Post: #1
Title: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-25-2010, 07:00 PM
الخبر منشور فى الصفحة الاولى لجريدة
الاحداث الصادرة صباح اليوم !!!!!
وفق اعلان بالفوز صدر رسميا
من المفوضية القومية للانتخابات ..
ــــــــــــــــــ
معقولة ياخ !!
طبخة سيئة الاخراج
|
Post: #2
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-25-2010, 07:23 PM
Parent: #1
وقالت الصحيفة ان المفوصية فى مؤتمرها اليومى الدورى
الذى يعقد بقاعة الصدقة اعلنت فوز موسى هلال
فى الدائرة 11 الواحة والصياح بشمال دارفور !
ــــــــــــــــــ
اااى والله موسى هلال الواااحد دا !!
|
Post: #3
Title: Re: فوز موسى هلال فى الدائرة ( 11 ) شمال دارفور !!!!
Author: الامين موسى البشاري
Date: 04-25-2010, 07:39 PM
Parent: #2
معقولة ونص كماااااان
لا أدري ما هو الشــــــئ الغريب في ذلك؟
موســـى هلال زعيم قبيلة ومن الطبيعي أن يفوز بين أهله
كما فاز صــلاح قوش في مروي .. ونافع في شندي .. ومصطفى عثمان في دنقلا وغيرهم الكثيرين
وهو لم يترشح في الطينة أو في الماطوري .. ولكنه ترشح وسط أهله
...
...
This is sudan love it or leave it
________
دينا ... تحاياي
|
Post: #4
Title: Re: فوز موسى هلال فى الدائرة ( 11 ) شمال دارفور !!!!
Author: الغالى شقيفات
Date: 04-25-2010, 07:52 PM
Parent: #3
سلام وتحية
لو كان بقى فوز صلاح قوش بمروى يبقى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #5
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-25-2010, 08:14 PM
Parent: #4
يعنى يا الغالى و بشارى
الواحة والصياح ديل مناطق الجنجويد ؟؟
ـــــــــــــــــــ
طبعا الواحد برضو ما يستغرب انهم موجودين
فى الدايرة وما نزحوا لييه ؟؟
مع العلم اننا استنكرنا جدا فوز من ذكرتم
ايصا وخصصت لهم البوستات .. استنكرنا عليهم الفوز
حتى وسط اهلهم !!
|
Post: #6
Title: Re: فوز موسى هلال فى الدائرة ( 11 ) شمال دارفور !!!!
Author: الامين موسى البشاري
Date: 04-25-2010, 08:26 PM
Parent: #5
الفاضلة دينــا خالد
| Quote: الواحة والصياح ديل مناطق الجنجويد ؟؟ |
ديل جزء من مناطقهم والجنجويد ليست قبيلة بل أصبح تنظيماً في كل انحاء دارفور يا دينا
كان يكون سؤالك من الذي يقف خلفهم ويمولهم ويمدهم بالســـلاح... ولو عرف السبب بطل العجب
يا ديــنا خالد هناك مثل في دارفــور بقول:
عيال أم قطية دنقرهم واااااحـــد
لوووووووووووووووب (على رأيك)
ولذلك الدهشـــة بتاعتك دي مستغربة هنــا .. وزي ما انت شايفة كل واحد ركض الى أهله ليفوز
ما الناس ديل فازوا في كل أنحاء الســـودان وبنسبة 100%
_____
تحاياي
|
Post: #8
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-25-2010, 08:51 PM
Parent: #6
بشارى
والله بالجد كدا هجمنى
يعنى انا طول عمرى بقول ناس المدن والخرطوم
ديل جرس سااااى ما حصل ليهم ولا 1% من الحصل للدارفوريين
رغم فداحة ما حصل ولكنه يتقازم امام ما حدث
فى دارفور ...
عشان كدا مصيبة هلال دا اكبر بكتير
من الجماعة القلتهم ديل .. اكبر
ـــــــــــــــ
الا اذا كنت داير تعمل معاى
انا واخوى على بن عمى ،، وان وابن عمى
على ناس المركز ... لووووب ولا ما لوووب !!
|
Post: #20
Title: Re: فوز موسى هلال فى الدائرة ( 11 ) شمال دارفور !!!!
Author: تاج السر الشيخ ارباب
Date: 04-26-2010, 06:44 AM
Parent: #8
وانـا اشــهـد أن موسـي هــلال رجـل والرجـال قـليـل في هــذه الايــام.
