Post: #1
Title: حسع دا أحفظو ليك كيف ..؟
Author: tmbis
Date: 04-25-2010, 12:57 PM
القديم داك كان نتشة كدا .. طق .. طرق وتجي داخل ..
..
وإنت يا الرقييق لقيته حواشة وضريت عيشك ..؟؟ بطل الهظار البايخ دا وتاني لما تجي تشيل باص وورد زول .. كلموو
...
|
Post: #2
Title: Re: حسع دا أحفظو ليك كيف ..؟
Author: طارق جبريل
Date: 04-25-2010, 01:00 PM
Parent: #1
بس ما يكون الهكر شايقي
|
Post: #3
Title: Re: حسع دا أحفظو ليك كيف ..؟
Author: tmbis
Date: 04-25-2010, 01:03 PM
Parent: #2
| Quote: بس ما يكون الهكر شايقي |
كان بيكون احن من كدا .. على الاقل كان خلى لي باقي في الباصوورد ما كان شالو كلوو ..
ما اجي الليلة بالليل اللقاك حايم بي هنا يا طارق ...
عليك الله مضروب تلاتة وليك نفس تتحاوم بالليل ..؟
|
Post: #4
Title: Re: حسع دا أحفظو ليك كيف ..؟
Author: طارق جبريل
Date: 04-25-2010, 01:06 PM
Parent: #3
بالليل ما تجي تعمل فيها (((درويش)))
|
Post: #5
Title: Re: حسع دا أحفظو ليك كيف ..؟
Author: داليا الكباشى
Date: 04-25-2010, 01:12 PM
Parent: #4
كـارينـــا ..!!
|
Post: #7
Title: Re: حسع دا أحفظو ليك كيف ..؟
Author: tmbis
Date: 04-25-2010, 02:07 PM
Parent: #5
| Quote: (عدل بواسطة داليا الكباشى on 25-04-2010, 01:22 م) |
..إنت مسحتي شنو ..؟
|
Post: #27
Title: Re: حسع دا أحفظو ليك كيف ..؟
Author: داليا الكباشى
Date: 04-27-2010, 01:12 PM
Parent: #7
| Quote: ..إنت مسحتي شنو ..؟ |
ارهــــــــــاب ..!!
دا اسمـو ارهـاب ..!!
وين الديموقراطيه ..؟؟
من حق المواطن انو يمسح اي حاجه داير يمسحهـا..
على كيفــو ..
موش في ديموقراطيه وحبر واكتساح وكـدا ..؟؟
----------
لو سمحتا يا زميل البورض في زول عندو ليك استفسار في البوست حقي داك تعال رد عليهو ..
حاجه عجيبه خلاس ..
تمشي اي حته يقولوا ليك تمبس كيـف..؟؟
تجي تفتح بوست بي اسمك يسألو تمبس في بوستيك ..
والله الواحد حقو يعمل ليهو بورض براهـو ويديك باسويرد ويسحبو منك تاني يوم
|
Post: #6
Title: Re: حسع دا أحفظو ليك كيف ..؟
Author: tmbis
Date: 04-25-2010, 02:05 PM
Parent: #4
| Quote: بالليل ما تجي تعمل فيها (((درويش))) |
.. حسع ما إنت غايب ليك يومين في زول سألك ..؟
|
Post: #8
Title: Re: حسع دا أحفظو ليك كيف ..؟
Author: شمائل النور
Date: 04-25-2010, 03:00 PM
Parent: #6
شاحدة الله يا تمبس الهكر يكون فلاتي
ولمزيد من الشفافية والتحول الديمقراطي ، لازم تتهكر تاني
ـ
بالمناسبة الهكر كان كاتب شنو؟؟ أوع يكون إكتسااااااح
|
Post: #9
Title: Re: حسع دا أحفظو ليك كيف ..؟
Author: tmbis
Date: 04-26-2010, 06:13 AM
Parent: #8
| Quote: شاحدة الله يا تمبس الهكر يكون فلاتي |
لييه يعني يا (ميزانيات) فلاتي بالتحديد .. إنت فلاتية واللا شنــو ..؟
..
فعلا الشفافية في الوقت الحالي بتحتم إنو اتهكر .. بعدين شان الامنجية ذاتو يكون نظام التمويه حقهم عالي .. ما كمان ما ممكن يهكرو المناضلين ويخلوني انا لافي ساااي وحــر الكيبورد ..
..
