SHIBKA شبكة شابة ... شابة شعلة من النشاط والروعة

بت أخوي دي عاجباني وداير اشكرا في زول عندو اعتراض رغم انها اول المعترضين
والشئ التاني في ناس شابكنها الاخ شبكة والاخ شبيكة
عشان يعرفوا انها شابة وليست شاب ولكنها اعز واكرم وليت كل الشباب يحزون حزوها 
شابة صغيرة ولكنها تحمل من الهموم كبارها ودائما تبادر لمساعدة الغير متمنية الخير للجميع
هي كلمات نكتبها في حقها وهي تجود بجهدها ووقتها ومالها والكل يعلم مجهوداتها تجاه اطفال المايقوما
ومشاركاتها الفعالة في كل المناسبات الاجتماعية وهي سباقة بطبعها ومرؤتها

ومن لا يشكر الناس لا يشكر الله

بت أخوي دي انا بفتخر بها وبتحدى بها وامثالها من الشابات يندر في هذا الزمن
يا ليت كل بناتنا زيها
اهتمامات قومية كبيرة
مشاركات اجتماعية واسعة وفعالة

ابصم بالعشرة
لم لا تنتشر فينا وبيننا ثقافة التكريم
شبكة تستحق وسام رفيع لما تقوم به
في صمت الرهبان ونقاء الأنبياء
رعاها الله وحفظها
بهاء

الاستاذ الفاضل Baha Elhadi
تحياتي واشواقي
وينك يا رجل يا ممتاز انتظرتك كثيرا لدعم بوست حنتوب لحدي ما مشى الارشفة ما جيت
ولكن حضورك في حضرة شبكة يضاهي حضورك هناك
ولايعرف اولى الفضل الا الافاضل

تعرف يا عبد الله اخوي
أنا في البلد المعفرتة دي بس قول يا لطيف
شبكة بعرفها معرفة إلى حدما واعرف عنصرها
وما هي قادرة عليه
للأسف أمثال شبكة لا يؤبه لهم في زحمة الهلمة والجبانة الهايصة دي
رغم هذا يتفانون فيما يؤمنون به
وفقها الله ورعاها وحفظها
دم بعافية الروح يا صديق منعرج النيل ودرته

بت اخوك منو الذيها؟؟؟!!!
من افضل البنات في عمرها
لطيفة ودودة وذكية

وانا بحبها جدا جدا واحترمها كثيرا

ليك حق تفخر بيها..

ود البوش
تحياتي ليك وضيوفك
شبكة دي والله بت حلال
محل ما تختها في جرح يبري
ربنا انشاء الله يمتعها بالصحة وطول العمر
وانشاء الله يوم شكرها ما يجي
خالص الود والاحترام

الاخ عبدالله ود البوش
لك التحية والاحترام ،،،
**-**فى زمن تتبدل فيه الاشياء شكلاً ومعني ، وتاثرت فيه الاصالة السودانية وضعفت امام مغريات العصر **-**
**-**لم تتاثر شبكة ولم تتبدل بل حافظت على اصالتها السودانية ومعدنها النفيس الغالي **-**
**-**تستحق ان يحيها الجميع على مجهودها الكبير فى موضوع اطفال المايقومة **-**
**-**وكذلك عرفناها سباقة لعمل الخير من خلال مشاركتها فى كافة الفعاليات الخاصة بابناء الامتداد**-**
شكراً شبكة وربنا يجعله فى ميزان حسناتك

Quote: **-**فى زمن تتبدل فيه الاشياء شكلاً ومعني ، وتاثرت فيه الاصالة السودانية وضعفت امام مغريات العصر **-** **-**لم تتاثر شبكة ولم تتبدل بل حافظت على اصالتها السودانية ومعدنها النفيس الغالي **-** **-**تستحق ان يحيها الجميع على مجهودها الكبير فى موضوع اطفال المايقومة **-** **-**وكذلك عرفناها سباقة لعمل الخير من خلال مشاركتها فى كافة الفعاليات الخاصة بابناء الامتداد**-** شكراً شبكة وربنا يجعله فى ميزان حسناتك

الاخ معاذ السر
شبكة من الناس القلائل الذين يستمتعون بخدمة المجتمع الانساني عموما بغض النظر عن كل الاختلافات
عرقية ام جهوية ام عقائدية
شبكة زولة الله يا معاذ وأن الله سوف يكرمها ويعزها بقدر ما تحمل من نية طيبة وصادقة
ومن يشهد له الناس بالخير فهو خير والله خير الشاهدين
نحسبها كذلك ولانزكيها على الله وهو خير الشاهدين

ابو عبد العزيز

Quote: فى زمن تتبدل فيه الاشياء شكلاً ومعني ، وتاثرت فيه الاصالة السودانية وضعفت امام مغريات العصر **-** **-**لم تتاثر شبكة ولم تتبدل بل حافظت على اصالتها السودانية ومعدنها النفيس الغالي **-** **-**تستحق ان يحيها الجميع على مجهودها الكبير فى موضوع اطفال المايقومة **-** **-**وكذلك عرفناها سباقة لعمل الخير من خلال مشاركتها فى كافة الفعاليات الخاصة بابناء الامتداد**-**

عرفتك اخ عزيز وكريم
واتمنى ان تدوم العشرة وربنا يجزي الجميع عن كل عمل لنفع اخرين

شاكرة ومقدرة لكلماتك

ASHRAF MUSTAFA

Quote: محل ما تختها في جرح يبري

وتظل مجروحة الى ان يبرى جرح المجروح
.
.