وذلك بحكم معرفـتي بالرجــل واولادة بغض النظر عما يطلق عليه انه زعيـم
الجـنجــويــد وغــير ذلـك . الرجـل والــده كان حاكم دارفــور كلها ولم
نسمع عنه الا كل ماهو طيب.
الرجـل نشـمي واخـو اخــوان.
الناس في السـودان وخـارج السـودان بقـت إنطباعيه وفي الفارغــه.
هل سـأل اي مـنكم اوتقـصى في ان الشـيخ / مـوســي هو فـعلا من قـام بتلك المجازر؟
انه سـؤال يسـتحق البحث والتقصي ..............
ودمـتم ،،،،
|
Post: #7
Title: Re: فوز موسى هلال فى الدائرة ( 11 ) شمال دارفور !!!!
Author: الشفيع وراق عبد الرحمن
Date: 04-25-2010, 08:35 PM
Parent: #5
سلام يا دينا
Quote: استنكرنا عليهم الفوز
حتى وسط اهلهم !!
|
اسمح لينا يا دينا نستنكر استنكارك
|
Post: #9
Title: Re: فوز موسى هلال فى الدائرة ( 11 ) شمال دارفور !!!!
Author: الغالى شقيفات
Date: 04-25-2010, 09:05 PM
Parent: #7
تتصيح معلومة يادينا
جبتى من وين ربط الصياح بالواحة
الواحة محلية قائمة بذاتها والصياح وحدة ادارية تتبع لملية مليط
يعنى ذى تقولى شندى عبرى هل يوجد رابط او تقارب جغرافى
|
Post: #10
Title: Re: فوز موسى هلال فى الدائرة ( 11 ) شمال دارفور !!!!
Author: الامين موسى البشاري
Date: 04-25-2010, 09:14 PM
Parent: #9
دينا
Quote: الا اذا كنت داير تعمل معاى
انا واخوى على بن عمى ،، وان وابن عمى
على ناس المركز ...لووووب ولا ما لوووب !! |
انت زعلتي ولا شنو
طيب خلاس ما لوووووب
يا دينا العايز أقـــولوا ما البشير أول زول مطلوب وفاز ... وكذلك اتباعه
يعني الموضوع عااااااادي
أصلا يا دينا غياب الوعــي وعدم وجود ايدلوجية هو السبب في فوز هؤلاء
مع الاسف الايدلوجية بقت القبلية
لوووووووووولز
________
أبدا والله لا انا وابن عمي على المركز ولا حاجة
لكن الموضوع عااااااادي زي ريري (الزبادي)
وعشان كده ما في حاجة غريبة يفوز موسى هلال ولا غيره
|
Post: #11
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-25-2010, 10:15 PM
Parent: #10
بشارى ..
Quote: أصلا يا دينا غياب الوعــي وعدم وجود ايولوجية هو السبب في فوز هؤلاء
مع الاسف الايدلوجية بقت القبلية
لوووووووووولز |
يعنى ما الخج ؟؟؟ لووووووب يا بشارى
ياخ الناس ديل كلهم فوزوهم ما فازوا عشان كدا
كانوا يراعوا المشاعر فى القويز دا ...
ــــــــــــــــ
غايتو هلال دا غرييييبة ..
|
Post: #13
Title: Re: فوز موسى هلال فى الدائرة ( 11 ) شمال دارفور !!!!
Author: بريمة محمد
Date: 04-25-2010, 10:24 PM
Parent: #11
دنيا خالد
ممكن تشوفى ليك مجلة حواء أو فكتوريا سكرت .. تتفرجى فيهم ..
بريمة
|
Post: #12
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-25-2010, 10:22 PM
Parent: #10
الغالى شقيفات
برى والله انا لا قلتا لا عدتا
انا نقلت الخبر بى ى ى ضبانتو
الغريبة الخبر منشور فى الصفحة الاولى
فى مساحه مقدرة لما فتشتو فى نسختهم الالكترونية
كللل اخبار الاولى موجودة الا هو !!!!
عشان شبككم دى انتو ناس المنطقة فى النت
هسه نحن هنا لا فارزين الواحة من الصياح ...
