Post: #1
Title: © ؟
Author: خدر
Date: 05-01-2010, 05:47 PM
.  . كجراي ولا الحلنقي يا ناس ؟
أفتوني يرحمكم الله (انا شاكي)
و رجعوا لينا المنبر ده زي زمان
رجعوا لينا منبرنا الذي نعرف .. رجاءَ
____
الاغنية الحان الاستاذ إبراهيم حسين مّد الله في أيامو
آداء طارق ابوعبيدة
|
Post: #2
Title: Re: © ؟
Author: سلمى الشيخ سلامة
Date: 05-01-2010, 06:16 PM
Parent: #1
نجمة نجمة الليل نعدو
والسنين يا حليلنا عدو
وانت ما عارف عيونك لما تسرح وين بودو ؟
الريدة اكتيرة يا حنين شقاوة
شفت كيف ؟
الحلنقى و اخر كلام
اى كلام زيادة معانا بالخسارة
بى راس مالو يا معلم
المصدر
الاذاعة السودانية دفء الكلمة وصدقها
احب الاذاعة زاتو ياخ اليوم اكملت عامها السبعين
كل عام وذلكم الصرح الذى احببته بخير
|
Post: #4
Title: Re: © ؟
Author: خدر
Date: 05-01-2010, 06:26 PM
Parent: #2
عارفه يا سلوم
علاقة حلنقي و ابراهيم حسين و كجراي و صداقتهم الطويلة بالإضافة لي انهم من كسلا
ملخبطاني جدا انو افرز شعر منو فيهم غناهو إبراهيم حسين
اسه انا في مرحلة تفنيط القصائد و محاولة معرفة الشاعر من مفرداتو
و اساليبو , المصيبة انو حلنقي و كجراي الاتنين رقيقين جدا و فنانيين جدا.
|
Post: #3
Title: Re: © ؟
Author: احمد محمد بشير
Date: 05-01-2010, 06:18 PM
Parent: #1
يديك العافيّة , أُستاذنا الفنان الهولندي طارق ود أبو عبيده....
و إنشاء الله المنبر يرجع سيرتو الاولي كما كان و أحسن ..
* بس أنا ما عارف المهندس بكري ليه إتخلا عن العناوين
الكانت بتزيّن المنبر و تميزو من باقي المنابر !.
نتمني إنو تعود العناوين في أعلي الصفحة ..
وبرضو منتظرين إبداعات الاخوة الجدد 2010
|
Post: #5
Title: Re: © ؟
Author: خدر
Date: 05-01-2010, 06:30 PM
Parent: #3
شكرا يا احمد بشير ياخي علي المرور
و إتمني انو بكري ينتبه لاصوات الحريصين
و شكرا لكلماتك الجميلات بحقي
المنبر برجع بي تفاكر و تثاقف عضويتو
سياسة - فنون - ثقافة - كورة .. الخ
يلا خلونا نفتح بوستات و نتفاكر
ما قلت لي حِيرتي دي احلها كيف
كجراي ولا حلنقي يا احمد بشير ؟
|
Post: #7
Title: Re: © ؟
Author: خضر حسين خليل
Date: 05-01-2010, 07:00 PM
Parent: #5
| Quote: ما قلت لي حِيرتي دي احلها كيف |
بالغنا يا سيدالغنا
بالغنا ده زاتو منبرنا برجع زي زمان
بالغنا ده زاتو سودانا برجع زي زمان
ــــــ
السخانة قدتنا ياصديق
|
Post: #8
Title: Re: © ؟
Author: Magdi Ahmed Elsheikh
Date: 05-01-2010, 07:26 PM
Parent: #7
Quote: المنبر برجع بي تفاكر و تثاقف عضويتو
سياسة - فنون - ثقافة - كورة .. الخ
يلا خلونا نفتح بوستات و نتفاكر
|
فيها خج والا لا!!!
_________________
شكرا ليك يافنان..
ومعليش قصرت معاك ..!!
وياهدي شالوا ظاطو!
بكرة نلتقي باذن الله ..
مع شكرى!!
|
Post: #9
Title: Re: © ؟
Author: abdulhalim altilib
Date: 05-01-2010, 07:45 PM
Parent: #8
أخوي الغناي شديد / خدر
تحياتي لكم
Quote: ما قلت لي حِيرتي دي احلها كيف
كجراي ولا حلنقي يا احمد بشير ؟ |
وإنت ما عارف غناك
لما تحتار وين بودي ؟!
خليك في حيرتك دي يا أخي وغني لينا بس
وسمعنا حس غناك الطاعم ده .. ونحنا الكسبانين
وهذا هو الحل الوحيد الرائع لفك حيرتك !؟
تسلم أخي طارق .. وغنِّي بس ، غني
وخلينا نحنا نحتار ليك في غناك وكفى !