وربنا يمتعها صحة وعافية وعمرا مديدا
.
.
شكرا مصطفى

اشرف

Quote: تحياتي ليك وضيوفك شبكة دي والله بت حلال محل ما تختها في جرح يبري ربنا انشاء الله يمتعها بالصحة وطول العمر وانشاء الله يوم شكرها ما يجي

عاجزة عن شكرك على كلامك الطيب
وانشا الله يوم شكرك ما يجي يا أشرف

د . نجاة محمود
تحياتي
كريمة والبحبها كلو كريم
والله بت اخوي تعجز الكلمات عن وصفها
.
.
يا دكتورة مالك ماجيتي راجعة تاني تنبحي معانا بهناك  

يارب تطول عمر شبكة وتديها الصحة والعافية
غايتو لو حصل ليها حاجة ....... الا اتوجه لاقرب سفارة كينية

الاخ عبد الله ...فعلا هى تستحق الاشادة والاحترام ولها منى كل الاوصاف الجميلة والشبكات انا وجدت واحسب الشبكة لشبكة وان حمدت

حا تظلموها لأنو كل كلماتكم ما حا توفيها حقها

Quote: حا تظلموها لأنو كل كلماتكم ما حا توفيها حقها

انا يا ابو حسين ما خائف من دي لانو اكيد كلماتنا دي لسان حال ساهي
ولايمكن ان نعبر عن احساسينا بكلمات ونحن لسنا مطبلين ولانجيده ولا المقام مقامه
.
.
لكن كمان خايفين ننجها ...... فدحين عليكم الله جميعا
قولوا ماشاء الله وربنا اخليها واحفظا كما يقول مولانا محمد الحسن
ولو في بخور اسفيري كمان كبوهو .... العين حق
وندعو الله ان يحفظها بين غاب قوسين اذا الليل وغب ومن شر النفاثات في العقد ومن شر حاسد اذا حسد
وان يجعل من ينظر اليها بعين الحسد كوتد خيمة نصفه في الارض وعنقه للحبل وراسه تحت السندال

ابو حسين

Quote: حا تظلموها لأنو كل كلماتكم ما حا توفيها حقها

مافي شي يتقال عشان ارد عليك

أعلم تماما احساسك في هذه اللحظات ولسان حالك يقول
عمو عبدالله احرجني وكرهني حياتي
واني اقدر احساسك هذا
ولكن ايضا لسان حالنا يلهج بالشكر لك فقد تعلمنا منك نكران الذات وهاهم كل اخوانك واخواتك يرددون معي
شكرا شبكة ..... شكرا شبكة ...... فقد كنت قدوة للفتاة السودانية الاصيلة التي نفخر بها
ودعواتنا لك بالتوفيق هي اقل ما يمكن تقديمه لك بنيتي

Quote: فعلا هى تستحق الاشادة والاحترام ولها منى كل الاوصاف الجميلة

شبكة احبت كل الناس فاحبوها واحترمت نفسها فاحترموها
والله يا حامد كل صفة جميلة في الانسان وجدتها فيها
وهي مفخرة لنا جميعا

Quote: الشبكات انا وجدت واحسب الشبكة لشبكة وان حمدت

شبكة الدر والمرجان مي شبكة سمك وحيتان
اذن فهي شبكة بفتح الشين وليس كسرها
شكرا حامد عمك مخو تقيل .... هو النبحي دا بخلي لينا مخ ومنها متوجهين علي القردية كمان
اللهم نسألك حسن الختام

قال تعالى (﴿يطعمون الطعام على حبه مسكينا ويتيما وأسيرا · إنما نطعمكم لوجه الله لا نريد منكم جزاءاً ولا شكوراً﴾) وقد ورد فى كتاب أسباب النزول للواحدى النيسبورى أنها نزلت فى الإمام على بن أبى طالب وأهل بيته قال عطاء عن بن عباس : وذلك أن على بن أبى طالب نوبه أحر نفسه يسقى نخلا بشئ من شعير ليلة حتى أصبح وقبض الشعير وطحن ثلثه فجعلوا منه شيئا يأكلوه يقال له الخزيرة فلما تم إنضاجه أتى مسكين فأخرجوا إليه الطعام ثم عمل الثلث الثانى فلما تم إنضاجه أتى يتيماً فسأل فاطعموه ثم عمل الثلث الباقى فلما تم إنضاجه أتى أسير من المشركين فأطعموه وطووا يومهم ذلك...


إنهم أهل الله وهم كثر فى هذا المنبر ..خصهم الله بقضاء حوائج الناس لا يبتغون سوى مرضاة الله..أعلم علم اليقين بأنهم يتأذون عندما نذكرهم أو نشكرهم..فلهم منا كل إجلال وتقدير.
وهنيئا لك عبدالله ود البوش بهذه الثمرة الطيبة فالطيب لا يأتى إلا من طيب..

مليون تحية للاخت العزيزة شبكة.

يا زول بت جيرانا دي ما فيها كلام كله كله
يمين تملا العين

بنت بلد واخت اخوان بكل ماتحمل الكلمه من معاني

لك التحايا ياودالبوش

مافي كلام






غلبني عديل كده اكتب كلمه في شبكه
فالكتابه عن مثلها يحفها رهق التخير والانتقاء
شبكة صديقتي
لك الفرح شقيش قبلتي


ولك صادق المعزه اخي عبدالله ودالبوش

بت أخوك براك ؟؟
سعادة اللواء أخونا كلنا , فشبكه إبنته
عنوان لهذه الأسره التى أعرفها منذ عشرات
السنين ,, قمه فى التربيه والتهذيب والوعى
والإنضباط العسكرى الذى تعلموه من سعادة اللواء .
التحيه للعزيزه شبكه ولكافة أفراد ألأسره ولك
أخى عبد الله البوش .

