الريال من فوق الشجره يعاود التحليق

ابشركم سعر الريال مره زين (بلغة اهل الريال )

لكن قفانااعـــــــــــوج تب (بلغة اهلنا الغبش )

الايام دي في سوق التحويلات الخاصة سعر الريال في ارتفاع ملحوظ

جنيهنا عايم عوامه صاح ولو ما في طريقه نعوم نطلعوا

اخير ننتظر في القيف ونشتري بالريال 710 من السمك الصير

ناكل وصم خشمنا قصدي نقش خشمنا

ـــ
أولاً أهلاً وسهلاً بك في المنبر:

وكان الله في عون قروشنا (هي دينار ولاّ جنيه)


لكن خبرك من جانب يفرح ومن جانب تاني يبكي ومعها جووعير زي ما بيقول طارق جبريل

Quote: ناكل وصم خشمنا قصدي نقش خشمنا

أها بمناسبة الأكل أخبار الحبوب قمح وذرة شنو؟


الله يستر علي الضعاف.

عماد الطيب - تحياتي ليك

والله صح لسانك - برضو بلغة الريال

لكن ده بيت بكه عديل مافيو ضحك الا بي تحت تحت

الغريبه يقولوا ليك في تنميه اقتصاديه

وسعر العمله ده مقياس اقتصادي غير معترف به ولا شنو

ـــ

Quote: مجموعة الوطن (بنك امدرمان الوطنى، بنك العمال الوطنى، بنك الإستثمار المالى، بنك النيلين، بنك التنمية التعاونى الإسلامى) اسعار العملات الرئيسية مقابل الجنيه السودانى 27/04/2010م العملة سعر الشراء الشراء التحويلي سعر البيع اليورو الأوربى 3.2608 3.2771 3.2902 الدولار الأمريكى 2.3576 2.3576 2.3459 الجنيه الاسترليني 3.5657 3.5836 3.5979 الدولار الكندى 1.9810 1.9711 2.0398 الين اليابانى 0.0262 0.0186 0.0263 الفرنك السويسري 2.3206 2.3114 2.2999 الريال السعودي 0.6271 0.6302 0.6327 الدرهم الاماراتي 0.6385 0.6417 0.6443 الريال القطري 0.6442 0.6474 0.6500 الريال العمانى 5.3542 5.3275 5.4973 الدينار الكويتي 8.2390 8.1971 8.2455 الدينار البحريني 5.4678 5.4405 5.6377

المصدر
النشرة الإقتصادية

شوف كيف الكيزان شغالين تجارة بإقتصاد البلد والمهم عندهم تمتلي جيوبهم بالمضاربات الربوية ومغلفة بإسم الإسلام.

سعر العلمه واحد من اسباب الانقلاب في البيان الاول

وتجارة العمله جريمه اعدم بسببها من اعدم

والان تجارة العمله هي التي تحدد سعر الصرف وارقام بنك السودان عايمه في ذات التيار

قبل فتره كشت رواتبنا وتحويلاتنا بمتوسط 500 ريال علي ضوء واقع افتراضي من بنك السودان انزل بموجبه سعر الريال الي 500 جنيه

في مقابل لاشئ بالنسبه للقوه الشرائيه للجنيه بعدها واصل الريال في التحليق واصبح سعر الريال في البنك اعلي من السوق البيضاء بياض الحليب

الان عاد الوضع كما كان وزاد التحليق هل من مبررات

- يكون ده واقع السوق الحر مره ليك ومره عليك

- يكون البشير بكافئ المغتربين وسوف يصبح سعر الريال940 حسب نسبه التصويت له

- يكون زي موسم اهل السبت وحركة تجار ومن ثم يعاود الانحسار

محتاجين مفتين والافضليه للخبراء

شقدي وعماد الطيب



بقيتو تجار عملة ولا شنو؟؟


وبعدين تعال ياعماد نرسل ليك في الخاص وتبلع سااااي!!!

يقول البروفيسور محمد هاشم عوض ( امد الله في عمره ) ومتعه بالصحة والعافية

أن الإقتصاد السوداني إقتصاد (إستثنائي) ولا يخضع لاي نظرية إقتصادية عالمية او محلية ويصعب التنبو بما يمكن ان يكون عليه الحال بعد ساعة من الان. وغالبا ما يجمع بين النقيضين ( التضخم والركود) .
في قروش في البلد وفي ناس ما قادرة تشتري ، فمكانيزم السوق لا تعمل لدينا يا صاحب .

