Post: #1
Title: بوستات خبيثة ( توجد امثلة )
Author: الجندرية
Date: 04-30-2010, 03:35 PM
Parent: #0
هههههههه
غايتو يا ناس الشمارات ،، بقينا نعرف نطبق فيكن النظريات صاح
القصة وما فيها اني بفتح بوستات هنا وبجيني التحذير دا
.Quote: تم اكتشاف برنامج خبيث
تحذير: إنّ زيارة هذا الموقع قد تلحق الضرر بالكمبيوتر!
يحتوي الموقع www.sudaneseonline.com على عناصر من الموقع www.alrakoba.com الذي يبدو أنّه يستضيف برمجيّات خبيثة- وهي برامج تلحق الضرر بالكمبيوتر وتعمل بدون موافقة منك. احذر هذه المواقع لأنّ مجرّد زيارتها كفيلة بإفساد الكمبيوتر.
لمزيد من التفاصيل عن مشاكل هذه العناصر، راجع صفحة صفحة تشخيص التصفح الآمن في Google، القسم الخاص بالموقع www.alrakoba.com
مزيد من المعلومات عن طرق الحماية من البرمجيّات الضارّة. |
البوستات دي منها بوست اختنا تراجي عن مرض اخونا دينق
عايزة اكفر ليه ما قدرت
ومنها بوستات العزاء في وفاة غادة بت اختنا سهام المجمر ليها الرحمة
ربما غيرها كتير
اها المفروض نعمل شنو يعني عشان نقدر نتداخل في البوستات دي ؟
|
Post: #2
Title: Re: بوستات خبيثة ( توجد امثلة )
Author: Amira Elsheikh
Date: 04-30-2010, 03:41 PM
Parent: #1
الجندرية ... سلااااام
جمعتك مباركة وبركة بالشوفة
ياقول حبوبتى يعلم الله مشتهنك
اسئلتك دى عايزة متخصصين اوناس ناقشة
زى ناس معاية حسين وقمر بوبا
نحن جينا نسلم عليك ونتفقد احوالك
تحياتى يااصيلة
|
Post: #3
Title: Re: بوستات خبيثة ( توجد امثلة )
Author: الجندرية
Date: 04-30-2010, 03:47 PM
Parent: #2
أميرة خيار الناس
ما يفقدوك بي شينة
وما تشتهي العافية امي انا
انا زاااااااااتي تصدقي مشتهياني ؟
داخلة لي في دائرة شريرة كدا لكن الله في
بتاوق هنا مرة مرة ومرات بلقى اترك
اما عن الخباثة ربنا ينجينا واياك منها
ننتظر دلو المختصين والمختصات زي ما قلت
محبتي
|
Post: #4
Title: Re: بوستات خبيثة ( توجد امثلة )
Author: Hadeer Alzain
Date: 04-30-2010, 04:36 PM
Parent: #3
الأخت الجندرية سلام
كدي لحدي ما يجوك المختصين (أسياد الشي) حاولي إتخلصي من كل
Temporary Internet files
ودي طريقة سهلة .. أمشي ل :
Start
run
وأكتبي %temp%
بعد كدا شغلي الأنتي فيرس العندك، بينما هو شغال،
تعالي راجعة شوفي النتيجة!
تحياتي لك
|
Post: #5
Title: Re: بوستات خبيثة ( توجد امثلة )
Author: Osman Musa
Date: 04-30-2010, 05:01 PM
Parent: #4
عزيزتنا الجندرية التى فى بلاد جدتى بلقيس
سلامات .
ويش لونك .؟
ويش لون ابن عمى شيخ / تراث ؟
ويش لون الاولاد ؟
والمال والحلال .ارجو أن يكون كلو أفتهان فى أفتهان . والدنيا عسل .
..
انا غايتو ما ناقش فى شغلات الأنتى فايرس . اكركب فى الكمبيوتر ده ساكت .
.. تحياتى
|
Post: #6
Title: Re: بوستات خبيثة ( توجد امثلة )
Author: Tragie Mustafa
Date: 04-30-2010, 05:16 PM
Parent: #5
اماني الجندريه سلام
ويا حبيبه الا ان يصلك الخبراء
اهو ده الله قدرني عليه:
Re: حبيبنا دينق....سلامتك....وكلنا كرامتك!
