Post: #1
Title: سفورى الجميل الف سلامة
Author: mohmmed said ahmed
Date: 04-28-2010, 05:31 AM
Parent: #0
اسعدنى الخبر وغمرنى بالابتهاج
وانا اسمع صديقنا وشيخنا وحبيبنا على السفورى
يبلغنى بالشفاء والانتصار على المرض اللعين
ازف التهانى لاحباء سفورى
محمد عبد الحميد- الفاتح السفورى -على بابكر -عثمان تراث -امانى عبد الجليل
على الهادى- ايمان عبد الغفور- محمد عباس -بشرى الفاضل -عثمان عامر -اسامة عبد الجليل
محمد عبد الجليل- صلاح محمد ادريس -كمال محمد ادريس- احمد محيسى -حسن محيسى -حواء بشير
سفورى ظل محافظا على روح المرح والدعابة طوال فترة المرض القاسية
ضاحكا وصف حالة تعافيه من المرض بقولة
انقشع بركان ايسلندا
|
Post: #2
Title: Re: سفورى الجميل الف سلامة
Author: mohmmed said ahmed
Date: 04-30-2010, 02:40 PM
Parent: #1
فى اول ايام تعرفى على الاعزاء محمد عبد الحميد وعلى بابكر والسكن معهم فى صنعاء
كان الحديث يدور كثيرا حول على السفورى
الذى كا غائبا فى تعز
محمد يقول على صاحبنا زول ظريف جدا
على بابكر يتحدث بتقدير عميق عن سفورى
على يقول انا ما عارف كيف لكن من اول ما اتقابلنا اصبحنا اصدقاء سكنا سوا ودرسنا الاداب وتخرجنا معا وعملنا زملاء فى سونا واتغربنا سوا فى اليمن
بين سفورى وعلى بابكر صداقة مديدة تزداد كل يوم
محمد عبد الحميد
يحب اصدقائه بطريقة عملية
يا سفورى انت قاعد فى كينيا تعمل شنو وبسرعة عمل الفيزا ورسل التذكرة
وفى اليمن ساعد على فى الحصول على الوظيفة
عثمان تراث
بينه وبين على الحوارات الطوال عن درويش ادونيس نيرودا كونديرا
منزل عثمان مفتوح دائما لسفورى والاصدقاء
فاتح السفورى
ابن عم على بينهما عشرة من ايام الخلوة وقراءة القران حتى الجامعة
يحنو الفاتح على على كاخية الصغير يحبه ويوده ويخشى عليه
على السفورى
مثقف وقارىء مجيد وصاحب بديهة حاضرة
عن حياتنا فى اليمن والونسات والرفقة والقات علق على
والله اليمن دى نحنا زى الجاينها رحلة ساعات اليوم كلها ترفيه
الطريق لمن سبق ام لمن صدق
على السفورى بمعنى من المعانى شيخ لعلى الهادى بينهم استبصارات ووشائج روحية
على الهادى من اهل الطريق له اوراده وقريب من الشيخ
ولكن على شيخه
ودى بيفهموها براهم
فى الجامعة حيث عمل سفورى فى التدريس
كان يستغرب من اهتمامات الدكاترة العرب
الدولار التصفية الراتب النذاكر
ويعلق ساخرا
بالله اساتذة جامعة ما عندهم اهتمامات عقلية
حواء بشير
تحنو على على كالاخت الكبرى
فى زواجه كانت اكثرنا سعادة
سفورى علق وقال حواء بشير دى بس يصدق فيها بيت الشعر
كانك تعطيه ما جئت تاخذه
امانى عبد الجليل
الوحيدة القدرت تفرض علينا فى صنعاء جلسات ثقافيةدون قات
تجلى فيها سفورى بحوارات عن الجندر والسياسة
بمشاركة امنة النصيرى ونبيلة الزبير وهدى ابلان
منصور العوضى(ابو عبد الله)
قال انتم تتحدثون كثيرا عن على السفورى
هاتو الرجال يخزن معانا
واصبح على من المقربين من ابو عبد الله ويحظى بالمتكا المجاور له
مع اغصان القات التى تليق بحضرة السفير
ايمان عبد الغفور
كنا نلوك فى جاه السفورى
فى مائدتها العامرة
فى عصير عجيب كدا مكون من اللبن والزبادى والكستر الخلطة والمقادير سرية
نرتشفه فقط عند حضور سفورى
عثمان عامر
صديق على السفورى لم اسعد بمقابلته ولكن قرات له مقال عن ام درمان وفن الحقيبة
كنا نقرا مقاطع من رسائله من امريكا لعلى السفورى
كان يخاطبه
على انت شيخى وصديقى
محمد عبد الجليل بينه وبين على النكتة والطرفة والونسة الطويلة
اسامة عبد الجليل
زامل على فى التدريس فى جامعة ذمار
وكانت بينهم جيرة وكلام فى السياسة والتعليم والشعر والادب