والله ما عارف الزول دا كتب شنو .. لكن انا كنت اونلاين كتبت لي مداخلة .. وكلمت بخاري يجيب لي شاي ونزلت تحت ضربت لي سجارة جيت لقيتني كاتب لي بوستين
عاينت الصفحة الأولى .. لقيت اسمي .. قلت والله تكنلوجيا
|
Post: #10
Title: Re: حسع دا أحفظو ليك كيف ..؟
Author: محمد عبد الماجد الصايم
Date: 04-26-2010, 06:27 AM
Parent: #9
عشان تاني تتشالقوا!!
بعدين يا عمكـ إنت ما عارف المنظر وكـدا!
تقول سريع .. يجيكـ سريع!
تقول الهكر رشاني يا عمكـ .. يجيكـ راجع زي ما هو!
|
Post: #16
Title: Re: حسع دا أحفظو ليك كيف ..؟
Author: tmbis
Date: 04-26-2010, 07:23 AM
Parent: #10
Quote: بعدين يا عمكـ إنت ما عارف المنظر وكـدا!
تقول سريع .. يجيكـ سريع!
تقول الهكر رشاني يا عمكـ .. يجيكـ راجع زي ما هو! |
.. ما تتشالقو والله يا عمك .. ياخ اقوليك انا كنت اونلاين .. بخاري ما جاب الشاي .. مشيت ضربت سجاره .. جيت لقيت فرش المتاع
لكن القوات المتعددة الجنسيات ما قصرت معاي .. غايتو إنت بقيت قاعد في الصقيعة زيي وزيك واحد .. وعامل لي فيها صاحب الهكـر .. ومميزين مع بعض ..
كلم صاحبك دا قوليهو بطل الهظار البايخ دا .. الأيام دي ايام شغل .. بعد الانتخابات دي تنتهي اليجي يشيل العدة دي .. إن شاء الله تضوي ليهو ..
|
Post: #11
Title: Re: حسع دا أحفظو ليك كيف ..؟
Author: عزام حسن فرح
Date: 04-26-2010, 06:29 AM
Parent: #9
tmbis
إزَيك ياخ ... كيف حالك؟ علك طَيِب
أمبارِح سويت لي بوست قدر الضربه ، بطلب فيهو مِن بكري إنو يِعْتمِد لينا عضوية الهكر ده في المنبر ونخلص مِن الحِكاية دي وسألت الهكر ، السميتو < هكرنا > علشان الإخْتِساس يعني ... قُلت ليهو إنت ما تسْتغِل إمْكانِياتك التهكيرِية دي وأعمِل لينا حاجات مُفيدة ... مثلاً هكِر لينا ودالصايِم ده ، مثلاً مثلاً يعني ... وقلت ليهو يا هكرنا ما تكتِب عن الحاجات العاجباك والما عجباك أكان في البلد ولا في الأعضاء ... هسع ده بوست فوقو حاجة؟ أها بعد مُداخلا واحدة مِن ودالصايِم ، البوست مشا الخور ...
والله يا تمبس يا خوي نحنا ما بنتْحمل تهكيرك ، علشان كِده حقو لامِن تجي مِنزِل ليك عمود ترسِل لينا في الخاص وتقول لينا < البوست الفُلاني ده حقي أنا ده ... أدخلوهو آمنين >
أسمع ما كُنت عِندك نية قُبال كمين رُبع كِده ، تجي الدوحة ... ما تجي ياخ ... قُبال رمضان ده يجي يِبشْتِنا
|
Post: #12
Title: Re: حسع دا أحفظو ليك كيف ..؟
Author: محمد عبد الماجد الصايم
Date: 04-26-2010, 06:38 AM
Parent: #11
| Quote: أها بعد مُداخلا واحدة مِن ودالصايِم ، البوست مشا الخور ... |
هع هع هع!
مش كـدا؟
|
Post: #13
Title: Re: حسع دا أحفظو ليك كيف ..؟
Author: عزام حسن فرح
Date: 04-26-2010, 06:43 AM
Parent: #12
تفتكِر دي الجابت خبرو؟ لو كِده كااااااك أخير يا زول ... يِمْكِن تكون عِندها ليهو خلفِيات ... وكِده
|
Post: #14
Title: Re: حسع دا أحفظو ليك كيف ..؟
Author: محمد عبد الماجد الصايم
Date: 04-26-2010, 06:54 AM
Parent: #13
دي معناها رشّو!
|
Post: #15
Title: Re: حسع دا أحفظو ليك كيف ..؟
Author: امير مصطفى احمد
Date: 04-26-2010, 07:04 AM
Parent: #14
Quote:
عليك الله مضروب تلاتة وليك نفس تتحاوم بالليل ..؟ |
والله ماليهو (حمص) يتحاوم بالليل كدا .