ود البوش

صباح الخير

النبت الطيب لايخرج الا طيب

الاخت شبكة خرجت من نبت طيب اصيل

اللواء معاش العم العزيز / جعفر شريف

دعني اشكر هذا الرجل القامة الهامة

قمة في الاحترام والتقدير للكبير والصغير

انضباط حياتي منظم جدا....جدا

التزام تام بالعلاقات الانسانية مع الجميع .

اعتبره قدوة واتمني له الصحة والعافية

والعمر الطويل .

شكرا لانك اتحت لنا هذه النافذة لنقول

مالانستطيع قوله في حق هذا الرجل الجميل

من الزمن الجميل .

وياشبكة.....

بي شفع المايقوما ديل بس.... بتدخلي الجنة.....

سلام

علقت الهوي منها وليدا فلم يزل الى اليوم ينمو حبها ويزيدا

التحية والتقدير للعزيزة وزميلة العمل شبكة
فهى تستحق هذا البوست واكثر

شبكة نعم الزميلة ونعم الاخلاق ونعم التربية
تسعى دوماً لخدمة الاخرين وعمل الخير والتواصل الاجتماعي مع الجميع


شبكة فخر الصناعة الشايقية

عبدالله البوش: لك التحايا المقدره وانت تحي هذه البادره العظيمه في تحيه ايادى الخير.
ربنا يسعد أختنا (شبكه) ويديها العافيه.
اياديها السباقه للخير يجزيها الله كل خير عنها.
لا نملك لها سوى الدعاء وطولة العمر في الخير...فلتحيا يا سودان.
في هذه اللحظه يحضرني رب البر وسباق الخير الاول (نعيم علي)
انشاء الله يوم شكركهم ما يجي....أمين يارب.

يا سلااااااام .. يشهد الله في سماء ..

امنيتي اشوفها واسعد بصحبتها ..

والله يا ودالبوش بحبها لله قبل ما الاقيها ..

ولما اشوف بروفايلها ساي بفرح فما بالك لما اشوفها شخصياً..

ما بقدر اقول !!!

Quote: ولما اشوف بروفايلها ساي بفرح فما بالك لما اشوفها شخصياً..

والله يا عفاف ختفتي الكلام من خشمي، او زي ما بيقولوا " You took the wind out of my sail" خصوصا في حته بروفايلها دي"
أمنياتي لها بالتوفيق والنجاح.
شكرا يا عبدالله.
_____________________________
قبل فترة كنت عاوز افتح بوست عن غياب الزميل النذير حجازي ولكنه قد ظهر فكتبت له عن ذلك.يا ريت تسود بيناتنا ثقافة الإعتراف بفضائل الأخرين أو التعبير عن إنطباعاتنا الإيجابية عنهم/ن دون أن تطالنا العبارة ذات الحمولات السلبية المثبطة للهمم" كسير تلج او Apple polishing

لك وللأخت شبكة وافر تقديري وإحترامي.

مريحه جدا
وبسيطه جدا
ومحترمه جدا
و
و
و
و
و
و
و


ربنا يحفظها وبس

عبد الله كع

Quote: مريحه جدا وبسيطه جدا ومحترمه جدا و و و و و و و ربنا يحفظها وبس

وشكرا جدا
عل الكلمات البسيطة واللي
وصلت لي ببساطة شديدة جدا



ربنا يدوم المودة بين الناس وخصوصا اهل الامتداد

الاخ الفاتح ميرغني

Quote: يا ريت تسود بيناتنا ثقافة الإعتراف بفضائل الأخرين

لا خير فيمن لا يعترف بفضائل الاخرين وتحفيزهم عليها
لان باختصار الفضائل دي ترجع للمجتمع نفسه الذي فيهو انا وانت وهو وهي وهم

الفاتح

Quote: والله يا عفاف ختفتي الكلام من خشمي، او زي ما بيقولوا " You took the wind out of my sail" خصوصا في حته بروفايلها دي" أمنياتي لها بالتوفيق والنجاح. شكرا يا عبدالله.

ياسلااااااااااااام على كلامك السمح في حقى وفي حق بروفايلي كمان


اتمنى فعلا ان تدوم المودة بين الناس

Quote: قبل فترة كنت عاوز افتح بوست عن غياب الزميل النذير حجازي ولكنه قد ظهر فكتبت له عن ذلك.يا ريت تسود بيناتنا ثقافة الإعتراف بفضائل الأخرين أو التعبير عن إنطباعاتنا الإيجابية عنهم/ن دون أن تطالنا العبارة ذات الحمولات السلبية المثبطة للهمم" كسير تلج او Apple polishing

أثني

Quote: ا سلااااااام .. يشهد الله في سماء ..

عفة يا عفاف ام الدرة الماليك تمن
ان شاء الله ياعفاف درة تطلع ليك زي شبكة دي
عشان تبقى فرحتك فرحتين

عفاف

Quote: يا سلااااااام .. يشهد الله في سماء .. امنيتي اشوفها واسعد بصحبتها .. والله يا ودالبوش بحبها لله قبل ما الاقيها .. ولما اشوف بروفايلها ساي بفرح فما بالك لما اشوفها شخصياً.. ما بقدر اقول !!!