تاجر عمله عديل ابدا والله يا جلال اخوي ولا اقول ليك ياريت

بس قصه محيرانه بالجد

والحيره بدد جزء منها

اخونا امير مصطفي فله التحيه والتقدير

وين وموديانه يا امير (الاستثنائيه )

اخوى محمد على اكتر حاجة تاعبانى لمن ادخل محل فواكه وخضار هنا والقى كل العالم موجود باصناف
من الفواكه والخضار شى مصرى وشى باكستانى وكينى وجنوب افريقى وووو وابحث بعينى وبحسرة على كرتونة
اومغلف مكتوب فيه السودان ولا اجد والله الواحد يحس انو يتيم ....
يامحمد على بلدنا بلد ربنا حباها بالارض والماء العزب وين انتاجنا مع الناس اااخ وتقول لى عايز
عملتنا ترتفع بى وين لو فى البسقط حجرها.

نور الدين عثمان - سلام يا صاحبي

مصداقا لما ذهبت اليه من ان الاقتصاد غير الانتاجي وغيرالمشجع للمنتجين لا يعول عليه

تخيل يا نور الدين

انو سعر المنقه في كسلا الايام دي مابتجيب تكايف الانتاج و حق الكارو البوديها السوق

والمزارعين وتجار المحاصيل قالو الروب عديل وبح صوتهم

وهم بنادوا بي صناعات تحويله و لاعاده تشغيل مصنع التعليب في كسلا

ولو مدوا راسم وحاولول يمشوا بيها الخرطوم القريبه دي ناس طربيزتي وطريبزتك

والجبايه العامه والخاصه وسعر الترحيل بالبترول السوداني

بوصلوا السعر السما خليك من قصة تصدير ده حلم غير مشروع حتى حين

واسفي ان الكل يعلم بذلك بس ربنا يزيل العوج

تحياتي يا محمد علي

تكفي إشاعة صغيرة من أحد تجار العملة وصبيتهم في أحد برندات السوق العربي أو برج البركة في إرتفاع أو إنخفاض سعر الصرف ، فالشغلة عندنا ما محكومة بآليات السوق بقدر ماهي متأثرة بالدعاية .. من بداية 2006 تقريباً لحدي قبل كم شهر البلد اتملت دولار نتيجة لزيادة إيرادات البترول بالإضافة إلى كميات كبيرة من النقد الأجنبي دارت حولها العديد من الشبهات ، المهم بعد انخفاض أسعار النفط عالمياً كنتيجة طبيعية لذلك يزيد الطلب على الدولار خصوصاً مع تزايد النشاط الإستثماري والتجاري في الفترة الأخيرة فأصبحت هناك فجوة في العملة الحرة وبالتالي ارتفاعها وانخفاض سعر الصرف الدليل على ذلك القيود والإجراءآت التي وضعت مؤخراً على تداول العملات والله أعلم ..

أبوعلى المسخن
تحياتي لك وللزوار

Quote: اخوى محمد على اكتر حاجة تاعبانى لمن ادخل محل فواكه وخضار هنا والقى كل العالم موجود باصناف من الفواكه والخضار شى مصرى وشى باكستانى وكينى وجنوب افريقى وووو وابحث بعينى وبحسرة على كرتونة اومغلف مكتوب فيه السودان ولا اجد والله الواحد يحس انو يتيم ....

