فيه البلاد بأصعب مراحلها. ولم يستبعد كليتو تحريك إجراءات قضائية ضد الصحيفة.

Quote: الناس انتهوا من قصة الانتخابات وبقوا يدبلوا اتنين اتنين وانت خليك مع ماسورتك ..

اها تعال شوف ليك طريقة لي بوستك دا
الشغلة دي قالوا فيها مقاضاة ..
لو احتجت اي مساعدة نحن جاهزين

معتصم بالله....

ثاني لما تجيب هباب زي ده من الانتباهه

سلفاكير يحرك إجراءات قضائية ضد صحيفة (الانتباهة) بسبب خ...نشرته به إساءة بالغة

بالله اذكر المصدر لانه لو قلت الانتباهه من الاول مافي زول كان صدقك.


وبكرر انه اعتذرنا عن اتهامه بالثالثه فقط ولكن الثانيه مثبته.

Quote: وبكرر انه اعتذرنا عن اتهامه بالثالثه فقط ولكن الثانيه مثبته.

يا جماعة خلو الزول في حالو
ان شاء الله يعرس 10 .. عالم ما بتريح خالص !
وانتى يا تراجى كمان بقيتى تحددى في رقم العرسة !

Quote: هل سمعوا بجيفارا كان ساكي النساء؟؟؟

TragiTragie,
We knew all along that the story was a part of a campaign of personal assassination which the racists at El Intibaha have consistently been waging against the leadership of the SPLM. This is not the first such malicious and preposterous rumours on Kiir, Arman, Machar, the late John Garang and even his widow. These rumours are being passed around and dealt with as facts. But I could not bear this Arnesto “Che” Guevara’s thing at all, the man was a womanizer and as a matter of fact, he got married everywhere he went. In Cuba, he had a particular appetite for black women and one of his daughter, a mulatto, taught me at the University of Havana. Even, in the Cuban media, people talked openly about his uncontrollable behaviour with women. Castro himself is an interesting character when it comes to women. He fathered eight children with different women and those are rhe recognized ones. His brother is rumoured to have a worrisome problem – lust for young girls.
]

معتصم محمد صالح.


أنت لسه ما خليت حركات الامنجية بتاعتك القديمة دي؟

ولا أتزكرت فجائة أسمك القديم (نيستا) الكان أمنجي؟

هسع شوف لك محل تدسه فيه.