قلت لى بعيده منها شديد ؟؟
ـــــــــــــــــــ
لكن الخج بجيبها ... الخج ممكن يلصقهم معععع بعض !!
|
Post: #14
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-25-2010, 10:28 PM
Parent: #10
الشفيع وراق مرحب بيك ..
اها يا الشفيع واحد شغال معاى قبيل لما
وريتو الجريده قال لى دى منطقة قيييعه سهلة ساى !!
ما فيها ولا 17 الف حجر خليك من زول ..
ـــــــــــــــــــــــ
هسه يا الشفيع الجماعة لو اخلصوا
فى الخج مش كان الشجرة دى نزلت محل النجمة ؟؟؟
لووووووووووووووب .. خج جيدا قبل الشرب ..
|
Post: #15
Title: Re: فوز موسى هلال فى الدائرة ( 11 ) شمال دارفور !!!!
Author: بريمة محمد
Date: 04-25-2010, 10:40 PM
Parent: #14
دينا خالد على
من منطقة بورتسودان
يا ناس الخج ذاتو ..
بريمة
|
Post: #16
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-25-2010, 11:05 PM
Parent: #15
وووووووووووووووووو قالوا اذا حضر بريمة
بطل البشارى !!!
Quote: دنيا خالد
ممكن تشوفى ليك مجلة حواء أو فكتوريا سكرت .. تتفرجى فيهم .. |
عشان انت تعمل شنو ؟؟؟
ــــــــــــ
بشارى خليك قريب دى تريقة
ما تصدق !!
|
Post: #18
Title: Re: فوز موسى هلال فى الدائرة ( 11 ) شمال دارفور !!!!
Author: Wasil Ali
Date: 04-26-2010, 01:32 AM
Parent: #17
Quote: 1997 اعتقل موسى هلال لقتله 17 مواطنا من اصل افريقى , علما بأنه قد سجن قبلها بسنوات لقتله شرطى والقيام بسرقة بنك فى نيالا
2002 اودع موسى هلال السجن مرة اخرى بتهمة القتل |
|
Post: #19
Title: Re: فوز موسى هلال فى الدائرة ( 11 ) شمال دارفور !!!!
Author: Zoal Wahid
Date: 04-26-2010, 06:22 AM
Parent: #18
Quote: اعتقل موسى هلال لقتله 17 مواطنا من اصل افريقى , علما بأنه قد سجن قبلها بسنوات لقتله شرطى والقيام بسرقة بنك فى نيالا
2002 اودع موسى هلال السجن مرة اخرى بتهمة القتل |
مقتطف اخونا واصل يمكن ان يقرأ مكملا لبوست الدكتورة ميادة عن ادم عبدالله ( المعروف في دارفور باسم ادم بوليس)
الذي فر من عربة السجن و هي تقله قبل ايام.
حكى لي احد رجال الامن ( وانا اثق في ذمته ) انه كلف و اخرين بتسليم ادم عبدالله لسجن ما في الخرطوم بتهمة غير سرقة بنك نيالا
و سابقة لها وقبل احداث دارفور. وعندما وصلوا الى مطار الخرطوم قابلهم شخص من متخذي القرارات في الدولة و يرأسهم ... سلم على ادم بالاحضان
و اصطحبه معه في سيارته و تركهم مذهولين.
ادم كان ممول و صاحب فكرة سرقة بنك نيالا وقد تم اطلاق سراح جميع المسجونين في القضية رغم ثبوت الجريمة لحاجة المركز
اليهم في حرب دارفور.
اما بخصوص فوز موسى هلال فقد سمعت احد ناس المفوضية يتكلم في برنامج حنين بانهم تقديرا لظروف الابالة وتحركهم فقد جعلوا
لهم فرصة للتصويت الراحل .... يعني زي الصندوق الطائر او المخجوج خجا.
افتكر الدهشة تكون:: كيف واحد مؤتمر وطني يسقط؟؟؟؟
|
Post: #21
Title: Re: فوز موسى هلال فى الدائرة ( 11 ) شمال دارفور !!!!
Author: الامين موسى البشاري
Date: 04-26-2010, 07:51 AM
Parent: #19
Quote: وووووووووووووووووو قالوا اذا حضر بريمة
بطل البشارى !!! |
________
يا ول ابا بريمة دلالكم"لعبكم" مالو بقى أخشن كده؟
اصبحت تتمتع بنفس مهارات الاخوان برشم لما كانو بلعبوا في الهلال
رفقاً بالقوارير يااااااااااخ
|
Post: #22
Title: Re: فوز موسى هلال فى الدائرة ( 11 ) شمال دارفور !!!!
