حلمانة حصلت انتخابات في سوداينزاولاين

صحت مهجومة وتفيت شمال ويمين
لانه عارفة حيكون في خج بالجد

وحينطرد كل الظلامين..

عارفه يادكتورة .. في ناس بيكون عندها صناديق جاهزة وفيها ايقونات بتاعت وشوش ضاحكة وصور وزهور ..
يللا ديل ..
أخجج ناس ..
والله يعملو انتخابات هنا .. ما يفضلو فيكم الحبه ..


غايتو للضمان كدا .. برشح .. دينق رئيسا للمفوضية العليا للانتخابات بالبورد ..

سلامات يا تميس

مستر كوستا رمز الشدرة


يجي ظلامي نسو يشيلو مفتاحو
يكتب يا بكري فلان مقفول برة

تاني نهائي ما حيرد لانه طوالي المرسال حينطما بالشيل برة
مع انه في اخلاقيات عدم قتل المرسال..

Quote: صحت مهجومة وتفيت شمال ويمين لانه عارفة حيكون في خج بالجد وحينطرد كل الظلامين..

الله يكضب الشينه .. ههههههههه

نجوته كيفنك يا الحبيبة

سلامات يا عفة
غياتو انت العليك الرك
لو المستنيرين فازوا
تفزعينا وتنجدينا على طول..

مودتي

Quote: حلمانة حصلت انتخابات في سوداينزاولاين

يا دكتورة نجاة دي حلم مباااااااااااااااالغة ... عليك النبي البوست دا أرعيه كويس نجي نتجادع فيهو كان نطلع لينا بدايرة دايرتين


------------------------
من الخلعة الزول ما سلم ذاتو .... كيفك يا دكتورة و الاسرة انشاء الكل كويسين...

Quote: غايتو للضمان كدا .. برشح .. دينق رئيسا للمفوضية العليا للانتخابات بالبورد .. تمبس QUOTE]

---

Post: #7 Title: Re: حلمانة حصلت انتخابات في سوداينزاولاين Author: حمد إبراهيم محمد Date: 04-28-2010, 12:09 PM Parent: #6 Quote: صحت مهجومة وتفيت شمال ويمين لانه عارفة حيكون في خج بالجد وحينطرد كل الظلامين.. دكتور ة نجاة - سلام أنصح بالبعد من المراقبين الدوليين - خاصة اللي عندهم أجندة تخريبية. Quote: غايتو للضمان كدا .. برشح .. دينق رئيسا للمفوضية العليا للانتخابات بالبورد .. (تمبس) علاء - سلام دينق قايلو هين ليك - دا عاوز الجدادة بي بيضها!!؟ تحياتي حمد

---

Post: #14 Title: Re: حلمانة حصلت انتخابات في سوداينزاولاين Author: د.نجاة محمود Date: 04-29-2010, 01:07 AM Parent: #7 Quote: دكتور ة نجاة - سلام أنصح بالبعد من المراقبين الدوليين - خاصة اللي عندهم أجندة تخريبية. يا حمد يا ولدنا المستنيرين ديل نسخة طبق الاصل من اهل الشجرة مساكين نحنا ديل الحنروح في الرجلين. لكن حنكون تفتيحة وشايلين مفاتيحها

---

Post: #9 Title: Re: حلمانة حصلت انتخابات في سوداينزاولاين Author: د.نجاة محمود Date: 04-28-2010, 02:59 PM Parent: #5 Quote: عليك النبي البوست دا أرعيه كويس نجي نتجادع فيهو كان نطلع لينا بدايرة دايرتين غياتو يا ولدنا انت ممكن تمر كمستنير ذي العجب. بالله اتخيل ود الباوقة معلق في ايقونة ولا غريبة كايس ببرة وجمعة اتعمل ليه استفتاء للطردة.. المستنيرين ديل قادر الله وكتين يلقو ريسة الم تقل حبوباتنا الله لا تدي الكدبسي ريسي طبعا دي تراجي لما تفوز فد جلابي ما بلف بجاي..

