Post: #1
Title: بطون الفقراء في حاجة الى طعام وطعام الاغنياء في حاجة الى بطون
Author: عبدالله ود البوش
Date: 05-01-2010, 07:43 AM
ليس الفقر عيبا ولا الغنى شرفا
بل هي ارزاق تتنزل من السماء ولا أحد له صلاحية توجيهها
.
.
وبعد التوزيع كل مخلوق يلعب صالح ورقو
.
.
ولكن الورقو شين طوالي الناس تقبل منو لاغادى
تتحول على الناس الفكين تيكتين
وهو في زول بقعد ليهو مع معرج 
.
الموضوع طويل ومتشعب ومعقد وتم تناوله عبر كل الاحقاب الانسانية لمعالجة آثاره الضارة بالمجتمعات
تناولته كل الاديان السماوية لتخفيف حدة الفجوة بين الفقر والغنى
تناولته كل النظريات الانسانية عبر العصور المختلفة
ونواصل
|
Post: #2
Title: Re: بطون الفقراء في حاجة الى طعام وطعام الاغنياء في حاجة الى بطون
Author: عبدالله ود البوش
Date: 05-01-2010, 12:34 PM
Parent: #1
أبدأ بالفقر الذي اعرفه ويعرفني جيدا فقد صارعنا وصارعناه ولكنه لم يقتلنا ولم نقتله وتصالحنا
وتعايشنا معه بل صار صديقا يصعب فراقه
.
.
ناس الحافلات ينادون للركاب الذين يرغبون بجمع الذهب من الشمال
الكمساري ينادي : الداير الغنى اركب هنا ويشير لكراسي الحافلة
وعندما تقترب الشمس من المغيب هناك
يناديهم نفس الكمساري : اهلك قبال تهلك
|
Post: #3
Title: Re: بطون الفقراء في حاجة الى طعام وطعام الاغنياء في حاجة الى بطون
Author: عبدالله ود البوش
Date: 05-01-2010, 12:38 PM
Parent: #2
اتنين ساطلين وضاربين النسيم العليل على شاطئ النيل
والجوعة الحارة دخلت بطونهم
سمعوا قعونجة تكورك
الاول للتاني : دا صوت شنو دا ؟
الثاني : دا صوت قعونجة ساي ياخ
الاول وهو يتلوى جوعا : انا كنت قايلو صوت طحنية
|
Post: #4
Title: Re: بطون الفقراء في حاجة الى طعام وطعام الاغنياء في حاجة الى بطون
Author: عبدالله ود البوش
Date: 05-01-2010, 12:56 PM
Parent: #3
يحكى في قديم الزمان بان رجلا غنيا اوصى اولاده على فراش الموت بان ينبشوا قبره في نفس ليلة دفنه
ليروا ماذا يحدث له .
وعند موت الرجل اتفق اولاده بان يكلفوا حطاب القرية المسيكين بالقيام بهذه المهمة الصعبة بمقابل مادي
يسيل له لعابه ولايتردد في رفضه
وبالفعل توجه الحطاب ليلا الى المقابر وعندما هم بنبش القبر سمع صوتا لايدري من اين يأتيه ولكنه يسمعه
يقول له : من انت ؟
وارتجف الحطاب وقال : انا ود حطب الله ( ليس زميل البورض ) ... الناس دي بقت صعبة خلاص
الصوت : مهنتك ؟
الحطاب : حطاب
الصوت : من اين تأتي بالحطب ؟
الحطاب : من الخلا
الصوت : هذا الخلا لايملكه أحد
الحطاب : نعم بروس ساي والله
الصوت : بماذا تقطع الحطب ؟
الحطاب : بالفأس
الصوت : من اين جئت بالفأس ؟
الحطاب : العود من حطب الله والحديدة اشتريتها
الصوت : بكم اشتريت الحديدة
الحطاب : بقرش ونص
الصوت : هل دفعت القرش ونص ؟
الحطاب : دفعت القرش والباقي التعريفة
الصوت ارجع ادفع التعريفة قبل ان تمثل امامنا هنا رسميا
وكلم جماعتك قول ليهن زولكم دا يا داب بدينا معاه من الشلن القاه واقع وعمل عليهو حميل
|
Post: #5
Title: Re: بطون الفقراء في حاجة الى طعام وطعام الاغنياء في حاجة الى بطون
Author: عبدالله ود البوش
Date: 05-01-2010, 01:01 PM
Parent: #4
دي سلطة ساي
أستنوا الحلو
.