احي يا الري .
|
Post: #17
Title: Re: حسع دا أحفظو ليك كيف ..؟
Author: Mohammed Awad
Date: 04-26-2010, 07:33 AM
Parent: #15
احلف يمين الهكر دا يا ليهو علاقة بى ود الصايم والدليل على كدا سحب البوست مباشرة بعد مداخلاتو..
بى دليل السمك بتاعى المالامى فوقو
ــــــ
انطق يامحتال
|
Post: #18
Title: Re: حسع دا أحفظو ليك كيف ..؟
Author: محمد عبد الماجد الصايم
Date: 04-26-2010, 08:07 AM
Parent: #17
السمكـ بلّعوكـ ليهو؟
أوووع تكون شفّطه!
|
Post: #19
Title: Re: حسع دا أحفظو ليك كيف ..؟
Author: tmbis
Date: 04-26-2010, 08:09 AM
Parent: #11
اووو .. كابتن عزام حسن .. مندوبنا السامي في منبر الأمم المتحدة ..
ياخ ما بتقدر تعمل إعادة تدوير للطلب بتاع أخونا محمد الصايم دا بي هناك ..؟
سلامات يا مواطن ..
| Quote: مثلاً هكِر لينا ودالصايِم ده ، مثلاً مثلاً يعني ... وقلت ليهو يا هكرنا ما تكتِب عن الحاجات العاجباك والما عجباك أكان في البلد ولا في الأعضاء ... هسع ده بوست فوقو حاجة؟ أها بعد مُداخلا واحدة مِن ودالصايِم ، البوست مشا الخور ... |
يا عزام .. ياخ البوستات الدسمة الزي دي ما تنزله لما يكون في جفاف في البورد .. البورد يا عزام كان المطرة ما صبت ما تنزل بوست زي دا .. لانو بيزرعو ليك فوقو طوالي بي نظام الدورة الرباعية .. بصورة أوضح:
تنزل البوست قبال ما تعمل ليهو ارسال .. تلقاهو اتلحس .. وفي الحتة دي في تكتيكات ونظام قياسي محدد عشان تعمل بيهو تمويه .. عامل زي نظام اضانك وينا ..
المهم يا عزام .. انا غايتو بحاول اقنع ليك الزول دا .. وندخل معاهو في مفاوضات .. اصلو انا يوم الأربعاء من العصرية بكون بلاطـة .. وبجي يوم السبت ... الصباح .. الفترة دي ما عندي مشكلة يجي يشيل البتاع دا اصلو قاعد سااي في الصقيعة .. يشيل الباص وورد .. يوعمل ليكم فرش متاع ولما يزهج .. يتخارج
اهــا
يوم الخميس دا إنتو جهزو اللقيمات بس .. والكافيار .. وكان عملتو ليهو فطير تكونو ما قصرتو معاهو .. لكن كل واحد يخلي بالو من لغاليغو .. ما تجو تقولو الزول دا تمبس مأجر ليهو شقة مفروشة .. | Quote: والله يا تمبس يا خوي نحنا ما بنتْحمل تهكيرك ، علشان كِده حقو لامِن تجي مِنزِل ليك عمود ترسِل لينا في الخاص وتقول لينا < [red]البوست الفُلاني ده حقي أنا ده[/red] ... أدخلوهو آمنين > |
.. .. والله امبارح يا عزام بعدما رجع الباص وورد .. غلبني اسوي بيهو شنو قربت ارجعو .. قلت كان كتبت لي كلمة في اي مكان يقومو يرجموني ليك .. كان فتحت بوست في اي مكان بيرجموني .. رجم محمد زكريـا .. وأنور التكينة .. عليك الله يا عزام جايب يلنا رمضان حسع مالك .. أديها صنة ؟
موقفني ود الصايم كلما اجي طالع عليكم .. يشبكني ماشي معاك .. القدم ليهو رافع يا عزام قريب بنجيكم إن شاء الله ..
