Post: #8 Title: Re: لماذا لم تباركوا لنا فرحة الفوز ؟؟ Author: أحمد ابن عوف Date: 04-28-2010, 01:09 PM Parent: #3
صدقني لو كان هناك ادنى تزوير لكانت النتيجة
99.9 %
زي نتيجة الولاة والمجلس القومي والمجالس الولائية بالضبط
خلاص صدقناك، اذن هناك تزوير على الاقل في حده الادني
Post: #9 Title: Re: لماذا لم تباركوا لنا فرحة الفوز ؟؟ Author: ادم الهلباوى Date: 04-28-2010, 08:01 PM Parent: #8
هات الآلة الحاسبة ديك يا ود الباوقة :
( أ )
فى آخر احصاء تقريبى عددافراد لشعب السودانى تقريبا= 45 مليون نسمة
الذين تقدموا وشاركو فى الانتخابات = - ( 16 ) مليون نسمة ________
إذاالذين لم يشاركوا من السواد الأعظم = 29 29 مليون نسمة
( ب )
وبما أن الذين تقدموا للمشاركة = 16 مليون نسمة الذين إنسحبوا بحجة الانتخابات غير نزيهة = - ( 06 ) مليون نسمة __________ المصوتين الفعليين الذين شاركوا = 10 10 مليون نسمة
( ج )
وحيث أن مرشح المؤتمر الوطنى حصل على 6 مليون من عدد الأصوات المفترض تكون 10 مليون ناخب وبذلك تكون النسبة 68% أو أقل .
* حسب المعطيات اعلاه نستخلص من ( أ ) و ( ب ) أن نسبة الذين صوتوا مقارنة بالمجموع الكلى للشعب السودانى تكون النسبة20% بإفتراض أن المجموع الكلى 45 مليون نسمة وعدد المصوتين 10 مليون ناخب .
* ومن الفقر ( ج ) نستخلص أن عدد أعضاء المؤتمر الوطنى بالسودان 6 مليون عضوا مقارنة مع العدد الكلى لأهل السودان بالظبط قدر الذين قابلوا جون قرنق بعد رجوعه من الأحراش .
يا ود الباوقة
متمكن وعينك قوية ؟!
تقول لى قال !!
عموما مبروك ..
الخلاصة :
6 مليون صوتوا و6 مليون إمتنعوا و6 مليون قابلوا المرحوم جون قرنق و27 مليون فراجا !!
..
Post: #10 Title: Re: لماذا لم تباركوا لنا فرحة الفوز ؟؟ Author: ibrahim alnimma Date: 04-28-2010, 10:03 PM Parent: #9
Quote: من البوستات تقلل من الفوز المستحق وتبخس
نتائجه 0
البوستات دي مقصوده ياود الباوقة لكن انت معلق بس؟ الغرض منها معروف لكن حليلك انت ، البشير نفسه ذهب الي مصر تاركاً الفوز يعلم مسبقاً بمساخة طعمه لانه لم يكن فوزاً وانما حزب المؤتمر الوطني نجح في الخج والزمزقة ....(حقوق الطبع محفوظة)
Post: #11 Title: Re: لماذا لم تباركوا لنا فرحة الفوز ؟؟ Author: دينا خالد Date: 04-28-2010, 10:12 PM Parent: #9
والله يا ود الباوقة ان جيت للصح ماااا شفناكم فرحتو كتير !!!
اها لكن كلامك دا اعوج منك تب يعنى تقصد نحن عندنا الزهايمر ولا الزهايمر !!!
Quote: صدقوني لو اي حزب من احزابكم قد فاز ( وهذه من سابع المستحيلات ) لو حدث ذلك كنا من اوائل المهنئين لكم بالفوز 00
لا ابدا ولا سابع المستحيلات ولا حاجه الاحزاب دى كلللها فازت فوز شريف فى 86 ومعبر عن كل امزجة السودانيين وطوائفهم وجهوياتهم شكل لوحة رائعة عكست التنوع الموجود فى السودان (لقيتنى كيف؟) اها مباركتكم بنعرفها يا خوى انقضيتو على الجميع بانقلاب صبح كل قادة الاحزاب ست المباركة دى فى السجن !!! مياركتكم بنعررررفها يا خوى ولو انت نسييت انا ما نسييييتا !!
ـــــــــــــــــــ اها كان قاصد المباركة ال ذى حقتكم ديك .. نفسسسسسسنا والله نبارك !