---

Post: #10 Title: Re: حلمانة حصلت انتخابات في سوداينزاولاين Author: معاوية المدير Date: 04-28-2010, 11:43 PM Parent: #9 Quote: صحت مهجومة وتفيت شمال ويمين لانه عارفة حيكون في خج بالجد وحينطرد كل الظلامين.. يا دكتورة تاني إتعشى خفيف قبل تنومي. تورت نفسنا...

---

Post: #11 Title: Re: حلمانة حصلت انتخابات في سوداينزاولاين Author: عمر صديق Date: 04-29-2010, 00:09 AM Parent: #10 يادكتورة تحياتي موافقين بس يعملو لينا فترة انتقالية ومشاركة في ادارة البورد وبعد كدي كان مانحول كل البروفيلات لي شدر !!!!!!!!!!!!!!!!! تعالوا لومونا

---

Post: #12 Title: Re: حلمانة حصلت انتخابات في سوداينزاولاين Author: ALZOLZATOO Date: 04-29-2010, 00:20 AM Parent: #11 يادكتورة ياختي ده كابوس معقولة بكوري بعد العملو في الهاكر ده كلو يتنازل ليكم بالساهل كده بعدين المنبر لسه في شبابو ماتم عشرين سنة بعد داك ح يفكر يعمل انتخابات طبعا بكوري ح يكون المرشح الاول ورمزو الليمونة الجوه قلبي مشتوله كوستاوي ح يكون المرشح التاني ورمزو الطيارة قامت دينج المرشح التالت ورمزو الشاكوش هشام هباني المرشح الرابع ورمزو البستم عادل عبد العاطي ح يدعم كوستاوي لوووولز بعدين نحن ح نقيف مع بكوري طبعا عشان جنا تعرفو ولا جنا ماتعرفو واكيد ح يفوز بكوري واول حاجة ح يعملها ح يقوم يوصل كهرباء لي ناس الراكوبة لووووووووووووووووولز اللهم اجعله خير تحياتي زاتوووو

---

Post: #17 Title: Re: حلمانة حصلت انتخابات في سوداينزاولاين Author: د.نجاة محمود Date: 04-29-2010, 01:14 AM Parent: #12 Quote: بعدين نحن ح نقيف مع بكوري طبعا عشان جنا تعرفو ولا جنا ماتعرفو يا ذاتو لو ابو صلعة اترشح ما في طريقة غير انه ندي صوتنا احسن يشيل الكورة ويفرتق.. عشان كدا احسن ما نكلمو ذاتو في انتخابات

---

Post: #16 Title: Re: حلمانة حصلت انتخابات في سوداينزاولاين Author: د.نجاة محمود Date: 04-29-2010, 01:12 AM Parent: #11 Quote: بس يعملو لينا فترة انتقالية ومشاركة في ادارة البورد وبن يا كوز؟ انت حتكون من اول معارضة الفنادق ويمكن تطلب لجوء سياسي تمام في قرية يكون الولفير فيها خمسة نجوم اوعى تجي تعمل مطالب الناس دي قارشة ملحتك شديد يقومو يرسلو ليك الهاكر يتربسك برة

---

Post: #13 Title: Re: حلمانة حصلت انتخابات في سوداينزاولاين Author: Adil Hamza Date: 04-29-2010, 00:40 AM Parent: #10 Quote: لانه عارفة حيكون في خج بالجد هو يعنى الخج داك ما كان بالجد سلام يا دكتورة

---

Post: #15 Title: Re: حلمانة حصلت انتخابات في سوداينزاولاين Author: د.نجاة محمود Date: 04-29-2010, 01:10 AM Parent: #10 Quote: تورت نفسنا... يا معاوية بس اعمل لبتون لغاية ما نشوف البفوز منو.. ولو المستنيرين خاتينك في لستهم الله معاك نفسك حيتور لما يتعور