يا الله على كلامك السمح

وفرصة اقول ليك حمد الله على السلامة وسعيت لرقمك لكن ما تحصلت عليه
اتمنى الاقيك قريب وما تعرفي قدر شنو نفسي الاقيك

لكن الظروف منعت

لكن اتمنى يتحقق قريب

شكراً

Quote: عبدالله البوش: لك التحايا المقدره وانت تحي هذه البادره العظيمه في تحيه ايادى الخير.

العزيزة محاسن ابراهيم
هذا أضعف ما يمكن عمله تجاه أناس بذلوا جهودهم ووقتهم وتفانوا في خدمة الغير
أمثال بتنا شبكة واخونا نعـــــــــــــــــيم علي
فان الله يجزيهم لاحسانهم احسانا

بت الامتداد محاسن

Quote: لا نملك لها سوى الدعاء وطولة العمر في الخير...فلتحيا يا سودان. في هذه اللحظه يحضرني رب البر وسباق الخير الاول (نعيم علي) انشاء الله يوم شكركهم ما يجي....أمين يارب.

وين نحنا من البعملو نعيم

ياريت لو يتيسر لينا جزء من الشي المفروض نعملو


اتمنى الاقيك قريب في الخرطوم
وشكرا لردك الجميل

Quote: تسعى دوماً لخدمة الاخرين وعمل الخير والتواصل الاجتماعي مع الجميع

من أحب الناس حبب الله جميع خلقه فيه
وابقوا على الدرة دي عشرة أخي معاوية محمد الحسن

سعادة المستشار

Quote: التحية والتقدير للعزيزة وزميلة العمل شبكة فهى تستحق هذا البوست واكثر شبكة نعم الزميلة ونعم الاخلاق ونعم التربية تسعى دوماً لخدمة الاخرين وعمل الخير والتواصل الاجتماعي مع الجميع شبكة فخر الصناعة الشايقية

شكرا ليك على مرورك وكلامك الطيب في حقي

وبقينا زمالة عمل وبورد وشايقية

Quote: علقت الهوي منها وليدا فلم يزل الى اليوم ينمو حبها ويزيدا

شكرا وليد
وكلنا وليد
احبوها لانها تسنحق

وليد

Quote: علقت الهوي منها وليدا فلم يزل الى اليوم ينمو حبها ويزيدا

تسلم يارب على كلماتك وسعدت بمقابلتك قبل كدا

Quote: بي شفع المايقوما ديل بس.... بتدخلي الجنة.....

أخي هارون دياب
تحياتي
الجنة فضل من الله يتفضل به على عباده الاتقياء ونحسبها تقية راضية مرضية
ونشهد لها بذلك والله خير الشاهدين
ونتضرع لله عز وجل في هذا اليوم المبارك ان يتم الله نعمته علينا ويدخلنا وجميع المسلمين في جنات النعيم

شكري وتقديري أخي هارون وما تتوصوا عليها فانتم اقرب منها الينا

Quote: النبت الطيب لايخرج الا طيب الاخت شبكة خرجت من نبت طيب اصيل اللواء معاش العم العزيز / جعفر شريف دعني اشكر هذا الرجل القامة الهامة قمة في الاحترام والتقدير للكبير والصغير انضباط حياتي منظم جدا....جدا التزام تام بالعلاقات الانسانية مع الجميع . اعتبره قدوة واتمني له الصحة والعافية والعمر الطويل . شكرا لانك اتحت لنا هذه النافذة لنقول مالانستطيع قوله في حق هذا الرجل الجميل من الزمن الجميل .

اخوي هارون
جاييك رد من سعادة اللواء وهو شاكر كلماتك الطيبة في حقه وفي حقي

وين احنا لناس نعيم وامثاله

Quote: بت أخوك براك ؟؟

أخي كمال سالم
كل شريف فهو اخ للواء جعفر شريف
والشريفية شبكة تشربت عصارة تجاربه واختزلتها في سنها الصغيرة واقعا حيا بيننا
فهي حاملة لواء نكرن الذات حتى انك تحسبها جدة في عمر الزهور
.
.
سأل أحد الصحابة سيدنا حمزة ان كان هو اكبر من الرسول صلى الله عليه وسلم أم أصغر سنا ؟
فقال سيدنا حمزة هو اكبر مني ولكني ولدت قبله ......

عمي كمال

Quote: بت أخوك براك ؟؟ سعادة اللواء أخونا كلنا , فشبكه إبنته عنوان لهذه الأسره التى أعرفها منذ عشرات السنين ,, قمه فى التربيه والتهذيب والوعى والإنضباط العسكرى الذى تعلموه من سعادة اللواء . التحيه للعزيزه شبكه ولكافة أفراد ألأسره ولك أخى عبد الله البوش .

