شباب/ت الساما يا سعاد نفخر بيهم (الداير يفرح يخش هنا)

Quote: عمل طوعي تقوم عليه مجموعة من المتطوعين تأسس في العام 2009 ، يستهدف الفئة المتفوقة أكاديمياُ من الأطفال من أسر معدمة أو من غير عائل بحيث يمثل وضعهم المادي تاثيراً سلبياً على مواصلة تعليمهم لعدم أمكانية أسرهم المادية للصرف على متطلبات التعليم ، أو لأضطرارهم لترك الدراسة للعمل لإعالة أفراد الأسرة أو لإضطرار الطفل لإعالة نفسه

Quote: بي صراحة اول ما سمعته الخبر حسيت بي عيوني اتملت دموع فرح رغم اني ما عندي اطفال ولا متزوج لكن حسيت انو ديل اولادي انا النجحو

Quote: انا لحدي هسي شعرت جلدي قايمة يا حافظ واقول ليك حاجة بتقوم اكتر واكتر لمن القى زول متحمس للفكرة عندنا مختار في الفترة الأولى كان العاشر في البعدها جا الخامس وعندنا سعاد كل نمرها اعلى درجات كان عندها مشكلة بس في الانجليزي وبحبة مساعدة جابت اكبر نمرة في الفصل الناس ديل النجاح حقهم هم ما بنقدر نعزي الفضل لينا لكن كون أننا نقوم بواجبنا ونحمي شمعتهم دا هو الاحساس البخصني انا اهم حاجة تثبتها يا حافظ انه الشغل دا واااااااااااجب يعني واجبنا نحن تجاه البلد مافي زول في لحجة يحس انه بتفضل ولا بتصدق ولا بعمل حاجة خارقة وجميلة

(عدل بواسطة حافظ حسن ابراهيم on 04-29-2010, 07:49 AM)

Quote: تصدقي ماعندي كلام اقولو عايني بقول ليك كلامي وانتي صيغيه بطريقة كويسة يعني اول شي انا ممتنة ليك عشان خليتيني جزء من العمل النبيل دا بشكرك لاني دايما بحس اني مقصرة في مكان ما عن واجب ما ماكفاية انك تساعدي اهلك ومعارفك كمان في مجتمع وناس يمكن الواحد مابيعرفهم بصورة شخصية لكن برضو عندهم عليك حق احمد وايه نجحو يبقي شكرا ليهم هم عشان اتاحو لي فرصة اني مااقصر في واجبي يبقي انا الممتنة ليهم حاسة اني لسة مقصرة لاني ماعملتا ولا شي غير التنظير لكن بس ساي مجرد انو اسمي في المجموعة دا مديني امل اني حااعمل شي مش انا مامتزوجة ولا عندي اولاد لكن قربت احس باحساس الاب والام لما اولادهم ينجحو وبالذات في ظل الظروف الصعبة عندي خوف من انو في كم احمد وايه يدين ساما ماحاتوصلهم لكن كمان عندي امل انو ممكن تكون في مليون ساما تاني ولا ساما زاتا ناسا يبقو مليون والاهما شي انو المليون ديل يكونو من قلبهم جوة بيعملو الحاجة دي ومش بس عشان يريحو ضميرهم

Quote: مبــــــــــــــرووووك يا حافظ.. عمل فريد ومسؤل ويفرح.. الف الف الف مبرووك النجاح.. للطلاب و لمن يقوم علي الفكرة المشروع الطموح نعم يا حافظ.. دعونا نعمل لهم ومن أجلهم.. مع شباب \ــات(الساما) من أجل المستقبل من أجل جيل متعلم ومتفوق وناجح انضممت للقروب في الفيس بوك.. وادعم معكم المشروع بكل شئ ولي قدام يا (ساما) وحتي تكون منظمة مجتمع مدني كبري ,لها فروع في كل بقاع السودان شكرا يا حافظ علي الفرح وشكرا للشباب\ـــات.. علي الجهود والمثابرة ..والعمل المميز

Quote: يلا افرحوا مع ساما اية أحرزت 262 و أحمد 269 في امتحانات مرحلة الاساس لهذا العام الف مبروك يا أحمد و الف مبروك يا أية بنجاحكم كل شئ ممكن

مبروك أحمد .. بنجاحك كل شئ ممكن
مبروك آية .. بنجاحك كل شئ ممكن

ساما المستقبل

شكرآ حافظ
شكرآ ساما

__________

Quote: و الله الواحد خائف يقتنع بنظرية نعيم علي (بكرة أحلي)

Quote: فرحانة كتير يا حافظ الله يحفظكم جميعا

Quote: يستهدف الفئة المتفوقة أكاديمياُ من الأطفال من أسر معدمة

Quote: الف مبروك آية و احمد . . و كل المستقبل ليكم و لاخوانكم الجايين عبقرية الشعب دا ما بتنفذ يا حافظ عشان كدا أكيد يوم بكرة جميل و باكر ضواي

