كلاب البورض

يقال عند تقسيم اعمار الخلائق كان متوسط الاعمار 25 سنة لكل مخلوق
فقال الحصان هذا العمر طويلا تكفيني 15 سنة .
وقال الحمار وانا ايضا كذلك تكفيني 15 سنة خاصة وانا مخلوق شواقة كدا كفاية 15 سنة خدمة شاقة .
الكلب طلب 5 سنوات بس
وكذلك القرد
وجاء الانسان الفالح وقال ادوني الاعمار الزائدة دي كلها واضيفوها على عمري وبعد دا كلو ياريت اقدر اكون نفسي
وقد كان
فصار الانسان يعيش الخمسة وعشرين سنة الاولى حقتو اروع ما يكون يحمل كل الصفات الجميلة
براءة ولطافة وذوق وادب جم واحترام وتقدير فرحا بالحياة متفتحا متطلقا لمستقبل زاهر يحب كل الناس ويحبوه
وبعد انتهاء الخمسة وعشرين سنة الاولى حقتو يدخل بعدها في سنين الحصان العشرة
ويبدأ يبرطع زي الحصان .... لو سمع قالوا ليبيا فتحت كربت كربت كربت بمليط
سنة سنتين وخفس على ايطاليا وبرطعة جد هناك
الاقيهو ليك حصان تاني واقول ليهو يلا يا فردة على لبنان حيث الرقيص الهورص وركبو موجة البحر لحدي محل الحفلة
وتنتهي سنوات الحصان بقاهرة المعز والهز وفي العتبة لاقى حمار في بداية عقد الحمير ولايدري صاحبنا بان عمر الحصان انتهي
وقد تجاوز الخامسة والثلاثين ودخل عقد الحمير ووقف حمار الشيخ في محطة القطار وحرن قبلو لحدي ما قطار الشوق دور وركب
الى الســــــــــــــــــــودان محل الوتد
ونواصل

وبدأ في سنين الحمار اذن
من عمر 35 وحتى 45 سنة
وهذه الفترة من عمر الانسان تتميز بالركود وعدم المخاطرة
وصاحبها يسلك طريق واحد رايح قاااااااااااي
من المربط لمحل الشغل للمربط مرة تانية
طالع شايل نازل شايل ويهنق بس

وبعدها يدخل الانسان في عمر الكلب وهي عشرين سنة
من عمر 45 وحتى 65 سنة
نبحي جد
يا ولد اطفي اللمبة دي
الماسورة دي شغالة في الفاضي ساااااي
شيل المسمار الواقع دا أسع يوقع ليهو زول
التراب دا الكباه هنا منو لاحولاااااااااااااااااا
هو هو هو
وفي هذه الفترة من العمر يكثر الكلام عن كنا وكنا وانتو سمج رماد ساي
ثم تاتي سنين القرد من 65 وحتى 85 سنة حككة ساااااااااااااي
ونواصل مزيدا من التفاصيل

ياخي بوست ابداع

وعليه صنف نفسك لترى في اي عمر تعيش ؟
25 سنة عمر الزهور عمر المنى
26 الى 35 عمر الحصان عمر البرطعة والجقلبة
36 الى 45 عمر الحمار عمر الشيل والدرب العديل
46 الى 65 عمر الكلب عمر النبحي وتكره الناس حياتن
66 الى 85 عمر القرد بدون نبق زول بشتغل بيك مافي تتحكحك بس

واذا بدينا براعي البوست
بصراحة الايام دي بديت انبح بشغلة برا شغلة
ومعاي حق في نص عمر الكلب

اكيد كل زول حدد المربع الواقف فيهو
ولكن يصعب الاندياح
انداحوووووو قبل ما تنبحو
وقبل ان ياتي يوم فيه تتحكحكون ... لووووووووووووووووووووول

يا أساسي ياخي انت اكتر زول جرئ بالله ورينا العلامات الظهرت على آخرك شنو ؟
تلميح ساي يعني ؟
افتح لينا الباب ياخي
مع تحياتي اخوك الكلب

Quote: 26 الى 35 عمر الحصان عمر البرطعة والجقلبة

برطعة شديدة!

يا ود الصائم شفت ليك حصان بضحك كدي ؟

عزيزي القاري اذا قرأت فاتورة الكهرباء ونقنقت اذن انت كلب
شفتو ليكن شاب عمري اقل من 26 سنة اتكلم ليهو في فاتورة كهرباء

Quote: شفتو ليكن شاب عمري اقل من 26 سنة اتكلم ليهو في فاتورة كهرباء

يا عمكـ .. الزول ما بشوف الفاتورة إلا بعد التلتين ياخ!

البورض دا مافيهو قرود ولا شنو ؟
كلو حمير ؟

اخوكم الكلب

Quote: 36 الى 45 عمر الحمار عمر الشيل والدرب العديل

حمار بوليسي بالمعاش.

Quote: حمار بوليسي بالمعاش.

يا جنابو معناها ات لو لاقتك حيطة في طريقك بنوها جديدة عندك واحد من حلين
اما اهدوها ليك عشان تمشي او تكس ارجع

اقول ليك حاجة يا ود الصائم انا كنت حمار من الثانوي العالي ؟
ولابريطيعاية واحدة ما ضقتها
ولا عنفضة حتى
من وتد لوتد لحدي ما جاتني الشيخوخة المبكرة ومن اسع بقيت احب الانكراشة والكاروشة واحبك ات ذاتك اها شنو ليك ... لووووووووووووول

قبل قليل اتصل علي أخونا يوسف ابو سنينة
وفأجأني : يا كلب
داير اقول ليهو يا حمااااااااار لكني تذكرت باننا كلاب اولاد حفرة واحدة


وبهذه المناسبة اخونا يوسف ابوسنينة باسويردتو وقعت منو وارجو من الاخ بكري ابوبكر يرجعا ليهو
دا لو كان بكري بقرأ كلامي الفاضي دا

Quote: من المربط لمحل الشغل للمربط مرة تانية طالع شايل نازل شايل ويهنق بس

يعلم الله ياهو الحال ..

ياود البوش ينفع حمار وحصان سوا
برطعة ونهيق

الاستاذ الفاضل ود البوش


لك التحية


يا اخوى مافى فرقة بين الحصان و الحمار ... ؟؟؟؟؟؟؟؟؟


يعنى ما عندك بغال ......؟؟؟؟؟؟؟؟؟؟

عزيزي الطيب قريمان المحترم جدا
البغل ببراي الخيل والخيل ما رضيانة بيهو
وهو ما رضيان بالحمير
حصل شفت ليك بغل صهل ؟
هل حصل سمعت ليك بغل هنق ؟
وانصحك بالرجوع للاخ سجيمان عشان يوريك كيف ولد البغل ؟
ولشنو البغلة ما بتلد ؟
ولشنو البغلة ما تدخل في اللبريق ؟

ات يا الطيب حمار ولا كلب زينا كدي ؟ لووووووووووووووووول

الاخ السيد أحمد ابراهيم
ات يا اخوي عمر الحصان ودرتو في شنو ؟
لو لم تبرطع في تلك الفترة فانه يستحيل البرطعة في عمرالحمار
انفزر وشيل في الدير وما تميل
عرت وابشر بالخير قربت تنبح معانا انا وابو سنينة وود الصائم
اخوك الاكبر منك الكلب

سائق هندي جهجه ليك مصري في الشارع خلاه ليك ما قادر امش يمين ولا يسار
والمصري زعلان لحق الهندي في الاشارة ودارت بينهم الشتائم التالية :
المصري وهو يزبد ويرقي : يا هندي يا حماااااااااااااااااار مين اداك رخصة السواة ديت يا حماااااااااار ؟
الهندي وبكل برود : انا في همار انا في كلب انا خربااااااااااان مرة ... بس ات في مسري

أخواني الكلاب ارجو منكن ان تنصحوا بعضكم بعضا كي لاتكرهوا اسركم حياتهم وكذلك العاملين تحت اداراتكم
ومن جانبي اقدم لكم النصائح التالية :
عندما تشعر بحالة نباح كد ليك عضم
لمن تشوف الشباب اضحكو رسل واحد بس منهم ماترسلن كلهن
لمن تشوف واحد طول في الحمام والموية شغالة شووووووووووووووووو ... قول لاحولة ولاقوة الا بالله العلي العظيم واطلع الشارع انبح برة
لان برة الجمال ماشة .
لمن تلقى المكوة مولعة ومافي زول بكوي تش بيها ضنبك شوفا ما حارة ؟
ماتبح في الفاضي ساي يعني شنو مولعة من الصباح الجنا كوا هدومو ومشى المدرسة نساها
اتو ما تبحو في الكفلاء ديل مالن ما كلاب زيكن ؟
جرت انبح برة .......

يا زول هوي .. أنبحوا براكم
لحدي ما نصلكم بتكونوا بقيتو قرود!