Post: #12 Title: Re: لماذا لم تباركوا لنا فرحة الفوز ؟؟ Author: Sidgi mattar Date: 04-28-2010, 11:25 PM Parent: #11
ود الباوقه
سلامى
Quote:
الصقرية كمان صعبة حرم في صالوني دا اصوقر براي 000
الف مبروك ويا زول تستاهل الصقريه مافى كلام
مودتى
Post: #13 Title: Re: لماذا لم تباركوا لنا فرحة الفوز ؟؟ Author: المسافر Date: 04-29-2010, 06:17 AM Parent: #12
يازول أكان تصقر في وزارة الثقافة والإعلام
على الأقل خليهم يعطوك وظيفة مستشار إعلامي
خاصة أنك لديك مؤهلات مفيدة لحزبك الحاكم
وقد أبليت بلاءاً عظيماً في المقارعات والمضارعات
وكانت النتيجة أربعة صفر لصالح فريق الخجاجين
Post: #14 Title: Re: لماذا لم تباركوا لنا فرحة الفوز ؟؟ Author: علاء الدين يوسف علي محمد Date: 04-29-2010, 01:27 PM Parent: #13
ود الباوقة يا حبيب ما عارِف ليه إتذكّرت هسي الغُنية بِتاعت زيدان البقول فيها (برانا)
Post: #15 Title: Re: لماذا لم تباركوا لنا فرحة الفوز ؟؟ Author: خالد المحرب Date: 04-30-2010, 03:03 AM Parent: #14
الاخ الباوقه تهانينا ويوم الاحتفال سوف نكون اول الحاضرين ومن هنا نهنى الريس عمر بهذا الفوز الكاسح
Post: #16 Title: Re: لماذا لم تباركوا لنا فرحة الفوز ؟؟ Author: زهير عثمان حمد Date: 04-30-2010, 05:39 AM Parent: #15
والباوقة تحياتي مبروك نحن عندنا أخلاق رياضية وعارفين عملن كده ليه لكين دي أخر مرة خلال الاربعة سنوات الجادية ح تظهر كيانات جديدة لا قبل لكم بها !!!!!!!!!!
Post: #17 Title: Re: لماذا لم تباركوا لنا فرحة الفوز ؟؟ Author: ناصر المحسى Date: 04-30-2010, 05:48 AM Parent: #16
Quote: صدقني لو كان هناك ادنى تزوير لكانت النتيجة
99.9 %
ياود الباوقة انت قلت الضوتو فى الرياض 18 الف مع انو المسجلين فى الرياض حسب كلام المفوضية 10الف الباقى جات من وين ؟؟
Post: #18 Title: Re: لماذا لم تباركوا لنا فرحة الفوز ؟؟ Author: عمران حسن صالح Date: 04-30-2010, 08:45 AM Parent: #17
Quote: ( وهذه من سابع المستحيلات )
يمكن ده السبب يا عمر يا صديقي
Post: #19 Title: Re: لماذا لم تباركوا لنا فرحة الفوز ؟؟ Author: Abdlaziz Eisa Date: 04-30-2010, 09:12 AM Parent: #18
يا ود الباوقة
سلام
لو الناس قالت مبروووك... هل تقتنع بها!!
بس ضل الشجرة دي رقراق!! ما بوصلكم للخريف الجاي!!
تحياتي
Post: #20 Title: Re: لماذا لم تباركوا لنا فرحة الفوز ؟؟ Author: كمال سالم Date: 04-30-2010, 09:33 AM Parent: #19
الفرحه فرحتكم والفوز فوزكم والخج خجكم !!
أها ياود الباوقه زى ما قالت دينا عايزنا نبارك حكومة الإنقلاب ولا حكومة التزوير ؟؟ لكن ممكن نقول مبروك لقوة عينكم ,, قصرت معاك ؟
Post: #21 Title: Re: لماذا لم تباركوا لنا فرحة الفوز ؟؟ Author: Mohammed Haroun Date: 04-30-2010, 09:47 AM Parent: #20
مبروك عليكم الفوز يا ود الباوقة ... الإنتخابات دي بي جاي بي جاي إتخارجتو منها ... بس الكلام الإستفتاء يا أخوي .... غايتو كان إنفصل الجنوب في عهدكم لن يرحمكم التاريخ أبداً.