جاييك رد من سعادة اللواء

شكرا لكلماتك الطيبة في حقي اسرتي وفي حق سعادة اللواء الذي هو اكتر من كدا

Quote: غلبني عديل كده اكتب كلمه في شبكه فالكتابه عن مثلها يحفها رهق التخير والانتقاء

يا نوفل النجيضة ادانا ليها ابو حسين

Quote: حا تظلموها لأنو كل كلماتكم ما حا توفيها حقها

نوفل بالعربي

Quote: غلبني عديل كده اكتب كلمه في شبكه فالكتابه عن مثلها يحفها رهق التخير والانتقاء شبكة صديقتي لك الفرح شقيش قبلتي

قعدت افكر لو كان اسمك بالانجليزي انا غايتو كنت بتعب معاه

عاجزة عن شكرك على جميل كلماتك في حقى وانشا الله اكون عند حسن الظن بي

Quote: بنت بلد واخت اخوان بكل ماتحمل الكلمه من معاني

ونتمنى ان تكون جميع بناتنا زيها بنات بلد اصيلات
شكرا حمزة

ابو الباسل

Quote: بنت بلد واخت اخوان بكل ماتحمل الكلمه من معاني

دمت اخي بخير دائما

Quote: يمين تملا العين

وعينا عليها بااااااااردة يا طارق

د.طارق الاعلامي

هسة الشبكة انا ولي وظيفتك دي

Quote: يا زول بت جيرانا دي ما فيها كلام كله كله يمين تملا العين

Quote: مليون تحية للاخت العزيزة شبكة.

ومليار تحية لك اخي سيف الدولة كامل

سيف الدولة

Quote: مليون تحية للاخت العزيزة شبكة.

مليار تحية على وجودك هنا

شكرا كتير

Quote: إنهم أهل الله وهم كثر فى هذا المنبر ..خصهم الله بقضاء حوائج الناس لا يبتغون سوى مرضاة الله.

والله يا دكتور كلامك كلو ما بنزاد

Quote: علم علم اليقين بأنهم يتأذون عندما نذكرهم أو نشكرهم.

وقد بصمت بالعشرة بانها الان في غاية الحرج والاذية ودخلناها في اصابعيها المواسية
لكن القصد بان تكون قدوة لغيرها ... نتمنى من بناتنا كلهن ان تكون شبكة مثالا حيا وواقعا معاشا
وليست قصة خيالية

شكرا يا ولدي دكتور ام مبدة
يا ولدي ماترسل لي حبوب ضغط ممتازة العندي دي بتعمل لي حيرقان  
الحبوب البستعملا اسمها لوتينس ...

التحية للاخت شبكة .. ولصاحب البوست

Quote: شكرا يا ولدي دكتور ام مبدة يا ولدي ماترسل لي حبوب ضغط ممتازة العندي دي بتعمل لي حيرقان الحبوب البستعملا اسمها لوتينس ...

نقبل المزحة منك علشان خاطرشبكة...رغم انى لا اقبل المزاح من اشخاص لا اعرفهم

Quote: قبل المزحة منك علشان خاطرشبكة...رغم انى لا اقبل المزاح من اشخاص لا اعرفهم

الابن أو الاخ
ombadda

لقد كنت جادا والله وذلك بالرجوع لبروفيلك
الوظيفة : طبيب
وانا فعلا اعاني من الضغط ومن الحبوب البستعملها
وكنت عايز منك استشارة مجانية
وآسف جدا اذا سببت لك حرجا

ياسلام علي شبكة
وماشاءالله عليها
ربنا يحفظا

شبكة زولة شبكة بالجد!

اخى عبد الله لك ودى


زاملت الاخت العزيزة شبكة

فى سودانيزاوف لاين فترة وجدت فيهاالاخت والابنة
وجدتها انسانة تذوب رقة وعطفا وحنانا تنتقى
كلماتها وتوزن حديثها حقيقة انها عكس المسمي

ربنا يحفظها

ولكم ودى

تخريمة

وين زيارتكم لينا يا شبكة
وعزالدين ومعتمد



تعديل لخطا فى كتابة اسم الاخ عبد الله

شكرا الاخ عبد الله

الاخت شبكه زولة خير عرفتها من كتاباتها هنا الله يديها الصحه ويوفقها

تحياتى لك و لها


مودتى

في حضرة هذه الزولة الجميلة، ادخل هذه المساحة
مطئطىً راسي إكراماً وإجلالاً لمجهوداتها الإنسانية
التي تقوم بها مما يجعلنا اسنّ منها ويجعلها أكبر منا.
شبكة، إسم كما الجؤذر يرتع ويمرح في بيادر الإنسانية
فيزرع البهجة والحبور في النفوس المُتعبة.

نِعمَ العم انت يا ود البوش ونعِمت بنت الأخ بنت
اخيك شبكة...



ده البخور يا ود البوش، وعيني باردة...

سلامات

الكلمات تعجز عن الوصف والتعبير!!
ياخوي شبكة غير... كما يقول السعوديين!!!!!!!!!!!!

الاخ عبد الله ود البوش

تحياتي

ربنا انشاء الله يمتع شبكة المجاملة في الافراح والاتراح بالصحة وطول العمر
وانشاء الله يوم شكرها ما يجي

خالص الود والاحترام

سلام لي صاحب البوست
وشكرا لك.

امــــــــــا شبكة:
فهي انســــــــــــــــــــــانة
عرفتها اخت عزيزة وصديقة كريمة..
وتعجز الكلمات عن الايفاء بحقها..
يكفيها حب الناس لها..وحبها للناس والخير
لها مني كل التقدير والاحترام

أتيتُ لكي أرمي زهرةً هنا

غير آبهاً بعطري
كل ما أعرفهُ أنهُ في حضرةِ سيدةِ العطر !