والله يا ود الصائم من قبيل كيبوردي حارقني وداير ارشح لي قردين تلاتة
لكن الله لاوراك شكلة القرد مع الكلب
لان خوة الكلاب اولا تحانيس واخرتا مجابدة
ونسبة لانك حمار وفي بداية عقدك وبكل سهولة يمكنك رفس القرد وتجدعو هناك اترك لك هذه المهمة
وانوبك ثواب عشان علي الاقل نعرف اسلوب القردة في التخاطب معنا نحن الكلاب

انا غايتو بشوف لي كترة فواتير كهرباء ومعاها نهيق
تكون دي ياتو مرحلة ؟؟

للاسف باقي لي فقط اسبوعين برطعة






خالص الود

Quote: للاسف باقي لي فقط اسبوعين برطعة

ياسر بيناوي
في الاسبوعين ديل اول حاجة تعملا غير معلومات الحصان الفي بروفايلك لمعلومات حمار في مقتبل العمر
واخد ليك عنفضتين تلاتة وتعال على الرباط
وفيك سماحة شدة .. عري ساااااااي وقربة جد في البداية لكن بعد شوية بتباري الحيطة وتقول ودوني الضل كااااااااااااااااااك
اتمنى لك حياة حافة بالشيل والخت وابقى نجيض ماتنفزر
نحن كنا حمير دبزاوية حرانة لكن ما بنفزر تب
وتقبل تحياتي وامنياتي

Quote: يا عمكـ .. الزول ما بشوف الفاتورة إلا بعد التلتين ياخ!

أها يا ود الصائم ....... شبكة شافتا

Quote: انا غايتو بشوف لي كترة فواتير كهرباء ومعاها نهيق تكون دي ياتو مرحلة ؟؟

شوفي ليك حمار سريع ..... سريع .... عشان تجيبو ليكن دحش تتطيعو وتشولوا فوقو
الحمار ولد واستراح ...... مثل ابن كلب

Quote: من عمر 35 وحتى 45 سنة وهذه الفترة من عمر الانسان تتميز بالركود وعدم المخاطرة وصاحبها يسلك طريق واحد رايح قاااااااااااي من المربط لمحل الشغل للمربط مرة تانية طالع شايل نازل شايل ويهنق بس

الحبيب /عبد الله ود البوش
يعلم الله ياهو الحال (هههههههههه)
أنا غايتو لقيت نفسي هنا...والحمير الزينا احاحي ليهن رب العالمين
تعبنا من عتالة انبوبة الغاز وأكياس الزبالة
ما في طريقة مخارجة ياااااااااخ


مودتي التي تعرف

وانا اقول مالي جاري شددددددددددددددددددددددددددددددييييييييييييييييييييييييييد كده

Quote: وانا اقول مالي جاري شددددددددددددددددددددددددددددددييييييييييييييييييييييييييد كده

وليد الحصان
ولكل حصان كبوة
وبعد تبقى حمار مافي كبوات ولا حاجة تفوووووووووز طوالي
ما أصلوا الفازوا ديل كلهم حميرررررررررر .... وكلاب كمان .. اها ... اصبر بس بعد تبقى حمار ات شفقان مالك ؟

Quote: : من عمر 35 وحتى 45 سنة وهذه الفترة من عمر الانسان تتميز بالركود وعدم المخاطرة وصاحبها يسلك طريق واحد رايح قاااااااااااي من المربط لمحل الشغل للمربط مرة تانية طالع شايل نازل شايل ويهنق بس الحبيب /عبد الله ود البوش يعلم الله ياهو الحال (هههههههههه) أنا غايتو لقيت نفسي هنا...والحمير الزينا احاحي ليهن رب العالمين تعبنا من عتالة انبوبة الغاز وأكياس الزبالة ما في طريقة مخارجة ياااااااااخ

أخوي اللمين
يا اخوي ات حماري بشاري ممتاز
مازينا نحن كنا حمير حلبة ما بنمشي الا بعصرة الحديدة على الدبرة
اها واصل مشوارك كويس لانو ما في طريقة مخارجة طبعا
ات يا حمار ماقريت العقد الكتبو ليك ... كدي ارجع فتشو كويس
هل فيهو تاريخ نهاية ؟
شفت ليك عقد في الدنيا دي مافيهو تاريخ نهاية ؟
اها لو ما انت حمار تمضى ليك عقد عامل تحميل وتفريغ ما فيهو تاريخ نهاية وتجي اسع تفتش للمخارجة اسع لووووووووووووووووول
صحيح حمير ما تفهمش حاقة؟
اخير نحن الكلاب اتخارجنا من مرحلتكن الزفتة دي وبقينا في النبحي بس
يا ربي القردة كيف ؟
ودي الشديد يا البشاري
اخوك الحمار ومتوجه علي القردة

مافيها اي حاجة لو الواحد وصل مرحلة القرد وجا عبر عن مشاعرو
وطبعا مافي حمار ولا ابن كلب اتكلم معاهو لانو بعرف حركاتهم كلها ومرت عليهو من زمان
الاعمار بيد الله لكن لو ربنا مد في العمر ودخلت المرحلة دي طوالي بوريكن كيتا على القردة الحاليين
يا قردة نحن الكلاب في طريقنا اليكم ورونا ما يحدث في عالمكم قبل الدخول معكم وفضحكم امام الحمير والحصين والبني ادمين
والساكت عن الحق قرد اطرش

Quote: ما أصلوا الفازوا ديل كلهم حميرررررررررر .... وكلاب كمان .. اها ... اصبر بس بعد تبقى حمار ات شفقان مالك ؟

هاهاهاهاهاهاهاهاهاها

حلوه وملعوبة

Quote: حلوه وملعوبة

أخي العزيز وليد المبارك المحترم
والله كل مافي هذا البوست عفو الخاطر دون تخطيط مسبق ودون خبث
فقط حاولت ان اصنع بسمة على وجه اخ عزيز او اخت عزيز ة مل وكل من الواقع المرير
.
.
وكل التعقيب لحظي مرح .
اتمنى تفهم حسن نيتي
ولك ودي وتقديري الذي تعلم

يا جماعة انتو بقيتوا حساسين مالكم الايام دي ؟؟


يا ود البوش اخد راحتك للاخر
نحن اناس نعرف المزاح من الجد

فما تخت في بالك

اتارى انا اقول حبى للفول السودانى والموز دا جاى من وين! لله فى خلقه شئون
ا كان كدا الواحد باقى ليه يطلع الشدرة

Quote: اتارى انا اقول حبى للفول السودانى والموز دا جاى من وين! لله فى خلقه شئون ا كان كدا الواحد باقى ليه يطلع الشدرة

.
.
كبيرنا نوريت الذي طلع الشدرة
نحن من قبيل منتظرين لينا قرد شجاع عشان اورينا مشاعرو بكل شفافية
اصو المرحلة دي ماشين عليها
يعني فضول ساهي كدي دايرين نعرف عالمكم الجميل دا فيهو شنو ؟
وطبعا مافي حمار ولا كلب بقدر اغالتك
اندااااااااااااااااااح وفضفض
والله اقول ليك حاجة حقيقية انا الايام دي من كترت حبي للموز
بقيت ادس لي انتين تلاتة في الدرج الجنبي ... شفت ليك كلب بدس ليهو موز
الله استر فالايام تمر سريعا

ود البوش يا فردة
ياخي أنا من قبيل حايم المنبر دا بكراع كلب
وكل مرة أشوف عنوانك دا وأزوق منه
لا حول ولا قوة إلا بالله
المرحلة الكلبية دي ما لها طويلة كدا
يا دوب نحن دخلنا بكراع كلب


_________
بعد كل المرارة الموجودة في هذا البوست
يعلم الله ضحكت جنس ضحك
قرب يبقى نبيح

لخبطة شديدة عشان كدا عدلنا

Quote: المرحلة الكلبية دي ما لها طويلة كدا

يا جعفر ات يا دوووووووووووووب دخلت بسنة وااااااحدة نبيح
مش تحمد ربك من سنين الحمار وشيل الضهر فوق الدبر
انبح نبيحك ساي والجماعة ماشييييييييييييييين

علقت بتنا شبكة وتسآلت :

Quote: انا غايتو بشوف لي كترة فواتير كهرباء ومعاها نهيق تكون دي ياتو مرحلة ؟؟

وبكدا يا شبكة شربكتي علي الخيط دا من اولو لاخرو
خيطنا بقول في حالة فاتورة الكهرباء
اذا مرت على الشاب دون الـ 26 سنة كأن شيئا لم يكن
واذا مرت على من هو في مرحلة الحمار طوالي اشيلا وامش عديللللللللللل ادفع المبلغ
واجي راجع بدربو واقول مشيت دفعت الفاتورة وجيت راجع دايرين حاجة تانية ؟
بركة الجيت سريع الغاز كمل ........
واذا مرت هذه الفاتورة على الكلب .... الله اعينك على النبحي .... لاحولاااااااااا
الليل كلو مساهرين واللمبات مولعة في الفاضي ... ويوم داك لقيت المكوة شغالة في الفاضي
وعليه
ات يا شبكة قلت لمن تشوفي فواتير الكهرباء بتهنقي
مفروض ما تهنقي صاح ؟
لو بتنبحي معليش ...... لكن تهنقي ما جاية .. قولي لي ليه ......
لان البهنق هو الحمار وفي الحالة دي الحمار بشيل الفاتورة وبدفعا وهو ساكت بدون تهنيق
التهنيق دا بقولو ليك لبعدين .... لان الحمار بهنق في حالات معينة سوف اتناولها بالتفصيل لاحقا
ولكن ات بتهنقي في غير ما يجب التهنيق فيهو بل يصح النباح
ولذلك انصحك بمراجعة بطري اختصاصي لغات
لوووووووووووووووووووووووووووووووول

Quote: يا اخوي ات حماري بشاري ممتاز

عبد الله ود البوش
غايتو انا جريت لي عنقريب هباب واتحكرته في وسط بوست ده
حالة صعبة (خلاث)


شوف الحمار ده طلع اذكى مننا واستغاث بالشرطة لتخليصه من سارقه

Quote: تسبب حمار بإحدى القرى المصرية في إلقاء القبض على سارقه بعدما استغاث بالشرطة مطلقا "وصلة" من النهيق المتواصل والرفس بقدميه لنجدته من بين أيدي شخص كان قد قام بسرقته وأفادت جريدة الاهرام المصرية الأحد "بأن الحمار ما أن شاهد سيارة الشرطة حتى أطلق نهيقه بشكل مزعج ما أربك السارق ودفعه للفرار تاركا الحمار". وبملاحقته تم كشف السارق أن الحمار ملك شخص آخر وأنه أضطر لسرقته. وبدأت الواقعة أثناء مرور دورية أمنية حيث فوجئ رئيس الدورية بحمار يطلق "سلسلة" من النهيق المتواصل. وعند الاقتراب من الحمار وصاحبه الذي يمتطيه فوجئ بالشخص يلوذ بالفرار.