Quote: عفيت منك ياودبطنى..دا كان رد امى ووقتها تعلمنا الكثير ومازلنانتعلم

Quote: اعترف انو فى ناس المدرسة بجو حفيانين والدنيا حر وفى ناس بجى شايلين كراستهم فى ايديهم والدنيا مطرة واهلهم مساكين مابقدرو يشترو ليهم وفى نفس الوقت شاطرين , قال اذا ماعندى شنطة عندى امل انو بكرة ممكن ابوى يشترى لى شنطة و يشترى لى جزمة لكن ديل ماعندهم حتى امل نخليهم يعنى؟

Quote: ملايين التبريكات لاحمد وىية بالجد فرحتا ..ز شكرا ليكم يا شباب مازالت الدنيا بخير

Quote: شيء مفرح جدا أخي حافظ بارك الله فيك و في مجموعة ساما مشروع يستحق الدعم الكامل

Quote: ننتشى فرحا معكم بحصاد جهدكم وانتم تمسحون دموع الفرح بنجاح احمد وآية لهم ولكم منا مليار باقة تهنئة ونتمنى لهم دوام النجاح والتوفيق

Quote: أحمد ولدي ... زي ما بقول عمي (........) والده .... حلو شديد ... لطيف ... وذكي ... عارف هو عايز شنو ... اول مرة شفته ... وشفت اسرته بكيت ....بكيت لانه ما ح نقدر نساعد اسرة كاملة ... لانهم كلهم بستاهلو المساعدة ... بكيت انه رغم الفقر الشديد ... ما قلل من طموحهم او قلل من اماني والدهم ليهم ... بكيت انهم برغم انه ما عندهم ولا حاجة يتسندو عليهم قادرين يوم النتيجة بليل ما قدرت انوم ... في نفس اليوم اتكلمت مع احمد قال لي ما تشيلي هم وكان صادق ضربت بعد المؤتمر الصحفي ... عمي والد أحمد قال لي احمد مشى المدرسة ... لمن رجع ضرب لي تلفون في الاول ما قدرت ارد من الخوف ورجعت ليهو ... قال لي ابشرك ولدك جاب 269 ومن كترة البكاء .. ما قدرت اواصل المكالمة فرحانة لييهو شديد ... فخورة بيهو اشد ... شكرا يا احمد ... لانك اديتنا درس انه الفقر ما عجز بالعكس دافع لقدام شكرا احمد ... لانك اديتنا الامل ... انه ساما قدرت تعمل شئ وانه ممكن ساما تعمل اكتر واكتر والله لو عارفين احساسنا ... كان كل زول شارك معانا ... او شارك في عمل تطوعي آخر ... لانه بالجد احساس لا يمكن يتوصف ... ولا يتكتب ..ولا يتقال

Quote: اعترف انو فى ناس المدرسة بجو حفيانين والدنيا حر وفى ناس بجى شايلين كراستهم فى ايديهم والدنيا مطرة واهلهم مساكين مابقدرو يشترو ليهم وفى نفس الوقت شاطرين , قال اذا ماعندى شنطة عندى امل انو بكرة ممكن ابوى يشترى لى شنطة و يشترى لى جزمة لكن ديل ماعندهم حتى امل نخليهم يعنى؟ عفيت منك ياودبطنى..دا كان رد امى ووقتها تعلمنا الكثير ومازلنانتعلم

Quote: ياالعريس ازيك مكه بنوها علي فاله وبتمني عند الله يا حافظ اشوفك في بيت الحلال وابارك ليك بيت العدل

Quote: يعني واجبنا نحن تجاه البلد مبروك يا وغد والفيك انعرفت زول جميل بس ....

(عدل بواسطة حافظ حسن ابراهيم on 05-01-2010, 07:22 AM)

Quote: بجد شئ يرد الأمل في بكرة.. ألف ألف مبروك لشباب وشابات الساما النجاح المشرًف.. وللأمام..

Quote: إنو مسهامة بسيطة وفايضة عن الحاجة ممكن تغير مستقبل أنسان في بداية طريقو حاجة ما ساهلة و بعدين شعور بالظلم من الحكومات اللغت مجانية التعليم و زلت الشعب السوداني كان مفروض في بلد ذي السودان الجمعيات الطوعية دي تكون لتنمية مواهب الأطفال دراما موسيقى ..رياضة ..لكن التعليم و العلاج دا من أبسط مسئولية الدولة اخيرا شعور بالمسولئة لتطوير العمل و توسيعو و ضم مجموعة اكبر من الأطفال

