Post: #1
Title: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: معاوية المدير
Date: 04-26-2010, 11:56 AM
Parent: #0
Quote: يا معاوية المدير
عايزنك ترتجل لينا
قصيدة في الموبايل ال (نوكيا) الذى صور
به البطل مصطفي طاهر (الفضيحة أُم جلاجل). |
عـآطِـف مـكـآوِي...
بوست خجيتو ليّه؟؟
|
Post: #2
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: جعفر محي الدين
Date: 04-26-2010, 11:57 AM
سلام يا أستاذ معاوية
يلا خج المشاعر
متابعين
|
Post: #3
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: معاوية المدير
Date: 04-26-2010, 11:59 AM
قصيّدة النوكيا الصوّر الخج...
الصقر إن وقع كترة البتابت عيب
ومع الخج الحصل مابينفع الجقليب
ولقط النوكيا للخجآج
سريع زي هبرة الفرنيب...
وبرضو تقولوا فبركة يا حُماة الدين!!!
تشككو في الجهاز، يا ظلمه يا حاقدين
تقولوا ضعيّف!!!
تقولوا خفيف!!! تبخسو فيهو يا جاهلين
وعاملين فيها ما عارفين
إنو سَنيّن...
وخشمو سَنيّن...
ولقطو سَنيّن...
نغمتو جِلِد كديس وطلآق...
وكان ختيتو في الهزآز،
يدوّر خج...
وكان دورتَ كمراتو،
بيرُجّك رج...
يخلى الظآلم المغرور،
يتكهرب...
ويضهّب...
ويتوهدب...
يقول يآ رب...
يقول يآ رب...
يقول يآ رب...
تضاري علينا تذويرنا،
وتغطى على دنانيرنا،
وعلى شيخنا الحليفتو طلآق...
من النوكيا وبنات كسلآ،
ومن زولنا الِسآنو طَلق
يمرق في فضايحنا،
ويقطّع في مسابحنا...
دخلنا معاهو في مِحّنة،
ومرقنا ترانا لى مِحّنة...
اريت كان مُتنا إرتِحنا...
بركة الضآر وود الجآز
جهاز النوكيا فاضحنا
يموت لانغمة لاهزاز...
بركة شيخنا ود عثمان
جهاز النوكيا يا فتآن
يفركع فيّكَ كوم بُمبآن
تطش شبكة... تودّر بحري وأُم درمآن...
ضربنا الكآس وراهو الكآس
اكلنا المنقة والأنناس،
وجاري ورانا كايسنا!!!
بتدوّر تقطع معايشنا؟؟؟
بُكرّة بنمسكو السودآن...
آمانة نضوقك زرّة
نطردك من محلآتنا،
وماتجي تاني من برّة...
يالسببت لينا مغس
اريت يا إنت تنضرا...
هلو...
يا أهلنا يا طيبيّن
سلآم...
يا أهلنا يا صامدين،
ويا صآبرين...
انا النوكيا، البخُج الظآلم الطَغيان
تعالوا اتوحدوا اتلموا
واعلنوا ضدهم عِصيان
وروهم عزيمة شعب وكتين
ينفجر بُركآن
يزلزل طُغمة الطُغيان
يهدّم فوقهم الأركآن
يخلع كُل عميل وجبان،
والتآريخ مزابلو تلِم
كُل صاحب ضمير وسخآن...
وطننا يطيّب ويتوحد
ينعم في سلآم وامآن...
فلنهتف من الأعماق:
تسلم لينا يا سودآن،
تسلم لينا يا سودآن
تسلم لينا يا سودآن...
.
.
.