حكى لى على مرة وقال
يا محمد انا بكون قاعد فى الصالون وفى الحيطة تظهر صورة جدى
ونبدا مع بعض حوارات عميقة فى الفلسفة والتصوف
وتكون باللغة الانجليزية
لم تساورنى ذرة شك فى صدق على
حبينا وصديقنا وشيخنا على السفورى
يرقد فى مستشفى الخرطوم بعد اجراء عملية جراحية
له حبنا وامانينا بالشفاء
(
|
Post: #3
Title: Re: سفورى الجميل الف سلامة
Author: mohmmed said ahmed
Date: 04-30-2010, 02:47 PM
Parent: #2
فى بدايةمحنة الصديق سفورى كتبت بوست
شارك فيه احباء واصدقاء
اودالاشارة لهم وازف خبر الشفاء
د نجاةمحمود- د ابراهيم محمد زين-سليمان الرفاعى-سيف بشير-راويةالعباسى- فيصل يسين- هويدا عثمان- نهال الطيب-عشةبت فاطمة- محمد بيرق- رجاء العباسى -احمديوسف ادريس-المعز ابونورة-ابوبكر عثمان-بدر الكلاكلة-ابراهيم الامين-الطيب عبدالرحيم-عثمان حامد-خالدالطاهر-محاسن ابراهيم-مصطفى البشير-
|
Post: #4
Title: Re: سفورى الجميل الف سلامة
Author: د.نجاة محمود
Date: 04-30-2010, 02:56 PM
Parent: #3
الحمدلله ياخي
شكرا ليك طمنتنا على العزيز السفوري
مع تحيات ابراهيم لكم ولكل من ذكرتهم هنا
|
Post: #5
Title: Re: سفورى الجميل الف سلامة
Author: الجندرية
Date: 04-30-2010, 02:58 PM
Parent: #3
يا ســــــــــــلام يا محمد سيد
خبر يبهج بالجد
عرفت ان علي في القاهرة منذ اكتر من اسبوع ولا املك اي وسيلة تواصل معه
ياريت تلفونه هنا ، ولا رجع يا محمد ؟؟
ـــــــــــــ
علي فكرة نحن الليلة مرقنا من المستشفى
عثمان عمل عملية بواسير وهو يتعافى الان
سيسعده هذا الخبر بلا حدود
ربنا يحفظ الكل يا محمد ويجمعنا في ساعة
|
Post: #6
Title: Re: سفورى الجميل الف سلامة
Author: Raja
Date: 04-30-2010, 07:23 PM
Parent: #5
ألف حمد لله على سلامة الفاضل علي السفوري..
يا محمد.. السفوري لو موجود في القاهرة أرجو إرسال رقمه أو عنوانه.. ساكون في القاهرة هذا الأسبوع..
طبعا قابلت كل أو معظم الناس الذكرتهم فوق هنا.. ولا يفوتك أن علي الهادي، علي بابكر هم تلامذة العباسي
أما الخبر التاني فسأكون في بلدكم (9 - 15 مايو).. واجب نتقابل (يا قول جورج قرداحي: حضًروا حالكم إذا بتريدو..ههههه)
تحياتي للبنى وبنياتي ومصطفى..
رجا
|
Post: #7
Title: Re: سفورى الجميل الف سلامة
Author: mohmmed said ahmed
Date: 05-01-2010, 04:13 AM
Parent: #6
شكرا دنجاة
سعادتنا غامرةبشفاء على
تحياتى لابراهيم
وهو ثالث ثلاثة يتحدث عنهم على بتقدير كبير
وانا فى توق شديد للتعرف عليهم
ابراهيم محمد زين
محمدبيرق
عثمانعامر
|
Post: #8
Title: Re: سفورى الجميل الف سلامة
Author: شادية عبد المنعم
Date: 05-01-2010, 06:59 AM
Parent: #7
الف حمدلله على سلامة علي السفوري حقيقي مرضه أزعجني جدا
حاولت زيارته أيم كان في مستششفى الخرطوم وفشلت لأني منعت ذاك اليوم وهو سافر طوالي
المهم يا محمد تبلغه تحياتي وين ما كان وأمانة عليك تقول ليهو تاج السر النجيب بيسأل عليك سؤال الضهبان
وسوف أتصل اليوم أزف له هذا الخبر السعيد
وربنا يطمنك على كل أحباك وأصحابك يارب فأنت مبشر بالخير
|
Post: #9
Title: Re: سفورى الجميل الف سلامة
Author: mohmmed said ahmed
Date: 05-01-2010, 05:08 PM
Parent: #8
الغالية امانى
الف سلامةلعثمان
وتمنياتنا له بعاجل الشفاء
اسامةمرا علينا وقضينا ليلةمن السمر والذكريات
تلفون سفورى فى الخرطوم00249911879921
|
Post: #10
Title: Re: سفورى الجميل الف سلامة
Author: سلمى الشيخ سلامة
Date: 05-01-2010, 05:40 PM
Parent: #9
حمد لله على سلامة على الجميل
ما لاقيتو لكن المثل بقول صاحب صاحبك صاحبك