.
للفقر والفلس موافق ونوادر وقسس كتيرة
لكن الغنيانين ديل انا اتخيل لي طوالي زعلانين
|
Post: #6
Title: Re: بطون الفقراء في حاجة الى طعام وطعام الاغنياء في حاجة الى بطون
Author: عبدالله ود البوش
Date: 05-01-2010, 01:05 PM
Parent: #5
بعد فتح الشهية بمش لعمي قوقل واجيب ليكم الكلام المسيخ داك
كلام الاقطاعيات
الرأسمالية
الماركسية
الوسطية
الزكاة
الضرائب
الجبايات
الاتون
والعتب
.
.
والفجوة لم تسد حتى الان .
|
Post: #7
Title: Re: بطون الفقراء في حاجة الى طعام وطعام الاغنياء في حاجة الى بطون
Author: عبدالله ود البوش
Date: 05-01-2010, 01:07 PM
Parent: #6
اليوم الاول من مايـــــــــو ..... عيد العمال
فلنحي عمال العالم 
|
Post: #8
Title: Re: بطون الفقراء في حاجة الى طعام وطعام الاغنياء في حاجة الى بطون
Author: Siddig A. Omer
Date: 05-01-2010, 07:54 PM
Parent: #7
Quote: للفقر والفلس موافق ونوادر وقسس كتيرة
لكن الغنيانين ديل انا اتخيل لي طوالي زعلانين |
يا صديقى....."المغبش"....
لا ديل....شغالنين...بديلك....
و لا ديلك!!!!....شغالنين...بديل....!!!
قناعات....الالفية الاولى...ليست كقناعات الالفية الثانية....
فتكونت..فكرة..
دنيا...فوق
ودنيا..تحت
والفرق شاسع....حتى لا يمكن التفكير ...فيه
اخوك لزم....
صديق القاعد بعيد
تخريمة:]
الم تجمعنا "فتته" عمنا الطيب
و الم..تفرقنا..."حجوة...ام ضبيبينة"
عليك الله "هسع"
فتش ليك " زول "
عشان تشرح ليهو ..."حجوة...ام ضبيبينة"
اعمل حسابك...حا يقول
يا ...[B"متخلف"
|
Post: #9
Title: Re: بطون الفقراء في حاجة الى طعام وطعام الاغنياء في حاجة الى بطون
Author: عبدالله ود البوش
Date: 05-02-2010, 07:25 AM
Parent: #8
صديق يا لذيذ يا رايق
دا كلللللللللللو ما مهم
المهم ات تبقى طيب
تحياتي واشواقي الشديدة خلاس للعيال ما لك انت يا مجنون
Quote: الم تجمعنا "فتته" عمنا الطيب
|
يا سلااااااااااام يا مجيغا
بالله شوف كلنا نتلم في صحن فتة واحدة بدون فوارق ولا حتى كنا ندري بانه بيننا فوارق مادية ولاقبلية ولاجهوية ولا سجم رمادية
وشوف اليوم ...... فعلا البون شاسع .....
طيب ات آ صديق ما كويس مالن جادعنك في الخور
| Quote: "حجوة...ام ضبيبينة" |
يااااااااااي كلمتك دي استايل سنة كم يا عمو .... انت كنت مسجون ولا شنو ؟
ضبانة الحمير التزوزي بيك يا صديق .
ياخي ماتجي عمرة ..... ولا نجيك على الشاطي
اخوك الكلب
كلاب البورض
.
.
|
|