رغم عدم معرفتي الشخصية بها الا من خلال كتاباتها هنا
فهي تدل علي روح جميلة واصيلة

أما أنا فشهادتي فيها مجروحة
هي بنت أخي ونسيبي اللواء معاش جعفر شريف
هي مثل ما قلتم جميعا وأكثر
وما ذكرتم يصلح حقيقة أن يكون رؤوس مواضيع في الفضائل والقيم التي تحملها

ولو كان النسـاء كمثل (شبكة) = لفُضِّلت النساء على الرجال
فما التأنيث لاسم الشمس عيب = ولا التذكير فخر للهــــــلال

أما في الحديث فعن أنس قال: مُرَّ على النبي بجنازة، فأُثني عليها خيراً، ( وتتابعت الألسن بالخير )، ( فقالوا: كان - ما علمنا - يحب الله ورسوله )، فقال نبي الله : { وجبت وجبت وجبت }. ومُرَّ بجنازة فأُثني عليها شراً، ( وتتابعت الألسن لها بالشر )، ( فقالوا بئس المرء كان في دين الله )، فقال نبي الله : { وجبت وجبت وجبت }.

فقال عمر: فِدى لك أبي وأمي، مُر بجنازة فأُثني عليها خيراً، فقلت: وجبت وجبت وجبت، ومُر بجنازة فأُثني عليها شراً، فقلت: وجبت وجبت وجبت؟ فقال رسول الله : { من أثنيتم عليه خيراً وجبت له الجنة، ومن أثنيتم عليه شراً وجبت له النار، ( الملائكة شهداء الله في السماء ) وأنتم شهداء الله في الأرض، أنتم شهداء الله في الأرض أنتم شهداء الله في الأرض أنتم شهداء الله في الأرض ( وفي رواية: والمؤمنون شهداء الله في الأرض )، ( إن لله ملائكةً تنطق على ألسنة بني آدم بما في المرء من الخير والشر ) }.

وفي الحديث الآخرعن أبي الأسود الدَّيلي قال: ( أتيت المدينة، وقد وقع بها مرض، وهم يموتون موتاً ذريعاً، فجلست إلى عمر بن الخطاب رضي الله عنه، فمرت جنازة، فأُثني خيراً، فقال عمر: وجبت، فقلت: ما وجبت يا أمير المؤمنين؟ قال: قلت كما قال النبي : { أيما مسلم شهد له أربعة بخير أدخله الله الجنة }. قلنا: وثلاثة. قال: { وثلاثة } قلنا: واثنان؟ قال: { واثنان } ثم لم نسأله في الواحد ).

كمال حسن علي
احد فروع الشايقية في بلاد الغرب

Quote: أما أنا فشهادتي فيها مجروحة هي بنت أخي ونسيبي اللواء معاش جعفر شريف هي مثل ما قلتم جميعا وأكثر وما ذكرتم يصلح حقيقة أن يكون رؤوس مواضيع في الفضائل والقيم التي تحملها

عاجزة عن الرد لك لجمال كلماتك وكبرها

بكري

Quote: رغم عدم معرفتي الشخصية بها الا من خلال كتاباتها هنا فهي تدل علي روح جميلة واصيلة

لك مني كل التقدير على كلماتك الطيبة

حبيب نورة

Quote: أتيتُ لكي أرمي زهرةً هنا غير آبهاً بعطري كل ما أعرفهُ أنهُ في حضرةِ سيدةِ العطر !

حامل العطر اكيد حتجد منه ريحة طيبة ودا المعروف عنك دائما

هواري

Quote: امــــــــــا شبكة: فهي انســــــــــــــــــــــانة عرفتها اخت عزيزة وصديقة كريمة.. وتعجز الكلمات عن الايفاء بحقها.. يكفيها حب الناس لها..وحبها للناس والخير لها مني كل التقدير والاحترام

سعدت بالتعرف عليك
وانشا الله تدوم الاخوة والمودة بيننا

الطيب شيقوق

Quote: ربنا انشاء الله يمتع شبكة المجاملة في الافراح والاتراح بالصحة وطول العمر وانشاء الله يوم شكرها ما يجي

وربنا يثبت الاجر

شاكرة ومقدرة على جمال كلاماتك في حقي

العريس عزيز

Quote: الكلمات تعجز عن الوصف والتعبير!! ياخوي شبكة غير... كما يقول السعوديين!!!!!!!!!!!!

وانت اخ غير

شكرا لردك الودود

معاوية المدير

Quote: في حضرة هذه الزولة الجميلة، ادخل هذه المساحة مطئطىً راسي إكراماً وإجلالاً لمجهوداتها الإنسانية التي تقوم بها مما يجعلنا اسنّ منها ويجعلها أكبر منا. شبكة، إسم كما الجؤذر يرتع ويمرح في بيادر الإنسانية فيزرع البهجة والحبور في النفوس المُتعبة.

عجزت كلماتي عن الرد

صدقي

Quote: الاخت شبكه زولة خير عرفتها من كتاباتها هنا الله يديها الصحه ويوفقها تحياتى لك و لها

لك مني كل المودة والاحترام

منعم

Quote: فى سودانيزاوف لاين فترة وجدت فيهاالاخت والابنة وجدتها انسانة تذوب رقة وعطفا وحنانا تنتقى كلماتها وتوزن حديثها حقيقة انها عكس المسمي

وفعلا كانت لنا ايام في الاوف لاين
رغم انك غبت مننا لفترة من هناك


وتسلم على كلامك الطيب في حقي

Quote: وين زيارتكم لينا يا شبكة وعزالدين ومعتمد

كل ما ننوي الجية
يكون عندكم جليد
وانت عارف جدي ما بتحمل الصقط دا


لما التلج يسيح كلمنا

ود الصايم

Quote: شبكة زولة شبكة بالجد!