أها نحن بس قاعدين ننهق ... حتى الرفس دا غلبنا
لوووووووووووولز

ودي

ياخ بوست عسل بس
الله يديك العافية
وبالله كلم معاك أبو سنينة رد الله باسويردو
قول ليه صاحبك أول ما يصل مرحلة الهوهوه بنرسلو ليك
كل شئ ولا رأسنا دا ياهو رأس مالنا

Quote: ياخ بوست عسل بس

عسل شنو يا وجن بترفعي في معنويات الكلاب كمان
بوست كلو بعر ونبيح تقولي عسل

Quote: وبالله كلم معاك أبو سنينة رد الله باسويردو قول ليه صاحبك أول ما يصل مرحلة الهوهوه بنرسلو ليك كل شئ ولا رأسنا دا ياهو رأس مالنا

زولك دا لو دفعة ابوسنينة رسليهو ليهو طوالي اتبالي بيهو
وكل واحد بعرف نبيح التاني
لكن كمان انا خائف اجيك اتحكحك لانو ابو سنينة مسكو الزهايمر وفط مرحلة الكلابية ونزل قردية طوالي
بقوم اعاديهو ليك علي كيفك
اخير تصبري علي النبحي
واتبعي النصائح التي ننزلها تباعا في هذا البوست لعلاج كل حالة على حدا
وانصح اخواتي وبناتي بالتحوط باخذ حقن السعر في حالة عدم النبيح ..... لوووووووووووولزين

شفت يا اللمين اخوي الحمير دي كيف ؟
ياخي دا سرقوه وممكن حالو اتغير شوية برضو ما رضيان
داير ارجع للصعيدي العارفو انو معذبو برضو راجع ليهو اشيل فوقو
قال ذكي قال ......... شفت ليك حمار ذكي يا البشاري اخوي
اخير نحنا الكلاب منكن اتو الحمير
الواحد كانو فكوه ما اعير وكان عار اهنق ليهو هنقتين تلاتة واجي راجع لمحل رباطو ابعر واقيف لوووووووووووووولز

غايتو الليلة نبحت نبحي يريح اسرتنا الكريمة الليل دا كلو
امشي البيت ساااااااااااكت لمن احتاوروا في الكلب الساكت دا
ولكني اخاف عليهم من العضعضة
لان الكلب النباح ما عضاي
اذن الكلب الما نباح عضاي
اها بطيرن وين يا نسواننا
اخير النبحي ولا اخير العض ؟

حمودي ولدي ( اسع ود البشرى بجي جاري ) وداني محل حيوانات وقال داير قرد
والوكت داك كنت حمار طوالي مشيت معاهو
اها لقيت الككو العبلانج بخمسمائة ريال
قمت فجأة كدا اشتريت سلحفاة بعشرين ريال وطبتينا وكشيتو قدامي
قال يا بابا القرد وينو ؟
قلت ليهو امسك السلحفاة دي وخلينا نصل البيت وليك علي اعمل ليك حركات القرد كلها ات مش داير حركات القرد
وهو في قرد احسن من ابوك دا ......
ات يا الشافع فنن السلحفاة هناك وقال لي ديور راجع علي المحل وحركاتك دي اعمل لشافع اصغر مني شوية
ولابد مما ليس منه بد ....... شغل حمير
اها اقدر اسلعني اسع ؟ مع الهوهوة دي .... مرحلة الكلوبية هي مرحلة التوفير

بعد جولة مكوكية على البروفايلات لقيت ليك كترة قرود ضاربة الشدر ولابدة
وجن القرود ختن قدورن وجا القرد الكبير خت قدرو فوق قدور القردة الصغار
خاتيات القردة الصغار الختن قدورن ولا خاتي القرد الكبير الخت قدرو فوق قدور القردة الصغار ؟

Quote: 36 الى 45 عمر الحمار عمر الشيل والدرب العديل

رغم (حموريتي) لكن برضو با ودالبوش مرحلة القرود دي أخوك حاسي انو بينطط فيها ليهو مية سنة..
بالله افتينا في الحالة العجيبة دي ، واجرك على الله.

Quote: Quote: احمد الأمين على إدريس تاريخ التسجيل: 25-04-2010 مجموع المشاركات: . ود البوش (مع حفظ الالقاب طبعاً) غايتو نحن وحسب تاريخ الميلاد اقصد التسجيل الفوق دا فى مأمن دا طبعاً هنا بس فى البورد :) لكن فى الواقع نطابق الوصف (مكــادى) والله يسترنا من النبيح والنطنطه.. صلاح عبدالله : تعرف فى حالات استثنائيه كدا بتم فيها الانتقال مع استصحاب المرحله السابقه يعنى عادى ممكن توصل مرحله تكون فيها الجميع (حموريه,نبيح,نطيط,اى حاجه ياخ ) اجارنا واجارك الله يازول

---

Post: #52 Title: Re: كلاب البورض Author: JAD Date: 04-28-2010, 07:55 AM Parent: #51 Quote: بصراحة الايام دي بديت انبح بشغلة برا شغلة الحبيب الزميل ود البوش .. تحية عطرة يا أخي . وبوست حلو وواقعي .. بالفعل قبل سنة تقريباً بديت أنبح والله في الأولاد .. يا ولد النعلات قلنا تخطوها في المكان المخصصة ليها .. يا ولد لمن تطلع من الغرفة وقف المكيف وطفي الأنوار .. يا ولد حركتك كتيرة عملت لي زغللة .. يعني ما نسمع أخبار دا شنو دا .. خفض صوت التلفزيون .. شوفوا بلاي ستيشن خلال الأسبوع ما في تاني يوم الأربعاء والخميس بس.. أم عاصم قالت لي ما ملاحظ أن كلامك كتر وبقيت بتغضب سريع لأبسط سبب ؟؟!!!!!!!!!! سؤال كان مخيف بالنسبة لي .. الآن بقيت بطنش أي شيء .. بعدين بسمع الكلام .. يعني أي طلب سواء أن كان بليل أو نهار على طول التنفيذ .. والله دا الحاصل .. فالواحد ما عارف هل رجع لعمر الزهور أم انتقل مباشرة إلى عمر القرد ؟؟ الرجاء ثم الرجاء تشخيص حالتي الراهنة مع الرأفة .. مودتي،،،، جاد

---

Post: #54 Title: Re: كلاب البورض Author: ولياب Date: 04-28-2010, 08:09 AM Parent: #52 تعرف يا عبد الله ود بوش وقبل ما أقول خليني أسلم عليك تعرف ، بقيت أستغرب من نفسي ومن بعض الناس لمن يعرقو بلسانهم، والواحد فينا كل دقيقة في البيت يا ولد هوي يا ولد هوي والمدام تقول لي يا راجل مالك بتهوهو كل دقيقة مع الأولاد ، الداير تقولوا قولوا طوالي بدل هوي هوي ومرات تلقبها هو هو هو . يا الله حسن الخاتمة وجنبني مرحلة القردنة .

---

Post: #60 Title: Re: كلاب البورض Author: عبدالله ود البوش Date: 04-28-2010, 01:18 PM Parent: #54 الاخ ولياب تحياتي وتقديري الان ات يا ابوالعباس تخطيت المرحلة الحميرية بجدارة والله اعين اسرتكم الكريمة على بداية المرحلة الكلابية خاصة في بدايتها لانها قد تصحبها حالة سعر ورغبة شديدة في العض ونصيحتي لك لمن تجيك حالة الرغبة في العض بالله اقع السبابة حقتك بالجنبة الملاصقة الابهام فانها في هذه الفترة تتحمل العضة وتريح الاعصاب Quote: تعرف ، بقيت أستغرب من نفسي ومن بعض الناس لمن يعرقو بلسانهم، والواحد فينا كل دقيقة في البيت يا ولد هوي يا ولد هوي والمدام تقول لي يا راجل مالك بتهوهو كل دقيقة مع الأولاد ، الداير تقولوا قولوا طوالي بدل هوي هوي ومرات تلقبها هو هو هو . قلنا هوهوا برررررررررررررة لان الجمال ماشة هوهوا مع كفلائكم لانهم كلاب زيكم وخلوا لينا نسوانا وشفعنا في شققن ...... سجن ونبحي يا احمد ..... المرحلة دي تتطلب من ستات البيوت التعامل معها بحزم شديد اختي الكريمة مما تشوفي الواحد بدأ اعرق من لسانو خلي جنبك عضام كتيرة والكمدة بالرمدة اختي الكريمة ان كان زوجك يمر بهذه الفترة الحرجة فعليك بالاتي : قدام الباب ما تخلي قشة تعتر ليهو .. خاصة كيس الزبالة لانها مرحلة تخطاها ولو انتكس اشطر بطري ما بعالجو السيب خليهو فاضيييييييييييييييي دا لو شاف ورقة اقع براه واقول ليكن وقعتني الورقة دي ... لووووووووووووولز وباقي اليوم نبحي ....... اهم حاجة طفي النور وقفلي مواسير الموية لان الكلب جنووجن الموية المدفقة خاصة عند اعراض السعر والنصائح تأتي تباعا