|
Post: #20
Title: Re: حسع دا أحفظو ليك كيف ..؟
Author: عزام حسن فرح
Date: 04-26-2010, 08:37 AM
Parent: #19
tmbis
| Quote: ياخ ما بتقدر تعمل إعادة تدوير للطلب بتاع أخونا محمد الصايم دا بي هناك ..؟ |
طَيِب على الأقل هو يِساعِدني شوية ... مثلاً يِغَير الصورة الفاتِح فوقا فاهو دي ... يِقلِل قدر الإمكان مِن كاكاتو ... كِده يعني
ـــــــــــ
Quote: يا عزام .. ياخ البوستات الدسمة الزي دي ما تنزله لما يكون في جفاف في البورد .. البورد يا عزام كان المطرة ما صبت ما تنزل بوست زي دا .. لانو بيزرعو ليك فوقو طوالي بي نظام الدورة الرباعية .. بصورة أوضح:
تنزل البوست قبال ما تعمل ليهو ارسال .. تلقاهو اتلحس .. وفي الحتة دي في تكتيكات ونظام قياسي محدد عشان تعمل بيهو تمويه .. عامل زي نظام اضانك وينا .. |
بِت الكلِب الزلابِية ... هي الحِكاية كِده؟ أها تاني عينه الخريف برجاها ... والمطره حتْمًا تصُب ويِتْلاطَمن بُرْقاها ... وكِتابتي ، القريب والصديق برعاها ...
ـــــــــــ
| Quote: عليك الله يا عزام جايب يلنا رمضان حسع مالك .. |
غايتو يا حليل أيام زمان كُنت قابِض ليك في < ... وَعَلى الذينَ يُطيقونَهُ فِدْيَةٌ طَعامُ مِسْكين ... > بمشي جامع بحري الكبير وأوزِع ليك قِريشاتي زي الترتيب مِن صباح الرحمن على المساكين بِهِناك ... والله مره سكيتُم ليك عديل كِده علشان أديهُم الفِدية ، هُم يِجرو وأنا أجري ... يِجرو ويتْوقعو ... أقبُض ليك "الكشيف" ده وأحشِر ليهو القُروش في أي فتحه مِن فتحاتو وتسمعني بقول ليهو[ إنت عاوِز تكْتُلني ولا شنو ، أصوم ليك في الحر ده ليه ، ده ما حق الله ، الله يِطلع د**** ياخ ] يا زول والله ظني لو ما رمضان وصلاة العصُر محسي بِختا الفِردوس الأعلى ماف ...
ـــــــــــ
| Quote: موقفني ود الصايم كلما اجي طالع عليكم .. يشبكني ماشي معاك .. |
إنت ما تقول ليهو ماش ناس خالتنا ... برضو حيقول ليك ماش معاك!! طَيِب أقولك ليك قوله ... أقطع عِلاقتك معاهو!
|
Post: #21
Title: Re: حسع دا أحفظو ليك كيف ..؟
Author: داليا الكباشى
Date: 04-26-2010, 08:58 AM
Parent: #20
| Quote: أقطع عِلاقتك معاهو! |
اثـــنـي
|
Post: #22
Title: Re: حسع دا أحفظو ليك كيف ..؟
Author: عزام حسن فرح
Date: 04-26-2010, 09:04 AM
Parent: #21
أها يا تمبس الخميس الجاي كويس ... طَيِب نحنا مُنتظِرِنك
|
Post: #25
Title: Re: حسع دا أحفظو ليك كيف ..؟
Author: tmbis
Date: 04-27-2010, 11:56 AM
Parent: #22
.. | Quote: أها يا تمبس الخميس الجاي كويس ... طَيِب نحنا مُنتظِرِنك |
بعد التثنية دي يا عزام أنا الخميس الجاي مرتبط
|
Post: #23
Title: Re: حسع دا أحفظو ليك كيف ..؟
Author: tmbis
Date: 04-27-2010, 08:10 AM
Parent: #20
| Quote: طَيِب على الأقل هو يِساعِدني شوية ... مثلاً يِغَير الصورة الفاتِح فوقا فاهو دي ... يِقلِل قدر الإمكان مِن كاكاتو ... كِده يعني |
وإنت الصادق يا عزام .. صورتو د الجابت ليهو الجلا .. أنا كلمتو لكن ما بيسمع الكلام .. أنا ضد فكرة تغيير الصورة يا عزام . لكن على الاقل يخت ليهو قلم في جيبو .. يا في اضانو بيكون كويس. | Quote: بِت الكلِب الزلابِية ... هي الحِكاية كِده؟ أها تاني عينه الخريف برجاها ... والمطره حتْمًا تصُب ويِتْلاطَمن بُرْقاها ... وكِتابتي ، القريب والصديق برعاها ... |
