أنا طلحة عبدالله طه وليس غيره ..

مع إحترامي الكامل وتقديري لكل أصحاب هذا الأسم العزيز ..
يتبع ...........

طيب وبتهاجم وارغو ليه

من باب الفضول إتصلت بأحدهم بعد ان رمي لي تلفونه في بريدي الإلكتروني
راجيا مني الإتصال لأمر مهم وعاجل جدا ( على طريقة سودانيز اون لاين) وقد ألح
يلح إصرارا على ضرورة الإتصال به مكررا طلبه لأكثر من مرة ..
ولم أكد أفعل حتى بادرني بأسئلة وإستفسارات ( هبطرش) عن السبب في تحولي
من الرياضة إلي السياسة وإنتمائي الحزبي ورأيي في الإنتخابات الأخيرة
والأيدلوجيات والوحدة والإنفصال والمعارضة وحركات التحرر و..و....
قلت له أنا طلحة عبدالله ليست لدي أدني فكرة عما تقول كما وليست لدي
أية إهتمامات بالسياسة ولا أحبها واعتبرهاأكبر أكذوبة في تاريخ الإنسان
السوداني ( انا حر في أعتقاداتي واعتباراتي).
وانه لا دخل لي لا من قريب ولا من بعيد بسياستكم فأذهب أنت وهي عني فإني هاهنا
قاعد و..و...
وقال لي : أليس انت طلحة الذي يكتب في سودانيز اون لاين ..؟
قلت : هو ذاك ولكنني ليست طلحة الذي تقصده بأسئلتك ولا شان لي بنقاشك
حولها .
سكت كمن يستدرك ثم قال : هو كذالك فانت طلحة الذي نعرفه .
قلت : ومن انت يا هداك الله وبماذا تقصد بطلحة الذي تعرفه..؟
قال : لا عليك ويبدو أنني أرتكبت خطأ جسيما ولك العتبي
قلت : فرصة سعيدة وما تنقطع
تك توت توت توت قطع الخط .
يتبع ....

وعندي لهذا طرائف ومعاناة مازالت تتبعني بسبب الأسم ..
في عام 1997 تقريبا وانا اتلمس طريقي مغمض العينين في بلاط
الصحافة الرياضية وقعت ضحية إعتداء غاشم من غشيم لزمت على إثره
سرير المستشفي .
وبعد خروجي خروج الأبطال وجرحي عمليات الفداء انهالت على تلفون
جريدة طيبة الذكر نجوم الرياضة المكالمات من كل نوع ولون وكل
يريد الإطمئنان أو يحمدالله على سلامة الأستاذ (طلحة الشفيع )
وقد إكتشفت فيما بعد أن من اعتدي على كان يقصد الأستاد طلحة الشفيع
أطال الله عمره .
وفي إحدي المناسبات قابلني طلحة الشفيع بلحمه ودمه وكانت هي المرة
الاولي التى نلتقي فيها وجه لوجه وعندما عرف بادرني على طريقته الساخرة:
يا بني أنا مستعد أدفع ليك حق السماية لتغيير إسمك ..
وقلت له محاولا التذاكي والإلتفاف : بالعكس يا أستاذ دا شرف كبير لي .
وقال لي من بين إبتسامة أكثر سخرية : لكن كدا حقك في الشهرة ح يضيع
ساي .
وقد صدق أيامذاك .

يتبع .......

وبعد ذلك الحادث المشؤوم بشهرين او اكثر أقامت جريدة (قون) أزادها
الله من خيره وأبقاها أولمبياد رمضاني على ملاعب كمبوني بالخرطوم
وخصصت جائزة لأفضل تغطية صحفية لهذا الحدث الكبير.
وبما إنني كنت في بداياتي فقد إجتهدت لأدخل تاريخ الشهرة من باب جريدة
قون وملاعب كمبوني وقد كان أن فزت بالجائزة والتى كانت عبارة عن مبلغ
مالي كان هو الأكبر الذي امسكه بيدي طوال حياتي .
وفي غمرة سعادتي بالجائزة فاجاني المذيع الشهير بالإذاعة السودانية
عثمان حسن مكي الذي كان يتولي تقديم فقرات برنامج الختام بأن اعلن
ان الجائزة نالها الأستاذ الصحفي الكبير (طلحة الشفيع ) قبل ان يستدرك
بعد ان نبهه احدهم إلى ان المقصود هو طلحة عبدالله بجريدة نجوم الرياضة.
وكان طلحة الشفيع حضورا حينها فإنفجر بضحكة مجلجلة واعاد علي إقتراحه
بضرورة تغيير الأسم وهو في سخرية لم أر لها مثيلا ، فيما كرهت يومذاك
ضحكات كل من إستاذي المرحوم حسن عز الدين ورمضان احمد السيد واحمد
محمد الحسن وغيرهم من الأساتذة كانوا حضورا وشهودا .
الجدير بالذكر أنه مازال بعضهم يناديني ب ( طلحة الشفيع )
لذلك اعلنها هنا أنا طلحة عبدالله طه يا جماعة .
ربما يتبع .....