---

Post: #55 Title: Re: كلاب البورض Author: عبدالله ود البوش Date: 04-28-2010, 11:13 AM Parent: #52 Quote: يا ولد النعلات قلنا تخطوها في المكان المخصصة ليها .. يا ولد لمن تطلع من الغرفة وقف المكيف وطفي الأنوار .. يا ولد حركتك كتيرة عملت لي زغللة .. يعني ما نسمع أخبار دا شنو دا .. خفض صوت التلفزيون .. شوفوا بلاي ستيشن خلال الأسبوع ما في تاني يوم الأربعاء والخميس بس.. أم عاصم قالت لي ما ملاحظ أن كلامك كتر وبقيت بتغضب سريع لأبسط سبب ؟؟!!!!!!!!!! الاخ الكريم جاد العجبني في كلامك يا جمال كان واضحا وصريحا وشفافا ونقلت واقعك الفعلي كما هو لذلك وجب علي ان اشكرك جزيل الشكر على هذه الشفافية وهو المطلوب لهذا الخيط حتى تعم الفائدة للجميع والاستفادة من التجارب ماذكرته اعلاه هو بالضبط المرحلة الكلابية التي تعيشها انت وكذلك اعيشها انا معك وطبعا نحن اولاد دفعة ولكن ادناه : Quote: الآن بقيت بطنش أي شيء .. بعدين بسمع الكلام .. يعني أي طلب سواء أن كان بليل أو نهار على طول التنفيذ .. هذه مرحلة انتقالية للقردية وقد تكون قردية مبكرة شوية Quote: فالواحد ما عارف هل رجع لعمر الزهور أم انتقل مباشرة إلى عمر القرد ؟؟ عمر الزهور ولا بلا رجعة يا جمال اخوي عليك الله لمن تسمع ليك موسيقى مش بتتنرفز ؟ وفي عمر الزهور لمن تسمعا مش بتسكسك ؟ قال عمر الزهور قال...... ونس والله تاني عمر الزهور كان تزهج بيهو جماعتك من كترة قصصك القديمة والممجوجة وناس عاصم اضحكوا تحت تحت واقولوا والله بابا دا كرهنا حنتوب ذاتا ياخي القصة دي قالا لينا مية مرة ولكنهم مغلوب على امرهم يسمعوها الف مرة وفي الختام اهنئك لاجتيازك مرحلة الكلوبية بدون سعر وتفضل بالدخول للعالم الجميل عالم القردية عالم يا جدو ..... عالم القردية والحركات البهلوانية مع الاحفاد

---

Post: #56 Title: Re: كلاب البورض Author: عبدالله ود البوش Date: 04-28-2010, 11:46 AM Parent: #51 الاخ أحمد الامين علي ادريس أولا ارحب بك عضوا فعالا وممتازا في البورض وشيال تقيلة في واقعك المعاش وفوق الدبر ما بميل هييييييييييييع بنتكلم يا أحمد أخوي عن الاعمار الحقيقية وليست الاعمار الاسفيرية مشيت بروفايلك لقيتو صقيعة ساي Quote: كن فى الواقع نطابق الوصف (مكــادى) بالمناسبة المكادي والدبزاوي من اريح حمير الشيل بس ركوبا عري حااااااااار خلاص اما تعنفض او تجك جكتا حارة خلاص هي اصلا ما حمير ركوب لكن في الشيل ممتازة وصاحبا بكون ما مستعجل ... الماشة بتصل والدارة بتلد اهنئي اسرتكم الكريمة بحصولها على هذا الحمار الجيد Quote: والله يسترنا من النبيح والنطنطه.. ماشي عليها اكان الله مد في العمر وكل زمن يخدمو حميرو وكلابو

---

Post: #53 Title: Re: كلاب البورض Author: عبدالله ود البوش Date: 04-28-2010, 08:02 AM Parent: #50 الاخ Salah Abdulla Quote: رغم (حموريتي) لكن برضو با ودالبوش مرحلة القرود دي أخوك حاسي انو بينطط فيها ليهو مية سنة.. بالله افتينا في الحالة العجيبة دي ، واجرك على الله. يا صلاح المرحلة دي معروفة صعبة جدا خاصة في بدايتها لانها دي مرحلة تحمل المسئولية وقبلها كنت منطلق ساي من حفلة لحفلة ومن ديوان لديوان ومن غرب لكزيوم اها الرباط صعب والشيل اصعب لكن شوية شوية تتعود عليها وتاني لو قالوا ليك هاك تذكرة اللوج لي تقول اخير امش اجيب الغاز ويظهر انك في مقتبل العمر الحماري ولذلك تتهرب من واقعك وتعمل حركات قردية ات قايل القرودية دي الناس وصلوها بالساهل ديل يابا بعد ماشالوا سوق الخضار كلوا فوق ضهورن ونبحوا نبيح السواد حتين حصلوها وارتاحوا اركز وماتنفزر وشيل شيلك ساي برا قردية برا حلم يقظة معاك ولبعدين تعال هنا مرحلة الكلوبية فاطها مالك طوالي داير تنطط لو كدا اكان عمر عثمان بقي كلب بوليسي لكن لا هو مقتنع بواقعو وهو الان حمار بوليسي اسع نحن نفتش للقردة الحقيقيين مادايرين اظهروا ويبدو انهم يعيشون في عالم جميل

---

Post: #57 Title: Re: كلاب البورض Author: د.نجاة محمود Date: 04-28-2010, 11:54 AM Parent: #53 الكلام دا للرجال بس موش؟ لانه المرة من يلدوها حصانة وحمارة وكلب وقرد لو في يوم واحد العجب لما يجي حصان يرمي فيها الحبل لا حولة..

---

Post: #59 Title: Re: كلاب البورض Author: Mubarak Eltayeb Date: 04-28-2010, 12:09 PM Parent: #57

---

Post: #62 Title: Re: كلاب البورض Author: عبدالله ود البوش Date: 04-28-2010, 01:45 PM Parent: #59 الاخ Mubarak Eltayeb يا مبارك هوي خلي دحشك دا اجيب ابوه واجي . . بعد جمانة دي خلاص وقف البرطعة وانعدل وخلي الدحوش وامش مع الحمير الكبار عشان تتعلم الشيل التمام وامسكوك الدرب العديل

---

Post: #61 Title: Re: كلاب البورض Author: عبدالله ود البوش Date: 04-28-2010, 01:37 PM Parent: #57 د . نجاة محمود Quote: الكلام دا للرجال بس موش؟ الكلام دا للرجال ولمن تضطرهن ( ابوالزفت ) لو عايزة تختبري سعودي قولي ليهو اكتب الكلمة دي نعم تدخل المرأة في هذا التصنيف اذا اضطرتها ظروف الحياة بان تحل محل الرجل والظروف كثيرة ومتعددة وتمر بنفس هذه المراحل ومرات الراجل قاعد والمرأة تستولى على مجريات الامور لاي سبب من الاسباب وتبقى هي الحمارة والكلبة والقردة فتضمر هذه الحالات عند الرجل ويبقى دلدول ساي كااااااااااااااااااااااااااك وجودك يا دكتورة في هذا البوست مهم جدا للتحليل والتشخيص والعلاج

---

Post: #58 Title: Re: كلاب البورض Author: وجن Date: 04-28-2010, 11:58 AM Parent: #53 البوست دا جميل جدا وواقعي فعلا بس ياريت أي قرد أو نباح يشيل إعترافه دا ويلفوا كده ويوديهو ناس بيتم يعني ما يكون اعتراف غموتي ويموت بيه بجاي وطالما الزول اعترف بعد دا ببقى علاج المرحلة ساهل جدا وبعدين ياود البوش قلت ليك لما يصل للهوهوه يعني هسه في مرحلة الحميرية غايتو أخيرا قدرت أحدد عمره كم لوووووووووول