Author: الغالى شقيفات
Date: 04-26-2010, 12:39 PM
Parent: #21
العزيرة دينا سلام مرة اخرى
عدت مرة اخرى لتصيح معلومة حتى لا يضلل القراء باخبار مغلوطة ومعلومات ناقصة والخلط المتعمد بين دم بوليس وادم عبدالله
اولا حديث الاخ واصل عن تهمة هلال بنهب البنك غير صحيحة البنك المتهم فيهادم بوليس واخرون واعدم فيه بعض الابرياء فى سجن كوبر امثال وابو السارة واخرونوكان الحادث فى العام 1998 تفاصيلة كاملة تجدونها عند الدكتور الحاج ادم يوسف مرشح المؤتمر الشعبى لولاية جنوب دارفور
ثانيا
الاخ زول واحد اورد نقل عن نقل فى خلط بين ادم عبد الرحمن حسين الشهير بادم بوليس من ابنا كتم حى الاستقلال واصلا من دامرة مصرى محلية الواحة وكان متهم بالتخطيط وتمويل منفذى الهجوم على بنك السودان فرع نيالاسنة 98 وتم اطلاق سراحه فى 2001 وقابلته عدة مرات ويقيم فى دبى
اما ادم عبدالله الذى نشرت صحف الخرطوم خبر هروبه امس من دفار سجن كوبر هو من ابناء الدمازين بولاية النيل الازرق وهاجر اجداده من نواحى كرنوى والطينة الى النيل الازرق منذ امد بيعيد وهو رجل اعمال كبير شركته قبالة كنار تل وكمبيوتر مان والقريب فى الامر وجدت اسم شركته فى بوست شركات المؤتمر الوطنى وشركته اسمها سوداكال معظم موظفيها بلدياتنا من شمال دارفور وذهبت للشركة عدة مرات وهى احدث من شركة بيس باى بولاية نيوجرسى التى كنت اعمل بها
دا الفرق بين ادم وادومة
يا زول واحد ابوسارة طبعا اعدم وهو كان مساعد ادارة فى الجيش بالفرقة السادسة بالفاشر ونزل معاش منزله معروف بحى الرديف ومعه مجموعة اخرى
والشاب الوديع محمد طبعا خالتو اسمها زهرة جارتنا يعنى اطلقو سراح الا يكون مجموعة اخرى ناس ما خلوهم دافعو عن انفسهم ولا محامين ولالالالالا
هل هم نفذوولا اخرون المهم اعدمو ودا ملف مفروض يتفتح فيه تحقيق
|
Post: #23
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-26-2010, 07:56 PM
Parent: #22
هىىىىى يا اولاد دارفور !!!
والله بقيت ما عارفه فى بوستينى دا اى حاجة ..
يعنى هو موسى هلال دا كعب ولا سمح بالواضح كدا ؟ ...
اها يا بريمة ح اخذلك خذلانا مبين وح اقراهم كلهم
بس اصبر لى للصباح ..
زول واحد وواصل على شرفتوا ابقوا كرروها
خلونى افهم
يا الغالى
النهب والبنك هينات فى طروف الحرب
لكن قالوا الزول دا مقتتل الواطة كلها مش هو
واحد من المطلوبين ولا انا غلطانة ؟؟؟
ـــــــــــــــــ
يعنى هسه انتو رضيانيين بالفوز دا ؟؟
|
Post: #24
Title: Re: فوز موسى هلال فى الدائرة ( 11 ) شمال دارفور !!!!
Author: Amira Elsheikh
Date: 04-26-2010, 08:14 PM
Parent: #23
Quote: هىىىىى يا اولاد دارفور !!!
والله بقيت ما عارفه فى بوستينى دا اى حاجة ..
يعنى هو موسى هلال دا كعب ولا سمح بالواضح كدا ؟ ... |
اوسكاااار,,,
مت من الضحك,,
كااااامل تضامنى معك يادينا,,
|
Post: #25
Title: Re: فوز موسى هلال فى الدائرة ( 11 ) شمال دارفور !!!!