معاوية المدير...
|
Post: #4
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: معاوية المدير
Date: 04-26-2010, 02:05 PM
Parent: #3
Quote: سلام يا أستاذ معاوية
يلا خج المشاعر
متابعين |
ســـــــلآم استذ جعفر،
وشكراً على الحضور المُبكّر...
|
Post: #5
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: معاوية المدير
Date: 04-26-2010, 02:36 PM
Parent: #4
الصقر إن وقع كترة البتابت عيب
ومع الخج الحصل مابينفع الجقليب
ولقط النوكيا للخجآج
سريع زي هبرة الفرنيب...
|
Post: #6
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: سيف اليزل برعي البدوي
Date: 04-26-2010, 03:45 PM
Parent: #5
معاوية
يا مبدع السهل الممتنع
دوما تدهشنا
ودوما تغيظهم
سر فقوافيك ترتاد الثريا
مودتي
سيف
|
Post: #7
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: Salwa Seyam
Date: 04-26-2010, 04:20 PM
Parent: #6
Quote: تعالوا اتوحدوا اتلموا
واعلنوا ضدهم عِصيان
وروهم عزيمة شعب وكتين
ينفجر بُركآن
يزلزل طُغمة الطُغيان
يهدّم فوقهم الأركآن
يخلع كُل عميل وجبان،
والتآريخ مزابلو تلِم
كُل صاحب ضمير وسخآن...
وطننا يطيّب ويتوحد
ينعم في سلآم وامآن...
فلنهتف من الأعماق:
تسلم لينا يا سودآن،
تسلم لينا يا سودآن
تسلم لينا يا سودآن... |
ويسلم مصطفى طاهر ..
شكرا معاوية ..
|
Post: #8
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: معاوية المدير
Date: 04-26-2010, 10:28 PM
Parent: #7
Quote: معاوية
يا مبدع السهل الممتنع
دوما تدهشنا
ودوما تغيظهم
سر فقوافيك ترتاد الثريا
مودتي
سيف |
مشكور يا السيف،
وخليك قريب...
|
Post: #9
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: وليد محمود
Date: 04-26-2010, 11:29 PM
Parent: #3
Quote :
ومن زولنا الِسآنو طَلق
يمرق في فضايحنا،
ويقطّع في مسابحنا...
تسلم حروفك يافنان
|
Post: #10
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: معاوية المدير
Date: 04-27-2010, 11:29 AM
Parent: #9
Quote:
ويسلم مصطفى طاهر ..
شكرا معاوية .. |
شكراً اختي سلوى،
والتحية لمضطفى طاهر...
|
Post: #11
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: معاوية المدير
Date: 04-30-2010, 12:37 PM
Parent: #10
Quote: ومن زولنا الِسآنو طَلق
يمرق في فضايحنا،
ويقطّع في مسابحنا...
تسلم حروفك يافنان |
الف شكر ليك اخي وليد محمود،
واهلاً بيك في سودانيز اون لاين...
|
Post: #12
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: عاطف مكاوى
Date: 04-30-2010, 12:54 PM
Parent: #11
شكرا جزيلا يا معاوية
علي هذه الأبيات المعبرة والتي ستكون شاهدا علي أكبر مهزلة
في تأريخ السودان الحديث ..... وشكر أيضا لصاحب النوكيا
الذى انتزع من السيد قريشن هذا التصريح الذى أفسد عليهم كل شئ
وجعل لنشوتهم طعما مرا...... هذا القريشن الذى أنجز مهمته عبر هذه
الفضائح التي سوف يتحدث عنها تأريخ الانتخابات في العالم لقرون وقرون
والخزى والعار لكل الذين استخدمهم الاستعمار في تفتيت وحدة بلادنا أولئك الذين
ستلعنهم الأجيال السودانية القادمة بعد أن تلفظهم الأجيال الحالية وترميهم حيث مزابل
التأريخ .
شكرا مرة أخرى عزيزى معاوية لتلبية طلبي .... وهذا الابداع الجميل.
|
Post: #13
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: عاطف مكاوى
Date: 04-30-2010, 01:12 PM
Parent: #12
ما تخجو ليه ؟
أدروب تمام
خج الدروس خج العبر
خلى الحقيقة تكون عكـــر
خلى النتيجة تكون...صفر
ما دام رضينا من الهوان
نحقن دمانا وننتظر
راجين عدونا جنازة يرميها البحر
نمشى الصباح نلقاها قيف
...