كالعادة بوست تنظيري فارغ المحتوى مبشتن المضمون
مليئ بالنق نق نق نق و الورجغك ورجغك
لا معنى له ولافائدة مرجوة غير تضييع و قت البلاد و العباد فيما لا طائل له
سيد تنظير الشهير هاهنا بطلحة انصحك بأخذ وقفة مع نفسك ومراجعة العولاق البتكتبو كل يوم
ثم قوم لف ما امكن

Quote: كالعادة بوست تنظيري فارغ المحتوى مبشتن المضمون مليئ بالنق نق نق نق و الورجغك ورجغك

...
أنا هنا اختلف معك ..
خلي طلحة .. يواصل في تداعياتو .. في المنعطف الخطير دا ..

واصل يا طلحـة .. ولا تهتم بالحاقدين ..



.. يتبع..

شكرا يا تامبا على المرور والمعاضدة ضد ترهات اصحاب الغرض والمرض
عافانا وأياكم الله .

وقد قال شاعر معاصر رحمه الله :
عين الحسود فيها عود
ويقصد جرجير المعروف هنا بود البشري هداه الله .

هلا يا حمزاوي
وفي غمرة إنفعالي بسبب تشابه إسمي مع أسماء النجوم وكذلك الرد
على الحاقدين الحاسدين ( ود البشري مثلا) لم انتبه لمداخلتك اعلاه.
عايز أقول ليك المفروض وارغو دا أي مريخابي يهاجمو وليس
طلحة الشفيع أقصد طلحة عبدالله طه براهو .

أستاذ طلحة عبد الله .. أو أي كان اسمه!
واصل .. متابعين بشوية اهتمام!!

Quote: أستاذ طلحة عبد الله .. أو أي كان اسمه! واصل .. متابعين بشوية اهتمام!!

ومما يجدر ذكره في هذا المقام أن الاخ العزيز جدا
محمد حمزة الكوارتي سكرتير نادي الهلال الأسبق والأشهر
كان ومازال حتى يومنا هذا يناديني ب( طلحة جبريل)
لأنني يوما غلطت وقلت له: يا عبد المجيد منصور ( ساعدني بالوشوش يا كماين) .

وقد كتب عزيزي عبد الخالق ود الشريف مقالا في جريدة ألوان
قال فيه : أرشح طلحة لخلافة طلحة
فقابله طلحة الشفيع في مطعم البربري وشتمه شتيمة بالغة .

وقد طالبت يوما وفي لحظة تجلي الأستاذ أدريس حسن رئيس تحرير
صحيفة الرأي العام بزيادة راتبي ومخصاصتي الشهرية فنظر لي
من اعلي إلى أسفل قبل أن يقول بإمتعاض كبير: خلاص آ طلحة الشفيع .
وقد احرجني قدام جكسوية كانت حضورا للموقف .

Quote: قال فيه : أرشح طلحة لخلافة طلحة ...........

لا 000000 لا
هناك فرق
وبالمناسبة الفرق لصالحك من وجهة نظري
وقد اكون مُطالباً بإعتذار لك في مداخلة خشنة في السابق
العفو والعافية

Quote: وقد اكون مُطالباً بإعتذار لك في مداخلة خشنة في السابق العفو والعافية

والله يا Al Sunda لا اتذكر ذلك ولم ألاحظه ولا احمل لك ولغيرك من
الزملاء هنا إلا كل الإحترام والتقدير .

وذات خميس ركبت الحافلة متوجها للبلد لقضاء يومي الخميس والجمعة
وصادف أن جلس أمامي شخصان يتجاذبان حديثا هما فيه مختلفان بشدة
فبينما كان أحدهما يشتم ويقدح في مهنية طلحة الشفيع ويعتبره
مريخابيا متعصبا ومشجعا متظارفا يكتب في الصحف ، كان الآخر يؤكد على
انه يعرف طلحة الشفيع كقلم هلالابي له الكثير من القراء والمعجبين
وانه لا يعرف ماذا يقصد بهذا المقال المكتوب هنا إلا إذا كان قد
تحول من الهلال للمريخ .
وعندما تطاولت للنظر في الجريدة وجدتهما يتحدثان عن مقال للعبدلله
( ولافخر ) كنت قد تناولت فيه بالنقد مجلس إدارة المريخ بقيادة الريس
محمد الياس محجوب.
الغريب ان المقال مكتوب تحت إسم طلحة عبدالله .

