جُمْلة المُسجَّلين في إنتخابات 86 كانوا كم؟

البوست دة ليهو ناسو
عارفييييييييييييين نفْسهم

ابو خج ولا ابو من غير خج؟
مودتي لكم

محمدّد الشيخ يا حبيب سلامات
أوّلاَ أنت غير معني بالسُّؤال فلِم "خلقاتك" على قول المصريين و "فحِّط" على قول أولاد شارع الكلس
ثانِياً:
قريت تعليقك بتاع شارع الكلس و الركشة و ضِحِكت
لأنُّو محل الإنترنت الإنت قلتو دة فعلاً كان حقي و أنا الفتحتو هِناك و بعدها بعت الجمل بما حمل
و لعلمك أوّل محل إنترنت فتح في الشارع دة كُلُّو سنة 99 كان بِتاع العبد لله في العمارة الجمبها
هسي حلاّق
أقرب محل مِنُّو كان النورس كوبر

ياسلااام ياعلاء ياخ ...



انت عارف زى ماقلت ليك مشكلتك الاساسية انو الحصل دا مامقنع
بالنسبة ليك ...كنت متخيل شيء غير كدا ..والدليل هو ان رد
فعلك وحماسك اقل من حماسك ايام الحملة الانتخابية ..وطبعا دا
ماانت براك ...كل المنتسبين للمؤتمر الوطنى والكانوا مفتكرين
انو (قبتو تحتا فكى) اصيبوا بنفس الاحباط ..على الرغم من محاولات
البعض ادعاء الفرح الا انها محاولات جاءت باهته ..ورد الفعل الفاتر
لفوز المؤتمر الوطنى دلالة على اتجاهات تفكير العقل الباطن كما يقول
علماء النفس ...صراحة مسالة صعبة جدا ...

محمد عبد الرّحمن
طالما جيت فيك الخير
كدي جاوِب لينا على السُّؤال دة
أو يُمكنك الإستعانة بصديق من مجموعة أحزاب الأُمّة (القابِضة)

استاذ علاء // تحية واحتراماً
كثير من الناس تتحدث عن الارقام بأمل وخوف حقيقي على البلد ومن منظور استراتيجي وليس تكتيكي..عندما يقول الناس ان الارقام اثبتت ان الشعب السوداني لا يمكن ان يكون خاملا حد ان يمنح تفويض يصل 100% لحزب سياسي فهذا من حرصهم على مستقبل هذا البلد..صدقني يا اخي لو اقام حزب يوتوبيا ((مدينة فاضلة)) على هذه الارض لحرمته طبائع البشر واختلاف انماط تفكيرهم من هكذا نسبة.بل هذا من صميم ناموس الاجتماع البشري ان يختلف الناس...اذن هنك خطأ ما في مكان ما...بصرف النظر عن الكيفية التي اتت بها هذه الارقام...المؤكد ان هذا ليس في صالح البلد ..اكثر من ذلك ليس من صالح المؤتمر الوطني...انهيار الحياة السياسية معادلة مازومة يخسر فيها الجميع.. وكنت مندهشا من الفرح الهستيري الذي يعتري انصار المؤتمر الوطني من ما يسمى الفوز الكاسح..بالله هل هذه الديمقراطية بهذا الشكل وهذا البرلمان ستؤدي لخير السودان...هل سترتفع وتيرة المحاسبة...هل سيكون البرلمان مسائلا ومقيما ام تابعا..هل سيقل الفساد ويرعوي المفسدون.. بفعل معارضة برلمانية حيقية..
اذن دع الاخرين ينظرو للجانب الممتليء من الكوب من وجهة نظرهم....دعهم يفكرو في هذه الارقام بايجابية ..حتى يستقيم هذا الامر وتستعدل الصورة الغريبه والغير سارة..من مصلحة حزبكم ان تكون الحياة السياسية معافاة وفيها منافسة معقولة على الاقل حتى يكون هناك خوف من المنافسة يؤدي لتجويد الاداء..نتائج كهذه تكرس الاستقطاب والغبن واحساس التهميش ويوما ستنفجر وتعبر عن نفسها بعنف ...
كما اني اعتقد ومعي كثيرون ان حزبكم قد عمل بشكل منظم وممنهج على اضعاف القوى السياسية بشتى الوسائل..وهو مسئول (ولو بشكل غير كامل) عن هذا الضعف الذي يعتري القوى السياسية باستخدام كافة الاساليب..
آخيرا فعلا الارقام تثبت ان الشعب السوداني باعداد غير قليلة قاوم حملات التدجين الشرسة التي استمرت ل20 سنه وهذا دليل عافية فالذي فعله حزبكم لتكون كل البلد تسبح بحمده يجعل هذه الارقام ذات دلالات عميقة وهي اننا كشعب سوداني ما زلنا بوعي وخير وهذا شي يجب ان يسعدكم.. على الاقل سيكون للفوز معنى..
شكرا يا اخي واسف للاطاله..