---

Post: #18 Title: Re: حلمانة حصلت انتخابات في سوداينزاولاين Author: د.نجاة محمود Date: 04-29-2010, 01:18 AM Parent: #15 Quote: هو يعنى الخج داك ما كان بالجد تعرف الحديث بتاع ويكتب عند الله كذابا اها انا من خبرة 10 سنة في البردبة ما بصدق اي كلام تقولوالمعارضة لو جابت صور ولا فديوهات برضو ما بصدقها لانه الحاجات دي ممكن تتفبرك... عشان كدا ذات الخجة دي ما بصدقهاكلو كلو.. ودا الكلام البنبه ليه امنعوا الكذب يا ناس وهم يكذبوا الى ان فقدوا مصداقيتهم االذي عود الكبريت؟؟ ا يصدق المستنير؟ ناااااااااااااااااااااااااااااه!

---

Post: #19 Title: Re: حلمانة حصلت انتخابات في سوداينزاولاين Author: دينا خالد Date: 04-29-2010, 04:12 AM Parent: #18 لكن يا دكتورة لقيتينى كيف جوة الحلمة دى ؟؟؟ بس من هسه اتاكدى انو حصل تحول ديمقراطى .. وبكرى ما يلعب لينا فى التعداد ... واتاكدى فى الحلمة دى انو اتلغت كل القوانين المقيدة .. وتقسيم الدوائر يكون حسب بلد اى زول ما يدخلوا لينا ناس حمد بى خوجلى وناس حلفايا يعدوهم من ناس اريزونا وهبانى من حى الضباط يعدو فى تكساس ويعد دا يحسب لينا تاكسيه معاه ،، وناس العباسية يبقوا من سكان الرياض ! اها كمان كان السجل دا مسسكتو ود الباوقة انا من هسه مقاطعة .. وما دايرة ما دايرة ما دايرة ... بعدين مرحلة التصويت علاء يوسف دا الا بعديصوت تمسكو لى اصبعو عندكم ... ولا تقول لى حبببر ولا حبر ,, انا بقترح نايب الامين العام للمفوضية يكون محمد اى سليمان عشان عبدالله محمد عبد الله دا يفهم حاجة !!.. اها بعد السجيل ،، السجل دا يمسكوا د. مصطفى محمود ويكون فى ايدى امينة على الحرام ما تقولى حاجة لما يجى زمن الصوويت ... وتراجى رئيس الهيئئة الفنية العليا للمفوضية برضو خلى الفريق الهادى دا يفهم حاجتين !!! اها كان فاز اب صلعة دا تانى .. ودينى مزورة !! الا تنومى تانى وتحلمى لينا واحدة غيرها على شرط لما تجى تنومى اخر زول تكونى شفتى محمد عادل ،، او صديق مهدى كوستاوى عليك بالمزيكا الحزاينى خلفية للحلمة دى !! ــــــــــــــــــ والله يا دكتورة انا تختينى فى محل غير الترطيبة بتاعت الاصم دى بخسرك @@ لوووووووووووووووب اصحاااااااااااا يا برييييش !!

---

Post: #20 Title: Re: حلمانة حصلت انتخابات في سوداينزاولاين Author: سليمان عبدالرسول Date: 04-29-2010, 08:31 AM Parent: #19 حلمك في محله يا دكتورة جرت انتخابات وفاز فيها الرعاة على الرعية والاغنياء على الفقراء والحيران على المشايخ والضيف على المضيف،،ستحلمي وسنحلم معك حتى يعجز الحلم عن حلمنا ويعلم الحلم باننا قد حلمنا بالسماء التي تمطر اصواتا انتخابية على صناديق الاصم المحصنة ضد الرقابة الليلية،،انه حلم انتخابات المشروع الحضاري الذي يسرق احلام الشعوب وطموحاتها ويصادر املاكها وحرياتها،، ما اجمل الحلم حين تكبد الحريات وتحطم الطموحات

---

Post: #21 Title: Re: حلمانة حصلت انتخابات في سوداينزاولاين Author: Hayat Hussien Date: 04-29-2010, 03:01 PM Parent: #20 بحلم بيك انا بحلم بيك وبافكاري انا مستنيك ولو ما صوتي ليا برضوكفاية عليا الخجة ديك

---

Post: #22 Title: Re: حلمانة حصلت انتخابات في سوداينزاولاين Author: Balla Musa Date: 04-29-2010, 03:07 PM Parent: #21 أول مرة أشوف لى ظلامى بحلم!