وصولنا للبوست طلباتك.
اها الكتاكيت كيف وابوهم؟؟
عساهم جميعا بخير.
|
Post: #14
Title: Re: بوستات خبيثة ( توجد امثلة )
Author: الجندرية
Date: 04-30-2010, 08:20 PM
Parent: #6
شكراً ليك يا تراجي كتير
ما قصرت ما تقصر ايامك يا ام حازم
وربنا يوالي اخونا دينق بالعافية
المرة دي نمشي نحوط بوستك وندخل غايتو
ههههههههه
الكتاكيت يا بت امي ريشها بدأ يقوم
والبتعلم في العوعاي يتعلم
ههههههه
ربك يسهل غايتو
ابوهم ما عندو عوجة
عندو فرصة مشاركة في مؤتمر في كندا لكنو متردد
انا اشيل واحمس فيهو
امشي عليك الله وزوغ هناك خلينا نبقى جيران ناس تراجي
ههههههههه
|
Post: #13
Title: Re: بوستات خبيثة ( توجد امثلة )
Author: الجندرية
Date: 04-30-2010, 08:12 PM
Parent: #5
حبابك عشرة اخونا عثمان موسى
لونا بقى رمادي عديل من غيوم صنعاء
هههههههههه
ود عمك ما عندو عوجة الليلة مرق من المستشفى عمل ليهو عميلة صغيرونة كدا
دعواتك ربنا يتتم عليهو العافية
والوليدات في نعم المولى يحمدو سيدهم
تسلم علي السؤال
كلنا الكمبيوتر دا يا ود امي داخلين ليهو سااااااكت كدي شلاقة
ننتظر كلام المختصين / ات ونسويهو طوالي
خليك قريب
|
Post: #12
Title: Re: بوستات خبيثة ( توجد امثلة )
Author: الجندرية
Date: 04-30-2010, 08:06 PM
Parent: #4
سلام يا هدير
ديل ناس الفلهمة يا اميرة ؟
هههههه
شكراً ليك على النصيحة يا هدير
وقاعدة اعمل القصة دي من الـ دسك كلين اب
الانتي فايروس العندي الظاهر عليهو قوي
لانه هو القاعد بقبض لي في النصايب دي
يا ستي قالو امشي جنب الحيط
اي بوست القى فيه تحذير من الانتي فايروس حقي
بجي بكتبوا ليكن هنا دا
تسلمي يا هدير على المرور
|
Post: #7
Title: Re: بوستات خبيثة ( توجد امثلة )
Author: Adil Osman
Date: 04-30-2010, 05:39 PM
Parent: #1
| Quote: البوستات دي منها بوست اختنا تراجي عن مرض اخونا دينق |
فعلآ بوستات خبيثة يا الجندرية.
مليانة فايروسات وبرامج تجسس.
الامنجية الاسفيريين فى مرحلة متقدمة من السيطرة والهجوم.
ايميل تراجي برضه خبيث. اعملي حسابك منه لو كنتي تتراسلين معها.
|
Post: #8
Title: Re: بوستات خبيثة ( توجد امثلة )
Author: امال حسين
Date: 04-30-2010, 05:48 PM
Parent: #7
اماني
كيفك
الشوق من حاطف لا قاطف
ليك لعثمان
وللصغار الما لاقيناهم
وللزمن الجميل
محبتي
امال
|
Post: #10
Title: Re: بوستات خبيثة ( توجد امثلة )
Author: محمد البشرى الخضر
Date: 04-30-2010, 07:38 PM
Parent: #9
| Quote: غايتو يا ناس الشمارات ،، بقينا نعرف نطبق فيكن النظريات صاح |
مردودالك إن شاء الله يا جندرية
|
Post: #11
Title: Re: بوستات خبيثة ( توجد امثلة )
Author: عبد العظيم احمد
Date: 04-30-2010, 07:48 PM
Parent: #10
|
Post: #28
Title: Re: بوستات خبيثة ( توجد امثلة )
Author: الجندرية
Date: 05-02-2010, 11:50 AM
Parent: #11
اخونا عبد العظيم
تمام جداً
اوافقك على ان ما يكتب في المنبر يعبر عن رأي كاتبه / ته ، لكن دا علاقتو شنو بالبوستات الخبيثة الانا اتكلمت عنها هنا ؟
ـــــــــ
يا ود البشرى لو فهمت علاقة رد اخونا عبد العظيم ببوستيني دا عليك الله نور اختك ينوبك ثواب .