.. بس يا عزام ما تزرع بالليل .. أزرع بالنهار العين بتشوف .. في ناس هنا بالليل بتعفص الخدار .. تزرع بالنهار وعيشك يلبن اليوم كلوو .. يلم فيك واحد بالليل شديد بعد المطرة تقيف والهمبريب يضرب .. يجيب بهايمو ويدخل جرفك .. أخوك الأسبوع الفات لما ليك فوقو طير .. وضبان .. وابوجركم .. نشف ريقو .. لحدت الآن بنرشرش فوقو بالطيارة .. .. | Quote: غايتو يا حليل أيام زمان كُنت قابِض ليك في < ... [U]وَعَلى الذينَ يُطيقونَهُ فِدْيَةٌ طَعامُ مِسْكين[/U] ... > بمشي جامع بحري الكبير وأوزِع ليك قِريشاتي زي الترتيب مِن صباح الرحمن على المساكين بِهِناك ... والله مره سكيتُم ليك عديل كِده علشان أديهُم الفِدية ، هُم يِجرو وأنا أجري ... يِجرو ويتْوقعو ... أقبُض ليك "الكشيف" ده وأحشِر ليهو القُروش في أي فتحه مِن فتحاتو وتسمعني بقول ليهو[ إنت عاوِز تكْتُلني ولا شنو ، أصوم ليك في الحر ده ليه ، ده ما حق الله ، الله يِطلع د**** ياخ ] يا زول والله ظني لو ما رمضان وصلاة العصُر محسي بِختا الفِردوس الأعلى ماف ... |
... .. غلطان بس .. وبتودر فوق قروشك ساااي .. يازول جامع بحري شنو البترشيهم .. ياخ انا كان عندي زباين .. ديل الواحد بصوم تلاتة ايام وراء بعض .. تلاتة ايام يلصقم ليك مع بعض .. وكت الفطور زاتو لما يجي .. الفطور زاتو روحو تحرقو تقولي جامع بحري ..؟
مرة يا عزام كنت مسافر في طريق وعـر جدا .. وراكب لوري وشاحن معاي حاجات عجيبة .. وعامل فيها الود صايم .. يازول الساعة حداشر بالنهار جات .. وانا قعدت اتململ .. وحاس بي راسي كل مرة ماشي كبير .. وبطني هتفت .. اعاين لي اشكال الناس دي وهم معلقين في اللوري زي الراكبين في اللوفتهانزا .. وماف اي زول شايل معاهو ساندوتشات هو اصلو ساندوتشات في الحتات ديك كان لقوك شايله .. احتمال كبير يرجموك من مسافة قريبه .. المهم اتذكرت ليك إنو في الشنطة في فول (حاجات) فول مدمس .. فتحت الشنطة وطلعت الفول بلاي أول تلاتة اربعة حبات .. وقبل ما اقرشم كويس .. الشباب ديل قربو يرموني من اللوري .. .. تقولي المحس؟؟
| Quote: إنت ما تقول ليهو ماش ناس خالتنا ... برضو حيقول ليك ماش معاك!! طَيِب أقولك ليك قوله ... أقطع عِلاقتك معاهو! |
.. يازول اقطع علاقتي معاهو كيف ..؟ الزول دا حاليا عندو كل مقومات الحياة .. عايز ليهو شوية برمجه .. رمضان جاي .. يعني تحنكو شوية .. احتمال تدرع فوقو تلاتة اسابيع .. والأسبوع الأخير دا تتمو نوم وجغيمات وضو
|
Post: #24
Title: Re: حسع دا أحفظو ليك كيف ..؟
Author: وليد عبد اللطيف
Date: 04-27-2010, 08:37 AM
Parent: #23
ود الصايم .... ياعمك
تمبس اصبح زي لعيبة البرازيل
ياخي نفتش لينا سنه (حول ) مع بكري ابوبكر يرجع لينا دكتورة مريم عبد الله
(الريحه سابرينا ... والعربة كارينا )
وحسب العولمة اصبحت الكارينا شيء تاني
غايتو ياود الصايم الله ليك ولينا
|
Post: #26
Title: Re: حسع دا أحفظو ليك كيف ..؟
Author: tmbis
Date: 04-27-2010, 12:49 PM
Parent: #24
Quote: ود الصايم .... ياعمك
تمبس اصبح زي لعيبة البرازيل
ياخي نفتش لينا سنه (حول ) مع بكري ابوبكر يرجع لينا دكتورة مريم عبد الله |
.. والله يا وليد انا لا (كاكا) ولا حاجة .. لكن بس شهيد واجب .. عشان كدا وجب التعامل معاي كاسير حرب .. قبل الاستشهاد
ياخ انا كنت اونلاين كتبت لي مداخله ومشيت خمسة دقايق جيت لقيت فاتح لي تلاتة بوستات ..