أخي الكريم الأمين
سلامات و حباب الإطلالة و الإطالة إن كانت ذات معنى كما هي عليه منك الآن
لاحِظ لكل مواضيعي التي فتحتها بعد إعلان النتيجة
تجِد أنّني لم أستخدم كلِمة كاسِح هذه أبداً
و أنا مبسوط جداً للمنافسة التي حدثت
و للأرقام التي حُقِّقت بدءاً من أرقام المُسجِّلين و مروراً بأرقام المُصوِّتين (الأصوات الصحيحة) تعريجاً على وعي الشعب و اقباله على صناديق الإقتراع.
ثُمّ انتهاءاً بفوز البشير.
لا زال السُّؤال قائماً
و فيه راحة لك أنت أيضاً

.
.
.

زمان أنا قايل شالو كشوفات سكر التومين آجنا

.
.

تلاته مليون ودقداقة

Quote: تلاته مليون ودقداقة

غير صحيح يا سيناتور

ود جبريل
هو الزّمن داك كان فيهو سُكّر
ما كُنّا بنشربو بالتّمُر
نسيت

Quote: تقول الإحصائيات إن آخر تعداد للمقترعين الذين شاركوا في آخر انتخابات 86م كانت لا تتعدى أربعة مليون ناخب فقط وانتخابات ابريل 2010م عدد المقترعين المسجلين الذين يحق لهم التصويت والإدلاء بأصواتهم 16 مليون ناخب وبضعة آلاف

تحياتي ياعلاء .

شُكْراً د. بشير على المرور
الجّماعة كبّروا اللّفة من البوست دة




العدد بالتحديد كان :
5,851,000



و يقول ليك الشّعب قاطع

بس فى حاجتين ياعلاء اول مرة اسمع بهما

مكان طبع بطاقات الاقتراع
تزوير فى الاصوات,,,


لكن السوال المفروض تجاوب عليها انت ليه
اعلنت المفوضية فوز الرئيس مع نجاح طلاب الاساس,,,

مع انو البلد كلها احزان,,,

بورديا وفاة صغيرة اولاد المجمر
موت محمد سيد حاج
هزيمة القبيلة الحمراء
هزيمة القبيلة الزرقاء


الفرح الوحيد الذى غطى على هذه السحابات
نتيجة طلاب الاساس,,,

ياهندسة هو اصلا ماكان في سجل!!!!!!!!!!!


وكشوفات الناخبين تنشر دون ضوابط او معايير



في انتخابات 65 الكشوفات كان فيها2 مليون وصوتوانصفهم فقط والانتخابات امتد الي عام 67 لانو كانت في الجنوب مؤجلة لعاميين!!!!!!



وفضائح الجنسية السودانيةّّ!!! والدوائر المغلقة !!!!!!!!!



وصدق انو حتي شهادات السكن التي يحتج عليها المنهزمين حاليا لم تكن موجودة والناس كانت بصوت سليقة سااااااااهي

يا أُستاذ عُمر
أنا كُنت ما واعي للدُنيا كويِّس لكن أذكُر جيِّداً جقلبة الطائفيين وقتها و تهافُتهم المُريع على أصوات النّاخبين و طُرُق استجداء الأصوات و التلاعب على الناس لكسبها و بعزقة الأموال الطائلة في ذلِك

.

الأخ الكريم علاء الدين

إنتخابات 86 دي كانت فيها الجبهة الإسلامية القومية، المؤتمر الوطني حاليا
الحزب الثالث في ذلك البرلمان، وقد فرحت الجبهة الاسلامية فرح من لايصدق نتائجها،
ليس بمثل هذا الفرح المصطنع، حتى إشتركت في حكومة إنتلافية مع حزب الأمة، وشهدت تلك الفترة
مظاهرات السكر الشهيرة، وقد شهد بنذاهة تلك الإنتخابات وخلوها من الاساليب الفاسدة، رجل البر
والإحسان القومي الطيب الوديع سوار الدهب .. ما أشبه الليلة بالبارحة!