كنت قايلة كدا
لغاية من جيت هنا وشفت الشبك اللي بالجد

احلام

Quote: ياسلام علي شبكة وماشاءالله عليها ربنا يحفظا

سعدت بالتعرف عليك
واتمنى ان يدوم التواصل

وشكرا على مرورك هنا

معاوية

Quote: التحية للاخت شبكة .. ولصاحب البوست

تمنياتي ليك في النجاح دون مواسير في الانتخابات القادمة

ولك مودتي

د.أمبدة واستاذ فصل الاذكياء

Quote: إنهم أهل الله وهم كثر فى هذا المنبر ..خصهم الله بقضاء حوائج الناس لا يبتغون سوى مرضاة الله..أعلم علم اليقين بأنهم يتأذون عندما نذكرهم أو نشكرهم..فلهم منا كل إجلال وتقدير.

\

ردك على عمي لا يٌعلى عليه

شكرا لوجودك هنا وردك الوافي

حامد زميل فصل الذكاء

Quote: الاخ عبد الله ...فعلا هى تستحق الاشادة والاحترام ولها منى كل الاوصاف الجميلة والشبكات انا وجدت واحسب الشبكة لشبكة وان حمدت

لك مني كل الشكر والتقدير على جميل كلماتك

بس سؤال
كلمتنا بميعاد امتحانك لكن ما كلمتنا بالنتيجة ولي اسال الاستاذ منها!!!

د.نجاة

Quote: بت اخوك منو الذيها؟؟؟!!! من افضل البنات في عمرها لطيفة ودودة وذكية وانا بحبها جدا جدا واحترمها كثيرا ليك حق تفخر بيها..

شكراً ليك ولكلامك الطيب وتحياتي لاسرتك الجميلة هنا وهناك

بهاء طوكيو

Quote: ابصم بالعشرة لم لا تنتشر فينا وبيننا ثقافة التكريم شبكة تستحق وسام رفيع لما تقوم به في صمت الرهبان ونقاء الأنبياء رعاها الله وحفظها

شكرا لكلماتك الطيبة واتمنى لك كل ما تتمناه قدر ما تحمل من جمال داخلي

ود البوش تحياتى وشكرى يا الحبيب

الاخت شبكة فيها كل الصفات النبيلة التى تجعلها ان تكون اهلا لهذا البوست
ويكفيها انها انسانه تحب الخير و فعل الخير للاخرين فالتحية لشبكة اينما حلت





( وان شاء الله يوم شكرك ما يجى يا شبكة )


أحمد العمار

الأخ: عبدالله ود البوش

سلامات

ربنا يديها الصحة و العافية، فإنها من الذين اختصهم الله بقضاء حوائج الناس، ربنا يجعلها لها في ميزان حسناتها آمين

الأخت: شبكة لم نحظى بمعرفتها معرفة شخصية و لكن أعمالها الخيرة صيرتها علم على رأسه نار.

و مما اشتركنا في هذا المنبر، لم نرى منها إلا كل خير، و لم نقرأ لها إلا كل طيب، فكل إناء بما فيه ينضح.

شكرا أخي: عبدالله، بوست موفق


عبد الرحيم منصور
نيويورك
*
**

شبكة تستحق الاحترام والتقدير

خلاص بقى ياشبكة ، أظهر وبان وعليك الأمان!!

يعني لغاية الآن نتيجة الإستفتاء دي ماعجباك؟؟

أصوات حقيقية تجتهد في قول الحقيقة ولكنها تتقاصر دون قامتك السامقة،،

نشهد لك بصدق إخائك ،،

أمنياتي لك بالتوفيق في كل مناحي حياتك ،،

وهنيئاً لأخيك بإبنته، ولك بأخيك وإبنته، ولنا بك وبأخيك وبإبنته،،

عبد اللطيف

Quote: خلاص بقى ياشبكة ، أظهر وبان وعليك الأمان!! يعني لغاية الآن نتيجة الإستفتاء دي ماعجباك؟؟ أصوات حقيقية تجتهد في قول الحقيقة ولكنها تتقاصر دون قامتك السامقة،، نشهد لك بصدق إخائك ،، أمنياتي لك بالتوفيق في كل مناحي حياتك ،، وهنيئاً لأخيك بإبنته، ولك بأخيك وإبنته، ولنا بك وبأخيك وبإبنته،،

عرفت الفيها

فعلا كنت محرجة من الجية هنا والرد في ظل كل الجمال الموجود هنا والناس الاجمل الموجودين هنا

لكن طال الزمن ولي قصر كان لازم اجي

صحيت بدري ودعيت ربنا انو يوفقني اني اعرف ارد الناس الجميلين ديل

ونتايج الاستفتاء اللي ظهرت من بدري دي الخلتني ما جيت بدري

كل مني كل الاحترام والتقدير لوجودك هنا ولمحاولة تطمينك لي باني قادرة على الرد على الناس هنا



وهنيئا لي بعمي فعلا

راشد

Quote: شبكة تستحق الاحترام والتقدير

وكل مني كل الاحترام والتقدير

عبد الرحيم

Quote: و مما اشتركنا في هذا المنبر، لم نرى منها إلا كل خير، و لم نقرأ لها إلا كل طيب، فكل إناء بما فيه ينضح.