يا ابو الطلح اعمل حسابك من (الهجمات المرتدة والكورة الطايشة) ويعنى قصة استاذنا طلحة الشفيع دى ممكن تكون تشابه ( فى الجسم) والجاتك فى عنقرتك سامحتك

Quote: يا ابو الطلح اعمل حسابك من (الهجمات المرتدة والكورة الطايشة) ويعنى قصة استاذنا طلحة الشفيع دى ممكن تكون تشابه ( فى الجسم) والجاتك فى عنقرتك سامحتك

أووووووووو وا عزيزاه مجتبي فاروق
والله الشوق الشوق والحضن الحضن ..
ثم ياخ ليك وحشة شديدة خلاص
وينك ووين أراضيك وفي البلد واللا إتخارجت زينا يا حنين ...؟؟؟
بالمناسبة زمان جدا كنت بتلخبط في إسمك وإسم العزيز مجتبي عبد الرحمن .
إن شاء الله تكون عملت جريدة براك يا مجتبي ياخ .
تحياتي انقلها لكل من يسأل ومن لم يسأل يا زول .

يا مجتبي مرة وقبل ما يبين لي مريخ واللا هلال
شتمني ليك صاحبك حسن محمد حمد في مقال بدأه ب:
(قال طلحة مين كدا ما عارف لكنه قطعا ليس طلحة الشفيع فهو لا يساوي
سفته ووضع سفته بين قوسين .)
وقد إرتج المرحوم حسن عز الدين بالضحك فيما جقلب صاحبك قسم خالد
وبطبط عديل كدا .

Quote: عد ان رمي لي تلفونه في بريدي الإلكتروني راجيا مني الإتصال لأمر مهم وعاجل جدا ( على طريقة سودانيز اون لاين) وقد ألح يلح إصرارا على ضرورة الإتصال به مكررا طلبه لأكثر من مرة .. ولم أكد أفعل حتى بادرني بأسئلة وإستفسارات ( هبطرش) عن السبب في تحولي من الرياضة إلي السياسة وإنتمائي الحزبي ورأيي في الإنتخابات الأخيرة والأيدلوجيات والوحدة والإنفصال والمعارضة وحركات التحرر و..و....

الاخ طلحه عبد الله طه

تجدنى فى غاية الاسف لما تعرضت له ان كان المقصود بذلك انا

ما يحيرنى لماذا يطلب احد الاغضاء فى الخاص من زميله ان الاتصال الهاتفى

لامر يتعلق بالحوار فى الوقت الذى كان يمكنه ان يقول ما يريد فى خيوط الحوار او فى الخاص نفسه

اللهم الا ان كان يخشى على نفسه من توثيق ما يريد ان يقول

لك العتبى يا طلحه حتى ترضى وشكرآ لمن اتصل ليغرفنا على بعضنا ولو قليلا

اخوك طلحه

الاخ طلحة سلام

اسف اختلط على ما ذكرته عن البريد الالكترونى وما ظننته الخاص او الماسنجر

مما جعلنى اظن ان المتصل احد اعضاء المنبر

مودتى

سلامات يا طلحة السيد
وفرصة سعيد جدا والله
انت فعلا المقصود بالإتصال لأنه لا أحد غيرك هنا يحمل إسم طلحة
وقطعا المتصل ليس زميلا بالمنبر وإلا كان لاحظ إختلاف الأسماء
بين العربي والإنجليزي ، كما انه كما تفضلت وضع لي تلفونه
في إيميلي الخاص وليس في الماسنجر الداخلي.
ولكنه للحق لم يشتم ولم أشعر في حديثه بأي نبرات عدائية
وفيما يبدو إختلط عليه الأمر وإعتقد أنني طلحة المقصود وهذا
يقودني إلي الشك في أن الاخ المتصل بادر بالإتصال بناء على
معلومات سماعية بمعني أن هناك من نقل له أن طلحة يكتب كذا
وكذا وكذا والله أعلم .
كل التقدير .

شكرآ لك عزيزى طلحه

وسعيد انا بمعرفتك ايضآ

(قال طلحة مين كدا ما عارف لكنه قطعا ليس طلحة الشفيع فهو لا يساوي
سفته ووضع سفته بين قوسين .)