---

Post: #63 Title: Re: كلاب البورض Author: عبدالله ود البوش Date: 04-28-2010, 02:18 PM Parent: #58 الاخت وجن Quote: بس ياريت أي قرد أو نباح يشيل إعترافه دا ويلفوا كده ويوديهو ناس بيتم يعني ما يكون اعتراف غموتي ويموت بيه بجاي وطالما الزول اعترف بعد دا ببقى علاج المرحلة ساهل جدا والله يا وجن انا شخصيا فتحو للاولاد في البيت فاكتشفت بلاوي عندي ولد اسمو نادر في اولى ثانوي اكتشفت انو بحاكيني لاخوانو ومن ضمن محاكتو ..... البس جلابيتي وعمتي واجي داخل من الباب واقول لا حولا ولاقوة الا بالله دا شنو دا ..... السلك دا الرموه هنا منو وقال لمن ابوي ما القى اي حاجة اعاين علي كدا واقول لي حلاقتك دي مالا كدي لا لا يا اخوي تمش الحلاق احلق ليك حلاقة عديل كدا ولاصوفة واحدة ماتزيد فريد وينو نقول ليهو فريد نائم نائم الليل والنهار ولبعدين النتيجة جيد جدا .... نحن زمان لمن كنا ممتحنين ما بنوم كلو كلو وكانت فرصة للمكاشفة والمصارحة وارجو من جميع الكلاب الاعتراف بما يسببه هذا النباح من ازعاج لاسرهم وافهامهم بانها مرحلة عمرية لابد من المرور بها وتحملها وتخفيف حدتها بقدر الامكان Quote: وبعدين ياود البوش قلت ليك لما يصل للهوهوه يعني هسه في مرحلة الحميرية وانا قلت ليك لو هو صاحب ابوسنينة واحد من اتنين : اما ان يكون كلب زيو حسب العمر الظاهر على اخره ( ابوسنينة الدفعة القدامي في حنتوب يا وجن ) وهو الان في طريقه للشدرة او أصيب بالسعر منو بحكم المخالطة وياسيدتي الفاضلة خذي الحيطة والحجر وبالمناسبة الكلب بريد خانقو

---

Post: #64 Title: Re: كلاب البورض Author: سمندلاوى Date: 04-28-2010, 03:06 PM Parent: #63 شكرا ودالبوش على البوست الظريف غايتو اليومين ديل الواحد قاعد يهنق سااااكت

---

Post: #65 Title: Re: كلاب البورض Author: عبدالله ود البوش Date: 04-28-2010, 03:27 PM Parent: #64 سمندلاوى يا فردة شكلك كدا داير تاكلنا في تلاتة اربعة سنين اهم حاجة يا بكري في الموضوع دا الشفافية حدد مرحلتك بكل شفافية وورينا حاسي بشنو عشان نقدر نساعدك وتساعد رقبتك واسرتك لان البورض دا فيهو كل المراحل العمرية فيهو شفع وفيهو حصين وفيهو كلاب وقردة يعني تستفيد من تجارب الناس المرو بتجربتك وتحاول تقلل من اضرار ما تسببه المرحلة من مضايقات اسرية اها قلت شنو ....... الهنيق خليتو زمااااااااااااان صاح ؟ اعترف ساي المرحلة الجاية دي خطيرة لانو فيها عضعيض اعترف واتبع النصح الواجبة اتباعها في هذه المرحلة يا كلب انبح منك بيوم اسعر منك بسنة اخوك الكلب الكبير والمنتقل قريبا للقردية زهايمريا

---

Post: #66 Title: Re: كلاب البورض Author: JAD Date: 04-28-2010, 06:55 PM Parent: #65 Quote: ماذكرته اعلاه هو بالضبط المرحلة الكلابية التي تعيشها انت وكذلك اعيشها انا معك وطبعا نحن اولاد دفعة وين الرأفة يا يا عمك .. Quote: عليك الله لمن تسمع ليك موسيقى مش بتتنرفز ؟ وفي عمر الزهور لمن تسمعا مش بتسكسك ؟ قال عمر الزهور قال...... ونس صدقت والله آ ود البوش .. يعني جلد السياط أهون لي من الاستماع لأغاني نانسي عجرم والشباب المصريين الجدد .. لكن بيني وبينك بموت في أغلاني الحقيبة وأغاني العاقب محمد حسن وأبو داوود وعثمان الشفيع .. كدا كيف إن شاء الله في أمل بس .. خالص الود .. وش متفائل :

---

Post: #67 Title: Re: كلاب البورض Author: عبدالله ود البوش Date: 04-29-2010, 07:18 AM Parent: #66 يا جاد تحياتي يا صديق الزمن الجميل انتهي من النبحة مع الكفيل واجيك برواقة اخد ليك نبحتين تلاتة هنا قبل ما اجيك

---

Post: #68 Title: Re: كلاب البورض Author: عفاف الصادق بابكر Date: 04-29-2010, 07:28 AM Parent: #67 ود البوش .. يسعد صباحك .. من امس وانا اتحشي في البوست ده .. وده كله من كلمة الكلاب الفي العنوان حاشاك .. لكن طلع بوست تحفه . Quote: وعليه صنف نفسك لترى في اي عمر تعيش ؟ 25 سنة عمر الزهور عمر المنى 26 الى 35 عمر الحصان عمر البرطعة والجقلبة 36 الى 45 عمر الحمار عمر الشيل والدرب العديل 46 الى 65 عمر الكلب عمر النبحي وتكره الناس حياتن 66 الى 85 عمر القرد بدون نبق زول بشتغل بيك مافي تتحكحك بس غايتو انا اختلطت علي الاختصاصات .. وبقيت حديقة حيوان عدييييييييل كده .. ههههههههه

---

Post: #69 Title: Re: كلاب البورض Author: حمزة سيف الشريف Date: 04-29-2010, 09:03 AM Parent: #68 اخي ود البوش تحياتي لك وللأولاد طبعاً أول مداخلة لي معاك موضوع ممتع وهو الواقع الذي يعيشه الانسان بصفة عامة باستثناء البعض طبعا اخوك في الفئة دي Quote: وبدأ في سنين الحمار اذن من عمر 35 وحتى 45 سنة وهذه الفترة من عمر الانسان تتميز بالركود وعدم المخاطرة وصاحبها يسلك طريق واحد رايح قاااااااااااي من المربط لمحل الشغل للمربط مرة تانية طالع شايل نازل شايل ويهنق بس عشان كدة الواحد بقى احتار في نفسه البرنامج ثابت رايح جاي

---

Post: #73 Title: Re: كلاب البورض Author: عبدالله ود البوش Date: 04-29-2010, 03:41 PM Parent: #69 الاخ حمزة سيف الشريف حازم ما عارف ليه اسمك دا ذكرني اقوى اسم مر على مسامعي وهو اللواء اركان حرب قسم الله عبدالله رصاص . . اولا ارحب بك عضوا جيدا بيننا Quote: وهو الواقع الذي يعيشه الانسان بصفة عامة باستثناء البعض طبعا وأبشرك اضيف للاستثناء دا طبيعة العمل مثلا المحاسبين اخصم خمسة سنوات صفر معاك الواحد يعني عادي ممكن تهنق وتبح في نفس الوقت قاليك في كديسة صاطلة وشايفة نفسها كلب كلب طااااااااخ وقعت من العمارة قالت اسع يا ربي اقول جاااااااااو ولا هووووووو

---

Post: #70 Title: Re: كلاب البورض Author: حمزة سيف الشريف Date: 04-29-2010, 10:00 AM Parent: #68 اخي ود البوش تحياتي لك وللأولاد طبعاً أول مداخلة لي معاك موضوع ممتع وهو الواقع الذي يعيشه الانسان بصفة عامة باستثناء البعض طبعا اخوك في الفئة دي Quote: وبدأ في سنين الحمار اذن من عمر 35 وحتى 45 سنة وهذه الفترة من عمر الانسان تتميز بالركود وعدم المخاطرة وصاحبها يسلك طريق واحد رايح قاااااااااااي من المربط لمحل الشغل للمربط مرة تانية طالع شايل نازل شايل ويهنق بس عشان كدة الواحد بقى احتار في نفسه البرنامج ثابت رايح جاي

---

Post: #74 Title: Re: كلاب البورض Author: عبدالله ود البوش Date: 04-29-2010, 03:47 PM Parent: #70 شفت يا حمزة قول واحد من كترة double entries transactions ح تفط مرحلة ولو كانت كلابية يا بخت الاسرة الكريمة

---

Post: #72 Title: Re: كلاب البورض Author: عبدالله ود البوش Date: 04-29-2010, 03:30 PM Parent: #68 عفاف الفنجرية مما كسرتي كراعك كك رج عرفتك مهرة خلا وصي . . الله اديك العافية

---

Post: #71 Title: Re: كلاب البورض Author: عبدالله ود البوش Date: 04-29-2010, 03:18 PM Parent: #66 Quote: وين الرأفة يا يا عمك .. جاد يا جمال الدين أسمع كلام البخنقك ما تسمع كلام البمسح ليك ضنبك لووووووووووووووولز Quote: لكن بيني وبينك بموت في أغلاني الحقيبة وأغاني العاقب محمد حسن وأبو داوود وعثمان الشفيع .. أسع ديل فيهن زول حي حي انا لووووووووووولزين يا جاد والله ما بكضب عليك ساهي خفف من النبحي ونلتقي في عالم القردية كامل تضامني وودي الشديد