ما تخجو ليه؟ وما تخجو كيف؟
ياخ خجو خج،،وأحشيو حشـى
وما تختشـــــــــــــــــى
وأملاه مليون ألف شجرة وألف صوت
وأديها بى سوط العنج
ما عايرة من عشريـــــــــــن سنة
وزايدين خمس عشرين جديدة
ومنتنــــــــــة
راجين اميركــــا تحوشها لينا تدينا الرسن؟؟
اااااخر الزمــــــــــــــن
راجينو كارتر ينطق الفى بالنا لينا
نفش غبينة
نبارك الخيبة العلــــــــينا
و،،،نحن قاعدييييييين،، حاقنين دمانا وننتظر
...
ما تخجو ليه؟ وما تخجو كيف؟
خجوه قبلك صفوة السجم الرماد
لما الجيوب صبحت هموم قبل البلاد
هاك يا انشقاق
هاك يا نفــاق
هاك يا انزلاق
هاك يا مقابلة بالزقاق
...
ما تخجو ليه؟ وما تخجو كيف؟
خجوه قبلك صفوة الدقة القديمة
المن زمـــان عارفين،،
حرامى السلطة ما برضى الهزيمة
فاكرينو غول السلطة يغمض عينه عن حكم الغنيمة؟؟
صفوة الوهم المدمدم فى عمم راجية الوليمة
يتكبكبوا
يتشربكوا ويتفكفكوا
يتفرتقوا ويتجمعوا
ويتجمعوا ويتفرتقوا
وينووووموا،، يصحو يصرحوا
...
ما تخجو ليه؟ وما تخجو كيف؟
ما خجو مخنا من زمان
وما طلعوا الزيت الفضل
لو كان فضل زيت للحصــــــل
...
ما تخجو ليه؟ وما تخجو كيف؟
ياخ خجو خج وأحشيو حشــى
خلينا بالغم نتحشـــى
علشان نحس زى البشر
وعشان نفكر زى بشــر
علشان نكون ناس بى ارادة وخير وشــر
نعرف طريق للانتصار بى خير وشـر
بالشر بناخد حقنا
وبالخير بنعرف ننتصـــر
نعمــل،، نخطط
نضرب العدو ان مكـــــر
ونصافحوا لو فعلا ظفـــر
مش ننتظـــــــر
لامن يتم الطبخ فى جوة الحفــــــر
بعدين نلوم أدروب ونبكى ونشتكى
ياخ خجـــو خج وأحشيو حشى
شان نعرف الله الواحد ال...بدى العمر
نزار عواض 25/4/2010
|
Post: #14
Title: Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ...
Author: معاوية المدير
Date: 05-01-2010, 01:11 PM
Parent: #13
Quote:
شكرا جزيلا يا معاوية
علي هذه الأبيات المعبرة والتي ستكون شاهدا علي أكبر مهزلة
في تأريخ السودان الحديث ..... وشكر أيضا لصاحب النوكيا
الذى انتزع من السيد قريشن هذا التصريح الذى أفسد عليهم كل شئ
وجعل لنشوتهم طعما مرا...... هذا القريشن الذى أنجز مهمته عبر هذه
الفضائح التي سوف يتحدث عنها تأريخ الانتخابات في العالم لقرون وقرون
والخزى والعار لكل الذين استخدمهم الاستعمار في تفتيت وحدة بلادنا أولئك الذين
ستلعنهم الأجيال السودانية القادمة بعد أن تلفظهم الأجيال الحالية وترميهم حيث مزابل
التأريخ .
شكرا مرة أخرى عزيزى معاوية لتلبية طلبي .... وهذا الابداع الجميل. |
شكراً لك اخي عاطف علي الإيحاء،
ولـقِـدآمـــ ...
|
|