ههههههههههههههههههههههههههههه
والله الله يجازيك يا طلوح
مشتاقييييييييييييييي يااااخ
الحبايب كلهم مجتمعين فى البوست
ود الخضر- وتمبس وود الصايم..
اطنان من التحايا...
هسة افتكر البوست دة حيرفع معنويات طلحة الشفيع
الحكاية بتاعت كسرتك (بفتح كل الحروف) دي
اول مرة اعرفا
وانا اقول الكعوجك كدة شنو
اتاريك مدقوق...
هههههههههه...
تعيش وتاكل غيرا يا حبيب

ههههههههههههه
هلا يا حودة الحبيب
جابتك بس الكسرة دي ما غيرا
مرة قلت لي طلحة الشفيع ياخ المفروض أنا الأديك قروش عشان تغير إسمك
لانو ما معقول انا اتلطش وأندق وانت تقعد في بيتكم عشان يجوا يقولوا ليك كفارة
يا استاذ وبتاع .. فضحك ضحكة غياظة وقال لي المفروض انت على دي ذاتا تديني قروش.

**********
جاييكم شهر ستة عشان نمش هناك
ما تزوغ بعدين ..
تحياتي للجميع كلهم .
قلت

طلحة الشفيع
شنو ماسورة الذكريات الضربت عندكم الليلة دي ؟؟

هلا يا أبو الخلد
أنا قاعد أفض فض ياخ
ما أفض فض ياخ .. ؟؟؟ ( أنتو الوشوش دي بتختوها هنا كيف .؟)

Quote: لذلك اعلنها هنا أنا طلحة عبدالله طه يا جماعة .

يا ما انت كريم يارب . ياخى انا اكوس ليك الزمن ده كلو عشان ترجع لى القروش الإستلفتهامنى دييييييييك ,, هو تراهو انت جنبى هنا وانا ماعارف.
قروشى ناو.
يازول وكت بقيت مريخابى اقدل ساى ومحل رهيفة تنقد على قول شيقوق.

سلامات يا فاضلابي
وبصراحة كدا المعجبين بتاعين الجماعة التانين ديل كرهونا البلي ياخ .
والواحد بفكر جاد يسمي نفسو أبو لهب واللا أية حاجة .

طلوح المسكين
لينا منك طولة ... وشايفك رجعت المرة دي
وعامل فيها بتاع دراما وإثارة وجلكسات*
وحركات زي بتاعة هباني
شاغلني سؤال كدا : الزبون دا لقى ايميلك وين ؟
بوست أظن - غير آثم - انو غير موفق






______
* أخت عربسات

هلا يا عمو وهبة
الزبون لقي إيميلي وين والله ما عارف
لكن السؤال الأهم :
إذا كنت آثم أو طاشم البوست غير موفق مالو يا عمو .؟

Quote: البوست غير موفق مالو يا عمو .؟

المحيرني فيك يا سيد تنظير - الشهير بطلحة- إنك بكل قوة عين و نفس فاتحة لسة بتسأل " البوست غير موفق مالو؟"
قلنا ليك بوست فارغ المحتوى فقير المضمون لا يضيف اي قيمة معرفية او فائدة
عبارة عن مضيعة لوقت قارئه و كاتبه و الجا ماري بي جمبو ساي
بالإضافة لكدا إنو بوست معولق - من عولاق- جدا
فرجاء بالله قوم لف أو حاول بجدية على الأقل
هذا مع الود و التقدير... إلخ

الاخ العزيز جرجير أو ود البشري كما يحلو للبعض مناداته
بعد السلام عليك ورحمة الله وبركاته
كلامك مكرر وممجوج وقلتو قبل كدا بدل المرة تلتين مرة.
قال تعالي ( من شر حاسد اذا حسد)
صدق الله العظيم .
وشكرا

فوق للشهرة!

كماين يا ظريف

Quote: فوق للشهرة

الشهرة دي مؤنث شهر واللا انت غلطان ؟

الذكريات مهما كانت برضو ....

واصل .... متابعين











يتبع ( ملطوشه من ود البشرى الذى هو بدوره لاطشها من تنظير )

يا كوتش
تمت بحمدلله

Quote: الحبايب كلهم مجتمعين فى البوست ود الخضر- وتمبس وود الصايم.. اطنان من التحايا...

أووووو
حوتة يا عمكـ أخباركـ ياخ!
يعلم الله أشواق قناطير مقنطرة عديل


تعرف يا عمكـ .. كل ما أشوفكـ
في برنامج بقول ( أخ .. ما بتدي حريف)