---

Post: #75 Title: Re: كلاب البورض Author: محمد عبد الماجد الصايم Date: 04-29-2010, 05:58 PM Parent: #71 ياااا عمكـ دي مشاركة من الإيميل .. غايتو ما عارف سيدا في ياتو مرحلة .. لكن ممكن تعمل ليهو تحليل شخصية! Quote: العزيز ود الصايم .. ولو انك ما بتعرفني .. وانا بعرفك من خلال كتاباتك في سودانيز اون لاين بس .. والبستمتع بيها جدا جدا .. وبشوفك جد زول حلو وجميل وروحك حلوه وجميلة ..وتفتح الروح ضلفتين زي ما بيقول جمال حسن سعيد وتخلي الواحد يحس وكانو بيعرفك جدا ..عموما قبيل وانا بتصفح في سودانيز اون لاين لقيتك مشارك في بوست اسمو كلاب البورض والبيعرض قصيدة عمنا الهادي ادم الله يرحمو بطريقة قريبة .. جاني احساس انو اكتب ليك وارسل ليك القصيدة وتمنيت انو القي الايميل بتاعك في بروفايلك ..والحمد لله انو لقيتو لانو وفر علي رحلة بحث طويلة ..لاني علي ما اذكر انك كتبتو في احد البوستات بس ما متذكرو ياتو بوست بالجد ..عموما يا سيدي انا سعيد جدا بأن اكتب ليك معبرا عن اعجابي الشديد بي طريقتك واسلوبك في بوستاتك وتعقيباتك .. وهاك القصيدة هدية رائعة الهادي آدم حكاية الطاوؤس و الحمار القصيدة هل تسمحون يا صحاب عندي لكم حكاية مسلية حكاية الطاؤوس و الحمار حكاية الكلاب و القرود في عالم يسوده الهوى و لا يسود فقد كان هذا من زمان إذ صور الله البشر في شكل إنسان له كيان له لسان ساحر البيان ومقلتان في الظلام ... تومضان ومسمعان ... و فوق هذا كله حباه عقلاً مرسل العنان فصار سيد الطاؤوس و الحمار وسيد الكلاب و القرود و كل ما حوي الوجود و لم يزل يسود و عندما ساوه ربه القدير لم يشك من شئ سوي من عمره القصير عشرون عاما .... كل عمره عشرون عام في حين مد العمر للطاؤوس و الحمار و للكلاب و القرود فكل هذي عمرها المديد قد صار أربعين بالتمام و عجب الإنسان حين غابت عنه حكمة الإله و هو الذي بناه و تم بالعقل له مناه فكيف يحبوه بنصف ما حبا الكلاب و غيرها من الحياة ؟ لكنه أصر في عناد أن يستبيح المستحيل كي يزاد و بينما راح يقلب الأمور و يرسم الخطط و يدرس الصغير و الكبير إذ دخل الطاؤوس في اختيال منتفخ الأوداج للجدال وصاح محتجا علي أذاه كمن رأي في طول عمره شقاه أأربعون عاماً كلها اختيال ؟ و كلها في عالم الخيال رباه هبني العفو إنه محال حسبي من الدنيا التي عرفتها عشرون عام ما أصعب الحياة يا إله ما أصعب المقام و عندها تطلع الإنسان في انتصار و صاح في انبهار أنا لها .. أنا لها يا أيها الإله هبني من الطاؤوس ما أباه نعم أف من عمره الكبير لعمري القصير لكي أكون أربعين و قبل الإله و حقق الإنسان ما اشتهاه وحقق الطاؤوس ما اشتهاه إن الطواويس بلا عقول و رغم هذا أدركت حقيقة الحياة و لم يكد يمضي به وقت طويل إذ نهق الحمار نهقة كأنها صهيل و صاح ... يا رباه كيف أحيا أربعين أأربعون عاماً كلها نهيق و كلها شهيق أحمل في أثنائها ما لا أطيق أزاحم الحمير في الطريق رباه لا أطيق كفاي نصف هذا العمر في الحياة و عندها تحفز الإنسان و عربدت به سجية النفاق و صاح بالحمار لقد نكراً أيها الحمار يا كافراً بنعمة الإله يا حمار ثم أهاب في رياء يغالب الصبر و قد تصنع الحياء لا بأس .. لا بأس لا تغضب عليه يا إله هبني سنية العشرين لكي أكون في الستين وقبل الإله و حقق الإنسان ما اشتهاه و حقق الحمار ما اشتهاه و فجأة دوي في الأفق من بعيد نباح كلب ضائع شريد ما زال يدنو .. كلما علا الصياح ثم انتهي إلي المكان و عندها تحفز الإنسان في سره و قال ماذا عساها تطلب الكلاب ؟ و ظل قلقاً ينتظر الجواب ووصل الكلب و أقعي في خشوع وقال في خضوع رباه يا مبلج الصباح ومرسل الأنواء و الرياح يا مزجي الجموع أأربعون عاماً دونما هجوع أأربعون عاماً كلها نباح و كلها صياح ؟ كفاي نصف هذا العمر في العذاب وقصة اللصوص و الكلاب ولاحت الفرصة للإنسان من جديد لكي يضم درة فريدة لكنزه العتيد عشرون عاماً من فضيلة الكلاب تجعل منه ابن الثمانين المهاب فلم يزل يسأل الإله هبني بقايا عمره فإنني فداه و قبل الإله و حقق الإنسان ما اشتهاه و حقق الكلب ما اشتهاه و أقبلت جماعة من القرود يؤمها أبو زنة في نخبة بما يقول مؤمنة جاءت تبث ربها القدير ما نالها من عمرها الطويل فترسل البكاء و العويل و قال شيخها المهيب في حنكة اللبيب لأنت يا رباه أدري بالحياة وقسوة الغابات و ألعصاه أأربعون عاماً كلها تأرجح علي الغصون و ضحكة لكل ذي هوي وكل ذي مجون رباه أنه جنون هبني من الحياة نصفها وليك بعدها ما يكون وهتف الإنسان حقاً إنكم قرود لا تستحقون الوجود و لم يزل في سره يقول هاتيك فرصة بمثلها الزمان لا يجود و هكذا قد حمل الإنسان فوق كتفه قرنا من الزمان جمعه من الطاؤوس و الحمار من الكلاب و القرود و باختصار قد أصبح الإنسان ... باختصار في الفترة الأولي يعيش كالبشر تهفؤ له القلوب إن خطر يعيش ملء السمع و البصر حتى إذا تجاوز العشرين تراه كالطاؤوس في إزدهاء قد ضمخ اللمة بالطيب ولمع الحذاء يغازل النساء ويرمق الحياة في ازدراء ويقطع الشباب في تدلل و كبرياء و بعدها تراه كالحمار يحمل فوق رأسه الخضار و اللحم و الرغيف و البطيخ و تارة ملابس الصغار يظل هكذا بالليل و النهار حتى إذا ألوي به الطريق و أخذت عيونه تضيق و نام تحت حاجبيه الأغبرين جفنه العريق و لم يعد يطيق و وظيفة الحمار أقعي ككلب مسعر النباح يصيح بالأحفاد في المساء و الصباح لا تشربوا من هذه القلل لا تضربوا هذا الحمل .. ألم يعد لكم عمل أف لكم يا مجرمون و يا شباب آخر الزمان يا لعبة معروضة في مهرجان و أنت يا هشام لا تترك الخرطوش هكذا لقد سئمت هذا البيت يا سلام !!! حتى إذا أوفي الثمانين سكت و بعد ما ثرثر في الدنيا صمت ولم يعد له الكلام سوي تحركات القرد في الأكمام طورا يكح دونما انقطاع و تارة يواصل الضحك و يشتكي من الصداع و لم يعد يسأل عن شئ سوي الطعام كذلك اليوم الذي فيه أطل صارخاً علي الأنام إذ و ضعته أمه غلام لا يبتغي شيئاً سوي الطعام و بعدها ينااااااااااام عمك بستاني شكرا يا عمكـ!

---

Post: #76 Title: Re: كلاب البورض Author: سيف الدولة كامل Date: 04-29-2010, 06:50 PM Parent: #75 ود البوش ,,, سلامات يا جميل ,,, جنس نبيح لامن الليلة ولا امس . الموز بنريده لكن طلوع الشدر صعب.

---

Post: #81 Title: Re: كلاب البورض Author: عبدالله ود البوش Date: 04-30-2010, 01:01 PM Parent: #76 حبيبنا سيف الدولة كامل تحية قردية Quote: جنس نبيح لامن الليلة ولا امس . فترة النباح طويلة ومملة والكلب منا يتمنى الانتقال منها مهما كانت خطورة الفترة القادمة Quote: الموز بنريده لكن طلوع الشدر صعب بالتاكيد بانك تحب الموز والكستر بعد انقضاء فترة الكد والعض هو تاني تعضي بشنو ما موزة وبترضعا ساي لوووووووووول وما تشيل هم من طلوع الشدرة فالامر معنوي وفعلا يكون لديك احساس ملح لطلوع الاشجار ولكن وحشتك ستزول بمجرد اتكائتك على ركن قصي من المنزل بالقرب من مزهرية رمز الشدرة المهملة وحولها احذية الشباب وحدوات الحصين وهي تجقلب والشكر للقرد

---

Post: #77 Title: Re: كلاب البورض Author: عبدالله ود البوش Date: 04-29-2010, 09:47 PM Parent: #75 Quote: : العزيز ود الصايم .. ولو انك ما بتعرفني .. وانا بعرفك من خلال كتاباتك في سودانيز اون لاين بس .. والبستمتع بيها جدا جدا .. وبشوفك جد زول حلو وجميل وروحك حلوه وجميلة ..وتفتح الروح ضلفتين زي ما بيقول جمال حسن سعيد وتخلي الواحد يحس وكانو بيعرفك جدا ..عموما قبيل وانا بتصفح في سودانيز اون لاين لقيتك مشارك في بوست اسمو كلاب البورض والبيعرض قصيدة عمنا الهادي ادم الله يرحمو بطريقة قريبة .. جاني احساس انو اكتب ليك وارسل ليك القصيدة وتمنيت انو القي الايميل بتاعك في بروفايلك ..والحمد لله انو لقيتو لانو وفر علي رحلة بحث طويلة ..لاني علي ما اذكر انك كتبتو في احد البوستات بس ما متذكرو ياتو بوست بالجد ..عموما يا سيدي انا سعيد جدا بأن اكتب ليك معبرا عن اعجابي الشديد بي طريقتك واسلوبك في بوستاتك وتعقيباتك .. وهاك القصيدة هدية يا ود الصايم يا خوي عمك ابو حروف منمقة دا أقوم اجبد ليهو باسويرداية واطلع لينا زي ود حطب الله نبقى في النبحي لكن الظاهر عليهو في الحالة الكلابية السعرانة ومركب مكنة قردية وبعدين يا عمك بستاني ات عينك في سيد البيت ترسل في الضيوف الكلاب ديل لووووووووووووول

---

Post: #78 Title: Re: كلاب البورض Author: محمد عبد الماجد الصايم Date: 04-29-2010, 09:57 PM Parent: #77 Quote: وبعدين يا عمك بستاني ات عينك في سيد البيت ترسل في الضيوف الكلاب ديل لووووووووووووول يا عمكـ قلت ليكـ نحن حصين ياخ! حصيييييييييييييين! بعدين عمكـ بستاني دا يرسّل ليكـ بالدي إتش إل ولا شنو؟ ما تخت بريد(كـ)!