Author: M A Muhagir
Date: 04-26-2010, 09:04 PM
Parent: #24
الاخت دينا خالد
سلام
موسى هلال زول كعب
وهو زعيم للجنجويد الذين قاموا وما زالوا
يقومون باشبع الاعمال فى دارفور من قتل ونهب
واغتصاب للنساء واعتداءات وغيرها
اسمه ظهر فى القائمة الخمسينية للمطلوبين فى جرائم الحرب
لكنه لم يتهم من قبل المحكمة الجنائية الدولية
المتهمون هم احمد هرون حاكم كردفان والوزير السابق
وعلى كوشيب احد زعماء الجنجويد
والرئيس عمر البشير
اما بحر ابو قردة فقد شطبت شبهة الاتهام ضده نهائيا
وهو غير مطلوب الان من قبل الجنائية
شكرا
|
Post: #26
Title: Re: فوز موسى هلال فى الدائرة ( 11 ) شمال دارفور !!!!
Author: بريمة محمد
Date: 04-27-2010, 01:14 AM
Parent: #25
دينا
ما تسمعى كلام ول أبا المهاجر ..
موسى هلال أحسن شخصية وطنية فى شمال دارفور ..
جمع كل القبائل حوله ... وساهم فى بناء السلام والأستقرار فى كل شمال دارفور ..
أبناء الحركات .. ما عايزنه لأنه يقلل هيمنتهم فى المنطقة ..
وهذه مشكلة أساسية بالنسبة لهم ..
لا قدر الله لو موسى هلال أنضم للحركات .. تكون كل شمال دارفور كسحت ..
بريمة
|
Post: #28
Title: Re: فوز موسى هلال فى الدائرة ( 11 ) شمال دارفور !!!!
Author: Tragie Mustafa
Date: 04-27-2010, 03:48 AM
Parent: #27
دينا سلام
فوز موسى هلال دليل آخر على مدى فوز كل سفاحي الانقاذ!
موسى هلال منشأ الجنجويد وداعمهم ومشرفا مباشر لهم.
انتخبوهوا غالبا الجنجويد حتى الذين جلبهم من تشاد
واستصدر شهادت ميلاد سودانيه لهم.
بريمه ده ما تشتغلي بيه
عامل فيها متعنصر لعروبته المتوهمه.
تخريمه:
ويا بريمه بطل عباطه وهباله
الراجل المطلوب اسمه أحمد هارون اولا ما محمد هارون
ثانيا هو برقاوي وليس زغاوي...انت الزغاوة ديل عرسوا حبيبتك ولا شنو
سمك فائر عليهم كده؟؟؟
|
Post: #29
Title: Re: فوز موسى هلال فى الدائرة ( 11 ) شمال دارفور !!!!
Author: بريمة محمد
Date: 04-27-2010, 11:12 AM
Parent: #28
دينا
بالله شوفى جنس الكسر الضفارى من تراجى دى ..
هسع لو دورت فيها مكنة تقولوا على زول كعب ..
تراجى عرفنا خطأ العنوان فى حينه نعم الزول برقاوى صليحابى .. هو والترابى من قبيلة واحدة
فى حاجة تانية .. برضو لو صليحابى منكم .. أها يا ربى الجنجويد يكونوا منو؟
وبعدين أنت مفتكره أنا عشان صوبت فى أتجاه تانى .. مفتكرانى نسيت عروبتى ولا شنو ..
نحن نشرب إذا وردنا الماء صفواً ويشرب غيرنا من الطين وما أختلط بروث حيواناتنا .. !
بريمة
|
Post: #30
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 04-28-2010, 10:24 PM
Parent: #29
المهاجر شكرا على المعلومات مشكووور سيدى ..
بريمة لقيتك لسانك طويل والله وكسرت رقبتى بالقراية
بوستاتى كلها غتست بى متابعتك ...
عارف عندى زميلى معاى فى المكتب بستعين بيه
فى المعلومات عن دارفور لكن بس قبيلتو دى ما بقدر اعرفها ليك !!
اها قال لى مرة فى حادث قتلوا فيه دورية كاااملة من الحكومة
بقيادة رائد ... لم قبضوا موسى دا فى موضوع مختلف لقوه لاااابس ساعة
الرائد الما بتغباهم .. شكلوا ضافر الحته كان بى ى ى حكومتها !!