هذا الذي شجاني وأنزل الدمع من أجفاني يا أخوي نورالدين والمصيبة الدهياء هي أني دخلت في يوم
كريهة سوق الخضار لأجد الطماطم المستوردة من بلد في حجم دارفور وكلها صحراء (الأردن) ثم صوت
رئيسنا الذي سيسمه الله على الخرطوم يصدع راسي ( نأكل مما نزرع ) سبحان الله في خلقه وله فيهم شئون!.
لقد قلنا مراراً وتكراراً أن الإنقاذيين لا يسعون لتنمية أو إنتاج وكل همهم البقاء في هذا الكرسي
الذي اختطفوه عنوة واقتدارا من أهلهم الضعفاء وهذا هو ديدن الإنقلابيين وأخلاقهم فلا ترجو منهم وقارا، لذلك جاءت كل مشاريعهم للفهلوة والكسب السياسي ثم الرفاه لهم ولذويهم من طرق وكباري في العاصمة تمشي عليها سياراتهم ومحطات بنزين لخدمتها وعفراء مول وأشباهها من ثقافة كوادرهم الإستهلاكية التي اكتسبوها من الخليج ليتسوقوا ويشبعوا نهمهم ومع الأسف إلى الآن لم يكتشفوا جهلهم .
إخوتي في كلمة بسيطة السودان الإنقاذي بعد مرور واحد وعشرين عاماً لا ينتج شئ غير بترول نميري الناضب
والذي سيذهب جزء كبير منه إلى دولة الجنوب الجديدة التي أفرزها كفر القائمين عليه بالتراكم من معارف عصرهم، وفجورهم في خصومة أهلهم .
إخوتي فاليرحمكم الله رحمة واسعة إنه سميع مجيب ( دي مغصة ما عارف أفشها وين؟ )

أبوحمـــــــــــــد

الأخ شــقدي
لك الســلام

يا خوي أنا قايلك بتتكلم عن ريال مدريدولا ريال بتيس


ولكـن مصداقا لما كتبت أنت , عندي أهلي ماشــين العمــرة
إشــتروا الريال من بنك النلين بـ 700 جنيه

شــوف نشــرة بنك السـودان تقول حاجـه وهـم يبعـوا
ذي ما عايزين وما فيش حــد يسـألهم

طيب لو بنك النيلين ببيع بـ 700 جنيه برندات السـوق العربي
تبيع بكم
ولا الكتـوف إتلاحقـــت

بكري سلام ومشكور كتير علي الافاده قرايتك صاح العوجه وزارة الماليه بتتعامل بعمله عايمه ولا بتحسب بالرطل


اخونا عثمان عبد القادر والله نحنا في تلاجه موزالشربتلي بالمقارنه مع سخانتك دي لك التحيه والله يطفي نيرانا


احيمر تسلم يا رايق وجهة الشبه واحد الظاهر كلو لعب في لعب بس لعبه العمله باثر في قوت الغلابه

شقدي خلعتني انا قلت ريال مدريد علاقتو بالشدرة شنو يكون بقى مؤتمر وطني
سودان العزة ده يكمل فهم اجعص اقتصادي تحياتي لك وللاسرة

تحياتي صديقي عصام لك ولاولادك الرائعين التحيه

ليس الريال السعودي ذو الاثر الكبير ولكنه كما تعلم هو التابع المطيع للدولار فهناك شئ ماغير طبيعي والغير طبيعي هذا يا صاحبي يؤثر بشكل مباشر في اقوات الناس شوف الكلام ده