والمنبر كان فعلا نافذة على التعرف على ناس تتمنى لو انك تعرفهم من قبل او من قرب


لك مني كل الود والتقدير

أحمد العمّار

Quote: الاخت شبكة فيها كل الصفات النبيلة التى تجعلها ان تكون اهلا لهذا البوست ويكفيها انها انسانه تحب الخير و فعل الخير للاخرين فالتحية لشبكة اينما حلت

وربنا يتقبل منا جميعا يارب

لك مودتي واحترامي

عمي عبد الله


اول شي اشكرك جزيل الشكر على البوست المفاجاة

ولما يقولوا للزول انشاالله يوم شكرك ما يجي
لكن انا يوم شكري جا بدري وانا حية عشان اشوف واقرا شٌكر ناس عزاز عليّ

وأعزهم


فكرت اني ما اجي البوست دا خالص لكن من لا يشكر الناس لا يشكر الله

شكرا لكل الكلمات الجميلة الكتبتها وانشا الله دائما اكون عند حسن الظن بي

Quote: اول شي اشكرك جزيل الشكر على البوست المفاجاة

شبكة بتي الغالية بت اخوي الحربي
على ما ذا تشكريني وتشكريهم ؟
كلمات اقل ما يقال عنها عجزت أن تعبر عن اعجابنا بما تقومين به على ارض الواقع عملا ملموسا فعالا ومؤثرا 
كل ما كتب عنك مجرد محاولاتك للتعبير عن حبنا الذي تستحقين بنيتي فانت وحدك الذي بنيته لنفسك
احترمتي الناس فاحترموك
وضعتي لمساتك فبانت وعبروا عنها بكلمات فقط
ولانملك الا خالص الدعوات متضرعين لله عز وجل ان ينعم عليك بالصحة والعافية وعفوه ورضائه عنك
وعمي صباحا بنيتي واسلمي
والمتداخلين لا يحتاجون ردودك فانت اصلا قدمت السبت حتى الخميس فكانت الجمعة وحدها خصصت للدعاء لك
فلا ترهقي نفسك بالحروف والعمل اصدق وأقوى اثرا
ات اعملي وانا بنبح

قريبتي شِبْكَة لك التحية والتقدير...

وشكراً أخي ود البوش... فشبكة منذ أن عرفناها في الأُوف لاين... بِنَيْتاً فنجريي وقداميي...

شبكة أختي شقيقتي التي لم تلدها أمي
كل ما قيل أعلاه لا يصفها الا بالشئ اليسير
واليسير جدا كمان ..
ربنا يخليك لينا ولي أهلك وشبابك

شهادتي فيها مجروحة









عنكبة :
شايف راسك كبر شديد

Quote: شابة صغيرة ولكنها تحمل من الهموم كبارها ودائما تبادر لمساعدة الغير متمنية الخير للجميع

الحمد لله لاقيت شبكة ...
والله يا ود البوش في ناس كدا ربنا خلقم علشان يفرحو الناس ..
يوم العقد حقي .. كان معاي أخوي الكبير وأختي الصغيرة .. على بعد خطوات من بيت ناس داليا وباقي زي خمسة دقايق للعقد ..
كنت راكب جمب اخوي .. ودخلنا بالشارع لقيناهو مقفول .. كانت في عربية بيضا قدامنا بتحاول تشوف ليها مكان للخروج .. كمية التوتر الفيني وقتها كانت شديدة .. قلت انزل بي رجليني واخلي اخوي بي طريقتو يتصرف ..
المهم العربية القدامنا لقت ليها طريقة تطلع .. وقمنا تبعناها .. بقت ماشه براحه .. لما وصلنا قصاده .. كان فوقه زولة شابه ابتسمت بي طريقة مضيفات الطيران لما يهدو من روعك .. عقب اي مطب جوي ..
بعد شوية قالت لي تمبس ..؟
طوالي عرفتها ليك زولة من البورد ..
نزلت سلمت عليها .. وفيها حميمية اختك الصغيرة .. وأختك الكبيرة .. والزولة القضايه للحاجات .. عرفت طوالي إنها شبكة ..
قالت لي اديني أختك الصغيرة دي .. تركب معاي .. وإنت امشي شوف الراجيك .. ..

أبو الحسين

Quote: قريبتي شِبْكَة لك التحية والتقدير...

ولك مني كل الود والاحترام

شاكرة ومقدرة لكلامك الطيب

ياشبكة (غايتو أسمك دة صعب خلاص)


رااااااايقة ورزينة.



خالص المودة

Quote: ياشبكة (غايتو أسمك دة صعب خلاص)

الله يوفقك ويحفظك وشكراللاخ عبدالله علي هذا البوست الموفق

انسانة جميلة ..

ترى بوضوح جمال دواخلها من ماتخطه يدها الكريمة ..

ربنا يحفظك ..

مودتى.


الشاذلى

شبكة زولة جميلة الدواخل ..
وإنسانة محبوبة من الجميع ..
لها منا كل الحب والتقدير ..



شكراً يا عبدالله ..

Quote: شبكة زولة جميلة الدواخل .. وإنسانة محبوبة من الجميع .. لها منا كل الحب والتقدير ..

صدقت يا معتصم....سلامات.

اصبت يا عبد الله ...شكراً

حفظك الله يا شبكة....ما شاء الله

ما جارتنا , بت حارتنا و .. بنريده


..

تحياتى يا عبدالله ..

شبكة اعملي حسابك من التكريم دا .....




انسانة جميلة

جمال لوحة

كل يوم بقصة ....

ودالبوش..
والله بعد عملت رد الكلام غلبنى ..
وماعرفت أقول شنو فى هند .!!
كفاية انى أقول أنها زولة حبوبة جداً..

يا ود البوش

شبكة حسنة المعشر والعشيرة

و كفي


كل محبتى لكِ يا ستهم