---

Post: #79 Title: Re: كلاب البورض Author: عبدالله ود البوش Date: 04-29-2010, 10:37 PM Parent: #78 Quote: يا عمكـ قلت ليكـ نحن حصين ياخ! حصيييييييييييييين! وكت زي دا الحصين كلها في اسطبلاتها لا تكون زي حصان كارو الحفلة كااااااااااااااااااااااك

---

Post: #80 Title: Re: كلاب البورض Author: سمندلاوى Date: 04-29-2010, 10:53 PM Parent: #78 والله ياصايم القصيدة تريانة منعمك بستاني لكن بينى وبينك دايرالا روح كلب وكدا عشان يكملها كوووولها ودالبوش , ماقنا ليك النبيح ماشى زايد

---

Post: #82 Title: Re: كلاب البورض Author: عبدالله ود البوش Date: 04-30-2010, 01:13 PM Parent: #80 Quote: ودالبوش , ماقنا ليك النبيح ماشى زايد يا بكري هوي .... هوي .... هوي انبح بعيد بعيد نبيح الكلب للكلب أخير منو الونسة مع التيس السكران كلب سوداني في حلايب اكد في عضمو في امان الله جاه كلب مصري داخل على طمع الكلب السوداني حمر للكلب المصري ونبحو : اجابك شنو الجابك شنو الجابك شنو هنا في حلايب دي فرد الكلب المصري : ما اعرفش ما اعرفش ما اعرفش يا بيييييييييييييييييييييييييييه

---

Post: #83 Title: Re: كلاب البورض Author: doma Date: 04-30-2010, 04:00 PM Parent: #82 لوووول يا ود البوش والعجب ان بقت كلبه والد والله انبح من تشرق لمن تشرق تاني انبح مع الوالوده يمرقوا يخلوا لي البيت يجي الراجل الم فيه هو هو . الا ان شاء الله من الهوهوه للهوه ما احصل المرحله الانكراشيه

---

Post: #84 Title: Re: كلاب البورض Author: عبدالله ود البوش Date: 04-30-2010, 05:35 PM Parent: #83 اوووووووووو العزيزة doma Quote: الا ان شاء الله من الهوهوه للهوه ما احصل المرحله الانكراشيه شاحد الله الكريم يا دوما بعد تكملي القردية تبدي شباب من اول وجديد فامثالك يستحقون الحيياة مرتين ليتعلم الحمير امثالنا معنى الحياة كيف تعاش

---

Post: #85 Title: Re: كلاب البورض Author: علاء الدين يوسف علي محمد Date: 04-30-2010, 07:42 PM Parent: #84 عيْنة مِنْ كِلاب البورض

---

Post: #86 Title: Re: كلاب البورض Author: وجن Date: 05-01-2010, 01:02 AM Parent: #85 بعد دا حقو نقنع من البوست بما انو علاء جاب الاسكنر بتاعو وجاء

---

Post: #87 Title: Re: كلاب البورض Author: عبدالله ود البوش Date: 05-01-2010, 07:18 AM Parent: #86 في ناس كدا يا وجن تحب ان تعيش في الماء العكرا دائما ولو رأت وميض بسمة وسط الزحام تستل خجرها السام لتذبحها عمدا وترصدا نريده هواءا نقيا ولكنه عشم الكلب في موية اللبريق

---

Post: #88 Title: Re: كلاب البورض Author: علاء الدين يوسف علي محمد Date: 05-01-2010, 08:01 AM Parent: #87 Quote: ولكنه عشم الكلب في موية اللبريق أّوّل تبادي يجِب ضمّ هذه المُداخلة للمُداخلات التي أتيت بها أنا هُنا (إتأرْشفت لي عوزة) تاني حاجة ليه ما تكون مُوية بلاّعة معفِّنة و آسِنة؟

---

Post: #89 Title: Re: كلاب البورض Author: rummana Date: 05-01-2010, 08:20 AM Parent: #88 غايتو بوست مبالغة عديــــــــل كده عسل بس... :) أنا شايفاه حايم قدامي من كم يوم حلفت ما أفتحه وأسأت بيه الظن من كتر (النبيح) الفي البورد المشكلة أنا في مرحلة الكلب من عمر الزهور والمنى يعني مما العيال كانو أمنية بس كدا التصنيف في حالتي ما ظابط

---

Post: #90 Title: Re: كلاب البورض Author: إدريس محمد إبراهيم Date: 05-01-2010, 10:23 AM Parent: #89 الكلب عبد الله ود البوش .. لك خالص التحية والود والاحترام ... صراحة بوست في منتهى الجمال وخفة الدم الواحد بيرتاح وهو يقرأه .. أخوي محمد أنا ما عارف لكن كل ما اشوف لي ربطة برسيم (أحرن) .. يا ربي أكون حمار وما عارف .. والعجب كان شفت (العليق...) .. أتاري الموضوع كده وأنا ما عارف .. يا حليل زمان البرطعه والصهيل ... تحياتي وحبي أخي عبد الله ... أخوك / الحمار ...

---

Post: #92 Title: Re: كلاب البورض Author: عبدالله ود البوش Date: 05-05-2010, 09:31 AM Parent: #90 Quote: يا حليل زمان البرطعه والصهيل ... شوف يا حمار اهم حاجة انك تكون متصالح مع نفسك وتنسى الفات لانو اي برطعة بعد كدا مافي صالحك وحرنان تاني مافي .... صلح الفزرة واعمل حسابك وخليك حمار ممتاز والا فالحديدة حارة على الضهر شيل تقيلك ومخلاية العلوق اخر اليوم تلقاها جنبك اكلا وهنق كان فضل ليك حيل للهنيق . ومن كلامك يظهر انك ما اطيعت كويس كنت بتفنططت لمن كنت دحيش تقديري واحترامي اخي الحبيب إدريس محمد إبراهيم اخوك الكلب الذي اجتاز الحمارية بامتياز مع درجة الشرف

---

Post: #91 Title: Re: كلاب البورض Author: عبدالله ود البوش Date: 05-05-2010, 09:17 AM Parent: #89 Quote: كدا التصنيف في حالتي ما ظابط الاخت rummana تحياتي فعلا انت خارج التصنيف ولا يوجد في بيت واحد كلبين دايرين تسعروا العيال ولا شنو

---

Post: #93 Title: Re: كلاب البورض Author: جعفر محي الدين Date: 05-05-2010, 10:56 AM Parent: #91 ود البوش يا أخانا في الكلوبية زمان أنا غيرت رأي وأحب أن ارجع حمارا كما كنت ووفقا للقصيدة العصماء التي خطها يراع شاعرنا الباذخ الهادي آدم والتي أرسلها أخونا البستاني عبر حبيبنا ود الصائم والتي فيها يقول: Quote: و بعدها تراه كالحمار يحمل فوق رأسه الخضار و اللحم و الرغيف و البطيخ و تارة ملابس الصغار يظل هكذا بالليل و النهار حتى إذا ألوي به الطريق و أخذت عيونه تضيق و نام تحت حاجبيه الأغبرين جفنه العريق و لم يعد يطيق و وظيفة الحمار أقعي ككلب مسعر النباح فعليه نعلن تواصل الحمورية حتى إعلان آخر موعدنا عند الستين لنعاود الهوهوة التي انقطعت مؤقتا

---

Post: #94 Title: Re: كلاب البورض Author: عبدالله ود البوش Date: 05-05-2010, 11:22 AM Parent: #93 Quote: أنا غيرت رأي وأحب أن ارجع حمارا كما كنت يا جعفر ات سعرت ولاشنو ؟ ولاجاتك الحمارية المتأخرة ؟ وفي الحالة دي ماعندك حل الا حمار نووووووووووم

---

Post: #95 Title: Re: كلاب البورض Author: الامين موسى البشاري Date: 05-05-2010, 05:37 PM Parent: #94 حبيبنا عبد الله ود البوش Quote: لمن تلقى المكوة مولعة ومافي زول بكوي تش بيها ضنبك شوفا ما حارة ؟ عــارف يا صــاح رغم اني لسه ما طلعته من المرحلة الحميرية دي لكن مرات كده بنـــبح برااااااااي لما ألاقي المكيف شغال وما في زول في الغــــرفة او الجماعة مرقوا الجيران أها منها الواحــــــــد يتعلم لغات برضـــو تفيدو لي قدام . ولا رأيك شنو؟ ودي