مودتي وأشواقي لكم ،
( ليمو )
|
Post: #10
Title: Re: © ؟
Author: saif basheer
Date: 05-01-2010, 08:44 PM
Parent: #9
|
Post: #11
Title: Re: © ؟
Author: أبو ساندرا
Date: 05-01-2010, 09:02 PM
Parent: #10
صوت كما جدول رقراق
زي نيل منساب
بالحب والحنين
أهلآ
يا ضنين
|
Post: #12
Title: Re: © ؟
Author: Magdi Ahmed Elsheikh
Date: 05-01-2010, 09:15 PM
Parent: #11
ما اجمل اختيارك وصوتك ياحبيب ..!!
|
Post: #13
Title: Re: © ؟
Author: ندى عثمان حسن
Date: 05-02-2010, 05:05 AM
Parent: #12
زماااان ياخدر (حسة يجو يقولو ليك الزمن الجميل ويتثاقلوا)
المكان دة كان جميل وهواءهو نضيف ومريح للنفس
كنت بقرأ بالشباك وأتمنيت لو أكون جزء من المكان دة, ماعندى قدرة على مجاراة السمحين الكانوا هنا
لكن بفهم من جاور السعيد يسعد.
يكتبوا فى السياسة بمنتهى الموضوعية والحُجة والمنطق, ينظموا شعر, يكتبوا قصص قصيرة, حتى قراءة خواطرهم الشخصية متعة, حتى "هزلهم" ومكايداتهم.
حسة, اى كتابة ذات قيمة تلقاها لحقت الزينين فى آخر الصفحات. والناس السمحة بتعاين بعيونا.
الله غالب.
.................
شكراً على إبراهيم حسين السمح.
|
Post: #14
Title: Re: © ؟
Author: ياسر عبدالعزيز الطيب
Date: 05-02-2010, 05:56 AM
Parent: #13
طارق ابوعبيده
كل ماأقول أختاك وازح من بوستاتك دي تعتر لي!!!
مالك معاي....
شكيتك على الله بس
صباح جميل و مليان شجن.
الله يديك العافية ياخ
|
Post: #20
Title: Re: © ؟
Author: خدر
Date: 05-02-2010, 05:52 PM
Parent: #11
سيف
تشكرات افندم و انت عارف رأيك عندي ما هين
يا كبير
تصدق مشتاق ليك جد جد
و عجزي عن شكرك انت عالم بيهو
|
Post: #18
Title: Re: © ؟
Author: خدر
Date: 05-02-2010, 09:52 AM
Parent: #9
يعلم الله يا مجدي الشيخ فاقدك و قلقت عليك و في الاخر حردتك يازول مالك قاطع الخبر ؟ كدي نتم الخجة في التلفون  يا ليمو الله لا جاب يوم حيرتكم ولا حيرتي عارف المشكلة انو كسلا واقعة في نص القصة دي كلها , حلنقي - كجراي و ابراهيم حسين جهجهونا معاهم بالسماحة
|
Post: #17
Title: Re: © ؟
Author: خدر
Date: 05-02-2010, 09:46 AM
Parent: #7
اللنك بفتح علي صفحة ما فيها معلومة يا سلمي .. ناس الإذاعة ديل نصدقهم يعني ولا بكون فيها شك يمكن و اظن؟ الغريبة امس حلمان بي ابراهيم حسين زاتو و قلت حلو طيب عشان اسألو من الشاعر وحاتك كملنا الونسة و المجاملات و فات قبل اسألو يا خضروف ياخي اليومين ديل هنا زاتو في سخانة لكنها لذيذة . الغنا يا خضر في بلدنا دي بقي مزور زاتو و موالي للصولجان نطير وين نحن
|
Post: #15
Title: Re: © ؟
Author: الشاذلى خيرى عبد الله
Date: 05-02-2010, 07:10 AM
Parent: #5
شكرا" خدر ..
اهو كده تمام الزول يشكرك اونلاين ياخ ..
مرات كثيرة بتمسخ الغنا لى سيدو .. أية والله يا خدر ..
متابع ..
الشاذلى
|
Post: #16
Title: Re: © ؟
Author: الجندرية
Date: 05-02-2010, 07:21 AM
Parent: #15
قت ليك يا خدر
مرة ابراهيم حسين جاء صنعاء زيارة
الجماعة محتفلين بيه هنا وقاعدين يخزنو في القات ومعروف انو معظم القات بخلي الناس تساهر شديد لانه منشط.
اها الفنان عجبو القات بتاع الزول الجنبو ووقع ليك فيهو براسو
الزول مولعي علي قول ابو يمن ، ما بحمل في قاتو دا الهبشة
في الحفلة اخر الليل ، ابراهيم حسين غنى نجمة نجمة الليل نعدو
الزول الممغوووووس داك قاعد يطنطن: آآآآآي بتعدو ما بي قاتنا
هههه
اختيار جميل
|
Post: #19
Title: Re: © ؟
Author: احمد محمد بشير
Date: 05-02-2010, 11:31 AM
Parent: #5
Quote:
ما قلت لي حِيرتي دي احلها كيف
كجراي ولا حلنقي يا احمد بشير ؟ |
داير اجاوبك ياود أبو عبيدة ولكين محتار
والحل إنك تواصل في إنتاج هذة الدرر
وبعدها الحيره بتروووح
|
|