محاولة وضع كل البيض في سلة واحدة،
لا تجبر كل الناس على الشراء.
.

علتى العلعالة ...

Quote: أنا كُنت ما واعي للدُنيا كويِّس لكن

وانا برصو والله ... بس يا قولك لكن :::
انتخابات 86 نظمها وكانت تحت يد مدير حملتكم الحالى
الفريق سوار (الذهب) ..
بعدين لو قاصد انو مافى اقبال وعدد المسجلين شوية
دا لانو كل الشعب ما كان فارقه معاه يجى منو

لكن هسه هب 10 مليون واتسجلوا عشان يقولوا لا للبشير
وشفت كيف قالوها ... يعنى هسه عندهم دافع ،، دا الفرق !!


اما قصة السكر والبنزين دى يا علويا
حجيتك ما بجيتك .. الازمة شكلو كان سببها انو
عدد الناس فى السودان ال كانو بشربوا السكر وبستخدموا
البنزيين كان كبير عشان كدا ما كان بكفى

لكن عليك الحرام هسه كل الناس الكانوا بشربوا السكر دا
وبستخدموا البنزين بقوا مافى اتشتتوا وما عادوا بشربوه
قـــــــــام السكر رققققققد رقاد التراب ..

3 ملايين دارفورى بين نازح وبين سكر الامريكان !!
حرب الجنوب ل 20 سنه خلت 10 مليون فى الجنوب ما بشربوا السكر
وكذا فى الشرق والشمال هو فضل زول للسكر يا علاء
السكر رققققققققققققققققققد







ــــــــــــــــــــــ
قول جملة المسجلين كانو اتنين سو واااات !!

الرائع علاء الدين
في نوع اخر من المقارنة وفي قريتي الصغيرة ابدوم قشابي وهي قرية علي النيل تتبع لمحلية الدبة
نشطت حركة الحزب الاتحادي متمثلة في عدد ستة كهول و3 شباب حردانين وامراتان مازلتا تحلفان بسيدي الحسن وست نورة ودعموا مرشح الحزب الاتحادي طه علي البشير بزات الطريقة التي كان يحشدون بها العضوية في انتخابات 86 فاستقطبوا امراة من حي يدعي حلة العرب واحضروها للمركز للتصويت وعندما خرجت سألوها ((اها يا فلانه اديتني منو؟ )) فتقدمت خطوات وضربت عمود الكهرباء وقالت(( اديت الجاب دا)) في اشارة لعمود الكهرباء
ملاحظة: الكهرباء دخلت لقرية العام الماضي
ولك التحية

Quote: في نوع اخر من المقارنة وفي قريتي الصغيرة ابدوم قشابي وهي قرية علي النيل تتبع لمحلية الدبة نشطت حركة الحزب الاتحادي متمثلة في عدد ستة كهول و3 شباب حردانين وامراتان مازلتا تحلفان بسيدي الحسن وست نورة ودعموا مرشح الحزب الاتحادي طه علي البشير بزات الطريقة التي كان يحشدون بها العضوية في انتخابات 86 فاستقطبوا امراة من حي يدعي حلة العرب واحضروها للمركز للتصويت وعندما خرجت سألوها ((اها يا فلانه اديتني منو؟ )) فتقدمت خطوات وضربت عمود الكهرباء وقالت(( اديت الجاب دا)) في اشارة لعمود الكهرباء ملاحظة: الكهرباء دخلت لقرية العام الماضي ولك التحية

الله عليك الله عليك الله عليك
يا حبيب الكُلْ
واللهِ هي الحقيقة ليس إلاّ
يتّهِمون المُؤتمر بالتزوير و معه المُفوّضِيّة
و ينعتون ألير بأقذع الألفاظ و الصِّفات
و نسوا أن هذا الشّعب هو من قال كلِمته و اختار ..
قِصّة مُشابِهة سمِعتها بأذني هاتين في قريتي بمروي
حينما سألت خالتي إحداهُن من العمّات بالقرية:
- حتدي المرغني؟
فأجابت بسرعة و حِدّة:
- المرغني سوّالنا كُبري ولاّ سوالنا سدّ ولاّ سوالنا شارِع زلط؟
فقطعت جهْيزة (بإجابتها الجاهزة) قول كُلّ خطيب

سلام يا علاء
وتحياتي
ممكن نبدأ الحصة دي من سنة 1953
ولك احترامي

هلا يا خالِد
و مرحب بيك
يا ريت لو ساعّدتنا بما لديك مِن معلومات منذ ذلك الحين
مع مودّتي