ـــــــــــ
يعنى هسه قلت لى فاز بالجد ؟ والسمعه الضاربة دى كلها
فشنك ؟؟؟ يوم قالوا جنبلا ط بشتم ليه فى جماعه عندهم هناك
اتلفت وقال ليهم دوول جنجويد لووووب ياخى ديل سمعتهم سارت
بين العربان والاعاجم !
|
Post: #31
Title: Re: فوز موسى هلال فى الدائرة ( 11 ) شمال دارفور !!!!
Author: الصادق ضرار
Date: 04-29-2010, 00:09 AM
Parent: #30
|
Post: #32
Title: Re: فوز موسى هلال فى الدائرة ( 11 ) شمال دارفور !!!!
Author: الصادق ضرار
Date: 04-29-2010, 00:15 AM
Parent: #31
| Quote: انت الزغاوة ديل عرسوا حبيبتك ولا شنو |
كيف استطاع بريمة تجاوز هذه النقطة و عمل اضان الحامل طرشه
تراجي افصحي اكتر
_______________________
دينا
هلال اول المتأهلين للبرلمان قبل اجراء الانتخابات حسب افادة عضو المنبر محمد الامين محمد بعد انسحاب
مرشح الحركة الشعبية .
|
Post: #33
Title: Re: فوز موسى هلال فى الدائرة ( 11 ) شمال دارفور !!!!
Author: عمار محمد ادم
Date: 04-29-2010, 06:02 AM
Parent: #32
Quote:
وانـا اشــهـد أن موسـي هــلال رجـل والرجـال قـليـل في هــذه الايــام.
|
|
Post: #34
Title: Re: فوز موسى هلال فى الدائرة ( 11 ) شمال دارفور !!!!
Author: عمار محمد ادم
Date: 04-29-2010, 06:02 AM
Parent: #32
Quote:
وانـا اشــهـد أن موسـي هــلال رجـل والرجـال قـليـل في هــذه الايــام.
|
|
Post: #35
Title: Re: فوز موسى هلال فى الدائرة ( 11 ) شمال دارفور !!!!
Author: Tragie Mustafa
Date: 04-29-2010, 06:19 AM
Parent: #32
يا الصادق ضرار بطل الفتن
يا اخي انا بهظر مع بريمه
وهو ما قصر رد وانتهى
Quote: بالله شوفى جنس الكسر الضفارى من تراجى دى ..
هسع لو دورت فيها مكنة تقولوا على زول كعب .. |
تجي تنكشه ثاني؟؟؟
Quote: | Quote: انت الزغاوة ديل عرسوا حبيبتك ولا شنو |
كيف استطاع بريمة تجاوز هذه النقطة و عمل اضان الحامل طرشه
تراجي افصحي اكتر |
يا حبيب بكاوي فيه لانه طوالي حاشر الزغاوه في اي مصيبه
فمن باب المكاواة قلت له حاقد عليهم كده ليه
اصلا في واحد منهم عرس حبيبتك؟؟!!
تقوم تقص الدرب مالك ما تعمل رايح(هههههه)
|
Post: #43
Title: Re: فوز موسى هلال فى الدائرة ( 11 ) شمال دارفور !!!!
Author: M A Muhagir
Date: 05-13-2010, 09:18 AM
Parent: #25
..
|
Post: #36
Title: Re: فوز موسى هلال فى الدائرة ( 11 ) شمال دارفور !!!!
Author: سليمان عبدالرسول
Date: 04-29-2010, 07:09 AM
Parent: #1
الاخت دينا الانتخابات جأت بالعجب العجاب،، نريد من الملأ ان يفوتنا في
فورز الموتمر الوطني في معقل الحركة الشعبية في كاودا بجنوب كردفان
وفي معسكرات النازحين معاقل عبدالواحد نور وفي سراديب راعاة السجادة
الختمية.
النص الروائي للانتخابات جيد ولكن الاخراج الفني للمسرحية كان سيء وغبي.
بئست الديمقراطية التي يكون انتماء الشعب فيها الى حزب واحد.
مارايك يا دينا لو قسمنا السودان الى المملكة العمرية الازلية الشرعية
الشمالية والمملكة السلفاكيرية الثورية الجنوبية؟
هذا ما جنيناه من اتفاقية الشريكين المتشاكسين والمتقاسمين لثروة الوطن
وسلطته ولارادة شعبه.
|
Post: #37
Title: Re: فوز موسى هلال فى الدائرة ( 11 ) شمال دارفور !!!!
