فتوى التصويت .......

حكى لي صديق ، والعهدة على الموجة القصيرة ...
ان أحد الشيوخ كان يتحدث عن ضرورة التصويت في الانتخابات ، فقاطعه الاتصال التلفوني التالي :

المتصل : يا شيخنا نحن مقاطعين الانتخابات عشان زولنا ما خاشي في اللستة.

الشيخ : مافي مشكلة ، المهم أنك تصوت للقوي الأمين من الموجودين في اللستة بتاعة المرشحين دي.

المتصل : طيب يا شيخ لو ما لقيت القوي الأمين معاهم ، في مشكلة أنو ما أصوت .

الشيخ : عدم التصويت حرام .. إذا ما لقيت القوي الأمين مفروض تصوت لأكثر واحد بشبه القوي الامين .

المتصل : كيف يعني ؟

الشيخ : يعني مثلاً لو في اتنين كويسين لكن مثلاً بسرقو ، واحد بسرق خمسة مليون والتاني بسرق اتنين مليون ، أها تقوم طوااالي تقع أبو اتنين مليون ده .

تيت تيت تيت ( الخط قطع ) ...