وهو صديق لعدد من الاصدقاء المشتركين
تحياتى وامنياتى له بدوام الصحة والعافية
ولك المحبة اخى العزيز
وارجو ايصال سلامى للعزيز عنتر سيد احمد
|
Post: #11
Title: Re: سفورى الجميل الف سلامة
Author: mohmmed said ahmed
Date: 05-02-2010, 06:34 PM
Parent: #10
العزيزةرجاء
شكرا ليك سفورىرجع بالسلامةللسودان
الناس اللسا فى اليمن ديل عزازوفيهم ريحةسفورى
مرحب بيك فىالامارات العين
|
Post: #12
Title: Re: سفورى الجميل الف سلامة
Author: Nasr
Date: 05-02-2010, 06:44 PM
Parent: #11
شكرا محمد علي هذا الخبر المفرح
ويندر مثل علي في جمال العقل والروح
ندعوا الله له بموفور الصحة ودائم العافية
آمين يا رب العالمين
|
Post: #13
Title: Re: سفورى الجميل الف سلامة
Author: mohmmed said ahmed
Date: 05-03-2010, 06:49 AM
Parent: #12
شكرا شادية
خبر شفاء سفورى منحنا نحن احبائه سعادة لا توصف
يوصل سلام السر
تلفون سفورى فى البوست فوق
|
Post: #14
Title: Re: سفورى الجميل الف سلامة
Author: mohmmed said ahmed
Date: 05-04-2010, 05:58 AM
Parent: #13
العزيزة
سلمى
فعلا صاحب صاحبك صاحبك
فالصداقة ذات عدوى ايجابية
انا هسا فى ناس بسمع بيهم من سفورى
بقو اصحابى نظريا
زى ناس عثمان عامر ومحمد عباس واسامة فرحات
تحياتك وصلت لعنتر
وهو بيسلم عليك
|
Post: #15
Title: Re: سفورى الجميل الف سلامة
Author: Mahassin Ibrahim
Date: 05-04-2010, 12:21 PM
Parent: #14
محمد سيداحمد : لك أعظم التحايا وخالص التهاني والفرح الذى لا حدود له بتماثل صديقك (السفورى) ...(الجميل) كما نعته ووصفه الاخرون.
انا غمرني فرح غامر كاني عرفته من سنين فما باللك بمن عرفه واصطفاه.
سلامه والف سلامه يا علي وانشاء الله ما تشوف شر.
|
Post: #16
Title: Re: سفورى الجميل الف سلامة
Author: mohmmed said ahmed
Date: 05-05-2010, 03:27 AM
Parent: #15
محمدعباس
صاحبى
استنادا علىنظريةصاحب صاحبك الشهيرة
فى حكاوى سفورى
ترد دايما عبارة
كنا انا وعثمان عامر واسامة فرحان ومحمدعباس
تحياتى
هاتف على تجده سعيدا
|
Post: #17
Title: Re: سفورى الجميل الف سلامة
Author: خالد العبيد
Date: 05-05-2010, 03:52 AM
Parent: #16
سلامات يا محمد
خبر جميل من الصباح
نقدر نستمتع بي المطرة الكابة من امس
وين ايمان عبدالغفور؟
تلفون ايميل اي حاجة
|
Post: #18
Title: Re: سفورى الجميل الف سلامة
Author: mohmmed said ahmed
Date: 05-06-2010, 05:06 AM
Parent: #17
الاخت محاسن
السعادة غمرت كل الاحباء بشفاء سفورى
خالد
شكرا ونحنا برضو عندنا مطرة نادرة جدا واجواء طيبة
امانى عبد الغفور فى السودان الرياض
تلفونا فى الماسنجر
|
Post: #19
Title: Re: سفورى الجميل الف سلامة
Author: محمد سنى دفع الله
Date: 05-06-2010, 05:16 AM
Parent: #18
الف حمد الله على السلامة
ولكم التحيات
ولكل الاحبة المروا من هنا
سلامي وعظيم تحياتي لهم جميعا
وما تشوفوا شر ابدا
اللهم امين
|
Post: #20
Title: Re: سفورى الجميل الف سلامة
Author: mohmmed said ahmed
Date: 05-06-2010, 04:17 PM
Parent: #19
السنى الفنان
شكرا ليك
|
Post: #21
Title: Re: سفورى الجميل الف سلامة
Author: سليمان الرفاعي
Date: 05-06-2010, 06:18 PM
Parent: #20
الله أطمئنك عزيزينا محمد
وحمدا لله علي سلامة وشفاء سفوري
شكراً لك فقد أسعدتنا بهذا الخبر حقيقةً
|
Post: #22
Title: Re: سفورى الجميل الف سلامة
Author: mohmmed said ahmed
Date: 05-07-2010, 05:47 AM
Parent: #21
شكرا سليمان
اتخيل الان سعادةالفاتح السفورى
ابن عم على(ولكن على يناديه تحببا وتادبا الفاتح اخوى)
|
|