Author: عبدالأله زمراوي
Date: 04-29-2010, 08:34 AM
Parent: #36
سلام دينا خالد. وأنا أشاطرك الإستغراب، فقد سمعنا عن الرجل
ما يشيب له الولدان، بل وسمعنا أيضا hearsay بأنه دخل السفارة
الإميريكية يوما ما وأدلى بمعلومات عن المجزرة التي تمت ما بين 2003 و2007
وأعتقد بأن هذه الفترة هي الفترة الي شملها تحقيق القاضي الأرجنتيني لويس أوكامبو
مدعي عام المحكمة الجنائية...
ولكن يحق أيضا دون أن نفقد المنطق أن نقتنع بمن اندهشوا من إستغرابك هذا المبرر، فقد
فاز في إنتخابات التزوير كل من حامت حوله شبهة إعتداء على نفس أو عرض أو مال فوزاً
كاسحا بفضل المفوضية الموالية ومنتسبي الحزب اللاوطني ونوبات الخج والمج.
يا دينا حتى ذلك المسمى قوش قد فاز في مروي،
أرض الكوشيين وعاصمتهم الثقافية وهو أيضا الذي هددنا بقطع الأوصال في مقابلة
مشهورة. ثم أنظري لمصطفى عثمان الذي فاز في دوائر دنقلا الشمالية وهو الذي
شتمنا شتيمة الأراذل ووصفنا بالشحاتين قبل قيام أن يقوم ملكهم العضود.
وثالثة الأثافي فوز فتحي خليل واليا علينا لندخل بعده في
هستيريا المظاهرات العارمة لنصرة القدس واطفال غزة والشيشان والشيبان
والحبان ونعيش على زاد المجاهد ضامرين راكلين نعيم الدنيا الزائف، بينما
يمتطي والينا ظهورنا ويأتي لنجدة أهلنا بمروحية أسامة
عبد الله، إمبراطور السدود والمشارك في ذبح أربع من خيرة أبناء النوبيين في كجبار
لأنهم أقاموا تظاهرة سلمية. عندما تجف حقول القمح والبرسيم والعدس والتوم والبصل
في ربوع أرضنا، سيأتي التتار مصطحبين جرادهم ليقضوا على الأخضر واليابس كما
فعلوا بأم المشاريع الجزيرة عليها الرحمة...
ما أسوا من هذا الزمان، إلا زمان التركية السابقة، فمتى يخرج عليهم
مهديٌ جديد ليدك الأرض تحت سنابك الخيل أو كما يردد المصريون
ما أزفت من زفتة إلا ميت غمر...
_______________________________________
ضحكتي في تصوير المثل المصري فزفتة تقع
مقابل ميت غمر كأن نقول ما أزفت من البشير
إلا نافع...!
|
Post: #38
Title: Re: فوز موسى هلال فى الدائرة ( 11 ) شمال دارفور !!!!
Author: بريمة محمد
Date: 04-29-2010, 11:58 AM
Parent: #37
دينا
Quote: بريمة لقيتك لسانك طويل والله وكسرت رقبتى بالقراية
بوستاتى كلها غتست بى متابعتك ... |
ما قصرتى تب ..
لكن حالتها كما قال الزول الذى صلى بالناس .. وقالوا ليه يا مولانا صلاتك سمحه ..
قال ليهم حالتها بدون وضوء ..
وكذلك أخوك .. حالتو كردفانى .. وليس دارفورى ..
تراجى .. بطل لف دوران .. أنت عارفه أنا زمان مجكس شنو؟
بريمة
|
Post: #39
Title: Re: فوز موسى هلال فى الدائرة ( 11 ) شمال دارفور !!!!
Author: بريمة محمد
Date: 04-29-2010, 12:23 PM
Parent: #38
الصادق
Quote: كيف استطاع بريمة تجاوز هذه النقطة و عمل اضان الحامل طرشه
تراجي افصحي اكتر |
عليك النبى .. خليت للنسوان شنو من الشمارات !!!
بالله شوفو الراجل القعد كيف للشمارات .. يازول ما بتخجل !
بريمة
|
Post: #40
Title: Re: فوز موسى هلال فى الدائرة ( 11 ) شمال دارفور !!!!
Author: دينا خالد
Date: 05-04-2010, 07:22 AM
Parent: #39
مولانا زمراوى
اهلا ومرحب بيك ...