اخبارجريدة الراي العام

إرتفاع قيمة الدولار وراء زيادة أسعار السلع

تشهد اسواق الخرطوم للسلع الاستهلاكية والمواد التموينية تأرجحاً ملحوظاً في الاسعار حيث شهدت اسعار بعض السلع ارتفاعاً ملحوظاً فيما سجلت الاخرى استقراراً محدوداً حيث واصلت اسعار الزيت ارتفاعها بقفز سعر الجركانة عبوة «36» رطلاً ليصل إلى «77» جنيهاً ليبلغ سعر الرطل منه الى «3» جنيهات فيما استقر سعر جوال السكر في حدود «711» جنيهاً بواقع جنيه واحد و «20» قرشاً للرطل فيما وصل سعر جوال الدقيق إلى «47» جنيهاً عبوة «50» كيلو بينما بلغ سعر جوال البصل «132» جنيهاً ليتراجع إلى «20» جنيهاً عن الفترات السابقة، وبلغ سعر جوال العدس «120» جنيهاً ليصل سعر الكيلو منه الى «5» جنيهات وسجل ربع الفاصوليا «17» جنيهاً بزيادة جنيه عن الاسابيع الماضية وبلغ سعر كرتونة الصلصة «36» جنيهاً مسجلاً استقراراً محدوداً لاكثر من شهر. وعزا تجار السلع الاستهلاكية والمواد التموينية «الخردوات» الركود الى شح السيولة الذي لازم الاسواق لفترة ليست بالقصيرة، ويقول محمد عثمان الامين صاحب سوبرماركت بالسوق العربي الخرطوم أن السوق يشهد ركوداً ملحوظاً منذ اسبوع وربط الامين بين الركود والحالة العامة للاقتصاد واضاف تأثرت الاسواق بالمتغيرات الاقتصادية في القطاعات الانتاجية التي شهدت تراجعاً ملحوظاً في الآونة الاخيرة.
الى ذلك كشفت جولة لـ «الرأي العام» باسواق صابرين والشنقيطي عن حدوث ارتفاع ملحوظ في اسعار السلع بجانب تراجع في الطلب وعزا التجار ارتفاع اسعار السلع إلى ارتفاع اسعار الدولار والتي انعكست سلباً على اسعار السلع والخدمات.
وطالب المستهلكون بزيادة اسعار الكثير من السلع الغذائية وغيرها الدولة للتدخل العاجل لتخفيض الاسعار مراعاة لظروفهم الاقتصادية التي تمر بهم. وانتقد يوسف جاد الله «موظف» زيادة اسعار الدولار والتي لم ترد ضمن موازنة العام الجاري 2010. وقال حسين السني مواطن أن هناك زيادة ملحوظة طرأت على بعض السلع وجميع المعروضات بالاسواق «معدات كهربائية او مواد غذائية أو أدوات منزلية وفواكه وخضروات وحبوب غذائية وغيرها». واوضح أن التجار يضعون اسعاراً كبيرة على السلع ولا يراعون أوضاع المواطنين. واكد كرار فضل الله صاحب محل تجاري بسوق الـ «14» بالشنقيطي أن التجار تحكمهم الاسعار التي تضعها الدولة للصرف بجانب تأثرهم بزيادة الاسعار العالمية.
وأضاف كرار في حديثه لـ «الرأي العام» أن ارتفاع سعر الدولار كان وراء ارتفاع اسعار السلع والمنتجات الاستهلاكية المختلفة.. مشيراً إلى أن أكثر الاسعار التي شهدت زيادة ملحوظة من الاسعار هذا الاسبوع تشمل من المواد الغذائية «الدقيق والزيوت المستوردة والارز والسكسكانية والشعيرية والشاي والصلصة المستوردة والالبان الجافة وغيرها. ودعت شعبة التجار باسواق ام درمان الحكومة للتدخل العاجل لتخفيض الرسوم المفروضة على استيراد السلع من الخارج.
وأوضح عيسى تاج الدين «عضو الشعبة» أنهم بصدد عقد لقاء مهم مع اتحادات الغرف التجارية الاتحادية ووزارات التجارة الخارجية والصناعة والمالية لحسم أمر الزيادة على سعر الدولار فضلاً عن تخفيض الرسوم المفروضة على الاستيراد لتشجيع المواطنين للحصول على جميع السلع والاحتياجات الاستهلاكية المطلوبة.


اخبار الشروق - هناك اقبال كبير علي الدولار بغرض السفر الي الخارج - الناس الكتار ديل منو وماشين وين

اخبار برندات الخرطوم - سعر الريال في السوق البيضاء امس في السودان 718 جنيه - بالجنيه الاصلي

اخبار هنا وهناك - تجار يشترون اي كميه من العمله ويرفعون السعر في شكل مزادات - وعينك يا تاجر

اخبار اخرى - الدوله اما انها تقف عاجزه عن كل هذا او انها تفعل من خلال تجارها الداعمين لجزء من الحملات الانتخابيه كل هذا

Quote: بالريال 710

أنا أكشف ليك خطة الكيزان الإقتصادية الخطيرة لمحاربة التضخم .... بس ما تكلم زول:

أولا ح يدوها صنة... لحدي ما يرتفع من 710 لي 1000

يقوموا يشيلو (صفر) ويرجعو إسم العملة لي (دينار)


المرحلة التانية طبعاً معروفة لديكم:
وهي إنو بعد ما الريال يصل لي ألف (جنية) يقوموا يشيلو صفر تاني

والناس لسه تكون (كالعادة) حايرة بين القديم والجديد

شفت الناس ديل أظكياء كيف؟

ود الطيب تحياتي

ما كان في اي داعي تكشف الخطه

اهااسع الجماعه يبدلوها بالخطه باء او جيم واكيد الاتنين اسواء من الخطه الف

لك تحياتي يا غالي وربنا يكضب الشينه