مُجادعات/ رُباعيــــــــــات... يوجد ممكُونييييين

.
.
.

بنيتا ً تلت الأيد وجدَّعَتْ طرحتها
سرقت كرامتي وفي طرف الهديم صرتها
راحت بيها في سجن الغرام طبلتها
قايلاهو سِجِنْ!هي يادُوب السعادة غِشتها

.
.
.

شروط الدخول والكتابة هنا:


1/ لازم تكون ممكون شديد.. لامن عيونك مِزغللات.

2/ قرفان شديد... لامن إضنيك صانات.

..


بعد داك أي شئ ممكن نتقاضى عنو


....

يالطييييييف

.
.
.


ناس ممكونة مافي؟

.
.
.

.

Quote: 1/ لازم تكون ممكون شديد.. لامن عيونك مِزغللات. 2/ قرفان شديد... لامن إضنيك صانات.

صعّبت الشروط في اللفظ و المضمون
كيفن الدبار إن ما بقيت ممكون
أو قرفانن من الحال العليه الكون
إن تقبل نجادعك سائلين الكريم العون


إن قبلت قول عوك بملاك فقر لامن تقول بس

Quote: إن قبلت قول عوك بملاك فقر لامن تقول بس

ود البشرى ياحبيب وين بلودك


صاحبك القردابي إشترينا ليهو آنتي فايرس

قبلان تب قول بسم الله

البلد أم سموماً أحلى من نسَّامْ

مشتاق ليها بي سجمها وضرايب العام

برجع ليها عز الطين طيورها حمام

ما تخجوها خجاكم خراباً سام..


ينفع؟؟

البلد أم خجيج السمحة بس بي ناسا

برجع ليها مشتاق للبقوقي دباسا

أقلامنا الشدر والنيل مداد كراسا

أشواقاً تسابق للمقنَّعْ راسا

شنو يا جماعة؟؟

الممكون يعني لازم يكتب في ممكونة؟؟

بالمناسبة : المقنع راسا دي الوالدة أطال الله في عمرها..

Quote: البلد أم خجيج السمحة بس بي ناسا برجع ليها مشتاق للبقوقي دباسا أقلامنا الشدر والنيل مداد كراسا أشواقاً تسابق للمقنَّعْ راسا

البلد المتِين والممكَّنْ ساسا
بي توب العفاف منظوم ممشط راسا
الولدإن جدع وإن فيهو ساكنة فراسة
مابسافر يخليك لي ملاعيب ساسة

Quote: البلد المتِين والممكَّنْ ساسا بي توب العفاف منظوم ممشط راسا الولدإن جدع وإن فيهو ساكنة فراسة مابسافر يخليك لي ملاعيب ساسة

ما سافرنا نزهة ولا مطاريد ساسة

ساقتنا التصاريف زي وكالة ناسا

راجعين ليها كان المولى يعدل راسا

قبال العواسة العيش بدورلو كواسة

أركز ..

أرح..

لي قدام

شبال يا العربي
ود البشرى انت نقلوك برنامج بوادينا متين ؟

سلام يا سيد البوست

Quote: شبال يا العربي

أبشري بالخير..

كيفك يا بت خالتي؟؟

الناس كلهن طيبين؟؟

أسامة وين ما ظاهر؟؟


والله أكان الزول بيضمن ما يتعوق ،، كان يركز ينجلد...

عيلا الأولاد ديل ما بيمزوا الضرب..

يقوموا يعوقونا ساكت.. برانا عندنا سكري

(وش أخدر يتدردق سااااااي)..

Quote: شبال يا العربي ود البشرى انت نقلوك برنامج بوادينا متين ؟ سلام يا سيد البوست

الجندرية حبابك

Quote: ما سافرنا نزهة ولا مطاريد ساسة ساقتنا التصاريف زي وكالة ناسا راجعين ليها كان المولى يعدل راسا قبال العواسة العيش بدورلو كواسة

قبال الرجوع خليك فيك كياسة
أثبت رفيق بطِّلْ نواح وجِراسا
البِتْ أم سبيب والعفاف ميراثا
مستورة بيوت ولافي راجلا ً باسا

Quote: مستورة بيوت ولافي راجلا ً باسا

أخي الكريم..

هذا النوع من الفن السوداني الأصيل.. لا يحتمل أبداً مثل هذا الذي ذهبت إليه..

فنرجو أن تسمح لنا بالإنسحاب..

يبدو إن كيسك فاضي والله تعالى أعلم..

Quote: يبدو إن كيسك فاضي والله تعالى أعلم..

الله يلحقك الماتو ياماعندك موضوع

إذهب لامحمودا ً... وعليك الله كان جيت تاني

قطر عجيب يودي مايجيب


إظهر إنو هوايتك سب الناس

Quote: وعليك الله كان جيت تاني

قلت ليك: يظهر إنك كيسك فاضي والله تعالى أعلم..