|
Post: #23
Title: Re: بوستات خبيثة ( توجد امثلة )
Author: الجندرية
Date: 05-02-2010, 09:05 AM
Parent: #10
ود البشرى
ازيك ياخ ومشتاقين
بعدين ترد شنو ياخ
يا حليل زمن الشباب
انت من ما غنماية الدقيق بقت تاكل عشاك
بقت ما منك مخافة
ههههههه
|
Post: #46
Title: Re: بوستات خبيثة ( توجد امثلة )
Author: الجندرية
Date: 05-09-2010, 11:50 AM
Parent: #44
شكراً ليك اخونا رضا
بس نحن متصفحنا
الـ google chrome
|
Post: #22
Title: Re: بوستات خبيثة ( توجد امثلة )
Author: الجندرية
Date: 05-02-2010, 08:41 AM
Parent: #9
سنجاوي اب كلاماً يداوي
يبدو لي الحركة دي بتكون مؤقتة
ولا ياربي بكري بجي ينضف ؟
غايتو انا دخلت بوست بشرى الفاضل بدون مشاكل
والليلة قدرت ادخل بوست دينق برضو بدون مشاكل
لكن لحدي هسي اهل الخبرة ما ورونا لمن يظهر لينا التحذير دا نعمل شنو
وهل مجرد الكلك علي البوست بيخرب اجهزتنا ؟
مودتي يا سنجاوي وشاكرة طلتك
|
Post: #16
Title: Re: بوستات خبيثة ( توجد امثلة )
Author: الجندرية
Date: 04-30-2010, 08:30 PM
Parent: #8
آمال حسين
يا سلااااام ياخ
ازيك انت وازي ماريا؟
بشوف كتابتك مرات مرات هنا
وكان نفسي كم مرة ادخل واداخل في موتضيعك الدسمة دي
لكن الكي بورد في يد الوقت الممحوق
سعيدة بالتواصل معاك وسعيدة بوجودك هنا
وصلت سلامك لعثمان وبردو ليك اضعاف
|
Post: #15
Title: Re: بوستات خبيثة ( توجد امثلة )
Author: الجندرية
Date: 04-30-2010, 08:24 PM
Parent: #7
| Quote: الامنجية الاسفيريين فى مرحلة متقدمة من السيطرة والهجوم. |
الله يضرهن يا عادل
انت الامنجية دي نتحل منهن كيفن ؟
الفايروسات ترا كتر خير النصارى الخلوهن للبصارة
لكن البصارة مع الامنجية ديل كيفن مع قوانين نظام السجم الجانا بالبندقية مرة وبالتزوير مرة دا ؟
الله يكون في العون غايتو
|
Post: #17
Title: Re: بوستات خبيثة ( توجد امثلة )
Author: جلال جبريل
Date: 04-30-2010, 08:41 PM
Parent: #15
جندرية والضيوف الفي البوست
..
البوستات دي كلها جربتها ماقاعدا تجيني رسالة تب
المشكلة قد تكون موجودة (عن قصد) الفرق وين؟
الفرق في الآنتي فايرس العندكم..
جربو الـــ Avast Antivirus
بِقُشْ القِللْ الزي دي
تحياتي
|
Post: #18
Title: Re: بوستات خبيثة ( توجد امثلة )
Author: Osman Musa
Date: 04-30-2010, 09:05 PM
Parent: #17
الشيخ تراث سلامتو .
اصلو شغل الصحافة بجيب وجع الركب يا أخوى .
عليك بالرداعى بعد صلاة العصر .
وعليك بالعسل الحضرمى بعد العشاء .
مع بنت الصحن فى الصبوح .
يا الجندرية لقيت ليك اليمنيات فى نيويورك بيعاينن عند الشراء لل total حق
ال sugars والtotal حق ال sodium وجماعتى ناس باب شعيب لبع من طرف ههههههها
..