برضو ومهما قلنا اهلنا فى الشمالية
مصيبتهم كانت اخف مما حاق باهلنا فى دارفور
وطالما دقيتو الطار بى ناس نافع وفتحى ووقوش
خلينا نشوف الفازوا بى هناك كمان
حسب الرسول سلامات
ووجهة نظرك عملت الكثير من الاضاءات
برجع ليك
ـــــــــــــ
بريمة ,,, ياخى طيب ما لك مبوظ اعصاب
الدارفوريين ديل؟؟ والله قايلك دارفورى
|
Post: #41
Title: Re: فوز موسى هلال فى الدائرة ( 11 ) شمال دارفور !!!!
Author: سليمان عبدالرسول
Date: 05-05-2010, 05:33 AM
Parent: #40
دينا تحياتي لك
ونحن في انتظار تعليقاتك ،،،وفي انتظار
جديدك عن عجائب اصحاب المشروع الحضاري
اتحفينا بكل ما هو جديد وعجيب وغريب
|
Post: #42
Title: Re: فوز موسى هلال فى الدائرة ( 11 ) شمال دارفور !!!!
Author: بريمة محمد
Date: 05-05-2010, 06:03 AM
Parent: #41
دينا
أسمعى الكلام الجد .. الشيخ موسى هلال مجتمع مع كبر (الوالى الحرامى) عشان يرجع أموال الناس الغلابة ..
لو الوالى كبر رفض .. سوف يضطر الشيخ موسى هلال أن يرفع يده من الأمر
وحينها سوف يجتاح العرب الأبالة الذين يضغط عليهم الشيخ موسى هلال والأن مرابطين خارج سوق الفاشر بإجتاح السوق ..
والناس الذين لا يعرفون مواقف الشيخ موسى هلال .. خليهم يجوا ويقولوا بغم فى هذا الموقف
الشيخ هلال يدير أمور القبائل بحكمة .. والظاهر فى الأمر الأن أن الوالى كبر ممسك بالشيخ بكلتى يديه ويبكى أن يبثبت له العرب الأبالة .. !
وجماعة ناس تراجى .. أصبحوا يحتفوا للأبالة: تيت تيت جنجويد حديد!
بريمة
|
Post: #44
Title: Re: فوز موسى هلال فى الدائرة ( 11 ) شمال دارفور !!!!
Author: الامين موسى البشاري
Date: 05-13-2010, 12:29 PM
Parent: #42
انتوا لسه في الموضــوع دا
ما أردت قوله هنا هو أن أزمة سوق المواسير ورغم الضرر البالغ الذي الحقته بالمواطنين
من ضياع لأموالهم وأحــلامهم في الثراء الســـريع .. وربنا أعمى بصيرة كل من اشترك بأمواله في هذا الســـوق
فما هي هذه التجارة التي تدر ارباحاً خيالية كالتي وعــدتهم بها إدارة سوق المواسير.. والمثل بقول:
الاستعجال للغنى فقـــــر
الأهم في الموضـــوع هو أنه ومنذ ظهور مشكلة دارفور على السطح في العام 2003 ولأول مرة
يتحــد العرب الابالة و(الزرقة) الافارقة ويهددوا بتوجيه اسلحتهم نحو حكومة الولاية وكبر
نعم كما أقـــول لكم فقد احتشد الأهالي عربا وأفارقا على صعيد واحد وأحاطوا بالفاشر إحاطة السوار بالمعصم وهددوا باجتياح الفاشر لو لم يتم الاستجابة لمطالبهم واسترداد أموالهم
ولعل هذا ما دعــى كبر للاجتماع بموسى هلال ومحاولة جعله يسيطر على أهله الغاضبين
الشيخ موسى هلال زعيم قبيلة له مكانته بين رهطه وأهله ولعل ما يعيبهم كلهم موسى وكبر وقوش وغيرهم معروف بالضرورة للجميع وهو انتماءاتهم الحزبية ومصالحهم الشخصية فقط لا غير
أثبتت حادثة سوق المواسير أن أزمة دارفور هذه مفتعلة وأن وراءها أيــادي شيطانية تغرس الفتنة بين مكونات دارفور حتى لا تستقر
فيا ليتهم يعوا ذلك وبدلاً من أن يحارب كل منهم الآخـــر نيابة عن اشباح المركز وأجندتهم الخفية عليهم توجيه اسلحتهم نحو عدوهم الحقيقي الذي يســعي بينهم بالفتنة
|
|