غايتو البركة زي ما قلت ليك في اصحابنا الخواجات .. لحقونا وفزعونا ..
|
Post: #28
Title: Re: حسع دا أحفظو ليك كيف ..؟
Author: داليا الكباشى
Date: 04-28-2010, 08:26 AM
Parent: #26
لــو سمحتا يا سيد البوست ..
عندنا رد فوق ما اشتغلتا بيـهو ..
اديتنـا الليل ياخ
|
Post: #29
Title: Re: حسع دا أحفظو ليك كيف ..؟
Author: بشير أحمد
Date: 04-28-2010, 09:21 AM
Parent: #28
الاخ/علاء الدين
تحياتي؛؛؛
تعرف انا ولا بحفظ ولاحاجة ؛عندي دفتر ورقو من نوعية A4
الصفحة الاولي اتملت ؛كلما اغير واحدة فيهن بشطب الفوق ليها
ومشفرة بالعربي ابليس ذاتو ما بعرفها بتظهر بالشكل ده
يعني لو في زول فتح الدفتر ده مابيعرف اي حاجة وبيقول
ده مجنون ولا شنو ؛
اقول ليك حاجة انا تلفون المدام ما حافظو تقول لي يحفظوها كيف؟
|
Post: #35
Title: Re: حسع دا أحفظو ليك كيف ..؟
Author: tmbis
Date: 04-28-2010, 12:13 PM
Parent: #29
| Quote: ومشفرة بالعربي ابليس ذاتو ما بعرفها |
تعرف يا دكتور بشير .. أهم حاجة شنو؟
تبعد النار من البنزين ..
التشفير دا دخلني في حتة ضيقة جدا بعدما جيت من السودان ..
بطاقات البنك ..
عملت فيني عملية عجيبة جدا .. لانو قاعد اعتمدذ على الحفظ بس .. بعمل حاجات معقدة ومشفرة بي جملة واحده .. بيكون ليها علاقة كلام الطير في الباقير بي باقي الرقم الجواني ..
وقفت في الصراف وقدرما حاولت اتذكر غلبني ..
استعنت بي صديق غلبني ..
استعنت بي زوجة برضو غلبني
تخيل بعد يوم كامل حتين قدرت اتذكر والحمد لله ..
تاني قررت إنو كل شي مشفر .. لازم تدخلو في حته اكتر تشفيرا .. لكن تكون قريبه ليك وفي متناول يدك
حسع عندي نوته صغيرة .. لكن اقوليك حاجة ..؟ حسع دي من شدت إنها ما مشفرة .. ما عارف رميته وووين ذاتووو
| Quote: اقول ليك حاجة انا تلفون المدام ما حافظو تقول لي يحفظوها كيف؟ |
..
والله حريات عجيبة خلاص .. بختك لا تحظى بي رقابة لصيقة .. والله في اقاليم مناخية أخرى كلامك دا لو اتقال .. القالو بيدفع التمن غالي خلاص ..
|
Post: #30
Title: Re: حسع دا أحفظو ليك كيف ..؟
Author: tmbis
Date: 04-28-2010, 09:52 AM
Parent: #28
Quote: لــو سمحتا يا سيد البوست ..
عندنا رد فوق ما اشتغلتا بيـهو ..
اديتنـا الليل ياخ |
.. إنت يا ما ست البوست .. بتكتبي وتمسحي شنو بي ورا الواحد ..؟
يعني الواحد يركب ليك الكاميرا .. المركبه الايامات دي في اشارات المرور عندنا ..؟
اعتبري نفسك مركبة ليك كاميرا ديجيتال عشرين ميغا بيكسل .. اسوة بي ناس الليل
للضمان كدا أنا بكتب ليك رد على ردك الفوق .. وبديها صنة شوية .. وبمسح ..
معاك كاميرا ..؟
|
Post: #31
Title: Re: حسع دا أحفظو ليك كيف ..؟
Author: داليا الكباشى
Date: 04-28-2010, 10:02 AM
Parent: #30
Quote: ارهــــــــــاب ..!!
دا اسمـو ارهـاب ..!!