تحياتي
Post: #22 Title: Re: لماذا لم تباركوا لنا فرحة الفوز ؟؟ Author: خالد حاكم Date: 04-30-2010, 11:41 AM Parent: #21
عشان بعدين تقول لينا , انتوا اعترفتوا بنتائج الانتخابات والدليل على ذلك مباركتكم لينا بالفوز! يا سيدى الانتخابات دى مزورة وبخجة قوية و نتائجهاغير معترف بها..... فاحسن انت وجماعتك فى المنبر تباركوا لبعض!
Post: #23 Title: Re: لماذا لم تباركوا لنا فرحة الفوز ؟؟ Author: NGABY AJOOZ Date: 04-30-2010, 03:05 PM Parent: #22
Quote: كنا نتوقع مباركتكم لنا الفوز
الحنبري اب راساُُ قنبري ان شاء الله يبركة فيك جمل هائج يمرق ليك البشير باضنينك
Post: #24 Title: Re: لماذا لم تباركوا لنا فرحة الفوز ؟؟ Author: ود الباوقة Date: 04-30-2010, 08:25 PM Parent: #23
Quote: الحنبري اب راساُُ قنبري
كدي نبدا ليكم من ( كركعوبتي ) دي
شوف يا كريميش خليك زول كبير في عقلك
وما في داعي للكلام الزي دا
والا امطرتك بوابل من الالفاظ التي تجعل
عضامك تسكسك بلا سبب ..
فاهم ...
جاتك نيلة يا متنيل 000
Post: #25 Title: Re: لماذا لم تباركوا لنا فرحة الفوز ؟؟ Author: لطفي علي لطفي Date: 04-30-2010, 08:32 PM Parent: #24
عشان تخانة الجلد
Post: #26 Title: Re: لماذا لم تباركوا لنا فرحة الفوز ؟؟ Author: NGABY AJOOZ Date: 05-01-2010, 07:24 AM Parent: #25
Quote: كدي نبدا ليكم من ( كركعوبتي ) دي
شوف يا كريميش خليك زول كبير في عقلك
وما في داعي للكلام الزي دا
والا امطرتك بوابل من الالفاظ التي تجعل
عضامك تسكسك بلا سبب ..
فاهم ...
جاتك نيلة يا متنيل
تصور مافي اسم بيليق بيك غير ده يالحنبري اب راشاُ قنبري والافاظ البذئية انت البديت بيها ارجو ان تبطل التهديدات بتاعت نافع المانافع ولا حا اكرهك المنبر ده نيلة تنيلك وتنيل بشيرك الفرحان بيهو ده
Post: #27 Title: Re: لماذا لم تباركوا لنا فرحة الفوز ؟؟ Author: ود الباوقة Date: 05-01-2010, 10:38 AM Parent: #26
Quote: تصور مافي اسم بيليق بيك غير ده يالحنبري اب راشاُ قنبري والافاظ البذئية انت البديت بيها ارجو ان تبطل التهديدات بتاعت نافع المانافع ولا حا اكرهك المنبر ده نيلة تنيلك وتنيل بشيرك الفرحان بيهو ده
كركعوبة قديم00
تهديد شنو كمان يا اخي انت باقي على
الحرحرك ونقابي قديم حقو تغيرها لانو
حزبك جاب زيرو وانت سبب الكفوة يا كركعوية
قال تهديد..
يا اخي نوعك دا كنا بنضقل بيهو تحت ضل الحيطة
ما بين الصباحية ووقت الفطور 0 ناس البيت يقومو
ينادونا للفطور نقوم ونخليك قاعد في الضل وكرعيك
في الشمس 000
Post: #28 Title: Re: لماذا لم تباركوا لنا فرحة الفوز ؟؟ Author: NGABY AJOOZ Date: 05-01-2010, 01:02 PM Parent: #27
Quote: يا اخي نوعك دا كنا بنضقل بيهو تحت ضل الحيطة
ما بين الصباحية ووقت الفطور 0 ناس البيت يقومو
ينادونا للفطور نقوم ونخليك قاعد في الضل وكرعيك
في الشمس
لا حول الله انت من زمن الضقل يا مخرف اختار ليك اسم من اتنين العجوز المتصابي ولا الحنبلي اب راساُ قنبري ما حا اقول ليك غير كده ياعجوز الغبرة
Post: #29 Title: Re: لماذا لم تباركوا لنا فرحة الفوز ؟؟ Author: ود الباوقة Date: 05-01-2010, 09:28 PM Parent: #23