لاحظ لعبارة "والله تعالى أعلم" دي..

أما الآن .. لعل العلم بجهالتك انتقل من كونه محصوراً في علمه تعالي.. إلى علم خلقه أجمعين..

اللهم لا تؤاخذنا بما فعل السفهاء منا..

Quote: لعل العلم بجهالتك انتقل من كونه محصوراً في علمه تعالي.. إلى علم خلقه أجمعين.. اللهم لا تؤاخذنا بما فعل السفهاء منا..

خير وشكرا ليك

بس أمش وماتجي تاني

نحن أسياد بلد نقعد نفوت بمزاجنا

في شتا في خريف دايماً مولع صاجنا

ما بنكرم ضيوفنا لحوم طيوراً داجنة

في التلت الأخير التور يموت في عجاجنا


إت قايل براك الجعلي؟؟

أبنص فرش... والله الليلة حدك القضارف

Quote: نحن أسياد بلد نقعد نفوت بمزاجنا في شتا في خريف دايماً مولع صاجنا ما بنكرم ضيوفنا لحوم طيوراً داجنة في التلت الأخير التور يموت في عجاجنا

نحن ولاد سماحة والكرم إنتاجنا
نعفاك يارفيق وإن دُرت تاخد تاجنا
بنكرم ضيوفنا لحوم طيورا داجنة
ووكتين يجب بالكوريك بنغرف صاجنا

جلال يا صاحبي اتاريك زولا ما ساهل تب في راسك كلام وكلام

محمد البشري ومحمد مصطفي تسلموا لكم من الدهشه الكتير

جيتكُن خبيب فوق القفاهو زراق
قاصد لي رجالا ً دربهُنْ زلاق
حارسين الديار تاكلين سلاحُنْ ساق
ضربهُنْ الفِقرْ نهرتهُنْ تجيب الفاق

Quote: جلال يا صاحبي اتاريك زولا ما ساهل تب في راسك كلام وكلام محمد البشري ومحمد مصطفي تسلموا لكم من الدهشه الكتير

مرحب بيك شقدي

الزول مافور أعصابنا

البلد التجيب الضيف بخيتين ناسا
والحرب أم غبار بندورو نحنا دواسة
أهل الحارة نحنا، حايزين نشان نبراسا
والدنيا أم قدود بنعدل ونعوج راسا

أخوي
جلال جبريل
ودفعتي في المنبر وأخوي
محمود مصطفى

المناقرة نتاجها جميل
بس خلونا منها وتعالوا بي جاي


من اول لقاء دخل مزاجي شغل بالي
العيونه صارخه فارع وجماله حالي
يندهلو قمر السما الـفوق في علالي
آمنت بيك وبدورك تجي تقعد بدالي

مرفق:
صادق التقدير

إسماعيل حميم

.

جلال يا عمك وينك !!

ساكي الرايحين زلا شنو ؟؟

فوق لمن تجي

إسماعيل حميم



.

إسماعيل حميم شكرا للمرور والسؤال عني ماني بعيدين منك

قاعدين والله

وكمان:

قاعدين فوق جمر جمرا تهبو الريح
طارين البلد الكُلْشِي فيها مريح
سهم الإغتراب زاح في فؤادنا زحيح
لابنفح صبر لاتفيدنا أحْ لا وحيح

سلام جلال مرحب بالعودة

ود جبريل كان درت مني قول النصيح
البسيب بلدو ويشوف غيرا ماهو نصيح
حت كان جن وبقى ليلو ونهارو يصيح
ولا بقت غابة ساكيهو فيها توراً نطيح


إسماعيل حميم

.

يا سماعين حباب جيتك ونضمك زين

ود جبرين طرد ضيفانو سوا الشين

تقول كتبولوا هادا البورضي بالساكنين

عاد قلنالو هادي القعدة حمرة عين...

Quote: يا سماعين حباب جيتك ونضمك زين ود جبرين طرد ضيفانو سوا الشين تقول كتبولوا هادا البورضي بالساكنين عاد قلنالو هادي القعدة حمرة عين...

شوف الدجل سبحان الكريم سبحان!!
الضيف ينطرِد إن كان قليل إحسان
ياخ خليك عفيف وأمسك عليك لسان
وحديثك لي فيهو تجريح وتقليل شان


يامحمود ياخوي إنت النبذتني في الأول وهسي جيت ماسك في الفيها

يا أخي عليك الله لو شايف دا طريقك أنا في غنا ً

يا الحبان قولو خير وأطوه في النسيان
النم بي طيب الحديث فيه الحرف رنان
وتبقى الدار مفتوحه داراً وسيع وأمان
ينعم فيها الكل سيدا وضيفو والأخوان

إسماعيل حميم


.