يا سيد عثمان يا أخى اعمل حسابك
تحياتى
|
Post: #19
Title: Re: بوستات خبيثة ( توجد امثلة )
Author: ود الباوقة
Date: 04-30-2010, 09:12 PM
Parent: #18
عنوان البوست متزمزغ
والمحتوى اكثر زمزغة ...
الله في 0000
|
Post: #20
Title: Re: بوستات خبيثة ( توجد امثلة )
Author: عبدالرحيم أبراهيم العبيد
Date: 05-01-2010, 09:08 AM
Parent: #19
الاستاذه/أماني
تحياتي لكم
و للاخوه /طارق/أسامه عبدالجليل
زملاء الدراسه
ولجميع ناس ديم لطفي
ورفاعه
|
Post: #21
Title: Re: بوستات خبيثة ( توجد امثلة )
Author: tmbis
Date: 05-01-2010, 09:38 AM
Parent: #20
| Quote: وقاعدة اعمل القصة دي من الـ دسك كلين اب |
... 
والله لكن بقيتي خطيرة يا اماني ..
تكنلوجيا مبالغ فيها
مشتاقين يا ست الكل ..
|
Post: #24
Title: Re: بوستات خبيثة ( توجد امثلة )
Author: ايهاب
Date: 05-02-2010, 09:11 AM
Parent: #21
اماني قالو الشوف ما زي السمع
الشرح ماحا يكون معبر في الموضوع دا
لازم (تكلكي) ليك بوستين تلاته عشان تشوفي بي عينك خخخخ
شفتي الخباثه الما بتعرفيها هههه
ملحوظة: ممكن تدي الجهاز بختين تلاته بعد كل كللك
:)
|
Post: #25
Title: Re: بوستات خبيثة ( توجد امثلة )
Author: ايهاب
Date: 05-02-2010, 09:17 AM
Parent: #24
استغلال وكدا:
تامبا العريس ياخي والله حاولتا الم فيك ابارك ليك ما لقيت طريقه ورسلتا ليك ف ي المسنجر كمان
معليش احنا دائما بنجي في النهايه العتب على عدم المتابعه اظنك الوقت داك كنت لافي
ربنا يهنيكم ويسعدكم ان شاء الله
|
Post: #26
Title: Re: بوستات خبيثة ( توجد امثلة )
Author: محمد عبد الماجد الصايم
Date: 05-02-2010, 09:32 AM
Parent: #25
Quote: انت من ما غنماية الدقيق بقت تاكل عشاك
بقت ما منك مخافة |
الجندرية .. الأخبار والأمور وإلخ إلخ؟
|
Post: #27
Title: Re: بوستات خبيثة ( توجد امثلة )
Author: عمران حسن صالح
Date: 05-02-2010, 11:23 AM
Parent: #26
.
|
Post: #39
Title: Re: بوستات خبيثة ( توجد امثلة )
Author: الجندرية
Date: 05-04-2010, 11:25 AM
Parent: #27
أجي يا عمران
مالك مسحت مداخلتك ؟
حالتي دخلت وقلت ارد عليك واقول ليك
كيفن ما قاصداكن ، انت نون السودانيين الشهيرة بتاعت ازيكن كيفنكن دي متبري منها مالك
ولا عشان جابت ليها شمارت .
هههه
ـــــــــــــــ
ياخي العفو لو زعلانك
|
Post: #37
Title: Re: بوستات خبيثة ( توجد امثلة )
Author: الجندرية
Date: 05-03-2010, 08:06 AM
Parent: #26
ود الصايم
شمتان ؟
الدنيا دوارة يا ولدي
وبكرة غنماية الدقيق بتاكل عشان النجوم برضو
هههه
الامور ما عارفها لكن الـ الخ الخ تماااااااااااااااااااااااااااااام التمام
|
Post: #30
Title: Re: بوستات خبيثة ( توجد امثلة )
Author: tmbis
Date: 05-02-2010, 11:58 AM
Parent: #25
Quote: تامبا العريس ياخي والله حاولتا الم فيك ابارك ليك ما لقيت طريقه ورسلتا ليك ف ي المسنجر كمان
معليش احنا دائما بنجي في النهايه العتب على عدم المتابعه اظنك الوقت داك كنت لافي
ربنا يهنيكم ويسعدكم ان شاء الله |
ازيك يا هوبااا ..
