Post: #1
Title: على عثمان رئيسا للبرلمان ومصطفى عثمان للخارجيه ودكتور التجانى السيسى نائبا للرئس
Author: عصمت العالم
Date: 04-26-2010, 07:04 PM
بدات الاخبار تتسرب عن التشكيل الرئاسى ...
على عثمان رئيسا للبرلمان ودكتور التجانى السيسى رئيس حركة العداله والتحرير نائبا للرئيس وهذه احد معطيات اتفاق الدوحه بضمان استقرار دارفور بثقل التجانى السيسى القبلى وتجمع العشائر والقبائل من حوله ومصطفى اسماعيل للخارجيه مرة اخرى...
وهناك فى مطبخ الرئاسه يتم الاعداد االشهى لوجبة العشاء باصنافها المتعدده.ويتجمع فى بهو وحدائق القصر الجمهورى كل الطوائف التى تسعى لنيل رضاء الرئيس وقيادات المؤتمر الوطنى لينالوا الحظوه...
والقربى
|
Post: #2
Title: Re: على عثمان رئيسا للبرلمان ومصطفى عثمان للخارجيه ودكتور التجانى السيسى نائبا للرئس
Author: محمد عثمان عبدالله
Date: 04-26-2010, 09:07 PM
Parent: #1
اوعدنا يارب لله يا محسنين انشاءالله وزارة شئون المرأة والطفل او وزير من غير وزارة
بس فرصة كده ادخل رأسى وسط اخواناالطيبين واكيد هم ناس طيبين وانا بستاهل يتصدقوا على
بى وزارة شنو يعنى انا مابستاهل اكون وزير هناى داك احسن منى فى شنو؟ عشان انا ماعندى دبابة
وله عشان فى منطقتنا مافى غابة ندخلها ومنها نطلق كم من طلقة ونطلع بيان عن طريق قناة الجزيرة
نتوعد ونهدد الجميع بحرب داحس والغبراء بنهاية البيان يتكون وفد عالى المستوى من الحكومة ويا الدوحه
جاك بلاء وبعد كم شهر من المفاوضات والعك واللك يتم تعيينى نائب أول لرئيس الجمهورية وانا كان حلمى
بسيط بس وزارة شئون المرأة والطفل !! بس فجأة بقيت نائب الريس هسع لو كان عندى طيارة اف 16 كنت بقيت شنو؟
|
Post: #3
Title: Re: على عثمان رئيسا للبرلمان ومصطفى عثمان للخارجيه ودكتور التجانى السيسى نائبا للرئس
Author: بكري الصايغ
Date: 04-26-2010, 09:22 PM
Parent: #1
على عثمان رئيسا للبرلمان!!
---------------------------
***- علي عثمان لن يبتعد عن القصر حتي يكون بمثابة الرقيب علي تصرفات وقرارات رئيس الجمهورية!! وهي وظيفة من وظائف "الحركة الاسلامية" التي علي عثمان رئيسها!!
***- سيحاول الرئيس البشير بقدر الامكان ابعاد علي عثمان والنافع من القصر.... ومن اعطاءهما وظائف كبيرة تتيح لهما الانقلاب عليه مستقبلآ!!
***- تعيينات البشير القادمة لها علاقة او دخل بتوصيات من الأمن المصري!!!
|
Post: #4
Title: Re: على عثمان رئيسا للبرلمان ومصطفى عثمان للخارجيه ودكتور التجانى السيسى نائبا للرئس
Author: عصمت العالم
Date: 04-26-2010, 10:07 PM
Parent: #3
العزيز عثمان عبد الله.
والله يا وجيه بتستاهل
لكن ما بتدى حريف.
بس لو كنت قاعد على دبابه تى ففتى فايف.!!
كان عندك كلام كتر...يا زول
لا يفل الحديد الا الحديد.
تتستاهل
|
Post: #5
Title: Re: على عثمان رئيسا للبرلمان ومصطفى عثمان للخارجيه ودكتور التجانى السيسى نائبا للرئس
Author: بكري الصايغ
Date: 04-26-2010, 11:56 PM
Parent: #1
الأخ الـحـبـيـب الـحـبـوب،
عصمت العالم.
معذرة ياحـبـوب نسيـنا نديك السلام والتحية، اصلو كلامك (يمخول) الدماغ ويفور الدم!!... تقول لي مصطفي عثمان وزير للخارجية...مادي الكارثة ذاتها!!
***- لك مودتي-
|
|