---

Post: #23 Title: Re: حلمانة حصلت انتخابات في سوداينزاولاين Author: ود الخليفه Date: 04-29-2010, 03:12 PM Parent: #22 وليد الشفت كان ما فاز تبقي مشكله

---

Post: #24 Title: Re: حلمانة حصلت انتخابات في سوداينزاولاين Author: طارق جبريل Date: 04-29-2010, 03:31 PM Parent: #21 نان ان بقى كدي انا ما شربت الزيت يا قريبتي انا لاني محسوب ظلامي ولاني كمان محسوب مستنير انا زول نخجي وجوعير سااااااااااااااكت

---

Post: #25 Title: Re: حلمانة حصلت انتخابات في سوداينزاولاين Author: Ahmed musa Date: 04-29-2010, 04:04 PM Parent: #24 غايتو سألتكم بالله (الشفت) أخوي ده فضوا ليه دايرة ... على شعرها ... وأنا عندي تلاتة صندايق فُل (بكري أبوبكر) ... وراجين الرمز ... والله يا تمبس الخوف عمكـ نديه المفوضية يجي رئيس ... تبقى الطامة الكبرى

---

Post: #26 Title: Re: حلمانة حصلت انتخابات في سوداينزاولاين Author: عبد الملك يوسف الملك Date: 04-29-2010, 11:59 PM Parent: #25 يادكتورة تسلمي من الهضربة ،، الليلة اول يوم اسمع بقصة حلمتك دي طبعا لو حلمت فعلا انا اعرف من الذي سيفوز لان عقلك الباطني الظلامي ده لن يطيق فوز هولاء المستنيرين المناضلين انحياز لاشعوري على قول فرويد في كل الاحوال نحن خاجنها خاجنها خلي نزيد ليهم شعاتف الروح دي على كل حال ان شفتيهم فايزين ماتكلمينا عشان قالوا الحلم الكعب مايتكلموا بيهو بس قولي حسبي الله ونعم الوكيل وشرك مقسم على كل الثوار في الكون

---

Post: #27 Title: Re: حلمانة حصلت انتخابات في سوداينزاولاين Author: القلب النابض Date: 04-30-2010, 01:42 AM Parent: #26 يا دكتورة سلام مشتاقين والله ...انتخابات هنا ؟ هاك السيناريو دا .. .... Quote: لووووول اتخيلت ليك تراجي شايلة مكرفوناتها وحايمة في الحلة ... قاطعوا القلب النابض رمز الفانوس ...انا وبيان د. نجاة حايمين بالصايد التاني صوتوا للقانوس رمز الضلاميات ... ولا تصوتو لتراجي رمز القلنسوة* ... لووول دي عجبتني...طبعا تراجي معاها كوستاوي اعلام ودينق بودي قارد... ومصطفي محمود ورانا انا وبيان يحمل لافتة مكتوب عليها التجاهل التجاهل التجاهل .... وبيان تقول لي بي حرقة اقنوررررررررد..اكملي المسيرة يابت أنا انتعل كبكي ابو شلاخات... تقول كدي الجزيرة تجينا نحن والعربية تحي لي ناس كوستاوي وتراجي ... وينقسم الحي بين فريقي "الر يال" "وبرشلونة" الفانوس والقلنسوة ..وتكاد تميز بين التصفيق ال"مع" و "الضد"ويعدها العشاء في تراجي للمجموعتين ...والفطور في بيت د. نجاة للمجموعتين ...ثم ينطلق كل يحمل بوقه وفانوسه وقلنسوته ولاقتته ويبدا الدوس رة اخرى .. من هنا الروووووووووووووووووووووووووووب ـــــــــــــــــــــــــــــــ * القلنسوة طاقية حمراء جميلة ظهرت بها تراجي في فيديو عرض هنا ...