سلامات والله شديد .. وين الحي بيك ..؟
ياخ والله ليك وحشة .. أخبارك مقطوعة .. وشايفك فتحت للمكان دا ..
والله كنت لافي لف شديد جدا .. ضربت لي شهرين مبالغة ..
شايف صاحبك قرنفل ظهر من جديد ..
خلينا نتلاقى ..
|
Post: #35
Title: Re: بوستات خبيثة ( توجد امثلة )
Author: الجندرية
Date: 05-03-2010, 07:14 AM
Parent: #24
هوبي ازيك وازي سلام ورامي
القال ليك منو الشوف ما زي السمع ؟
انت ما سمعت بالأذن البتعشق قبل العين ؟
وما سمعت بالعين البتصيب بالعين ؟
ولا شوف العين الكتل غزال الاسفير ؟
ههههه
شوفاً يا ابوي لي جنس الخباثات دي
نبرى منو
وجنس تكلك لبوستات مافي
يلقوها عند الغافلة
وفي دي صدقت الخباثة ما بعرف ليها وحاة خوتك
ولا اشيلها لا اديها ياربي
بعدين ما شرحت لي بختين باي حاجة يعني ؟
ولا في صنف محدد
ههههه
|
Post: #34
Title: Re: بوستات خبيثة ( توجد امثلة )
Author: الجندرية
Date: 05-02-2010, 06:46 PM
Parent: #21
عاد يا علاء
الشوق دا ما تجيب لي سيرتو
لانو فعلاً بقى طرحة لفحتنا وتوب مرقتنا
اما الخطورة اسكت ساكت
اها النقول ليك
شفت خدر مش بقى يداغل علي وما ينزل لنكات الحفظ ولا يرسل لي نصيبي بالطاقة ؟
اها اتعلمت احفظ ليك الاغاني
ما شايفني بطلت الشحدة ؟
اقول ليك اخطر من كدا ؟
ابو مهيار كان معانا قبل اسبوعين كدا
نحمد الله علي الشوفة بعد عشرة سنين
اها عندو ميموري ملانة لي ذمتها غنا سمح
نقلتو منو
ولمن سافر فضيت قلت اجي اسمع
القى ليك الغنا ما بشتغل
تلاااااااااااااااتة يوم واحاتك رابطي راسي ومقابلة الجهاز
انقر ما عرفت اغير امتداد الملفات واشغلها
شفت كيف ؟
تقول لي شنو
عشان تاني تقول علي بليدة وترفع يدك من تدريسي
اها
براااااااي بقيت اعرف الدرب
والما عندها ضنب بحاحي ليها رب العالمين
|
Post: #33
Title: Re: بوستات خبيثة ( توجد امثلة )
Author: الجندرية
Date: 05-02-2010, 06:37 PM
Parent: #20
اخونا عبد الرحيم
حبابك الف
يصل سلامك لطارق واسامة
على فكرة اسامة عضو في هذا الموقع ويكتب هنا احياناً
وديم لطفي يا حليلو وحليل ايامو
ربنا يجمع الشمل
|
Post: #32
Title: Re: بوستات خبيثة ( توجد امثلة )
Author: الجندرية
Date: 05-02-2010, 12:12 PM
Parent: #19
ود الباوقة
الله قاااااااااعد اصلو
لكن المتذكر / ة كدا منو؟
قت ليك متزمزغ يعني شنو ؟
|
Post: #31
Title: Re: بوستات خبيثة ( توجد امثلة )
Author: الجندرية
Date: 05-02-2010, 12:02 PM
Parent: #18
أخونا عثمان موسى
يسلمك الله من كل شر
يا خوي شغل الصحافة ما براهو البجيب وجع الركب
باين لي مصاقرة النت دي زاتها بتجيبو
الله يحفظ المؤمنين / ات
ناس باب شعوب اللبع يفوتهن يمشي وين عاد
ههههههه
|
Post: #29
Title: Re: بوستات خبيثة ( توجد امثلة )
Author: الجندرية
Date: 05-02-2010, 11:58 AM
Parent: #17
اخونا جلال جبريل
حبابك عشرة
الحركة الاشتكينا منها انا واخوي سنجاوي دي ما بتكون ثابتة
لاني انا زااااتي دخلت البوستات دي قبل الشكوى وبعدها
لكن صادف في واحدة من مرات دخولي حصل لي الحصل واشتكيت منو دا
