Post: #1
Title: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات!!!!
Author: الامين موسى البشاري
Date: 04-28-2010, 12:55 PM
Quote:
الخرطوم/واشنطن ـ الصحافة: طالبت الحكومة امس الخارجية الامريكية ومكتب المبعوث الامريكي للسودان اسكوت غرايشن، ايضاحات حول ما نسب من تصريحات للاخير، شكك خلالها في نزاهة الانتخابات التي جرت بالبلاد، ونعتها بالتزوير.
وقال مندوب السودان لدى الامم المتحدة عبد المحمود عبد الحليم لـ «الصحافة» ان التصريحات التي نسبت امس للمبعوث الامريكي حول نتائج الانتخابات نشرت في مواقع الكترونية ليست ذات مصداقية ومعروفة بمعاداتها للسودان. واوضح «لذا تقدمت بإيضاحات رفعت للخارجية الامريكية ومكتب المبعوث الخاص لتحدد الجهات المسؤولة في السودان على ضوء الرد موقفها من تصريحات غرايشن.» واضاف اذا تأكدنا من صحتها عندها لكل حادث حديث.
وكان غرايشن قال ان بلاده علي علم بالتزوير والصعوبات التى واجهت العملية الإنتخابية فى السودان، وقال في لقاء بأبناء الجالية الجنوبية بواشنطن، « كلنا يعلم أن الإنتخابات مزورة وواجهت صعوبات عدة لكننا سوف نعترف بها من اجل الوصول لإستقلال جنوب السودان وتفادى العودة الى الحرب». وفى رده على سؤال عن كيف لحكومته إعطاء الشرعية لإنتخابات مزورة؟، أجاب بالقول» الشرعية لا تعطي بل تكتسب عبر حل الأزمة فى دارفور وتنفيذ اتفاقية السلام الشامل وتحقيق الرفاهية للشعب» موضحاً أن إعتراف بلاده بهذه الإنتخابات لن يحمي البشير من مواجهة الجنائية فى نهاية المطاف، مضيفاً» لم نتقاضَ عن امر المحاكمات لكن السلام فى دارفور وحقن الدماء بالنسبة لنا اولوية تسبق العدالة، لكن هذه الإنتخابات لن تحمي البشير من مواجهة الجنائية فى نهاية المطاف». وعزا ذلك:» لان تحقيق العدالة لا يسقط بقيام إنتخابات او عدمها. |
|
Post: #2
Title: Re: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات!!!!
Author: الامين موسى البشاري
Date: 04-28-2010, 12:57 PM
Parent: #1
>
|
Post: #3
Title: Re: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات!!!!
Author: Mohammed Awad
Date: 04-28-2010, 01:24 PM
Parent: #2
| Quote: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات |
ذكرتنى نكتة ياخ...
قالوا واحد اشترى لى لاندكروزر جديد وماشى لقا محل بتاع عشا وقف يشيل عشا للبيت
واول ما وقف ادا ليك الابنص دوسة حارة كدا عشان الناس تعرف..
واحد فلاتى سايق موتر الكلام حرقو..
اول ما ركب ادا ليك الموتر اببنص حار..
واتلفت على صاحبك بتاع الكروزر..
قال لى: كلامك دا اأملوا لى زول ما اندو هديدة
اسى كلامك دا قولو لى زول ما عندو راس 
|
Post: #4
Title: Re: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات!!!!
Author: الامين موسى البشاري
Date: 04-28-2010, 01:51 PM
Parent: #3
تهئ تهئ تهئ
تصــدق قدر ما حاولت اضحك غلبني والله
وبعدين كــلامك ده غلط
| Quote: اسى كلامك دا قولو لى زول ما عندو راس |
والصحيح كما يلي:
| Quote: اسى كلامهم دا يقولو لى زول ما عندو راس |
وشـــر البلية ما يضحك...ولا أنا غلطان ......
________
تحاياي ...
|
Post: #5
Title: Re: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات!!!!
Author: Abd Alla Elhabib
Date: 04-28-2010, 08:34 PM
Parent: #4
| Quote: واضاف اذا تأكدنا من صحتها عندها لكل حادث حديث. |
هــيع .. عـبد الحلـيم النفـاخ !!
كـده شـوف ليك جـنس كضـــب ..
قال شـنو ?? لكـل حادث حـديث !
يعــني عـايز يشـــلخــو ?!
|
Post: #6
Title: Re: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات!!!!
Author: Tragie Mustafa
Date: 04-29-2010, 03:28 AM
Parent: #5
Quote: هــيع .. عـبد الحلـيم النفـاخ !!
كـده شـوف ليك جـنس كضـــب ..
قال شـنو ?? لكـل حادث حـديث !
يعــني عـايز يشـــلخــو ?! |
(هههههههههههه)
يجازي محنك يا اخي عبد الله الحبيب!
اضحكتني اضحك الله سنك.
بشاري كيفنك؟؟؟
|
Post: #7
Title: Re: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات!!!!
Author: Abd Alla Elhabib
Date: 04-29-2010, 09:49 PM
Parent: #6
محـني أنا ولا مـحن عبد الحليم?
غايتو الجماعة ديل الدايرنها ما لقوها
يكتلو..يعذبو ..يسرقـو ويـزورو وما في
يزول يفتح قـدومو !!
إنتي دحين الزول ده مش نـزولوهـوا المعاش ??
يا ربي يكـون وراهـم شهـادة تسـنين ??!
-----------
أم حازم وسـند أحوالك ?
أضحكي ياخ .. عقبال ما تضحكي
في سودان موحد ديمـوقراطي ..
-----
البشاري سلام.
|
Post: #8
Title: Re: الحكومة السودانية تستوضح الخارجية الأميركية حول تصريحات غرايشن بشـأن تزوير الانتخابات!!!!
Author: محمد على حسن
Date: 04-29-2010, 09:56 PM
Parent: #7
الكيزان الضاقوا حلاوة السلطة وعلى راسهم البشير ما بيخافوا الا من ماما اميركا و مصر حسني
قلت
تستوضح !!!!!!!!!!!!
|
|