وين الديموقراطيه ..؟؟
من حق المواطن انو يمسح اي حاجه داير يمسحهـا..
على كيفــو ..
موش في ديموقراطيه وحبر واكتساح وكـدا ..؟؟
----------
لو سمحتا يا زميل البورض في زول عندو ليك استفسار في البوست حقي داك تعال رد عليهو ..
حاجه عجيبه خلاس ..
تمشي اي حته يقولوا ليك تمبس كيـف..؟؟
تجي تفتح بوست بي اسمك يسألو تمبس في بوستيك ..
والله الواحد حقو يعمل ليهو بورض براهـو ويديك باسويرد ويسحبو منك تاني يوم |
يعنـي الواحـد يقعد يضاير في البوست كـدا ؟؟
للضمان كدا ما عندي كاميرا .. عشان كدا بالله رد لينا هنا
ورد للناس الراجينك في بوست (التونك) اقصد .. (الكارينـا) ديلاك ..
نفسي بس افهم .. البوست داك موش حقي..؟؟ الناس يكتبو ليك فيهو ليه ..؟؟
|
Post: #32
Title: Re: حسع دا أحفظو ليك كيف ..؟
Author: MOHAMMED ELSHEIKH
Date: 04-28-2010, 10:20 AM
Parent: #31
هو الحاصل شنو؟؟؟؟
يا خي انا قبل فترة لقيت نفسي رادي على كل البوستات الفي الصفحة الأولي و الله اسمي دا لقيتو ليك هبطرش و بالأحمر تقول بس هشام هباني.
الغريبة كل الردود لقيتها ما بطالها بتتماشى مع الخط السريالي بتاعى
|
Post: #34
Title: Re: حسع دا أحفظو ليك كيف ..؟
Author: tmbis
Date: 04-28-2010, 10:55 AM
Parent: #32
Quote: هو الحاصل شنو؟؟؟؟
يا خي انا قبل فترة لقيت نفسي رادي على كل البوستات الفي الصفحة الأولي و الله اسمي دا لقيتو ليك هبطرش و بالأحمر تقول بس هشام هباني. |
.. والله يا محمد الشيخ المسالة دي عادية في الآونة الأخيرة ..
تكون قاعد قدام الجهاز فجاة تلقى نفسك رادي .. ومستلم البورد على حسابك ..
تعاين يدينك تلقاهم قاعدات ولا متحركات ..
غايتو بجيك احساس كدا إنك قاعد ساااي في البورد دا .. وما ناقش ابو النوم ..
|
Post: #33
Title: Re: حسع دا أحفظو ليك كيف ..؟
Author: tmbis
Date: 04-28-2010, 10:50 AM
Parent: #31
Quote: وين الديموقراطيه ..؟؟
من حق المواطن انو يمسح اي حاجه داير يمسحهـا..
على كيفــو ..
موش في ديموقراطيه وحبر واكتساح وكـدا ..؟؟ |
.. أول حاجة يجب إنك تعرفي إنو ردك دا ,, سقط سهوا نتاج .. خطأ فني زي ما قلنا قبل كدا .. يعني لو كان خجيت البوست دا من أولو كان احتمال كبير اشوف ديمقراطيتك دي والحبر الظاهر في اصبعي ..
المهم ..
بعد مراجعة الرد .. اتضح إنو المسح .. وتعديل ارمز الخاص بيك .. ما بيشكل خطورة بالغة في مسيرة التحول الديمقراطي .. باعتبارك رفقه مأمونة ..
الديمقراطية .. تحتاج للكثير من الممارسات والنقد الذاتي .. يعني بي صورة أوضح .. لما تمسحي حاجة اعملي نقد وطلعي بيان تبريري .. للمسح ..
انا جني وجن المسح دا .. والله بتعبني ليك نفسيا بشكل
Quote: لو سمحتا يا زميل البورض في زول عندو ليك استفسار في البوست حقي داك تعال رد عليهو ..
حاجه عجيبه خلاس ..
تمشي اي حته يقولوا ليك تمبس كيـف..؟؟
تجي تفتح بوست بي اسمك يسألو تمبس في بوستيك ..
والله الواحد حقو يعمل ليهو بورض براهـو ويديك باسويرد ويسحبو منك تاني يوم |
.. بعد مراجعة البوست المذكور .. اتضح إني مكبر اللفة .. كتابة الليل بتفرق من كتابة النهار ..
بوستيكم داك يكتبو ليكم فوقو بالليل بس .. عشان الواحد يكون داخل المود ..