اها الانتي فايروس حقي قوي ـ والله اعلم ـ كان ما كدي كان خلاني اكلك ساااااااكت علي عماي
وجهازي يلحق امات طه
شكراً ليك يا جلال علي الطلة
|
Post: #36
Title: Re: بوستات خبيثة ( توجد امثلة )
Author: الجندرية
Date: 05-03-2010, 08:01 AM
Parent: #29
يا اهلنا
بوست العزاء في والدة الزميلة عواطف ادريس
بديني نفس الرسالة
بالجد قصة الخباثة دي شنو ؟
|
Post: #38
Title: Re: بوستات خبيثة ( توجد امثلة )
Author: ايهاب
Date: 05-03-2010, 09:44 AM
Parent: #36
هههههههههه
اولا سلامه الاستاذ تراث ان شا ءالله ما يشوف شر
ثانيا دا غزال الاسفير ياخي شوف عين شنو البقتلو الا يكون في حاله حول حايمة ههه
ثالثا بخي باي شي ان شاء الله تقولي بخخخ ساي
قالو في مسطول مشى يزور ليهو جماعه
جات بتهم الصغيرة حايمه ناداها
المسطول : اسمك منو يا شاطره؟
الشافعه : اسماء
المسطول : اممممم .... يعني مافي اسم محدد
ههههههه قديمه موش
كل التحايا
|
Post: #40
Title: Re: بوستات خبيثة ( توجد امثلة )
Author: الجندرية
Date: 05-04-2010, 09:47 PM
Parent: #38
ايهاب
شايفاااااك عدلت كراعك علي البورد
قت مالك ؟
الرقابة القبلية لغوها ؟
ههههههههه
الله يسلمك يا ايهاب من كل شر
عثمان والله متجرس من العملية ربنا يخفف عليه
|
Post: #41
Title: Re: بوستات خبيثة ( توجد امثلة )
Author: طارق جبريل
Date: 05-04-2010, 10:33 PM
Parent: #40
جيت نفسي مقطوع ياخي
اجي القاك فارشة عرديب
كيفنك ياخي
|
Post: #42
Title: Re: بوستات خبيثة ( توجد امثلة )
Author: الجندرية
Date: 05-05-2010, 07:39 PM
Parent: #41
طيبة يا ود جبرين تسأل منك العافية
لووووووووووول علي قطعة النفس
اهلنا ناس اليمن عندهن مثل لذيذ
بقول " الشجن قتل العجوز "
والشجن هو الشمار الوااااااحد حقنا دا
قطعت النفس الله لا جاب يومها يا اخوي
وفي الفروع الخدر
|
Post: #43
Title: Re: بوستات خبيثة ( توجد امثلة )
Author: الجندرية
Date: 05-08-2010, 08:11 PM
Parent: #42
يا اهل الخير
لحدي هسي زول افتاني في قصة البوستات الخبيثة دي مافي
بحاول ادخل بوست دكتور بشرى الفاضل :
صيغة منتهى جموع النبات المرّ
وما بقدر لانو بتجيني الرسالة الاتكلمت عنها
وقبل كم يوم بوست اخونا محمد عبد الرحمن عن مشروع الجزيرة
بالجد القصة دي احلها كيف؟
|
Post: #45
Title: Re: بوستات خبيثة ( توجد امثلة )
Author: أبو ساندرا
Date: 05-09-2010, 06:50 AM
Parent: #43
Quote: يا اهلنا
بوست العزاء في والدة الزميلة عواطف ادريس
بديني نفس الرسالة
بالجد قصة الخباثة دي شنو ؟ |
غايتو انا لقيت لي سبب ابرر به تقصيري في عزاء الأخت عواطف
وتاني كلما أقصر ، اعلق السبب في شماعة الخباثة
شكرآ يا امان
|
Post: #47
Title: Re: بوستات خبيثة ( توجد امثلة )
Author: الجندرية
Date: 05-10-2010, 05:30 PM
Parent: #45
سلامات يا ابوهن
ومشتاقين
الخباثة ما بتقدر تعلقها لكل البوستات بتكون ظاهرة
احسن تعمل زيي وتقول " نان نان هسي انا جيت "
هههههههههههه
|
|