Quote: بدأت الفكرة بعد وفاة الصديق محمد عبد المحسن (تايسون) وكانت سهير صاحبة الاقتراح وهو ان يتم مساعدة اطفال متفوقين من اسر معدمة وقمنا باختيار 5 طلاب وكل طالب هناك شخص متطوع بالاشراف عليه ابتداء من دفع رسوم التسجيل والزي بالاضافة الي مبالغ شهرية ثابتة عبارة عن قروش الترحيل ووجبة الفطور ولو في واحد محتاج درس خاص وبرضو قمنا بشراء ملابس العيد حقيقة كل الناس كانت متحمسة والمصاريف كانت بتصل الطلاب في المواعيد وانا كنت مسئولة من اية وفي يوم النتيجة اتصلت بوالدتها وعرفت منها انها لم تنجح بل تفوقت حسيت بالسعادة انو جهدنا اثمر وقدرنا نوفر لاية استقرار مادي ساعدها علي النجاح كما شعرت بالحزن انو اكيد هنالك طلاب كتير في بلدنا زي اية متفوقين بس مشكلتهم الوحيدة الامكانيات المادية

Quote: جميل جميل يا حافظ الله يديك العافية

Quote: دينا محمد يوسف أحد أعضا ساما تكتب عند سماعى خبر نجاح آيه و أحمد..إنتابنى شعور بالسعادة لايوصف ممزوج بالحزن ..سعادتى بنجاح أولادى الذين أحرزوا أبهر النتائج..وحزنى على الذين لم تتح لنا الفرصه لمساعدتهم و بداخلهم كل هذه العزيمه والهمه .... ما أدهشنى حقا أن مجهود قليل قادر على الكثير ... أشكر كل أعضاء ساما لجعلهم هذا الحلم يرى النور...وربنا يقدرنا لمساعدة كل آيه و أحمد...وإنشاء الله بكره أحلى... محمد عبد المحسن (تايسون).. مازالت تنتابني الغصه عندما اتذكر تلك الأيام..وكم هو مدهش كل مشروع لأجله يلقى هذا الكم من حب الناس والنجاح..ربما لصفاء قلبه وحبه الجامح للناس ..لك الف رحمه أخى الذى لم تلده أمى.

Quote: ياحافظ مشيت بهناك وقريت بس درب التسجيل غلبنى,,, والله فكرة عبقرية وامكانية تنفيذها سهلة وماعايزة امكانيات كبيرة لو خلينا المظاهر الكذابة واى زول اتلفت حواليهو بلقى زول محتاج وبحاجة بسيطة ممكن يفرح وينجح ويتقدم,,, نخلى الانانية حبة,,,, لو كل زول دخل البوست دا حاول يقدم دعم لطالب واحد بسس الحكاية حتمش لو انتظرنا لا الدولة حتعمل على مجانية التعليم ولا حتنزل علينا ليلة القدر وتحل لينا مشاكلنا,,, بقدرالروح الفينا دى تعالو نحافظ عليها بمزيد من التكافل والمحبة,, شكرا ياحافظ وشكرا لكل الشباب الواعى ومهموم بقضايا اهلو وناسو

Quote: انا خاتي لو قلت الست والدتك فعلاً اميرة عليك الله تاني سلم لي عليها و قولي ليها في واحد رأسو ما حلو كدا بسلم عليك شديد ... و بالله ما تنسي تسلمي علي أخو أميرة البدي شنطته لزملائه (يا الهي كم يقتلني هذا الشقي الجميل)

Quote: الف مبروك لشباب الساما ولكل الناجحين ومزيد من التوفيق شكرا يا حافظ

Quote: عشت تجربة مشابهة في إحدى نزلاتي إلى السودان، رأيت إبن أخي وكان طالبا بكلية الطب ومعه مجموعة من زملائة وقد أخذوا على عاتقهم مساعدة كل فقير يمر عليهم بأخذه إلى عيادات أساتذتهم وتوفير الأدوة المجانية ثم تطورت المساعدات لتشمل بعض المعينات للأسر المعدمة . ولكن ظل ذلك في إطار من يأتي إليهم ومن خلال إمكاناتهم الخاصة وبعض من حولهم وبقدر مايمكن إستقطاعه من زمن الدراسة... وأقولها بصراحة كانت تلك البارقة الوحيدة التي اشعرتني بانه ماذال هنالك أمل ...!!! منظمات المجتمع المدني لاغنى عنها حتى في أكثر الأقتصادات تقدماً فما بالك ببلدنا الحبوب ده.

Quote: تسندوا الضهر انتو وترفعوا الراس ربنا يحفظكم جميعاويبارك لكم في سعيكم ويسهل عليكم.

Quote: الست والدتنا والولد الشقى ديل الا اسلم عليهم بالتلفون ,,,لوقلت لى امى فى زول راسو ماحلو بسلم عليك,, حتقول لى هو انت متين بتعرفى زول راسو حلو?او انت راسك حلو اصلا ,,,,,,,,,شان اصحابك راسهم يكون حلو... وهكذا............................. غايتو امشى سلم عليها براااك وهى حتعرف انك من طرف منو??