---

Post: #96 Title: Re: كلاب البورض Author: adam alamar Date: 05-05-2010, 08:31 PM Parent: #95 الاخ عبدالله .. و الله بوست مبالغة متابعه من قولة تيت ... و مستمتع بالقراية .... لكن في اسئلة محيراني ما لاقي ليها اجابة انا طبعا الامور كانت جايطة عندي شوية يعني ما بين ال 15 و 25 كانت عندي حالة غريبة من الجري و النطيط و استخدام العضلات في كل شيء و الله في الكورة كنت بسبق الكورة لكن ما زي مناوة بتاع الهلال داك بفتشه ما بلاقاه .... انا كت بسبقه و برجع ليهاعشان عارف محلها المهم الحالة ما قدرنا نشخصا الا بعد ما قرينا بوستيكم الجميل ده صدق كان عندي حصصنة مبكرة ... يعني جات قبال مواعيده من ال 25 الي 35 دي انسانية بمعني الكلمة .. رقة و زوق و عقلانية و الان لي فترة اري تغييرات كبيرة و خطيرة في العضلات و الجلد والاظافر بدت تتخن و يتغير لونها للون الداكن و تحدودب بشكل خلى الواحد يخجل منها ... و الوجه بدا يطول و الاسنان كبرت بصورة عجيبة الصوت اخشوشن اكثر مما هو خشن و بداء يعلا بصورة هي اقرب لانكر الاصوات دي مرحلة الحمرنه زاته .... الله يستر .. بيني و بينك ليتها تطول المرحلة الجاية دي الله يستر منها .... الواحد يقوم يعضعض في الناس من طرف الاسئلة المراحل العمرية دي بتنطبق على زوجاتنا ام ليهم فورمة مختلفة شوية كان الامور عندهم مختلفة شوية ح تكون مشكلة ما بتخيل لي حمار مع فرس في بيت واحد و عيالهم يكونا شنو ؟؟؟؟؟ ادم العمار

---

Post: #99 Title: Re: كلاب البورض Author: عبدالله ود البوش Date: 05-06-2010, 12:23 PM Parent: #96 الاخ ادم العمار تحياتي واحترامي من البداية لانو بعد شوية الظروف ما معروفة والكلاب خوتا معروفة طبعا بدايتها تحانيس واخرتا مجابدة . . Quote: يعني ما بين ال 15 و 25 كانت عندي حالة غريبة من الجري و النطيط و استخدام العضلات في كل شيء و الله في الكورة كنت بسبق الكورة لكن ما زي مناوة بتاع الهلال داك بفتشه ما بلاقاه .... انا كت بسبقه و برجع ليهاعشان عارف محلها يا سلااااااااام على الروعة شباب ... حيوية .. نشاط .. خفة ... رشاقة متعة الحياة كانت في هذه الفترة وبعد كدا ونس بس ولاغريبة ولا حاجة ..... نطيط في محلو وعضلات فائرة في محلها ونفسك كانت طيبة نقية غير ملوثة بتقلبات الزمان وهمك فوق غيرك يا حليلك . . Quote: صدق كان عندي حصصنة مبكرة ... يعني جات قبال مواعيده ولا كان عندك حصصنة مبكرة ولا حاجة دا كان شبابك وعمرك الحقيقي بس كانت طاقتك زائدة اكتر من اللازم خلتك تسابق الريح تفوت الكورة يا ادم وتجيها راجع تاني تلقاها في محلتها ات اصلك كنت بتلعب مع ناس تلي ماتش الداخلين في البراميل ديلك ؟ Quote: و الان لي فترة اري تغييرات كبيرة و خطيرة في العضلات و الجلد والاظافر بدت تتخن و يتغير لونها للون الداكن و تحدودب بشكل خلى الواحد يخجل منها ... و الوجه بدا يطول و الاسنان كبرت بصورة عجيبة الصوت اخشوشن اكثر مما هو خشن و بداء يعلا بصورة هي اقرب لانكر الاصوات مبرووووووووووك يا ادم صدقني دي اريح فترة مرت علي لانها تخلو من التفكير ووجع الراس تسردب وتشيل محل اوجهوك تتوجه ما عندك اي مجال تفكر وترهق نفسك بالتفكير الكتير والتخطيط لانو في الفترة دي اكيد في ناس بفكروا ليك ويريحوك انت بس تشيل وتجي اخر اليوم تهنق هاااااااااااااق هاااااااااااق وتعلق وتبرك ونوم العافية تقوم الصباح نفسسسسسسسسسسسس البرنامج بتاع امس وطبعا لانك حمار لاتشعر بالكلل ولا الملل ارجو ان تستمتعوا بهذه الفترة يا حمير العالم Quote: دي مرحلة الحمرنه زاته .... الله يستر .. بيني و بينك ليتها تطول اخير ليك من الماشة عليك .... . . Quote: لمراحل العمرية دي بتنطبق على زوجاتنا ام ليهم فورمة مختلفة شوية كان الامور عندهم مختلفة شوية ح تكون مشكلة ما بتخيل لي حمار مع فرس في بيت واحد و عيالهم يكونا شنو ؟؟؟؟؟ شرحنا الكلام دا قبل كدا ولكن لانك حمار وتحب التكرار وانا نباح ما فارقة معاي شوف يا حمار نحن خقلنا لخدمتهن وهن استاهلن ...... لكن الواحدة كان جاتا رفسة من حمارها تتحملها خاصة اذا شالت فوق الدبر والواحدة لو جاتها عظة ( على قول ناس الرياظ ) لوووووووووولز تحول مسار العضة لبوسة رومانسية وتبتبة على الضنب واصلوا الكلب بريد الببوسو والبخنقو

---

Post: #97 Title: Re: كلاب البورض Author: عبدالله ود البوش Date: 05-06-2010, 11:06 AM Parent: #95 Quote: عــارف يا صــاح رغم اني لسه ما طلعته من المرحلة الحميرية دي لكن مرات كده بنـــبح برااااااااي لما ألاقي المكيف شغال وما في زول في الغــــرفة او الجماعة مرقوا الجيران أها منها الواحــــــــد يتعلم لغات برضـــو تفيدو لي قدام . ولا رأيك شنو؟ في حاجة غلط يا حمار وين لقيت زمن عشان تبح فيهو ؟ في خلل اكيد .... من المفترض ما اكون عندك دقيقة واحدة فاضية عشان تبح فيها اصلا يا دوبك تلقى ليك هنيقة هنيقتيك ساعة العلوق بس بصوتك المنكر داك هانق هانق هانق هنققققققققق وتبرك . . احترامي الشديد اخي الامين البشاري وساعنا بالصور المناسبة وعمك دا ما بعرف الصورة النتاية من الضكر

---

Post: #98 Title: Re: كلاب البورض Author: صلاح أبودية Date: 05-06-2010, 11:24 AM Parent: #97 Quote: والله كل مافي هذا البوست عفو الخاطر دون تخطيط مسبق ودون خبث فقط حاولت ان اصنع بسمة على وجه اخ عزيز او اخت عزيز ة مل وكل من الواقع المري Done متعتنا والله بعد ما زهجنا من البورد وفقدنا فيهو الأمل ! لكن حكاية المكوة دى صعبة شوية ! لك التحية من قبل ومن بعد

---

Post: #100 Title: Re: كلاب البورض Author: عبدالله ود البوش Date: 05-06-2010, 01:00 PM Parent: #98 Quote: متعتنا والله بعد ما زهجنا من البورد وفقدنا فيهو الأمل ! وهو المطلوب أخي صلاح أبودية Quote: لكن حكاية المكوة دى صعبة شوية ! اراك حددت مقياس طاقيتك ضمنا ...... وي كأنك تستعير منا نحن معشر الكلاب تحياتي وتقديري

---

Post: #101 Title: Re: كلاب البورض Author: عبدالله ود البوش Date: 05-16-2010, 12:46 PM Parent: #100 الشاعر الجاهلي لبيد بن ربيعة العامري قال عندما ناهز عمره على المائة عام لقد سئمت طول الحياة وقول الناس كيف لبيد . . كرهوه حياتو : جدو لبيد كيف اصبحت ؟ جدي لبيد اصبحت كويس ؟ جد جدي لبيد الليلة ما احسن من امس شوية ؟ اجيب ليك كستر ولا اخير ليك العرس ؟

---

Post: #102 Title: Re: كلاب البورض Author: الامين موسى البشاري Date: 05-18-2010, 10:14 PM Parent: #100 حبيبنا عبد الله ود البوش Quote: في حاجة غلط يا حمار وين لقيت زمن عشان تبح فيهو ؟ غايتو كلما أتذكر بوستك دا اقعـــد اضحك الزمن يا اخوي بنســــــــرقه سرقه يعني أوقات الصلوات والراحة الحمار بياخد ليهو شوية جمه وانجمامة ويقعد ينبح والغلط مرجوع.. .... ... _____ اهل العوض..... احاحي ليهن رب العالمين

---

Post: #103 Title: Re: كلاب البورض Author: عبدالله ود البوش Date: 06-01-2010, 01:03 PM Parent: #102 الروحو محرقاهو اجي انبح هنا وامشي