عيونا بحار (نص جديد)

عيونك دهشتهم ابحار
وبسمة تطول الابحار
وكون اسرار
وضحكة تخجل الازهار
وما بحتار
اذا منك سرقت البهجة لي عمري
وكسيتك انتي بالاسرار
ويا ستار
على عيوني
وعلي قلبي العرف دربك وقاوم سكة الاخطار
بقيت اختار
ومن ضجة فرح جواي
سجنتك في عيوني شجن
براي واديتك الاعذار
كما الاقدار
اشيلك منية لي ذاتي
وادسك لي ظلامي نهار
ويا انهار
وطن مني
وقلوب مليانة طيب ونضار
منو الاداكي سر عشقي
وكسر قلم العشق منديل
وزاد النيل كمان اصرار؟
منو الفتح جروح الليل؟
سرق صبر البقول يرجاك
واختار البحرق النار؟
وما ودار
اذا جواك نسيت اسمي
وكتبتك لي الحنين تذكار
وهو المشوار
اكيد منك وبرجع ليك
وما ندما علي حاضر
اذا الماضي البكون انتي
ولانك صفوة الاخيار
وانو عينيكي سر ضعفي
ومزار كتفي الوقع ميل
وقال سهم العشق غدار
كفاية علي سهم ريدك
حنين ايدك بحار الضي
اذا عيني بعشقنك
عشقت معاك خطى المشوار



عبدالله وداعه الامين
لندن 28.04.2010