إنتو مودكم بي فليل .. بيكون احسن من مودنا بالنهار ..
عليك الله تمبس عامل كيف ..؟
|
Post: #36
Title: Re: حسع دا أحفظو ليك كيف ..؟
Author: عمران حسن صالح
Date: 04-28-2010, 12:51 PM
Parent: #33
حولااااااااااااااااااااااااااااااااااااااااااا
شوفو اليغيب تاني
___________________
 ودي لي بتاع البريد المستعجل
|
Post: #37
Title: Re: حسع دا أحفظو ليك كيف ..؟
Author: tmbis
Date: 04-28-2010, 01:01 PM
Parent: #36
Quote: حولااااااااااااااااااااااااااااااااااااااااااا
شوفو اليغيب تاني |
... والله الخوف يا عمران .. تغيب تجي تلقى خحبرك هنا دا .. مالي الصفحة الأولى كلها ارقام واعداد
يازول البلد دي اليومين دي مخجوجة خج شديد ..
|
Post: #38
Title: Re: حسع دا أحفظو ليك كيف ..؟
Author: MOHAMMED ELSHEIKH
Date: 04-28-2010, 07:39 PM
Parent: #37
Quote: تكون قاعد قدام الجهاز فجاة تلقى نفسك رادي .. ومستلم البورد على حسابك ..
تعاين يدينك تلقاهم قاعدات ولا متحركات |
طيب عرفنا الحبيب د. مصطفى محمود عندو auto reply نحن العندنا دا يقولو عليهو شنو؟ اندراوة؟
|
Post: #39
Title: Re: حسع دا أحفظو ليك كيف ..؟
Author: عمران حسن صالح
Date: 04-28-2010, 09:19 PM
Parent: #38
| Quote: وإنت يا الرقييق لقيته حواشة وضريت عيشك ..؟؟ |
تعرف يا تمبس لامن كنا (صُغار ) في كسلا كنا زي السعوديين ، ننتظر الصيف عشان نتخارج للخرطوم " مع الاختلاف انو السعوديين بكونوا دايرين يتخارجو من البلد كلها .
أها في نوع خرطوم كده كنا بنسمع بيها سمع ، يعني ما في حاجة كانت بتودينا الرياض ولا المنشية بي فهم الترطيبة وكده ، ناس الموردة والعباسية كانوا طريقنا لي بانت في أم درمان ( كلو كان عندنا خرطوم ) ، كان فهمنا انو ناس الخرتوم ديل أسياد الحنكشة ، وكلام زي حقكـ الفوق ده ما مرَ بيهم
المهم يا اللخو دحين كلامكـ الفوق ده تعال أشرحو لينا و أحلف انكـ ترباية الخرطوم " طلعت أقاليم أكتر مننا "
Quote: وكلمت بخاري يجيب لي شاي ونزلت تحت ضربت لي سجارة جيت لقيتني كاتب لي بوستين
عاينت الصفحة الأولى .. لقيت اسمي .. قلت والله تكنلوجيا |
تكنلوجيا ساي ؟؟
ياخي شكلو مستنيكـ بس تشرب شاي بخاري (وسيجارتكـ ) وتجي تلقى النبق مدفق ( انعل أبو القوقل إيرث زاتو ياخي )
| Quote: والله حريات عجيبة خلاص .. بختك لا تحظى بي رقابة لصيقة .. والله في اقاليم مناخية أخرى كلامك دا لو اتقال .. القالو بيدفع التمن غالي خلاص .. |
| Quote: عليك الله تمبس عامل كيف ..؟ |
الموضوع ده شايفو كتر شكلو محتاج ليهو لجنة لترسيم الحدود
|
Post: #40
Title: Re: حسع دا أحفظو ليك كيف ..؟
Author: محمد زكريا
Date: 04-29-2010, 00:33 AM
Parent: #39
تسجيل مرورسريع........وعلي سفر
العفو
======
ح اغيب فتره.........ما ح اوري اي وش
|
Post: #41
Title: Re: حسع دا أحفظو ليك كيف ..؟
Author: ALMURADABI
Date: 04-29-2010, 04:33 AM
Parent: #40
علاء الدين ود حلتنا ياخ معقولة بس وكابو لاعب ؟
انا خايفك تكون ما تهكرتا دي مزازاة العرس بتبداء كده في الاول(واسأل مجرب )
لكن يا اخوي المرحلة دي جاتك بدري نحن غايتو جاتنا بعد 5 سنوات
|
|